NAIBU WAZIRI BASHE ATOA MAAGIZO KWA TUME YA TAIFA YA UMWAGILIAJI

Picha ni Naibu Waziri wa Wizara ya Kilimo,  Mhe. Hussein Bashe, akizungumza na Management ya Tume ya Taifa ya Umwagiliaji na Wahandisi wa Umwagiliaji wa Mikoa hawapo pichani, katika ukumbi wa Wizara ya Kilimo Uliyopo jijini Dodoma

Naibu Waziri wa Kilimo Hussein Bashe kushoto, akifuatilia taarifa inayowasilishwa na Kaimu Mkurugenzi Mkuu wa Tume ya Taifa ya Umwagiliaji Bw. Daudi Kaali (kulia)  katika kikao kazi kilichofanyika katika ukumbi wa Wizara ya Kilimo Jijini Dodoma.

Mkurugenzi wa Rasilimali Watu wa Tume ya Taifa ya Umwagiliaji Bi. Mary Mwangisa akizungumza  kabla ya kuanza kwa kikao kazi na NaibuWaziri wa Kilimo Mhe. Hussein Bashe katika ukumbi wa Wizara ya KilimoJijiniDadoma

Picha ikionesha baadhi ya Wahandisi wa Umwagiliaji wa Mikoani chini wakishiriki katika kikao kazi kilichoongozwa na Naibu Waziri wa Kilimo  Hussein Bashe jijini Dodoma

Picha ikionesha baadhi ya watumishi wa Tume ya Taifa ya Umwagiliaji wakimsikiliza Naibu Waziri wa Wizara ya Kilimo Hussein Bashe katika kikao kilichofanyika katika ukumbi wa Wizara hiyo mapema

 
 Na Mwandishi Wetu - Dodoma.

Naibu Waziri wa Kilimo Mhe. Hussein Bashe, Ameitaka Tume ya Taifa ya Umwagiliaji, kutumia wataalamu na rasilimali za ndani katika kazi za upembuzi yakinifu katika ujenzi wa Miundombinu ya Umwagiliaji,ili kupunguza gharama za ujenzi wa miradi ya miundombinu hiyo.

Bashe aliliyasema hayo Jijini Dodoma alipokutana na Management ya Tume ya Taifa ya Umwagiliaji na Wahandisi wa Umwagiliaji nchini nakuagiza Mitambo 56  inayomilikiwa na Tume popote ilipo nchini  ikaguliwe nakufanyiwa matengenezo huko iliko na yenye hali mbaya iletwe katika ofisi za makao makuu ya Tume jijini Dodoma kwa matengezo zaidi.

Sambamba na hilo aliagiza Tume ya Taifa ya Umwagiliaji ifanye Utaratibu wa kuyutambua maeneo yote ya kilimo cha umwagiliaji nchini yapo wapi yana ukubwa gani na yanalima mazao gani ilikuweza kujua ni maeneo gani yanayoweza kufanyiwa maboresho na kumwagiliwa kihalisia.

Naibu Waziri Bashe aliwashauri wataalamu hao, kuweza kuona namnayakuhusisha sekta binafsi katika kuboresha miundombinu ya umwagiliaji na kuanzisha kilimo Biashara kupitia sekta ya umwagiliaji, pamoja, nakuwaagiza kuainisha eneo litakalotumika kwa kilimo cha umwagiliaji katika Bwawa la mwalimu Nyerere, nakuliwekea mipaka ili lisiweze kuvamiwa na shughuli nyingine za kibinadamu.

Aidha, Naibu Waziri Bashe ameiagiza Tume hiyo iwe na mpango mkakati wa miaka mitano wautekelezajiwa kuongeza eneo la Umwagiliaji, lenye ukubwa wa Hekta milioni moja sambamba na hilo kuangalia litazalisha mazoa ya aina gani, kwa kiasi gani litakuwa katika vijiji gani na litatumiwa na wakulima wangapi.

 “Pamoja na hili mkaena Tasisi ya kuzalisha Mbegu (ASA), Taasisi ya Tafiti ya Mazao ya Kilimo (TARI) ili katika eneo hilo kuweza kutenga walau asilimia ishirini 20% ya eneo kwa ajili ya kuzalisha mbegu”.Alisisitiza.

Naibu Waziri Bashe, Aliitaka Tume ya Taifa ya Umwagiliaji  Ifanye ukarabari wa mundombinu ya Umwagiliaji katika skimu kwa kuwashirikisha wakulima.

Read More →

NIC YATOA MIL.14.7 KUFANIKISHA MICHUANO YA MAPINDUZI CUP VISIWANI ZANZIBAR 2021

 

Shirika la Bima la Taifa Tanzania (NIC) limetoa mchango wa shilingi 14, 700,000 kwa ajili ya kufanikisha mashindano ya soka ya Kombe la Mapinduzi ya mwaka huu yanayotarajiwa kuanza tarehe 5.1.2021 katika kiwanja cha Amani, Mjini Zanzibar.

Mkurugenzi Mtendaji wa NIC Dkt. Elirehema Doriye alimueleza Waziri wa Habari, Vijana, Utamaduni na Michezo Tabia Maulid Mwita kwamba wameamua kuyapa msukumo mashindano hayo baada ya Serikali ya Mapinduzi ya Zanzibar kukaribisha Mashirika, Wafanyabiashara na wadau wa michezo kuchangia mashindano hayo.

Alisema lengo la mchango huo ni kusaidia gharama za uendeshaji wa mashindano na zawadi ya mchezaji bora kwenye michuano hiyo inayoshirikisha timu tisa, nne kutoka Zanzibar na tano kutoka Tanzania Bara.

Mkurugenzi Doriye alimuahidi Waziri Tabia Maulid Mwita kwamba NIC itaendelea kuwa washirika wa karibu wa mashindano ya Kombe la Mapinduzi kwa miaka mengine ijayao.

Akizungumza katika kikao hicho kilichofanyika Wizarani kwake Migombani, Waziri wa Habari, Vijana, Utamaduni na Michezo Tabia Maulid Mwita alilishukuru Shirika la Bima la Taifa Tanzania kwa msaada huo na ahadi walizotoa kwa miaka ijayo katika kuendesha mashindano hayo.

