Tamko Kuhusu Hatua Ya Kujikinga Dhidi Ya Tishio La Wimbi La Nne La Maambukizi Ya Ugonjwa Wa Uviko-19 Nchini

Serikali ya Tanzania imesema kuna tishio la kutokea wimbi la nne la ugonjwa wa Uviko-19 kutokana na viashiria vitatu vilivyotajwa kuwa ni pamoja na ongezeko la visa vipya na aina mpya ya virusi  katika baadhi ya nchi duniani.

Hayo yamesemwa Jumamosi, Novemba 27, 2021 na Mganga Mkuu wa Serikali, Dk Aifelo Sichwale wakati akitoa tamko kuhusu hatua za kujikinga dhidi ya wimbi la nne la maambukizi ya ugonjwa wa huo.

Kiashiria kingine kilichotajwa ni pamoja na kuwepo kwa wasafiri wengi ndani na nje ya nchi katika kipindi hiki cha sikukuu za mwisho wa mwaka pamoja na asilimia ndogo ya watu waliochanja nchini.

“Kutokana na hali hii hatuna budi kuendelea kuchukua hatua sahihi za kujikinga dhidi ya ugonjwa huu, Wizara inasisitiza kuendelea kuchukua tahadhari ili kujikinga ikiwemo kuendelea kujitokeza kupata chanjo,” amesema.

Dk Sichwale amesema chanjo zimeonyesha ufanisi mkubwa dhidi ya madhara ya Uviko- 19. Amewataka wananchi kuendelea na uvaaji wa barakoa, kunawa mikono kwa maji tiririka na sabuni au kutumia vipukusi, kufanya mazoezi na kutumia tiba asili zinazoshauriwa na wataalamu.

Kuendelea kuepuka mikusanyiko isiyo ya lazima, kila sekta kuendelea kutekeleza miongozo ya kujikinga, kuimarisha uchunguzi wa wasafiri katika viwanja vya ndege, bandari na mipaka ya nchi kavu na kufanya ufuatiliaji wa nchi zenye ongezeko la wagonjwa na kuchukua hatua stahiki

Read More →

Rais Samia na Rais Museven wa Uganda washiriki kufunga Kongamano la Wafanyabiashara kati ya Tanzania na Uganda Ikulu jijini Dar

Rais wa Jamhuri ya Muungano wa Tanzania Mhe. Samia Suluhu Hassan na Rais wa Jamhuri ya Uganda Mhe. Yoweri Kaguta Museveni, wameshiriki Kongamano la Wafanyabishara wa Tanzania na Uganda, lililofanyika jana tarehe 28 Novemba, 2021 katika viwanja vya Ikulu                Jijini Dar es Salaam.

Kongamano hilo lililojikita katika kuzungumzia fursa za biashara ya mafuta na gesi hususan maendeleo ya mradi wa Bomba la kusafirisha mafuta ghafi kutoka Hoima nchini Uganda hadi Tanga nchini Tanzania.

Aidha, Mhe. Rais Samia amemshukuru Rais wa Uganda Mhe. Museveni kwa jitihada zake zilizowezesha kupatikana kwa mafanikio kuelekea utekelezaji wa mradi huo wa ushirikiano tangu alipofanya ziara ya mwisho Jijini Dar es Salaam tarehe 20 Mei, 2020.

Mhe. Rais amesisitiza kuwa ushirikiano kati ya Tanzania na Uganda umezidi kuimarika hata katika kipindi hiki cha changamoto ya UVIKO 19 hivyo ni ishara nzuri katika kutatua changamoto zinazojitokeza kwenye utekelezaji wa miradi ya ushirikiano.

Mhe. Rais Samia amesema kuwa Serikali ya Uganda imeiunga mkono Serikali ya Tanzania katika mambo muhimu ambayo yamesaidia katika maendeleo ya mradi wa Bomba la kusafirisha mafuta. Kufuatia hatua hiyo, Mhe. Rais Samia ametoa wito kwa wataalamu wa Tanzania na Uganda kuangalia masuala muhimu yatakayowezesha kuleta ushirikiano katika sekta ya mradi huo.

Kwa upande mwingine, Mhe. Rais Samia amewataka wadau kutoka Sekta binafsi kutumia fursa zinazopatikana kutokana na utekelezaji wa mradi huo kwa kuwa Serikali za nchi hizo mbili zinafanya jitihada kuhakikisha Sekta hiyo na jamii za nchi zote mbili zinanufaika na mradi huo.

Mhe.Rais Samia amewaeleza wawekezaji na wafanyabiashara kutoka Uganda kuwa Wizara ya Viwanda na Biashara kupitia Taasisi yake ya Utafiti na Maendeleo ya Viwanda (TIRDO) ina uwezo wa kutoa huduma za kibobezi ikiwemo kufanya ukaguzi katika mabomba ya kuhifadhi na kusafisha mafuta na gesi.

Mhe. Rais Samia amehimiza nchi zote mbili kuendelea kuvutia uwekezaji katika nyanja mbalimbali ikiwemo viwanda vinavyotumia malighafi za ndani hususan katika sekta za kilimo na maliasili. Hivyo, Mhe. Rais Samia ametoa wito kwa wawekezaji wa Tanzania kuwekeza Uganda na Uganda kuwekeza nchini Tanzania.

