MASWAYETU BLOG

Tuesday, 12 July 2016

MAGAZETI YA LEO JUMANNE JULY TAREHE 12.7.2016

Wanafunzi wa Udom wapata ajali mbaya Mwanza

Unknown 19:47:00 No comments

Ajal mbaya ya wanafunzi wa chuo cha udom dodoma imetokea usiku wa kuamkia jana katika saa 9 usiku katika Kijiji cha Lunele kata hungumalwa wilaya Kwimba Mwanza ambapo watu 2 "walifariki Dereva amekatika miguu yote..

Daktari feki akamatwa katika chumba cha wagonjwa mahututi hospitali ya Rufaa Morogoro

Unknown 19:33:00 No comments

Jeshi la Polisi mkoani Morogoro linamshikilia mtu mmoja aliyefahamika kwa jina la Zakaria Benjamini mkazi wa Tungi Manispaa ya Morogoro baada ya kuingia hospitali ya rufaa kwa nia ya kufanya utapeli na kutaka kutoa huduma kwa wagonjwa waliolazwa hospitalini hapo.

Akizungumza na waandishi wa habari Kamanda wa jeshi hilo Ulrich Matei amesema mtu huyo ameshikiliwa na jeshi hilo kufuatia tuhuma zinazo mkabili na mara baada ya kubaini ukweli wa jambo hilo atafikishwa mahakamani kujibu tuhuma hizo.

Algeria Scholarships for the Academic Year 2016/2017

Unknown 15:15:00 No comments

Algeria Scholarships for the Academic Year 2016/2017 for Tanzanians

For more informartion click <ALGERIA>

SOURCE: TCU

MPYA:AJALI YA LORI DARAJA LA KIGAMBONI (DARAJA LA NYERERE)

Unknown 07:28:00 No comments

Kwa habari zilizotufikia MASWAYETU BLOG ni kwamba kuna jali imlitokea jana usiku katika daraja jipya la kigamboni (daraja la nyerere)

Nimekuwekea picha hapo chini

Naibu Spika wa Bunge, Dk Tulia Akson Asema Kura za Wabunge wa UKAWA Hazitoshi Kumvua Madaraka ya Unaibu Spika

Unknown 07:09:00 No comments

Naibu Spika wa Bunge, Dk Tulia Akson amesema hoja ya wabunge wa Ukawa kutaka aenguliwe kwenye wadhifa huo inafanyiwa kazi na Kamati ya Haki, Maadili na Madaraka ya Bunge ambayo iwapo itaridhia, itarejeshwa bungeni kupigiwa kura ambazo hata hivyo, hazitatosha kwa uchache wao.

Dk Tulia alisema hayo jana wakati akihojiwa na Tido Mhando katika kipindi cha Funguka kinachorushwa na Azam TV.

“Hoja ikishakuja bungeni hapo sasa huwa ni kampeni na baadaye kupigiwa kura. Kwa kuwa waliopeleka hoja ni wabunge wa upinzani, hivyo wanatakiwa kufikisha idadi fulani ambayo kiuhalisia wao kwa sasa hawana,” alisema.

Kwa karibu mwezi mzima kwenye Bunge la Bajeti, wabunge wa Ukawa walimsusia Dk Tulia na walikuwa wakitoka bungeni kila alipoingia, tayari wameanzisha mchakato wa kumuondoa madarakani kwa madai kuwa hawatendei haki na anaminya demokrasia ndani ya Bunge.

Dk Tulia alisema Katiba inatambua kwamba kiongozi aliyechaguliwa anaweza kuondolewa madarakani na wale waliomchagua, hivyo wabunge wa upinzani wametumia haki yao ya msingi na kinachosubiriwa ni hoja yao kufanyiwa kazi.

“Kanuni imeweka wazi na msingi ule umejengwa kwenye Katiba kwa sababu inatambua wale waliomchagua kiongozi wasiporidhika naye wanaweza kumuondoa madarakani. Nafarijika kuona wanachukua hatua, hivyo mimi sina malumbano nao,” alisema.

Hakuna maridhiano

Dk Tulia alisema hakuna maridhiano yanayotakiwa baina yake na wabunge wa Ukawa kwa kuwa hana malumbano nao, bali kanuni na taratibu zinafuatwa kufanikisha hoja yao ya kumuondoa madarakani.