Alisema mchango wa shilingi milioni 14 na laki saba waliotoa utasaidia sana katika kufanikisha mashindano ya mwaka huu ambayo yemekua endelevu tokea yalipoanzishwa kitaifa mwaka 2007.

Waziri Tabia aliwaeleza viongozi wa Shirika la Bima la Taifa Tanzania kuwa Serikali imeazimia kuimarisha michezo mbali mbali ikiwemo Ligi kuu ya Zanzibar na michango ya wadau inahitajika katika kufanikisha lengo hilo.

Aliahidi kuwa Wizara itaendelea kushirikiana na Shirika hilo na amewakaribisha kutumia vyombo vya Habari vilivyochini ya Wizira hiyo katika kuimarisha shughuli zao za kibiashara.

Read More →

MADIWANI TARIME WAKATAA KUKAA KWENYE VITI VYA WANAFUNZI,WAMPA MKURUGENZI MIEZI SITA KUJENGA UKUMBI

Madiwani wa halmashauri ya wilaya ya Tarime wakiwa kwenye kikao cha baraza la madiwani kwenye ukumbi katika shule ya Sekondari JK Nyerere iliyopo kijiji cha Nyamwaga kata ya Nyamwaga

***

Na Dinna Maningo,Tarime

Madiwani wamempa miezi sita Mkurugenzi wa halmashauri ya wilaya ya Tarime Apoo Tindwa kuhakikisha anajenga ukumbi wa kufanyia vikao vya Baraza la Madiwani nakwamba hawawezi kuendelea kufanya vikao kwenye ukumbi wa chakula na kukalia viti vya wanafunzi katika shule ya Sekondari JK Nyerere iliyopo Kijiji cha Nyamwaga kata ya Nyamwaga wilayani Tarime.

Ilikuwa ni vuta ni kuvute jana kwenye kikao cha Baraza la Madiwani ambapo Madiwani walimtaka Mkurugenzi huyo kuwapatia viti na meza mali ya halmashauri na siyo kuketi kwenye viti vya wanafunzi huku wakiwa hawana meza za kuweka makablasha yao nakulazimika kuweka makablasha kwenye magoti.

Diwani wa kata ya Manga Steven Gibai alisema"Mkurugenzi tunataka utuletee meza na viti vyetu,madiwani hatuwezi kukalia viti vya wanafunzi istoshe huu ukumbi ndiyo wanaotumia wanafunzi kwa ajili ya chakula,kusomea na kufanya mtihani kukalia viti vya wanafunzi ni kutuondolea heshima".

Diwani wa Kata ya Regicheli John Bosco alimtaka Mkurugenzi kutafuta eneo jingine halmashauri kujenga ukumbi mdogo wakati huo unafanyika mchakato wa kujenga majengo ya halmashauri.

"Mkurugenzi atenge eneo ujengwe ukumbi mdogo wakati huo wanafanya mchakato wa kujenga majengo ya halmashauri hatuwezi kusubiri wakati hatujui hayo majengo yataisha lini,inaweza chukua hata miaka mitatu bado tukiendelea kufanya vikao shuleni na kukaa kwenye viti vya wanafunzi", alisema Bosco.

Mkurugenzi wa Halmashauri ya wilaya ya Tarime Apoo Tindwa alisema kuwa awali makao makuu ya halmashauri yalikuwa mjini Tarime na baada ya Rais John Magufuli kuzitaka halmashauri kuhamia kwenye maeneo yao ya utawala,Octoba,21,2019 walihamishia makao makuu ya halmashauri katika kijiji cha Nyamwaga kata ya Nyamwaga.

Tindwa alisema kuwa kwa sasa halmashauri hiyo inatumia majengo ya ofisi ya kijiji na kwamba tayali Serikali imetoa fedha zaidi ya Bilioni moja kujenga jengo la utawala na aliwaomba madiwani kumpatia muda wa miezi mitatu kujenga ukumbi wakufanyia mikutano.

"Kutokana na miundombinu ya barabara inakuwa vigumu kuleta meza na viti kila kikao tuwe tunavisafirisha vitaharibika,hata sisi tunatumia majengo ya ofisi ya kijiji,tayali tumeshapokea fedha  Billion moja tutaanza kujenga ukumbi,Mwenyekiti naomba mnipatie miezi mitatu ntakuwa nimekamilisha ukumbi", alisema Tindwa.

Mwenyekiti wa halmashauri ya wilaya ya Tarime ambaye pia ni Diwani wa kata ya Nyakonga Simion Samwel aliwaomba madiwani kumpa muda Mkurugenzi kwakuwa tayali kuna fedha, ambapo alimpatia miezi sita kukamilisha ukumbi na endapo usipokamilika madiwani watahoji kwenye vikao sababu za kuwadanganya kwa kutotokeleza ahadi yake ambapo madiwani wote walikubali kumpa muda huo.

Read More →

HAYA HAPA MAGAZETI YA LEO JUMANNE JANUARI 5,2020

Read More →

AMUUA KAKA YAKE AKIMDAI SHILINGI ELFU 13

Mkazi wa Kijiji cha Mvungwe wilayani hapa ameuawa kwa kushambuliwa na ndugu yake baada ya kutokea ugomvi uliotokana na deni la Sh13,000/=.

Habari zilizopatikana na kuthibitishwa na Kamanda wa Polisi wa Mkoa wa Tanga, Blasius Chatanda ni kuwa mauaji hayo yalitokea jana saa 1:00 asubuhi katika Kitongoji cha Kwesalaka Kijiji cha Mvungwe wilayani Kilindi.

Aliyeuawa katika tukio hilo ni Mahimbo Khatib (40) ambaye anadaiwa kushambuliwa na mdogo wake aliyetajwa kwa jina la Seif Khatib (37).

