Bodi Ya Korosho Yatakiwa Kulipa Tshs. Milioni 16 Za Kukodi Ghala

Bodi ya Korosho yatakiwa kulipa Shilingi Milioni 16 inazodaiwa na Kijiji cha  Kimanzichana Kaskazini kilichopo Wilaya ya Mkuranga Mkoani Pwani baada ya kukodi ghala la kijiji hicho kwa ajili ya kuhifadhi pembejeo za kilimo za zao la korosho.

Akizungumza mapema wiki hii wakati wa ziara ya kutembela maendeleo ya vijiji vya Kimanzichana Kaskazini na Kilimahewa viliyopo katika wilaya hiyo, Naibu Waziri wa Mifugo na Uvuvi Mhe. Abdallah Ulega ambaye pia ni Mbunge wa Jimbo la Mkuranga ameutaka uongozi wa bodi hiyo kuhakikisha unailipa Serikali ya kijiji cha Kimanzichana Kaskazini kiasi hicho cha fedha ili kiweze kufanya shughuli mbalimbali za maendeleo.

Aidha katika ziara hiyo Naibu Waziri Ulega amepata fursa ya kutembelea shule za msingi Kimanzichana Magharibi, Kilimahewa na Shule ya Sekondari Mkamba na kuzungumza na wanafunzi huku akiwataka kuweka bidii katika masomo yao.

Mbali na kuzungumza na wanafunzi hao Naibu Waziri Ulega ambaye ni Mbunge wa Jimbo hilo la Mkuranga ametoa zawadi ya madaftari katika shule hizo ikiwa ni sehemu ya ahadi aliyotoa ili kuongeza tija kwa wanafunzi hao waweze kufanya vizuri zaidi katika masomo yao kwa kuwa na vifaa muhimu shuleni.

Halikadhalika Mhe. Ulega ametembelea pia jengo la ofisi ya Serikali ya Kijiji cha Kilimahewa ambapo ujenzi wake hadi sasa umegharimu Shilingi Milioni 40 na kutoa mchango wa Shilingi laki Tano kwa ajili ya kuendeleza ujenzi huo na kupanda mti nje ya jengo la ofisi hiyo.

Naibu Waziri wa Mifugo na Uvuvi Mhe. Abdallah Ulega ambaye pia ni Mbunge wa Jimbo la Mkuranga Mkoani Pwani yupo katika ziara ya kikazi jimboni humo kwa ajili ya kukagua shughuli mbalimbali na miradi ya maendeleo.

Read More →

Habari Zilizopo Katika Magazeti Ya Leo Ijumaa March 06

Read More →

Waziri Mkuu Amsimamisha Kazi Mweka Hazina Korogwe Na Maafisa Wawili

WAZIRI MKUU Kassim Majaliwa amemsimamisha kazi Mweka Hazina wa Halmashauri ya Mji wa Korogwe, Subilaga Kapange pamoja na maafisa wengine wawili wanaosimamia ukusanyaji wa mapato katika kituo cha mabasi cha Korogwe baada ya kushindwa kuwasilisha mapato Serikalini.

“Mnakusanya fedha na kuziweka mfukoni hazipelekwi benki mnazitumia kwa matumizi yenu binafsi na kuna siku inaonesha hamjakusanya chochote, hatuwezi kuvumia hali hii hawa wote wakamatwe na wawekwe ndani na hii iwe funzo kwa waweka hazina wote nchini.”

Waziri Mkuu ameyasema hayo jana jioni (Alhamisi, Machi 5, 2020) wakati akizungumza na watumishi wa Halmashauri ya Mji wa Korogwe na wananchi kwenye mkutano wa hadhara uliofanyika katika uwanja wa TTC Korogwe akiwa kwenye ziara ya kikazi mkoani Tanga. Maofisa wengine waliosimamishwa kazi ni Meneja wa kituo cha mabasi Majid Salehe na msaidizi wake Ismail.

Amesema Halmashauri hiyo ya Mji Korogwe imejenga kituo cha mabasi lakini makusanyo yake hayafikishwi Serikalini huku baadhi ya wazabuni waliopewa kazi hiyo wakiwa hawana hata mikataba jambo linalochangia Halmashauri hiyo kushindwa kufikia malengo ya ukusanyaji.  Hadi sasa imekusanya asilimia 36 tu.

