PICHA: Azam FC wameiadhibu Yanga kwa mikwaju ya penati na kutwaa Ngao ya Hisani

...

August 17 2016 kuelekea kuanza msimu mpya wa Ligi Kuu soka Tanzania bara uwanja wa Taifa Dar es Salaam ulichezwa mchezo wa Ngao ya Hisani kati ya Mabingwa wa Ligi Kuu msimu wa 2015/2016 klabu ya Dar es Salaam Young Africans na mshindi wa pili wa Ligi Kuu Azam FC hiyo ikiwa ishara ya kukaribia kuanza kwa msimu mpya wa Ligi.

Katika mchezo huo ambao dakika 45 za kwanza zilikuwa zinaonesha kuna kila dalili ya Yanga kuondoka na Ubingwa wa Ngao ya Hisani, umemalizika kwa Azam FC kuibuka na ushindi wa mikwaju ya penati 4-1, hiyo inatokana na mchezo huo kumalizika kwa sare ya goli 2-2.

Kipindi cha kwanza kilikuwa kizuri kwa Yanga baada ya dakika ya 20 Donald Ngoma kupachika goli la kwanza kwa mkwaju wa penati na dakika 2 baadae kuongeza goli la pili kwa kutumia vyema pasi ya Amissi Tambwe, kipindi cha pili ndio Yanga waliendelea kumiliki mpira na kila mtu akiamini mchezo utamalizika hivyo.

Dakika ya 74 Azam FCwalipata goli kupitia kwa Shomari Kapombe lakini kujisahau kwa Yanga walijikuta wakisababisha penati na John Bocco akaisawazishia Azam FC katika dakika za nyongeza, kwa upande wa mikwaju ya penati zilipigwa na John Bocco, Shomari Kapombe, Himid Mao na Kipre Bolou wakati za Yanga zilipigwa na Deogratus Munish huku Haruna Niyonzima na Hassan Kessy walikosa.

GOAL AND HIGHLIGHTS: Yanga vs MO Bejaia August 13 2016, Full Time 1-0