MASWAYETU BLOG

Monday, 17 February 2020

MKOA WA SONGWE WAZINDUA MWONGOZO WA UWEKEZAJI

Unknown 13:54:00 NEWS No comments

Waziri wa Nchi Ofisi ya Waziri Mkuu (Uwekezaji), Mh. Angela Kairuki akitoa hotuba ya ufunguzi wa Kongamano la Uwekezaji mkoa wa Songwe lililoenda sambamba na uzinduzi wa mwongozo wa uwekezaji wa mkoa huo ulioandaliwa na ESRF kwa ufadhili wa UNDP lililofanyika kwenye viwanja vya CCM katika halmashauri ya wilaya ya Mbozi mkoani humo.

Mkuu wa Mkoa wa Songwe, Mhe. Brig.Jen (MST), Nicodemas Mwangela akitoa salamu za mkoa wake kabla ya kumkaribisha mgeni rasmi kufungua Kongamano la Uwekezaji mkoa wa Songwe lililoenda sambamba na uzinduzi wa mwongozo wa uwekezaji wa mkoa huo ulioandaliwa na ESRF kwa ufadhili wa UNDP lililofanyika kwenye viwanja vya CCM katika halmashauri ya wilaya ya Mbozi mkoani humo.

Katibu Tawala Mkoa wa Songwe David Kafulila akitoa salamu na kuitambulisha meza kuu wakati wa uzinduzi wa Kongamano la Uwekezaji mkoa wa Songwe lililoenda sambamba na uzinduzi wa mwongozo wa uwekezaji wa mkoa huo ulioandaliwa na ESRF kwa ufadhili wa UNDP lililofanyika kwenye viwanja vya CCM katika halmashauri ya wilaya ya Mbozi mkoani humo.

Mtafiti Mkuu Mshiriki wa Taasisi ya Tafiti za Kiuchumi na Kijamii (ESRF), Dk. Hoseana Lunogelo akizungumza kwa niaba ya Mkurugenzi Mtendaji wa ESRF wakati wa uzinduzi wa Kongamano la Uwekezaji mkoa wa Songwe lililoenda sambamba na uzinduzi wa mwongozo wa uwekezaji wa mkoa huo ulioandaliwa na ESRF kwa ufadhili wa UNDP lililofanyika kwenye viwanja vya CCM katika halmashauri ya wilaya ya Mbozi mkoani humo.

Waziri wa Kilimo ambaye pia ni mbunge wa jimbo la Vwawa, Mh. Japhet Hasunga akitoa salamu wakati wa uzinduzi wa Kongamano la Uwekezaji mkoa wa Songwe lililoenda sambamba na uzinduzi wa Mwongozo wa Uwekezaji wa mkoa huo ulioandaliwa na ESRF kwa ufadhili wa UNDP lililofanyika kwenye viwanja vya CCM katika halmashauri ya wilaya ya Mbozi mkoani humo.

Ofisa Mwandamizi Uhamasishaji na Uwekezaji wa Mamlaka ya Ukanda Maalumu wa Uwekezaji (EPZA), Nakadongo Fares akizungumza wakati wa uzinduzi wa Kongamano la Uwekezaji mkoa wa Songwe lililoenda sambamba na uzinduzi wa Mwongozo wa Uwekezaji wa mkoa huo ulioandaliwa na ESRF kwa ufadhili wa UNDP lililofanyika kwenye viwanja vya CCM katika halmashauri ya wilaya ya Mbozi mkoani humo.

Mwenyekiti wa Bodi ya Kampuni ya uchimbaji dhahabu ya Shanta Gold Mine, Romani Urasa akitoa ushuhuda kuhusu uwekezaji waliofanya mkoani Songwe wakati wa halfa ya uzinduzi wa Kongamano la Uwekezaji mkoa wa Songwe lililoenda sambamba na uzinduzi wa mwongozo wa uwekezaji wa mkoa huo ulioandaliwa na ESRF kwa ufadhili wa UNDP lililofanyika kwenye viwanja vya CCM katika halmashauri ya wilaya ya Mbozi mkoani humo.

Waziri wa Nchi Ofisi ya Waziri Mkuu (Uwekezaji), Mh. Angela Kairuki (wa pili kushoto) akizindua Mwongozo wa Uwekezaji wa mkoa wa Songwe ulioandaliwa na ESRF kwa ufadhili wa UNDP wakati wa hafla ya uzinduzi wa Kongamano la Uwekezaji mkoa wa Songwe lililoenda sambamba na uzinduzi wa mwongozo wa uwekezaji wa mkoa huo lililofanyika kwenye viwanja vya CCM katika halmashauri ya wilaya ya Mbozi mkoani humo. Wanaoshuhudia tukio hilo ni kutoka kushoto ni Katibu Tawala Mkoa wa Songwe David Kafulila, Mkuu wa Mkoa wa Songwe, Mhe. Brig.Jen (MST), Nicodemas Mwangela, Waziri wa Kilimo ambaye pia ni mbunge wa jimbo la Vwawa, Mh. Japhet Hasunga, Mkuu wa Mkoa wa Ruvuma Christina Mndeme pamoja na Mwenyekiti wa CCM Mkoa wa Songwe, Ndg. Elynico Mkola.

Waziri wa Nchi Ofisi ya Waziri Mkuu (Uwekezaji), Mh. Angela Kairuki (wa tatu kushoto) akionyesha nakala ya Mwongozo wa Uwekezaji wa mkoa wa Songwe ulioandaliwa na ESRF kwa ufadhili wa UNDP mara baada ya kuzindua wakati wa hafla ya uzinduzi wa Kongamano la Uwekezaji mkoa wa Songwe lililoenda sambamba na uzinduzi wa mwongozo huo lililofanyika kwenye viwanja vya CCM katika halmashauri ya wilaya ya Mbozi mkoani humo. Wanaoshuhudia tukio hilo ni kutoka kushoto ni Katibu Tawala Mkoa wa Songwe David Kafulila, Mkuu wa Mkoa wa Songwe, Mhe. Brig.Jen (MST), Nicodemas Mwangela, Waziri wa Kilimo ambaye pia ni mbunge wa jimbo la Vwawa, Mh. Japhet Hasunga, Mkuu wa Mkoa wa Ruvuma Christina Mndeme pamoja na Mwenyekiti wa CCM Mkoa wa Songwe, Ndg. Elynico Mkola.

