Rais Dkt Magufuli ateua Naibu Katibu Mkuu wa Wizara ya Fedha na Mipango.

Read More →

Polisi Dar yawatia mbaroni watu 22 kwa kosa la uporaji katika magari

Read More →

Humphey Polepole ateuliwa kuwa katibu wa halmashauri kuu itikadi na uenezi

Read More →

Mwanzilishi wa JamiiForums, Maxence Melo akamatwa na Polisi, anyimwa dhamana

Mkurugenzi mtendaji wa Jamii Media, Maxence Melo, ameitwa na baadaye kuwekwa ndani, Central Police.
Polisi wanaeleza muda huu kwamba leo atalala ndani hadi kesho atakapofikishwa mahakamani.
Kosa ni kuwanyima Polisi taarifa binafsi za wateja wa mtandao wa JamiiForums zilipohitajika. Maxence ameendelea kushikilia msimamo kuwa ni uvunjwaji wa sheria na haki za wananchi kufanya hivyo.
Taarifa zaidi baadaye

Read More →

Official VIDEO | Vanessa Mdee & Jux - Juu | Watch/Download

Read More →

CCM Dimani yapitisha 3 mchujo wa awali ubunge

 

WAGOMBEA watatu wa nafasi ya kinyang’anyiro cha ubunge katika uchaguzi mdogo wa Jimbo la Dimani Zanzibar, wamepitishwa katika hatua ya awali na mkutano wa Chama Cha Mapinduzi (CCM) jimbo hilo.
Katibu wa CCM Wilaya ya Mjini Magharibi, Yahya Saleh alithibitisha kupitishwa kwa majina hayo, ambayo yatapelekwa mbele ya Kamati ya Siasa ya Halmashauri Kuu ya Mkoa kwa ajili ya uchambuzi zaidi na kupigiwa kura.
Majina ya wanachama waliopitishwa kugombea nafasi ya ubunge Dimani katika hatua ya tatu bora ni Juma Ali Juma, Hussein Migoda Mataka pamoja na aliyekuwa Mbunge wa jimbo hilo Hafidh Ali Tahir ambaye nafasi yake ilichukuwa katika uchaguzi wa mwaka jana, Abdalla Sheria.
“Tumepitisha majina matatu ya wagombea wa nafasi ya ubunge Jimbo la Dimani katika hatua ya awali na majina hayo yatapelekwa mbele ya Kamati ya Siasa ya Halmashauri Kuu ya Mkoa kwa uchambuzi zaidi,” alisema.
Akizungumza katika mkutano huo, Mwenyekiti wa CCM Mkoa wa Mjini Magharibi kichama, Yussuf Mohamed aliwataka viongozi kujenga mshikamano huku wakiweka mbele mikakati na malengo ya kuhakikisha chama cha Mapinduzi kinashinda katika uchaguzi huo.
Alisema wagombea wote waliojitokeza kuchukua fomu wana sifa na vigezo vya kuongoza, lakini katika utaratibu wa awali lazima wapungue ili kupata idadi inayohitajika na hatimaye mtu mmoja atakayepeperusha bendera ya CCM katika uchaguzi huo.
“Tulikuwa na wagombea 16, lakini sasa tunao watatu ambao tutakwenda na hatimaye kupata jina la mtu mmoja tu ambaye ndiye atakayepeperusha bendera ya Chama Cha Mapinduzi katika uchaguzi huo,” alieleza mweneyekiti huyo.
Tume ya Uchaguzi ya Taifa (NEC) imetangaza uchaguzi mdogo wa Jimbo la Dimani utafanyika Januari 22, mwakani, kujaza nafasi ya Hafidh Ali Tahir aliyefariki ghafla mkoani Dodoma mwezi uliopita wakati akihudhuria vikao vya Bunge.

