Picha : DC MBONEKO AONGOZA KAMPENI YA KUHAMASISHA ULIPAJI KODI YA PANGO LA ARDHI WANAODAIWA SHINYANGA

Mkuu wa wilaya ya Shinyanga Mhe. Jasinta Mboneko ameongoza Kampeni ya Kuhamasisha Ulipaji wa Kodi ya Pango la Ardhi kwa wamiliki wa viwanja vya biashara na makazi katika manispaa ya Shinyanga inayoendeshwa na Wizara ya Ardhi, Nyumba na Maendeleo ya Makazi ili kutoa elimu ya ulipaji kodi na kufuatilia wadaiwa wenye madeni makubwa na malimbikizo ya muda mrefu.

Kampeni hiyo imefanyika leo Alhamis Aprili 2,2020 ambapo Mkuu wa wilaya ya Shinyanga Mhe. Jasinta akiwa ameambatana na Mkuu wa Kitengo cha Kodi Wizara ya Ardhi, Nyumba na Maendeleo ya Makazi, Denis Masami,Kamishna Msaidizi wa Ardhi mkoa wa Shinyanga,Hezekiel Kitilya na Maafisa wa Idara ya Ardhi Manispaa ya Shinyanga amekutana na wafanyabiashara na wananchi wanaodaiwa Kodi ya Pango la Ardhi.

Miongoni mwa wafanyabiashara waliotembelewa leo ni Kiwanda cha Machinjio ya Punda cha Fang’ Wah kinachomilikiwa na Wawekezaji kutoka China kinachodaiwa shilingi Milioni 66,Kampuni ya Gaki Investment Ltd (Milioni 120), Phantom Oil Tanzania Ltd (Milioni 105) na Mwananchi Garage (Milioni 9.3).

Akizungumza, Mboneko alisema ni wajibu wa kila mmiliki wa ardhi kuhakikisha analipia kodi ya pango la ardhi hata kama hana hati ya ardhi akibainisha kuwa kutolipa kodi ya pango la ardhi ni kuiibia serikali hivyo kuchangia kudhorotesha maendeleo ya nchi.

“Msiidanganye serikali kwa sababu serikali ina macho makubwa, ina macho marefu itawafuata popote mlipo ili mlipe kodi.Ni lazima deni lilipwe.Tutahakikisha tunawafuatilia wale wote wanaodaiwa kwani kodi zinazokusanywa ndiyo zinatumika kutekeleza miradi mbalimbali ya maendeleo nchini”,alisema Mboneko.

“Niwashukuru na kuwapongeza wafanyabiashara na wananchi tuliowafikia leo mmeonesha kutambua umuhimu wa kulipa kodi ya pango la ardhi na mmesema mpo tayari kulipa madeni yenu.Hakikisheni mnalipa madeni yenu kabla ya mwaka wa fedha haujaisha Juni,2020.Tutaendelea kutoa elimu zaidi kwa wananchi ili kuhakikisha kila mmoja analipa kodi ya ardhi anayodaiwa”,aliongeza Mboneko.

Kwa upande wao wafanyabiashara na wananchi wanaodaiwa kodi ya pango la ardhi wameishukuru serikali kuwatembelea na kuwakumbusha wajibu wao kulipa kodi huku wakibainisha kuwa wapo tayari kulipa madeni yao.

“Mimi sikujua kuwa ukiwa na kiwanja tu bila hati ya ardhi unatakiwa ulipie kodi ya pango la ardhi.Nilijua nikipata hati ndiyo naanza kulipia.Nimejipanga kuanza kulipa deni ninalodaiwa ambapo hadi mwisho mwezi huu wa Aprili nitakuwa nimemaliza kulipa deni”,alisema Polycarp Kimario ambaye ni Mkurugenzi wa Mwananchi Garage.

Kwa upande wake, Meneja wa Kiwanda cha Fang’ Wah, Alice Mingyang Yan alisema wapo tayari kulipa deni lao wanalodaiwa kuanzia mwaka 2018 hadi mwaka 2020 muda ambao wamekuwa wakifanya shughuli zao badala ya kudaiwa kuanzia mwaka 2013 kipindi ambacho kulikuwa na wawekezaji wengine waliouza kiwanja.

Naye Mkurugenzi wa Kampuni ya Gaki Investment Ltd, Gasper Kileo alisema anatambua umuhimu wa kulipa kodi na tayari alishaanza kulipa deni analodaiwa akibainisha kuwa awali alikuwa anadaiwa shilingi Milioni 30 lakini deni lake limekuwa likiongezeka kutokana na mgogoro wa ardhi uliokuwepo katika kiwanja chake kilichopo eneo la Matanda.

