Mchekeshaji aliyekuwa akishiriki shoo ya Churchill Njenga Mswahili amefariki dunia.
Mwili wa Njenga umepatikana Alhamisi, Novemba 7,2019 eneo la Daforeti South, katika Soko la Ndonyo nchini Kenya na inadaiwa aligongwa na treni.
Thursday, 7 November 2019
Serikali Inatambua Mchango Wa Wazee Waliotumika Katika Ukombozi Wa Nchi Na Ujenzi Wa Taifa
Ameyasema hayo Bungeni jijini Dodoma wakati akijibu swali la Mheshimiwa Fakharia Shomar Khamis (Mb.) lililouliza Je, Serikali inawaangalia vipi wazee wetu wane walioshiriki katika kuchanganya udongo siku ya Muungano mwaka 1964, kwa kuwapa asante baada ya utu uzima kuwafikia.
Naibu Waziri aliongeza kuwa Kundi hili ni moja kati ya makundi mengi yaliyotoa mchango wa hali na mali katika kulijenga Taifa hili ikiwemo wastaafu na walioshiriki katika Vita vya Kagera. Hata hivyo, kwa sasa hakuna sheria mahsusi ya asante au malipo kwa watu waliofanya mambo makubwa yanayojenga historia ya Nchi.
“Kuwashirikisha Wazee hawa katika maadhimisho ya sherehe za Muungano ni sehemu ya kutambua mchango wao na kukumbuka tukio muhimu la uchanganyaji wa udongo wa Tanganyika na Zanzibar. Ushiriki wao huwezeshwa na Ofisi ya Makamu wa Rais. Aidha, pamoja na wazee hawa, yapo makundi mengine ya wazee ambao kwa namna moja au nyingine walitoa mchango wao katika ujenzi wa Taifa ambao pia hualikwa kushiriki katika maadhimisho hayo mfano Viongozi Wastaafu na Wanasiasa Wakongwe” alisema Waziri Sima.
Aidha Naibu Waziri Sima akijibu swali la Mh Jaku Hashim Ayoub (B.L.W) lililouliza Kwa mujibu taarifa rasmi ya Serikali Mapinduzi ya Zanzibar (SMZ) iliyotolewa mwaka 2014, Kisiwa cha Latham (Fungu Mbaraka) ni mali ya Zanzibar tangu kilipotangazwa rasmi mwaka 1898. Hata hivyo zipo taarifa zilizothibitishwa kuwa Serikali ya Muungano kupitia Ofisi ya Waziri Mkuu iliiandikia SMZ kuwataarifu kwamba Kisiwa hicho ni cha Tanzania Bara:-
Je, Serikali hizi mbili ambazo ni ndugu wa damu watakaa kutatua kero hii ya muda mrefu; na Je, Serikali haioni kuwa umefika muda muafaka kulifanyia kazi suala hilo.
Waziri Sima alisema kuwa Kwa mujibu wa Katiba ya Jamhuri ya Muungano wa Tanzania ya mwaka 1977 na sheria ya mabadiliko ya Katiba sura ya 83 Ibara ya 2 (1) inatamka wazi kuwa eneo la Jamhuri ya Muungano wa Tanzania ni eneo lote la Tanzania Bara na Tanzania Zanzibar pamoja na sehemu ya bahari ambayo imepakana na nchi za Kenya, Shelisheli, Comoro na Msumbiji. Hivyo basi, kwa mujibu wa tafsiri ya mipaka hiyo, Kisiwa cha Latham (Fungu Baraka) kiko ndani ya eneo la Jamhuri ya Muungano wa Tanzania. Na pia hakuna mgogoro wa umiliki wa eneo la kisiwa hicho kwa vile kimo ndani ya mipaka ya Jamhuri ya Muungano wa Tanzania.
Tanzania Yapunguza Uingizaji Wa Dawa Za Kulevya Aina Ya Heroin Kwa Asilimia 90%.
Na,Faustine Gimu Galafoni,Dodoma.
Kwa mujibu wa Shirika la Kimataifa la kupambana na dawa za kulevya na Uhalifu[UNODC],Tanzania ilipunguza uingizaji wa dawa za kulevya aina ya Heroin kwa asilimia 90% .
