ASKOFU AMPA LIVE MAGUFULI ' BABA DEMOKRASIA,WATANZANIA WENGI WANA HOFU'

Rais John Magufuli ameshauriwa ‘kulegeza’ kidogo demokrasia ili Watanzania wapate afueni kutokana na sasa kujaa hofu.

Akizungumza kwenye kikao kati ya Rais Magufuli na viongozi wa dini leo Jumatano tarehe 23 Januari 2019 Ikulu jijini Dar es Salaam, Askofu wa Kanisa la Kiinjili la Kilutheri Tanzania (KKKT), Amani Lyimo amesema, hata kama haambiwi ukweli ni kwamba, Watanzania wana hofu.

“Mhe. Rais, unafanya kazi nzuri sana lakini baba demokrasia, Watanzania wengi wana hofu, hata kama huambiwi na watendaji wako.

“Wengi hawathubutu kuzungumza kwa kuwa wana hofu. Kwa hiyo kama kunauwezekano baba waachie pumzi kidogo wazungumze,” amesema Mchungaji Aman Lyimo.

Ingawa Askofu Lyimo hakutaja kundi alilokusudia kwamba linabanwa lakini maelezo yake yaliyofuata yalionesha kukusudia wanasiasa.

“Watanzania hawatachagua maneno bali watachagua utendaji kazi. Kwa kuwa wewe ni mchapa kazi, watachagua kazi zako badala ya maneno,” amesema Askofu Lyimo.

Via Mwanahalisionline

Read More →

AUAWA KWA KUKATWA PANGA NA MUMEWE KISA ADA YA SHULE

MAUAJI – KYELA.

Mnamo tarehe 21.01.2019 majira ya saa 00:15 usiku wa kuamkia leo huko Hospitali ya Wilaya ya Kyela, Wilaya ya Kyela na Mkoa wa Mbeya. HAWA KAMWELA [27]  mkazi wa kijiji cha Busale,  Kata ya Busale, Tarafa ya Unyakyusa, Wilaya ya Kyela na Mkoa wa Mbeya alifariki dunia baada ya kushambuliwa kwa kukatwa kwa panga sehemu mbalimbali za mwili wake na mume wake  aitwaye ZAWADI KYEJO, mkazi wa Kijiji hicho cha Busale.

Uchunguzi wa awali unaonyesha kuwa chanzo cha tukio hilo ni ugomvi baina ya wanandoa hao baada ya mtuhumiwa huyo kukataa kutoa ada ya shule ya mtoto wao aitwaye SYLIVESTER ZAWADI aliyefaulu mtihani wa darasa la saba mwaka 2018.  Mbinu iliyotumika ni kumvizia marehemu huyo akiwa amelala na kumshambulia kwa panga. Msako mkali wa kumtafuta na kumkamata mtuhumiwa huyo  ili kumfikisha katika vyombo vya sheria unaendelea.

MAUAJI – KYELA.

Mnamo tarehe 19.01.2019 majira ya saa 11:03 asubuhi huko kituo cha afya Ipinda, Kata ya Ipinda , Tarafa ya Unyakyusa, Wilaya ya Kyela, Mkoa wa Mbeya. MUSSA KATINA [35], mkazi wa Kijiji cha Mwaigoga alifariki dunia akiwa anapatiwa matibabu kwenye kituo hicho cha afya kutokana na kukatwa katwa na panga kichwani na sehemu nyingine za mwili wake na LWITIKO MWAKAROBO [50] mkazi wa Ipanda, Tarafa ya Ntebela.

Marehemu huyo ni mdogo wa mtuhumiwa huyo wakiwa ni ndugu waliozaliwa na mama na baba mmoja. Kiini cha tukio hilo bado hakijafahamika mpaka sasa. Mbinu iliyotumika ni kumvizia marehemu huyo na kumshambulia ghafla kwa kumkata panga kichwani, Mwili wa marehemu  umehifadhiwa katika chumba cha maiti hospitali ya Wilaya Kyela ukisubiri uchunguzi wa kitabibu. Mtuhumiwa amekamatwa. Upelelezi unaendelea.