Waziri wa Nchi Ofisi ya Waziri Mkuu (Uwekezaji), Mh. Angela Kairuki akimkabidhi Waziri wa Kilimo ambaye pia ni mbunge wa jimbo la Vwawa, Mh. Japhet Hasunga nakala ya Mwongozo wa Uwekezaji wa mkoa wa Songwe ulioandaliwa na ESRF kwa ufadhili wa UNDP mara baada ya kuzindua wakati wa hafla ya uzinduzi wa Kongamano la Uwekezaji mkoa wa Songwe lililoenda sambamba na uzinduzi wa mwongozo huo lililofanyika kwenye viwanja vya CCM katika halmashauri ya wilaya ya Mbozi mkoani humo. Wanaoshuhudia tukio hilo ni ni Katibu Tawala Mkoa wa Songwe David Kafulila pamoja na Mkuu wa Mkoa wa Songwe, Mhe. Brig.Jen (MST), Nicodemas Mwangela

Waziri wa Nchi Ofisi ya Waziri Mkuu (Uwekezaji), Mh. Angela Kairuki akimkabidhi Mkurugenzi wa Taasisi Binafsi Nchini Tanzania (TPSF), Godfrey Simbeye nakala ya Mwongozo wa Uwekezaji wa mkoa wa Songwe ulioandaliwa na ESRF kwa ufadhili wa UNDP mara baada ya kuzindua wakati wa hafla ya uzinduzi wa Kongamano la Uwekezaji mkoa wa Songwe lililoenda sambamba na uzinduzi wa mwongozo huo lililofanyika kwenye viwanja vya CCM katika halmashauri ya wilaya ya Mbozi mkoani humo.

Waziri wa Nchi Ofisi ya Waziri Mkuu (Uwekezaji), Mh. Angela Kairuki akiwa kwenye picha ya pamoja na Mtafiti Mkuu Mshiriki wa Taasisi ya Tafiti za Kiuchumi na Kijamii (ESRF), Dk. Hoseana Lunogelo aliyepokea cheti kwa niaba ya wadau wa maendeleo UNDP wakati wa halfa ya uzinduzi wa Kongamano la Uwekezaji mkoa wa Songwe lililoenda sambamba na uzinduzi wa mwongozo wa uwekezaji wa mkoa huo ulioandaliwa na ESRF kwa ufadhili wa UNDP lililofanyika kwenye viwanja vya CCM katika halmashauri ya wilaya ya Mbozi mkoani humo. Wengine katika picha ni Katibu Tawala Mkoa wa Songwe David Kafulila pamoja na Mkuu wa Mkoa wa Songwe, Mhe. Brig.Jen (MST), Nicodemas Mwangela.

Waziri wa Nchi Ofisi ya Waziri Mkuu (Uwekezaji), Mh. Angela Kairuki akisalimiana na Mtafiti Mkuu Mshiriki wa Taasisi ya Tafiti za Kiuchumi na Kijamii (ESRF), Dk. Hoseana Lunogelo wakati alipokuwa akitembelea mabanda ya maonesho kwenye uzinduzi wa Kongamano la Uwekezaji mkoa wa Songwe lililoenda sambamba na uzinduzi wa mwongozo wa uwekezaji wa mkoa huo ulioandaliwa na ESRF kwa ufadhili wa UNDP lililofanyika kwenye viwanja vya CCM katika halmashauri ya wilaya ya Mbozi mkoani humo. Katikati Mkurugenzi wa Taasisi Binafsi Nchini Tanzania (TPSF), Godfrey Simbeye

Waziri wa Nchi Ofisi ya Waziri Mkuu (Uwekezaji), Mh. Angela Kairuki akisikiliza maelezo kutoka kwa Mkurugenzi wa Taasisi Binafsi Nchini Tanzania (TPSF), Godfrey Simbeye (katikati) wakati alipokuwa akitembelea mabanda ya maonesho kwenye uzinduzi wa Kongamano la Uwekezaji mkoa wa Songwe lililoenda sambamba na uzinduzi wa mwongozo wa uwekezaji wa mkoa huo ulioandaliwa na ESRF kwa ufadhili wa UNDP lililofanyika kwenye viwanja vya CCM katika halmashauri ya wilaya ya Mbozi mkoani humo. Kulia ni Mtafiti Mkuu Mshiriki wa Taasisi ya Tafiti za Kiuchumi na Kijamii (ESRF), Dk. Hoseana Lunogelo

Baadhi ya washiriki kutoka taasisi mbalimbali za sekta binafsi, serikali pamoja na wananchi wa mkoa wa Songwe walioshiriki uzinduzi wa Kongamano la Uwekezaji mkoa wa Songwe lililoenda sambamba na uzinduzi wa mwongozo wa uwekezaji wa mkoa huo ulioandaliwa na ESRF kwa ufadhili wa UNDP lililofanyika kwenye viwanja vya CCM katika halmashauri ya wilaya ya Mbozi mkoani humo.

Mkoa wa Songwe wazindua Mwongozo wa Uwekezaji

MKOA wa Songwe umezindua Mwongozo wa Uwekezaji na kuhamasisha wawekezaji kuchangamkia fursa lukuki zilizopo mkoani humo.

Uzinduzi huo ulifanywa na Waziri wa Nchi, Ofisi ya Waziri Mkuu (Uwekezaji), Angellah Kairuki akimwakilisha Waziri Mkuu, Kassim Majaliwa.

“Uzinduzi wa Mwongozo huu unaonyesha dhamira ya kweli na utayari wa Mkoa wa Songwe kuvutia wawekezaji katika mkoa huu. Bado ninatoa rai kwa Mikoa ambayo bado haijakamilisha Miongozo wa Uwekezaji kufanya hivyo,” alisema.

Akizungumza Kairuki alisema Waziri Mkuu, Kassim Majaliwa, mbali na kuwapongeza wana-Songwe kwa juhudi walizofanya za kuandaa Mwongozo, aliagiza majumuisho na taarifa ya Kongamano apelekewe kwa ufuatiliaji zaidi.

“Mkoa wa Songwe una fursa nyingi sana za kiuwekezaji na hasa eneo la kilimo pamoja na kuwepo fursa nyingine kama madini, ufugaji, utalii nk. Mna mtaji mkubwa wa watu na hivyo hamna budi mkazitumia fursa hizo kubadilisha maisha,” alisema.