Kwa upande wa Rais wa Jamhuri ya Uganda Mhe. Yoweri Museveni pamoja na mambo mengine,  amesema kuwa mradi wa Bomba la Mafuta ghafi utakuwa na manufaa kwa pande zote mbili  na kusaidia kutoa  ajira kwa wananchi wa nchi hizo.

  

Jaffar Haniu

Mkurugenzi wa Mawasiliano ya Rais, Ikulu.

Read More →

Tanzania Yashiriki Mkutano Jukwaa La Ushirikiano Kati Ya China Na Afrika

Na mwandishi wetu, Dakar

Jamhuri ya Muungano wa Tanzania inashiriki Mkutano wa Nane wa Mawaziri wa Jukwaa la Ushirikiano kati ya China na Afrika (FOCAC) ulioanza tarehe 28 hadi 30 Novemba 2021 jijini Dakar nchini Senegal.

Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula (Mb) ataongoza ujumbe wa Tanzania katika Mkutano huo.

Katika Ufunguzi wa Mkutano wa Mawaziri wa Jukwaa la Ushirikiano kati ya China na Afrika, Marais wa Nchi Wenyeviti Wenza wa Mkutano huo Rais wa Jamhuri ya Senegal Mhe. Macky Sall na Rais wa Jamhuri ya Watu wa China Mhe. Xi Jinping watahutubia Mkutano huo.

Mkutano huo wa Mawaziri wa Jukwaa la Ushirikiano kati ya China na Afrika unatanguliwa na Mkutano wa Maafisa Waandamizi unaoanza leo tarehe 28 Novemba 2021 hapa Jijini Dakar, Senegal ambapo Katibu Mkuu wa Wizara ya Mambo ya Nje na Ushirikiano wa Afrika Mashariki Balozi Joseph Sokoine, Katibu Mkuu Ofisi ya Rais Fedha na Mpango Zanzibar Dkt. Juma Akil na Naibu Katibu Mkuu Wizara ya Fedha na Mipango Bibi Amina Shaaban watashiriki.

Mkutano huo utakaowashirikisha viongozi na wawakilishi kutoka nchi za Bara la Afrika na Jamhuri ya Watu wa China pamoja na mambo mengine utajikita katika majadiliano ya maeneo yafuatayo:- Ushirikiano wa Kisiasa, Ushirikiano wa Kiuchumi, Ushirikiano wa Maendeleo ya Kijamii, Utamaduni na Ushirikiano kati ya Watu na Watu, Ushirikiano wa Ulinzi na Usalama, Mapinduzi ya Kijani, Ubadilishanaji Uzoefu katika masuala ya Uongozi Bora pamoja na Maendeleo ya Kitaasisi ya Jukwaa la Ushirikiano kati ya China na Afrika.

Read More →

Administrative Officer at Deloitte

Administrative Officer (Ref: C3HP/AO/12-21) Background Deloitte Tanzania has been awarded a contract to implement a Comprehensive Client-Centered Health Program HIV/TB LOC (C3HP) in Southern regions in Tanzania. This is a five year project (November 9, 2021 to September 30, 2026) funded by the American People through USAID aiming at supporting the Government of Tanzania’s (GOT) Ministry […]

This post Administrative Officer at Deloitte has been posted by Udahiliportaldaily

Get more post by visiting Udahiliportal.com

know more details about Udahiliportal.com by visiting Udahiliportal.com - Find Jobs & Ajira mpya leo, ajira portal Tanzania, ajira yako, brighter Monday, mabumbe, mwananchi ajira, secretariet ya ajira, tamisemi ajira za afya, wizara ya afya, ajira Tanzania - selection za vyuo , selection, second selection vyuo, second selection, tamisemi selection, selection form one 2020/2021

This this content has been copied from udahiliportal.com , please kindly visit Udahiliportalto access full original content content or click here for more details

 

Read More →

Database Manager at Deloitte

Database Manager (Ref: C3HP/DBM/12-21)   Background Deloitte Tanzania has been awarded a contract to implement a Comprehensive Client-Centered Health Program HIV/TB LOC (C3HP) in Southern regions in Tanzania. This is a five year project (November 9, 2021 to September 30, 2026) funded by the American People through USAID aiming at supporting the Government of Tanzania’s (GOT) […]

This post Database Manager at Deloitte has been posted by Udahiliportaldaily

Get more post by visiting Udahiliportal.com

know more details about Udahiliportal.com by visiting Udahiliportal.com - Find Jobs & Ajira mpya leo, ajira portal Tanzania, ajira yako, brighter Monday, mabumbe, mwananchi ajira, secretariet ya ajira, tamisemi ajira za afya, wizara ya afya, ajira Tanzania - selection za vyuo , selection, second selection vyuo, second selection, tamisemi selection, selection form one 2020/2021

This this content has been copied from udahiliportal.com , please kindly visit Udahiliportalto access full original content content or click here for more details

 

Read More →

Executive Assistant at Deloitte

Executive Assistant (Ref: C3HP/EA/12-21) Background Deloitte Tanzania has been awarded a contract to implement a Comprehensive Client-Centered Health Program HIV/TB LOC (C3HP) in Southern regions in Tanzania. This is a five year project (November 9, 2021 to September 30, 2026) funded by the American People through USAID aiming at supporting the Government of Tanzania’s (GOT) Ministry […]