KUINGIZA BIDHAA NCHINI BILA KULIPIA USHURU.

Jeshi la Polisi Mkoa wa Mbeya linawashikilia watu wawili [02] 1. LEAH MWAKAJILA [42] Mkazi wa Uyole na REHEMA MATOLA [42] Mkazi wa Kiwira wakiwa na vitenge doti 72 toka nchini malawi wakiviingiza nchini bila kulipia ushuru.

Watuhumiwa walikamatwa tarehe 21.01.2019 saa 14:30 mchana huko katika Road Block Kayuki, Kata ya Ilima, Tarafa ya Pakati, Wilaya ya Rungwe, Mkoa wa Mbeya. Upelelezi unaendelea na mara baada ya kukamilika watuhumiwa watafikishwa Mahakamani.

KUINGIZA VIFARANGA NCHINI VILIVYOPIGWA MARUFUKU.

Jeshi la Polisi Mkoa wa Mbeya linamshikilia Mwalimu wa Shule ya Sekondari Tukuyu iliyopo Wilaya ya Rungwe aitwaye MICHAEL PASCHAL [50] mkazi wa msasani akiwa na vifaranga box 04 sawa na vifaranga 400 toka nchini malawi vilivyopigwa marufuku kuingizwa nchini .

Mtuhumiwa alikamatwa tarehe 19.01.2019 saa 15:00 alasiri huko katika road block Kayuki, Kata ya Ilima, Tarafa ya Pakati, Wilaya ya Rungwe, Mkoa wa Mbeya akiwa na vifaranga hivyo, akiviingiza nchini kinyume cha sheria. Mtuhumiwa atafikishwa Mahakamani mara baada ya upelelezi kukamilika.

Read More →

KAULI YA ASKOFU GWAJIMA KWA RAIS MAGUFULI LEO

Leo Januari 23, 2019 Rais wa Jamhuri ya Muungano wa Tanzania Dkt. John Pombe Magufuli amekutana na viongozi mbalimbali wa Dini Ikulu Dar es Salaam na kuongea nao.

Askofu Mkuu wa Kanisa la Ufufuo na Uzima, Josephat Gwajima alipata nafasi ya kusimama na kuongea mbele ya Rais Magufuli.

“Mchungaji Lyimo ameshauri ziwekwe sheria ili madhehebu yapungue, mimi nina mawazo tofauti na yeye, ukiangalia baa zipo nyingi hadi wengine wananywea chini ya mti, na pombe imesemwa kwenye vitabu vya dini siyo nzuri kwetu sote, Wakristo na Waislam.

“Pale Uwanja wa Ndege wa Kimataifa wa Julius Nyerere Dar kuna msikiti kwa ajili ya Waislam, nilikuwa naomba pia kujengwe pia Kanisa kwa ajili ya Wakristo kuabudu ili kuleta usawa. Suala la kuabudu ni muhimu sana katika mazingira ya kazi.

“Nakupongeza sana, umefanya jambo ambalo halijawahi kutokea katika historia, tumekuja kwa pamoja na kwa upendo kujadili mambo ya mbalimbali ya nchi Mungu atakusaidia sana na kukuinua sana katika utawala wako” , amesema Askofu Josephat Gwajima.

Read More →

ASKOFU MWINGIRA : MIPANGO MIJI NI YA MUNGU,MIVURUGANO NI YA SHETANI

Leo Januari 23, 2019 Rais wa Jahmuri ya Muungano wa Tanzania Dkt. John Pombe Magufuli amekutana na viongozi mbalimbali wa Dini Ikulu Dar es Salaam na kuongea nao.

Mchungaji Josephat Mwingira alipata nafasi ya kusimama na kuongea mbele ya Rais Magufuli. 

“Mipango miji ni ya Mungu, mivurugano ni ya shetani, tuwe na mpango mkakati wa muda mrefu mathalani wa miaka 50 katika Miundombinu ili tusiwavunjie vunjie wananchi nyumba zao kila wakati, tuna Wataalam tuliowasomesha kwa nini hili linaendelea? tuliangalie hili.” Amesema Mchungaji Josephat Mwingira.