Hayo yamesemwa Nov.6,2019 na Waziri wan chi,Ofisi ya Waziri Mkuu ,Sera,Bunge ,kazi,vijana ,Ajira na watu wenye Ulemavu Mhe.Jenista Mhagama wakati akizungumza na Waandishi wa Habari bungeni jijini Dodoma mara baada ya kuwasilisha bungeni Taarifa ya Hali za Dawa za Kulevya ya mwaka 2018.
Mhe.Mhagama amesema pamoja na jitihada zilizofanywa na serikali katika kupambana na dawa za kulevya ,bangi imeendelea kuwa tatizo hapa nchini ambapo ametaja mikoa ambayo imeonekana kuathirika zaidi na kilimo cha bangi ni pamoja na Mara,Tanga,Morogoro,Arusha,Kagera na Ruvuma huku pia Mirungi ikiendelea kutumiwa na watu wa rika hapa nchini.
Aidha,Mhe.Mhagama amesema kwa kipindi cha mwaka 2018 juhudi ya vyombo vya dola kwa kushirikiana na wananchi zilifanikiwa ukamataji wa tani 24.3 za bangi zikiwahusisha watuhumiwa 10,061 na tani 8.97 za mirungi zikiwahusisha watuhumiwa 1,186.
Katika kipindi cha Mwaka 2018 jumla ya kesi 7,593 zikiwa na jumla ya watuhumiwa 10,979 zilifunguliwa katika mahakama mbalimbali nchini huku jumla ya kesi 7,174 zilizowahusisha watuhumiwa 11,045 ziliendelea kusikilizwa.
Pia,Mhe.Mhagama amesema serikali imeendelea kutoa huduma za tiba kwa watumiaji wa dawa za kulevya ambapo jumla ya vituo 6 vilivyopo katika mikoa ya Dar Es Salaam,Mwanza,Mbeya,na Dodoma viliendelea kutoa huduma na hadi kufikia mwaka 2018 ,zaidi ya watumiaji elfu nane[8000] waliendelea kupatiwa huduma za Methadone katika vituo husika.
Hivyo,Waziri Mhagama ameendelea kufafanua serikali itaendelea kuimarisha mapambano dhidi ya dawa za kulevya huku akivipongeza vyombo vya habari pamoja na wadau mbalimbali kwa kuendelea kusisitiza madhara ya dawa za kulevya kwa Taifa la Tanzania.
Kwa upande wake kamishna wa Kinga na tiba kutoka Mamlaka ya kudhibiti na kupambana na dawa za kulevya nchini Dokta Peter Mfisi amesema bei ya dawa ya kutibu waathirika wa dawa za kulevya [methadone] inanunuliwa kwa Soko la India kati ya dola 650 hadi dola 700 na kilo moja ya Methadone inawezakuhudumia watu 650 mpaka 700.
Serikali Yawahakikishia Ushirikiano Wanunuzi Wakubwa Wa Tanzanite
Serikali imewahakikishia Ushirikiano Wanunuzi Wakubwa wa Madini ya Tanzanite kutoka nchi za Marekani na Canada ambao Novemba 6, 2019, walihitimisha ziara ya siku tano nchini.
Ziara ya wanunuzi hao wakubwa ililenga kuona eneo ambalo madini hayo adhimu yanapozalishwa, kuona namna shughuli za uchimbaji zinavyofanyika, uzalishaji, uthamini, shughuli za uongezaji thamani madini hayo zinavyofanyika pamoja na masuala mengine yanayohusu madini ya tanzanite.
Akizungumza katika halfa fupi ya kuuaga ujumbe huo iliyofanyika katika Uwanja wa Ndege wa Kimataifa KIA, Waziri wa Madini Doto Biteko amesema kuwa, ujumbe huo ndiyo wanunuzi wakubwa wa mwisho wa tanzanite yote duniani ambapo wananunua asilimia 75 hadi 80.
Ameongeza kwamba, wizara kwa upande wake imefurahishwa na ujio wa ujumbe huo kwa kuwa ni fursa ambayo itasaidia kutangaza madini ya tanzanite na mahali inapotoka na hivyo kuliwezesha taifa kupata wanunuzi zaidi wa tanzanite.
“Tumepata watu wakubwa na wameahidi kuendelea kuja, hii itatusaidia kupata wanunuzi wazuri wa tanzanite, watatusaidia kutangaza madini yetu”.