Kairuki aliipongeza Taasisi ya Utafiti wa Kiuchumi na Kijamii (ESRF) kwa kusaidiana na Mkoa kuandaa Mwongozo wa Uwekezaji na kuhimiza uandaliwe utaratibu wa kufanya tathimini ya utekelezeji wa Miongozo pamoja na Makongamano ya Uwekezaji yanayofanyika nchini. Aidha, Kairuki alilishukuru Shirika la Maendeleo la Umoja wa Mataifa (UNDP) kwa kuendelea kushirikiana na Serikali kufadhili uandaaji wa Miongozo pamoja na miradi mingine ya maendeleo.

Kairuki aliipongeza pia Taasisi ya Sekta Binafsi Tanzania (TPSF), kwa kufanya kazi bega kwa bega na uongozi wa Mkoa wa Songwe, kuhakikisha kuwa fursa za kibiashara na uwekezaji, zinatangazwa na pia kongamano la uwekezaji linaleta mafanikio yaliyokusudiwa.

“Nitakuwa mstari wa mbele kutangaza fursa zilizopo katika mkoa huu na pia naomba msichoke kujifunza kutoka katika mikoa mingine. Jitahidini pia kuwekeza katika miundombinu muhimu ili kuvutia wawekezaji zaidi,” alisema.

Alisema tangu alipowasili mkoani Songwe, hajasikia malalamiko yoyote kutoka kwa wawekezaji wala wananchi na hivyo aliuomba uongozi wa mkoa kuendelea kufanya kazi karibu na wawekezaji ili kuongeza mapato na makusanyo ya serikali.

Awali akimkaribisha mgeni rasmi katika kongamano hilo, Mkuu wa Mkoa wa Songwe, Brig. Gen. Nicodemas Mwangela alisema Mkoa wa Songwe umeandaa Kongamano lenye lengo la kutangaza fursa na vivutio vya uwekezaji vilivyopo katika halmashauri zote za Mkoa wa Songwe ili kuvutia wawekezaji wa ndani na nje ya nchi.

Brig. Gen. Mwangela alibainisha baadhi ya fursa akianza na fursa kubwa ya kilimo biashara hasa kilimo cha umwagiliaji ambapo hekta 18,464 zimetengwa kwa ajili ya kilimo cha umwagiliaji wa matunda na mbogamboga, uzalishaji wa mbegu ambapo kwasasa asilimia 70 ya mbegu inaagizwa nje ya nchi, usambazaji wa mbolea na pembejeo za kilimo, na vifaa vya kukaushia mazao ili kuondoa sumukuvu.

Brig. Gen. Mwangela aliongeza Mkoa wa Songwe una fursa ya kuwekeza kwenya Ranchi ambapo hekta 96,434 zimetengwa wilayani Songwe na Momba. Pia aliwakaribisha Wawekezaji kuzalisha chakula cha mifugo, kuwekeza kwenye uvuvi na ufugaji samaki, kufuga mifugo, mashamba ya miti, vitalu vya uwindaji, makampuni ya usafiri na kuongoza watalii, hoteli za kitalii, kambi za watalii nk.

Aidha katibu Tawala wa Songwe David Kafulila alisema kwamba mkoa huo umejiandaa vyema kuwa lango kuu la mataifa ya SADC.

Alisema asilimia 70 za bidhaa za zinatoka bandari ya Dar es salaam zinapita Tunduma katika Mkoa wa Songwe hivyo ni vyema wawekezaji wakafika eneo hilo ambalo tayari linahitaji kuwa na Bandari Kavu.

Alisema atakayewekeza Songwe atakuwa hazungumzii soko la watu milioni 60 bali anazungumzia soko la SADC la watu milioni 400.

Akiongea kwa niaba ya Dkt Tausi Kida - Mkurugenzi wa ESRF, Dkt Hoseana Lunogelo - Matafiti Mkuu Mshiriki wa ESRF alisema ESRF imesaidia uandaaji wa Miongozo ya Uwekezaji katika Mikoa 25 ambapo Mikoa 15 imekamilisha uandaaji wa Miongozo hiyo na Mikoa mingine 10 iko katika katika hatua mbalimbali.

Miongozo hiyo imechambua na kuainisha fursa za uwekezaji zilizopo katika mikoa husika ili kuwavutia wawekezaji. Dkt Lunogelo kwa niaba yake Dkt Tausi Kida alisema kuwa Miongozo ya Uwekezaji ngazi ya Mikoa itachangia katika Mwongozo wa Uwekezaji wa Taifa. Pia aliongeza kwamba kama Mwongozo huo unatumika ipasavyo, utasaidia kwa kiasi kikubwa kuleta matokeo yaliyo kusudiwa na hasa kuboresha maisha ya wananchi.

"ESRF tutaendelea kushirikiana na Mikoa katika utekelezaji wa Miongozo hii, hasa kwa kufanya Upembuzi Yakinifu (feasibilty studies), na kuandaa Miongozo ya Biashara (Business Plans) kwa baadhi ya fursa ambazo Mikoa itapenda kuwekeza". alisema Dkt Tausi Kida katika hotuba iliyosomwa kwa niaba yake na Dk. Lunogelo.

Kwa mujibu wa Dk Kida Mwongozo huo wa uwekezaji una vipengele vikuu vitano (5). i) Sababu za Kuwekeza Mkoa wa Songwe, ii) Maelezo ya Mkoa kwa Ujumla, iii) Fursa za Uwekezaji za Kipaumbele, iv) Mazingira wezeshi, na hatua za kufuata ukitaka kuwekeza, na v) Mawasiliano Muhimu ya Mkoa.

Aidha Mwongozo utakuwa unapatikana kwenye mitandao ikiwemo tovuti ya Mkoa na ESRF (www.esrf.or.tz/invest.php).

Kwa upande wake, Mkurugenzi Mtendaji wa TPSF, Godfrey Simbeye aliipongeza Serikali ya Awamu Tano chini ya Rais John Magufuli kwa kufanikiwa kubadilisha fikra miongoni mwa watumishi wa umma.

“Naomba niwe mkweli Mheshimiwa Rais Magufuli amebadilisha kabisa fikra za watendaji na watumishi wa umma dhidi za dhana uwekezaji na biashara. Waziri Kairuki amekuwa msaada mkubwa sana katika eneo la uwekezaji na biashara,” alisema Simbeye.

Alisema Sekta Binafsi ina imani kubwa na Rais Magufuli kupitia waziri wake Kairuki, ambaye kwa muda mfupi tangu ateuliwe, ametembelea maeneo mbalimbali hapa nchini na kuzungumza na wawekezaji.