Read More →

Uhuru wa kuabudu kutochezewa

WAZIRI Mkuu, Kassim Majaliwa amesema serikali itaendelea kulinda uhuru wa kuabudu kwa kila Mtanzania na haitamvumilia mtu wala kikundi chochote kitakachofanya mambo yanayotishia usalama na amani ya nchi.
Aidha, ametaka migogoro katika nyumba za ibada, ikiwemo misikiti imalizwe ndani kwa kutumia mabaraza badala ya kutoka nje kwa jamii kwani inaashiria sura mbaya ya kiimani na haina tija.
Majaliwa aliyasema hayo jana alipozungumza katika Baraza la Maulid ya kumbukizi ya kuzaliwa Mtume Muhammad (S.A.W) lililofanyika kitaifa kijijini Shelui wilayani Iramba, mkoani Singida na kurushwa hewani na televisheni ya TBC1.
Maulid ilisomwa juzi usiku na mapumziko pamoja na Baraza la Maulid ilikuwa jana.
Kabla ya kuzungumzia ujumbe huo kuhusu amani ya nchi, Majaliwa alimshukuru Rais John Magufuli kwa kusitisha kikao cha Kamati Kuu (CC) ya Chama Cha Mapinduzi (CCM) isiendelee hadi jana ili kumwezesha kuhudhuria Baraza hilo la Maulid.
Waziri Mkuu alisema serikali haitayumba katika kusimamia usalama wa nchi na kuhakikisha hakuna nafasi kwa kikundi chochote kitakachoipeleka nchi pabaya na kuwataka viongozi wa dini kuwahakikisha waumini wao hawaenezi chuki dhidi ya imani nyingine.
“Serikali itaendelea kulinda uhuru wa kila mwananchi kuabudu kile anachoona kinafaa. Serikali itafanya kila liwezekanalo kusimamia na kuhakikisha hakuna kikundi kinahatarisha usalama wa nchi na hatutayumba katika hilo,” alisema Waziri Mkuu na kuongeza: “Mara nyingi huwa napenda kurejea kauli ya Baba wa Taifa (Mwalimu Julius Nyerere) aliyosema kuwa: Nchi haina dini bali watu wake wana dini, na kusimamia hilo kwamba tutaendelea kuwezesha uhuru wa kuabudu.”
Hata hivyo, alionya kuwa pamoja na serikali kusimamia uhuru wa kuabudu, haitawavumilia watakaotoa mahubiri yasiyozingatia misingi ya sheria na kanuni za nchi na yenye kumuumiza mtu wa imani nyingine.
Pamoja na hayo, alisema mpaka sasa dini zote nchini zinafanya vizuri katika kuhubiri imani zao na amani ya nchi, jambo linaloendelea kuifanya Tanzania kuwa kimbilio kwa wananchi wa mataifa yenye mapigano. “Bado Tanzania imeendelea kuwa kimbilio kwa wanaopigana, sisi hatuna mahali pa kwenda, kama wao wanakuja hapa kwetu sisi tutakwenda wapi? Ukitafakari hilo utadumisha amani,” alisema Majaliwa.
Akijibu risala iliyosomwa kwake ikielezea mambo kadhaa ikiwemo tishio la ugaidi, watu kubambikiziwa kesi kwa chuki, kuundwa kwa kamati ya kitaifa ya Kiislamu kushughulikia maadili na uanzishwaji wa chombo cha maarifa (Daruu/Nyumba ya Maarifa), Waziri Mkuu alisema ni masuala ambayo serikali inayachukulia kwa uzito wake.
Alisema serikali inatambua uwepo wa matishio ya ugaidi sehemu mbalimbali na pamoja na kwamba ipo imara, inahitaji nguvu ya pamoja ya wananchi kukabiliana na vitendo hivyo na matendo maovu yote.
Kuhusu migogoro katika nyumba za ibada, Waziri Mkuu Majaliwa alisema kumekuwa na ugomvi na migogoro katika maeneo ya ibada ya watu kugombea madaraka na uongozi na kuleta taswira mbaya.
Akielezea upande wa misikiti, majaliwa alisema ugomvi na migogoro katika misikiti ni sura mbaya, haina tija na inapaswa kumalizwa ndani na si kutoka nje.
