SERIKALI YASISITIZA KUIMARISHA SAYANSI NA TEKNOLOJIA KWA MAENDELEO YA UCHUMI WA TANZANIA

WAZIRI wa Elimu, Sayansi na Teknolojia, Profesa Adolf Mkenda amesema Tanzania inahitaji kuongeza uwekezaji katika sayansi na teknolojia ili kuwa na rasilimali watu mahiri wenye uwezo wa kuendeleza rasilimali zilizopo nchini.

‎Amesema bila kuwekeza katika maeneo hayo, watakwama na badala yake, rasilimali asili zitakuwa laana na si baraka.

‎Akifunga Kongamano na maonyesho ya tisa ya Sayansi, Teknolojia na Ubunifu yaliyoandaliwa na Tume ya Sayansi na Teknolojia (COSTECH) jana Dar es Salaam, Profesa Mkenda alisema nchi zilizoendelea zina maendeleo endelevu kwa sababu ya kujenga rasilimali watu kama mtaji hivyo ni lazima kuwekeza kwenye elimu.

‎"Tunazo rasilimali za asili za kutosha nchini kama vile madini, lakini tusipokuwa na uwezo wa kuzichakata na kuwaachia watu kutoka nje, tutakwama," alieleza.

‎Profesa Mkenda alisema wanahitaji sayansi, teknolojia, uhandisi na hisabati kuendelezwa ili kuwa na vijana mahiri katika maeneo hayo watakaoweza kuchangia katika maendeleo ya uchumi.

‎Alisema wataendelea kuongeza jitihada ya kuwekeza katika sayansi na teknolojia sambamba na kusomesha vijana kwenda nje ya nchi kuongeza umahiri.

‎"Tunatoa mikopo kwa upendeleo wa wanafunzi wa sayansi lakini hatupaswi kuchoka ili elimu iwe bora zaidi na kuzingatia sayansi, teknolojia, uhandisi na hesabu vijana wawe mahiri katika maeneo hayo," alisisitiza.

‎Pia alisema kwa kufanya hivyo, watatoa vijana wabobevu watakaosaidia katika maendeleo na kwamba watawaunganisha na maeneo ya kufanyia kazi ikiwemo viwandani kuongeza ujuzi.

‎Kuhusu Mfuko wa Ubunifu wa Samia, Profesa Mkenda alisema kuwa umelenga kuwezesha wabunifu kubiasharisha bunifu zao badala ya kuendelea kushiriki kwenye maonesho.

‎Alisema sababu ya kuanzishwa kwa mfuko huo ni benki kushindwa kukopesha wabunifu kwa madai kwamba hawakopesheki na kwamba ni bunifu zinazoanza ziko katika hatari.

‎"Mfuko wa Ubunifu una zaidi ya Sh bilioni 6 ni mtaji kwa wabunifu waweze kuuza bunifu zao. Tunataka bunifu mpya na sio zilezile kila mwaka," alieleza Profesa Mkenda.

‎Pia alisema mfuko huo ni maelekezo ya Rais Samia Suluhu Hassan kuhakikisha kuna fedha kwa watafiti, wabunifu na wanafunzi wanaofanya vizuri katika masono ya Sayansi, teknolojia na ubunifu.

‎Alisema serikali imetenga fedha kwa ajili ya utafiti wa mabadiliko ya tabia nchi ili kuona namna ya kukabiliana nayo.

‎Kwa upande wake, Mkurugenzi Mkuu wa COSTECH, Dk Amos Nungu alisema mada mbalimbali ziliwasilishwa kwenye kongamano hilo la siku tatu na mapendekezo yaliyotolewa ni kuimarisha midahalo ya wadau, kutekeleza sera ya viwanda kwa kushughulikia changamoto za sera hiyo na kuunganisha ushirikiano kati ya elimu ya juu na viwanda pamoja na kuunganisha sekta ya viwanda, sayansi na teknolojia.

‎‎Alisema kuna mapendekezo ya kuwa na teknolojia zitakazowasaidia kukabiliana na mabadiliko ya tabia nchi.

