Saturday, 14 May 2022
Video Mpya : KISIMA MAJABALA - LUGULU... NGOMA KALI KINOMA
WALIOFUKUZWA CHADEMA WAINGIA BUNGENI
Baadhi ya wabunge hao ni Esther Matiko na Salome Makamba
Baadhi ya Wabunge wa Viti Maalum waliofukuzwa uanachama wa Chama cha Demokrasia na Maendeleo (CHADEMA) juzi Ijumaa Mei 13, 2022, wameudhuria vikao vya Bunge na kuuliza maswali isipokuwa Mhe.Halima Mdee na Mhe.Ester Bulaya.
Baadhi ya wabunge hao waliingia ndani ya Bunge kwa nyakati tofauti huku Mhe.Ester Matiko, akiwa wa kwanza kuingia akifuatiwa na Mhe.Salome Makamba na wengine waliingia baadaya kikao cha Bunge kuanza huku wengine wakiingia baada ya Bunge kuanza.
Kila mmoja ameingia na wakati wake, tofauti na mara ya kwanza walipofika kwa ajili ya kuapishwa ambapo waliingia wote 19 katika viwanja vya Bunge.
Friday, 13 May 2022
DKT KIJAZI ATAKA MAAFISA HABARI WA SERIKALI KUTOA ELIMU YA SENSA YA MAKAZI
Katibu Mkuu Wizara ya Ardhi Nyumba na Maendeleo ya Makazi Dkt Allan Kijazi akiwasilisha mada kuhusiana na Sensa ya Makazi wakati wa Kikao cha Maafisa Habari, Mawasiliano na Uhusiano Serikalini mkoani Tanga tarehe 12 Mei 2022. 
Sehemu ya washiriki wa Kikao cha Maafisa Habari, Mawasiliano na Uhusiano Serikalini kinachoendelea mkoani Tanga tarehe 12 Mei 2022. 
Kamisaa wa Sensa 2022 ambaye ni Spika wa Bunge Mstaafu Anna Makinda akiwasilisha Mada ya Sensa ya Watu na Makazi Kikao cha Maafisa Habari, Mawasiliano na Uhusiano Serikalini kinachoendelea mkoani Tanga tarehe 12 Mei 2022.\ 
Sehemu ya Maafisa Habari, Mawasiliano na Uhusiano Serikalini wakifuatilia mada iliyokuwa ikiwasilishwa na Katibu Mkuu wa Wizara ya Ardhi Nyumba na Maendeleo ya Makazi Dkt Allan Kijazi (Hayupo Pichani ) wakati wa kikao cha Maafisa Habari kinachoendelea mkoani Tanga tarehe 12 Mei 2022.
*******************
Na Munir Shemweta, WANMM TANGA
Katibu Mkuu Wizara ya Ardhi Nyumba na Maendeleo ya Makazi Dkt. Allan Kijazi amewataka maafisa Habari na Mawasiliano Serikalini kuelimisha umma kuhusu umuhimu wa sensa ya Makazi na watu imayotarajia kufanyika Agosti 2022.
Dkt Kijazi alisema hayo mkoani Tanga tarehe 12 Mei 2022 wakati akiwasilisha mada kuhusiana na Sensa ya Makazi kwenye kikao cha Maafisa Habari, Mawasiliano na Uhusiano Serikalini kinachoendelea mkoani Tanga.
"Ninyi Maafisa Habari mnatakiwa kuelimisha wananchi umuhimu wa taarifa za majengo, na ni kwanini ifanyike wakati huu" alisema Dkt Kijazi.
Kwa mujibu wa Katibu Mkuu Wizara ya Ardhi Nyumba na Maendeleo ya Makazi, ni vizuri Maafisa Habari wakashiriki vyema katika zoezi hilo kwa kutoa elimu sambamba na kubainisha changamoto na kutoa mrejesho hata kabla ya kuanza kwa sensa ya makazi.