“Tutumie mabaraza yetu kutatua migogoro ndani ya misikiti yetu,” alieleza na kusisitiza kuwa serikali itaendelea kutegemea dini kuimarisha amani nchini, na kuwataka pia waumini wa dini hiyo na viongozi kutokukaa bila kufanya kazi kwani hata vitabu vingine vya Mungu ikiwemo Biblia Takatifu, vinaeleza wazi kuwa, asiyefanya kazi na asile.
Waziri Mkuu pia alizungumzia kuhusu uwajibikaji wa watumishi wa umma na kusema kuwa hatua ambazo serikali inachukua kwa watumishi wake ni sahihi na kamwe haitarudi nyuma katika kusimamia haki za Watanzania bila kujali dini, rangi wala kabila.
Alizungumzia pia suala la maadili kwa vijana na jamii kwa ujumla na kutaka viongozi wa dini ya Kiislamu kuwalea vijana katika malezi ya kiislamu kwa ajili ya kuwaandaa kuwa viongozi wema wa sasa na baadaye kwa dini na taifa.
Alitumia fursa hiyo pia kuwatakia Wakristo kote nchini sikukuu njema ya kuzaliwa Yesu Kristo Desemba 25 na pia aliwatakia Watanzania wote sherehe njema za kuupokea Mwaka Mpya 2017.
Kauli ya Mwigulu Mbunge wa Iramba Magharibi ambaye pia ni Waziri wa Mambo ya Ndani ya Nchi, Mwigulu Nchemba akizungumza katika baraza hilo, alisema wizara yake inasimamia taasisi zote za kiimani na kutaka viongozi wa dini wasaidie kuwafichua wanaofanya uovu kwa kisingizio cha dini.
Alisema mtu akifanya kosa asihukumiwe kwa dini au imani yake, bali liwe kosa la mtu husika ili kuendelea kuifanya nchi kuwa ya dini mbalimbali na yenye uhuru wa kuabudu.
“Ikitokea Idd hata kule bungeni huwa tunashiriki, hii suti si ya jana, hivyo tusaidiane kuwafichua wanaofanya uovu na kusababisha makosa, lawama na taswira ziende kwenye taasisi zilizotukuka na taasisi tukufu,” alisema Mwigulu.
Aidha, alitoa mabati 1,500 mwaka juzi na mwaka huu kwa ajili ya misikiti iliyofikia hatua ya kupauliwa na kama bado ipo kwenye misingi, aliahidi kutoa saruji.
Pia alisema alikutana na viongozi wa Kiislamu mjini Dodoma na kuzungumza suala la usafiri na kuahidi kuwapatia gari kwa shughuli za Bakwata wilayani Iramba. “Sasa niwaambie jambo hilo limekamilika baada ya wiki mbili tumeni dereva tumepata Noah kwa ajili ya Bakwata yetu ya wilaya ya Iramba,” alieleza Mwigulu.
Mufti ahimiza amani, furaha Kwa upande wake, Mufti Shehe Mkuu wa Tanzania, Abubakar Zubeiri alisema kuzaliwa kwa Mtume Muhammad (S.A.W) na maisha yake kwa ujumla yalilenga furaha, amani na umoja wa kuishi kindugu baina ya Waislamu, wasio waislamu na jamii nzima.
Mufti alitaka Waislamu wamuenzi Mtume Muhammad kwa kuacha majungu, fitina na kuishi kwa upendo.
“Umma huu siku hizi kila mtu shehe, si kweli, na si kila shehe anafaa, anayefaa si shehe wa fitina, asiyejua neno gani aliseme wapi, kwenye harusi anatia neno la msiba,” alisema Mufti akizungumzia viongozi kujitathimini kauli zao na kutii mamlaka zilizopo madarakani kwa kuwa kila zama zina namna yake ya uongozi.
Akizungumzia uchumi, aliagiza viongozi wa Kiislamu kufanya kazi badala ya kujificha katika imani akisisitiza mtu akikaa tu bila kazi hapaswi kulalamika hana kitu.
“Mbingu hainyeshi mvua ya dhahabu wala ya fedha, ukiweka mikono juu, Mungu nipe nipe, akupeje umekaa tu,” alieleza. “Fanya kazi usiduseduse tu katika majumba ya watu, unasalimia, fanyakazi acha kula vyakula vya watu kwa kigezo cha kumcha Mungu,” alisema Mufti.
Aliitaka misikiti na madrasa ianzishe vyanzo vya mapato kuepuka kutegemea wafadhili ili kupata mashehe wazuri wenye elimu ya dini na ya dunia badala ya kujingamba kuwa wewe si mtu wa mchezo kumbe hakuna lolote.