Naibu Spika huyo alisema maridhiano huwapo baina ya watu wanaolumbana na kwamba, baina yao hakutakuwa na suala hilo.

Wasimamishwa kazi baada ya mama kujifungua kwenye korido

Unknown 07:08:00 No comments

Siku chache baada ya vyombo vya habari kuripoti mjamzito kujifungulia kwenye korido ya Kituo cha Afya Lyabukande, Shinyanga kwa kukosa huduma, uongozi wa Halmashauri ya Shinyanga umewasimamisha kazi watumishi wawili wa kituo hicho kwa tuhuma za uzembe.

Mkurugenzi Mtendaji wa Halmashauri hiyo, Kiomoni Kibamba ambaye kwa sasa ameteuliwa kuwa Mkurugenzi wa Jiji la Mwanza, jana aliwataja waliosimamishwa kuwa ni pamoja na muuguzi msaidizi wa kituo hicho, Zulfa Mussa na mhudumu katika maabara, Peter Mazengo.

Kibamba alisema wamewasimamisha kazi na kufunguliwa mashtaka ya kukiuka maadili ya utumishi huku wakipewa siku 14 kujibu kwa utaratibu wa ajira ya utumishi.

“Baada ya hapo tunasubiri baraza la madiwani ndilo litatoa uamuzi juu yao.”

Alisema wakati tukio hilo linatokea, watumishi hao walikuwa zamu na kushindwa kumsaidia mjamzito huyo na kitendo hicho kilibainika kuwa cha makusudi na uzembe wa wazi.

“Awamu hii ya tano ni awamu nyepesi kwa kufanya kazi sababu imenyooka na iko wazi. Mtu anayeona hawezi kwenda na kasi atupishe ili wabaki wanaoweza kutekeleza majukumu yao kwa kufuata kanuni, taratibu na sheria za nchi na nilishasema mara kwa mara suala hili,” alisema Kibamba.

Kamati iliyoteuliwa kuchunguza jambo hilo, ikiongozwa na Mganga Mkuu wa Wilaya ya Shinyanga, Dk Athuman Pembe ilibaini kuwa baada ya mjamzito huyo kujifungua kwenye korido, watumishi ambao hawakuwapo bali walipata taarifa na kufika kumhudumia mtoto ambaye ana afya nzuri na baada ya muda aliruhusiwa kurudi nyumbani.

Ilivyotokea

Tukio la mjamzito huo, Margareth Charles (22), mkazi wa Kijiji cha Kizungungu lilitokea Julai 2 baada ya kuelezwa na mtaalamu wa maabara kuwa hakuna huduma waende sehemu nyingine, lakini mama huyo alishindwa kutokana na uchungu.

Mtendaji wa Kata ya Lyabukande, Julius Lugende alisema wananchi wamekuwa wakikilalamikia kituo hicho kwa muda mrefu na ilifikia wakati waliandamana kuwakataa watumishi waliopo kutokana na wajawazito kunyanyasika na kujifungua bila usaidizi.

Mwenyekiti wa Chadema, Freeman Mbowe Awazuia Vijana wa Chadema ( BAVICHA ) Kwenda Dodoma Kuzuia Mkutano wa CCM

Unknown 07:07:00 No comments

Mwenyekiti wa Chadema, Freeman Mbowe ametangaza kusitisha mpango wa vijana wa chama hicho kwenda Dodoma kuzuia Mkutano Mkuu wa CCM ili kuepusha maafa ambayo yanaweza kutokea. Badala yake, Mbowe amesema wataendelea kusaka haki ya kufanya mikutano ndani na nje ya nchi.

Sambamba na uamuzi huo, chama hicho kimetaka viongozi sita wa Baraza la Vijana (Bavicha) wanaoshikiliwa na Jeshi la Polisi kuachiwa mara moja.

Mbowe alitoa tamko hilo jana wakati akizungumza na wanahabari jijini Arusha, katika mkutano wa mameya na wenyeviti wa halmashauri 18 zinazoongozwa na Umoja wa Katiba ya wananchi (Ukawa).

Sababu za kusitisha
Mbowe alisema wamewataka vijana wa Chadema nchi nzima ambao walianza kujiandaa kwenda Dodoma kuisaidia polisi kuzuia mkutano huo wa Julai 23 kutokwenda kwa sababu polisi wamepewa maagizo ya kuwapiga na kuwajeruhi, hivyo wao hawataki kupambana nao.