DKt Kijazi alisema, takwimu zitakazopatikana wakati wa zoezi la sensa ya watu na makazi zitaisadia serikali kupanga na kutekeleza mipango yake itakayoleta mabadiliko katika maendeleo ya kiuchumi.
" Naomba nitoe rai kwa wananchi, waiamini serikali yao kwa kuwa zoezi hili la sensa ya watu na makazi litaiwezesha serikali kupanga kutekeleza mipango ya maendeleo itakayoleta mabadiliko katika uchumi vinginevyo hatutapata takwimu sahihi" alisema Dkt Kijazi.
Aidha, alieleza kuwa, lengo la sensa ya watu na makazi pia ni kuiwezesha serikali kuwa na benki ya taarifa za makazi sambamba na kuhakikisha inakuwa na mikakati ya kujua makazi na kujua miji na vifaa vilivyotumika.
"Kama nchi lazima tuzingatia mikakati kulingana na takwimu zilizopo na hii ni Sensa ya kwanza ya makazi" alisema Dkt Kijazi.
Kwa upande wake Kamisaa wa Sensa ya Watu na Makazi 2022 Anna Makinda alisema, upo mkakati wa elimu na uhamasishaji kuhusiana na sensa na Maafisa Habari wa Serikali wanalo jukumu la kuhamasisha umuhimu wa sensa.
"Kila aliyekuwa serikalini lazima azungumzie sensa na maafisa habari ndiyo wenyewe na mkasaidie kuhamasisha hasa katika mitandao ya kijamii kwa kuwa wanaosoma zaidi mitandao ni vijana" alisema Makinda.
WAZIRI WA MAJI JUMAA AWESO ATINGA BUNGENI NA WAKE ZAKE WAWILI.....'HAYA NI MAHABA MAZITO SANA'
Waziri wa Maji Jumaa Aweso, akiwa na wake zake
**
Waziri wa Maji Jumaa Aweso, amesema kwamba ushirikiano anaopewa na wake zake wawili hauoneshi tu kama ni mapenzi bali ni mahaba mazito na kwamba hata kuchakarika kwake kunatokana na ukaribu wao kwake.
Kauli hiyo ameitoa hii leo Mei 12, 2022, Bungeni Dodoma, wakati akiwasilisha bajeti ya wizara hiyo kwa mwaka wa fedha 2022/2021, ambapo wake zake wote wawili wamehudhuria bungeni kumshuhudia.
"Leo wake zangu wote wawili wamekuja hapa kuni-support haya sio mapenzi haya ni mahaba mazito sana, mimi ninawapenda sana ukiniona nachakarika ni kwa sababu ya ukaribu wao na ushirikiano mkubwa wanaonipa, mimi Jumaa Aweso nitaendelea kuwapenda sana wake wangu," amesema Waziri Aweso.
Chanzo - EATV
MATOKEO YA UCHAGUZI WA WANAFUNZI WA KUJIUNGA NA KIDATO CHA TANO, VYUO VYA ELIMU NA UFUNDI 2022
TAMISEMI imetoa taarifa ya kutangaza matokeo ya uchaguzi wa wanafunzi wa kujiunga na kidato cha tano, vyuo vya ualimu na vyuo vya elimu ya ufundi mwaka 2022
TAMISEMI has announced to release names of Students required to join form Five (Kidato Cha Tano) for Government schools after NECTA Form four results of 2021 released on January 2020 by General Secretary Of National Examinations Council Of Tanzania Dr. Charles Msonde.