‎"Costech imeombwa iratibu nyenzo au vifaa vya utafiti vitakavyotumiwa kwa pamoja na watafiti kutokana na gharama za juu za vifaa hivi, pia imeshauriwa kuwekeza teknolojia zenye gharama nafuu kuondoa hewa ukaa," alisema Dk Nungu.

‎Pia imeshauriwa watafiti wajikite kufanya utafiti uchumi wa kibaolojia.

‎Naye, Naibu Katibu Mkuu, Wizara ya Elimu, Sayansi na Teknolojia, Profesa Daniel Mushi alisema nchi inahitaji maeneo ya sayansi, teknolojia na ubunifu yaweze kuimarishwa ili kukuza uchumi.

‎Alisema mijadala iliyojadiliwa kwenye kongamano hilo, ilijikita maeneo matano ikiwemo matumizi ya maarifa asilia kukabiliana na mabadiliko ya tabia nchi, uendelevu usalama wa chakula na kukuza sayansi, teknolojia na hisabati kwa uchumi stahimilivu na kuendeleza uchumi wa buluu wanahitaji wataalamu mahili kushika eneo hilo.

‎"Tutashirikiana kutekeleza maazimio haya kwa kushirikiana kati ya sekta ya umma na binafsi pamoja na kuweka utaratibu sahihi ili kutekeleza maazimio hayo na kupiga hatua.

Read More →

FDH YAIPONGEZA UNEP KUENDELEZA AGENDA YA MAZINGIRA KWA WENYE ULEMAVU

Na Dotto Kwilasa,DODOMA

MKURUGENZI Mtendaji wa Taasisi ya kusaidia watu wenye ulemavu ya mkoani Dodoma ya Foundation For Disabilities Hope, Maiko Salali amelipongeza Shirika la Umoja wa Mataifa la Mazingira UNEP kwa jitiada zake za kupaisha agenda ya ulinzi wa mazingira kwa watu wenye Ulbino nchini.

Salali, alisema kupitia ushirikano wa shirika hilo la UNEP na FDH wameweza kusukuma Mpango kazi wa kitaifa wa haki na ustawi watu wenye ulbino ambapo serikali ilisikiliza na kufanyia kazi maombi hayo na hatimaye mpango huo kuzinduliwa Disemba 03, 2024 katika siku ya kimataifa ya watu wenye ulemavu duniani.

“Kwa hapa Tanzania tuliazimisha katika ukumbi wa Dimond Jubilee Dar es salaam, FDH inaishukuru sana UNEP kwa jitiada hizi ambazo zimewezesha watu wenye ulbino nchini kupata mpango na nimatumaini yetu kuwa tunaendelea kushirikiana ili kuendelea kuhakikisha agenda ya mazingira na ulinzi wa mazingira kwa watu wenye ulemavu unakuwa kipaumbele muhimu

Read More →

SERIKALI YA AHIDI KUWEKEZA KATIKA SAYANSI NA TEKNOLOJIA

Baadhi ya Wabunifu wa Sayansi na Teknolojia pamoja na wadhamini wa Kongamano la Tisa la Sayansi, Teknolojia, Ubunifu na Maonesho (STICE 2024) wakipewa vyeti na Waziri wa Elimu, Sayansi na Teknolojia Profesa Adolf Mkenda kama sehemu ya kutambua mchango wao katika sekta ya sayansi

   

Wazairi wa Elimu, Sayansi na Teknolojia Profesa Adolf Mkenda akizungumza jambo leo Disemba 4, 2024 jijini Dar es Salaam wakati akihitimisha Kongamano la Tisa la Sayansi, Teknolojia, Ubunifu na Maonesho (STICE 2024), lililofanyika katika Kituo cha Mikutano wa Kimataifa wa Julius Nyerere (JNICC), Dar es Salaam.

Mkurugenzi Mkuu wa Tume ya Sayansi na Teknolojia (COSTECH) Dkt. Amos Nungu akizungumza jambo leo Disemba 4, 2024 jijini Dar es Salaam wakati wa kuhitimisha Kongamano la Tisa la Sayansi, Teknolojia, Ubunifu na Maonesho (STICE 2024), lililofanyika katika Ukumbi wa Mikutano wa Kimataifa wa Julius Nyerere (JNICC), Dar es Salaam.