“Nawataka vijana wote wa Chadema waliokuwa wanajiandaa kwenda Dodoma wasitishe na wasubiri maelekezo mapya ya Chadema,” alisema Mbowe.

Mbowe ambaye pia ni Kiongozi wa Kambi Rasmi ya Upinzani Bungeni alisema wana taarifa Jeshi la Polisi limejipanga kuwanyima dhamana viongozi wa Bavicha hadi baada ya mkutano wa CCM, ingawa viongozi wote wa chama hicho hawana hofu ya kukaa mahabusu.

Aliwataka vijana hao kutokwenda Dodoma na wawaache CCM waendelee na mkutano wao kwa kuwa Chadema haina hofu na mkutano wa chama hicho, bali walitaka dunia ione jinsi polisi wanavyofanya kazi kwa maelezo ambayo yanakiuka Sheria ya Vyama vya Siasa na Katiba ya nchi.

“Wakati sisi tunazuiwa kufanya siasa, Rais anafanya siasa, Waziri Mkuu anafanya siasa, mawaziri wanafanya siasa, wakuu wa mikoa na wilaya wanafanya siasa jambo ambalo si sahihi,” alisema.

Alisema lengo la Bavicha kwenda Dodoma ni kuchoshwa na uonevu wa kuzuiwa kufanya mikutano ya ndani na hadhara wakati CCM wanaendelea na mikutano yao.

“Waliona pengine itakuwa busara washinikize polisi kuona maagizo yao ya kuzuiwa mikutano yanatekelezwa kwa wote,” alisema.

Alilitaka jeshi la polisi kufanya kazi kwa kufuata taratibu kwa kutoa haki sawa kwa wote, kwa kuruhusu vyama vyote kufanya mikutano yao.

Apinga tamko la Mwigulu
Kuhusu tamko la Waziri wa Mambo ya Ndani, Mwigulu Nchemba kuhusu mikutano hiyo, Mbowe alisema hawakulielewa tamko hilo la Rais, kuwa mikutano ambayo imezuiwa ni ya hadhara na maandamano na si ya ndani.

Alisema mikutano ya ndani ya chama hicho imezuiwa kwani Chadema Wilaya ya Kahama walikuwa na mkutano wa ndani wa uchaguzi ambao umezuiwa.

Alisema mkutano wa ndani na wabunge wa Chadema mkoani Shinyanga ulizuiwa na pia mahafali za Vijana wa Vyuo Vikuu wa Chadema (Chaso).

“Lakini wakati haya yanafanyika, CCM waliendelea na mikutano yao na mahafali yao,” alisema.

Alisema Chadema itaendelea kudai haki ya mikutano na maandamano katika mahakama za ndani na nje ikiwamo ya Afrika ya Mashariki.

Viongozi wa madiwani
Katika mkutano wa wenyeviti wa halmashauri 18 zinazoongozwa na Chadema, Mbowe alisema Calist Lazaro, Meya wa jiji la Arusha amechaguliwa kuwa mwenyekiti wa wenyeviti wa madiwani wa Chadema nchini.

Meya wa Kinondoni, Boniface Jacob alichaguliwa kuwa katibu wa madiwani wote wa chama hicho na Mwenyekiti wa Halmashauri ya Tarime, Moses Matiku alichaguliwa kuwa mnadhimu wao. Wote hao watakuwa wajumbe wa Kamati Kuu Chadema.

Katibu Mkuu wa Chadema, Dk Vincent Mashinji alisema katika mkutano huo wenyeviti hao wamepatiwa elimu juu kuongoza vyema halmashauri zao ili kuchochea maendeleo.

“Siku mbili za mkutano huu tumekaa na kuweka mikakati bora ya kuhakikisha halmashauri zinazoongozwa na upinzani zinafanya vizuri,” alisema.

Mtoto wa miaka minne Auawa, atupwa kisimani

Unknown 07:06:00 No comments

Mtoto wa kike, Rahila Salim Ali (4) amekutwa amekufa huku mwili wake ukiwa umening’inizwa kisimani na vidole vya mikono vikiwa vimekatwa na mashavu kuchubuliwa.