OFISI YA RAIS - TAMISEMI
UCHAGUZI WA WANAFUNZI WA KIDATO CHA TANO NA VYUO VYA KATI, 2022
BOFYA HAPA KUONA ORODHA YA WANAFUNZI WALIOPANGWA KWENDA SHULE MOJA
CHAGUA MKOA ULIKOSOMA
| ARUSHA | DAR ES SALAAM | DODOMA |
| GEITA | IRINGA | KAGERA |
| KATAVI | KIGOMA | KILIMANJARO |
| LINDI | MANYARA | MARA |
| MBEYA | MOROGORO | MTWARA |
| MWANZA | NJOMBE | PWANI |
| RUKWA | RUVUMA | SHINYANGA |
| SIMIYU | SINGIDA | SONGWE |
| TABORA | TANGA |
Ngoma Mpya ya Kijaluo : OCHIENG ALVARO - HERA MBESE
Mwimbaji wa nyimbo za rhumba kwa lugha ya kijaluo Alvaro Ochieng amewafurahisha mashabiki wake kwa wimbo mwingine unaoitwa Hera Mbese, wimbo unaowasifu akina mama wote ambao wamewalea watoto wao kwa uadilifu na kuwafundisha maadili ambayo yamekuwa na matokeo chanya katika jamii.
Msanii Alvaro Ochieng
Msanii Alvaro OchiengAlvaro Ochieng hujiita kijana wa Asembo mahali ambapo alizaliwa na kukulia. Mwimbaji huyo yuko katika harakati za kufuata nyayo za magwiji waliomtangulia kama vile Ochieng Kabaseleh, Johny Junior & Musa Juma miongoni mwa wengine kwa kuendeleza urithi tajiri wa Rhumba akiwa tayari anatamba na nyimbo kama vile Tina Molli, Aggrey Papa, Velonah Achieng & sasa Hera Mbese.
Hera Mbese ni wimbo ambao unawasifu akina mama kwa vitendo vya kijushaa wanavyovifanya au kuvipitia na nafasi zinazochezwa na akina mama.Wakati mwingine waliweka au wanaweka maisha yao kwenye mstari ili kuhakikisha watoto wanapata maisha mazuri na jinsi yanavyolipa/lipwa mara tu wanapofaulu.Tazama wimbo huo pendwa hapa.
Thursday, 12 May 2022
CELINA GOMBANILLAH, MFANYAKAZI BORA MGODI WA BULYANHULU ANAYEAMINI UUGUZI NI KAZI YA WITO
Celina Gombanillah
**
Kufanya kazi ya Uuguzi kunahitaji kuwa na moyo wa kujituma na kujitolea, pamoja na kusomea taaluma hiyo bado Wauguzi wanapokuwa kazini mbali na kuwasaidia wagonjwa kupata huduma za kiafya bado wanakumbana na kazi mbalimbali nje ya majukumu yao ya kikazi ambazo wanazitekeleza kuhakikisha wagonjwa wako katika hali nzuri.
Celina Gombanillah, Muuguzi wa Zahanati iliyopo katika Mgodi wa Dhahabu wa Barrick Bulyanhulu, anaamini kuwa kusaidia watu ni wito wake. "Ikiwa kuna kazi ambayo inahitaji mtu kutumia viwango vya juu vya taaluma na kuifanya kwa weredi wakati wote, basi ni uuguzi kwa sababu inahusisha kuokoa maisha," Celina anasema.
Katika mahojiano hivi karibuni, Gombanillah, alisema alijiunga na Kampuni ya Barrick, katika Mgodi wa Bunyanhulu, mnamo mwaka 2011, kabla ya hapo alifanya kazi hiyo ya uuguzi katika kituo cha afya cha Mgodi wa kampuni ya Madini ya Mwadui , baada ya kuhitimu mafunzo ya stashahada ya uuguzi katika Chuo cha Nkinga kilichopo wilayani Igunga, mkoani Tabora.
“Kwenye maeneo ya Migodi nimeweza kukutana na watu wengi kutoka Mataifa mbalimbali ambapo nimejifunza mambo mengi kuhusiana na fani yangu kuendana na viwango vya juu vya utendaji kazi vilivyopo kwenye makampuni yanayomiliki migodi. Namudu vizuri kazi yangu na kufuata taratibu sambamba na kuhakikisha malengo na matarajio yaliyowekwa na mwajiri wangu yanafikiwa,” alisema Gombanillah.