“Ameweza kukutana na wawekezaji na wafanyabiashara kuwasikiliza changamoto mbalimbali zinazowakabili na kuzitafutia ufumbuzi wa haraka. Kama Sekta Binafsi tutaendelea kufanyakazi kwa karibu ili kufikia azma ya Serikali ya kujenga uchumi wa kati wa viwanda ifikapo mwaka 2025,” aliongeza.

Aidha, mmoja wa wadhamini wa kongamano hilo Benki ya NMB kupitia Ofisa Mkuu wa Wateja Binafsi, Biashara Ndogo na za Kati, Filbert Mponzi alisema benki hiyo imetoa jumla ya Sh bilioni 22 katika Mkoa wa Songwe kwenye sekta ya kilimo hasa katika mazao ya kahawa, mahindi na mengine yanayolimwa mkoani humo.

Alisema kwa mwaka huu benki hiyo imeanza kufungua akaunti kwa ajili ya wakulima kufuatia wito wa Serikali kupitia Wizara ya Kilimo kwamba wakulima wote lazima walipwe kupitia akaunti zao za benki. Aliongeza kuwa akaunti hizo zitafunguliwa bure ili wakulima wote waingie katika mfumo ambao uko rasmi.

Bw. Mponzi alisema Benki ya NMB imeanza kutoa mikopo kwa wajasiriamali yenye riba nafuu lakini hata yenye dhamana ambazo siyo rasmi ikiwa na lengo la kuwawezesha wajasiriamali wadogo wote wanufaike na mikopo yao.

Alisema kutokana na mikopo hiyo wana imani watatokea wawekezaji wa kati hata wadogo Songwe watakaoenda kupata mkopo katika benki hiyo katika uwekezaji wake ambao imetoa mikopo ya Sh bilioni 400 kwa wajasiriamali wadogo na wa kati.

Wafadhili wengine waliopata fursa ya kutoa neno wakati wa uzinduzi wa Mwongozo ni pamoja na Benki ya CRDB pamoja na Shanta Mining.

Uzinduzi wa Mwongozo wa Uwekezaji Mkoa wa Songwe ulienda sambamba na Kongamano la Uwekezaji ambalo lilianza tarehe 15 Februari 2020 na kuhitimishwa tarehe 17 Februari 2020 na Mhe. Waziri Mkuu Mstaafu, Mizengo Pinda. Baada ya Mhe. Pinda kufunga rasmi Kongamano hilo, washiriki walipata fursa ya kutembelea maeneo mbalimbali ya uwekejazi mkoani humo pamoja na vivutio vya utalii.

MSANII MAARUFU WA INJILI, KIZITO MIHIGO AJINYONGA

Unknown 13:24:00 NEWS No comments

Polisi nchini Rwanda imetangaza kwamba msanii maarufu wa nyimbo za injili, Kizito Mihigo amejinyonga.

Kwa mujibu wa tangazo la polisi maiti ya msanii huyo imepatikana katika chumba alicho kuwemo, anazuiliwa kwenye kituo cha polisi mtaa wa Remera, mjini Kigali.

Polisi imesema kwamba amejinyonga siku tatu baada ya kukamatwa karibu na mpaka baina ya Rwanda na Burundi katika kile ambacho jeshi hilo inasema alikuwa na nia ya kutoroka nchi na kujiunga na makundi ya waasi dhidi ya Rwanda.

Alikuwa ameanza kufanyiwa uchunguzi kuhusu madai hayo pamoja na kutaka kuwahonga wananchi waliomkataa.

Mwaka uliopita aliachiwa huru kwa msamaha wa rais baada ya kuhukumiwa kifungo cha miaka 10 jela kwa hatia ya kutaka kumuua rais na kuhamasisha raia kupinga serikali.

MWAFRIKA WA KWANZA APONA CORONA....""SIKUTAKA KUPELEKA UGONJWA AFRIKA"

Unknown 13:24:00 NEWS No comments

Kem Senou Pavel Daryl, ni kijana raia wa Cameroon aliyepatwa na ugonjwa wa homa kali inayosababishwa na virusi vya Corona, alithibitika kupona baada ya kutengwa kwa ajili ya uangalizi maalumu kwa siku 14.

Daryly mwenye umri wa miaka 21 ambaye ni mwanafunzi raia wa Cameroon anayeishi katika mji wa Jingzhou, amesema kuwa hata baada ya kugundulika kupata maambukizi hayo, hakuwa na mpango wa kuondoka China, hata kama Serikali ya Cameroon ingeshinikiza kuwa hivyo.

Akiwa katika chumba chake cha kupatiwa matibabu alichotengwa kwa siku 14, kijana huyo alisema “Chochote kitakachofanyika sitaki kupeleka ugonjwa Afrika”.

Alikuwa anaugua homa kali, kukohoa vibaya na kuonesha dalili za mafua, alitibiwa kwa antibiotiki na dawa za kutibu wagonjwa walio na virusi vya Ukimwi na baada ya wiki mbili ya uangalizi alianza kuonesha dalili ya kupona.

Uchunguzi wa kimatibabu wa CT scan haukuonesha dalili zozote za ugonjwa na kwamba alikuwa mtu wa kwanza mwenye asili ya Kiafrika aliyepona baada ya kuambukizwa na virusi hatari vya corona na Serikali ya China iligharamia matibabu yake.

Credit: BBC

Benki Ya CRDB Yanogesha Tamasha La Sauti Za Busara- Zanzibar

Unknown 12:24:00 NEWS No comments

Washindi wa shindano la ‘Scan, Lipa, Sepa” la Benki ya CRDB wakifurahia ushiriki wa taamsha la Sauti za Busara Zanzibar.

Mkurugenzi Mtendaji wa CRDB Abdulmajid Nsekela akiwa na Mkurugenzi wa Tamasha la Sauti za Busara Bwana Yusuf Mohamed na Mkuu Kitengo cha Kadi cha Benki hiyo Farid Seif katika Tamasha za Sauti za Busara Zanzibar.

Mkurugenzi wa Wateja wadogo wa Benki ya CRDB Boma Rabala akiwa na washindi na wafanyakazi wa Benki hiyo katika banda maalum la kutolea huduma katika tamasha la Sauti za Busara.

Zanzibar, 16 February 2020. Benki ya CRDB imeelezewa kuwa mdau muhimum katika kufanikisha tamasha kubwa la kila mwaka la kimataifa la Zanzibar lijulikanalo kwa jina la “Sauti za Busara”.

