Mbowe Alipa Faini ya Milioni 70, Kutoka Gerezani Leo Mchana

Mwenyekiti wa CHADEMA, Freeman Mbowe amelipa faini ya 70,000,000 na muda wowote leo Ijumaa Machi 13, 2020 atatoka katika gereza la Segerea.

Mbowe  ni kati ya viongozi wanane wa Chadema ambao pamoja na aliyekuwa Katibu Mkuu wa chama hicho, Dk Vicent Mashinji Jumanne Machi 10, 2020 walihukumiwa kulipa faini ya Sh350 milioni au kwenda jela miezi mitano baada ya kutiwa hatiani kwa makosa 12 kati ya 13 yaliyokuwa yanawakabili. 

Yeye alihukumiwa kulipa faini ya sh. milioni 70 baada ya kutiwa hatiani katika mashtaka nane yakiwemo ya uchochezi.

Tumekamilisha kumlipia Mhe.Freeman Mbowe na Sasa ni taratibu za kumtoa Magereza zinafanyika ili atoke mchana huu Mara taratibu zitakapokamilika .Asanteni Sana watanzania pic.twitter.com/PtbTJhfT4j

— Jon Mrema (@JonMrema) March 13, 2020

Read More →

Rais Magufuli Atoa UJUMBE Mzito Kwa Watanzania Kuhusu Virusi Vya CORONA

Rais  Magufuli amewataka wananchi kuchukua tahadhari dhidi ya virusi vya corona akisema ni hatari zaidi kwa maelezo kuwa ni ugonjwa hatari na Shirika la Afya Duniani (WHO) limeshatoa tahadhari.

Ametoa tahadhari hiyo leo Ijumaa Machi 13,2020 wakati akizindua  karakana ya kisasa ya Jeshi la Wananchi Tanzania (JWTZ) iliyojengwa kwa Sh8.5 bilioni kwa ufadhili wa Serikali ya Ujerumani.

Rais Magufuli amesema ingawa ugonjwa huo umesambaa katika maeneo mbalimbali dunia bado Tanzania haujaingia.

==>>Hapo chini ni Kauli za Rais Magufuli Alizozitoa Leo kuhusu ugonjwa wa CORONA.

Kupitia hii hotuba yangu ya leo naomba tu watanzania wote mkachukue tahadhari kila mmoja kujikinga na ugonjwa wa Corona, upo na ni hatari unaua kwa haraka. Tanzania bara na Visiwani hakuna mgonjwa ila haina maana kwamba tusichukue tahadhari.

Niwaombe ndugu zangu tusipuuze ugonjwa huu. Kwa wale wanaopenda kusafiri safiri sana, kama safari sio ya lazima sana usisafiri. Nimeshatoa taarifa kwa Katibu Mkuu Kiongozi kwamba vibali vya kusafiri viwe kwa safari maalum

Tusishikane mikono, tusibusuane, sasa sifahamu usiku watafanyaje, lakini napo unaweza tu usibusu mambo yakawezekana na ni raha tu.

Na hii tahadhari msiwaachie viongozi tu ndio wazungumze,kila mmoja kwenye familia yetu tutoe elimu ya tahadhari. mashuleni walimu watoe tahadhari kwa watoto wetu, kwenye makambi etc ili tuweze kudhibiti hili gonjwa lisiweze kuingia nchini mwetu, gonjwa hili linaharibu uchumi wetu.

Niwaombe wahariri wa magazeti ikiwezekana kila siku kwenye gazeti watoe tahadhari ya ugonjwa wa Corona. 

Kwenye Tv na redio zetu hata kabla ya kutangaza taarifa ya habari basi wapitishe mistari ya tahadhari ya ugonjwa huu. 

Tukidharau ndugu zangu tutakwisha, mpaka sasa wanatibu tu symptoms lakini dawa ya kuponesha Corona haipo. Kupitia meseji hii ambayo naitolea hapa jeshini Lugalo ikawaguse watanzania.