Anasema amefurahi mchango wake wa kazi unathaminiwa na kampuni ambapo mwaka jana alipata tuzo kwa kutangazwa kuwa kuwa Mfanyakazi Bora wa Mwaka wa Mgodi wa Bulyangulu kwa 2021, hatua ambayo alidai imezidi kumpa moyo wa kufanya kazi yake kwa bidii zaidi.
Alipoulizwa siri kubwa ya mafanikio hayo, alisema yanatokana na kupata ushirikiano mkubwa kutoka kwa wafanyakazi wenzake ambao wakati wote wamekuwa wakimpatia ushirikiano mkubwa pia kampuni imekuwa ikiandaa mafunzo mbalimbali ya kuwajengea uwezo anadai yamemsaidia katika safari yake ya mafanikio.
Pia alisema anavutiwa na sera za mwajiri wake za kutoa fursa kwa Wanawake sawa na Wanaume katika kazi za migodini . "Nafurahi kuona idadi ya wafanyakazi Wanawake kwenye migodi inazidi kuongezeka, ukitembelea migodi unakuta Wanawake wakifanya kazi kwenye vitengo mbalimbali vikiwemo vya Uhandisi na Jiolojia.Kwenye nafasi za Uongozi pia kuna idadi kubwa ya Wanawake” alisema Celina.
Vile vile aliongeza kuwa uwekezaji mkubwa wa Barrick, kwenye matumizi ya teknolojia za kisasa za kimataifa kwenye migodi yake, kumemwezesha kujua mambo mengi ya matumizi ya vifaa vya tiba vya kisasa na kujenga mazingira bora ya kufanyia kazi yenye viwango vya juu vya kimataifa.
Kuhusu changamoto anazokumbana nazo katika kazi yake,alisema ni za kawaida kwa kuwa hakuna kazi yoyote isiyokuwa na changamoto.”Changamoto kwangu huwa nazichukulia kama ni sehemu ya kujifunza mambo mapya” alisema.
Celina alitoa wito kwa Wauguzi wenzake na wote wanaotaka kusomea fani hiyo kuhakikisha wanakuwa na weledi katika fani hiyo pia wanafanya kazi kwa umakini na ufanisi wakati wote ili kukidhi matakwa ya wagonjwa wanaotegemea kupata huduma nzuri kutoka kwao.
Akiongelea uchapakazi wake, Mkuu wa idara anayofanyia kazi, Dk. Said Kudra, alisema kuwa Celina ni mfanyakazi anayetegemewa kutokana na kujituma na kufanya kazi yake kwa weredi mkubwa ambaye yuko tayari wakati wowote kuhudumia wagonjwa hata baada ya muda wa saa za kazi.
Kuhusiana na malengo yake ya baadaye alisema anataka kujiendeleza zaidi kitaaluma ili aendelee kutoa huduma kwa ufanisi mkubwa.
WANAWAKE KAGUNGA WALIA KUTELEKEZWA
Wananchi wa vijiji vya Kagunga na Zashe wilaya ya Kigoma mkoani wakisikiliza maelezo kuhusu utoaji wa taarifa kwenye vituo vya taarifa na maarifa kusaidia kutoa taarifa za vutendo vya ukatili vinavyotokea kwenye maeneo yao.
**
Na Fadhili Abdallah,kigoma
Wanawake wanaoishi katika Kata ya Kagunga wilaya ya Kigoma Mkoani Kigoma Mpakani mwa Tanzania na Burundi wamelalamikia vitendo vya waume zao kutelekeza familia na hivyo kusababisha maisha duni ya wanawake na watoto.
Wakizungumza wakati watendaji wa Mtandao wa jinsia Tanzania (TGNP) wakiendesha mkutano ya uelimishaji na uhamasishaji jamii kutoa taarifa kwa mamlaka za serikali na wadau wa kuzuia ukatili ikiwa ni mpango wa mtandao huo kuiongeza uelewa kwa jamii kupiga vitendo vya ukatili kwa wanawake na watoto.