Read More →

Magufuli kuongoza kikao cha NEC leo

 

KIKAO cha Halmashauri Kuu ya Taifa (NEC) ya Chama Cha Mapinduzi (CCM) kinakutana leo jijini Dar es Salaam ikiwa ni kikao cha kwanza kuongozwa na Rais John Magufuli tangu achaguliwe kukiongoza chama hicho tawala Julai mwaka huu.

Juzi, Rais Magufuli aliongoza kikao cha Kamati Kuu ambacho kilipaswa kuwa cha siku mbili, lakini kikamaliza kazi zake juzi.

Katibu wa Itikadi na Uenezi wa CCM Taifa, Nape Nnauye aliwaambia waandishi wa habari juzi baada ya kumalizika kwa kikao cha Kamati Kuu kwamba mapendekezo au hoja zote zilizoibuliwa na wajumbe katika kikao hicho zitawasilishwa katika kikao cha Halmashauri Kuu ya Taifa ambacho kitafanyika jijini Dar es Salaam.

Nape hakueleza hoja na mapendekezo hayo yanayopelekwa NEC, lakini kwa ujumla kikao hicho ndicho chenye uamuzi wa kubariki mapendekezo yanayotoka katika kikao cha Kamati Kuu hivyo inatarajiwa kuwa itafanya maamuzi mbalimbali.

Miongoni mwa hayo ni uteuzi wa mgombea wa ubunge wa Jimbo la Dimani Zanzibar, lakini pia huenda NEC ikabariki uteuzi wa wajumbe wa Sekretarieti ya chama hicho kama yatawasilishwa kwao na Mwenyekiti kutokana na nafasi mbalimbali kuwa wazi.

Naibu Katibu Mkuu Bara, Rajab Luhavi na aliyekuwa Kaimu Katibu wa NEC wa Siasa na Uhusiano wa Kimataifa, Dk Pindi Chana hivi karibuni wameteuliwa kuwa mabalozi wakati Nape pia anashikilia wadhifa wa uwaziri wa Habari, Sanaa, Utamaduni na Michezo.

Aidha, aliyekuwa Msemaji wa chama, Christopher ole Sendeka mwishoni mwa wiki aliteuliwa na kuapishwa kuwa Mkuu wa Mkoa wa Njombe, hali inayoashiria kuwa mabadiliko katika Sekretarieti hayaepukiki. 

Aidha, Nape aliwaambia waandishi juzi kuwa ajenda kuu katika kikao hicho cha Kamati Kuu ilikuwa ni tathimini ya Uchaguzi Mkuu wa mwaka 2015.

Alisema tathimini hiyo ilikuwa ni pana na imefanyika kwa kipindi cha karibu mwaka mmoja ambayo ilifanyika kwa ngazi ya mikoa, wilaya na kata na wamemaliza tathimini na kuipeleka makao makuu ya chama ili kupitiwa na vikao vya maandalizi vya sekretarieti na vikao vingine kisha ikawasilishwa kamati kuu kwa ajili ya kujadiliwa.

Alisema baada ya tathimini hiyo kujadiliwa Kamati Kuu itapelekwa katika kikao cha Halmashauri Kuu leo ambacho ndio chenye maamuzi na kitapitia na kuangalia endapo kuna mambo yaliyopendekezwa na hatua za kuchukua kama mabadiliko na vitu vingine.

“Huu ni utaratibu wa kawaida katika chama chetu kila uchaguzi huwa inafanyika tathimini ambazo hutusaidia sana, kujua wapi tulifanya vizuri na wapi hatukufanya vizuri na mengineyo yote yaliyokuwa sehemu ya ushiriki wa chama katika Uchaguzi Mkuu, na tumekuwa tukifanya hivi katika chaguzi zote hali ambayo imeifanya CCM kuimarika zaidi,” alieleza Nape.

