Thursday, 15 December 2016
BREAKING NEWS:TANGAZO LA AJIRA MPYA ZA WALIMU WA SAYANSI NA HISABATI SHULE ZA SEKONDARI NCHINI 2016
SERIKALI INATARAJIA KUAJIRI WALIMU WA MASOMO YA SAYANSI NA HISABATI KWA SHULE ZA SEKONDARI NCHINI.
AJIRA HII NI KWA WALIMU WA DIPLOMA NA DIGRII WALIOHITIMU MAFUNZO YA SAYANSI NA HISABATI MWAKA 2015.
WAHITIMU HAO WANATAKIWA KUWASILISHA NAKALA ZA VYETI VYAO VYA ELIMU SEKONDARI (KIDATO CHA NNE NA SITA) NA TAALUMA YA UALIMU KWA AJILI YA UHAKIKI.
NAKALA HIZO ZIWASILISHWE KUPITIA EMAIL info@moe.go.tz KUANZIA LEO HADI TAREHE 16/12/2016(IJUMAA).
YEYOTE AMBAYE VYETI VYAKE HAVITAHAKIKIWA HATAFIKIRIWA KATIKA UAJIRI.
TANGAZO HILI LINAPATIKANA KATIKA TOVUTI YA NACTE,TCU,NECTA,MOE NA TAMISEMI.
imetolewa na:
Katibu Mkuu
Wizara ya Elimu, Sayansi na Teknolojia
Kauli ya CHADEMA kufuatia kutoweka kwa kada wao Bwana Ben Sanane
CHAMA cha Demokrasia na Maendeleo (Chadema) kimesema hadi sasa hakijui alipo msaidizi wa Mwenyekiti wa chama hicho, Ben Saanane.
Kimevitaka vyombo vya dola, kuchukua hatua za haraka kuhakikisha msaidizi huyo anapatikana haraka.
Saanane
inadaiwa alitoweka katika mazingira ya kutatanisha tangu Novemba 18,
mwaka huu. Juhudi za kumtafuta katika vituo vya polisi, hospitalini na
vyumba vya kuhifadhia maiti, zimefanyika bila mafanikio.
Kauli
hiyo imetolewa na Mwanasheria Mkuu wa chama hicho, Tundu Lissu wakati
akizungumza na waandishi wa habari kuhusu Saanane ambaye hajulikani
aliko.
Alisema hata wao hawajui alipo, hawafahamu kama yuko hai au ameshikiliwa mahali. Kwamba wanachokijua ni kwamba hawajui aliko.
“Katika
mazingira haya, tunaiomba serikali na vyombo vyake vya ulinzi, ituambie
kama imemkamata na inamshikilia Ben Saanane tuanzie hapo…lakini kama
hawajamkamata na hawamshikilii, serikali na vyombo vyake watueleze
mawasiliano yake ya mwisho yalikuwa lini, na nani, wapi na yalihusu
nini,” alisema.
Alisema
kwa kuwa serikali ndiyo yenye udhibiti wa mipaka yote nchini, iwaeleze
kama kuna rekodi yoyote inayoonesha Ben aliondoka nchini kwa kupitia
mipaka hiyo, kama ni mipaka ya nchi kavu, majini au viwanja vya ndege.
Katika
hatua nyingine, alisema pamoja na majibu hayo, lakini pia wanaitaka
serikali pamoja na vyombo vyake vya dola, kufukua miili ya watu
waliokufa katika mto Ruvu na ifanyiwe uchunguzi ili wajulikane watu hao
ni akina nani, ili isije kuwa miongoni mwa watu hao ni Saanane.
Lissu
alisema kuwa mawasiliano ya mwisho kati ya Saanane na Mbowe, yalikuwa
ni Novemba 14, mwaka huu wakati Saanane akiwa Dar es Salaam na
mwenyekiti huyo akiwa Dodoma.
“Alimwambia
mwenyekiti uko wapi, akamwambia nakwenda kwenye maziko ya Samuel Sitta,
mawasiliano ya mwisho ni ya tarehe 14 Novemba,” alisema Lissu.
Alisema
pamoja na kwamba Saanane alikuwa ni msaidizi wa Mbowe katika masuala ya
kisiasa na kijamii, lakini hakuwa akitembea na mwenyekiti huyo na
kwamba shughuli zake alikuwa akifanyia katika Makao Makuu ya chama
hicho.