Mkuu wa Kitengo cha Kodi Wizara ya Ardhi, Nyumba na Maendeleo ya Makazi, Denis Masami alisema lengo la Kampeni ya Kuhamasisha Ulipaji wa Kodi ya Pango la Ardhi kwa wamiliki wa viwanja vya Biashara na makazi inayoendeshwa katika mikoa mbalimbali ni kutoa elimu ya ulipaji kodi ya pango la ardhi na kufuatilia wadaiwa wenye madeni makubwa na malimbikizo ya muda mrefu.

“Kampeni hii pia inalenga kutatua changamoto zinazowakabili walipa kodi na kuchukua hatua za kisheria kwa kusambaza hati za madai ili kuwafikisha mahakamani watakaokaidi tutawakamata mali na kuuza ili kufidia deni husika”,alisema Masami.

Mkuu wa wilaya ya Shinyanga Mhe. Jasinta Mboneko (kulia) akitoa elimu ya ulipaji kodi ya pango la ardhi kwa Mwakilishi wa Mkurugenzi wa Kampuni ya Phantom Oil Tanzania Ltd  John Maguru (kushoto) inayodaiwa shilingi milioni 105 za pango la ardhi tangu mwaka 2007 leo Alhamis Aprili 2,2020 wakati akiongoza Kampeni ya Kuhamasisha Ulipaji wa Kodi ya Pango la Ardhi kwa wamiliki wa viwanja vya Biashara na makazi katika manispaa ya Shinyanga. Wa pili kushoto ni Mkuu wa Idara ya Ardhi na Mipango Mji Manispaa ya Shinyanga,Salu Ndongo akifuatiwa na Mkuu wa Kitengo cha Kodi Wizara ya Ardhi, Nyumba na Maendeleo ya Makazi, Denis Masami. Picha zote na Kadama Malunde - Malunde 1 blog.

Kushoto ni Mwakilishi wa Mkurugenzi wa Kampuni ya Phantom Oil Tanzania Ltd  John Maguru akimuahidi Mkuu wa wilaya ya Shinyanga Mhe. Jasinta Mboneko kuwa Kampuni yao ipo tayari kuanza kulipa kodi ya pango la ardhi.

Mkuu wa wilaya ya Shinyanga Mhe. Jasinta Mboneko akiendelea kutoa elimu ya ulipaji wa kodi ya pango la ardhi. Kulia ni Kamishna Msaidizi wa Ardhi mkoa wa Shinyanga,Hezekiel Kitilya.

Mkuu wa Kitengo cha Kodi Wizara ya Ardhi, Nyumba na Maendeleo ya Makazi, Denis Masami (katikati) akielezea hatua zinazochukuliwa na Wizara ya Ardhi, Nyumba na Maendeleo ya Makazi kwa wafanyabiashara na wananchi wasiolipa kodi ya pango la ardhi kuwa ni pamoja na kuchukua hatua za kisheria kwa kusambaza hati za madai ili kuwafikisha mahakamani watakaokaidi tutawakamata mali na kuuza ili kufidia deni husika.

Mkuu wa Idara ya Ardhi na Mipango Mji Manispaa ya Shinyanga,Salu Ndongo (wa pili kushoto) akitoa elimu ya ulipaji kodi ya pango la ardhi.

Mkuu wa wilaya ya Shinyanga Mhe. Jasinta Mboneko akipokelewa na Meneja wa Kiwanda cha Machinjio ya Punda cha Fang’ Wah, Alice Mingyang Yan (kulia) alipotembelea kiwanda kicho kwa ajili ya kuhamasisha Ulipaji wa Kodi ya Pango la Ardhi kwa wamiliki kiwanda hicho kilichopo Ibadakuli katika manispaa ya Shinyanga.

Mkuu wa wilaya ya Shinyanga Mhe. Jasinta Mboneko akikagua nyaraka mbalimbali katika Kiwanda cha Machinjio ya Punda cha Fang’ Wah na kubaini kuwa Kiwanda hicho kinadaiwa shilingi milioni 66 za pango la ardhi tangu mwaka 2013 na kuwataka walipe deni hilo.

Wafanyakazi wa kiwanda cha Kiwanda cha Machinjio ya Punda cha Fang’ Wah wakijitetea mbele ya Mkuu wa wilaya ya Shinyanga Mhe. Jasinta Mboneko kuwa wao walinunua kiwanda hicho mwaka 2018 kutoka kwa Mwekezaji Mwingine hivyo wapo tayari kuanza kulipa deni la kuanzia mwaka 2018 hadi 2020.

Mkuu wa wilaya ya Shinyanga Mhe. Jasinta Mboneko (kulia) akiwataka wamiliki wa kiwanda cha Fang’ Wah  kulipa kodi ya pango la ardhi.

Mkuu wa wilaya ya Shinyanga Mhe. Jasinta Mboneko akizungumza na waandishi wa habari katika Kiwanda cha Machinjio ya Punda cha  Fang’ Wah na kuhamasisha ulipaji wa kodi ya pango la ardhi.