Mmoja wa wanawake hao,Lucia Marco alisema kuwa kutokana na kutelekezwa huko familia nyingi zimekuwa zikiendeshwa na wanawake ambao wengi wao hawakuwa na shughuli za kiuchumi hivyo kusababisha hali ngumu kwa familia kupata mahitaji ya msingi sambamba na kuchangia wanafunzi kuacha kwenda shule kwa kukosa mahitaji muhimu ya shule.
“Familia nyingi zimebaki zikilelewa na wanawake ambao kulingana na Jiografia ya eneo hilo imekuwa ni vigumu kuendesha maisha kwani Shughuli kubwa ya kiuchumi inayofanyika ni Uvuvi ambao kwa akina mama imekuwa ni vigumu kujishughulisha nayo,”Alisema Licia Marco.
Naye Sabina Marco alisema kuwa miongoni mwa sababu zinazochangia wanaume kutekeleza familia kunatokana na wivu wa kimapenzi ambapo mwanaume anakuwa na wanawake wengine wan je hivyo migogoro ya kifamilia inapoanza wanaume huondoka na kuhamia kwa wanawake hao hasa wale wenye uchumi na wanajishughulisha na shughuli zinazowaingizia kipato.
waume zmmoja wa wananAidha wameeleza Ujirani na nchi ya Uburundi nao umekuwa ukichochea Familia nyingi kutengena hasa kwa wakazi wa vijiji jirani kutoka nchini humo wanapoingia katika eneo hilo na kuanzisha uhusiano na na wanaume au wanawake ambal tayari wanakuwa na familia.
Aidha inaelezwa kuwa baadhi ya wavuvi kutoka Burundi wanapofika maeneo yao kwa shughuli za uvuvi wanajenga mahusiano na kuwazalisha na baadaye kurudi kwao wakiwaacha wanawake na watoto bila msaada wowote.
Akieleza kuhusu uwepo wa changamoto hiyo Afisa maendeleo ya Jamii halmashauri ya wilaya ya Kigoma, George Mselem alisema kuwa katika Kukabiliana na changamoto hiyo wameanza kutoa elimu kwa wanawake kutoka makundi mbalimbali wakiwemo wajane na waliotelekezwa kujiunga kwenye Vikundi vya uzalishaji ili iwe rahisi kupata mikopo na kuanzisha shughuli za kuwaingizia kipato.
Alisema kuwa pamoja na hilo wamekuwa wakitoa elimu na kuhamasisha wakina mama hao kutoa taarifa za vitendo vya ukatili na utelekezwaji wa familia ili waweze kufuatilia waume zao waweze kuhudumia familia hata kama hawapo nyumbani ambalo ndiyo jukumu lao la Msingi.
Akizungumza katika mikutano hiyo Mratibu wa vituo vya taarifa na maarifa vinavyosimamiwa na Mtandao wa jinsia Tanzania (TGNP), Flora Ndabaniye alisema kuwa nia ya kuendesha vituo hivyo ni kuwezesha kutolewa kwa taarifa za vitendo vya ukatili wa kijinsia vinavyofanywa kwenye ngazi ya familia.
Alisema kuwa vituo hivyo vinawezesha kutolewa kwa elimu kwa jamii ili waone na kujua umuhimu kwa wahanga wa vitendo vya ukatili kutoa taarifa ili watuhumiwa wa vitendo hivyo waweze kuchukuliwa hatua.
Kata ya Kagunga inaundwa na Vijiji 13 ambavyo kwa ujumla ni wakazi 2406 ambao kwa zaidi ya asilimia 90 wanategemea uchumi wa Ziwa Tanganyika kupitia shughuli ya Uvuvi.
Amina Joseph mkazi wa Kagunga akizungumza kwenye kikao hicho kuhusu masuala ya ukatili
Ashura Yassini akizungumza kwenye kikao hicho kuhusu masuala ya ukatili
Wananchi wa vijiji vya Kagunga na Zashe wilaya ya Kigoma mkoani wakisikiliza maelezo kuhusu utoaji wa taarifa kwenye vituo vya taarifa na maarifa kusaidia kutoa taarifa za vutendo vya ukatili vinavyotokea kwenye maeneo yao.