Lissu
alisema kuwa wapo watu wanahoji inawezekanaje Mwenyekiti hajui mahali
alipo msaidizi wake, lakini wanapaswa kufahamu kuwa Mbowe hakuwa
akitembea na Saanane.
Alisema
baada ya maziko ya Sitta, viongozi wote wa chama hicho walikuwa
wakizunguka katika mikoa mbalimbali kwa ajili ya kufanya shughuli za
chama, lakini katika kipindi chote hicho, mwenyekiti huyo hakuwa na
msaidizi wake huyo, kwa kuwa hatembei naye na si jambo la ajabu.
“Baada
ya hizi ziara, tulienda nchi za nje…katika kipindi chote hiki
Mwenyekiti hakuwa na Ben na vilevile nataka niweke hii vizuri,
Mwenyekiti hakupata wasaa wa kusema Ben yuko wapi, kwa sababu hatembei
naye, hayuko naye muda wote.”
“Sasa
kuna watu wanaosema Mwenyekiti ndiye anayejua, atuambie yuko wapi,
Mwenyekiti hajui, mimi sifahamu aliko Ben, tungekuwa tunafahamu
tungeshasema,” alisema.
Alisema
kwa mara ya kwanza alipigiwa simu na mdogo wake Ben, aliyemtaja kwa
jina la Dorice Desemba 4, lakini hakumpata na alimtumia ujumbe kumwambia
kuwa kaka yao Ben amepotea, hawajui aliko na alikuwa akitaka ushauri
ambapo alimjibu waliripoti jambo hilo polisi na kwenye vyombo vya
habari.
Alisema si kwamba wamenyamaza kimya, kwa kuwa wanajua alipo msaidizi huyo na kwamba watu wanaodai hivyo si sahihi.
Alitaka
mtu yeyote mwenye taarifa kuhusu Saanane alipo, azitoe taarifa hizo
hadharani, polisi, kwenye chama, vyombo vya habari au kwa ndugu zake.
Wednesday, 14 December 2016
TAARIFA MUHIMU KUTOKA JKT KWA WANAFUNZI WA FORM 6 WALIOCHAGULIWA KUJIUNGA JKT AWAMU YA PILI 2016
TAARIFA KWA UMMA
Jeshi la Kujenga Taifa (JKT) linapenda kutoa ufafanuzi kwa
umma, juu ya vijana waliohitimu kidato cha sita mwezi Mei mwaka 2016 na
kutakiwa kujiunga na mafunzo ya JKT kwa Mujibu wa Sheria Opereshani
Magufuli awamu ya pili.
BREAKING NEWS:HAYA HAPA MAJINA YA WANAFUNZI WALIOPATA MKOPO MWAKA WA MASOMO 2016/2017
Kama utahitaji kuangaliziwa jina lako kwa "usahihi" na "kasi ya ajabu" (ambapo utajibiwa ndani ya dk 1 tu) kama limepata mkopo tafadhali fanya yafuatayo;
1.TUMA EXAM NAMBA YAKO YA FORM 4 NA MWAKA
ULIOMALIZA MFANO:S3409.0012.2013-HESLB KWENDA
NAMBA 0652740927
2.HUDUMA HII UTATOZWA TSHS 1000 TU(KWA AJILI YA
KUISUPORT MASWAYETU BLOG)
3.TUMA PESA KWENDA 0768260834-MPESA
0652740927-TIGO PESA
&AIRTEL MONEY
4.UTAJIBIWA NDANI YA DK 1 TU.
5.TUMA PESA KWANZA,NDIO UTAJIBIWA SMS YAKO
KUONA MAJINA HAYO ;
<<BONYEZA HAPA>>
Lowassa adai T.B Joshua ameitabiria Chadema ushindi
Mjumbe wa Kamati Kuu ya Chadema, Edward Lowassa amesema ataingia Ikulu baada ya miaka minne ijayo na rafiki yake T.B Joshua amemtabiria kuwa Serikali ijayo itaongozwa na Chadema.
Lowassa, ambaye alishika nafasi ya pili katika kinyang’anyiro cha urais mwaka jana, ameshaonyesha nia ya kuingia tena kwenye mpambano huo wakati wa Uchaguzi Mkuu wa mwaka 2020.
