Magazeti ya Leo Jumapili june tarehe 5/6/2016

INNOCENT-THE BLOGGER-BOY

Read More →

VIDEO: Askari wa Usalama Barabarani akichukua Rushwa - Juni 01, 2016

INNOCENT-THE BLOGGER-BOY

 Huyu ni askari anayesadikiwa kutoka katika kituo cha Urafiki, kilichoko Ubungo Dar es Salaam.

Alikuwa na wenzake wapatao wanne au watano, mmoja akiwa katika sare za jeshi pia, na wengine wakiwa katika mavazi ya kiraia. Walitega mingo katika makutano ya barabara ya Ubungo Maziwa na Barabara ya Morogoro. Walikuwa wakichukua rushwa kwa dereva wa bodaboda na magari. Mengine, jionee zaidi.

Read More →

Bibi kizee akutwa nyumbani kwa Waziri Nchemba akichawia

INNOCENT-THE BLOGGER-BOY

Bibi kizee alivyonaswa usiku akirandaranda na tunguri nyumbani kwa Waziri Mwigulu Nchemba.

Stori: Francis Godwin, Risasi Jumamosi

DODOMA: Katika hali isiyo ya kawaida bibi kikongwe mmoja ambaye hakuweza kujulikana jina lake, amezua sintofahamu baada ya kukutwa nyumbani kwa Waziri wa Kilimo, Mifugo na Uvuvi, Mwigulu Nchemba akizunguka nyumba yake usiku huku akiwa na tunguri na wembe wenye damu.

Tukio hilo lilitokea Mei 31, mwaka huu majira ya saa 6 usiku katika eneo la Kilimani mjini Dodoma kwenye nyumba ya waziri huyo ambako ni makazi ya mawaziri na viongozi mbalimbali wa umma.

Akizungumza na mwandishi wetu, eneo la tukio, shuhuda wa tukio hilo, Sumai Juma alisema kuwa alimwona mwanamke huyo  akiwa amekumbatia vitu vyake akizunguka nyumba ya waziri.

Baada ya kumwona mtu huyo, alilazimika  kuita mlinzi na kujaribu kumhoji bila mafanikio kutokana na mwanamke huyo kutojua lugha yoyote na kila anachoulizwa alikuwa hajibu zaidi ya kurudia maneno yaleyale ambayo alikuwa akimuulizwa.

“Huyu kikongwe alikuwa kama na zaidi ya  miaka 70 hivi, nilimwona akiwa amesimama katika dirisha la mheshimiwa waziri na baada ya kumfuata alianza  kuzunguka nyumba hiyo asijue mlango wa  kutokea…nyumbani hapa kuna uzio mrefu sana ambao bibi kama huyu hana uwezo wa kupanda na getini muda wote kuna walinzi wa Kampuni ya Moku Security ambao hawakumwona akiingia getini hapo,” alisema Juma.

Hata hivyo, alisema baada ya kumkamata walichunguza mzigo aliokuwa amebeba ambao ulifungwa katika kanga, kulikuwa na kuni kama 17 hivi, kikopo chenye vitu kama ungaunga mweusi mfano wa vumbi, mkaa na wembe aina ya Topaz uliokuwa haujafunguliwa ila ulikuwa umelowa damu.

Juma aliongeza kuwa, baada ya kumkagua na kutokana na mtu huyo kutojitambua, walilazimika kumpeleka Kituo cha Polisi Dodoma ambako walimweka mahabusu baada ya kushindwa kujieleza na asubuhi Waziri Nchemba alilazimika kwenda kuruhusu kuachiwa huru baada ya kumsamehe.

Kwa upande wake Waziri Nchemba alisema ameshindwa kujua lengo la mwanamke huyo katika nyumba yake lakini yeye hana hofu yoyote kwani yupo kwa ajili kuwatumikia wananchi kwa nafasi yake ya uwaziri na hivyo kazi yake anayoifanya anaiweza kwa kuwa anamtanguliza Mungu mbele.

Hata hivyo, alitoa wito kwa Watanzania kuendelea kuliombea taifa kwani kazi  kubwa ambayo serikali ya Rais Dk. John Pombe Magufuli inayofanya ni tunu kubwa ya nchi yetu.

Read More →

Wasanii wafanya uchafu!

