Saudia Arabia yaishambulia Hospitali nchini Yemen

...

INNOCENT-THE BLOGGER-BOY

Ndege za kivita za Saudi Arabia zimeshambulia hopistali inayomilikiwa na Ujerumani huko katika mkoa wa Hajjah kaskazini magharibi mwa Yemen. 

Kanali ya habari ya al Masirah imetangaza leo kuwa watu kadhaa wameuawa na kujeruhiwa kwenye shambulio hilo. 

Mashambulizi ya anga ya Saudia pia yamekilenga kituo cha anga cha al Deylami katika mji mkuu wa Yemen San'aa huku watu walioshuhudia kwa macho mashambulizi hayo wakisema kuwa milipuko mikubwa ilijiri kufuatia mashambulizi hayo ya Saudia.

Mbali na kuishambulia hospitali hiyo inayosimamiwa na Ujerumani, ndege za kivita za Saudi Arabia leo pia zimekishambulia kituo cha jeshi na jengo moja la serikali ya Yemen katika mkoa wa Ibb kusini magharibi mwa nchi hiyo. 

Hata hivyo hakuna taarifa zozote zilizotolewa kuhusu maafa na hasara zilizosababishwa na hujuma hiyo ya Saudia. 

Wayemeni 120 waliuliwa jana pekee ikiwa ni katika kuendelea hujuma za kijeshi za Saudi Arabia dhidi ya raia wasio na hatia wala ulinzi wa Yemen.

Chanzo kiswahili.irib.ir