Mkuu wa wilaya ya Shinyanga Mhe. Jasinta Mboneko akizungumza na waandishi wa habari katika Kiwanda cha Machinjio ya Punda cha  Fang’ Wah na kuhamasisha ulipaji wa kodi ya pango la ardhi.

Mkuu wa Kitengo cha Kodi Wizara ya Ardhi, Nyumba na Maendeleo ya Makazi, Denis Masami akizungumza na waandishi wa habari katika Kiwanda cha Machinjio ya Punda cha  Fang’ Wah na kuhamasisha ulipaji wa kodi ya pango la ardhi.

Kushoto ni Mkuu wa Kitengo cha Kodi Wizara ya Ardhi, Nyumba na Maendeleo ya Makazi, Denis Masami akitoa elimu ya ulipaji kodi ya pango la ardhi kwa Mkurugenzi wa Kampuni ya Gaki Investment Ltd, Gasper Kileo (wa pili kulia) ambaye pia anadaiwa deni la shilingi milioni 120 kwa ajili ya pango la ardhi katika kiwanja chake  kilichopo katika eneo la Matanda.

Mkuu wa wilaya ya Shinyanga Mhe. Jasinta Mboneko akimhamasisha Mkurugenzi wa Kampuni ya Gaki Investment Ltd, Gasper Kileo kumalizia kulipa kodi ya pango la ardhi anayodaiwa.

Mkurugenzi wa Kampuni ya Gaki Investment Ltd, Gasper Kileo akielezea hatua alizochukua baada ya mgogoro wa ardhi kuisha katika viwanja vyake katika eneo la Matanda ambapo kwa kutambua umuhimu wa kulipa kodi tayari alishaanza kulipa deni analodaiwa.

Kulia ni Kamishna Msaidizi wa Ardhi mkoa wa Shinyanga,Hezekiel Kitilya akimueleza jambo Mkurugenzi wa Kampuni ya Gaki Investment Ltd, Gasper Kileo

Mkurugenzi wa Kampuni ya Gaki Investment Ltd, Gasper Kileo akimweleza jambo Kamishna Msaidizi wa Ardhi mkoa wa Shinyanga,Hezekiel Kitilya.

Kushoto ni Mkuu wa wilaya ya Shinyanga Mhe. Jasinta Mboneko akitoa elimu ya ulipaji kodi ya pango la ardhi kwa Mkurugenzi wa Mwananchi Garage Polycarp Kimario (kulia) ambaye anadaiwa kodi ya shilingi milioni 9.3 katika kiwanja chake ambacho anakitumia kufuga samaki.

Kulia ni Mkurugenzi wa Mwananchi Garage Polycarp Kimario akimuahidi Mkuu wa wilaya ya Shinyanga Mhe. Jasinta Mboneko kuwa atalipa kodi ya pango la ardhi mwezi huu Aprili 2020.

Mkuu wa wilaya ya Shinyanga Mhe. Jasinta Mboneko akiwahamasisha wamiliki wa ardhi kuhakikisha wanalipa kodi ya pango la ardhi.

Picha zote na Kadama Malunde - Malunde 1 blog

Read More →

Wenye Virusi Vya Corona Nchini Kenya Wafika 110...Wawili Zaidi Wafariki Dunia

Idadi ya visa vya ugonjwa wa virusi vya corona nchini Kenya imefikia 110 baada ya visa vingine 29 kuthibitishwa.

Akizungumza katika mkutano na wanahabari jijini Nairobi waziri wa Afya Mutahi Kagwe amesema kwamba watu wengine wawili wamepoteza maisha yao kutokana na maambukizi ya virusi hivyo.

Amesema kwamba idadi hiyo inaongeza idadi ya watu waliofariki kutokana na ugonjwa huo kufikia 3. Kagwe ameongezea kwamba wagonjwa waliofariki wanatoka miji ya Nairobi na Mombasa.

Waziri huyo pia amepiga marufuku usafiri wa Wakenya kuelekea katika maeneo ya mashambani akionya kwamba huenda wakapeleka maambukizi ya virusi hivyo katika maeneo hayo.

Amesema kwamba serikali imewapima watu 662 katika kipindi cha saa 24 ambapo takriban watu 29 wamepatikana na virusi hivyo.

Kagwe amesema kwamba wagonjwa 28 kati ya wale waliopatikana na virusi hivyo ni raia wa Kenya huku mmoja akiwa raia wa DR Congo.

Read More →

Mkuu Wa Jeshi La Zimamoto Na Uokoaji Afanya Mabadiliko Ya Makamnda

Mkuu wa Jeshi la Zimamoto na Uokoaji, (CGF) John W. Masunga, amefanya mabadiliko ya baadhi ya Makamanda wa Mikoa.

Makamanda walioguswa na mabadiliko hayo ni Kamishna Msaidizi Mwandamizi wa Zimamoto na Uokoaji (SACF) ABDALLAH MAUNDU anakwenda kuwa (RFO) Kamanda wa Zimamoto na Uokoaji Mkoa wa Kigoma, kabla ya nafasi hii

alikuwa Makao Makuu Dodoma.