NA HELLEN KWAVAVA - DAR ES SALAAM

‎Serikali chini ya Uongozi wa Rais Samia Suluhu Hassan imeahidi kuongeza uwekezaji katika sayansi na teknolojia ili kupata rasilimali watu Mahiri ambao wana uwezo kuiendeleza sayansi na teknolojia mbalimbali nchini.

Hayo yamesemwa na Waziri wa Elimu, Sayansi na Teknolojia, Profesa Adolf Mkenda Wakati akifunga Kongamano na Maonyesho ya tisa ya sayansi,teknolojia na ubunifu yaliyoandaliwa na Tume ya sayansi na teknolojia COSTECH (STICE 2024)Jana Jijini Dar es Salaam katika Ukumbi wa Kimataifa wa Mwalimu Julius Nyerere.

‎Amesema bila kuwekeza katika maeneo hayo, watakwama na badala yake, rasilimali asili zitakuwa laana na si baraka.

‎Aidha Profesa Mkenda amesema nchi zilizoendelea zina maendeleo endelevu kwa sababu ya kujenga rasilimali watu kama mtaji hivyo ni lazima kuwekeza kwenye elimu.

‎"Tunazo rasilimali za asili za kutosha nchini kama vile madini, lakini tusipokuwa na uwezo wa kuzichakata na kuwaachia watu kutoka nje, tutakwama," ameeleza.

‎Ameongeza kuwa wanahitaji sayansi, teknolojia, uhandisi na hisabati kuendelezwa ili kuwa na vijana mahiri katika maeneo hayo watakaoweza kuchangia katika maendeleo ya uchumi.

‎Pamoja na hayo amesisitiza wataendelea kuongeza jitihada ya kuwekeza katika sayansi na teknolojia sambamba na kusomesha vijana kwenda nje ya nchi kuongeza umahiri.

‎‎"Tunatoa mikopo kwa upendeleo wa wanafunzi wa sayansi lakini hatupaswi kuchoka ili elimu iwe bora zaidi na kuzingatia sayansi, teknolojia, uhandisi na hesabu vijana wawe mahiri katika maeneo hayo," amesisitiza.

‎Pia ameongeza kuwa, lwa kufanya hivyo, watatoa vijana wabobevu watakaosaidia katika maendeleo na kwamba watawaunganisha na maeneo ya kufanyia kazi ikiwemo viwandani kuongeza ujuzi.

‎Kuhusu Mfuko wa Ubunifu wa Samia, Profesa Mkenda amesema kuwa umelenga kuwezesha wabunifu kubiasharisha bunifu zao badala ya kuendelea kushiriki kwenye maonesho.

‎Amesema sababu ya kuanzishwa kwa mfuko huo ni benki kushindwa kukopesha wabunifu kwa madai kwamba hawakopesheki na kwamba ni bunifu zinazoanza ziko katika hatari.

‎"Mfuko wa Ubunifu una zaidi ya Sh bilioni 6 ni mtaji kwa wabunifu waweze kuuza bunifu zao. Tunataka bunifu mpya na sio zilezile kila mwaka," ameeleza Profesa Mkenda.

‎Pia amesema mfuko huo ni maelekezo ya Rais Samia Suluhu Hassan kuhakikisha kuna fedha kwa watafiti, wabunifu na wanafunzi wanaofanya vizuri katika masono ya Sayansi, teknolojia na ubunifu.

‎Amesema serikali imetenga fedha kwa ajili ya utafiti wa mabadiliko ya tabia nchi ili kuona namna ya kukabiliana nayo.

‎Kwa upande wake, Mkurugenzi Mkuu wa COSTECH, Dkt Amos Nungu amesema mada mbalimbali zimewasilishwa kwenye kongamano hilo la siku tatu na mapendekezo yaliyotolewa ni kuimarisha midahalo ya wadau, kutekeleza sera ya viwanda kwa kushughulikia changamoto za sera hiyo na kuunganisha ushirikiano kati ya elimu ya juu na viwanda pamoja na kuunganisha sekta ya viwanda, sayansi na teknolojia.