Watu walioshuhudia tukio hilo walisema ulianza ugomvi baina ya Mahimbo Khatib aliyekuwa akidai Seif Khatib alikuwa anamzungusha kumlipa Sh13,000 alizokuwa akimdai kwa muda mrefu.

“Tulisikia wakizozana baadaye wakaanza kupigana...Mahimbo alianza kukimbia porini lakini Seif akamfuata tulipowafuata kwa ajili ya kuwaamua ugomvi tukakuta Mahimbo analalamika huku akivuja damu kichwani,” alisema Hadija Issah.

Alisema baada ya kuona hivyo, waliamua kumpeleka hospitali na wakati anaendelea na matibabu walipewa taarifa kwamba ameshafariki dunia.

Kamanda wa Polisi wa Mkoa wa Tanga, Chatanda alisema jeshi hilo linamsaka Seif ili afikishwe kwenye vyombo vya Sheria kujibu shtaka la mauaji.

SIMULIZI ZA MASHUHUDA.

Saidi Muya ambaye ni jirani wa ndugu hao alisema chanzo cha mauaji hayo ni Seif alikwenda nyumbani kwa Mahimbo na alipofika alianza kumdai fedha zake ambazo alimkopesha Oktoba mwaka jana.

“Hawa waliouana ni ndugu mama mmoja na baba mmoja, tunashindwa kujua kwanini walifikia hatua ya kufanya hivi,” alisema Muya.

Shuhuda huyo alisema baada ya ugomvi, Seif alichukua gongo la kuchungia ng’ombe akaanza kumfukuza na alipomkamata alimpiga kichwani mara tatu.

“Alipoona kaka yake kaanguka na hapumui, alitoweka eneo hilo akaenda nyumbani akawabeba watoto wake watatu akawapeleka nyumbani kwa mkwewe akawaacha na kutoroka,” alisema Muya.

Inasemekana kuwa mkewe hakuwepo nyumbani na ndio sababu akachukua uamuzi wa kuwapeleka watoto kwa mkwewe na baadaye kutokomea kusikojulikana.

Athumani Sufian alisema awali majirani walidharau ugomvi huo kwa sababu mara kwa mara, Seif hugombana na kaka yake na mwisho humaliza tofauti zao na kuendelea na shughuli zao.

“Hawa jamaa ni ndugu Seif anafanya shughuli ya kuendesha bodaboda na kaka yake Mahimbo ambaye ni mkulima ilikuwa sio mara yao ya kwanza kugombana. Ilitokea mara nyingi wanazozana halafu wanamaliza tofauti zao na kuendelea na shughuli zao,” aliongeza Athumani.

Soma zaidi <<HAPA>>

 CHANZO - MWANANCHI

Read More →

BABA AUA MTOTO WAKE KWA KUMVUNJA SHINGO NA UTI WA MGONGO

Kamanda wa Polisi mkoa wa Kagera, Revocatus Malimi

***

Jeshi la polisi mkoani Kagera, linamshikilia Amos Rudovick (39) kwa tuhuma za kusababisha kifo cha mtoto wake Dastan Amos (13), kwa kumchapa na fimbo sehemu mbalimbali za mwili wake na baada ya uchunguzi ilibainika kuwa alimvunja shingo na uti wa mgongo.

Kamanda wa polisi mkoani Kagera Revocatus Malimi, amesema kuwa tukio hilo lilitokea Januari 02, 2021, katika kijiji cha Ibale wilayani Kyerwa, baada ya mtoto huyo ambaye alikuwa mwanafunzi wa darasa la nne katika shule ya msingi Ibale, kuondoka nyumbani kwao kwenda kutembea bila idhini ya wazazi na kurejea nyumba saa 9:00 Alasiri.

"Baba yake alimuadhibu kwa kumchapa bila huruma maeneo mbalimbali ya mwili wake kwa kutumia fimbo yenye unene mkubwa, uchunguzi wa kitabibu umefanyika na kubainika kwamba marehemu alikutwa amevunjwa shingo pamoja na uti wa mgongo na ndicho kimethibitishwa kuwa ndiyo chanzo cha kifo cha huyo mwanafunzi", amesema Kamanda Malimi.

Aidha kamanda huyo amesema kuwa jeshi hilo linaendelea kuchunguza tukio la mama mmoja Jesca Samson, mwenye umri wa miaka 37, aliyefariki dunia kwa kunywa sumu ya panya na kumnywesha mtoto wake wa kiume Jordan Samson, mwenye umri wa miaka mitatu ambaye amenusurika kifo baada ya kukimbizwa hospitali.

"Mama huyo alikunywa sumu usiku wa kuamkia Januari 01, 2021, wakati huo mume wake ndipo alikuwa amerejea nyumbani Desemba 31, 2020 baada ya kuachiwa kutoka gerezani alikokaa kwa muda wa miezi mitatu kutokana na kesi hiyo ya kuuza ardhi", amesema.

CHANZO - EATV

Read More →

DC MPOGOLO MBIONI KUFUFUA RIADHA IKUNGI MKOANI SINGIDA

 

Mgeni rasmi wa ‘Kilimo Cup Kata ya Dung’unyi’ na Mkuu wa Wilaya ya Ikungi, Edward Mpogolo akikagua Timu ya Dung’unyi FC muda mfupi kabla ya kuanza kwa mchuano wa fainali kati ya timu hiyo na Damankia FC jana. Dung’unyi FC ilitwaa ubingwa wa michuano hiyo kwa kuilaza Damankia FC 2-1.

wa Wilaya ya Ikungi, Edward Mpogolo (katikati) akifuatilia fainali hiyo.

Matukio mbalimbali yakiendelea kabla ya kuanza kwa mchuano huo.

Matukio mbalimbali yakiendelea kabla ya kuanza kwa mchuano huo.

Mkuu wa Wilaya ya Ikungi, Edward Mpogolo akikagua Timu ya Damankia FC muda mfupi kabla ya kuanza kwa mchuano wa fainali kati ya timu hiyo na Dung’unyi FC.

Picha ya pamoja ya wachezaji na viongozi wa ngazi mbalimbali ndani ya Wilaya ya Ikungi , mkoani Singida waliohudhuria kabla ya kuanza kwa fainali hiyo jana.