“Kuna siku kituo kinakusanya sh 51, 000 tu licha ya mabasi mengi kupita, hata hivyo Februari 27, 2020 hawakukusanya kiasi chochote inamaana hakuna basi lililopita. Februari 28, 2020 walikusanya sh 785,000 na Februari 29, 2020 walikusanya mara mbili sh 500,000 na sh 990,000 lakini fedha zote hizo hazikupelekwa benki.”

“Baada ya kusikia nakuja Korogwe jana (Jumatano, Machi 4, 2020) walikusanya sh. milioni 11 na kuzipeleka benki na risiti ninazo, siku zote hakuna risiti kwa sababu fedha hazipelekwi benki na wakusanyaji wengine ni marafiki zao hivyo hata wasipokusanya hakuna wa kuwauliza.”

Waziri Mkuu amesema Serikali haiwezi kulea watumishi wa aina hiyo, hivyo amemuelekeza Mkurugenzi wa Halmashauri ya Mji Korogwe, Bw. Nocodemus Bei ahakikishe anakuwa makini katika kufuatilia zinakopelekwa fedha za mapato yanazokusanywa kwenye eneo lake.

Amesema Serikali inataka kila mtumishi wa umma nchini awajibike kwa kufanya kazi kwa bidii na kwamba Serikali ya Awamu ya Tano haitowavumilia watumishi ambao ni wezi, wabadhilifu, wavivu na haitosita kuwachukulia hatua.

Waziri Mkuu amewaeleza watumishi hao kuwa wanatakiwa wafanye kazi kwa kuzingatia sheria na kanuni za utumishi wa umma na pia watambue dhamana kubwa waliyonayo, ambayo ni kuwahudumia wananchi wote bila ya ubaguzi wa aina yoyote.

Pia, Waziri Mkuu amewataka Madiwani wa Halmashauri ya Mji wa Korogwe wahakikishe wanakuwa wakali katika usimamizi wa makusanyo ya mapato pamoja na matumizi yake.

Kwa uapande wake, Mkuu wa Tanga, Bw.Martine Shigela alisema kufuatia ubadhilifu wa fedha za makusanyo katika kituo cha mabasi Korogwe jana (Jumatano, Machi 4, 2020) aliagiza kukamatwa na kuwekwa ndani kwa Mweka Hazina.

Awali, Mbunge wa Korogwe Mjini, Mary Chatanda alimuomba Waziri Mkuu awasaidie kutatua tatizo la ubadhilifu wa fedha za mapato kwani wamejenga kituo kizuri cha mabasi lakini hakiwanufaishi. Amesema licha ya mabasi mengi kupita katika kituo hicho mapato wanayoyapa ni kidogo.

(mwisho)

IMETOLEWA NA
OFISI YA WAZIRI MKUU

Read More →

Makamu Wa Rais Mheshimiwa Samia Suluhu Amewataka Mawaziri Na Wadau Wa Utatu Wa SADC Sekta Ya Kazi Na Ajira Kuwa Na Mikakati Ya Kuwajengea Uwezo Vijana

Na: Mwandishi Wetu
Makamu wa Rais wa Jamhuri ya Muungano wa Tanzania Mhe. Samia Suluhu Hassan amewataka Mawaziri na Wadau wa Utatu wa nchi wanachama wa Jumuiya ya Maendeleo Kusini mwa Afrika (SADC) sekta ya Kazi na Ajira kuweka Mazingira wezeshi yatakayowajengea vijana uwezo wa kuajiriwa au kujiajiri.

Hayo yameelezwa wakati wa Ufunguzi wa Mkutano wa Mawaziri na Wadau wa Utatu  wa SADC wa Sekta ya Kazi na Ajira pamoja na uzinduzi wa Programu ya Taifa ya Mafunzo kwa Vitendo Mahala pa Kazi (Internship) iliyofanyika katika Kitio cha Mikutano cha Kimataifa cha Julius Nyerere (JNICC) Jijini Dar es Salaam.

Kauli mbiu ya Mkutano huo ikiwa ni “Kukuza Soko la Ajira na Mahusiano Mema Sehemu za Kazi kwa Maendeleo Endelevu”.

Makamu wa Rais alieleza kuwa ni muhimu nchi wanachama wa Jumuiya ya Maendeleo Kusini mwa Afrika wakawa na mikakati ya kuiwezesha nguvukazi ya Jumuiya hiyo na hasa vijana kupata ujuzi stahiki utakaowawezesha kufanya kazi zenye staha.