FAMARA ENTERTAINMENT , UVCCM MWANZA KUSHIRIKIANA KUINUA WASANII NA WACHEZAJI
KATIKA kuhakikisha Sanaa na Utamaduni wa Mkoa Mwanza inakua kwa kishindo, Mtendaji Mkuu wa Taasisi ya Famara Entertainment Fabian Fanuel amekutana na Katibu Mkuu wa Umoja wa Vijana (UVCCM) Mkoa wa Mwanza na kufanya mazungumzo ya kina ya jinsi ya kuweza kuinua Sanaa na Utamaduni Mkoani hapo.
Katika mazungumzo hayo yaliyofanyika katika ofisi ya UVCCM Mkoa wa Mwanza, Katibu Mkuu wa UVCCM Mkoa wa Mwanza Dennis Kankono ameipongeza Famara Entertainment kwa jinsi inavyopambana kuwaunganisha wasanii wa mkoa wa Mwanza kuwa na Umoja na ushirikiano ili kuweza kuviendeleza vipaji vyao vifike hatua nzuri zaidi.
Bwana Kankono amemshukuru Mtendaji Mkuu wa Famara Entertainment kwa kuendelea kupambania sanaa, utamaduni na Michezo katika Mkoa wa Mwanza kwa nguvu kubwa na matokeo yake yanaonekana pamoja na kuwepo changamoto kadhaa wa kadhaa.
Amesema UVCCM itaendelea kufanya kazi kwa karibu sana na Taasisi ya Famara Entertainment kuhakikisha wanafikia lengo la kuweza kuwapeleka wasanii, wanamuziki na wanamichezo hatua kubwa katika kuona faida za vipaji walivyonavyo.
“Kwanza niwapongeze kwa kazi kubwa mnayoifanya kama taasisi, najua mnatumia muda wenu mwingi kuhakikisha vipaji vya vijana wa Mwanza vinakua na kuleta matokeo chanya katika maisha yao, kwa niaba ya Umoja wa vijana tunawapongeza sana”.
“Yapo mambo mengi huko mbele tunahitaji kufanya pamoja ili kuendeleza vipaji vya hawa vijana wetu, na ninaamini kwa ushirikiano wenu Famara Entertainment na sisi UVCCM tutafanya mambo makubwa huko mbele, zaidi tuendeleee kushirikiana kwa mambo mbalimbali” alisema Dennis Kankono.
Kwa Upande wake Mtendaji Mkuu wa Famara Entertainment Bwana Fabian Fanuel amemshukuru Katibu Mkuu wa UVCCM Mkoa wa Mwanza Dennis Kankono kwa kazi kubwa yanayofanya katika kuendeleza mambo ya vijana pamoja na vipaji walivyonavyo.
“Tumeona mambo mengi mmeyafanya kwa vijana hapa Mwanza, mengine katika Sekta ya Sanaa, Utamaduni na Michezo, tunawaomba muendelee kuwakumbuka na kuwapa fursa na nafasi za kutosha vijana wote wa Mwanza wenye vipaji vya aina mbalimbali ili waweze kuonyesha walivyonavyo” alisema Fabian Fanuel.
Aidha Fanuel amempongeza Rais wa Jamuhuri ya Muungano wa Tanzania Mheshimiwa Samia Suluhu Hassan na Serikali anayoingoza kwa kuweka mazingira mazuri kwa wasanii katika kuwapa nafasi baadhi yao kuonyesha sanaa zao na hasa na utoaji wa Mirabaha waliyopewa wasanii hivi karibuni.