INNOCENT-THE BLOGGER-BOY

Zainabu Ally na Naomy Mmbaga wakifanya yao.

Stori: Mwandishi Wetu, Risasi Jumamosi

DAR ES SALAAM: Katika hali ya kushangaza, wasanii wa kike wanaochipukia kwenye anga la filamu Bongo, Zainabu Ally na Naomy Mmbaga, wamenaswa wakifanya vitendo vichafu wakiwa lokesheni.

Tukio hilo lililopigwa chabo na kachero wetu, lilijiri juzikati katika Hoteli ya KD iliyopo maeneo ya Akachube, Kijitonyama jijini Dar wakati wasanii hao walipokuwa wakiigiza muvi yao ndipo walipofanya uchafu huo baada ya kukolea na ‘ulabu’.

“Awali kabla ya kuanza kurekodi walianza kupiga mambo yao, baada ya kurekodi ndipo wakaongezea tena mitungi na hapo ndipo walipokolea na kuanza kufanya mambo ya ajabu,” alizungumza kachero wa kujitegemea aliyeshuhudia tukio hilo.

Kachero wetu alifanikiwa kuwafotoa picha kadhaa lakini alipojaribu kuwauliza kulikoni wafanye vitendo hivyo ambavyo ni kinyume na maadili ya Kitanzania, wasanii hao hawakutoa majibu ya moja kwa moja kutokana na kukolea ulabu.

Hata hivyo, kesho yake Naomy alipatikana na alipoulizwa kwa nini walifanya vitendo hivyo aliomba stori hiyo isitoke kwa madai itamharibia.

“Please iache hiyo bwana, itaniharibia. Si unajua yale ni mambo ya lokesheni tena, mzee akijua itakuwa noma,” alisema Naomy ambaye ameshauza nyago kwenye Sinema ya Laghai, Penzi la Giza, F.B.I, Part of Job Samira na nyingine kibao.

Read More →

Jay Moe - Pesa Ya Madafu (Official Video) | Download Mp4

INNOCENT-THE BLOGGER-BOY

Read More →

TAARIFA KWA UMMA KUHUSU KUAHIRISHWA KWA USAILI WA 08-09 JUNI 2016

INNOCENT-THE BLOGGER-BOY

Katibu wa Sekretarieti ya Ajira katika Utumishi wa Umma kwa niaba ya Tanzania Metrological Agency (TMA), Tanzania Meat Board (TMB), The Local Government Training Institute (LGTI) na Registration, Insolvency And Trusteeship Agency (RITA) alitoa tangazo katika tovuti ya Sekretarieti ya Ajira la kuita kwenye usaili tarehe 1 Juni, 2016 waombaji wa kazi waliowasilisha maombi na kukidhi vigezo kwa taasisi zilizoanishwa hapo juu. Kupitia tangazo hili Waombaji kazi wote waliotangaziwa kuitwa kwenye usaili kwa tangazo hilo wanafahamishwa kuwa usaili huo umeahirishwa mpaka hapo watakapotangaziwa tena hapo baadaye. Kwa Matangazo ya nafasi za kazi yaliyotolewa mnamo tarehe 6 Mei, 2016, 11 Mei, 2016, 18 Mei, 2016 na tarehe 26 Mei, 2016 nayo waombaji kazi watakaokidhi vigezo watataarifiwa hapo baadae kuhusu mchakato wake unavyoendelea. Aidha, Kupitia tangazo hili, Sekretarieti ya Ajira kwa niaba ya Serikali inaomba radhi waombaji kazi wote waliowasilisha maombi na wale waliokuwa wamejiandaa kuhudhuria usaili huo kwa usumbufu wowote utakaojitokeza.

Read More →

Tanzania imetolewa na Misri michuano ya AFCON 2017 leo June 4

INNOCENT-THE BLOGGER-BOY

June 4 2016 ilikuwa ni siku ambayo timu ya taifa ya Tanzania Taifa Stars itacheza mchezo wake wa tatu wa Kundi G wa kuwania kufuzu michuano ya mataifa ya Afrika 2017 AFCON, kwa kucheza na timu ya taifa ya Misri The Pharaos uwanja wa Taifa Dar es Salaam. Huu ni mchezo ambao Taifa Stars alikuwa anahitaji ushindi wa aina yoyote ile.