Mkuu wa Wilaya ya Ikungi, Edward Mpogolo (wa pili kutoka kushoto) akiwa na baadhi ya viongozi wa Kata ya Dung’unyi, kushoto ni mwanzilishi wa mashindano hayo ambaye pia ni Mtendaji wa Kata ya Dung’unyi, Yahaya Njiku, Mjumbe wa Kamati ya Siasa (CCM)Wilaya ya Ikungi, Salum Chima, na Afisa Kilimo wa Kata ya Dung’unyi Esther Bayda.

Mgeni rasmi akikabidhi zawadi ya fedha kwa mshindi wa pili ambaye ni Damankia FC .

Bingwa wa michuano hiyo Dung’unyi FC wakiondoka na mbuzi wao..

Mtendaji Kata Dung’unyi, Yahaya Njiku akizungumza. Kulia ni DC Mpogolo akifuatilia matukio hayo.

Fainali hizo zikiendelea.

Na Dotto Mwaibale, Singida

HATIMAYE michuano ya kusisimua ya Kombe la Kilimo ‘Kilimo Cup’ kata ya Dung’unyi wilaya ya Ikungi yamemalizika jana huku timu ya Dung’unyi FC ikiibuka mshindi kwa kujinyakulia zawadi ya Mbuzi na fedha taslimu baada ya kuichapa Damankia FC 2-1 kwenye fainali za mashindano hayo.

Kilimo Cup iliyoasisiwa na Mtendaji wa Kata hiyo Yahaya Njiku, ni miongoni mwa ligi za mpira wa miguu zilizokuwa na hamasa na mvuto wa aina yake, zikiambatana na shughuli mbalimbali za uelimishaji jamii kuhusu dhana ya kilimo bora-lengo hasa ni kuhamasisha vijana na watu wazima kushiriki kikamilifu katika shughuli za kilimo katika kipindi hiki cha msimu wa mvua.

Awali, kabla ya kufungua fainali hiyo, Mkuu wa Wilaya hiyo, Edward Mpogolo, aliahidi kuboresha zaidi mashindano hayo kwa siku za usoni, na kuahidi kupanua wigo kwa kuyafanya kuwa katika ngazi ya wilaya, azma ikiwa ni kuzidi kutangamanisha wataalamu na jamii katika kuleta ustawi kwenye kilimo na ufugaji.

“Natamani ligi hii tungeianza mapema zaidi kabla ya msimu wa kilimo kuanza ili kuongeza tija kwenye kilimo, nafahamu mashindano haya yamechagiza sana uelewa wa masuala ya kilimo kutoka kwa wataalamu kwenda kwenye jamii hatua kwa hatua,” alisema Mpogolo.

Aidha, kupitia michuano hiyo, aliagiza Watendaji wa Kata kuanza mara moja mchakato wa kufufua mchezo wa riadha kwenye maeneo yao na kuahidi kusimamia ipasavyo, shabaha kubwa ni kutaka kurudisha mchezo huo kwenye ‘pick’ kutokana na huko nyuma kuwa ni kati ya michezo iliyoipa heshima kubwa wilaya hiyo.

“Naagiza kila Tarafa, shule za Msingi na Sekondari kuwe na kituo cha mchezo wa riadha...nafahamu Ikungi ni mahiri sana kwenye riadha ni lazima tujipange kama wilaya kuhakikisha tunafufua mchezo huu na hatimaye hapo baadaye kuwezesha wachezaji wake kushiriki katika michuano ya kimataifa,” alisema Mpogolo

Katika hatua nyingine, alihamasisha wana-michezo hao kuhakikisha wanajiunga kwenye vikundi ili kunufaika na fursa za mikopo ya halmashauri, sambamba na kuongeza tija ya wingi wa uzalishaji wa mazao ya kilimo na mifugo iliyopo, ili kukidhi hitaji kubwa la soko lililopo katika jiji jirani la Dodoma na kwingineko nchini.

Kwa upande wake, mwanzilishi wa mashindano hayo Njiku alisema mashindano hayo ambayo yalianza Desemba 20 mwaka jana, yalihusisha vijiji 5 vya kata hiyo Dung’unyi, Damankia, Samanka, Munkinya na Kipumbuiko kwa minajiri ya kuhamasisha shughuli za maendeleo ndani ya kata hiyo-na hasa kilimo.

“Kwa wiki nzima mfululizo michuano hii imekwenda sambamba na utoaji wa elimu kutoka kwa wataalamu wa kilimo juu ya tija ya kilimo, lakini Jeshi la Polisi nao wamefika na kutoa elimu juu ya masuala mbalimbali yanayohusu jukumu la raia katika ulinzi wa amani na usalama,” alisema Njiku.

Hata hivyo, Afisa Kilimo wa Kata hiyo, Esther Bayda, alimweleza Mkuu wa Wilaya kuwa kupitia ligi hiyo wamefanikiwa kuhamasisha vijana kuzingatia kanuni bora za kilimo, ikiwemo umuhimu wa matumizi ya mbolea na mbegu bora katika kuinua tija na ustawi.

Bayda kupitia kauli mbiu ya ligi hiyo isemayo ‘kilimo ni kazi kama zilivyo kazi nyingine’ alisema katika kipindi chote cha ligi hiyo wamefanikiwa kuwafikia wakulima 50 na kuwafundisha mbinu bora za kilimo cha zao la mtama kupitia mashamba darasa mawili yaliyopo katika vijiji vya Samanka na Damankia.

“Bado kuna changamoto ya mwamko mdogo kwa kundi la vijana, hususani wale wa kati ya miaka 18 na 25 kutojihusisha na shughuli za kilimo, jitihada za uhamasishaji zinaendelea… na kuanzia jumatatu tutaanza kutoa mafunzo ya kilimo bora kwa wanakijiji takribani 150 wakiwemo vijana, kupitia mashamba darasa 3 kwa vijiji vya kipumbuiko, Damankia na Munkinya,” alisema Bayda. 