This post Executive Assistant at Deloitte has been posted by Udahiliportaldaily

Get more post by visiting Udahiliportal.com

know more details about Udahiliportal.com by visiting Udahiliportal.com - Find Jobs & Ajira mpya leo, ajira portal Tanzania, ajira yako, brighter Monday, mabumbe, mwananchi ajira, secretariet ya ajira, tamisemi ajira za afya, wizara ya afya, ajira Tanzania - selection za vyuo , selection, second selection vyuo, second selection, tamisemi selection, selection form one 2020/2021

This this content has been copied from udahiliportal.com , please kindly visit Udahiliportalto access full original content content or click here for more details

 

Read More →

Grant Officers -12 Job Opportunities at Deloitte

Grant Officers 12 positions   Grants Officer (Ref: C3HP/GO/12-21) Background Deloitte Tanzania has been awarded a contract to implement a Comprehensive Client-Centered Health Program HIV/TB LOC (C3HP) in Southern regions in Tanzania. This is a five year project (November 9, 2021 to September 30, 2026) funded by the American People through USAID aiming at supporting the […]

This post Grant Officers -12 Job Opportunities at Deloitte has been posted by Udahiliportaldaily

Get more post by visiting Udahiliportal.com

know more details about Udahiliportal.com by visiting Udahiliportal.com - Find Jobs & Ajira mpya leo, ajira portal Tanzania, ajira yako, brighter Monday, mabumbe, mwananchi ajira, secretariet ya ajira, tamisemi ajira za afya, wizara ya afya, ajira Tanzania - selection za vyuo , selection, second selection vyuo, second selection, tamisemi selection, selection form one 2020/2021

This this content has been copied from udahiliportal.com , please kindly visit Udahiliportalto access full original content content or click here for more details

 

Read More →

HAYA HAPA MAGAZETI YA LEO JUMATATU NOVEMBA 29, 2021

 

Read More →

GULAM HAFEEZ MUKADAM ATAJA MIRADI INAYOTEKELEZWA KATA YA MJINI SHINYANGA...AKEMEA WANAOMBEZA RAIS SAMIA

Diwani wa Kata ya Mjini Jimbo la Shinyanga Mjini kupitia Chama Cha Mapinduzi (CCM), Mhe. Gulam Hafeez Mukadam akizungumza kwenye mkutano wa hadhara leo.

Diwani wa Kata ya Mjini Jimbo la Shinyanga Mjini kupitia Chama Cha Mapinduzi (CCM), Mhe. Gulam Hafeez Mukadam akizungumza kwenye mkutano wa hadhara leo

Diwani wa Kata ya Mjini Jimbo la Shinyanga Mjini kupitia Chama Cha Mapinduzi (CCM), Mhe. Gulam Hafeez Mukadam akizungumza kwenye mkutano wa hadhara leo

Diwani wa Kata ya Mjini Jimbo la Shinyanga Mjini kupitia Chama Cha Mapinduzi (CCM), Mhe. Gulam Hafeez Mukadam akiwa kwenye mkutano wa hadhara leo

***

Na Mwandishi wetu - Malunde 1 blog

Diwani wa Kata ya Mjini Jimbo la Shinyanga Mjini kupitia Chama Cha Mapinduzi (CCM), Mhe. Gulam Hafeez Mukadam amepongeza jitihada zinazoendelea kufanywa na Rais  wa Jamhuri ya Muungano wa Tanzania  Mhe. Samia Suluhu Hassan kwa kuendelea kutoa fedha za kutekeleza miradi ya maendeleo katika kata hiyo.

Mukadam amebainisha hayo leo Jumapili Novemba 28,2021 wakati wa mkutano wa hadhara uliofanyika kwenye mtaa wa Buzuka aliouitisha kwa ajili ya kuwashukuru wananchi wa kata hiyo kwa kumchagua kwa kura nyingi uchaguzi uliopita huku akitoa taarifa za miradi ya maendeleo inayotekelezwa katika mitaa mbalimbali ya kata hiyo.

Amesema wakati wa siasa umekwisha  hivyo nivyema wananchi wakajikita kufanya kazi kwa bidii ili kujiletea maendeleo huku akiwaomba wakazi wa kata hiyo kuendelea kumuombea na kumpongeza Rais Samia kwa kazi anazofanya badala ya kubeza kazi zake ,waondoe wasiwasi na waendelee kumuamini kwa kazi zake.

“Siku ya uchaguzi mkuu Oktoba 28 mwaka jana, mlinipigia kura nyingi za ushindi, na kunifanya niwe diwani wenu kwa awamu nyingine tena, ambapo naahidi kuendelea kuwapigania kwa kueleza changamoto zinazoikabili kata ya Mjini na nyinyi mnaona namna barabara zinavy jengwa kwa kiwango cha lami ,ujenzi wa mitaro ,ujenzi wa vyumba vya madarasa kwa shule za msingi na sekondari hivyo ni vyema muendelee kuniamini na kumuunga mkono Rais Samia ili aendelee kutoa fedha za kutekeleza miradi mbalimbali katika kata yetu”, amesema Mukadam.

“Mnachopaswa kufanya kwa sasa ni kumpongeza Rais Samia pamoja  na kukemea vikali baadhi ya watu wanaobeza kazi zake ili aendeleze yale mazuri anayo endelea kuyafanya kwa maslahi ya taifa na hasa akina mama msimuangushe Rais Samia ”,ameongeza.