Aidha, Waziri Biteko amesema Tanzania ndiyo mahali salama pa kuwekeza katika sekta ya madini na hivyo wizara kwa upande wake, inaendelea kuwakaribisha wawekezaji kuwekeza nchini ikiwemo wanunuzi wa tanzanite.
Pia, amekipongeza Chama Cha Wafanyabishara wa Madini ya Vito (TAMIDA) kwa hatua hiyo ya kuwezesha wanunuzi hao kuja nchini na kueleza “TAMIDA mmethibitisha bila shaka mnaweza kufanya kazi na serikali’’.
Kwa upande wake, Mwenyekiti wa TAMIDA Sam Mollel amesema kuwa ziara ya wanunuzi hao ililenga katika kuitangaza Tanzania kama nchi pekee inayozalisha madini ya tanzanite duniani, kuona eneo ambalo madini hayo yanapozalishwa, ikiwemo kuona namna shughuli za uchimbaji wa madini hayo unavyofanywa , uthamini unavyofanywa katika eneo la mirerani pamoja na udhibiti wa Tanzanite unaofanywa na serikali.
‘’ Tumepata watu watakao simama na sisi kutangaza madini ya tanzanite, suala ambalo litawezesha pia bei ya tanzanite kupanda. Hata wao wanataka yasipite kwingine yakishaongezwa thamani hapa yaende moja kwa moja kwao.’’amesema Mollel.
Akizungumza kwa niaba ya ujumbe huo, Ken Oschipok kutoka kampuni ya Diamond International amesema ni mara yake ya kwanza kufika Afrika na amevutiwa na mazingira yote kuhusu tanzanite, ukarimu wa watanzania na mazingira ya kibiashara na hivyo kuahidi kutumia fursa hiyo kutoa elimu kuhusu Madini hayo na uhalisia wake kwa watu wengine.
Mbali ya kutembelea migodi ya tanzanite Mirerani na kujionea shughuli za uzalishaji wa madini hayo, pia, ujumbe huo ulipata fursa ya kutembelea vivutio vya utalii vilivyoko nchini.
Aidha, hafla hiyo pia ilihudhuriwa na Mkuu wa Mkoa wa Kilimanjaro Anna Mhugwila, Katibu Mkuu wa Wizara ya Madini Prof. Simon Msanjila, Mkurugenzi wa Utawala na Rasilimali Watu Issa Nchasi na viongozi waandamizi wa Uwanja wa KIA.
Tanzania Na Malawi Wasaini Makubaliano Ya Kibiashara
Makubaliano hayo yamelenga pia kuingiza sheria mpya ili kufanya mazingira wezeshi ya ufanyaji biashara baina ya mataifa hayo na kuyaingizia pato la Taifa.
Amesema hayo jijini Dar es Salaam, Waziri wa Ujenzi, Uchukuzi na Mawasiliano, Mhe. Mhandisi Isack Kamwelwe, mara baada ya kupitia makabalinao ya awali baina ya nchi hizo mbili yaliofanyika toka mwaka 1987 na kufafanua namna ambavyo Serikali ya Awamu ya Tano imejipanga kufungua nchi yetu na nchi jirani kwa miundombinu bora.
“Nchi ya Tanzania na Malawi imekuwa ikishirikiana kwa muda mrefu katika masuala ya kijamii, na kiuchukuzi na hivyo makubaliano mapya yaliyosainiwa ni kuona namna bora zaidi ambavyo tutashirikiana hasa katika masuala ya kibiashara kwa kuzingatia miundombinu yetu” amefafanua Waziri Kamwelwe.
Akielezea uboreshaji wa miundombinu yetu nchini, Waziri Mhandisi Kamwelwe
ameeleza kuwa Serikali inaendelea na ujenzi wa barabara ya Mpemba – Isongole yenye urefu wa (km 50.3) inayounganisha nchi yetu na mpaka wa Malawi kupitia Wilaya ya Chitipa hivyo ikikamilika itasaidia sana katika masuala ya usafirishaji wa bidhaa na mizigo.
Aidha, ameongeza kuwa katika mpaka wa Kasumulu ambao pia unaunganisha nchi hizo mbili, Serikali imeshaanza ujenzi wa Kituo cha Pamoja cha Forodha (One Stop Border Post – OSBP) ambayo itasaidia katika kurahisisha biashara za Malawi na Tanzania.