Tukio hilo limetokea jana asubuhi, katika eneo Njiapanda, Mbagala, Temeke baada ya mtoto huyo kutoweka nyumbani siku nne zilizopita.

Akizungumzia tukio hilo, mama mzazi wa mtoto huyo, Raziah Ramadhani alisema binti yake alitoweka nyumbani saa tano asubuhi, wakati wakiwa pamoja wakitazama televisheni.

“Alitoka nje kama anaenda kucheza na wote hatukuwa na wasiwasi. Baada ya saa moja tulishtuka baada ya kutomuona, hivyo ikabidi tuanze kumtafuta,” alisema.

Alisema walitoa taarifa polisi na kwenye baadhi ya vyombo vya habari bila mafanikio hadi jana mwili wake ulipokutwa umening’inizwa kwenye kisima cha nyumba ya jirani yao.

“Nilipofika nilishangaa kuona nguo zake ni kavu na ana majeraha,” alisema.

Alisema kisima hicho kina tundu dogo ambalo huenda wauaji walijitahidi kuusukumiza mwili huo ili ionekane kama amefia humo ikashindikana.

Alisema mpaka juzi mchana, kilikuwa kikitumika na kuwa huenda mwili huo ulining’inizwa usiku wa kuamkia jana.

Baadhi ya majirani waliliomba jeshi la polisi kufanya uchunguzi wa kina na kuwachukulia hatua watu ambao wamekuwa wakijihusisha na vitendo vya ukatili dhidi ya watoto.

Kamanda wa Polisi Temeke, Andrew Satta alisema wanaendelea na uchunguzi: “Taarifa zilizopo ni kwamba amekufa maji lakini kwa hayo mazingira mengine tunaendelea kufanya uchunguzi zaidi.”

CCM Zanzibar Yahofia Kutapeliwa

Unknown 07:05:00 No comments

CHAMA cha Mapinduzi (CCM) Zanzibar kimewataka viongozi na watendaji wa chama hicho kuhakikisha mikataba ya kibiashara wanayofunga inapitiwa na kuwashirikisha wanasheria ili kuepuka vitendo vya utapeli.

Kimesema kuwashirikisha wanasheria wakati wa kufunga mikataba ya aina mbali mbali ya kukodisha Mali za Chama hicho kutasaidia kumaliza kero na migogoro ya matumizi mabaya ya Rasilimali za CCM.

Hayo aliyasema Naibu Katibu Mkuu wa CCM Zanzibar, Vuai Ali Vuai katika mwendelezo wa ziara ya kukagua na kuhakiki mali za Chama hicho huko Nungwi Mkoa wa Kaskazini Unguja.

Alisema matatizo ya matumizi mabaya ya Mali za chama hicho yanayojitokeza katika maeneo nchini ni kutokana na baadhi ya viongozi na watendaji kufunga mikataba ama makubaliano na wafanyabiashara bila ya kuwashirikisha wanasheria ama kupata ushauri kutoka kwa viongozi wa ngazi za juu hali inayopelekea baadhi ya watu kutumia nafasi hiyo kujinufaisha wenyewe badala ya kuangalia maslahi ya CCM.

Vuai alieleza kwamba njia pekee ya kuziweka salama mali mbali mbali za chama hicho ni uwepo wa maridhiano na makubaliano yanayojali na kuzingatia matakwa ya kisheria.

“ Naendelea kusisitiza kwamba mali za CCM hazipo kwa ajili ya kuwanufaisha watu wachache, bali zipo kwa ajili ya kukinufaisha chama ambacho ni taasisi halali ya watu wengi na jambo lolote la umiliki wa Rasilimali zake lazima liendeshwe kwa misingi ya uwazi na usawa kupitia utaratibu halali wa kisheria.

Pia Mali zote kwa sasa ni lazima zitumike ipasavyo kwa mujibu wa matakwa ya sera ya CCM ya siasa kwenda sambamba na ukuaji wa uchumi ndani ya chama chetu.”, alisisitiza Vuai na kuongeza kuwa CCM kwa sasa inaendelea na mipango ya kuhakikisha Rasilimali zake zinatumika vizuri kuimarisha uchumi wa Chama hicho badala ya watu wachache wanaojimilikisha mali hizo kinyume na taratibu.