Alifafanua kuwa taarifa ya Shirika la Kazi Duniani (ILO) kuhusu mwenendo wa soko la ajira kwa mwaka 2020, zaidi ya watu milioni 187.7 ikiwa sawa na asilimia 5.5 duniani hawana kazi na takribani wafanyakazi bilioni 2 ikiwa sawa na 61.2% wanafanyakazi kwenye sekta isiyo rasmi na zaidi ya watu milioni 267 ikiwa ni sawa na asilimia 22 ambao kati yao wana umri wa miaka 15 hadi 24 na hawapo kwenye mafunzo wala ajira.

“Sisi kama Jumuiya ya SADC tunalazimika kuwa na mikakati itakayowezesha nguvukazi ambao kwa idadi kubwa ni vijana na wanakadiriwa kuwa zaidi ya asilimia 60 katika jumuiya yetu, hivyo kama Jumuiya hatuna budi kuwekeza katika kuwajengea uwezo vijana ili waweze kushiriki kikamilifu katika ukuzaji wa uchumi wa nchi za ukanda huo,” alisema  

Alisema kuwa Serikali ya Tanzania inayoongozwa na Rais wa Jamhuri ya Muungano wa Tanzania Dkt. John Pombe Magufuli katika kutatua changamoto ya ajira kwa wahitimu wa ngazi mbalimbali za elimu nchini iliamua kuanzisha programu ya taifa ya kukuza ujuzi kwa lengo la kuwawezesha vijana kuweza kujiajiri na kuajiriwa.

“Niwasihi wenzetu katika nchi za SADC ambao bado hawajaanzisha utaratibu huu, wajifunze kutoka Tanzania na wakiona utaratibu huo unafaa wautelekeze kwa manufaa ya vijana wa jumuiya hiyo,” alisema

Sambamba na hayo Makamu wa Rais amewapongeza waajiri katika sekta binafsi na sekta ya umma kwa kushirikiana na Serikali katika kuwajengea uwezo vijana kujifunza maadili, mtazamo chanya kuhusu kazi pamoja na tamaduni za kuishi mahali pa kazi na Kuwapatia uzoefu wa kazi unaohitajika na waajiri.

Kwa upande wake Waziri wa Nchi, Ofisi ya Waziri Mkuu anayeshughulikia Sera, Bunge, Kazi, Vijana na Wenye Ulemavu Mhe. Jenista Mhagama alisema kuwa Programu ya Taifa ya Kukuza Ujuzi nchini kwa vijana wa kitanzania imewasaidia vijana wengi kujiandaa na kuingia katika soko la ajira ikiwemo sekta muhimu za kipaumbele kama vile Ujenzi, Ukarimu, teknolojia ya habari, mawasiliano na utalii.

Aliongeza kuwa Programu ya Mafunzo kwa Vitendo Mahali pa Kazi kwa wahitimu imewanufaisha vijana zaidi ya 5,967 ambapo vijana 3,967 wamehitimu mafunzo na kati yao vijana 1,827 wamepata ajira moja kwa moja na vijana 2,000 bado wanaendelea na mafunzo hayo.

Naye, Katibu Mtendaji wa Jumuiya ya Maendeleo Kusini mwa Afrika (SADC), Dkt. Stergomena Tax alieleza kuwa Serikali ya Tanzania imeonesha nia thabiti ya kutatua changamoto ya ajira kwa kuanzisha programu ya kukuza ujuzi kwa vijana lengo ikiwa ni kuwajengea uwezo vijana.

“Nichukue fursa hii kuipongeza Serikali ya Tanzania kwa juhudi inazozifanya katika kutatua changamoto ya ajira kwa vijana, kwa kuwapatia mafunzo yatakayowajengea uzoefu katika soko la ajira,” alisema Katibu Mtendaji wa SADC Dkt. Tax

Mkutano huo wa Mawaziri wa Jumuiya ya Maendeleo Kusini mwa Afrika (SADC) umeshirikisha pia Wadau wa Utatu wa Jumuiya hiyo ikiwemo Jukwaa la Vyama vya Waajiri Kusini mwa Afrika (SPSF), Shirikisho la Vyama vya Wafanyakazi Kusini mwa Afrika (SATUCC), Shirika la Kazi Duniani (ILO) na Shirika la Kimataifa linaloshughulikia masuala ya Uhamiaji kanda ya Kusini mwa Afrika (IOM).