Aliyekuwa Kamanda wa Zimamoto na Uokoaji Mkoa wa Mara, Kamishna Msaidizi Mwandamizi (SACF) SALUM M. OMARI, anayekwenda kuwa (RFO) Kamanda wa Mkoa wa Kinondoni, kuchukua nafasi ya Mrakibu Msaidizi wa

Zimamoto na Uokoaji (ASF) JENIFER V. SHIRIMA anayehamia Makao Makuu kuwa Mkuu wa dawati la Mambo ya Nje.

Aidha nafasi ya (RFO) Kamanda wa Zimamoto na Uokoaji Mkoa wa Mara inachukuliwa na Mrakibu Msaidizi wa Zimamoto na Uokoaji (ASF) AUGUSTINE B. MAGERE.

Pia aliyekuwa Kamanda wa Zimamoto na Uokoaji Mkoa wa Temeke, Kamishna Msaidizi Mwandamizi (SACF) ELIA P. KAKWEMBE, anayekwenda kuwa (CFO) Kamanda wa Viwanja vya Ndege Nchini, kuchukua nafasi ya Kamishna Msaidizi (ACF) BAKARI K. MRISHO anayekwenda kuwa (RFO) Kamanda wa Zimamoto na Uokoaji Mkoa wa Temeke.

Aliyekuwa Kamanda wa Zimamoto na Uokoaji Mkoa wa Shinyanga Mrakibu wa Zimamoto na Uokoaji (SF) OMARI H. SIMBA anayekwenda kuwa (RFO) Kamanda wa Mkoa wa Simiyu na nafasi yake inachukuliwa na Mrakibu wa

Zimamoto na Uokoaji (SF) GEORGE G. MRUTU anayetoka Makao Makuu.

Mabadiliko haya ni ya kawaida kwa Jeshi la Zimamoto na Uokoaji.

Read More →

RC Tabora Awaagiza Kusakwa Na Kukamatwa Kwa Walimu Wanaofundisha Tuisheni Kipindi Hiki Cha Mapambano Dhidi Ya Corona

Na Daudi Tiganya
MKUU wa Mkoa wa Tabora Aggrey Mwanri ameagiza kuwasakwa kwa walimu ambao wamekuwa wakiwakusanya wanafunzi kwa ajili ya kufundisha tuisheni kwa kuwa wanapingana na kampeni  ya kudhibiti na kupambana na  ugonjwa wa Covid -19.

Hatua hiyo inalenga kuzuia vitendo hatarishi vinavyoweza kuwepo na mazingira kupata virusi vya Corona.

Mwanri alitoa kauli hiyo  wilayani Nzega wakati ziara yake ya kukagua Vituo na Zahanati zilizoandaliwa kwa ajili ya washukiwa wa ugonjwa wa covid -19 kama itatokea bahati wakaonekana wakaonekana Mkoani humo.

Alisema ni marufuku kwa walimu kutumia janga la ugonjwa wa Covid -19 kujipatia maslahi kwa kufanya hivyo ni kuvunja Sheria kwa kisingizio kuwa wanawafundisha watoto masomo ya ziada.

Mwanri aliongeza kuwa baadhi ya Wamiliki wa Shule binafsi ndio wanasababisha walimu kujiingiza kwenye ufundishaji wa tuisheni baada ya kusema kuwa kuambiwa kuwa  hatawalipa mshahara kwa sababu hawakufundisha katika kipindi ambao shule zimefungwa kutokana na Covid -19.

Alisema hilo halikubaliki na ndio linalowafanya baadhi yao kujiingiza katika ufundishaji wa tuisheni kinyume cha maagizo ya serikali katika kukabiliana na Covid 19.

Mwanri alisema ni lazima walimu wote walipwe mshahara wao ili kutowaweka katika vishawishi vya kujiingiza katika kuvunja maagizo ya Serikali ya kuzuia mikusanyiko kwa wanafunzi.

Naye Mganga Mkuu wa Mkoa wa Tabora Dkt. Honaratha Rutatinisibwa aliwataka wazazi kutowaruhusu watoto wao kuzuzura ovyo mitaani kwa kuwa vitendo vinaweza kuwasababisha kupata maambukizi ya virusi vya Corona.

Alisema kuna baadhi ya maeneo kunaonekana makundi ya watoto wakiwa wamekusanyika pamoja jambo ambalo ni hatari kwao na kwa jamii zinazowazunguka.

Dkt. Rutatinisibwa alisema ni vema wanafunzi wakasisitizwa kubaki majumbani katika kipindi hiki ambacho mapambano dhidi ya Corona yakiendelea.