Pia amesema ataendelea kuwaletea maendeleo wananchi kama alivyofanya kwenye awamu iliyopita, na kuibadilisha Shinyanga kuwa Jiji, ambapo Kata hiyo ya Mjini ndiyo kitovu cha mkoa wa Shinyanga.

Hata hivyo amewasisitiza wananchi kujitokeza kupata chanjo ya Uviko 19  kwani ni salama na kuepukana na uvumi wa watu akieleza kuwa hata  yeye tangu amechanja yuko vizuri na anaendelea kuchapa kazi.

Read More →

WANUFAIKA TASAF WATAKIWA KUWA NA MTAZAMO WA KUJIKWAMUA KIUCHUMI

Mkurugenzi Mkuu wa Shirika la Maendeleo la Uswisi Bi.Patricia Danzi ,akizungumza na wanufaika wa mpango wa kusaidia kaya masikini (TASAF) katika kijiji cha Wilunze wilaya ya Chamwino wakati wa ziara ya kujionea Maendeleo ya mpango huo kwa wananchi wa kijiji hicho. 

Balozi wa Uswisi Nchini Tanzani Bw.Didier Chassot,akiwaeleza wanufaika wa mpango wa kusaidia kaya masikini (TASAF) katika kijiji cha Wilunze wilaya ya Chamwino Mkoani Dodoma jinsi Serikali ya Uswisi inavyoendelea kuisaidia Tanzania katika sekta mbalimbali wakati wa ziara ya kujionea Maendeleo ya mpango huo kwa wananchi wa kijiji hicho. 

Mkurugenzi wa wilaya ya Chamwino Dk Semistatus Mashimba,akitoa taarifa ya wanufaika katika miradi ya TASAF katika Halmashauri yake namna wakazi walivyonufaika katika kijiji cha wilunze. 

Mkurugenzi Mtendaji wa Mfuko wa Maendeleo ya Jamii-TASAF, Ladislaus Mwamanga,akizungumza na wanufaika wa mpango huo huku akiwataka wananchi kuendelea na kuwekeza katika miradi yao ya kimaendeleo kupitia Miradi ya TASAF mara baada ya kutembelea wanufaika katika kijiji cha Wilunze wilaya ya Chamwino kujionea Maendeleo ya mpango huo. 

Mwenyekiti wa kijiji cha Wilunze Bw.Amos George Chindole,akitoa neno la shukrani kwa Viongozi na wadau wa TASAF kwa kuweza kutembelea na kujionea maendeleo ya Mpango huo katika kijiji cha Wilunze wilaya ya Chamwino Mkoani Dodoma. 

Wakazi wa Kijiji cha Wilunze wakiwa katika mkutano wa hadhara wakati wa viongozi na wadau wa Mfuko wa Mendeleo ya Jamii TASAF wakizungumza mara baada ya kutembelea na kujionea maendeleo ya Mpango huo katika kijiji hicho. 

Muonekano wa ujenzi wa barabara za ndani ya kijiji zilizoanza kujengwa na wanaufaika kwa kutumia zana za mikono 

Viongozi wa Mfuko wa Maendeleo ya Jamii TASAF Pamoja na wadau wakikagua mradi wa Barabara uliojengwa na Wanufaika wa TASAF ,inayounganisha Kijiji cha jirani . 

Mnufaika wa Mfuko wa Mendeleo ya Jamii TASAF, Mkazi wa kijiji cha Milunze wilayani Chamwino Mkoani Dodoma Bi.Moreni Erenesti,akielezea jinsi alivyoweza kunufaika na mfuko huo. 

Mnufaika wa Mfuko wa Mendeleo ya Jamii TASAF,Luzy Agustino,akizungumzia jinsi alivyonufaika na mfuko huo kwa kuwa na makazi yake na malengo yake ya baadae nikujenga nyumba kubwa na Kuendela kusomesha waototo wake ambaye pia anajishughulisha na ujasiliamali (wa kwanza kushoto) ni Balozi wa Uswisi Nchini Tanzani Bw.Didier Chassot (wa pili kutoka kushoto) ni Mkurugenzi Mkuu wa Shirika la Maendeleo la Uswisi, Patricia Danzi. 

Picha ya Pamoja ya wadau na viongozi wa Mfuko wa maendeleo ya Jamii TASAF baada ya kutembea na kujionea miradi mbalimbali inayotekelezwa na TASAF katika kijiji cha Wilunze wilaya ya Chamwino Mkoani Dodoma. 

........................................................ 

Na.Alex Sonna,Chamwino 

Mkurugenzi Mkuu wa Shirika la Maendeleo la Uswisi, Patricia Danzi amewataka wanufaika wa Mpango wa kusaidia kaya masikini (TASAF) kuwa na mtazamo wa kujikwamua na umaskini. 

Danzi ametoa kauli hiyo wakati walipowatembelea wanufaika wa Mfumo wa Maendeleo ya Jamii TASAF katika kijiji cha Wilunze wilaya ya Chamwino Mkoani Dodoma. 

Mkurugenzi huyo amesema kupitia ubalozi wao nchini Tanzania utaendelea kusaidia kuwezesha mambo ambayo yatakuwa kichocheo cha kimaendeleo . 