Akizungumza katika ufunguzi wa tamasha hilo mjini Zanzibar juzi, Mkurugenzi wa Tamasha hilo Bwana Yusuph Mohamed alisema kuwa udhamini na uwepo wa Benki ya CRDB katika tamasha la mwaka huu umeleta hamasa kubwa katika kulitangaza zaidi tamasha hilo na pia kuhakikisha kuwa huduma za benki zinapatikana kwa wahudhuriaji wa tamasha hilo.

“Tuna furaha kuwa Benki kubwa kama CRDB imejitiokeza na kuunga mkono tamasha hili ambalo linalenga kuibua vipaji, kutoa ajira na kuboresha utalii wa ndani. Kikubwa zaidi tunafurahushwa na kitendo cha Benki ya CRDB kuweka banda maalum la kutolea huduma za uwakala na ubadirishaji fedha za kigeni kwa washiriki wa tamasha hili” alisema Mohamed.

Kwa upande wake Mkuu wa Kitengo cha biashara ya kadi cha Benki ya CRDB Bwana Farid Seif, alisema kuwa Benki ya hiyo iliamua kudhamini wa tamasha hilo ili kuunga mkono juhudi za kutangaza vivutio vya utalii nchini na kuibua vipaji vya sanaa ambavyo ni sehemu kubwa ya ajira kwa vijana.

Bwana Farid alisema pia ili kunogesha ushirki na ufahamu juu ya tamasha hilo, Benki ya CRDB Kupitia kampeni yetu ya malipo kwa kadi ijulikanayo kwa kama “Scan, Chanja, Lipa Sepa,’ imedhamini wateja wanne kushiriki tamasha hilo kwa kuwalipia gharama zote za usafiri na malazi kwa sika zote tatu za tamasha hilo.

“Tunaendelea kuwahamasisha wateja wetu kufanya manununzi na malipo kwa kutimia kadi zao katika mashine zetu za malipo yaani POS, zilizopokatika kila kona ya nchi ndani ya maduka, vituo vya mafuta, migahawa na sehemu mbalimbali za huduma na hivyo kuachana na utaratibu wa kutembea na pesa nyingi taslimu, ambazo zinaweza kuhatarisha usalama wao” alisema Bwana Farid.

PICHA: Magari Mawili Yagongana Na Kusababisha Majeruhi Na Uharibifu Jijini Mbeya

Unknown 11:24:00 NEWS No comments

Mnamo tarehe 17.02.2020 majira ya saa 03:00 usiku wa kuamkia leo huko eneo la Ilomba, Kata ya Ilomba, Tarafa ya Iyunga, Jijini Mbeya katika barabara kuu ya Mbeya – Tunduma, Gari lori tanker la mafuta lenye namba za usajili T.720 DHV na Tela T.520 CCY likiendeshwa na ABUBAKAR MOHAMED [32] Mkazi wa Dar es Salaam likitokea Dar es Salaam kuelekea nchini Zambia likiwa limebeba mafuta Petrol na Diesel liligongana uso kwa uso na Gari ndogo yenye namba za usajili T.536 DDM aina ya Toyota Carina iliyokuwa inatokea Mbeya Mjini.

Katika ajali hiyo dereva wa gari ndogo T.536 DDM Toyota Carina amejeruhiwa na anaendelea na matibabu.

Chanzo cha ajali hiyo ni mwendo kasi wa magari yote mawili katika eneo la makazi ya watu.

Aidha katika ajali hiyo magari yote mawili yameharibika na Tanker la Mafuta liliacha njia na kwenda kugonga maduka ya bidhaa mbalimbali yaliyopo kando kando ya barabara.

Jeshi la Polisi kwa kushirikiana na vyombo vingine vya ulinzi na usalama lipo eneo la tukio kuhakikisha mafuta yaliyopo katika gari lililopata ajali yanahamishiwa kwenye gari lingine bila kusababisha madhara yoyote ikiwa ni pamoja na jitihada za kuliinua tanker la mafuta lililoacha njia na kupinduka.

Iran yasema haina nia ya kuendelea kulipa kisasi dhidi ya Marekani

Unknown 11:24:00 NEWS No comments

Waziri wa mambo ya nje wa Iran Mohammed Javad Zarif ameikosoa Marekani na mapendekezo ya kufanya mazungumzo na mataifa jirani ya kiarabu, wakati alipokuwa akihudhuria mkutano wa kiusalama mjini Munich Ujerumani.

Tangu mwanzo, Zarif aliishambulia vikali Marekani akisema rais Donald Trump amekuwa akipokea ushauri mbaya akimaanisha mshauri wa zamani wa rais wa masuala ya usalama John Bolton.

Ameongezea kwamba Trump alishawishika kwamba Iran ilikuwa ikikaribia kuanguka hasa baada ya kujiondoa katika mkataba wa nyuklia.

Waziri huyo wa mambo ya kigeni amekataa mazungumzo yoyote na Marekani ikiwa vikwazo havijaondolewa bado akisema utawala wa Trump umekuwa na shinikizo kubwa na kusababisha athari kubwa za kiuchumi.

Akijibu swali juu ya kuuawa kwa kamanda Qassem Soleimani mapema mwezi Januari, Zarif ametangaza mwisho wa Iran kulipiza kisasi akisema nchi yake haina tena nia ya kuzidisha mvutano na Marekani.

LIVE: Rais Magufuli Anazindua Kipindi Cha Pili Cha TASAF

Unknown 11:24:00 NEWS No comments

Rais wa Jamhuri ya Muungano wa Tanzania, Mhe. Dkt. John Pombe Magufuli tarehe 17, Febuari, 2020 anazindua kipindi cha pili cha awamu ya tatu ya mpango wa Maendelo wa kunusuru Kaya masikini wa TASAF.

Hafla inayofanyika katika Ukumbi wa Kituo cha Mikutano cha Kimataifa cha Mwalimu Julius Nyerere Jijini Dsm.