Read More →

Dr. Mollel Asisitiza Uwajibikaji, Utoaji Huduma Za Afya

Nteghenjwa Hosseah, Songwe
Naibu Waziri wa Afya Ustawi wa Jamii na Lishe Mhe. Dr. Godwin Mollel amewataka watoa huduma za Afya kuwajibika ipasavyo katika kuwahudumia wananchi.

Dr. Mollel ametoa kauli hiyo wakati akiongea na wataalamu watendaji wa Afya wa Mkoa wa Songwe katika ukumbi wa Halmashauri ya Songwe tarehe 03/01/2021.

Amesema watumishi wa Serikali kada ya Afya kuna sehemu hawawajibiki ipasavyo ndio maana malalamiko hayaishi kutoka kwa wananchi.

“Ninyi mmeajiriwa na Serikali na kila kitu kinatolewa na Serikali lakini utashangaa mtu anashindwa kutoa huduma bora
Kwa mwananchi ila mtu huyo huyo jioni unamkuta kwenye kituo binafsi anahudumia vizuri ina maana huku Serikalini anafanya makusudi kwa kutokumjali mteja? Alihoji Dr. Mollel.

Aliongeza kuwa kutokana na hali hiyo unakuta wananchi wanakimbia Kituo cha Serikali wanaenda kwenye kituo binafsi ilihali Serikalini ndio kuna wataalamu wabobezi kuliko hata huko binafsi ila kutokana na huduma zisizoridhisha mwananchi anaona bora aende akalipe hela nyingi apate huduma kuliko kutibiwa kwenye gharama nafuu hii tabia ikome kuanzia sasa na kila mmoja awajibike ipasavyo.

“ Inabidi tuanze kunyooshana pale tunaposkia malalamiko ili hadhi ya Vituo vya kutolea huduma za Afya vya Serikali irudi watu wapewe huduma bora na wafurahie huduma hizo zinazotolewa na Serikali yao hii itasaidia kuongeza mapato ya Serikali na kuendelea kuboresha huduma kwa ujumla.

Watumishi wa Afya lazima wafanye kazi kwa weledi na kufuata kanuni za maadili ya utoaji wa huduma za Afya ili kufikia malengo ya upatikanaji wa huduma bora za Afya kwa wote.

Mwisho Dr.Mollel asisitiza usimamizi makini wa miradi ya maendeleo huku akitolea mfano hospitali ya Wilaya ya Ileje inayojengwa kwa gharama ya shilingi bil 1.8 ilihali maeneo mengine wakiwa wamemaliza kiasi hicho cha fedha na ujenzi haujakamilika.

“Nizitake Halmashauri zingine ziende kujifunza Ileje ambapo wametumia bilioni 1.8 kujenga jengo zuri la Hospitali ilihali halmashauri hii iko pembezoni hata upatikanaji wa vifaa ni mgumu lakini halmashauri zingine za mjini kabisa hawajakamilisha ujenzi na fedha wamemaliza na wanaomba kuongezewa fedha nataka niwaambie tu kuwa hakuna fedha za nyongeza na hospitali hizo zikamilike” Alisema Dr Mollel.

Naye Mkurugenzi wa Huduma za Afya Ustawi wa Jamii na Lishe Dr. Ntuli Kapologwe amemshkuru Naibu Waziri wa Afya kwa maelekezo aliyoyatoa kwa watumishi watendaji wa Afya Mkoa wa Songwe na ameahidi kusimamia utekelezaji wa maagizo hayo.

Pia amewataka waganga wafawidhi wa vituo vyote vya Kutolea Huduma za Afya kuhakikisha wananunua Computer na kufunga mfumo wa GoT-HoMIS ili kudhibiti mapato ya Vituo.

Read More →

Taarifa Ya Matumizi Ya Tiketi Mtandao Kwenye Mabasi

Read More →

MCHUNGAJI WA KANISA LA TAG KITANGILI SHINYANGA ADAIWA KUPOTEA

 

Mchungaji Paulo Msangi wa Kanisa la TAG Kitangili mjini Shinyanga ambaye amedaiwa kupotea.

Mchungaji Paulo Msangi wa Kanisa la TAG Kitangili Mjini Shinyanga (kushoto) ambaye amedaiwa kupotea, akiwa na mke wake Beatrice Mdei,ambaye ametoa taarifa za kupotea kwake.

Na Mwandishi wetu - Malunde 1 blog 

Mchungaji wa Kanisa la Tanzania Assemblies of God (TAG) Kitangili Mjini Shinyanga Paulo Msangi, amedaiwa kupotea kwa kipindi cha mwezi mmoja sasa.

Akizungumza na waandishi wa habari leo Jumatatu Januari 4,2021 mke wa mchungaji huyo Beatrice Mdei amesema mume wake aliondoka Novemba 30 mwaka 2021, akiaga kuwa anakwenda Mpanda kufuata Mchele wa biashara lakini muda mfupi simu yake haikupatikana tena na mpaka sasa hawajui alipo. 

Amesema mme wake huyo mbali na uchungaji, alikuwa akifanya biashara ya kuuza mchele na kuusafirisha kwenda kwenye mikoa mbalimbali ikiwamo Arusha na Moshi, lakini tangu aange kwenda Mpanda muda mchache simu yake haikupatika na hawajui alipo mpaka sasa, huku wakiendelea kumtafuta. 

“Tumepiga simu kwa rafiki zake nao wanasema hajui alipo, na hawana mawasiliano naye, na wakimpigia simu yake haipatikani, hivyo naomba Serikali kupitia Jeshi la Polisi linisaidie kumpata mume wangu, napata shida ya kulea watoto mwenyewe na mimi sina hata kazi,”amesema Mdei. 

Kwa upande wake Kamanda wa Jeshi la Polisi Mkoani Shinyanga Debora Magiligimba, amesema taarifa za mchungaji huyo kudaiwa kupotea wamezipata na wanazifanyia kazi.

