Vahid Halilhodzic
Kocha wa Algeria Vahid Halilhodzic amejiuzulu licha ya ombi la binafsi kutoka kwa rais Abdelaziz Bouteflika akimsihi asijiuzulu.
Vahid ambaye amekuwa Kocha wa timu ya Algeria kwa takriban miaka mitatu na hapo awali meneja wa timu ya Ivory Coast, alikataa ombi hilo akidai kuwa kuna changamoto za kimichuano.
Vahid ambaye ni mzaliwa wa nchi ya Bosnia aliifikisha timu hiyo katika hatua ya mtoano katika michuano ya kombe la dunia.
Timu ya Algeria baada ya kuilaza South Korea mabao manne kwa mawili, ilikuja kupata kipigo cha mabao mawili kwa moja dhidi ya timu ya Ujerumani na hivyo kutolewa kwenye michuano hiyo.
Hapo awali, katika michuano ya kufungua ligi ya kombe la dunia Algeria ililazwa mabao mawili kwa moja dhidi ya Belgium, na kutoka sare ya bao moja kwa moja dhidi ya Urusi na kufuzu kwenda raundi ya pili.
0 comments:
Post a Comment