''Serikali ya Uswisi itaendelea kuimraisha ushirikiano na uhusiano wa muda mrefu wa zaidi ya miaka 40 na Tanzani katika nyanja mbalimbali za kimaendeleo ikiwemo Sekta ya Afya,Elimu pamoja na kusaidia juhudi za Serikali katika mapambano ya kuondokana na umaskini na kuinua kipato cha wananchi''amesema Danzi 

Pia ameeleza kuwa Uswisi itaendelea na jitihada zake za kutoa misaada mbalimbali kwa Tanzania ili kunusuru Kaya Maskini. 

Danzi amesema kuwa amefurahi kuwasikia wanufaika wakisema kwa uwazi sana, mara nyingi ni vigumu kuongea kuhusu maisha yao, lakini mkiwa na jitihada katika kufanya Kazi mtajitoa kwenye hali ya umaskini. 

“Naomba mfanye kazi kwa bidii na maarifa hasa wenye nguzu za kufanya kazi na mjitahidi kujiwekea akiba kwa kidogo mnachopata,”amesema Danzi. 

Kwa upande wake Balozi wa Uswisi Nchini Tanzani Bw.Didier Chassot,amesema kuwa Uswisi na Tanzania wamekuwa na mahusiano mazuri na sasa wanasherekea miaka 40 ya ushirikiano . 

''Nawaomba walengwa mtumie vizuri fedha mnazopata ili ziweze kuwasaidia nyie pamoja na familia zenu hivyo Kupitia TASAF tutaendelea kushirikiana na Tanzania''amesema Chassot 

Awali ,Mkurugenzi Mtendaji wa Mfuko wa Maendeleo ya Jamii-TASAF, Ladislaus Mwamanga,amesema katika awamu ya kwanza ya mpango wa kunusuru Kaya maskini zaidi ya laki mbili zimefanikiwa kubadilisha hali ya maisha yao hivyo kuondokana na Umaskini. 

Hata hivyo Mwamanga ameipngeza wilaya ya Chamwino kwa kutekeleza vyema mpango huo ikiwamo utoaji wa ajira za muda mfupi ambapo yamechangia mabadiliko makubwa kwa wanufaika. 

“Kutokana na matokeo mazuri mliyoonesha ndio maana mmepata ugeni huu kutoka Uswisi, niwaambie wametoa Uswisi ni wadau wa maendeleo ambao wametoa msaada mkubwa na wametupatia Sh.Bilioni 41,”amesema. 

Amesema Rais Samia Suluhu Hassan ana shauku ya kuona wananchi wanaondokana na umaskini. 

Naye, Mkurugenzi wa Wilaya ya Chamwino, Dk.Semistatus Mashimba amesema kijiji cha Wilunze ni mojawapo ya wanufaika katika miradi ya Tasaf ambacho kinawalengwa 193 na tayari Sh.Milioni 45.1 zimetolewa kwa walengwa kwa mujibu wa mwongozo. 

Mmoja wa wanufaika hao, Ruth Kalulu amesema mpango huo umewasaidia kwa kiasi kikubwa kujikwamua kiuchumi kwa kuanzisha ufugaji kwa kuwa mumewe alimkimbia na kumuacha na watoto wanne. 

Amesema kwasasa amefanikiwa kujenga nyumba ndogo ya kuishi na familia yake huku ufugaji ukimuingizia kipato kinachosaidia kulipa ada na michango ya watoto shuleni.

Read More →

SIMBA SC YAICHAPA RED ARROWS FC MABAO 3-0 KOMBE LA SHIRIKISHO

 

NA EMMANUEL MBATILO, DAR ES SALAAM

Simba Sc imefanikiwa kuwachapa Red Arrows Fc ya nchini Zambia kwa mabao 3- katika mchezo ambao ulichezwa kwenye uwanjja wa Benjamini Mkapa Jijini Dar es Salaam.

Licha ya uwanja kujaa maji Simba Sc ilicheza kandanda safi na kufanikiwa kuondoka mapumziko wakiwwa na faida ya mabao mawili yaliyofungwa na Benard Morrison pamoja na Meddie Kagere.

Kipindi cha pili kilianza Simba Sc ikionekana bado inahitaji magoli zaidi licha jya kuwa mbele kwa mabao mawili ambapo dakika 79 ilifanikiwa kupata bao  la tatu kupitia tena kwa nyota wao Benard Morrison .

Simba inahitaji ushindi wowote ama sare katika mchezo ujao ili waweze kufuzu hatua ya makundi kombe la Shirikisho ambapo Red Arrows watakuwaa nyumbani kwenye mchezo huo.

Read More →

WAZIRI PROF. MKENDA : SEKTA YA KILIMO INACHANGIA 26% YA PATO LA TAIFA NA KUTOA AJIRA KWA 58%

 Waziri wa Kilimo Prof. Adolf Mkenda

Na Dotto Kwilasa-Malunde 1 Blog, DODOMA.

SEKTA ya kilimo imeajiri asilimia 58 ya Watanzania ikilinganishwa na asilimia 90 wakati wa uhuru, hali inayoashiria kukuza uchumia na kuongeza pato la Taifa.

Hayo yameelezwa leo Jijini Dodoma na  Waziri wa Kilimo Prof. Adolf Mkenda wakati akiwasilisha taarifa ya mafanikio ya wizara yake kwa kipindi cha miaka 60 ya Uhuru.

