JKT:TAARIFA KWA UMMA KUHUSU USAILI WA VIJANA WATAALAMU WA TASNIA YA HABARI

...

INNOCENT-THE BLOGGER-BOY

TAARIFA KWA UMMA

Jeshi la Kujenga Taifa linakanusha taarifa zinazosambazwa kupitia ujumbe mfupi wa maandishi kwenye simu za kiganjani na baadhi ya mitandao ya kijamii kuwa “Mkuu wa Jeshi la Kujenga Taifa ametoa nafasi maalum kwa wahitimu wa taaluma ya Uandishi wa Habari wenye elimu ya stashahada na shahada wanaopenda kujiunga na mafunzo ya JKT kwa kujitolea”.

Habari hizo siyo sahihi kwani mchakato wa nafasi zote za vijana wanaotaka kujiunga na mafunzo ya Jeshi la Kujenga Taifa kwa Kujitolea zimepelekwa kwenye mamlaka za Serikali za mikoa yote, ambapo kwa sasa zoezi hilo linaendelea katika ngazi za wilaya.

Aidha Makao Makuu ya JKT yanaendelea kusisitiza kuwa hayapokei na wala hayatapokea maombi yoyote ya kujiunga na mafunzo ya JKT kwa kujitolea kwa mwaka 2016.

Imetolewa na:

Kurugenzi ya Habari na Uhusiano

Makao Makuu ya JKT

Tarehe 02 Mei 2016