 |
| Viongozi wakuu wa vyama vikuu vya upinzani UKAWA wakiwasili makao makuu ya CUF kwa ajili ya kuzungumza na wanahabari leo |
Hatimaye viongozi wa vyama
vikuu vya upinzani vinavyounda UKAWA wameibuka
upya na kutangaza rasmi kutokuwa na kutokuwa na imani na tume ya taifa ya uchaguzi
nchini kwa kudai kuwa serikali ya chama cha mapinduzi inaitumia tume hiyo
kutaka kusogeza uchaguzi mbele kwa lengo la kujiongezea muda wa kutawala.
Akisoma maadhimio ya
umoja huo baada ya kukutana ndani ya siku mbli jijini Dar es salaam mwenyekiti
mwenza wa umoja huo ambaye ni mwenyekiti wa chama cha NCCR Mageuzi mh JAMES
MBATIA amesema kuwa kutokana na hali ya hewa inayoendelea kuhusu sintofahamu ya
daftari la kupiga kura ni wazi kuwa sasa umoja wao hauna inami hata kidogo na tume
ya uchaguzi kwani imeonyesha wazi kuwa inashirikiana na serikali ya chama cha
mapinduzi kutaka kuhujumu uchaguzi ujao na kisha kuongeza muda wa uongozi wa
serikali hiyo kwa kisingizio cha kutokumalizika kwa uandikishwaji wa daftari la
kudumu la wapiga kura.
Amesema kuwa tume ya
taifa ya uchaguzi hadi sasa ikiwa imesalia takribani miezi mitatu pekee kuanza
kwa kampeni rasmi za uchaguzi haijaanza wala hakuna dalili za maandalizi yoyote
ya kufanyika kwa uchaguzi huo jambo ambalo linazidi kuleta wasiwasi kwa
watanzania na kuamini kuwa kuna njama za kuahirisha uchaguzi huo kama ilivyofanyika
kwa daftari la kudumu la wapiga kura.
“kuna jambo
linashangaza sana,hadi sasa hakuna maandalizi yoyote yanayoashiria kuwepo kwa
uchaguzi huo ilihali imebaki miezi sita tu kufanyika kwa uchaguzi huo,hakuna
utaratibu wa vifaa vya uchaguzi huo,ambapo miaka iliyopita imekuwa ikifanyika
maadalizi mwaka mmoja kabla lakini uchaguzi huu hadi leo hakuna maandalizi ya
kuonyesha kuwa uchaguzi huo upo japo kuwa mwenyekiti wa tume hiyo anazidi
kuwdanganya watanzania kuwa uchaguzi huo upo”.aliseama mh MBATIA.
Naye mwenyekiti wa
CHADEMA mh FREMAN MBOWE amesema kuwa hakuna njia yoyote ya kuzia mabadiliko
ambayo yanataka kufanywa na ukawa kwa sasa hivyo tume hiyo isikubali kutumika
na serikali na badala yake ni lazima uchaguzi ufanyike mwaka huu kwa njiia
yoyote.
MGOGORO KUHUSU MAJIMBO
Wakati huo huo UKAWA umetangaza rasmi mchakato wao wa kugawana
majimbo ambapo mwenyeikiti mwenza wa umoja huo mh MBATIA amesema kuwa hadi sasa
mchakato huo unaendelea viruzi ambapo majimbo 227 sawa na asilimia 95 ya majimbo
yote Tanzania yameshapata wagombea huku majimbo 12 yakiwa yamesalia huku
akisema kuwa ni maridhiano ndio yanaendelea na hakuna mgogoro kama
inavyoripotiwa na baadhi ya vyombo vya habari.
Akizngumzia habari
ambazo jana zilienezwa na baadhi ya magazeti nchini zikimtaja mwenyekiti wa
NCCR mageuzi mh JAMES MBATIA kuandika barua ya kujiondoa katika umoja huo kwa
kile kilichotajwa kuwa ni kutoridhika na mchakato wa ugawanaji wa majimbo
hayo,MBATIA amesema kuwa UKAWA walisikitishwa sana na taarifa hizo za
upotoshaji jambo ambalo amesema kuwa ni uzushi ambapo amesema kuwa taarifa hizo
zina lengo la kuhujumu umoja huo na kuipa nafasi CCM jambo ambalo
halitakubalika katika kipindi hiki ambacho watanzania wanahitaji mabadiliko.
Akizungumzaia taarifa
hizo mwenyekiti wa chadema mh MBOWE amesema kuwa huu ni wakati ambao mambo
mengi sana yataibuka ya kuzusha ili kuwagombanisha lakini wapo tayari kupambana
na taarifa hizo na hakuna wa kuwagombanisha.
“Hakuna wa
kuwatenganisha UKAWA kwa sasa,najua tunawindwa sana na watu ili tugombane ili
watu wapate cha kusema,nasema hivi hakuna kitu kama hicho na hakivunjiki kitu
hapa tupo imara na tupo GADO kupambana hadi dakika ya mwisho”,amesema Mh MBOWE.
Akizungumzia mchakato
wa kumpata mgombea urais kupitia umoja huo mwenyekiti wa chama cha NLD mh DK
EMANUEL MAKAID amesema kuwa watanzania watulie kwani mgombea tayari
ameshapatikana na muda wa kumtaja ukifika watamtaja lakini sasa ibaki kuwa siri
kwani kuna baadhi ya vyama bado hata havina mtu wa kumsimamisha katika nafasi
hiyo ya urais.
0 comments:
Post a Comment