Ameendelea kusema; “Suala la Wakuu wa Wilaya kutoa amri ya kuwaweka watu ndani wakiwemo Viongozi wa dini, unamweka Kiongozi ndani hii inanipa shida kidogo, je wanataka tuichukie Serikali yetu? Naomba wakuu hao wasipewe mamlaka hayo, wanaitia aibu Serikali kwa kudhalilisha watu. 

“Mimi nina ushahidi, kule Sengerema Mchungaji wangu aliswekwa ndani na Kanisa likabomolewa, sasa nikajiuliza hii maana yake nini? Wakuu wa Wilaya wana madaraka yaliyopitiliza, wanaitia aibu Serikali.” 

“Mhe. Rais, samahani kwa kusema umechelewa kidogo kutuita, ninashauri tu kwamba kabla haujazipeleka sera zako, ni vizuri tukae pamoja na kujadili kwa sababu ukiwa peke yako inakuwa vigumu sana.” Amemalizia kusema Mch. Josephat Mwingira.

Read More →

KEMBAKI ATIMIZA AHADI YAKE MABATI 50 UJENZI WA MADARASA SHULE YA SEKONDARI NYAMISANGURA.

Na Frankius Cleophace Tarime. Aliyewahi kuwa mgombea ubunge Jimbo la Tarime Mjini kupitia CCM Michael Kembaki amezidi kutekeleza ahadi zake ambapo hii leo ametoa mabati 50 aliyokuwa amehaidi 2015 wakati wa kampeini za uchaguzi Mkuu. Akikabidhi bati hizo kwa niaba ya Kembaki Katibu wa CCM Wilaya ya Tarime Hamis Mkaruka alisema kuwa Kembaki ametoa fedha taslimu Kiasi cha Shilingi Mill 1.2 kwa ajili ya ununuzi wa bati hizo 50 ambazo alihaidi kipindi cha Kampeni mwaka 2015 . “Kembaki ameweza kutimiza ahadi yake ya bati 50 ambazo alitoa ahadi kipindi akigombea…

Source

Read More →

WADAIWA KUINGIZIWA CHUPA NA RUNGU SEHEMU ZAO ZA SIRI

Kituo cha Sheria na Haki za Binadamu (LHRC) na Mtandao wa Watetezi wa Haki za Binadamu, kimesema watuhumiwa watano waliokamatwa na polisi wilayani Ngorongoro waliteswa, kupigwa na kuingiziwa chupa sehemu za siri. 

Aidha, watu hao waliteswa kwa madai ya kuiba mali za watalii kwenye kampuni ya Simba B, ambayo baadhi wanafanyia kazi na walikaa kwenye kituo cha polisi kwa siku 15.

Watuhumiwa hao ambao walirekodiwa kwa video wakieleza yaliyowakuta na kuonyeshwa mbele ya waandishi wa habari ni Peter Orkery, Musa Yahya, Kayanda Kisoki, Zakaria na Francis Arusha.

Kutokana na hali hiyo, wanaharakati hao wametangaza kuanzisha mpango wa kuwasaidia watuhumiwa wote wanaoteseka kwenye vituo vya polisi, kupaza sauti kupitia mitandao ya kijamii, ili kuwashinikiza polisi kuacha unyanyasaji wa raia.

Wakizungumza na waandishi wa habari, Mratibu wa THRDC, Onesmo Olengurumwa, Ofisa Programu wa LHRC, Paulo Mikongoti na Mtafiti wa LHRC, Tito Magoti, walisema matukio ya watu kuteswa, kujeruhiwa, kuuawa na kunyimwa haki zao wakiwa mikononi mwa polisi, yanaongezeka kila siku nchini.

“Tukichukua mfano wa tukio la Loliondo awali watu sita waliteswa na walikaa kituoni kwa zaidi ya siku saba na kuachiwa bila kufunguliwa kesi. Sasa kuna watu watano nao wamekaa vituo tofauti vya polisi kwa siku 15 na hawajafikishwa mahakamani na sasa wanauguza majeraha makubwa yaliyogharimu afya zao,” alisema Mikongoti.