Huu ulikuwa ni mchezo wa tatu kwa Taifa Stars, lakini ulikuwa ni mchezo wa marudiano na timu ya taifa ya Misri baada ya mchezo wa kwanza kuchezwa Misri June 14 2015 katika mji wa Alexandria na kumalizika kwa Taifa Stars kufungwa jumla ya magoli 3-0, hivyo huu ulikuwa ni mchezo wa kulipa kisasi kwa Taifa Stars, lakini pia ulikuwa ni mchezo wa kutengeneza mazingira ya kufuzu AFCON 2017.

Hata hivyo timu ya Taifa ya Tanzania licha ya kuwa nyumbani imekubali kipigo cha goli 2-0, , magoli ya Misri yalifungwa na mshambuliaji wa zamani wa Chelsea anayeichezea klabu ya AS Roma ya Italia Mohamed Salah dakika ya 43 na 58, kwa upande wa Tanzania Mbwana Samatta alikosa penati iliyopatikana baada ya Himid Mao kufanyiwa faulo ndani ya 18.

Kwa matokeo hayo Taifa Stars wanakuwa wametolewa rasmi katika michuano ya kuwania kufuzu AFCON 2017, lakini imebakiza mchezo mmoja wa kukamilisha ratiba itakayocheza September dhidi ya timu ya taifa ya Nigeria Super Eagles, Misri imefikisha jumla ya point 10, Taifa Stars point moja na Nigeria ina point 2.

Read More →

Watumishi 11 wasimamishwa kazi kwa kuwa na vyeti feki vya form 4

INNOCENT-THE BLOGGER-BOY
 Watumishi 11 mkoani wa idara ya afya mkoani Mbeya wamesimamishwa kazi baada ya kukutwa na kosa la kughushi vyeti vya kidato cha nne hilo limefanyika baada ya zoezi la kuhakikisha vyeti kwa kushirikiana na baraza la mitihani NECTA ikiwa ni mwitikio wa agizo alilotoa rais John Magufuli
Amesema waliwakilisha vyeti vingi NECTA na hivyo 11 ndio vikabainika vilikuwa vya kughushi ambao karibia wote ni wanawake

Read More →

VIDEO | Sherehe ya Uzinduzi Wa label ya WCB WASAFI - Diamond Platnumz[Part 1,2&3]

INNOCENT-THE BLOGGER-BOY

Read More →

APPLICATION ZA KUJIUNGA CHUO KIKUU MUM DIGRII YA KWANZA MWAKA WA MASOMO 2016/2017

INNOCENT-THE BLOGGER-BOY

 

Undergraduate Application Form 2016-2017

Read More →

KUAHIRISHWA KWA USAILI UTUMISHI - 6/3/2016

INNOCENT-THE BLOGGER-BOY

Katibu wa Sekretarieti ya Ajira katika Utumishi wa Umma kwa niaba ya Tanzania Metrological Agency (TMA), Tanzania Meat Board (TMB), The Local Government Training Institute (LGTI) na Registration, Insolvency And Trusteeship Agency (RITA) alitoa tangazo katika tovuti ya Sekretarieti ya Ajira la kuita kwenye usaili tarehe 1 Juni, 2016 waombaji wa kazi waliowasilisha maombi na kukidhi vigezo kwa taasisi zilizoanishwa hapo juu.

Kupitia tangazo hili Waombaji kazi wote waliotangaziwa kuitwa kwenye usaili kwa tangazo hilo wanafahamishwa kuwa usaili huo umeahirishwa mpaka watakapotangaziwa tena hapo baadaye.  

Kwa Matangazo ya nafasi za kazi yaliyotolewa mnamo tarehe 6 Mei, 2016, 11 Mei, 2016, 18 Mei, 2016 na tarehe 26 Mei, 2016 nayo waombaji kazi watakaokidhi vigezo watataarifiwa hapo baadae kuhusu mchakato wake unavyoendelea.

Aidha, Kupitia tangazo hili, Sekretarieti ya Ajira kwa niaba ya Serikali inaomba radhi waombaji kazi wote waliowasilisha maombi na wale waliokuwa wamejiandaa kuhudhuria usaili huo kwa usumbufu wowote utakaojitokeza.

Imetolewa na

X.M. DAUDI

KATIBU

Sekretarieti ya Ajira Katika Utumishi wa Umma.