Read More →

RC Tabora Asimamisha Likizo Za Waganga Na Wauuguzi Ili Kutoa Elimu Ya Kupamabana Na Corona

MKUU wa Mkoa wa Tabora Aggrey Mwanri amesimamisha kwa muda likizo za watumishi wakiwemo wa Idara za Afya ili waendelee kuunganisha nguvu katika kusaidia jamii kwenye kampeni za mapambano ya ugonjwa wa Covid -19.

Hatua hiyo inalenga kuhakikisha kuwakuwepo na wataalamu wa kutosha katika maeneo yote ambao wataendelea kutoa elimu ya kujikinga na kudhibiti ugonjwa wa homa kali ya mapafu unaosababishwa na virusi aina ya Corona usiingie Mkoani Tabora.

Mwanri alitoa kauli hiyo  wilayani Uyui na Nzega wakati ziara yake ya kukagua Vituo na Zahanati zilizoandaliwa kwa ajili ya washukiwa wa ugonjwa wa covid -19 kama itatokea bahati wakaonekana wakaonekana Mkoani humo.

Alisema kipaumbele hivi sasa ni kuhakikisha tahadhari zote zinachukuliwa ili wakazi wa Mkoa wa Tabora waendelee kuwa salama kwa kuzingatia maelekezo ya wataalamu na viongozi wa Kitaifa.

Aidha Mwanri alizitaka Halmashauri zote za Mkoa wa Tabora kutumia redio zilizopo na magari ya matangazo kupeleka elimu katika maeneo mbalimbali ya wananchi juu ya kujikinga na kulinda dhidi ya Covid -19.

“Tumieni magari yenye vipaza sauti kupitia katika mitaa mbalimbali kutoa elimu ya kujikinga wakati wote…na pia wataalamu nendeni katika Redio zote zilizopo mkoani Tabora kupeleka ujumbe ambao utawasaidia wananchi kuepuka kupata maambukizi ya Corona” alisema.

Katika hatua nyingine Mkuu wa Mkoa ameziagiza Halmashauri zote kuhakikisha magari yote ya abiria yanayosafirisha abiria ndani na nje Mkoa wa Tabora yanapuliziwa dawa kabla ya safari ili kuwakinga abiria ya uwezekano wa kupata corona.

Alisema ni lazima gari linapofika Stendi lipuliziwe dawa na taarifa zake zijazwe kwenye fomu ili kuonyesha kuwa limetekeleza agizo hilo ndio liruhusiwe kupakia abiria na kuendelea na safari zake.

MWISHO

Read More →

Tangaza Biashara Yako Au Bidhaa Yako Kwenye Mtandao huu Kwa BEI NZURI Kabisa

Tunakaribisha  matangazo  ya  aina  zote( Bishara, Viwanja, Bidhaa, matangazo ya Vyuo na mengine mengi)  .Bei  zetu  ni  nzuri  sana  na  kamwe  hutajuta  kutangaza  biashara  yako  kupitia  mtandao  huu....

Kwa mwezi tunafunga na Pageviews zaidi  ya  milioni 4

Kama  una  tangazo, basi  wasiliana  nasi   sasa.

Email  yetu:  mpekuziblog@gmail.com
Simu:     +255682493833 ( Whatsapp ONLY)

Read More →

Madaktari Waomba Vifaa vya Kujikinga na Corona.....Washauri Wagonjwa Wenye kisukari, shinikizo la damu, maumivu ya mgongo Wapewe Dawa za Muda Mrefu Kupunguza Msongamano

Chama cha Madaktari Tanzania (MAT), kimeiomba Serikali kurefusha matumizi ya dawa kwa wagonjwa wa kisukari, shinikizo la damu, maumivu ya mgongo na misuli ili kupunguza mrundikano wa wagonjwa katika hospitali ikiwa ni juhudi za kupambana na virusi vya Corona.

Akizungumza leo Alhamisi Apirli 02, jijini Dar es salaam Rais wa chama hicho, Dk. Elisha Osati amesema wagonjwa hao wanaweza kupewa dawa na kutumia kwa miezi mitatu.

“Tunaona kuwa wagonjwa wenye magonjwa kama hayo wana hatari zaidi kupata madhara ya virusi vya corona ndio maana tunapendekeza wapewe dawa za muda mrefu ili kuondoa msongamano wa wagonjwa.

“Tunaamini kuwa wagonjwa hao wakibaki nyumbani wanajikinga zaidi, utafiti mdogo tuliofanya unaonesha asilimia 70 ya wagonjwa hao huenda hospitali kwa marudio au kuchukua dawa,” amesema Dk. Osati.

Aidha ameiomba serikali kuhakikisha uwepo wa vifaa vya kujikinga kwa wafanyakazi wa sekta ya afya.

“Tunaomba serikali na wadau wote wa afya nchini kuelewa na kutambua mchango wa watumishi wa sekta ya afya hivyo vitu kama mask N95 ni muhimu sana kwetu ukizingatia idadi ya wagonjwa wa Covid-19 inaongezeka siku hadi siku,”amesema.