Amesema mchango wa sekta ya kilimo kwenye pato la Taifa umekua kutokana na  hatua mbalimbali za kuimarisha sekta ya kilimo hapa nchini na kusaidia kuongeza  pato la Taifa kwa  asilimia 26.

Licha ya hayo ameeleza kuwa Serikali imechukua hatua katika kuimarisha uzalishaji wa alizeti na chikichi hapa nchini ili kukabiliana na changamoto ya upatikanaji wa mafuta nchini kwa kupunguza uagizaji toka nje.

"Katika kipindi cha miaka 60, Serikali imekuwa ikichukua hatua mbalimbali za kuimarisha sekta ya kilimo hapa nchini,matokeo ya hatua hizo ni Taifa kujitosheleza kwa chakula na kuzalisha ziada inayouzwa nje ya nchi,"amesema. 

Akizungumzia mikakati ya Serikali kwa sasa Katika kuongeza tija kwenye kilimo,Prof.Mkenda ameeleza kuwa imejikita katika kuimarisha tafiti, huduma za ugani, kuongeza upatikanaji wa mbegu bora, kuimarisha kilimo cha umwagiliaji na masoko. 

Ameeleza kuwa Serikali imeweka mikakati ya kuhakikisha upatikanaji wa mbolea hapa nchini unakuwa wa uhakika kwa kuvutia wawekezaji kuja kujenga Viwanda ikiwemo kile kinachojengwa hapa Dodoma kitakachozalisha tani laki sita kwa mwaka.

"Kupitia mikakati hii tani milioni 18 za mazao zitazalishwa na ziada ni tani milioni 3,ni hatua nzuri kwani wakati wa kupata uhuru tulikuwa tunazalisha tani 1 ya mpunga kwenye ekari 1 na sasa tani 2.3 hadi 4 kutokana na maboresho kwenye sekta ya kilimo,"amesema Waziri huyo.

Sambamba na hayo amezungumzia utoshelevu wa chakula nchini kuwa kwa sasa ni asilimia 126  ikilinganishwa na wakati tunapata uhuru ambapo Tanzania ilikuwa inaomba msaada wa chakula kutoka mataifa tajiri.

"Mwanzoni kabisa tulikuwà tunaomba chakula mataifa tajiri kama Marekani lakini Sasa hilo halipo tunajitegemea wenyewe na sisi kama Serikali tunaweka msukumo zaidi katika kuimarisha ushirika hapa nchini ili kuwasaidia wakulima kupata manufaa zaidi kiuchumi,"amesema. 

Kadhalika Waziri Mkenda amesema huduma za ugani zimeimarishwa zaidi katika kipindi hiki na tayari Serikali inaendelea kuwapatia vitendea kazi ikiwemo pikipiki 2000 ambazo zitatolewa Januari, 2022 na kwamba  86 tayari zimeshatolewa.

Read More →

ANGOLA WAENDELEZA UBABE KWA ZANZIBAR, CANAF 2021

Wachezaji wa Angola (jezi nyekundu) wakikabiliana na wachezaji wa Zanzibar (jezi ya kijani mpauko) kwenye mchezo wa CANAF 2021 uliochezwa leo, Novemba 28,2021 jijini Dar es Salaam ambapo Angola imeshinda 12-0.

Timu za Uganda (jezi nyekundu) na Timu ya Siera Leon (jezi nyeupe) wakiimba nyimbo zao za Taifa wakati wa mechi ya mashindano ya CANAF 2021 leo Novemba 28, 2021

*************************

Na. John Mapepele

Mabingwa watetezi wa Mashindano ya Afrika kwa mchezo wa Mpira wa Miguu kwa wenye Ulemavu CANAF 2021 timu ya Angola leo, Novemba 28, 2021 wameonyesha kwamba wao ni mabingwa wa dunia katika mchezo huu baada ya kuichabanga Zanzibar dazani moja kwa nunge kwenye Uwanja wa Uhuru mjini Dar es Salaam.

Katika kipindi chote Angola waliutawala mchezo huo kutokana na uzoefu mkubwa wa wachezaji wao wanaocheza katika mashindano ya kimataifa.

Kipindi cha kwanza tayali Angola ilikuwa inaongoza kwa magoli sita kwa nunge na katika kipindi cha pili wakaongeza magoli mengine sita na kufanikiwa kupata ushindi wa dazani moja kwa sifuri dhidi ya timu ya Zanzibar.

Magoli ya Angola yamefungwa na Kufula Hilario, Aharo Francisco, Joachim Sabino, Chiarere Jord na Pacincia Fblio.

Wakati huo huo katika mchezo mwingine, Timu ya Siera Leon imeibamiza mabao 3- 0 ambapo bao la kwanza limefungwa katika dakika ya 15 na mshambuliaji Kuroma Ctbassy na goli la pili limefungwa dakika ya 18 ya kipindi cha kwanza na goli la tatu dakika ya 43 kipindi cha pili na Lumeh Foday.

Mchezo huo ulitawaliwa na mvua kubwa hali iliyosababisha kushindwa kuendelea na kwa muda baada ya kipindi cha kwanza cha mchezo kumalizika kutokana na maji kujaa katika uwanja.