Vyombo vya habari mkilisimamia hili tutashinda hii vita, unapopiga Muziki weka na tangazo la corona ili anaecheza na kubinuka amevaa kichupi anaweza akavaa hata gauni kwa kusikia tu neno corona, wekeni Dakika hata moja ya kuelimisha, Wanahabari hili ni jukumu lenu kubwa

Niwaombe viongozi wa dini wa madhehebu mbalimbali kila mmoja katika imani yake tuendelee kumuomba Mungu aweze kutusaidia, Mungu anaweza kila kitu.

Hata wakati wa Sodoma na Gomora tahadhari zilitolewa Watu walidharau wakaangamia, tahadhari tuzizingatie.

Nchi zimepunguza safari hata sisi Ndege yetu inayoenda India ilienda jana ikirudi leo haitoenda tena. Nchi yetu inaenda vizuri kiuchumi, janga hili litaturudisha nyuma.

 

Read More →

Waziri Ummy Ataka Ushirikiano Toka Kwa Wadau Kuhakikisha Virusi Vya CORONA Haviingii Tanzania

Waziri wa Afya, Maendeleo ya Jamii, Jinsia, Wazee na Watoto, Ummy Mwalimu amekutana na kufanya mazungumzo na wadau wa sekta ya afya lengo likiwa ni kujadili kwa pamoja tishio la mlipuko wa virusi vya corona.

Ummy alisema katika kikao hicho waliwaeleza wadau kama taarifa ya Shirika la Afya Duniani (WHO) limetangaza hali ya maambukizi ya ugonjwa huo duniani, hivyo kama Serikali ni vyema kuwapatia taarifa wadau hao.

“Tumewapa taarifa wadau wetu na kuwahakikishia kwamba Tanzania hakuna mtu mwenye maambukizi ya virusi wa corona na tumewaeleza hatua gani kama Serikali tumezichukua katika kujiandaa kukabiliana na tishio hili,” alisema Ummy.

Katika kikao hicho Ummy alieleza kwamba wizara yake imeweza kuchukua hatua ya kukabiliana na tishio hilo kwa kuimarisha ufuatiliaji katika maeneo mbalimbali, ikiwemo viwanja vya ndege na viingilio vingine ikiwemo bandarini.

Hata hivyo, Ummy alisema wameweza kutoa mafunzo kwa baadhi ya wataalamu wa afya waliopo mikoani na kuandaa dawa, vifaa na vifaa tiba endapo nchi itapata mshukiwa wa virusi vya corona.

“Tumewaomba washirikiane nasi katika kuhakikisha kwamba sasa tunakuwa tayari kukabiliana na tishio hilo hata kama hatuna mgonjwa, hii tulikubaliana kwenye mkutano wa nchi wanachama wa SADC, kwamba nchi zote tunaingia kwenye hatua ya kukabiliana,” alisema Ummy.

Katika kikao hicho alisema wamewaomba wadau waunge mkono katika kutoa mafunzo zaidi, hususan kwa wataalamu wote wa afya ili kuwakinga na maambukizi pamoja na kutoa elimu na taarifa sahihi kwa wananchi.

Wadau hao wameishukuru Serikali kupitia Wizara ya Afya kwa kuwashirikisha na wameridhika kwa hatua zilizochukuliwa katika kukabiliana na tishio la ugonjwa huo.

Kikao hicho kiliwashirikisha WHO, mabalozi na wakuu wa taasisi za kimataifa hapa nchini.

Read More →

Kauli Ya DPP Kuhusu Sakata la Kangi Lugola na Wenzake

Mkurugenzi wa Mashtaka Nchini (DPP), Biswalo Mganga, amesema bado ofisi yake na Taasisi ya Kuzuia na Kupambana na Rushwa (Takukuru), wanalifanyia kazi sakata la tuhuma za aliyekuwa Waziri wa Mambo ya Ndani, Kangi Lugola na aliyekuwa Kamishna wa Zimamoto na Uokoaji, Thobias Andengenye.

Alisema taasisi hizo mbili zina utaratibu wa kufanyakazi na kwamba hakuna jambo la kificho, kila kitu kitakapokuwa tayari umma utafahamishwa kupitia vyombo vya habari.