Read More →

TAARIFA YA MATUMIZI YA TIKETI MTANDAO KWENYE MABASI

 

Mkurugenzi Mkuu wa LATRA Bw.Gilliard Ngewe (Katikati) akizungumza na waandishi wa habari leo katika ofisi za Mamlaka hiyo leo Jijini Dar es Salaam.Kulia kwake ni Afisa Habari Mwandamizi LATRA Bw.Salum Pazzy na kushoto ni Meneja Mradi wa Tiketi Mtandao LATRA.

****************************

Read More →

Waziri Mkuu Aagiza Madiwani Watatu Mbingavijijini Wakamatwe

WAZIRI MKUU Kassim Majaliwa amemuagiza Kamanda wa Taasisi ya Kuzuia na Kupambana na Rushwa (TAKUKURU) mkoa wa Ruvuma, Hamza Mwenda ahakikishe anawakamata madiwani na watendaji wa Halmashauri ya Mbinga Vijijini ili wajibu tuhuma za rushwa zinazowakabili.

Madiwani wa kata za Mkumbi (Bruno Kapinga), kata ya Lukalasi (Bosco Ndimbo) na wa kata ya Linda (Haule) wanadaiwa kuchukua fedha kutoka kwa watendaji wa AMCOS kwa ajili ya kwenda kushawishi kuhamishwa kwa eneo la ujenzi wa makao makuu ya halmashauri hiyo.

Ametoa agizo hilo leo (Jumatatu, Januari 4, 2021) baada ya kuzindua jengo la utawala la Halmashauri ya Mji wa Mbinga akiwa wilayani Mbinga mkoa wa Ruvuma. Waziri Mkuu amemuagiza Mkuu wa Mkoa wa Ruvuma, Christine Mndeme asimamie ujenzi wa halmashauri hiyo unaoendelea katika eneo la Kigonsera.

Hatua hiyo imekuja baada ya kuwepo kwa mvutano wa Madiwani wa Halmashauri ya Mbinga Vijijini ambao baadhi yao hawataki makao makuu ya halmashauri hiyo yajengwe Kigonsera na kuamua kuendesha mchakato wa kushawishi wengine wagomee mradi huo jambo ambalo linakwamisha maendeleo kwa sababu tayari mradi huo umeshaanza kujengwa.

Mvutano huo unaongozwa na Madiwani wa Kata tatu za Mkumbi, Lukalasi na Linda ambao wanataka makao makuu yajengwe kwenye kata ya Mkumbi katika eneo ambalo litailazimu Serikali ilipe fidia ya zaidi ya shilingi milioni 400 huku kukiwa na eneo la bure la ekari 150 ambalo ndiko yanakojengwa makao makuu.

“Hatuwezi kukubali huko mnakotaka nyie ni lazima tulipe fidia ya zaidi ya shilingi milioni 400 na kuna eneo la bure ekari zaidi ya 150, hii haikubaliki hatuwezi kufanya mambo ya siasa kwenye fedha za wananchi haiwezekani. Mmeamua kila AMCOS ichange shilingi 600,000 mpate milioni tatu mfanye kampeni ya kutaka halmashauri ijengwe kweni hiyo ni rushwa.”

Waziri Mkuu ameongeza kuwa “Kwa kuwa zile ni fedha za wakulima, Kamanda wa TAKUKURU kawakamate watendaji wa AMCOS hizo wahojiwe kwa nini walitumia fedha za kuwapa Madiwani wakahonge ni lazima wahojiwe waeleze ni nani aliyetoa maagizo ya kutoa shilingi milioni tatu. Hatuwezi kutumia fedha za wananchi kwa ajili ya kuhonga watu lazima fedha hizo za wakulima zirudishwe ni mali ya wakulima.”

Mapema, Waziri Mkuu alizindua jengo la utawala la Halmashauri ya Mji wa Mbinga na kukagua ujenzi wa nyumba nane za watumishi wa halmashauri hiyo na amesema kwamba ameridhishwa na utekelezaji wa miradi hiyo iliyogharimu shilingi bilioni 3.7

Pia, Waziri Mkuu alitumia fursa hiyo kumpongeza Mkurugenzi wa Halmashauri ya Mji wa Mbinga, Grace Quintine kwa usimamizi mzuri wa miradi hiyo ambayo imejengwa kwa viwango bora na majengo hayo yanalingana na kiwango cha fedha kilichotolewa.

“Tulimletea shilingi milioni 350 hapa kwa ajili ya ujenzi wa nyumba saba za watumishi na ametumia milioni 321 na tulimletea shilingi milioni 300 kwa ajili ya ujenzi wa nyumba ya Mkurugenzi lakini ametumia shilingi milioni 251 na hakuna ubabaishaji majengo yote yamejengwa kwa viwango bora. Nampongeza sana Mkurugenzi huyu amefanya vizuri sana endelea kujenga miradi mingine ikiwemo na ya vyumba vya madarasa.”

Kwa upande wake, Mkurugenzi wa Halmashauri ya Mji wa Mbinga, Grace Quintine amesema halmashauri yao katika mwaka wa fedha 2019/2020 ilipekea shilingi milioni 650 kwa ajili ya ujenzi wa nyumba za watumishi zikiwemo saba za Wakuu wa Idara na moja ya Mkurugenzi.

Amesema gharama za ujenzi wa nyumba saba za Wakuu wa Idara ni shilingi milioni 321.771 ambapo kila nyumba iligharimu shilingi milioni 45.967 kati ya shilingi milioni 50 zilizoidhinishwa za kupokelewa ambapo kila nyumba ilikadiriwa kutumia shilingi milioni 350 kwa nyumba zote.

“Ujenzi wa nyumba ya ghorofa moja ya Mkurugenzi wa Mji umegharimu shilingi milioni 251.780 kuhu makadirio yakiwa ni shilingi milioni 300. Lengo la miradi hii ni kuboresha mazingira ya makazi ya watumishi wa halmashauri ikiwa ni pamoja na kupunguza kilipa posho za nyumba kwa kila mwezi.”

Amesema shilingi milioni 28.228 zilizobaki katika ujenzi wa nyumba za Wakuu wa Idara zitatumika kujenga mnara wa tenki la maji na uwekaji wa tenki moja la maji kwa kila nyumba na kuanza ujenzi wa uzio kuzunguka nyumba zote saba.