MWISHO

Read More →

Deputy Director – Finance

Job Title: Deputy Director – Finance Sector: Finance Employment Category: Fixed Term Employment Type: Full-Time Open to Expatriates: No Location: Dar es Salaam, Tanzania Job Description BACKGROUND: The International Rescue Committee responds to the world’s humanitarian crises and helps people to survive and rebuild their lives. Founded in 1933 at the request of Albert Einstein, IRC offers life-saving care and life-changing assistance to refugees forced to flee… Read More »

The post Deputy Director – Finance appeared first on Udahiliportal.com.

Read More →

Nafasi Mpya za Kazi: Sales Representative at Coca-Cola Tanzania

Closing Date 2020/03/15

Reference Number CCB200301-1

Job Title Sales Representative

Function Marketing & Sales

Company Coca-Cola Kwanza (Tanzania)

Job Type Permanent

Location – Country Tanzania

Location – Province Not Applicable

Location – Town / City Mbeya

Job Description

Coca-Cola Kwanza Ltd has an exciting opportunity in Sales and Marketing department. We are looking for a talented individual with relevant skills and experience in Sales and Marketing for a Sales Representative position to be based in Mbeya. The successful candidate will directly report to the respective Area Sales Manager.

Key Duties & Responsibilities

The incumbent will be responsible in identifying and implementing new business opportunities, optimize customer services, manage and maintain company assets, execute outlets as per the company strategies, execute market survey and formulate account plans.

Skills, Experience & Education

The incumbent should have at least a Degree or diploma in Sales and Marketing. Two years practical relevant experience preferably with FMCG, computer literate, flexible team player and team builder, assertive and persuasive , and demonstrate high integrity.

CLICK HERE TO APPLY

Read More →

Print Specialist at Point Group Marketing Services

Print Specialist Location: Tanzania About Point  Point is the industry leader in the procurement, management and delivery of end-to-end marketing solutions across Africa and the Middle East. As a strategic marketing services partner, Point uses strategic partnerships and extensive regional and local expertise to deliver value to clients. Key deliverables include best-in-class innovation, significant savings and process efficiencies.… Read More »

The post Print Specialist at Point Group Marketing Services appeared first on Udahiliportal.com.

Read More →

Game Ranch Wildlife VET Manager at Farm Manager

GAME RANCH WILDLIFE VET MANAGER Job Description MINIMUM REQUIREMENTS: PH License and dangerous game qualified Agricultural Diploma / Degree Veterinary qualification advantageous Firearm competency Min of 5 years previous experience in this field Mechanically and maintenance orientated Strong written and verbal communication skills Ability to work with and motivate a team Experience in: Game control Game capture Game… Read More »

The post Game Ranch Wildlife VET Manager at Farm Manager appeared first on Udahiliportal.com.

Read More →

Mkutano wa James Mbatia Wazuiwa na Jeshi la Polisi Ruangwa

Mkutano wa Mwenyekiti wa NCCR Mageuzi Taifa, James Mbatia umezuiliwa na kutakiwa kuripoti kituo kidogo cha polisi Ruangwa wilayani Rungwe na ametakiwa kutoendelea na chochote katika mkutano huo.

 

Taarifa iliyotolewa kupitia ukurasa wa mtandao wa Twitter wa chama hicho imeeleza kuwa Mbatia ambaye amefika katika jimbo la Busokelo majira ya saa tano asubuhi leo Alhamisi Machi 5, 2020 katika Kijiji cha Kandete alikuwa akisubiriwa na wanachama wa NCCR kwenye mkutano wa ndani.

Imeeleza kuwa, baada ya mkutano huo kuzuiwa, akiwa nje ya ukumbi wa mikutano Mbatia amesema kwa sasa hatozungumza lolote mpaka atakapofika polisi na kujua anaitiwa nini na kuna shida gani.

Rungwe. Mkutano wa Mwenyekiti wa NCCR Mageuzi Taifa ,James Mbatia umezuiliwa na kutakiwa kuripoti kituo cha Polisi kidogo cha Polisi Ruangwa na kutakiwa kutoka kutokuendelea na chochote katika mkutano huo
#utuningaoyetu#jamiiforums #millardayoupdates pic.twitter.com/tZGYEpJlTB

— NCCR Mageuzi HQ (@nccrmageuzihq) March 5, 2020

Read More →

Godbless Lema Aachiwa Kwa Dhamana

Mbunge wa Arusha Mjini (Chadema), Godbless Lema ameachiwa kwa dhamana leo, wakili wake Fredy Kalonga amethibitisha. 