WABUNGE 19 WALIOFUKUZWA CHADEMA WAFUNGUKA... HALIMA MDEE ASEMA KILICHOFANYIKA NI UHUNI MTUPU...MBOWE AJIBU UHUNI WAO
Mbunge Halima Mdee kwa niaba ya wenzake 18 ameelezea kutokubaliana na uamuzi wa Baraza Kuu la CHADEMA chini ya Mwenyekiti wake, Freeman Mbowe wa kutupilia mbali rufaa zao za kupinga kufukuzwa uanachama na Kamati Kuu ya Chama hicho akisema kilichofanyika ni uhuni.
"Nakwepa kuzungumza maneno makali kwasababu naheshimu Viongozi wangu lakini sikujua CHADEMA umeanza kufanyika uhuni kwa kiwango hicho, Mimi ni CHADEMA naendelea kuwa CHADEMA lakini kilichofanyika pale uhuni wa kiwango cha hatari , nitaongea siku nyingine lakini kilichofanyika pale hata Mbowe anajua ni uhuni"
Mdee ambaye amepata kuwa mbunge wa Jimbo la Kawe na Katibu wa Baraza la Wanawake wa Chadema, Bawacha, ni miongoni mwa makada walifukuzwa baada ya Bazara Kuu kubariki uamuzi wa Kamati Kuu ya Chadema kuwafukuza ndani ya chama kwa kukubali kwenda kuapishwa na kuwa wabunge kinyume cha matakwa ya chama hicho.
Matokeo ya jumla baada kupigwa kura
- Idadi ya wajumbe 423
- Waliokubalina na maamuzi ya Kamati ya kuwafukuza Uanachama ni 413 sawa 97.6%
- Wasiokubaliana na uamuzi wa Kamati kuu ni 5 sawa na 1.2%
- Wasiofungamana na upande wowote ni 5 sawa na 1.2%
JE! NINI KINAFUATA BAADA YA KUVULIWA UANACHAMA?
Mkurugenzi wa Itifaki, Mawasiliano na Mambo ya Nje, John Mrema amesema kwa sasa hakuna nafasi nyingine kwa waliokuwa makada 19 wa chama hicho ya kukata rufaa.
Pia, amesema hatua inayofuata ni Katibu Mkuu wa Chadema, John Mnyika kuandika barua ya kumtaarifu Spika wa Bunge kuhusu uamuzi uliofanywa na baraza kuu kwa hatua zaidi ikiwemo ya kutangazwa kuvuliwa ubunge.
Baada ya Mbunge Halima Mdee kwa niaba ya wenzake 18 kutokubalina na uamuzi wa Baraza Kuu la CHADEMA chini ya Mwenyekiti wake, Freeman Mbowe wa kutupilia mbali rufaa zao za kupinga kufukuzwa uanachama na Kamati Kuu ya Chama hicho akisema kilichofanyika ni uhuni, Mbowe amemjibu na kuwaambia wao ndio waache uhuni.
“Nimesikitika hatujafurahia hali hiyo ila imebidi, maamuzi ya kuwafukuza yalifanyika tangu mwaka juzi kwenye kikao cha Kamati Kuu, kura zimepigwa mbele yao waache mambo ya kihuni”
CHANZO: IDAWAONLINE
Breaking News : HALIMA MDEE NA WENZAKE WATIMULIWA RASMI CHADEMA.....RUFAA ZAO ZATUPILIWA MBALI
Baraza kuu la Chama cha Demokrasia na Maendeleo (CHADEMA) limetupilia mbali rufaa za waliokuwa wanachama wake 19 na kubariki maamuzi ya kuwafukuza uanachama yaliyofanywa na Kamati kuu ya chama hicho mwaka 2020.
Maamuzi hayo yamefikiwa usiku huu Mei 12,2022 kwenye kikao cha Baraza Kuu kilichoanza kufanyika Mei 11,2022 katika Ukumbi wa Mlimani City jijini Dar es Salaam lenye ajenda tano na kuhudhuriwa na wajumbe zaidi ya 400 wa chama hicho, wanaotoka katika mikoa mbalimbali ya Tanzania Bara na Zanzibar.