Mhandisi Kamwelwe ameeleza uboreshaji wa bandari ya Dar es Salaam ikiwemo kuongeza kina cha maji na gati zake kuanzia Namba 1 hadi 7 ambazo zitaiwezesha bandari hiyo kuhudumia meli kubwa zenye uwezo wa kubeba makasha 5,000 kwa wakati mmoja.
Waziri Kamwelwe asema kuwa katika kujenga mahusiano mazuri kati ya nchi hizo, Mamlaka ya Bandari ya Tanzania (TPA), ilichukua hatua ya kutembelea nchi ya Malawi na kukutana na kuzungumza na wafanyabishara kwa lengo la kuainisha maeneo ya ushirikiano na kuboresha maisha ya Tanzania na Malawi.
Amefafanua kuwa sasa TPA ipo katika hatua za usimikaji wa(Flow Meter) za kisasa katika Bandari ya Dar es Salaam, Tanga na Mtwara ili kurahisisha upakuaji wa mafuta kutoka kwenye meli.
Kwa upande wake Waziri wa Ujenzi na Uchukuzi wa Malawi Mhe. Ralph Jooma,
amesema kuwa mkataba wa makubaliano waliosaini utatekelezwa kwa ufanisi na tija.
Pia Malawi itashirikiana vyema na Bandari ya Dar es Salaam kuwa bandari ya wafanyabishara na hivyo kusaidia kuongeza uchumi wa mataifa yote mawili.
Makubaliano ya kibishara kati ya nchi hizo yamefanywa kati ya Waziri wa Ujenzi, Uchukuzi na Mawasiliano, Mhe. Mhandisi Isack Kamwelwe na Waziri wa Ujenzi na Uchukuzi wa Malawi Mhe. Ralph Jooma.
UDOM-Internal University Transfer Forms 2019/2020
UDOM-APPLICATION FORM FOR INTERNAL TRANSFER OF STUDENTS FOR THE 2019-2020 ACADEMIC YEAR, UDOM-ANNOUNCEMENT OF APPLICATION FOR INTERNAL TRANSFER OF STUDENTS FOR THE 2019-2020 ACADEMIC YEAR The University of Dodoma provides a unique environment for teaching, learning, research, and public services to ensure a memorable and lifetime experience. Additionally, since the quality of student experience is as well a… Read More »
The post UDOM-Internal University Transfer Forms 2019/2020 appeared first on Udahiliportal.com.
ALAF: Swahili scholarship Opportunities at University of Dar es salaam 2019/2020
ALAF: Swahili scholarship Opportunities at University of Dar es salaam 2019/2020 The University of Dar es Salaam University’s Swahili Studies Institute in collaboration with ALAF Limited is pleased to announce the funding of three (3) students studying for the MA Kiswahil program at the University of Dar es Salaam for the 2019 / 2020. See the appendix for more details. Attachment : 20191107_092959_UDSM_STALLED CONFIDENTIAL 2019-2020 -RUDIO.doc
The post ALAF: Swahili scholarship Opportunities at University of Dar es salaam 2019/2020 appeared first on Udahiliportal.com.
SUA-Inter University Transfer Window 2019/2020 Academic Year
SUA-Inter University Transfer Window 2019/2020 Academic Year SUA-PROCEDURES FOR INTER-UNIVERSITY TRANSFER FOR 2019/2020 ACADEMIC YEAR The Directorate of Undergraduate Studies wishes to inform all prospective students who were admitted to pursue different degree programs in other Universities in the academic year 2019/2020 but would like to transfer to SUA that online application for transfers will be open from… Read More »
The post SUA-Inter University Transfer Window 2019/2020 Academic Year appeared first on Udahiliportal.com.
Contract Basis Jobs at Mbeya University of Science and Technology (MUST) – 6 posts
Welcome to Mbeya University of Science and Technology (MUST). As a higher learning institution, Mbeya University of Science and Technology endeavors to be a leading University of Science and Technology and ensuring that it becomes a centre of excellence for academics, research and consultancy. MUST further strives to be a centre where modern and indigenous technologies meet for… Read More »
The post Contract Basis Jobs at Mbeya University of Science and Technology (MUST) – 6 posts appeared first on Udahiliportal.com.