Lema alishikiliwa na polisi mkoani Singida tangu Jumatatu Machi 2, 2020 kwa tuhuma ya upotoshaji wenye lengo la kulichonganisha jeshi hilo na wananchi

Ametakiwa kuripoti tena Machi 24, 2020.

Read More →

Bidhaa Zilizoingizwa Kwa Njia ya Magendo Songwe Zagawiwa kwa Taasisi za Umma

Mamlaka ya Mapato Nchini (TRA) Mkoa wa Songwe imegawa baadhi ya bidhaa zilizo kamatwa kwa kuingizwa Nchini kupitia mpaka wa Tunduma kwa njia za Magendo ili kukwepa ushuru.

Akipokea bidhaa hizo kutoka Kwa Kaimu Meneja TRA Mkoa wa Songwe, Mkuu wa Mkoa wa Songwe Brig. Jen. Nicodemus Mwangela amesema bidhaa hizo zinapelekwa katika shule za Sekondari za Mkoa wa Songwe ili ziweze kuwasaidia wanafunzi.

“Nimepokea simenti mifuko 192, mafuta ya kupikia ndoo 37 na sukari katoni 70 ambavyo vyote navielekeza katika shule za Sekondari  ili vikasaidie huko.” , amesema Brig. Jen. Mwangela.

Amesema mifuko 100 ya simenti ameelekza ipelekwe Wilaya ya Momba ambapo kuna ujenzi wa shule ya sekondari ya Wasichana kwa kidato cha tano na sita na sukari imetolewa kipaumbele Wilaya ya Mbozi ambayo watakuwa wenyeji wa wanafunzi wa Michezo ya Umiseta.

Brig. Jen. Mwangela amewataka Wakuu wa Wilaya kuhakikisha wanafuatilia bidhaa hizo ili zitumike kwa malengo yaliyokusudiwa na si vinginevyo.

Naye Mkuu wa Wilaya ya Momba Juma Said Irando ametoa wito kwa wananchi na wafanyabiashara waliozoea kutumia njia zisizo halali kuingiza bidhaa nchini Kupitia Mpaka wa Tunduma waache maramoja kwani kamati ya Usalama ya Wilaya yake imeimarisha doria ili kumaliza tatizo la wakwepa kodi.

Irando amewata wafanyabiashara kutumia njia halali pia wazingatie sheria na taratibu za forodha ili waweze kufanya bishara halali na kuepuka hasara kwakuwa watakamatwa.

Amesema kuwa wafanyabiashara watambue kuwa wakikamatwa na bidhaa ambazo zimeingizwa Nchini isivyo halali sio tu watataifishwa mali hizo bali sheria zinawataka walipe kodi na faini ili wachangie pato la Nchi.

Irando ameongeza kuwa Wilaya yake imepokea mifuko 100 ya simenti ambayo itasaidia katika ujenzi wa Sekondari ya Wasichana ambayo itakuwa sekondari ya A level kwa wasichaa pekee Mkoa wa Songwe.

Kwa upande wake Kaimu Meneja wa TRA Mkoa wa Songwe Farensi Mniko amesema walifanikiwa kukamata bidhaa hizo kutokana na kuimarisha kaguzi mbalimbali katika Mpaka wa Tunduma pia kwa kupata taarifa kutoka kwa wananchi mbalimbali.

Mniko ameongeza kuwa bidhaa zilizo kamatwa zikikaa muda mrefu bila mhusika kuzichukua Kamishna wa TRA anayo mamlaka ya kuzigawa kwa taasisi za serikali kama alivyo fanya kwa bidhaa za simenti, sukari na mafuta alizozitoa.

Ameongeza kuwa bidhaa hizo hukaguliwa ubora wake kabla hazijagawiwa kwa taasisi za serikali hivyo zinakuwa salama, huku akiwasisitiza wafanyabiashara waache kupita njia zisizo halali kwakuwa TRA imejipanga kukomesha magendo.

Read More →

Shelter Programme Development Manager at Norwegian Refugee Council

Shelter Programme Development Manager NRC Tanzania is looking for Shelter Programme Development Manager base at Kibondo,Kigoma The purpose of the Programme Development Manager is to be responsible design, develop and implement Shelter programme in a start-up operation. All NRC employees are expected to work in  accordance with the organisation’s core values: dedication, innovation, inclusivity and accountability. These attitudes… Read More »

The post Shelter Programme Development Manager at Norwegian Refugee Council appeared first on Udahiliportal.com.