Akizungumza na waandishi habari ofisini kwake  alisema kuna utaratibu wa utendaji wa kazi zao hivyo suala hilo likiiva litawekwa hadharani.

"Kwa sasa sina majibu siwezi kusema jalada la Kangi na Andengenye kama limefika ofisini kwangu au la, sina utaratibu wa kutoa taarifa nusu nusu, muda ukifika nitawaita niwaeleze kinachoendelea," alisema DPP.

Lugola alivuliwa madaraka baada ya Rais John Magufuli kuonyesha kusikitishwa na utendaji wa viongozi wa Wizara ya Mambo ya Ndani hasa utiaji saini wa mkataba wa mradi wa thamani ya Euro milioni 408.

Aliamua kutengua uteuzi wa Lugola wa Uwaziri wa Mambo ya Ndani ya Nchi na nafasi yake kuchukuliwa na George Simbachawene na kisha kuagiza TAKUKURU Wamchunguze na wachukue hatua.

Read More →

Jobs in Tanzania – latest Jobs Today in Tanzania March 2020 [#DailyUpdates]

Browse all latest Jobs Today  in Tanzania JOB ADVERTISEMENTS FROM GOVERNMENT, TANZANIA NGOs AND INTERNATIONAL NGOs Find Latest Tanzanian Job Vacancies – Tanzania Jobs Today – Current 2020 Jobs in Tanzania March 2020 – Daily Jobs in Tanzania: A listing of latest jobs in Tanzania from top employers. Over 50 new job vacancies in Tanzania posted daily. Browse and… Read More »

The post Jobs in Tanzania – latest Jobs Today  in Tanzania March 2020 [#DailyUpdates] appeared first on Udahiliportal.com.

Read More →

Live : RAIS MAGUFULI ANAZINDUA KARAKANA KUU YA JWTZ

Mhe. Rais Magufuli leo tarehe 13 Machi, 2020  anazindua karakana ya matengenezo ya magari na mafunzo ya ufundi ya Jeshi la Ulinzi la Wananchi wa Tanzania (JWTZ), iliyopo Lugalo Jijini Dar es Salaam.

Read More →

JOHN MNYIKA, JOHN HECHE NA SALUM MWALIMU WATOKA GEREZANI

Katibu Mkuu wa Chadema John Mnyika, Naibu Katibu Mkuu, Salum Mwalimu na mbunge wa Tarime Vijijini, John Heche wametoka gereza la Segerea leo.

Mpaka sasa viongozi wote wa Chadema wametolewa jela isipokuwa Mwenyekiti wa chama hicho, Freeman Mbowe ambaye mpaka sasa bado yuko gerezani.

Viongozi wengine wa Chadema ambao wameachiwa ni wabunge Halima Mdee (Kawe), Esther Bulaya (Bunda Mjini), Esther Matiko (Tarime Mjini) na Peter Msigwa (Iringa Mjini).

Chama hicho kimechangisha fedha kutoka kwa wanachama wake na watu wengine ambao wameguswa na hukumu ya viongozi hao ambao walihukumiwa kifungo cha miezi 5 jela au kulipa faini ya Milioni 350.

Read More →

Marekani yafanya mashambulizi ya kulipiza kisasi dhidi ya wanamgambo wa Iran

Marekani imefanya mfululizo wa mashambulizi ya anga dhidi ya maeneo ya wanamgambo wa Kishia wanaoungwa mkono na Iran nchini Iraq.

Wanamgambo hao wanaaminika kuhusika na shambulio la roketi siku moja kabla, ambalo liliwaua askari wawili wa Marekani na mmoja wa Uingereza kwenye kambi moja iliyoko kaskazini mwa Baghadad. 

Taarifa iliyotolewa na wizara ya ulinzi ya Marekani Pentagon, imesema mashambulizi hayo yameyalenga maeneo matano yanayohifadhi silaha, yakitumiwa na wanamgambo wa Kataib Hezbollah ndani ya Iraq. 