Alisema lengo la ziara hiyo ni kuhakiki mali za Chama hicho pamoja na kuwakumbusha Viongozi na Watendaji wa Chama na Jumuiya kwamba chombo pekee kinachomiliki mali zote ni Baraza la Wadhamini la Chama hicho hivyo hakuna chombo kingine tofauti na baraza hilo kinachoweza kutoa maamuzi ya kuuza mali za Chama.

Aliwaagiza Viongozi wa Mkoa huo kupitia upya mikataba yote waliyofunga na wafanyabiashara katika eneo linalomilikiwa na CCM ili kuhakikisha maslahi yanayopatikana yanaendana na mahitaji ya wakati uliopo sasa kibiashara.

Aliwasihi Wana CCM kuendelea na utamaduni wa kuwashirikisha viongozi wa ngazi mbali mbali za chama hicho pindi panapotokea kasoro za kiutendaji ili ziweze kutatuliwa kwa kufuata utaratibu wa kinanuni na kimaadili kwa lengo la kuepuka kauli na malalamiko yasiyofaa ndani ya Chama hicho.

Naibu Katibu Mkuu huyo alisema kazi iliyopo sasa mbele ya CCM ni kuendelea kujiimarisha kisiasa huku ikitekeleza ilani ya Uchaguzi ya Mwaka 2015/2020 kwa kasi na kwa ufanisi zaidi ili wananchi waendelee kuiunga mkono na hatimaye Chama hicho kiweze kuandika historia mpya ya ushindi wa mwaka 2020.

Alisema maeneo ya CCM yaliyopo Nungwi ni Rasilimali kubwa kwani yapo katika ukanda wa Utalii hivyo yanatakiwa kulindwa na kuangaliwa vizuri na wahusika yasije yakaangukiwa mikononi kwa watu ambalo ni matapeli na wapinga maendeleo na wakatumia fursa hiyo kupandikiza migogoro na mipasuko isiyokuwa ya lazima ndani ya Chama.

Pamoja na hayo alisema endapo uongozi wa Mkoa huo utahitaji msaada wa kisheria Afisi kuu ipo tayari kuwaunga mkono kwa kuwapa mwanasheria wake ili aweze kuwashauri na kuwaelekeza njia bora ya kufunga mikataba rasmi inayotambulikana kisheria.

Nao Viongozi wa Mkoa huo wameahidi kuzifanyia kazi kwa haraka changamoto zilizojitokeza katika maeneo yanayomilikiwa na chama hicho ili kwenda sambamba na matakwa ya sera ya ukuaji wa uchumi ya CCM.

Walisema licha ya CCM ndani ya mkoa huo kuendelea na harakati za kuimarisha shughuli za kisiasa, bado wana fursa ya kuhakikisha rasilimali za chama hicho hasa zilizopo katika maeneo ya uwekezaji katika sekta ya utalii zinakinufaisha chama badala ya watu wachache wanaojali maslahi binafsi.

VIDEO:Masanja Mkandamizaji amvisha pete mchumba wake.

Unknown 07:04:00 No comments

Miongoni mwa vitu vinavyozungumzwa kwenye mitandao ya kijamii ni pamoja na picha zinazomuonyesha Masanja Mkandamizaji akimvisha pete msichana anaedaiwa kuwa mchumba wake,kwenye picha hizo Masanja na mchumba wake huyo wanaonekana

Moto Wateketeza Madarasa 9 Ya Lindi sekondari

Unknown 07:02:00 No comments

MAJENGO ya madarasa tisa, ofisi za walimu nne, maabara na vyoo katika shule ya sekondari Lindi, vimeteketea kwa moto, unaodaiwa kutokana na hitilafu ya umeme.

Kamanda wa Polisi wa Mkoa wa Lindi, Renatha Mzinga aliwaambia waandishi wa habari kwamba moto huo ulianza saa 7 usiku wa kuamkia jana.

Alisema kikosi cha Zimamoto kilifika eneo la tukio, lakini kutokana na tatizo la kiufundi, walishindwa kufanya kazi ipasavyo.

Kwa mujibu wa kamanda, lililetwa gari la polisi lenye maji ambayo hutumika wakati wa kutuliza ghasia maarufu kama ‘washawasha’ likasaidia kazi ya kuzima moto, kabla ya kudhibitiwa kikamilifu asubuhi ya jana. Hata hivyo alisema wakati jamii ikihangaika kuzima moto huo, mmoja wa watu alikamatwa akidaiwa kuiba kompyuta mpakato.