Read More →

Jeshi la Polisi Kutoa Msimamo wake Leo Kuhusu Kauli za Mzee wa Upako Kwamba Waliomchafua Watakufa Mwakani

Read More →

Serikali Yacharuka Suala la Maiti 7 Kuokotwa Mto Ruvu,Waziri Mkuu Atoa Maagizo Mazito kwa Jeshi la Polisi

WAZIRI Mkuu, Kassim Majaliwa ameiagiza Wizara ya Mambo ya Ndani ya Nchi kupitia Jeshi la Polisi kufanya upelelezi kuwabaini waliohusika na mauaji ya watu saba ambao miili yao iliokotwa pembezoni mwa mto Ruvu wilayani Bagamoyo, mkoa wa Pwani, ikiwa kwenye mifuko ya sandarusi, ili hatua kali zichukuliwe dhidi yao.

Waziri Mkuu Majaliwa amesema serikali imepokea kwa huzuni kubwa taarifa ya kuokotwa kwa miili hiyo Desemba 8, mwaka huu na kueleza kuwa matukio kama hayo, likiwemo la mjasiriamali kuuawa baada ya kutekwa mkoani Tabora, hayavumiliki wala kukubalika.

Alitoa maagizo hayo jana katika Baraza la Maulid ya kuzaliwa Mtume Muhammad (S.A.W) lililofanyika kitaifa kijijini Shelui wilayani Iramba mkoani Singida. Waziri Mkuu Majaliwa alikuwa mgeni rasmi.

Alisema, “Serikali kwa kushirikiana na Polisi, tena Waziri wa Mambo ya Ndani uko hapa (akimzungumzia Mwigulu Nchemba aliyekuwepo katika baraza hilo), tutaendelea na upelelezi ili wahusika wachukuliwe hatua kali.”

Jana akihojiwa katika kituo cha televisheni cha Star TV, Mwigulu alisema uchunguzi umebaini kuwa miili saba iliyookotwa Bagamoyo ni ya wahamiaji haramu.

Miili ya watu sita ilikutwa Desemba 7, mwaka huu kando ya mto Ruvu wilayani Bagamoyo ndani ya mifuko ya sandarusi na ikiwa imewekwa mawe ili isielee kisha mifuko hiyo kushonwa kama mzigo wa mazao na kutupwa mtoni.

Mwili mwingine uliokotwa Desemba 9, eneo hilo hilo na pamoja na kutokuwa katika mfuko wa sarandusi, ulikuwa umevuliwa shati na kuonekana na majeraha mgongoni na kwenye ubavu umekatwa na kitu chenye ncha kali.

Mwishoni mwa wiki, Kamanda wa Polisi Mkoa wa Pwani, Boniventure Mushongi alisema miili yote ilizikwa kwa kuwa ilikuwa vigumu kuwatambua kutokana na kuharibika vibaya huku kukiwa hakuna kitambulisho chochote kinachoashiria watu hao ni nani na wametoka wapi na kwamba Polisi inaendelea na upelelezi kubaini waliohusika na mauaji hayo na atakayebainika sheria itachukua mkondo wake.

Aidha, Waziri Mkuu alisema serikali ipo macho kukabiliana na tishio lolote la usalama na vyombo vya usalama vipo tayari muda na wakati wote. 

Aliwataka wananchi kushirikiana na vyombo vya usalama kutoa taarifa wanapoona kuna hatari kwani viongozi wa dini na waumini wa dini hizo ndio walinzi wa Taifa.

Alisema uwepo wa vikundi vya uhalifu kama ‘panya road’ cha jijini Dar es Salaam ni hatari kwa jamii, kwani vinadhuru na kuvuruga amani na kueleza kuwa ni vijana na watoto wanaoishi katika jamii, walioko misikitini na makanisani na kutaka waripotiwe katika vyombo vya usalama ili washughulikiwe.

Alizungumzia ugaidi na kubambikizwa kesi, na kusema serikali itaendelea kusimamia mtu kupata haki zake na anayestahili adhabu, kuipata vile vile.

“Ni heri kuwa na watu 10 waliotoroka mahabusu kuliko mtu mmoja kukaa mahabusu kwa kesi ya kuonewa,” alisema Majaliwa.