Software Developer – Volunteer required at at Prefix
Job Title : Software Developer – Volunteer Department : Development & Engineering Department Reports To : Development director Date : 7th November 2019 Summary The software developer shall be responsible for the analysis, development, testing and supporting highly complex application software. Requirements The task at hand requires someone who knows the following Laravel Framework for the Back-End, creating… Read More »
The post Software Developer – Volunteer required at at Prefix appeared first on Udahiliportal.com.
Job Opportunities at Kazini Kwetu, Depot Accountants
Place: KAHAMA Deadline: 20th November, 2019 DEPOT ACCOUNTANTs – KAHAMA On behalf of client Kazini Kwetu Limited is looking for Depot Accountants with exceptional abilities and who are ambitious to climb the ladder in their professions. They will work in a well established manufacturing company based in Kahama. Interested candidates should apply online. Responsibilities Post and process journal… Read More »
The post Job Opportunities at Kazini Kwetu, Depot Accountants appeared first on Udahiliportal.com.
Waste Management Plant Officer at Tindwa Medical and Health Services
Job Title: Waste Management Plant Officer Medical Services, Waste and Environmental Management, Occupation Health and safety both local and international and Medical Supplies Services. Currently, it is looking for a Waste Management Plant Officer, person who is self-motivated, committed, result driven and self-motivated to work with the company. Job Description Reports To : Waste & Environmental Manager Deadline… Read More »
The post Waste Management Plant Officer at Tindwa Medical and Health Services appeared first on Udahiliportal.com.
3 Jobs Opportunities at Sokowatch East Africa
Position: Dar es Salaam Warehouse Manager About Us: Sokowatch is transforming communities across Africa by revolutionizing access to essential goods and services. By connecting small shops to the digital economy, we fix inefficient supply chains and provide services that were previously unavailable. Sokowatch aims to provide everything a retailer needs, no wholesalers or banks necessary. Our Vision Dominate… Read More »
The post 3 Jobs Opportunities at Sokowatch East Africa appeared first on Udahiliportal.com.
Program and Operations Manager, Tanzania Job Opportunity
Position Title: Program and Operations Manager, Tanzania Reports to: Chief of Party, Tanzania Department: International Programs Division, Africa Team Location: Dar es Salaam, Tanzania Freedom House promotes the spread of freedom and democracy around the world through research, advocacy, and programs that support frontline activists. We are a leader in identifying threats to freedom through our highly regarded… Read More »
The post Program and Operations Manager, Tanzania Job Opportunity appeared first on Udahiliportal.com.
Dkt. Abbasi: Serikali Imeweka Mifumo Ya Kisheria Na Kitaasisi Kwa Maendeleo Endelevu ya Watanzania
Na Mwandishi Wetu, MAELEZO
SERIKALI imesema imeweka mifumo imara ya kitaasisi na kisheria inayohakikiwa kuwa miradi ya maendeleo inayotekelezwa na itakayotekelezwa na Serikali ya Awamu ya Tano inaendelea kuleta manufaa endelevu kwa faida ya Watanzania wote.
Hayo yamebainishwa jana Jijini Dar es Salaam na Mkurugenzi wa Idara ya Habari (MAELEZO) na Msemaji Mkuu wa Serikali Dkt. Hassan Abbasi wakati wa mkutano wake na Waandishi wa Vyombo vya Habari aliozungumzia kuhusiana na tathimini ya miaka minne ya Uongozi wa Rais Dkt. John Magufuli.
Dkt. Abbasi alisema yapo mambo mengi na miradi mikubwa ya maendeleo inayotekelezwa na itakayotekelezwa na Serikali ya Awamu hivyo ili kuwezesha mafanikio yake yanaleta matokeo chanya kwa Watanzania na jamii kwa ujumla, Serikali imeweka mifumo imara ya kitaasisi na kisheria kwa ajili ya kulinda mafanikio hayo hata baada ya Serikali ya Awamu ya Tano kumaliza muda wake.
‘‘Tanzania kwa sasa ndani ya kipindi kifupi cha miaka minne ya Utawala wa Serikali ya Awamu ya Tano tumeweza kufanya mambo mengi ikiwemo suala la rushwa ambalo limekuwa kero kubwa kwa Watanzania na hilo kwa sasa tumeunda Mahakama maalum ya Mafisadi ambayo tayari imesikiliza kesi zaidi ya 50’’ alisema Dkt. Abbasi.