Read More →

Mambo Mawili Yanayoibana Serikali Katika Mgogoro wa Wanafunzi 7000 Waliotimuliwa UDOM

INNOCENT-THE BLOGGER-BOY

Mhadhiri wa Chuo Kikuu cha Dar es Salaam (UDSM), Profesa Kitilla Mkumbo amesema kuna mambo mawili yanayoibana Serikali katika mgogoro wa wanafunzi waliotimuliwa Chuo Kikuu cha Dodoma (Udom).

Akizungumza jana kwenye kipindi cha ‘Kipima Joto’ kinachorushwa na kituo cha luninga cha ITV, Profesa Mkumbo alisema Serikali haiwezi kukwepa lawama, kwa sababu ndiyo iliyoanzisha utaratibu wa kudahili wanafunzi wa kidato cha nne kupitia mfumo maalumu kabla ya kuanza kusoma shahada ya chuo kikuu.

Pia, alisema Tume ya Vyuo Vikuu Tanzania (TCU), haiwezi kuhusika moja kwa moja kwenye udhaifu uliojitokeza katika udahili wa wanafunzi hao, bali Seneti ya Udom inapaswa kuwajibika katika hilo.

Alisema kuna udhaifu wa kiutendaji kwa seneti hiyo yenye mamlaka ya kudahili wanafunzi wenye sifa ambayo iliiacha kazi hiyo  mikononi mwa TCU.

Mkumbo alisema kazi ya TCU ni kuidhinisha majina ya wanafunzi waliokwisha dahiliwa na chuo husika na si kuchagua.

“Chuo chochote ndicho kinachagua wanafunzi wenye sifa wanazozihitaji, inashangaza kuona Udom imefanyiwa kazi hiyo, baraza na seneti wanapaswa  kuwajibika kwanza, TCU haiwezi kukichagulia chuo wanafunzi,” alisema Profesa Mkumbo.

Hata hivyo, alitoa angalizo kwa Serikali kutodharau mfumo huo wa udahili kwa wanafunzi ambao hawakuhitimu Kidato cha Sita kama ilivyoamriwa na Serikali ya Awamu ya Nne, kuwa upo na unatumika duniani kote.

“Ila kama Rais (John) Magufuli hautaki na ameona turudi kwenye mfumo wa zamani ambao mwanafunzi anapaswa kufaulu  kidato cha sita ndiyo ajiunge na chuo kikuu sawa,  lakini atambue kuwa kuna hasara na faida zake, vyuo vingi vinaweza kufungwa,” alisema Mkumbo

Mbali ya mfumo huo, profesa huyo alisema upo mfumo mwingine wa udahili kwa mtu yeyote mwenye umahili katika taaluma yake kusoma shahada kwa kuzingatia vigezo maalumu vilivyowekwa.

“Ila hakuna jinsi, nadhani  TCU wamemsikia Rais kuwa hataki njia za mkato tena.”

Mei 29, Udom iliwasimamisha masomo zaidi ya wanafunzi 7,000 wa kozi maalumu ya ualimu wa sayansi kwa ngazi ya stashahada na kuwataka waondoke chuoni mara moja.

Amri hiyo iliyotolewa na Wizara ya Elimu, Sayansi, Teknolojia na Mafunzo ya Ufundi, ilisema Serikali imeamua warejee kwao na wataelezwa mustakabali wao mapema iwezekanavyo.

Hata hivyo, Rais John Magufuli juzi alisema baadhi yao walikuwa vilaza, hivyo wajitafutie mahali pa kwenda huku wenye ufaulu wa daraja la kwanza na pili aliahaidi kuwa wataandaliwa utaratibu.

Read More →

Wabunge wa CCM Wapinga Shinikizo la Wapinzani Kutaka Kumng'oa Naibu Spika, Dk.Tulia Ackson

INNOCENT-THE BLOGGER-BOY

WABUNGE watatu wa Chama Cha Mapinduzi (CCM), wakiongozwa na Dk Abdallah Possi ambaye ni Naibu Waziri wa Nchi, Ofisi ya Waziri Mkuu (Sera, Bunge,Kazi, Ajira, Vijana na Walemavu), wameutaka umma uelewe kuwa shinikizo la wapinzani bungeni kuhusu utendaji wa Naibu Spika, Dk Tulia Ackson lina uonevu wa kijinsia.