Matokeo ni kama ifuatavyo;
*Kanda ya Victoria Wajumbe 44*
-Wanaokubalia wavuliwe uwanachama 42
-Wasiokubali 1
-Wasiofungamana na Upande wowote 1
_*Jumla kura 44*_
*Kanda ya Nyasa Wajumbe 57*
-Wanaokubali wavuliwe uanachama 57
-Wasiokubalina 0
-Wasifungamana na Upande wowote 0
_*Jumla ya Kura 57*_
*Kanda ya Unguja Wajumbe 22*
-Wanaokubali wavuliwe uanachama 19
-Wasiokubali 1
-Wasifungamana na Upande wowote 1
_*Jumla ya Kura 22*_
*Kanda ya Pemba 15*
-Wanaokubali wavuliwe uanachama 12
-Wasiokubali 1
-Wasifungamana na Upande wowote 2
_*Jumla ya Kura 15*_
*Kanda ya Kusini 32*
-Wanaokubali wavuliwe uanachama 32
-Wasiokubali 0
-Wasifungamana na Upande wowote 0
_*Jumla ya Kura 32*_
*Kanda ya Pwani 47*
-Wanaokubali wavuliwe uanachama 45
-Wasiokubali 0
-Wasifungamana na Upande wowote 2
_*Jumla ya Kura 47*_
*Kanda ya Kati 44*
-Wanaokubali wavuliwe uanachama 44
-Wasiokubali 0
-Wasifungamana na Upande wowote 0
_*Jumla ya Kura 44*_
*Kanda ya Serengeti Wajumbe 41*
-Wanaokubali wavuliwe uanachama 41
-Wasiokubalina 0
-Wasifungamana na Upande wowote 0
_*Jumla ya Kura 41*_
*Kanda ya Magharib Wajumbe 37*
-Wanaokubali wavuliwe uanachama 37
Wasiokubali 0
Wasifungamana na Upande wowote 0
_*Jumla ya Kura 37*_
*Kanda ya Kaskazini Wajumbe 61*
-Wanaokubali wavuliwe uanachama 61
-Wasiokubali 0
-Wasifungamana na Upande wowote 0
*Jumla ya kura 61*
*Kamati Kuu*
Wanaokubali wavuliwe uanachama 23
Wasiokubali 0
Wasiofungamana 0
*Jumla ya kura 23*
*Wanaounga mkono wafukuzwe uanachama kura 413*
*Wasiounga mkono kufukuzwa kura 5*
*Wasiofungamana na upande wowote kura 5*
*Jumla ya kura zilizopigwa 423*
Wednesday, 11 May 2022
HAYA HAPA MAGAZETI YA LEO ALHAMISI MEI 12,2022
WAKAMATWA KWA KUBAKA NA KUUA..MFANYABIASHARA AANGUKA NA KUFARIKI
Kaimu Kamanda Jeshi la Polisi mkoani Mtwara, ACP Nicodemus Katembo
Jeshi la polisi Mkoani Mtwara, linawashikilia watu wawili na mmoja bado anatafutwa na jeshi hilo kwa tuhuma za kumbaka kisha kumuua Elizabet Steven Peter (41) mkazi wa Kijiji cha Mkajamila wilaya ya Masasi Mkoani humo.
Akizungumza na waandishi wa Habari Mkoani hapo, Kaimu Kamanda Jeshi la Polisi mkoani humo, ACP Nicodemus Katembo amesema, tukio hilo linadaiwa kufanyika, Mei 6 mwaka huu, ambapo inadaiwa watuhumiwa hao walimbaka marehemu na kisha kumvunja shingo kwa kile kinachodaiwa kuwa ni wivu wa mapenzi.
Aidha katika tukio lingine Polisi mkoani Mtwara wanafanya uchunguzi wa kifo cha Hassan Mumwela, (35) mfanyabiashara na mkazi wa Kijiji cha Namhi Kata ya Libobe Wilaya ya Mtwara, baada ya mfanyabiashara huyo, kuanguka ghafla na kupoteza maisha akiwa katika eneo lake la biashara.
Chanzo- EATV