Akizungumza na viongozi na wanachama wa Chadema mkoani Tabora, waziri huyo mkuu wa zamani alisema ana uhakika wa kuingia Ikulu bila ya umwagaji wa damu.
Huku akishangiliwa, Lowassa ambaye ni mjumbe wa Kamati Kuu ya Chadema, aliwashukuru wana Tabora na Watanzania kwa ujumla kwa kura walizompa katika uchaguzi mkuu uliopita.
Lowassa aliwaeleza wanachama na viongozi wa chama hicho kuhusu utabiri wa T.B.Joshua na angalizo alilompa.
Alisema muhubiri huyo maarufu barani Afrika anayefanya shughuli zake nchini Nigeria na ambaye alikuja nchini mara baada ya Uchaguzi Mkuu uliopita, alimpa angalizo kuwa ili washinde ni lazima wawe wamoja, washikamane na kuwa majasiri.
“Najua waandishi wa habari wataandika, lakini sijali rafiki yangu Joshua ametabiri Serikali ijayo ya Tanzania itaongozwa na Chadema,” alisema.
Lowassa amekuwa akienda Lagos, Nigeria kuhudhuria ibada za T.B Joshua anayeongoza kanisa la The Synagogue Church of All Nations na ambaye amekuwa akitabiri matukio makubwa kutokea sehemu mbalimbali duniani.
Katika kudhihirisha urafiki wake na T.B Joshua, Lowassa alisema katika mahafali ya wanafunzi wa vyuo vikuu ambao ni wanachama wa Chadema yaliyofanyika jijini Dar es Salaam katikati ya mwaka, kuwa CCM ilimuita nabii huyo nchini baada ya uchaguzi ili amshawishi akubali matokeo.
Lowassa aliwaambia wanafunzi hao kuwa alimweleza T.B Joshua matukio yote yaliyotokea wakati wa uchaguzi na hivyo kumfanya nabii huyo aamue kutohudhuria sherehe za kuapishwa.
Hata hivyo mwenyewe T.B Joshua hajathibitisha kauli hiyo ya Lowassa. Kuhusu Tabora, Lowassa alisema ni mkoa wa kihistoria na ndio kitovu cha siasa nchini kwa kuwa ndiko kulikoanza vuguvugu la mapambano ya kudai uhuru na kwamba una heshima yake kisiasa.
Aliwataka viongozi na wanachama wa Chadema kuhakikisha wanalinda heshima hiyo kwa kuifanya Chadema kuongoza nchi.
Lowassa, ambaye aliwahi kuwa Waziri Mkuu, aliwaeleza wanachama na viongozi kuwa ruzuku ni fimbo ya kuwagombanisha wanachama katika vyama vya siasa.
Aliwataka wanachama na viongozi kuhakikisha hawagawanywi na ruzuku na kwamba waulinde Ukawa na wakatae kuvurugwa.
“Vyama vingi nchi za Afrika hugawanywa kwa fedha za Serikali zilizopo madarakani, jambo ambalo sisi tulikatae,” alisema.
Aliwaleza wanachama hao ruzuku inatolewa ili wanachama wabaki wakigombana na kushindwa kufanya mambo ya msingi.
Akiizungumzia elimu, Lowassa alisema CCM inapata ushindi katika maeneo ambayo yapo nyuma kielimu na kuitaja mikoa ya Singida, Mtwara, Lindi, Dodoma na Tabora.
Alieleza kuwa mikoa iliyo nyuma kielimu ndio ngome ya chama tawala na kwamba ndio maana anaposisitiza elimu itolewe bure, anajua anachomaanisha.
Mbunge huyo wa zamani wa Monduli aliambatana na mjumbe mwingine wa Kamati Kuu ya Chadema, Mwita Waitara, ambaye katika hotuba yake alisisitizia suala la tume huru ya uchaguzi.
Waitara, ambaye ni mbunge wa Jimbo la Ukonga aliwataka wanachama wa Chadema kusimama imara kudai tume huru.
Awali, mratibu wa Chadema wa Kanda ya Magharibi, General Kaduma alisema watu watakaojaribu kuwagawa wanachama, watawekwa pembeni ili wawaache wengine waendelee kuongoza chama.
Alisema madhumuni ya mikutano ya ndani ya chama hicho inayoendelea nchi nzima ni kupanga mambo yanayohusu ujenzi wa chama chao na kuwakumbusha viongozi mambo ya msingi ya chama.