‎Amesema kuna mapendekezo ya kuwa na teknolojia zitakazowasaidia kukabiliana na mabadiliko ya tabia nchi.

‎"Costech imeombwa iratibu nyenzo au vifaa vya utafiti vitakavyotumiwa kwa pamoja na watafiti kutokana na gharama za juu za vifaa hivi, pia imeshauriwa

‎kuwekeza teknolojia zenye gharama nafuu kuondoa hewa ukaa," alisema Dk Nungu.

‎Pia imeshauriwa watafiti wajikite kufanya utafiti uchumi wa kibaolojia.

‎Naye, Naibu Katibu Mkuu, Wizara ya Elimu, Sayansi na Teknolojia, Profesa Daniel Mushi amesema nchi inahitaji maeneo ya sayansi, teknolojia na ubunifu yaweze kuimarishwa ili kukuza uchumi.

‎Amesema mijadala iliyojadiliwa kwenye kongamano hilo, ilijikita maeneo matano ikiwemo matumizi ya maarifa asilia kukabiliana na mabadiliko ya tabia nchi, uendelevu usalama wa chakula na kukuza sayansi, teknolojia na hisabati kwa uchumi stahimilivu na kuendeleza uchumi wa buluu wanahitaji wataalamu mahili kushika eneo hilo.

‎"Tutashirikiana kutekeleza maazimio haya kwa kushirikiana kati ya sekta ya umma na binafsi pamoja na kuweka utaratibu sahihi ili kutekeleza maazimio hayo na kupiga hatua",amesema

Read More →

HAYA HAPA MAGAZETI YA LEO ALHAMISI DESEMBA 5,2024

 

Read More →

TEKNOLOJIA YA UHANDISI JENI (GMO) NI MKOMBOZI WA KUKUZA UCHUMI AFRIKA

Mtaalamu wa Masuala ya Mabadiliko ya Tabia Nchi, kutoka Chuo Kikuu cha Dar es Salaam, Profesa Pius Yanda akizungumza na waandishi mara baada ya Kuwasilisha mada yake katika kongamano na Maonyesho ya Tisa ya Sayansi, Teknolojia na Ubunifu yaliyoandaliwa na Tume ya Sayansi na Teknolojia (COSTECH). Kongamano hilo la siku tatu limeanza jana Desemba 2,2024 na litamalizika Desemba 4, 2024 jijini Dar es Salaam

Mtaalamu wa Masuala ya Mabadiliko ya Tabia Nchi, kutoka Chuo Kikuu cha Dar es Salaam, Profesa Pius Yanda akiwasilisha Mada yake mchango wa sayansi,teknolojia na ubunifu katika kukabiliana na Mabadiliko ya Tabia ya nchi na kuchochea ubunifu katika baiteknolojia (GMO)

Na Hellen Kwavava - Dar es Salaam

Imeelezwa kuwa Teknolojia ya Uhandisi jeni ina mchango mkubwa katika kukuza uchumi,kukabiliana na mabadiliko ya tabia nchi Sambamba na kupunguza kasi ya uzalishaji ya uzalishaji wa gesi joto afrika na duniani kwa ujumla.

Hayo  yamesemwa na Profesa Pius Yanda kutoka Taasisi ya usimamizi wa maliasili,mazingira na mabadiliko ya Tabia ya nchi iliyopo Chuo kikuu cha Dara es salaam (UDSM) Katika  Kongamano na maonyesho ya tisa ya Sayansi, Teknolojia na Ubunifu yaliyoandaliwa na Tume ya Sayansi na Teknolojia (COSTECH) katika Ukumbi wa Mikutano wa Kimataifa wa Mwalimu Julius Kambarage Nyerere(JNICC) Jijini Dar es Salaam.

Profesa Yanda amesema katika mada yake kuhusu mchango wa sayansi, teknolojia na ubunifu katika kukabiliana na mabadiliko ya tabia nchi aliweza kuelezea kuwa teknolojia hiyo ya Uhandisi Jes(GMO)imeanza kutumika  kwa kiasi kidogo kutokana na kutokuwa na teknolojia ya kutosha kuweza kutumia.