Aidha aliongeza zipo ahadi za utelezaji wa miradi na mipango mbalimbali ya Serikali iliyoahidiwa kufanywa na Rais Dkt. John Magufuli ambayo awali ilikuwa ikileta kero na kuchelewesha maendeleo ya Watanzania, ambapo ndani ya kipindi kifupi cha miaka minne ya utawala wa Serikali ya Awamu ya Tano yameweza kutekelezwa.
Akifafanua zaidi Dkt. Abbasi alisema ndani ya kipindi cha miaka minne ya uongozi wa Rais Dkt. John Magufuli, Serikali ya Awamu ya Tano imeweza kutimiza ahadi mbalimbali ambazo tayari zimeanza kuleta matokeo chanya kwa Watanzania ikiwemo ununuzi wa ndege za Serikali ambapo awali jambo hilo lilikuwa na ugumu katika utekezaji wake.
‘Jambo jingine ni suala la kuhamia Dodoma, jambo hili kwa sasa si ndoto tena kwani kwa sasa asilimia 90 ya watumishi wa Serikali katika Wizara na baadhi ya Idara, Taasisi na Wakala za Serikali wamehamia Dodoma na Serikali imeweza msingi wa kisheria wa kuitangaza Dodoma kuwa ni makao makuu ya Serikali’’ alisema Dkt. Abbasi.
Kwa mujibu wa Dkt. Abbasi alisema ili maendeleo hayo yazidi kuleta manufaa endelevu kwa vizazi vijavyo, Watanzania hawana budi kuwa wazalendo na kuwa walinzi wa mali za umma na kutoa taarifa katika mamlaka za serikali kuhusu uharibifu na ubadhirifu unaofanywa na mtu au kikundi chochote katika jamii.
Kwa mujibu wa Dkt. Abbasi alisema Serikali ya Awamu ya Tano kupitia ushirikiano wake na wananchi imeweza kutekeleza miradi mikubwa ya maendeleo ya kijamii na kiuchumi ikiwemo ujenzi wa vituo vya afya, maji, elimu na barabara, ambayo imeendelea kuwagusa wananchi wengi zaidi hususani wa kipato cha chini.
Akitolea mfano, Dkt. Abbasi alisema Serikali inatekeleza miradi ya maji 1600 nchi nzima ikiwemo miradi 300 inayotekelezwa katika maeneo ya vijijini na kutumia kiasi cha Tsh Bilioni 700 kwa ajili ya kutekeleza miradi hiyo katika maeneo ya mijini ili kuhakikisha kuwa inafikia kiwango cha asilimia 85 vijijini na asilimia 95 maeneo ya mijini ifikapo mwaka 2020.
Kuhusu sekta ya afya, Dkt. Abbasi alisema Serikali kwa sasa imeendelea kuimarisha sekta hiyo kwani kwa sasa Tanzania imekuwa nchi mfadhili kwa kuweza kufanya huduma mbalimbali za kibingwa ambazo zilikuwa zikifanyika nje ya nchi na kuifanya Serikali kupoteza kiasi kikubwa cha fedha za Watanzania.
‘Ndani ya kipindi cha miaka minne Serikali imeweza kuongeza bajeti ya dawa na vifaa tiba kutoka Tsh Bilioni 31 mwaka 2014/15 hadi kufikia Bilioni 270, na pia kuajiri waganga wataalamu zaidi ya 6000 wanaohudumia wagonjwa katika hospitali zetu za Mikoa, Wilaya, Vituo vya Afya katika Kata na Zahanati katika maeneo ya vijijini’’ alisema Dkt. Abbasi.
VUVUZELA, TOCHI KUWARUDISHA HIFADHINI WANYAMA WANAOVAMIA MAKAZI YA WATU HIFADHI YA MKOMAZI
bwawa la Dindira lililopo hifadhini humo ambalo linatumiwa na wanyama kwa ajili ya kunywa maji
HIFADHI ya Taifa ya Mkomazi iliyopo wilayani Same mkoani Kilimanjaro imeeleza kwamba watatumia mavuvuzela na tochi zenye mwanga mkali kuwafukuza wanyama wanaovamia makazi ya wananchi wakiwemo Tembo na kuwarudisha kwenye hifadhi.