Alisema walipokamatwa na polisi walichukuliwa kwa ajili ya kutoa maelezo walipofika kituoni walifungwa kamba mikononi na miguuni kisha wakatundikwa juu na kuanza kupigwa hadi miguu kupasuka.

“Baada ya mahojiano watuhumiwa walidai kufanyiwa ukatili wa kutisha kwa kuingiziwa rungu za polisi na chupa sehemu za haja kubwa na kutakiwa kunusa. Hali zao ni mbaya na wengine bado wanauguza majeraha yaliyotokana na vipigo na ukatili waliofanyiwa na askari wa polisi kituo cha Loliondo,” alisema Mikongoti.

Alisema baada ya kukamatwa Desemba 21, mwaka jana na kukaa mahabusu kwa siku 15 bila kuonana na ndugu zao, miguu ya baadhi ya watuhumiwa ilianza kuoza wakapelekwa mahakamani Januari 4, baadaye walilazwa hospitali ya Wasso kwa ajili ya matibabu na walifanyiwa upasuaji kwenye miguu na kutolewa usaha uliokuwapo kwenye miguu.

SOMA ZAIDI HAPA

Via Nipashe

Read More →

KOCHA SIMBA ATEMA BEKI NA MSHAMBULIAJI

Kocha Patrick Aussems

Kocha Mkuu wa klabu ya Simba, Patrick Aussems amesema hajawajumuisha wachezaji wake wawili katika kikosi cha wachezaji 23 wanaojiandaa na michuano ya SportPesa.

Aussems amesema kuwa amemwacha mchezaji Yusuph Mlipili pamoja na Adam Salamba ili kuwapa nafasi wachezaji wawili waliokuja kwaajili ya majaribio, ambao atawatumia katika michuano hiyo ya SportPesa.

"Nilichokisema toka mwanzo ni kuwa katika michuano ya SportPesa tutaruhusu wachezaji watatu au wanne kwaajili ya majaribio na wapo hivi sasa katika kikosi chetu cha wachezaji 23", amesema Aussems.

"Katika kundi letu la wachezaji 23, tumewaacha wachezaji, Yusuph Mlipili pamoja na Adam Salamba", ameongeza kocha huyo.

Pia kocha huyo amesema kuwa timu yake inakabiliwa na michezo mingi hivi sasa na hakuna namna zaidi ya kupambana na kushinda, ambapo itacheza mchezo mmoja kila baada ya siku tatu.

"Tuna michezo 14 inatukabili, na baadhi ya klabu katika ligi zimeshacheza michezo 22 kwahiyo inamaanisha ni tofauti ya michezo 8, inaogopesha na inabidi TFF ifanye utaratibu wa kurekebisha ratiba yetu, utaratibu ufanyike tucheze mchezo mmoja kila baada ya siku tatu".

Simba inatarajia kushuka dimbani jioni ya leo katika mchezo wake wa kwanza wa michuano ya SportPesa, ambapo itavaana na AFC Leopards ya Kenya . Imesema kuwa itawatumia wachezaji wawili walio katika majaribio, ambao ni Lamine Moro kutoka Ghana (beki) na Hunlede Kissimbo Ayi-Abel kutoka Togo (mshambuliaji) na wakifanya vizuri watasajiliwa kwa ajili ya michuano ya kimataifa na Ligi Kuu Tanzania Bara.

Via EATV

Read More →

BASATA YAWAFUNGULIA DIAMOND NA RAYVANNY..... WASAFI FESTIVAL KUENDELEA KAMA KAWAIDA

Read More →

Wimbo Mpya : RICH MAVOKO - MAHABA FULL CHAJI

Read More →

HABARI KUBWA KWENYE MAGAZETI YA TANZANIA LEO JANUARI 23,2019.

Fahamu yote yaliyojiri katika Magazeti ya Tanzania leo Januari 23, 2019. Hapa unapata habari zote zilizopewa uzito katika kurasa za mbele na kurasa za nyuma za habari za michezo na burudani.