Mwigulu anena kuhusu miili 7, Saanane

Akizungumza jana kwa simu kuhusu vifo hivyo vya Bagamoyo, Waziri wa Mambo ya Ndani ya Nchi, Mwigulu Nchemba alisema serikali baada ya tukio hilo ilichukua hatua kupitia vyombo vya usalama na tayari Mkuu wa Jeshi la Polisi nchini, Inspekta Jenerali, Ernest Mangu amemhakikishia wanalifanyia kazi.

“Kama nilivyosema awali, hatujajua asilimia mia kwa mia kama watu hao waliouawa wana connection (uhusiano) na wahamiaji haramu waliookotwa wamechoka sana hivi karibuni (juzi). 

“Kuna wahamiaji 81 waliokotwa hawajitambui, wameishiwa nguvu kabisa, ni eneo hilo hilo kulikookotwa miili hiyo, tumehisi watu waliowabeba wahamiaji hao inawezekana wengine walikufa na kwa vile hawana utu, wakawafunga katika viroba (sarandusi) na kuwatupa, Polisi wanachunguza hili kwa kina,” alieleza Mwigulu.

Aidha, alisema pia Polisi inachunguza ikiwa miili hiyo ilitupwa kikatili na wasafirishaji wa binadamu ambao nao hawana utu.

Alipoulizwa kwa nini wazikwe haraka bila vipimo vya vinasaba, Mwigulu alisema kuwa alizungumza na IGP na kuelezwa kuwa miili hiyo ilikuwa katika hali mbaya sana, lakini pia kuzikwa hakuzuii uchunguzi kufanyika kujua chanzo cha vifo hivyo.

Kuhusu kupotea katika mazingira ya kutatanisha Ofisa wa Ofisi ya Chadema, Makao Makuu Dar es Salaam, Bernard Saanane Novemba 18, mwaka huu, Mwigulu alisema aliona taarifa hizo kupitia mitandao ya kijamii na kwa kuwa alikuwa akimfahamu, alimpigia simu na kubaini simu haipatikani.

“Nilishtuka kuona hizi habari, binafsi ni rafiki yangu wa karibu, nilipoona hizi habari nilimpigia na sikumpata, baada ya kuona simpati nilimpigia Mbowe (Freeman- Mwenyekiti wa Chadema Taifa), lakini simu yake iliita kama vile mtu yupo nje ya nchi,” alifafanua Mwigulu.

Hata hivyo, alisema amemuagiza IGP awaagize polisi kumtafuta Saanane na kuhakikisha ufumbuzi wa kupotea kwake unapatikana na kujulikana alipo.

Juzi, Mwenyekiti wa Umoja wa Kizazi cha Kuhoji Tanzania (UTG), Malisa Godlisten akizungumza na waandishi wa habari, aliipa Chadema na taasisi za umma zenye dhamana ya usalama wa raia saa 72 kuanzia jana kuhakikisha Saanane anapatikana na kueleza umma chanzo cha vifo vya watu hao saba ambao miili yao ilikutwa kando ya mto Ruvu, Bagamoyo.

Read More →

MAGAZETI YA LEO JUMANNE DEC 13 2016

Read More →

hii hapa ratiba kumi na sita bora uefa 2016/2017

Read More →

HAYA HAPA MAJINA YA WATU WALIOITWA KWENYE USAILI WA KAZI -ZANZBAR

 

TANGAZO LA USAILI WIZARA YA AFYA

---

Tume ya Utumishi Serikalini inawatangazia wale wote walioomba nafasi za kazi katika Wizara ya Afya kwa nafasi za Pemba, kufika Wizara ya Afya Chake Chake Pemba kwa ajili ya usaili siku ya Jumaatano tarehe 14 December, 2016 saa 2:00 asubuhi.

VIJANA WENYEWE NI:

Read More →

HAYA HAPA MAJINA YA WANAFUNZI WALIOPATA MKOPO ZANZBAR MWAKA WA MASOMO 2016/2017

WAOMBAJI WALIOTEULIWA KUPATA MIKOPO KWA MWAKA WA MASOMO 2016/17

Read More →

Sheikh Ponda Amtembelea Godbless Lema Gerezani,Lema Aandika Barua Nzito Akiwa Gerezani

Read More →

MAGAZETI YA LEO JUMATATU DECEMBER TAREHE 12.12.2016

Read More →

DC acharuka mimba ya mwanafunzi

Read More →