Read More →

Team Leader at MacDonald

Team Leader Strategic Leadership Support and generate impetus for change Maintain in-depth and up-to-date awareness of the political economy of Tanzania, especially as it relates to the education sector and develop strategies Develop and maintain a clear vision on where, when and how EPforR TAS2 should focus its effort Act as strategic adviser to DFID and key governmental… Read More »

The post Team Leader at MacDonald appeared first on Udahiliportal.com.

Read More →

Taarifa: Kuahirishwa Kwa Kikao Cha Maafisa Mawasiliano wa Serikali

Read More →

Serikali Kuendelea Kuboresha Huduma Za Methadone Nchini

Na Mwandishi Wetu - Dodoma

SERIKALI imeihakikishia Kamati ya Bunge ya masuala ya Ukimwi na madawa ya kulevya kuwa itaendelea kuboresha huduma kwa waathirika wa madawa ya kulevya kupitia tiba ya Methadone.
 

 Kauli hiyo imetolewa jana na Mkurugenzi wa Idara ya Kinga, Dkt.Leonard Subi, alipokuwa akijibu hoja za wabunge wa kamati hiyo inayoongozwa na Mhe. Oscar Mukasa walipofanya ziara kwenye kituo cha kuhudumia waathirika hao cha Itega, jijini Dodoma.
 

Amesema pamoja na kuwepo na kituo hicho pia Serikali inatarajia kufungua kituo cha Methadone mkoani Tanga mwezi Aprili mwaka huu.
 

Dkt.Subi amesema madawa ya kulevya ni vita ambayo inahitaji ushirikishaji wa sekta mbalimbali na ndio sababu wanatumia asasi zisizo za serikali ili kuwafikia watumiaji hao na kuwaleta kwenye vituo hivyo.
 

“Imesaidia sana kuwajenga kijamii na ndio maana kuna wengine wanasema ndoa ziliisha lakini kwasasa wanaishi na wake zao” amesema Dkt Subi.
 

Awali, akitoa taarifa ya kituo hicho, Mkurugenzi wa Hospitali ya Mirembe na Kituo cha Itega, Dk.Erasmus Mndeme, amesema waraibu hufika kituoni hapo kupitia asasi zisizo za serikali kama MEFADA, YOVARIBE na YCR.
 

Amebainisha kuwa kwasasa kituo kina waraibu 479 ambapo 367 wanatumia dawa ya methadone kila siku.
 

Ameeleza kuwa waraibu 26 wanaishi na Virusi vya Ukimwi(VVU), wanne waligundulika na Kifua Kikuu.
 

“Wengine 176 walipimwa homa ya ini ambapo 64 sawa na asilimia 36 waligundulika kuwa na homa ya ini aina ya B na C,”amesema.
 

Dk.Mndeme ameomba kamati hiyo kuwa mabalozi katika upatikanaji wa ajira na ushirikishwaji wa waraibu katika shughuli za kijamii ili wajiongezee kipato.
 

Naye, Meneja wa asasi isiyo ya kiserikali inayopambana na madawa ya kulevya(MEFADA), Alex Chitawala, amesema kuanzishwa kwa Kituo cha Itega kimeondoa kwenye mzunguko kiasi cha Sh. Bilioni 2.7 zilikuwa zikitumika na waraibu 367 kila mwaka kununua dawa ya heroin.
 

Amesema asasi zisizo za serikali zina mchango mkubwa katika kupambana na madawa ya kulevya na wamekuwa wakiwafuata kwenye vijiwe ili kuwaondoa na matumizi hayo.
 

“Kete moja ya heroin Dodoma inauzwa kwa Sh.7,000 na kiwango cha chini cha matumizi kwa mtu mmoja ni kete tatu kwa siku, hivyo zaidi ya Sh.Milioni 7.7 zimeokolewa kwa siku na Sh.Milioni 231 kwa mwezi na kwa mwaka ni Sh.Bilioni 2.7 tumeiondoa kwenye mzunguko wa dawa za kulevya,”amesema.
 

Amesema vita ya madawa za kulevya ni kubwa kwasababu wameondoa fedha kwa wauzaji.
 