Source

Read More →

SH 66.6 BILIONI ZAPITISHWA KUTEKELEZA MIRADI YA MAENDELEO 2019/2020 MULEBA

Na Mwandishi wetu Baraza la Madiwani wa Halmashauri ya Wilaya ya Muleba mkoani Kagera leo hii limepitisha makadirio ya bajeti kwa mwaka wa fedha 2019/2020 jumla ya Mapato ya kiasi cha Sh 66.6 bilioni kwa ajili ya utekelezaji wa miradi ya Maendeleo ya halmashauri hiyo. Mwenyekiti wa Halmashauri ya wilaya hiyo Chrisant Kamugisha amewasihi wataalam kufanya kazi kwa weledi ili kuhakikisha mpango na bajeti iliyopitishwa katika Mkutano wa Baraza la Madiwani mapato yanakusanywa kwa asilimia 100 na hata kuvuka malengo. Amesema katika Mchanganuo wa mapato hayo Mapato ya ndani yatakuwa…

Source

Read More →

MTOTO MWINGINE AUAWA NJOMBE,SIMANZI YATANDA KWA WANANCHI .

Na.Mwandishi wetu Wananchi mjini Njombe wameiomba serikali kwa kushirikiana na vyombo vya usalama kudhibiti vitendo vya mauaji ya watoto wa umri kati ya miaka 4-9 ambavyo vinatajwa kuongezeka tangu mwezi desemba mwaka jana na kuendelea kutishia hali ya usalama mjini humo. Wananchi hao wametoa rai hiyo baada ya mwili wa mtoto mwingine wa jinsia ya kiume kuokotwa kando ya msitu wa asili wa nundu ulioko nje kidogo ya mji wa njombe. “Ni kweli kuna mtoto mwingine amekutwa amefariki pale msituni, tulipofika pale tulitoa taarifa kwa polisi wa kituo cha Uwemba…

Source

Read More →

USAIN BOLT ATANGAZA KUSTAAFU SOKA

Usain Bolt amethibitisha kuwa amestaafu kucheza soka baada ya kushindwa kupata mkataba katika klabu ya Central Coast Mariners ya Australia aliyokuwa akifanya majaribio.

''Maisha ya michezo sasa basi, sitaki kusema sikutendewa vyema lakini kwenye maisha tunaishi na tunajifunza pia, kwahiyo nina mambo mengi nitakwenda kuyafanya kwasasa ila kuhusu michezo imetosha'', amesema.

Bolt, ambaye alishinda medali za dhahabu katika mbio za Olimpiki huko Beijing, London na Rio, ameweka wazi kuwa mwelekeo wake wa sasa ni kuendeleza biashara.

Oktoba 12, 2018 Bolt alifunga mabao 2 kwenye mechi yake ya kwanza kucheza ambayo ilikuwa ya kirafiki kati ya Central Coast Mariners na Macarthur South West.

Bingwa huyo mara 8 wa Olimpiki alistaafu mbio mwaka 2017 kwenye mashindano ya Olimpiki ya London, ambapo alipata medali moja ya dhahabu na tatu za shaba huku akishika nafasi ya 3 katika mbio za mita 100.

Read More →

TAMASHA LA SAUTI ZA BUSARA MSIMU WA 16 KURINDIMA FEBRUARI 7-10 ZANZIBAR.

Na.Mwandishi wetu. BUSARA Promotions ambao ni waandaaji wa Tamasha kubwa la muziki la Sauti za Busara ambalo ni la msimu wa 16 linatarajiwa kurindima kwenye viunga vya Ngome Kongwe Zanzibar kwa kushuhudia shoo 44 kutoka kwa wanamuziki wa hapa nchini na Ukanda wa Afrika. Akizungumza na waandishi wa habari mapema leo Jijini Dar es Salaam, Mkurugenzi wa Tamasha hilo, Yusuf Mahmoud ‘Dj Yusuf’ amebainisha kuwa mambo kwa sasa yamepamba moto na maandalizi yamekamilika kwa asilimia kubwa hivyo watu mbalimbali wajiandae kufika kulishuhudia. “Wadau na wapenzi wa muziki kutoka sehemu mbalimbali…

Source

Read More →

DC MJEMA APOKEA JENGO LA OFISI YA WALIMU KUTOKA SERIKALI YA JAPAN LENYE THAMANI YA DOLA ZA MAREKANI 94.5.