"Uhandisi jeni unatumika kwenye maeneo mengi ikiwemo elimu, afya, kilimo na maeneo mengine hivyo kuna kila sababu ya kuhakikisha kuna ubunifu wa ziada kutumia teknolojia hii kwa kiasi kikubwa," amesema. 

Aidha amesema kuwa ushirikiano na nchi zilizoendelea hususan katika utafiti, unaweza kuwa na ubunifu bora zaidi wa kukuza matumizi ya teknolojia hiyo kwa maendeleo ya Tanzania.

Amesema ubunifu wa ziada unahitajika ili kutumia rasilimali zilizopo kwa maendeleo ya kijamii na kiuchumi.

"Mabadiliko ya tabia nchi yanatuathiri zaidi Afrika na Tanzania hivyo, suala la kutumia bayoteknolojia kwa ajili ya kutengeneza uchumi, ni vema kuboresha ikolojia kwa kuboresha maisha ya watu, kipato na kuchangia uchumi wa nchi,"amesema Yanda .

Kuhusu matumizi ya nishati safi, Profesa Yanda amesema Tanzania itakuwa mstari wa mbele katika matumizi ya nishati hiyo kwa kuhakikisha jamii inayoishi vijijini waweze kushiriki katika mkakati huo.

“Utashi wa kisiasa unaoongozwa na Rais Samia Suluhu Hassan unaibeba Tanzania kuwa mstari wa mbele katika kuongeza matumizi ya nishati safi na kukabiliana na mabadiliko ya tabia nchi",amesema 

Uhandisi Jeni ni teknolojia inayotumia michakato ya Kibaolojia  kuzalisha mbegu za Mazao na Mimea na ina sifa ya kukinzana na magonjwa,kustahimili ukame na kupambana na wadudu waharibifu wa Mazao.

Read More →

TBS YATOA ELIMU KUHUSU VIWANGO NA UBORA WA BIDHAA MKOANI SONGWE

Shirika la Viwango Tanzania (TBS) limeendelea kutoa Elimu kwa umma kuhusu masuala ya Viwango katika ngazi za wilaya ambao elimu hiyo imetolewa katika Halmashauri za wilaya za Mbozi, Songwe, Momba na Halimashauri ya Tunduma mji mkoani Songwe.

Akizungumza wakati wa Kampeni hiyo, Afisa Masoko TBS Bw. Mussa Luhombero amesema lengo la Shirika hilo ni kutoa Elimu Kwa Umma kuhusu umuhimu wa kusoma taarifa zilizopo katika bidhaa, kununua bidhaa zilizothibitishwa ubora wake sambamba na kuwahamasisha wajasiriamali wadogo kuthibitisha ubora wa bidhaa zao na wafanyabiashara kusajili maduka ya chakula na vipodozi.

Kampeni hiyo ya Elimu kwa umma imefanyika katika maeneo mbalimbali yakiwemo ya Sokoni, Stendi, Minadani na maeneo mengine ya wazi ambapo wananchi walijitokeza kupata elimu na ufahamu wa masuala mbalimbali yahusuyo Ubora wa Bidhaa.

Luhombero amewasisitiza wajasiriamali na wafanyabishara kuhakikisha wanauza bidhaa zilizothibitishwa ubora wake na TBS na wenye majengo ya bidhaa za chakula na vipodozi kuyasajili ili kuepuka usumbufu unaoweza kujitokeza.

Aliongeza kwa kuwafafanulia wananchi umuhimu wa viwango katika maisha yao ya kila siku na kuwaasa wawe mabalozi wa kuhamasisha ubora katika jamii wanazoishi sambamba na kutoa taarifa katika ofisi ya TBS zilizopo karibu au kupiga katika kituo cha huduma kupitia mawasiliano yaliyotolewa iwapo watakutana na changamoto zihusuyo masuala ya ubora wa bidhaa wakati wa manunuzi.

Wananchi wamelipongeza Shirika la Viwango Tanzania Kwa kutoa Elimu hiyo kwani itawasaidia kufanya maamuzi sahihi wakati wa kununua bidhaa.

Read More →