Katika mkutano huo na wanahabari uliofanyika ofisi za Waandishi wa Habari, bungeni mjini Dodoma  jana, Dk Possi aliongozana na Mbunge wa Muleba Kusini, Profesa Anna Tibaijuka na Mbunge wa Sikonge, Joseph Kakunda.

Wakizungumza kwa nyakati tofauti, walisema hawakubaliani na mkakati wa kambi ya upinzani kutaka kumng’oa Naibu Spika, Dk Tulia Ackson, kwa sababu ni mkakati wenye shinikizo la kisiasa na ubaguzi dhidi ya wanawake.

Dk Possi alisema wabunge wa kambi ya upinzani hawana hoja za msingi kutaka kutekeleza mkakati wao huo kwa sababu si mara ya kwanza kwa wanaokiuka kanuni na taratibu za Bunge kutolewa au kusimamishwa.

“Tunaamini kinachotokea sasa ni msukumo wa kisiasa kwa kuwa wabunge wana njia ya kufanya kuwasilisha malalamiko yao, ikiwa wanaona wameonewa na si kupanga mkakati wa kumtoa madarakani wanayeamini anawakosea. Wana nafasi ya kukata rufaa,” alisema Dk Possi.

Profesa Tibaijuka alisema wakati Samwel Sitta akiwa Spika aliwatoa wabunge wasiofuata kanuni na hakukuwa na yanayotokea sasa, jambo linaloonesha kuwa wanamlenga Dk Tulia kwa sababu ni mwanamke.

Kakunda alisema anaamini pia kuwa maamuzi hayo ya kambi ya upinzani yana msukumo wa kisiasa kwa sababu hoja zao hazina msingi

Read More →

waziri Mpango Aomba Apewe Majina ya MAJIPU BoT

INNOCENT-THE BLOGGER-BOY

WAZIRI wa Fedha, Dk Phillip Mpango, amemtaka Mbunge wa Tabora Kaskazini, Almas Maige (CCM) kumpa ushahidi ikiwemo majina ya wafanyakazi wa Benki Kuu ya Tanzania (BoT), aliowatuhumu kufanya biashara na mwajiri wao.

Dk Mpango alisema hayo Jumatano usiku alipokuwa akijibu hoja za wabunge kuhusu Bajeti ya Wizara ya Fedha na Mipango na kuongeza kuwa akipewa ushahidi huo, ataufanyia kazi.

Awali katika mchango wake, Maige alisema anao ushahidi wa maandishi (huku akiwa ameushika), unaoonesha kuwa kati ya mashirika ya umma yanayovunja Sheria ya Manunuzi, BoT ipo.

Alidai kuwa Sheria ya Manunuzi imetoa fursa ya kuanzishwa kwa vitengo na idara za manunuzi (PMU), lakini fursa hiyo imekuwa ikitumiwa vibaya na vijana wa vitengo, hivyo kuiibia Serikali.

Kwa mujibu wa madai ya Maige, katika benki hiyo kuna vijana wamefungua makampuni ambao wamekuwa wakiyatumia kuomba zabuni za benki hiyo na kuyalipa.

Mbali na tuhuma hiyo, Maige ambaye alitangaza maslahi kuwa yeye ni mkandarasi wa daraja la kwanza, alidai pia kuna vijana wengine wamekuwa wakitoa zabuni kwa kampuni za nje ya nchi, ili watumie zabuni hiyo kupata safari za nje.

Alidai kuwa vijana hao baada ya kutoa zabuni kwa kampuni za nje, hutengeneza safari za kwenda kufanya uhakiki (due diligence) katika nchi zinakotoka kampuni hizo, ambako huko hupokea rushwa.

Katika kuthibitisha hilo, Maige alidai kuwa vijana hao wamediriki kutoa zabuni kwa kampuni iliyofungiwa na Mamlaka ya Manunuzi ya Umma Tanzania (PPRA).

Akijibu hoja hiyo, Dk Mpango alisema tuhuma hizo ndio kazisikia bungeni, hivyo hana uhakika ila akipewa ushahidi ataufanyia kazi kwa kuwa, utumbuaji majipu umesaidia kuongeza mapato na kutoka mfano wa makusanyo ya Sh trilioni moja kila mwezi.