Na Heri Shaban MKUU wa wilaya ya Ilala sophia Mjema amekabidhiwa jengo la ofisi ya Walimu lenye thamani ya dola za Marekani 94.5 kutoka Serikali ya watu wa Japan pamoja na madarasa matatu Kwa ajili ya Shule ya Msingi Gogo iliopo Zingiziwa Wilayani Ilala. Makabidhiano hayo yalifanyika Dar es Salam jana ambapo Balozi wa Japan nchini Tanzania Shinichi Goto alimbidhi Mkuu wa Wilaya ya Ilala. Akipokea msaada huo wa jengo la Utawala Shule ya Gogo Sophia Mjema alipongeza Serikali ya Japan kwa Ushirikiano wao kusaidia kuunga mkono jitihada zinazofanywa na…

Source

Read More →

MKUU WA WILAYA YA CHEMBA AMPONGEZI MAGUFULI KUHUSU URASIMISHAJI ARDHI KWA VIJIJI VILIVYOPO KARIBU NA MAENEO YA HIFADHI.

Na.Mwandishi wetu. Mkuu wa Wilaya ya Chemba Mhe.Simon Odunga ampongeza Mhe.Rais John Pombe Magufuli kwa hatua alizochukua kwa kuruhusu baadhi ya vijiji vilivyokuwa kwenye Hifadhi ya Taifa vyenye watu wengi vibaki na kwa upande wa vijiji vingine ambavyo vimesajiliwa kimakosa wakati vipo kwenye Hifadhi Wizara tatu husika ziweze kuwajibika katika maeneo husika yaliyopo kwenye Hifadhi . Mhe.Odunga “Ningependa kuomba ushirikiano kwa Wizara husika tatu ikiwemo Ofisi ya Rais-TAMISEMI,Wizara ya Maliasili na Utalii pamoja na Wizara ya Ardhi,Nyumba na Maendeleo ya Makazi zije ili tuweze kukaa kwa pamoja na Kamati ya…

Source

Read More →

RAIS MAGUFULI AMTAKA BITEKO ASIANGALIE SURA YA MTU.. " UTAZIKWA PEKE YAKO"

RAIS John Magufuli amemtaka Waziri wa Madini, Dotto Boteko atekeleze majukumu yake bila kujali sura ya mtu kwa kuwa kaburini atakwenda peke yake.

Amesema, hasiti kumfukuza Waziri wa Madini hata kama ameiongoza Wizara hiyo kwa wiki moja.

Amewataka viongozi wa Wizara hiyo wachukue hatua, wawahamishe wataalamu wizarani na atashangaa kama hilo halitafanyika.

Ametoa maagizo hayo leo jijini Dar es Salaam wakati anafungua mkutano wa mashaurino wa wafanyabiashara na wadau wa sekta ya madini.

Makamu wa Rais, Samia Suluhu Hassan anatarajiwa kuufunga kesho.

Rais Magufuli amemtaka Waziri wa Madini Dotto Biteko awe mkali, na kwamba, aliyepita, Angellah Kairuki hakuwa mkali ndiyo maana kampeleka akapumzike Ofisi ya Waziri Mkuu.

Kairuki ni Waziri katika Ofisi ya Waziri Mkuu anayeshughulikia Uwekezaji.

Rais Magufuli amemuagiza Waziri Biteko, Naibu wake, Stanslaus Nyongo na Katibu Mkuu wa Wizara, Profesa Amos Msanjila hiyo ndani ya mwezi mmoja wawe wameweka kamera kwenye ukuta wa Mirerani na wasipofanya hivyo wajiandae kuondoka.

SOMA ZAIDI HAPA

Via Habarileo

Read More →