Mashindano haya yamezinduliwa rasmi jana Novemba 27 na Waziri wa Utamaduni, Sanaa na Michezo Mhe. Innocent Bashungwa na yatakamilika Disemba 4, 2021.

Read More →

MARY MASANJA AKUTANA NA BODI YA MAENDELEO YA RWANDA

Naibu Waziri wa Maliasili na Utalii, Mhe. Mary Masanja (Mb) amekutana na watendaji wa Bodi ya Maendeleo ya Rwanda kwa lengo la kujifunza uwekezaji kwenye Utalii wa Mikutano katika kikao kilichofanyika Kigali- Rwanda.

Naibu Waziri wa Maliasili na Utalii, Mhe. Mary Masanja (Mb) akizungumza na watendaji wa Bodi ya Maendeleo ya Rwanda alipowatembelea kwa lengo la kujifunza uwekezaji kwenye Utalii wa Mikutano katika kikao kilichofanyika Kigali Rwanda.

Kaimu Mkurugenzi, Idara ya Utalii kutoka Wizara ya Maliasili na Utalii, Philip Chitaunga (kulia) akizungumza katika kikao kati ya Naibu Waziri wa Maliasili na Utalii, Mhe. Mary Masanja (Mb) na watendaji wa Bodi ya Maendeleo ya Rwanda kuhusu uwekezaji kwenye utalii wa mikutano kilichofanyika katika ofisi za bodi hiyo Kigali nchini Rwanda.

Naibu Waziri wa Maliasili na Utalii, Mhe. Mary Masanja (Mb) akipokea zawadi kutoka kwa Naibu Mkurugenzi Mkuu wa Bodi ya Maendeleo ya Rwanda, Ariella Kageruka mara baada ya kikao cha kujadili uwekezaji kwenye Utalii wa Mikutano kilichofanyika katika ofisi za Bodi ya Maendeleo ya Rwanda Kigali nchini Rwanda.

Kaimu Mkurugenzi, Idara ya Utalii,Wizara ya Maliasili na Utalii, Philip Chitaunga akipokea zawadi kutoka kwa Mkuu wa Idara ya Udhibiti wa Utalii, Bodi ya Maendeleo ya Rwanda, Emmanuel Nsabimana mara baada ya kikao cha kujifunza uwekezaji kwenye Utalii wa Mikutano kilichofanyika katika ofisi za Bodi ya Maendeleo ya Rwanda Kigali nchini Rwanda.

Ujumbe wa Tanzania ukiongozwa na Naibu Waziri wa Maliasili na Utalii, Mhe. Mary Masanja (Mb) (katikati) katika picha ya pamoja na watendaji wa Bodi ya Maendeleo ya Rwanda mara baada ya kikao cha kujifunza uwekezaji kwenye Utalii wa Mikutano kilichofanyika katika ofisi za Bodi ya Maendeleo ya Rwanda Kigali nchini Rwanda.

****************************

Naibu Waziri wa Maliasili na Utalii, Mhe. Mary Masanja (Mb) leo amekutana na watendaji wa Bodi ya Maendeleo ya Rwanda kwa lengo la kujifunza kuhusu uwekezaji katika Utalii wa Mikutano.

Kikao hicho kimefanyika katika ukumbi wa Bodi ya Mikutano ya Rwanda ,Kigali.

Amesema kuwa Bodi hiyo imefanikiwa kwa kiasi kikubwa kuvutia watalii wa mikutano kwa kushirikiana kwa karibu na Sekta Binafsi.

“Kwa mfano kuna ukumbi mkubwa wa mikutano unaomilikiwa na Serikali unaendeshwa na Sekta Binafsi na umefanikiwa kuvutia watalii wengi” ameongeza Mhe. Masanja.

Amesema kupitia ujuzi uliopatikana katika kikao hicho, Tanzania itaenda kuutumia ili kutangaza na kuvutia watalii wa mikutano kutoka ndani na nje ya nchi na hatimaye kuikuza Sekta ya Utalii.

Read More →

Video Mpya : NG'WANA SALA - POMBE NI TAMU

Hii hapa video mpya ya Msanii Ng'wana Sala inaitwa Pombe Tamu...Itazame hapa

Read More →

Ngoma Matata ya Walevi : MSANII MEZA - WALWA

Kama kawaida ya Malunde1 blog kukuweka karibu na wasanii wa nyimbo za asili.Leo ninayo ngoma mpya kali ya asili kutoka kwa msanii wa Nyimbo za asili Meza kutoka Ilola Shinyanga vijijini inaitwa 'Walwa' (pombe).


Wimbo huu ni maalumu kwa walevi,umetengenezwa katika studio za Passmedia zilizopo mjini Kahama mkoani Shinyanga.

Tazama ngoma hii ya walevi hapa chini..ni balaa sana

Read More →

SERIKALI YAIAGIZA TAKUKURU KUWA WAKALI KUSIMAMIA FEDHA ZA MIRADI ZILIZOTOLEWA NA RAIS SAMIA

Naibu Waziri wa nchi,Ofisi ya Rais Menejimenti ya Utumishi na Utawala bora Deo Ndejembi akifunga Mkutano wa mwaka wa wakuu wa Takukuru Jijini Dodoma.

Mkurugenzi Mkuu wa TAKUKURU,Kamishna wa Polisi Salum Rashid Hamduni akizungumza wakati wa kufunga Mkutano wa mwaka wa wakuu wa Takukuru Jijini Dodoma.