WANAUME WAHOFIA WAKE ZAO KUROGWA WAKIGOMBEA NAFASI ZA UONGOZI

Unknown 10:24:00 NEWS No comments

Mjumbe wa Baraza la Wanawake CCM (UWT) wilaya ya Meatu, Avelina Mwigulu akizungumza wakati wa warsha ya ufuatiliaji wa kazi za uhamasishaji wa jamii juu ya umuhimu wa wanawake kushiriki katika nafasi na michakato ya maamuzi na uongozi iliyoandaliwa na Mtandao wa Jinsia Tanzania (TGNP) na kukutanisha pamoja wadau kutoka makundi ya viongozi wa mila,dini na jamii kutoka mikoa ya Shinyanga (Kishapu),Kigoma (Kasulu), Tabora (Uyui), Mara (Tarime) na Simiyu (Meatu) lengo likiwa ni kuongeza nafasi za wanawake katika nafasi za uongozi. Alisema wanaume wenye hofu ya Mungu wanapata hofu kuwaruhusu wake zao kujihusisha na masuala ya siasa kwamba watajihusisha na masuala ya ushirikina. Picha zote na Kadama Malunde - Malunde 1 blog

Kulia ni Mwenyekiti wa Baraza la Wanawake CHADEMA (BAWACHA), wilaya ya Meatu Elizabeth Kabati akizungumza katika warsha hiyo ambapo alisema baadhi ya wanawake wamekuwa wakishindwa kugombea nafasi za uongozi kwa hofu ya familia zao kurogwa.

Mjumbe wa Kitengo cha wanawake katika Chama cha Walimu wilaya ya Meatu,Christina Paga akiwasilisha matokeo ya kazi za uhamasishaji wa jamii juu ya umuhimu wa wanawake kushiriki katika nafasi na michakato ya maamuzi na uongozi zilizofanywa na wadau mkoani Simiyu. Aliitaka jamii kuacha kuhusisha uongozi wa mwanamke na imani za kishirikina.

Katibu Kinyaki Teachers SACCOS Meatu Rahel Silvester akizungumza katika warsha hiyo ambapo aliwataka wanawake kujiamini na kutokata tamaa ili kufanikiwa kushika nafasi za uongozi katika jamii.

Mkuu wa Idara ya Ujenzi wa nguvu za pamoja (TAPO) TGNP Grace Kisetu akizungumza wakati wa warsha ya ufuatiliaji wa kazi za uhamasishaji wa jamii juu ya umuhimu wa wanawake kushiriki katika nafasi na michakato ya maamuzi na uongozi.

Na Kadama Malunde - Malunde 1 blog

Imeelezwa kuwa baadhi ya wanaume wilaya ya Meatu mkoani Simiyu wanaogopa kuwaruhusu wake zao kugombea nafasi za uongozi ikiwemo siasa wakihofia kuwa watajihusisha na masuala ya imani za kishirikina.

Hayo yamebainishwa na wadau wa haki za wanawake kutoka mkoa wa Simiyu katika Warsha ya ufuatiliaji wa kazi za uhamasishaji wa jamii juu ya umuhimu wa wanawake kushiriki katika nafasi na michakato ya maamuzi na uongozi iliyofanyika Jumapili Februari 16,2020 katika Ukumbi wa Vijana Center Mjini Shinyanga.

Mjumbe wa Baraza la Wanawake CCM (UWT) wilaya ya Meatu, Avelina Mwigulu alisema wanaume wenye hofu ya Mungu wanapata hofu kuwaruhusu wake zao kujihusisha na masuala ya siasa kwamba watajihusisha na masuala ya ushirikina.

“Baadhi ya wanaume wana imani potofu kuwa mtu yeyote anayetaka kuwa kiongozi lazima aende kwa mganga wa kienyeji, hivyo wanasema mama anapoanza kuchukua fomu kugombea,lazima aende kwa waganga akagangwe ndiyo maana wanaume wenye hofu ya Mungu wanahisi wake zao watajihusisha na vitendo vya ushirikina”,alisema Mwigulu.

Naye Mwenyekiti wa Baraza la Wanawake CHADEMA (BAWACHA), wilaya ya Meatu Elizabeth Kabati alisema baadhi ya wanawake wamekuwa wakishindwa kugombea nafasi za uongozi kwa hofu ya familia zao kurogwa.

“Jamii bado inaamini kuwa endapo unataka kugombea nafasi ya uongozi lazima uende kwa mganga wa kienyeji ili mambo yako yawe sawa. Baadhi ya wanaume wanapata hofu kuwa wake zao na familia zao zitaandamwa kurogwa na hivyo kusababisha familia iingie kwenye matatizo matokeo yake familia zitajihusisha na vitendo vya kishirikina”,aliongeza Kabati.

“Tunaendelea kuielimisha jamii kuwa Uongozi siyo lazima kushika dawa bali kinachotakiwa ni Kumwamini Mungu na kuishirikisha familia na jamii ikukubali,jamii ikukubali lazima itakuunga mkono na utafanikiwa kuwa kiongozi katika jamii”,alisema Kabati.

Kwa upande wake, Mwenyekiti wa VIKOBA kata ya Mwamishali wilaya ya Meatu,Enock John alisema ni kweli kuna baadhi ya wanaume wana imani potofu wanasema haiwezekani mtu kusimama mwenyewe akajiamini na kuwa na ujasiri bila kushika dawa katika uongozi wa kisiasa.

Aliwataka wanawake wenye nia ya kugombea nafasi za uongozi kuwa na nguvu ya ushawishi katika jamii huku akieleza kuwa ili ufanikiwe unatakiwa kumjua Mungu kwani mtu mwenye hofu ya Mungu ana maadili mema.

“Wanawake ni jeshi kubwa,mwanamke ni kiongozi tangu kuzaliwa kwake hata katika familia mwanamke ndiyo nguzo kuu,kutokana na uwezo wake anatakiwa kuwa kiongozi ili kusaidia kuleta maendeleo yenye tija katika jamii”,aliongeza.

BENKI YA CRDB YANOGESHA TAMASHA LA SAUTI ZA BUSARA ZANZIBAR

Unknown 09:54:00 NEWS No comments

Washindi wa shindano la ‘Scan, Lipa, Sepa” la Benki ya CRDB wakifurahia ushiriki wa taamsha la Sauti za Busara Zanzibar.

Mkurugenzi wa Wateja wadogo wa Benki ya CRDB Boma Rabala akiwa na washindi na wafanyakazi wa Benki hiyo katika banda maalum la kutolea huduma katika tamasha la Sauti za Busara.

***

Zanzibar, 16 February 2020. Benki ya CRDB imeelezewa kuwa mdau muhimum katika kufanikisha tamasha kubwa la kila mwaka la kimataifa la Zanzibar lijulikanalo kwa jina la “Sauti za Busara”.

Akizungumza katika ufunguzi wa tamasha hilo mjini Zanzibar juzi, Mkurugenzi wa Tamasha hilo Bwana Yusuph Mohamed alisema kuwa udhamini na uwepo wa Benki ya CRDB katika tamasha la mwaka huu umeleta hamasa kubwa katika kulitangaza zaidi tamasha hilo na pia kuhakikisha kuwa huduma za benki zinapatikana kwa wahudhuriaji wa tamasha hilo.