Hivi karibuni, Serikali ilisitisha utoaji wa Sh bilioni 925 zilizokuwa zimeidhishwa na BoT kwa ajili ya kulipa malimbikizo ya madeni ya Serikali.

Mbali na hilo, Serikali iliagiza Kitengo cha Madeni ya Nje ambacho awali kilikuwa chini ya BoT na baadaye kupelekwa wizarani, kirejeshwe mara moja ili kuimarisha udhibiti wa ukopaji na ulipaji wa madeni.

Kabla ya agizo hilo, ilielezwa kuwa malipo hayo yalikuwa yameidhinishwa na BoT kwa ajili ya kulipa malimbikizo ya madeni mbalimbali lakini Serikali ikaagiza fedha hizo zirejeshwe Wizara ya Fedha na Mipango kwa ajili ya kufanyiwa uhakiki upya.

Read More →

Vitisho Kwa Njia ya Simu Vyamfikisha Mahakamani.

INNOCENT-THE BLOGGER-BOY

Mkazi wa Kijiji cha Misasi Mariamu Nestory (20) amefikishwa Mahakama ya Wilaya ya Misungwi mkoani Mwanza kujibu shtaka la kutoa lugha ya vitisho kwa njia ya simu.

Mwendesha Mashtaka wa Polisi, Doroth Mgenyi alidai kuwa Mei 2  saa 8:15 mchana,  mshtakiwa  huyo kwa kutumia simu  aliandika ujumbe wa vitisho kwa Diana Kabula kinyume cha sheria ya makosa ya mtandao kifungu 18 (1) ya mwaka 2015.

Alinukuu ujumbe huyo akidai:  “Ujiandae siku utakayoingia anga zangu, sali sala ya mwisho, ulisikia kisa cha Sengerema ndivyo nitakavyokufanya... ikishindikana kukuua kwa mikono yangu nitakuroga uwe kichaa.” 

Hata hivyo, mshtakiwa huyo alikana shtaka.

Read More →

Kauli za Rais Magufuli Zawa Gumzo Nchini

INNOCENT-THE BLOGGER-BOY

Kauli mbalimbali zinazoendelea kutolewa na Rais John Magufuli, zimezua mjadala miongoni mwa wasomi nchini.

Kwa mfano, wanasema kauli ya kukosoa udahili wa wanafunzi katika Chuo Kikuu cha Dodoma (Udom) na ile ya kuelekeza hatua za kuchukua dhidi ya watu wanaotumia kimakosa barabara za Mabasi Yaendayo Haraka (Udart), inaashiria kuna tatizo kubwa la utendaji serikalini.

Walisema ni jambo lisiloingia akilini, wanafunzi wadahiliwe na kuanza masomo kisha baadaye wafukuzwe kwa maelezo kuwa Serikali haiwezi kulipia ada wanafunzi ‘vilaza’.

Akizungumzia kauli hizo jana, Mhadhiri wa Chuo Kikuu Dar es Salaam (UDSM), Dk James Jesse alisema hakuna sheria za usalama barabarani zinazotamka mtu akifanya kosa gari lake litolewe magurudumu.

Juzi wakati akiweka jiwe la msingi kwa ajili ya ujenzi wa maktaba ya kisasa ya UDSM, Rais Magufuli alisema mpango maalumu uliopitishwa na Serikali ya Awamu ya Nne wa wanafunzi kusoma diploma ya ualimu Udom, unajumuisha waliofeli.

Mhadhiri wa Chuo Kikuu Huria (OUT), Hamad Salim alihoji: “Rais amesema wanafunzi waliopo Udom ni vilaza ila waziri wa elimu (Profesa Joyce Ndalichako) alisema wanafunzi wanaosoma mafunzo hayo hakuna aliyepata daraja la nne. Sasa hapo nani mkweli.”

“Kupishana huku kwa kauli kunatupa mashaka na utendaji kazi wa baadhi ya viongozi serikalini."

Hamad alisema suala kama hilo lilipaswa kutolewa ufafanuzi na waziri husika na si Rais.

Alisema umefikia wakati wa kiongozi huyo mkuu wa nchi kubaini changamoto na kutoa maelekezo na si kuzungumzia kila kitu.

Read More →

Magazeti ya Leo Jumamosi ya Juni 4, 2016

INNOCENT-THE BLOGGER-BOY

Read More →