Waziri wa ulinzi wa Marekani Mark Esper, ameonya kuwa wamejiandaa kuchukua hatua zozote muhimu ili kuvilinda vikosi vyake nchini Iraq na ukanda mzima. 

Rais Donald Trump aliidhinisha kwa haraka mashambulizi hayo ikiwa ni hatua ya kujibu shambulio la Jumatano kwenye kambi ya jeshi ya Taji mjini Baghdad. 

 -DW

Read More →

Mke wa Waziri Mkuu wa Canada Justin Trudeau Akutwa na virusi vya CORONA

Waziri Mkuu wa Canada Justin Trudeau na mke wake watabaki kwenye karantini kwa siku 14 , baada ya mkewe Sophie Gregoire Trudeau kukutwa na virusi vya corona.

Sophie Gregoire Trudeau ''anaendelea vizuri na dalili alizonazo si mbaya'' alisema mkurugenzi wa mawasiliano wa Waziri Mkuu.

Bwana Trudeau pia atakuwa kwenye karantini kama hatua ya tahadhari. Hatapimwa katika hatua za sasa kwa kuwa haoneshi dalili za maambukizi.

"Waziri Mkuu yuko katika afya njema na hana dalili zozote za maambukizi. Hata hivyo, kwa tahadhari na kulingana na ushauri wa madaktari, atawekwa

Waziri Mkuu wa Canada aliwapigia simuwenzake wa Italia, Marekani na Uingereza Alhamisi mchana, ofisi yake imesema. Siku ya Ijumaa, atakutana na wasaidizi wake kutoka mikoa yote ya Canada ili kujadili jinsi gani ya kupambana dhidi ya ugonjwa wa Covid-19, ambao umeshika kasi nchini Canada katika siku za hivi karibuni.

Zaidi ya kesi 150 ziliripotiwa nchini Canada Alhamisi wiki hii, hasa katika Jimbo la Ontario, katikati mwa nchi, na katika eneo la Magharibi, ambapo mtu mmoja alifariki dunia baada ya kuambukizwa virusi vya ugonjwa huo. karantini kwa muda wa siku 14, "kimesema chanzo hicho

Read More →

MTU WA KWANZA AKUTWA NA VIRUSI VYA CORONA KENYA

Kisa cha kwanza cha virusi vya corona chathibitishwa Kenya. Wizara ya afya imethibitisha kisa hicho kulingana na waziri wa afya Mutahi Kagwe.

Akizungumza na vyombo vya habari waziri huyo amesema kwamba kisa hicho kilithibitisha Alhamisi usiku.

Waziri huyo amesema kwamba kisa hicho ni cha kwanza kuripotiwa nchini Kenya tangu kuzuka kwa mlipuko huo mjini Wuhan nchini China.

Kisa hicho ni cha raia wa Kenya aliyewasili humu nchini kutoka Marekani kupitia mji London nchini Uingereza tarehe 5 mwezi Machi 2020.

Aligunduliwa kuwa na virusi hivyo katika maabara ya wizara ya afya nchini Kenya.

Hathivyo waziri huyo amesema kwamba mgonjwa huyo ambaye ni mwanamke yuko katika hali njema na kwamba viwnago vyake vya joto vimeshuka na kuwa vya kawaida.

''Tarahe 5 mwezi Machi aligunduliwa kuwa na virusi hivyo katika maabara ya serikali lakini sasa viwango vyake vya joto vimeshuka na kuwa vya kawaida anakula vizuri lakini hawezi kutolewa hadi virusi hivyo vitakapokwisha mwilini.''

Waziri huyo amewataka Wakenya kuwa watulivu na kuwacha wasiwasi.

Amesema kwamba serikali ya Kenya kupitia wizara ya afya itaendelea kuimarisha mikakati ili kuhakikisha kwamba hakuna usambazaji wa virusi hivyo zaidi.