Mkurugenzi huyo amesema mbali na utekelezaji wa ujenzi wa miradi hiyo ya nyumba za makazi, pia Serikali ilitoa shilingi bilioni 3.1 kwa ajili ya ujenzi wa jengo la utawala la halmashauri hiyo ambalo lilijengwa na kampuni ya SUMA-JKT Kanda ya Mtwara.

Amesema ujenzi wa jengo hilo la utawala lenye jumla ya vyumba 52 vikiwemo vyumba vya ofisi za watumishi na Mwenyekiti wa Halmashauri ya Mji, ukumbi mkubwa wa mikutano na ukumbi mdogo kwa ajili ya vikao vya Wakuu wa Idara na Vitengo. “Ujenzi umekalika na lilianza kutumika Januari 2020. Naishukuru Serikali kwa utekelezaji wa miradi hii.”


 (mwisho)
IMETOLEWA NA:
OFISI YA WAZIRI MKUU

Read More →

Naibu Waziri wa Afya Dkt Mollel Ataka Wataalam Wa Tehama Kutengeneza Mfumo Wa Ufutaliaji Wa Dawa Hospitalini

Na Englibert Kayombo – WAMJW, SONGWE
Naibu Waziri wa Afya, Maendeleo ya Jamii, Jinsia, Wazee na Watoto Dkt. Godwin Mollel amewataka wataalam wa Teknolojia ya Habari na Mawasiliano katika hospitali kutengeneza mfumo wa ufutaliji wa dawa hospitalini ili kuwa na kanzidata ya matumizi sahihi ya dawa.

Dkt. Mollel ametoa agizo hilo alipokutana na Wataalam kutoka Kurugenzi ya Afya, Ustawi wa Jamii na Lishe kutoka Ofisi a ya Rais Tawala za Mikoa na Serkiali za Mitaa (TAMISEMI) na timu ya uongozi wa afya ya Mkoa wa Songwe kwenye kikao kazi kilichofanyika katika ofisi za Halmashauri ya Wilaya ya Mbozi.

“Kila dawa inayokuja mtutengenezee mfumo ambao tunaona dawa kutoka taifa, unaiona inaingia mkoani, Hospitali ya Wilaya, vituo vya vyote na tuone ni aina gani ya dawa imeingia” Amesema Dkt. Mollel

Dkt. Mollel amesema inawezekana kutengenezwa mfumo rahisi kwa kutumia programu ya ‘Excel’ kwa wataalam hao wakawa na taarifa sahihi ya dawa inayoonyesha matumizi ya dawa toka walivyopokea.

Amesema mfumo huo utawasaidia kutambua mgawanyo wa dawa katika vituo vya kutolea huduma za afya pamoja na kuwasaidia viongozi kuwa na taarifa sahihi wakati wanashughulikia malalamiko ya uhaba wa dawa katika vituo vya kutolea huduma za afya hivyo kuwasaidia katika kufanya maamuzi.

Aidha Dkt. Mollel amewataka wataalam wa afya nchini kuboresha taarifa za takwimu ziwe za ukweli ili kuwasaidia viongozi kufanya maamuzi sahihi kulingana na mahitaji.

“Mnafeli kwenye kufanya maamuzi na wakati mwingine tunaona hamjafanya maamuzi ya busara kumbe mmejifelisha kwa sababu mnashindwa kupata takwimu halisi za magonjwa, idadi ya wagonjwa na mahitaji ya dawa” Amefafanua Dkt. Mollel

Amesema kushindwa kwa wataalam hao kuwa na takwimu sahihi zinasababisha kuwa na mahitaji yasiyo na uhalisia upatikanaji wa dawa.

“Unapoamua kuagiza dawa ni lazima uwe na takwimu sahihi kuanzia taarifa za wagonjwa wa nje hadi wagonjwa waliolazwa, tukiweza kuboresha takwimu zikawa vizuri, tutaweza kuagiza dawa kwa busara na kuhakikisha rasilimali ambazo serikali inatuletea zinatumika kwa busara” amesema Dkt. Mollel

Read More →

'VIOLA DAY CARE CENTER' SHINYANGA NI KITUO BORA KABISA CHA KULELEA WATOTO...MLETE MWANAO NAFASI ZIPO

Read More →

Waziri Lukuvi Awataka Wamiliki Wa Ardhi Kujenga Kwa Kufuata Sheria

Waziri wa Ardhi Nyumba na Maendeleo ya Makazi William Lukuvi amewataka wamiliki wa ardhi wanaotaka kujenga kuhakikisha wanafuata sheria na  taratibu zote wakati wa kufanya ujenzi.

Waziri Lukuvi alisema hayo mwishoni mwa wiki hii katika ofisi yake ya ardhi ya mkoani Dar es salaam na Pwani. Alisema sheria inamtaka mmiliki wa ardhi anayetaka kufanya ujenzi kupata kibali kutoka  halmashauri za miji, manispaa na majiji na kuongeza kuwa sheria hiyo inakataza kufanya ujenzi bila kibali kutoka mamlaka husika.

”Naelekeza watendaji wote wawe wa ardhi au mipango miji kuhakikisha sheria zinafuatwa kwa kudhibiti ujenzi holela na sheria inakataza kabisa kujenga bila kupata kibali kutoka katika mamlaka husika” alisema Lukuvi.

Kwa mujibu wa Lukuvi, zoezi la urasimishaji linaloendelea sasa maeneo mbalimbali ni kwa majengo yaliyojengwa tu na kusisitiza kuwa zoezi la urasimishaji isiwe sehemu endelevu ya kuvunja sheria na kubainisha kuwa angetaka kuona maeneo yote ya miji hasa Dodoma yanajengwa kwa kupatiwa kibali.

Aliwataka wataalamu wote hasa waliopo halmashauri  katika yale  maeneo yaliyotangazwa kimji kwa mujibu wa sheria wananchi wake waelimishwe  kujenga katika viwanja vilivyopangwa na kupimwa na wawe wamepatiwa vibali na mamlaka za halmashauri husika.