Ingawa hakuna mtu aliyekufa, kamanda alisema vifaa mbalimbali vilivyokuwamo madarasani, ofisi za walimu na maabara, vimeteketea vyote.

Wananchi waliozungumzia ajali hiyo, walilalamikia utendaji wa kikosi cha Zimamoto kwa kusema si mzuri.

Kwa mujibu wa mashuhuda, gari la Zimamoto lilipofika, madarasa mawili ndiyo yaliyokuwa yameteketea lakini kutokana na kushindwa kuzima moto, uliendelea kusambaa na kuteketeza madarasa tisa, ofisi za walimu na vyoo.

Taarifa zilieleza kuwa jana, Naibu Waziri , Ofisi ya Waziri Mkuu, Tamisemi, Selemani Jafo alikuwa njiani kuja mkoani hapa kuangalia tukio hilo.

Kadi za Mwendokasi ni Sh. 2000 tu...........Tiketi za karatasi mwisho Julai 30

Unknown 07:01:00 No comments

KAMPUNI ya Usafirishaji ya mabasi yaendayo haraka jijini Dar es Salaam (UDART) inatarajia kusitisha matumizi ya tiketi za karatasi ifikapo Julai 30 mwaka huu.

Uamuzi huo unalenga kudhibiti foleni za kununua tiketi za karatasi kutokana na idadi kubwa ya abiria; kati ya 150,000 na 200,000 wanaotumia usafiri wa mabasi hayo kwa siku.

“Kwa siku abiria wapatao laki moja na nusu hadi laki mbili wanatumia usafiri wa mabasi yaendayo haraka kila siku, sasa kumekuwa na foleni vituoni na pia tunakusanya magunia na magunia ya karatasi na kuna maeneo mengine uchafu unakuwa mwingi,” Mkurugenzi Mtendaji wa UDA-RT, David Mgwasa aliwaambia waandishi wa habari jana.

Hata hivyo, kusitishwa huko kwa tiketi za karatasi, kunalenga watu wazima pekee wanaolipa Sh 650. Wanafunzi wanaolipa Sh 200, wataendelea kutumia tiketi za karatasi ambazo zitakuwa zikipatikana kwenye vituo vya mabasi.

Mgwasa alisema licha ya hatua hiyo kulenga kupunguza foleni kwenye vituo, pia itaondoa uchafu unaotokana na tiketi za karatasi.

Wakati huo huo, alisema kutokana na mpango huo wa kusitisha tiketi, kuanzia leo kampuni imepunguza gharama ya ununuzi kutoka Sh 5,000 kwa tiketi za hadi Sh 2,000, Sh 500 itakuwa gharama ya kadi na Sh 1,500 ni nauli.

“Kuanzia kesho (leo) kadi zitauzwa kwa gharama ya Sh 2,000 kwenye vituo vyote vya mabasi ya mwendokasi,” alisema.

Mgwasa alisema tangu kuanza kuuzwa kwa kadi hizo kwa gharama ya Sh 5,000 tayari kadi 55,000 zimeshanunuliwa na kubakia kadi 150,000 ambazo ziko kwenye promosheni ya kuuza kadi kwa Sh 5000.

Alisema baada ya kadi hizo kuisha, abiria atalazimika kununua kadi hiyo kwa thamani ya Sh 5,000 bila kuwekewa fedha za nauli kama ilivyokuwa awali.

Mkuu wa Kitengo cha Biashara wa Maxcom Afrika (MaxMalipo), Deogratius Lazari alisema wamejipanga kuhakikisha tiketi za kadi zinapatikana kwenye vituo vya mabasi. Aliwataka wateja kuhakikisha wanaweka salio katika vituo hivyo.

“ Kampuni za simu ziko katika hatua ya mwisho za kukamilisha mifumo yao ili abiria aweze kuongeza salio kupitia mitandao ya simu ila kwa sasa abiria wanatakiwa kutumia vituo vyetu vya mabasi na wakala wa max malipo,” alisema.

Mabasi ya haraka yalianza kutoa huduma Mei mwaka huu kwa kuanza na tiketi za karatasi na baadaye, kuanzishwa utaratibu wa kadi ambao haujaitikiwa kwa kiwango kikubwa.