Read More →

Rais Wa Urusi Vladimir Putin 'Ajifungia Nyumbani' Kukabiliana na Corona

Rais wa Urusi Vladimir Putin kuanzia sasa atakuwa akifanya kazi akiwa nyumbani kwake huko Novo-Ogarevo, karibu na jiji la Moscow, msemaji wa Kremlin amesema siku moja baada ya daktari aliyekutana na rais Putin wiki iliyopita kukapatikana na virusi vya Corona.

Kiongozi wa Urusi anatarajiwa leo mchana kuongoza mkutano na wajumbe wa serikali yake kwa njia ya video, Dmitry Peskov amewaambia waandishi wa habari, akibaini kwamba Vladimir Putin, ambaye kwa mujibu wa Kremlin yuko katika afya njema, sasa ameamuwa kutumika akiwa nyumbani kwake.

"Kila mtu sasa anajitenga na wengine kutokana na hali inayojiri kwa sasa," Dmitry Peskov ameongeza.

Visa 2,777 vya maambukizi ya virusi vya Corona vimethibitishwa nchini Urusi ambapo watu 24 wamefariki dunia kwa ugonjwa huo ambao ulianzia nchini china mwezi Desemba mwaka 2019, kabla ya kusambaa katika zaidi ya nchi 200 kote ulimwenguni.

Katika kujaribu kukabiliana na kuenea kwa virusi vya Corona, hasa katika mji mkuu, ambao umekuwa kitovu cha janga nchini, siku ya Jumapili manispaa ya mji wa Moscow ilitangaza marufuku ya kutoka nje.

-RFI

Read More →

Watu 884 Wafariki Kwa Virusi Vya Corona Nchini Marekani Ndani ya Masaa 24.....Idadi ya Vifo Yafika 5000

Zaidi ya watu 5,000 wamefariki dunia nchini Marekani kwa sababu ya janga la Corona, ambapo zaidi ya watu 215,000 nchini hump wameambukizwa virusi hivyo, Chuo Kikuu cha Johns-Hopkins kimetangaza, shirika la habari la AFP limeandika.

Hii ni baada ya watu 884   kuripotiwa kufariki dunia katika masaa 24, japo idadi hiyo ya Marekani ni ya chini ikilinganishwa na Italia na uhispania wakati huu maafa zaidi yakitrajiwa.

Wakati huo huo rais wa Marekani Donald Trump ametangaza kwamba anatathmini juu ya uwezekano wa kusitisha safari za ndege za ndani katika miji ya Marekani iliyoathiriwa zaidi na janga la Covid-19 (Corona), ambalo linaweza kuua watu wasiopungua 100,000 nchini humo, kulingana na ripoti ya mamlaka ya afya ya nchini Marekani.

"Tunatatmini hili, lakini mara tu hatua kama hiyo itakapochukuliwa, tutakuwa tumefunga sekta ambayo ni muhimu sana," Rais wa Marekani amesema wakati wa mkutano na waandishi wa habari huko Ikulu ya White House.

Jumanne wiki hii Donald Trump alionya, siku mbili baada ya kuongeza hatua za kuangamiza janga la Corona hadi mwisho wa mwezi wa Aprili, kwamba wiki mbili "mbaya zaidi" zinatarajia kushuhudiwa nchini Marekani katika vita dhidi ya ugonjwa huo.

Read More →

Serikali ya Uganda kuwapatia chakula wananchi milioni 1.5 Walioko Majumbani kutokana na virusi vya Corona

Waziri mkuu wa Uganda Bw. Ruhakana Rugunda amesema serikali ya Uganda itawapatia chakula watu maskini walioko mjini kuanzia Jumamosi wiki hii, ili kupambana na virusi vya Corona.

Bw. Rugunda amesema wizara ya mambo ya maafa itawapatia chakula watu wasiopungua milioni 1.5 walioko Kampala na Wakiso, ikiwa ni pamoja na wazee, wagonjwa, na madereva wa taxi, ambao kila mtu atapewa kilo 6 za unga wa mahindi, kilo 3 za maharagwe na chumvi. 

Zaidi ya hayo, akina mama wanaonyonyesha na wagonjwa watapewa kilogram 2 za maziwa ya unga na kilo 2 za sukari.

Rais Yoweri Museveni wa Uganda Jumatatu wiki hii alitangaza kuwa serikali itawapatia chakula madereva na wale wanaopoteza kazi kutokana na hatua za kupambana na virusi vya Corona. 

Serikali ya Uganda imechukua hatua za mfululizo katika kuzuia kuenea kwa virusi vya Corona, ikiwa ni pamoja na amri ya kutotembea usiku, kusimamisha usafiri binafsi na umma, kufunga mpaka wa nchi, na kupiga marufuku mikusanyiko yote ya watu.