Chanzo- BBC

Read More →

WABUNGE WAVUTIWA NA MAFANIKIO YA WALENGWA WA TASAF MKOANI SINGIDA

Wajumbe wa Kamati ya Kudumu ya Bunge ya

Utawala na Serikali za Mitaa wakiwa katika eneo la mmoja wa Walengwa wa TASAF (bi. Edith Makala ) wakishuhudia namna mradi wake ya kushona nguo aliouanzisha

baada ya kupata ruzuku ya TASAF unavyotekelezwa.

Mmoja wa walengwa wa TASAF Bi. Esther Mangi

Nkumbi (aliyevaa kitambaa cha bluu kichwani ) akiwaelezea wajumbe wa Kamati ya kudumu ya Bunge ya Utawala na Serikali za Mitaa namna alivyonufaika na ruzuku

kutoka TASAF kwa kuanzisha shughuli ya kutengeneza sabauni za maji. Kulia kwake ni Naibu Waziri wa Menejimenti ya Utumishi na Utawala Bora Dkt. Mary

Mwanjelwa akifuatiwa na Mkurugenzi Mtendaji wa TASAF ,Bw. Ladislaus Mwamanga.

NA ESTOM SANGA- TASAF.

Wajumbe wa Kamati ya Kudumu ya Bunge ya Utawala na Serikali za Mitaa wameridhishwa na mafanikio ya Mpango wa Kunusuru Kaya Maskini unaotekelezwa na Serikali kupitia Mfuko wa Maendeleo ya Jamii-TASAF

ambao ameamsha ari ya Kaya za walengwa kuuchukia umaskini kwa vitendo. 

Wakizungumza baada ya kupata ushuhuda kutoka kwa Baadhi ya Walengwa wa TASAF na kukagua shughuli za kujiongezea kipato zilizotokana na matumizi ya

ruzuku ya TASAF mkoani Singida Wajumbe wa Kamati hiyo wamesema matokeo chanya yaliyopatikana ni kielelezo tosha cha namna juhudi za serikali na wananchi katika kupambana na umaskini nchini zilinavyofanikiwa. 

Mwenyekiti wa Kamati hiyo Mhe. Steven Rweikiza akiwahutubia walengwa na wananchi mjini Singida amesema hamasa ya kuuchukia umaskini miongoni mwa Wanufaika wa Mpango wa Kunusuru Kaya Maskini ni kubwa na kushauri  juhudi zaidi zielekezwe katika kuboresha mazingira ya kukuza shughuli za uzalishaji mali zilizoanzishwa na Walengwa hao ili ziwe endelevu. 

‘’…….. hili ni jambo jema sana katika kupambana na umaskini hususani kwa Kaya za Walengwa ‘’ amesisitiza Mhe. Rweikiza. 

Wakiwa mjini Singida, Wajumbe wa Kamati kudumu ya Bunge ya Utawala na Serikali za Mitaa wamepata ushuhuda kutoka kwa baadhi ya Walengwa wa TASAF wa namna walivyotumia ruzuku waliyopata kuanzisha shughuli za kujiongezea kipato ikiwemo mradi wa cherahani na utengenezaji wa sabuni, uboreshaji wa makazi na kuhudumia familia zao hususani katika sekta ya elimu ,afya na lishe . 

Mmoja wa Walengwa hao Bi.Edith Brayson Makala (55)

ameeleza namna alivyotumia sehemu ya ruzuku ya TASAF kununua cherahani na kuanzisha mradi wa ushonaji wa nguo ambao amesema umewezesha kubadili maisha yake kutoka hali duni kabisa na sasa anaweza kuhudumia familia yake yenye watoto watano. 

‘’ …..ninamshukuru sana Rais John Magufuli kwa msaada huu Mungu amubariki kwa kutukumbuka sisi wanyonge ‘’ amesisitiza Mlengwa huyo wa TASAF. 

Kwa Upande wake Waziri wa nchi ofisi ya Rais Menejimenti ya Utumishi wa Umma na Utawala Bora, Mhe.