Kwa upande wake, Mwenyekiti wa Kamati hiyo, Mhe. Oscar Mukasa, ameshauri Serikali kuangalia kwa makini maambukizi ya homa ya Ini kwa waathirika hao kutokana na kuwa kwa kiwango kikubwa.
 

“Pia Tunahitaji kipimo cha pamoja ili kujua kiwango cha madawa za kulevya kikoje nchini kwasasa kutokana na jitihada zilizopo, maana tunaona kuna takwimu za maralia, Ukimwi, Kifua kikuu lakini kwa madawa ya kulevya hazipo” amesisitiza.
 

Kadhalika, Mraibu, Baraka Mandai ambaye ni mwalimu, ametaja sababu ya baadhi yao kurudi kwenye matumizi ya madawa hayo kuwa ni kutokana na kukosa kazi za kujiingizia kipato. 
 

Mwisho.

Read More →

WAZIRI MKUU MAJALIWA APIGA MARUFUKU UCHIMBAJI WA MADINI LUSHOTO

 WAZIRI Mkuu Kassim Majaliwa akizungumza na wananchi wa Kijiji cha Magamba Kata ya Magamba wilayani Lushoto wakati wa ziara yake

 WAZIRI wa Madini Dotto Biteko akizungumza wakati wa ziara hiyo

MKUU wa Mkoa wa Tanga Martine Shigella akizungumza wakati wa ziara hiyo

WAZIRI Mkuu Kassim Majaliwa amesitisha zoezi la uchimbaji wa madini ya Boxite katika mgodi uliopo Kata ya Magamba wilayani Lushoto.

Pia,amemuagiza Waziri wa Madini Dotto Biteko kuzichukua leseni zote 22 za wachimbaji wakubwa na wadogo zilizotolewa katika mgodi huo.

Waziri Mkuu ametoa agizo hilo leo wakati alipoutembelea mgodi huo katika ziara yake wilayani Lushoto.

Amesema kuwa,serikali ilipokea malalamiko ya wananchi kuhusu athari uchimbaji madini katika mgodi huo zikiwemo uharibifu wa mazingira na athari za kiafya.

Pia amesema kutokana na uzito wa mgogoro uliobuka katika mgodi huo,Rais mstaafu wa Serikali ya Awamu ya Tatu Benjamin Mkapa alimuagiza kufuatilia wakati wakiwa Msumbiji kwenye hafla ya kuapishwa Rais wa Msumbiji Filipe Nyusi kuwa atembelee wilayani Lushoto kusikiliza kilio cha wananchi na atoe tamko la serikali. 

Amesema kuwa serikali imefanya maamuzi hayo kutokana inasikiliza wananchi wake kutoka na hoja zao walizozitoa.

" Serikali imefanya maamuzi,imesitisha kila kitu baada ya kusikiliza maoni ya wananchi kuhusu kero na athari za afya zinazotokana na uchimbaji huo,"alisema.

Aliongeza, "Waziri wa Madini chukua  leseni zote 22 za uchimbaji madini zilizotolewa eneo hilo na wananchi lindeni eneo hilo wasiingie watu kuchimba,"alisema.

Kwa upande wake,Waziri Biteko alisema kuwa mgogoro huo wa kuzuia uchimbaji katika mgodi huo ulianza muda mrefu lakini mwezi August 30,mwaka jana walifanya mkutano mkubwa na wananchi na kutoa malalamiko mengi ikiwemo athari zinazotokana na uchimbaji huo.

Alifafanua kuwa baada ya kusikiliza maoni hayo,September 4,mwaka jana waliandika barua wa wachimbaji wote kusitisha zoezi la uchimbaji katika mgodi huo.

Mbunge wa jimbo la Lushoto Shabani Shekilindi alisema kuwa eneo hilo ndio chanzo kikubwa cha maji katika maeneo mbalimbali katika jimbo hilo,hivyo uchimbaji huo una athari kubwa za kiafya na kimazingira.

Read More →

Head of Retail Banking at Maendeleo Bank

Maendeleo Bank PLc commenced operations in September 2013 as a Regional Bank with its Headquarters at Luther House, Sokoine Drive – Dar es Salaam. It is the first bank in Tanzania to be registered in Dar es Salaam Stock Exchange (DSE) from its inception through Enterprise Growth Market (EGM) window.The bank has been awarded as ‘the best listed… Read More »

The post Head of Retail Banking at Maendeleo Bank appeared first on Udahiliportal.com.

Read More →