Read More →

Wasafiri 84 Wawekwa Karantini Tunduma

Katika kutekeleza maagizo ya serikali ya kuhakikisha wasafiri wote wanaotoka katika nchi zenye maambukizi Zaidi ya Virusi vya Corona wanatengwa, jumla ya wasafiri 84 kutoka Nchi ya Afrika Kusini wamewekwa karantini kwa muda wa siku 14 Katika halmashauri ya Mji wa Tunduma.

Mkuu wa Mkoa wa Songwe Brig. Jen. Nicodemus Mwangela ameyasema hayo alipofanya ukaguzi wa maandalizi ya utayari wa kupambana na Ugonjwa wa Virusi vya Corona  kwa Mkoa wa Songwe hususani maeneo ya Mipakani yaani katika Halmashauri ya Wilaya ya Ileje na Halmashauri ya Mji wa Tunduma.

Brig. Jen. Mwangela amesema wasafiri hao ambao ni watanzania 55 na raia wengine kutoka Congo, Afrika Kusini, Kenya na Uganda walipoingia nchini kupitia mpaka wa Tunduma walipimwa na kukutwa hawana dalili za virusi vya Corona na kwakuwa wametoka katika nchi yenye maambukizi Zaidi wametengwa katika karantini.

Amesema utaratibu huo ni kwaajili ya kuwaaangalia ndani ya siku 14 kama watakuwa hawana dalili za Ugonjwa wa Virusi vya Corona wataruhusiwa kuendelea na safari zao.

Brig. Jen. Mwangela amewaagiza viongozi katika sekta mbalimbali kuendelea kutoa elimu ya namna ya kujikinga na Virusi vya Corona pia katika ofisi na taasisi zote usafi uzingatiwe huku suala la kunawa mikono kwa maji na sabuni liwekwe kipaumbele kila mahali.

Aidha ameliagiza jeshi la Polisi Mkoa wa Songwe kufanya msako katika maeneno ya stendi za mabasi endapo kutakuwa na raia kutoka katika nchi zenye maambukizi Zaidi ya Virusi vya Corona na wamepitia njia zisizo rasmi waweze kuwekwa karantini.

Naye Kamanda wa Jeshi la Polisi Mkoa wa Songwe George Kyando amesema jeshi hilo limepiga marufuku kwa mabasi kujaza abiria kuliko uwezo wa gari, kutokuwa na vitakasa mikono kwenye mabasi au maji na sabuni kwa ajili ya kunawa na marufuku ya mabasi kuanza safari bila kupuliziwa dawa.

Amesema yeyote atakayepuuzia marufuku hizo ambazo zimelenga kuweka tahadhari ya kutosambaza ugonjwa wa Virusi vya Corona atakuwa anataka kusambaza ugonjwa kwa makusudi jambo ambalo ni kosa kisheria hivyo hatua kali zitachukuliwa dhidi yake.

Mganga Mkuu wa Halmashauri ya Mji wa Tunduma Dkt Enock Mwambalaswa amesema wasafiri wote waliowekwa karantini wanapimwa mara mbili kwa siku ili kufuatilia maendeleo ya afya zao na endapo atatokea mwenye dalili za Virusi vya Corona hatua za haraka zitachukuliwa lakini hadi sasa wote wanaendelea vizuri na hakuna aliyebainika kuwa na viashiria vya ugonjwa huo.

Read More →

Waziri Wa Kilimo Na Waziri Wa Viwanda Waongoza Kikao Kazi Kujadili Ufungamanishaji Wa Sekta Ya Kilimo Na Mikakati Ya Kutafuta Masoko

Na Mathias Canal, Wizara ya Kilimo-Dodoma

Wataalamu kutoka Wizara ya Kilimo kadhalika, Wizara ya Viwanda na Bishara, na Taasisi za soko la Bidhaa Tanzania (TMX), Mamlaka ya Maendeleo ya Biashara Tanzania (TanTrade) na Taasisi ya kuendeleza Kilimo Afrika (AGRA) wamekutana Jijini Dodoma kujadili kwa pamoja namna ambavyo Wizara hizo mbili zinaweza kuongeza mshikamano na weledi wa kiutendaji kwa ajili ya kufungamanisha uchumi wa Kilimo na Viwanda.

Katika kikao hicho kilichotuama katika ukumbi wa Wizara ya Kilimo maarufu kama Kilimo IV kikiongoza na mawaziri kutoka pande mbili, Waziri wa Kilimo Mhe Japhet Hasunga (Mb) na Waziri wa Viwanda na Bishara Mhe Innocent Nashungwa (Mb) kwa pamoja wamesisitiza ulazima wa wataalamu hao kuunganisha nguvu kwa pamoja baina ya Wizara na Taasisi za umma na binafsi ili kuimarisha upatikanaji wa takwimu sahihi kuhusu Uzalishaji, uhifadhi, Ubora kwa Mazao ya kimkakati na mchanganyiko.