Viongozi wakuu wa Takukuru kutoka mikoa 28 nchini wakiwa katika picha ya pamoja katika mkutano wao wa Mwaka wenye lengo la kutathmini utendaji kazi.

Na Dotto kwilasa, Malunde 1 blog_Dodoma

SERIKALI imeiagiza Taasisi ya kuzuia na kupambana na rushwa nchini (TAKUKURU) kufuatilia,kusimamia na ikibidi kuwa wakali katika fedha zilizotolewa na Rais wa Jamhuri ya Muungano wa Tanzania Samia Suluhu Hassan kwa ajili ya kutekeleza miradi ya maendeleo ikiwemo ujenzi wa miundombinu ya shule na vituo vya afya.

Hatua hii imekuja ikiwa ni siku chache tangu Rais Samia azindue Mpango wa Serikali kuinua uchumi na kukabikiana na ugonjwa wa virusi vya Corona kwa kutumia mkopo wa fedha wa shilingi Trilioni 1.3 uliotolewa na Shirika la Fedha Duniani (IMF) na kutoa onyo Kwa watendaji kuzielekeza fedha hizo kwenye malengo yaliyokusudiwa.

Naibu wa nchi, Ofisi ya Rais, Menejimenti ya Utumishi wa Umma na Utawala bora, Deogratius Ndejembi amesema hayo jana Wakati akifunga mkutano mkuu wa mwaka wa wakuu wa TAKUKURU jijini Dodoma na kusema kuwa kuna viashiria vya rushwa katika fedha hizo huku akidai kuna maeneo tofali linafuatwa umbali wa kilomita 150 wakati kuna uwezekano wa kupatikana kwa urahisi.

Ndejembi amekosoa pia uamuzi wa baadhi ya watendaji kuchukua muda mrefu kwenye ushindani wa zabuni na kushindwa kukidhi mahitaji muhimu ya muda wa utekelezaji wa miradi ndani ya miezi tisa kuanzia sasa na kubainisha kuwa hali hiyo huenda ikawa ni kiini cha rushwa, uzembe, upendeleo, pamoja na uwezo mdogo wa mzabuni.

“Nawaagiza TAKUKURU nendeni mkasimamie fedha za miradi zilizotolewa na Rais, kuna viashiria vya rushwa katika fedha hizo ,maeneo mengine tofali linafuatwa umbali wa kilomita 150 mtu mmoja anapewa tenda za kununua matofali,kuna maeneo mengi ujenzi umesimama ukiuliza unaambiwa nondo zimeisha,hapa kuna viashiria vya rushwa,niwaombe sana mfuatile na muwe wakali,”amesema.

Aidha,Naibu waziri huyo ameitaka TAKUKURU kuendelea kutoa elimu kwa wananchi kuhusu madhara ya rushwa ikiwa ni pamoja na kuwa na mipango ya katika kuzuia zaidi ili kuleta faida.

“Tusimame imara tuwadhibiti watumishi wanaofanya kazi kwa mazoea simamieni rushwa na mmomonyoko wa maadili huku mkizingatia utoaji wa haki,”amesema.

Kwa upande wake Mkurugenzi Mkuu wa TAKUKURU,Kamishna wa Polisi Salum Rashid Hamduni,amesema katika Mkutano huo wa siku tatu uliohusisha viongozi wa Taasisi hiyo kutoka mikoa 28 wameweza kutathmini utendaji wao na kujadili namna Bora ya kuongeza ufanisi wa mapambano dhidi ya rushwa.

"Kwa muda wa siku tatu tumejifunza mengi kupitia mada mbalimbali za misingi ya maadili na mashauri ya kinidhamu,yote haya ni kuhakikisha chombo hiki kinakuwa cha mfano, kwa ujumla kila mmoja wetu amépata tiba anayostahili,"amesema Mkurugenzi huyo.

Sambamba na hayo amesema Taasisi hiyo inaendelea kufanya tafiti kubaini njia bora za kuziba mianya ya rushwa na kwamba kwa kipindi cha mwaka 2020 hadi 2021 jumla ya shilingi billioni 29.3 ziliokolewa na kwamba billion 11 .2 ziliokolewa kwa mfumo wa fedha taslim na utaifishaji mali huku kiasi cha bilioni 18 zilidhibitiwa kabla hazijatumika.

Ameeleza miradi ya kimaendeleo 1,188 yenye thamani ya billion 714.17 katika sekta ya afya maji elimu ziliweza kufatiliwa na kuona makosa ambayo wameyachukulia hatua.

“Tumejifunza namna ya kudhibiti hisia hasi na mahusiano kazini,hali hii itatupa nguvu zaidi ya kuzuia vitendo vya rushwa na kuongeza kushirikisha jamii pamoja na kuwafikisha watuhumiwa Mahakami kwa kushirikiana na ofisi ya Taifa ya mashtaka", amefafanua.

Vile vile ameeleza kuwa jumla ya majalada 1,053 yalichunguzwa na kukamilishwa huku majadala 339 yaliwasilishwa kwa Mkurugenzi wa mashitaka kuomba kibali cha kuwafikisha mahakani esi mpya zilipatikana 542, na kesi 541 zilitolewa uamuzi ambapo Jamhuri iliweza kushinda kesi 345.

Read More →