Hayo yalisemwa na Kamishna Msaidizi wa Uhifadhi kwenye Hifadhi ya Taifa ya Mkomazi Kamishna Msaidizi wa Uhifadhi Abeli Mtui wakati akizungumza na waandishi wa habari ambao walitembelea hifadhi hiyo.
Alisema kwamba watashirikiana pia na baadhi ya taasisi binafsi ambazo zimebuni mbinu za kuwafukuza wanyama hao ikiwemo la wakulima kufundishwa namna ya kuweka uzio wa mabati ambayo yanayopiga kelele na imesaidia kwa asilimia kubwa.
Kamishna huyo Msaidizi wa Uhifadhi alisema wamefanya jitihada zote huku akitoa wito kwa wananchi wazingatie na wanaona ufumbuzi wa mkubwa ni yale maeneo ambayo yalikuwa ni mapitio ya wanyama kufanya matumizi bora ya ardhi,rafiki yanayoendana na yasiwe ya kilimo au yake ya kuchunga ili kupunguza mgongano wa kuharibu mazao.
“Kikubwa ni kutenga au kufanya matumizi bora ya ardhi kwenye vijiji yale maeneo yenye historia ya kupita wanyama watu wayapangia matumizi ambayo ni rafiki au matumizi yanayoendana na yasiwe ya kilimo au yawe ya kuchungia ili kupunguza mgogano wanyama kuharibu mazao”Alisema
Aidha alisema kwamba wana matumaini makubwa na kuna mikakati wanaoiweka ili wasaidiane na viongozi wa vijiji katika kukamilisha mipango bora ya matumizi ya ardhi ili maeneo yaliyonekana ni mapito ya wanyama yaweza kufanyiwa matumizi mazuri yanayoendena na uhifadhi wa wanyama pori pia na matumizi ya mifugo kama malisho.
Alieleza pia kwamba hifadhi hiyo ni moja kati ya hifadhi ambayo inapakana na Hifadhi ya Tsavo West ya Kenya na katika mfumo wa ikolojia ya savo mkomazi kwa upande wa Kenya ndio eneo lenye idadi kubwa ya Tembo kwa mujibu wa sensa miaka iliyopita kwenye huo mfumo kulikuwa na tembo 23000 .
Alisema na mwaka 2014 hesabu ilifanyika na walionekana tembo 60 na wao wamefanya sensa mwaka huu wakati wa kiangazi wamepata tembo zaidi ya 1000 ina maana idadi kubwa ya tembo wameongezeka na hao tembo ni kwa sababu hawana mipaka wanaotembea kwenye mfumo wa ikolojia na kipindi hicho wamekuwa na tembo wengi ambao wamekuwa wakipita kwenye makazi ya watu.
“Hili linatokana na kwamba mara nyingi tembo eneo ambalo amepita miaka ya zamana anatabia ya kupita tena kilichoonekana kwenye kipindi cha kiangazi mapito ambayo yalikuwa ya tembo wanapita watu wamevamia na kuweka makazi hata madhara makubwa yametokea”Alisema.
Hata hivyo alisema kwamba changamoto kubwa ni watu wamelima karibu na hifadhi huku wakiwa hawajaacha hata mita moja na ndio changamoto inapelekea kuwa rahisi tembo kuingia kwenye hayo maeneo na mashamba na kufanya uharibifu mkubwa.
Naye kwa upande wake Afisa Mwandamizi wa Uhifadhi katika Idara ya Utalii hifadhi ya Taifa ya Mkomazi Benard Mgina amesema hali ya utalii wageni wamezidi kuongezeka kwa sababu ukiangalia takwimu 2009 hadi 2010 wageni 854 wametembela hifadhi wageni wa nje walikuwa ni 419 na wa ndani 435.
Aliema utaona kuna utofauti mkubwa sana vile vile ulkiangalia hesabu kutoka mwaka 2009 /2010 kwenda 2018 hadi 2019 kuna tofauri kwa sababu 2009 /2010 ilikuwa wageni 854n lakini 2018/2019 wamepokea wageni 2930.
Afisa Mwandamizi huyo wa Uhifadhi wa Idara ya Utalii alisema kwamba wageni ambao wamepokelewa kwa mwaka 2018/2019 kati yao wageni 728 kutoka nje na 2200 walikuwa wageni wa ndani kuna utofauti mkubwa sana.
Mwisho.