Akizungumza katika kikao hicho Waziri wa Kilimo Mhe Japhet hasunga (Mb) amewataka Wataalamu hao kuimarisha intelijensia ya masoko kwa kutumia mbinu mbalimbali ikiwemo na ufuatiliaji wa karibu wa mwenendo wa masoko ya Mazao na bidhaa ulimwenguni.

Hasunga amesema kuwa  pamoja na mikakati ya masoko lakini wataalamu hao wanaweza kujadili na kuona namna ya kuimarisha uhifadhi wa Mazao ya wakulima baada ya kuvuna kwani Barani Afrika nafaka myingi hupotea mara baada ya kuvuna.

Amewataka wataalamu hao pamoja na mambo mengine amewataka kuhakikisha kuwa wanaimarisha miundombinu ya masoko ikiwemo maghala ya kisasa ya kuhifadhia Mazao na bidhaa.

Naye, Waziri wa Viwanda na Biashara Mhe Innocent Bashungwa (Mb) amesema kuwa intelijensia ya masoko inapaswa kuhakikisha kwa haraka inatumia Balozi za Tanzania nje ya nchi katika kutafuta fursa za masoko ya Mazao  na bidhaa pamoja na kuanzisha madawati ya biashara (Trade/Commercial attache) Kwenye balozi hizo.

Pia amesema mpango mkakati wa kuwaunganisha wakulima na wasindikaji ndani na nje ya nchi ni muhimu kutekeleza haraka iwezekanavyo ikiwa ni pamoja na kujenga uwezo zaidi katika kuongeza Uzalishaji wenye tija ili kukidhi nahitaji ya soko la ndani na nje ya nchi. 

Kadhalika Waziri Bashungwa ameongeza kuwa Wakala wa Taifa wa Hifadhi ya Chakula (NFRA) na Bodi ya Nafaka na Mazao Mchanganyiko (CPB) wanapaswa kukutana na Shirika la Chakula Duniani (WFP) kujadili uimarishaji wa masoko ya Mazao mbalimbali.

Pamoja na mambo mengine Waziri Bashungwa ameitaka Taasisi ya kuendeleza Kilimo Barani Afrika (AGRA) kushirikiana na wadau wengine wa sekta ya Kilimo ili kutafuta ufunguzi wa namna ya kuimarisha masoko ya Mazao ya wakulima nchini.

MWISHO

Read More →

Taarifa Ya Upotoshaji Inayosambaa Kwenye Mitandao Ya Kijamii Dhidi Ya Waziri Wa Mambo Ya Ndani Ya Nchi George B. Simbachawene

Read More →

FULL POWER , ZATI 50 SULUHISHO LA KUDUMU NGUVU ZA KIUME NA UUME MDOGO

Sababu za upungufu wa nguvu za kiume na maumbile madogo ya uume

⇒Ngiri,

⇒Henia

⇒Kisukari

⇒Tumbo kujaa gesi

⇒Kutopata choo vizuri

⇒Utumiaji madawa kwa muda mrefu

⇒Unywaji wa pombe kupita kiasi

⇒Msongo wa mawazo 

⇮⇒Haya yote hupelekea mwili kutokuzalisha homoni ya gesrtogine au kuwa chache na kushindwa kupata mzunguko mzuri wa damu na vichocheo vingine kama madini ya zinki ambayo hukufanya kuwa na msisimko  na kufanya kuwa na muda  mrefu na nguvu za kutosha.

FULL POWER

⇨Ni dawa ya vidonge ya miti shamba inaongeza nguvu za kiume na kutibu kabisa tatizo hilo.

⇨Inaongeza hamu ya tendo la ndoa

⇨Inakufanya uchelewe kufika kileleni zaidi ya Dakika 30 na kurudia tendo zaidi ya mara nne na zaidi.

Zati 50

⇨ Inarutubisha maumbile ya uume  na kunenepesha urefu nchi 6,unene sentimita 4

⇨Dawa hii ni ya kutibu kabisa tatizo hilo.

Pia tunatibu Magonjwa mengine Kama

Matatizo ya pumu,Bawasiri, vidonga vya tumbo,Kisukari,Magonjwa sugu ya zinaaa,Kaswende,U.T.I , kiuno,miguu kuwaka moto, Fangasi sehemu za Siri, kupunguza unene wa mwili,tumbo kuunguruma,kujaa gesi, matatizo ya uzazi kwa wanawake, kurutubisha mbegu za uzazi kwa akina baba, matatizo ya meno tunatibu bila kungoa

Kliniki yetu inapatikana Zanzibar, Dar es salaam na Shinyanga.

Wasiliana nasi kwa simu namba 071770 22 27

Read More →

Habari Zilizopo Katika Magazeti ya Leo Alhamisi April 2

Read More →

LIVE: Waziri Mkuu Akihutubia Bungeni

LIVE:  Waziri Mkuu Akihutubia Bungeni

Read More →