” Hatua zichukuliwe kuzuia jambo hili tunataka miji endelevu ambayo wananchi wanaishi na kujenga kwa mujibu wa sheria” alisema Lukuvi.

Read More →

Waziri wa Ujenzi Aiagiza Tanroads Kupunguza Gharama Za Mradi

 Waziri wa Ujenzi na Uchukuzi, Mhandisi Leonard Chamuriho, ameiagiza Wakala wa Barabara Tanzania (TANROADS), Mkoa wa Mara , kuhakikisha wanapunguza  gharama za miradi, hususani wanapofanya upembuzi yakinifu.

Alitoa agizo hilo akiwa katika ziara wilayani Bunda, akikagua ujenzi wa barabara ya Nyamuswa-Bunda-Kisorya yenye urefu wa kilometa 121.9, pamoja na kipande cha barabara ya lami kutoka Bulamba-Kisorya (kilometa 51).

Akiwa katika ukaguzi huo, Waziri Chamuriho alisema barabara ya Nansio, ambayo inaanzia Nyamuswa-Bunda hadi Kisorya ni muhimu kwa  wananchi wa Wilaya ya bunda, kwamba itafungua fursa nyingi ikiwamo usafirishaji wa mazao.

Naye Mkuu wa Wilaya ya Bunda, Lydia Bupilipili alimpongeza  mkandarasi  anayesimamia ujenzi wa barabara hiyo na TANROADS kwa kazi nzuri walioifanya katika ujenzi wa barabara hiyo.

Bupilipili alisema: “Kasi ya ujenzi ilikuwa kubwa katika ujenzi wa barabara hii na imetoa  ajira kwa vijana wazawa wa  Wilaya ya Bunda na Mkoa wa Mara. Niwapongeze na niwapongeze TANROADS kwa kazi nzuri wanayoifanya katika Wilaya hii ya Bunda mjini”.

Kwa upende wake Meneja wa TANROADS, Mkoa wa Mara, Mhandisi Mlima Ngaile, akitoa taarifa ya utekelezaji wa mradi huo alisema mkataba ulisainiwa na makubaliano yalikuwa ya miaka miwili, ila kutokana na kasi ya mkandarasi aliahidi kumaliza kazi hiyo kabla ya muda uliopangwa.

“Thamani ya mkataba Sh.bilioni 46.5 na unasimamiwa na  kampuni ya wahandisi ya ushauri kutokea TANROADS na hadi kufikia sasa mkandarasi ameshaanza kazi mbalimbali ikiwamo kujenga nyumba ya msimamizi ambayo imefikia  asilimia 50 na amesafisha barabara kutoka Bunda kwenda Bulamba," alisema mhandisi Ngaile.

Read More →

Naibu Waziri Mabula Aelezea Namna Bilioni 2.175 Za Urasimishaji Zilivyoliwa

Naibu Waziri wa Ardhi Nyumba na Maendeleo ya Makazi Dkt Angeline Mabula amebaini ubadhilifu wa zaidi ya Bilioni 2 uliofanywa na Wakufunzi wa Chuo Cha Ardhi Morogoro (ARIMO) na kumuelekeza Mkuu wa Chuo Huruma Lugala kumsimamisha  kazi mara moja Mkuu wa Utawala wa Chuo Michael Lori kwa  tuhuma ya kushirikiana na wakufunzi wawili wa chuo hicho waliofanya ubadhilifu katika zoezi la urasimishaji.

Dkt Mabula alitoa maelekezo hayo mwishoni mwa wiki mkoani Morogoro wakati akizungumza na watendaji wa sekta ya ardhi pamoja na uongozi wa mkoa wa Morogoro akiwa katika ziara yake ya siku moja kukagua utendaji kazi wa sekta ya ardhi pamoja na miradi inayotekelezwa na Shirika la Nyumba la Taifa (NHC).

Alisema, Wizara yake ilifikiri kushirikisha makampuni binafsi katika zoezi la urasimishaji ingerahisisha kazi ya kupima na kumilikisha wananchi maeneo yao lakini matokeo yake baadhi ya makampuni na watu wachache wametumia nafasi hiyo kufanya ulaghai wa kuchukua fedha za wananchi bila kukamilisha kazi ya urasimishaji.

Kwa mujibu wa Naibu Waziri wa Ardhi Nyumba na Maendeleo ya Makazi, Mkuu wa Utawala katika Chuo cha Ardhi Morogoro ameonekana kushirikiana na watuhumiwa kwa namna moja ama nyingine na uamuzi wa kumsimamisha ni kupisha uchunguzi wa tuhuma zinazomkabili.

Naye, Katibu Tawala Mkoa wa Morogoro Mhandisi Emanuel Kalobelo ameeleza namna anavyosikitishwa na baadhi ya watumishi wa sekta ya ardhi mkoani hapo wanavyofanya Kazi na kumtia aibu katakana na utendaji wao mbovu, na ameahidi kuwasimamia kikamilifu ili muleta ufanisi.

Awali Dkt Mabula alielezwa na Mkuu wa Chuo cha Ardhi Morogoro Huruma Lugala kuwa wakati uongozi wa chuo hicho ukifanya jitihada za kukiboresha chuo ikiwemo kudhibiti hujuma mbalimbali ilibainia baadhi ya Wakufunzi wake kujihusisha na kazi ya urasimishaji katika maeneo mbalimbali kwa kutumia jina la chuo kujipatia fedha.

Alisema, chuo chake baada ya kupokea malalamiko kutoka kwa wananchi na kubainia udanganyifu kwa baadhi ya watumishi wake kiliamua kuwasimamisha Wakufunzi wawili kupisha uchunguzi na kuwataja watumishi hao kuwa ni Adolf Milungala anayetuhumiwa kujipatia shilingi Bilioni 1.9 na Hamis Abdalah Kindemile milioni 275 fedha zilizokuwa malipo ya urasimishaji katika mitaa 43 Morogoro.

Read More →