George Mkuchika amesema mafanikio ya Kipindi cha kwanza cha Mpango wa Kunusuru Kaya Maskini yamekuwa ya mafanikio makubwa na kumshukuru Rais John Magufuli na Serikali yake kuruhusu kipindi cha pili kuanza ambacho

amesema kitatekelezwa kwa ufanisi zaidi ili wananchi wenye sifa za kujumuishwa kwenye Mpango huo waweze kupata fursa hiyo. 

‘’…….tumejipanga vizuri na tunaagiza wahusika wote kuhakikisha kuwa shughuli za TASAF kwenye maeneo yao zinasimamiwa vema ili kuleta tija iliyokusudiwa’’, 

amesema Waziri Mkuchika. 

Naye Mkurugenzi Mtendaji wa TASAF,bwana

Ladislaus Mwamanga amemshukuru Rais John Magufuli na Serikali yake kwa kuendelea kuweka mazingira wezesha ya Mfuko huo kutoa huduma zake kwa ufanisi na kuahidi kuwa jukumu hilo muhimu litanywa kwa ufanisi mkubwa

ili hatimaye walengwa waweze kupunguza adha kubwa ya umaskini .

Read More →

Habari Zilizopo Katika Magazeti Ya Leo Ijumaa March 13

Read More →

Volunteering Opportunities at CCBRT – Member(s) for Board of Directors

Volunteer Member(s) for Board of Directors Location: Dar es salaam Job Summary Serving on the CCBRT Board of Directors is an extraordinary opportunity for an individual who is passionate about strengthening leadership and governance in the non-profit sector. Job Description Ref: 2020-BOD Comprehensive Community Based Rehabilitation in Tanzania (CCBRT) is a locally registered non-governmental organization committed to prevent… Read More »

The post Volunteering Opportunities at CCBRT – Member(s) for Board of Directors appeared first on Udahiliportal.com.

Read More →

Halima Mdee Amwaga Machozi Baada ya Kutoka Gerezani...."Watanzania hamjui ni jinsi gani mlivyotuliza, hatukutegemea "

Mbunge Halima Mdee amemwaga machozi hadharani baada ya kutoka gereza la Segerea leo na kuwashukuru watanzania kwa ushirikiano mkubwa waliouonyesha wa kuwachangia na kuwafanyaa wao kuwa nje ya gereza.

"Watanzania nyie hamjui, hamjui mlivyotusitiri mimi ni kamanda lakini napata hisia nilikua najua tulivyonyong'onyezwa watu walivyo na aibu mbaya watakuwa wamekata tamaa ila wametuchangia tunashukuru na bado pesa zinaingia mimi nalia sio kwamba naogopa hapana ila upendo wenu muliouonyesha kwetu" alisema huku akiwa analia Halima Mdee.

Wabunge Halima Mdee, Esther Matiko na Ester Bulaya wametoka gereza la Segerea leo baada ya kulipa faini ya Sh110 milioni.

==>>Tazama hapo chini

Video Credit:EATV

Read More →

Officer, Collateral Custodian at Stanbic Bank Tanzania Limited

Officer, Collateral Custodian Overview Job ID: 47674 Job Sector: Banking Country: Tanzania Region/State/Province/District: Dar es Salaam Region Dar es Salaam Job Details Risk Management: understanding all risks – from the economic to the political – that could affect our global business, and offering guidance to all parts of the bank Job Purpose Attending to all aspects relating to… Read More »

The post Officer, Collateral Custodian at Stanbic Bank Tanzania Limited appeared first on Udahiliportal.com.

Read More →

Senior Specialist; Insurance Claim at NMB Bank Plc

Position: Senior Specialist; Insurance Claim Job Purpose To manage all claim payments and attend the customer complaints as per agreed timelines for both general and life insurance products, and ensure the Bank is covered at all times with the risk arising from collateral. Main Responsibilities Responsible for all life and general insurance claims Oversee the embedded life and general… Read More »

The post Senior Specialist; Insurance Claim at NMB Bank Plc appeared first on Udahiliportal.com.

Read More →

Job vacancies DSM and GEITA at Management and Development for Health (MDH)

The post Job vacancies DSM and GEITA at Management and Development for Health (MDH) appeared first on Udahiliportal.com.

Read More →