“Tuna furaha kuwa Benki kubwa kama CRDB imejitiokeza na kuunga mkono tamasha hili ambalo linalenga kuibua vipaji, kutoa ajira na kuboresha utalii wa ndani. Kikubwa zaidi tunafurahushwa na kitendo cha Benki ya CRDB kuweka banda maalum la kutolea huduma za uwakala na ubadirishaji fedha za kigeni kwa washiriki wa tamasha hili”, alisema Mohamed.

Bwana Farid alisema pia ili kunogesha ushirki na ufahamu juu ya tamasha hilo, Benki ya CRDB Kupitia kampeni yetu ya malipo kwa kadi ijulikanayo kwa kama “Scan, Chanja, Lipa Sepa,’ imedhamini wateja wanne kushiriki tamasha hilo kwa kuwalipia gharama zote za usafiri na malazi kwa sika zote tatu za tamasha hilo.

“Tunaendelea kuwahamasisha wateja wetu kufanya manununzi na malipo kwa kutimia kadi zao katika mashine zetu za malipo yaani POS, zilizopokatika kila kona ya nchi ndani ya maduka, vituo vya mafuta, migahawa na sehemu mbalimbali za huduma na hivyo kuachana na utaratibu wa kutembea na pesa nyingi taslimu, ambazo zinaweza kuhatarisha usalama wao”, alisema Bwana Farid.

Mangula Aonya Wagombea Wa CCM Uchaguzi Mkuu 2020....Watakaoanza Kampeni Mapema Watakatwa Majina Yao

Unknown 09:24:00 NEWS No comments

Makamu Mwenyekiti wa Chama Cha Mapinduzi (CCM) Tanzania Bara Philip Mangula amewaonya wagombea wa viti vya udiwani na ubunge kwenye uchaguzi mkuu wa mwaka 2020, kuwa wale ambao wataanza kampeni mapema kabla ya muda muafaka pamoja na kutoa zawadi mbalimbali watakatwa majina yao.

Mangula amebainisha hayo Februari 16,2020 kwenye ukumbi wa CCM mkoa wa Shinyanga wakati akizungumza na wajumbe wa halmashauri kuu, na kamati za siasa za Chama Cha Mapinduzi CCM Mkoa wa Shinyanga.

Amesema Chama Cha Mapinduzi CCM kina kanuni na taratibu zake hivyo wagombea wote wanapaswa kufuata kanuni na maadili ya chama.

Ametoa onyo kwa wagombea wote ambao wana nia ya kugombea nafasi za uongozi kwenye uchaguzi mkuu wa mwaka huu, kuwa wale ambao wataanza kampeni kabla ya muda hawatasita kukata majina yao.

“Kwenye uchaguzi mkuu wa mwaka huu, tunataka taratibu, kanuni na ya chama zifuatwe kwenye kugombea nafasi za udiwani na ubunge, wale ambao wataanza kampeni kabla ya muda pamoja na kutoa zawadi tutafyeka majina yao, bali msubiri muda ukifika ndipo muanze kujinadi,” amesema Mangula.

“Tunataka nidhamu ndani ya chama, na hakuna jamii ambayo haina taratibu namna ya kuishi, hivyo kamati za siasa chungeni sana wagombea ambao wataanza kufanya kampeni kabla ya muda wachukulieni hatua, na mkishindwa sisi tutaiwajibisha kamati nzima,”ameongeza.

Pia amewataka wana CCM kuendelea kushikamana na kuwa wa umoja hasa kwenye kipindi cha kuelekea kwenye uchaguzi mkuu, pamoja na kuhamasisha wananchi wajitokeze kwa wingi kwenda kupiga kura, ili chama kipate ushindi wa kishindo.

Naye Mwenyekiti wa CCM Mkoa wa Shinyanga Mabala Mlolwa, amemuhakikishia Mangula kuwa chama hicho kimejipanga vizuri kuelekea kwenye uchaguzi, ambapo hakuna hata kiti kimoja ambacho watakipoteza, kuanzia nafasi ya udiwani na ubunge, huku akiahidi kutekeleza maagizo ambayo ameyatoa ikiwamo wagombea kuanza kampeni kabla ya muda.

Kwa upande wake Mbunge wa Viti maalumu mkoa wa Shinyanga Azza Hilal Hamad, amemuomba Mangula kupeleka salamu za pongezi kwa Rais John Magufuli, kutokana na kazi kubwa ambayo anaifanya, huku akibainisha namna alivyotekeleza ilani ya uchaguzi ya CCM ndani ya Miaka Mitano, kwa kufanya shughuli za kijamii kwa asilimia 80 ikiwamo sekta ya afya na elimu.

Pia amemuomba kwenda kulisemea tatizo la kutokamilishwa kwa hospitali ya Rufaa ya mkoa wa Shinyanga, ambapo mwaka 2018 Waziri wa Afya, Ummy Mwalimu alipofanya ziara mkoani Shinyanya alitoa ahadi ya kukamilisha hospitali hiyo, ambapo mwaka 2019 ingeanza kutoa huduma lakini hadi leo hakuna kinachoendelea huku majengo yakikaliwa na popo.

Credit: Malunde

Waziri Kairuki Azindua Kongamano Na Mwongozo Wa Uwekezaji Songwe

Unknown 09:24:00 NEWS No comments

Waziri wa Nchi Ofisi ya Waziri Mkuu Uwekezaji Angella Kairuki jana amezindua Kongamano na Mwongozo wa Uwekezaji Mkoa wa Songwe huku akiwahakikishia washiriki wa Kongamano hilo kuwa Mkoa wa Songwe ni mahali salama kwa uwekezeji.

Waziri Kairuki amesema Songwe ina fursa za uwekezaji na biashara ndani ya Mkoa lakini pia ina nafasi kipekee ya Kimkakati iliyonayo kwakuwa ni Lango Kuu la SADC na hivyo kuwa kiungo cha kibicashara kati ya Tanzania na Nchi 6 kati ya 16 za SADC.

“Ni matumaini yangu kuwa kaulimbiu ya Songwe Lango la SADC itaenda sambamba na kuhamasisha biashara kati ya Mkoa wa Songwe na Mikoa ya jirani, lakini pia biashara baina ya Mikoa ya jirani na Nchi za SADC kupitia Mkoa huu wa Songwe, Wekeni mikakati mizuri ya kufanikisha hili.”, amesisitiza Waziri Kairuki.

Ameongeza kuwa Mwongozo wa Uwekezaji aliouzinduaumebainisha kwa undani fursa nyingi za uwekezaji zilizopo Mkoa wa Songwe ikiwa ni pamoja na Kilimo, Mifugo, madini, utalii na uhifadhi wa Misitu, na kuwa fursa zote hizi zinaufanya Songwe kuwa eneo zuri la kuvutia wawekezaji.

Waziri Kairuki ametumia nafasi hiyo pia kukumbushia maagizo ya Waziri Mkuu wa Jamhuri ya Muungano wa Tanzania kwa Mikoa ambayo bado haijaandaa Mwongozo wa Uwekezaji kufanye hivyo mapema huku akiupongeza uongozi wa Mkoa wa Songwe kwa kuwapokea vizuri wawekezaji kwakuwa hajawahi kupokea malalamiko yoyote kutoka kwa wawekezaji.

Pia ametoa rai kwa Halmashauri zote nchini kukamilisha mchakato wa kutenga ardhi katika maeneo yao kwa ajili ya uwekezaji na kuyawekea miundombinu stahiki ya msingi huku akielezea kuwa eneo linaweza kuwa dogo ila lenye miundombinu ya kuvutia wawekezaji.

Naye Mkuu wa Mkoa wa Songwe Brig. Jen. Nicodemus Mwangela amesema Mkoa wa Songwe unazo sifa nyingi za kuwavutia wawekezaji ikiwa ni pamoja na halmashauri zote tano kutenga maeneo ya Uwekezaji.

Brig. Jen. Mwangela amesema Mkoa wa Songwe unavutia wawekezaji katika kilimo cha kisasa cha Umwagiliaji kwakuwa hali ya hewa inaruhusu na kuna eneo la hekta 18,464 linalo faa kwa kilimo cha Mbogamboga na matunda huku kukiwa na miundombinu ya barabara na usafiri wa anga ili kuwezesha kusafirisha bidhaa hizo katika masoko ya ndani na nje ya nchi.

Amezitaja fursa nyingine ni uwekezaji katika Kilimo cha Mbegu, Usambazaji wa pembejeo na Zana za Kilimo, fursa ya mitambo ya kukaushia mazao, fursa ya kuanzisha Ranchi, fursa ya mashamba ya kutotoleshea vifaranga, fursa katika utalii kwenye maeneo ya utalii wa uwindaji, fursa ya makampuni ya kuongoza watalii na kujenga hoteli za kitalii na Campsites.

Brig. Jen. Mwangela amesema matarajio ya Mkoa ni kuwa baada ya Kongamano hilo wawekezaji watapatikana katika sekta mbalimbali za kiuchumi na kijamii.

Kwa upande wake Katibu Tawala Mkoa wa Songwe David Kafulila amesema Takwimu za Mamlaka ya Mapato Nchini (TRA) zinaonyesha kuwa alisilimia 70 ya mizigo inayotoka bandari ya Dar Es Salaam kuelekea nchi za SADC huzifikia nchi hizo hupitia mpaka wa Tunduma uliopo Mkoani Songwe.

Kafulila amefafanua kuwa hiyo ni fursa kubwa kwa wawekezaji kwani wanaweza kujenga maeneo ya kutunzia bidhaa, maegesho, bandari kavu na bandari huru katika Mkoa wa Songwe ambapo kwa sasa fursa hizo bado hazija tumiwa vizuri.

Mwenyekiti wa Bodi ya Kampuni ya Shanta Gold Mine Roman Urasa amesema fursa ambayo Mkoa wa Songwe ya kuwa Lango la SADC isiishie kuwa njia tu ya bidhaa kwenda ya nchi jirani bali Songwe izalishe bidhaa za kusafirisha nje ya nchi.

RC Tabora Awataka TRA Kutumia Tehama Kujenga Mazingira Rafiki Na Mlipa Kodi

Unknown 09:24:00 NEWS No comments

NA TIGANYA VINCENT

WATUMISHI wa Mamlaka ya Mapato Tanzania (TRA) wametakiwa kutumia Teknolojia ya Habari na Mawasiliano (TEHAMA) kujenga mazingira rafiki kwa mlipa kodi ili aweze kutumia mifumo hiyo katika ulipaji kodi na hivyo kuongeza mapato ya Serikali.

Kauli hiyo imetolewa jana na Mkuu wa Mkoa wa Tabora Aggrey Mwanri wakati akifunga mafunzo ya siku sita ya matumizi ya mifumo ya TEHAMA katika utendaji kazi kwa Watendaji wa TRA wa Mikoa ya Katavi, Kigoma na Tabora wanaohusika na ukusanyaji wa mapato.

Alisema ni vema wakatumia elimu waliyopata kuboresha utoaji wa huduma ambap watamfanya Mlipa kodi aweze kutumia muda mfupi na gharama nafuu katika ulipaji kodi jambo ambalo litasaidia kuongeza mapato ya Serikali.

Aidha Mkuu huyo wa Mkoa aliwataka Wafanyakazi hao wa TRA kuendelea kutoa elimu kwa wananchi ili wajue wajibu wao katika kulipa kodi kwa ajili ya maendeleo ya Taifa.

Naye Meneja wa Mifumo ya Teknolojia ya Habari na Mawasiliano (TEHAMA) wa Mamlaka ya Mapato Tanzania (TRA) Lazaro Swai alisema lengo la mafunzo hayo ilikuwa ni kuwaongezea ujuzi watumishi ili waweze kufanya kazi zao kwa ufanisi na hivyo kuongeza mapato ya Serikali.

Alisema kuwa elimu waliyopata itawasaidia kuwawezesha walipa kodi kuweza kulipa Kodi katika mazingira jirani ikiwemo Ofisi kwao au kwa Wakala badala ya kusafiri hadi TRA na kutumia muda na gharama za usafiri.

Swai alisema Mifumo ikitumika vizuri itasaidia kuongeza ukusanyaji wa mapato ya Serikali na hivyo kuwa na fedha nyingi za kutekeleza miradi mbalimbali ya maendeleo ya wananchi.

Kwa upande wa Meneja wa TRA Mkoa wa Tabora Thoams Masese alisema mafunzo yaliyotolewa yatawasaidia watumishi wa TRA katika kuwasaidia walipa kodi ili waweze kulipa katika mazingira ambayo wataona ni rahisi kwao na kuwapunguzia usumbufu na hivyo kuwezesha kuongeza makusanyo ya Serikali.