TANESCO YAALIKA WAWEKEZAJI ZAIDI KWENYE VIWANDA ARUSHA

Meneja wa TANESCO jijini Arusha Mhandisi Herini Mhina(kushoto), akimsikiliza Meneja wa Shirika hilo wilaya ya Ki-TANESCO Mirerani, Mhandisi Zacharia Masatu, akifafanua kuhusu namna TANESCO ilivyoweza kufikisha umeme wa kutosha kwenye eneo la Mirarani Januari 21, 2019. 

***

UWEKEZAJI kwenye miundombinu ya umeme uliofanywa na Serikali kupitia Shirika la Umeme Tanzania TANESCO umeanza kuzaa matunda eneo la machimbo ya madini Mirerani mkoani Manyara.

Serikali kupitia TANESCO iliwekeza kwa kujenga kituo cha kupoza na kusambaza umeme cha KIA na hivyo kuwezesha hali ya upatikanaji umeme ulio bora na wa uhakika kwenye eneo la Mirerani kuongezeka.

Kwa sasa matumizi ya umeme kwenye eneo lote la Mirerani ni kiasi cha Megawati 3.5 lakini kubwa zaidi miongoni mwa watumiaji wakubwa walioanza kufaidika na uwekezaji huo ni pamoja na kiwanda cha Godmwanga Gems Limited kinachojihusisha na kuchimba na kuchakata madini ya Kinywe (Graphite) na kile cha Mirerani Tanzanite vyote viko Mirerani.

Meneja wa Shirika la Umeme wilaya ya Ki-TANESCO Mirerani Mhandisi Zacharia Masatu amewaambia waandishi wa habari wanaotembelea eneo hilo kuwa kiwanda hicho pekee kinatumia kiasi cha Megawati 1.1 ya umeme.

Aidha Meneja wa TANESCO jijini Arusha Mhandisi Herini Mhina amesema jiji lina ziada ya umeme Megawati 50, na hivyo amewahimiza wawekezaji katika sekta ya viwanda vikubwa, vya kati na vidogo kuwekeza ili kufaidi uwekezaji wa serikali katika miundombinu ya umeme nchini.

“Wito wetu kwa wafanyabiashara na wawekezaji, waje wawekeze kwenye mkoa wetu wa Arusha sababu kama tulivyoeleza awali tuna umeme wa kutosha, kwa mkoa mahitaji ni Megawati 75 na uwezo wa kituo chetu ni Megawati 120 kwahiyo unaweza kuona tuna ziada inayofikia Megawati 50” ,lisema Mhandisi Mhina.

Mhandisi Mhina alibainisha kuwa, viwanda vinaweza kuleta matokeo makubwa ya uwekezaji katika miundombinu ya umeme uliofanywa na serikali kwani matumizi ya kiwanda kimoja inaweza kuwa ni mahitaji ya wilaya nzima.

“Viwanda ni njia mojawapo inayoweza kutupeleka kwenye uchumi wa kati tunaotaka kwa haraka zaidi”, alisisitiza.

TANESCO ilifunga mitambo ya kuingiza umeme wa kutosha kwenye kiwanda cha Godmwanga Gems Limited na kwamba kinajitegemea ambapo kuna jumla ya transfoma pozo kubwa tatu na gharama za ufungaji wa mitambo hiyo zinakadiriwa kufikia shilingi Milioni 60.

Aidha afisa wa kiwanda hicho cha kuchimba na kuchakata madini ya Kinywe (graphite), Nai Mainga alisema kiwanda kilianza uzalishaji wa madini hayo ya graphite (kinywe) Juni 2018 na kwamba tangu uzalishaji uanze hadi hivi sasa, tayari wamezalisha kiasi cha tani 5,600 na wateja wakubwa wa madini hayo ni China.

“Matumizi makubwa ya madini hayo ya kinywe hutumika kutengeneza vitu maka betri na tunapozungumzia betri ni pamoja na betri zile kubwa za magario na mitambo, lakini pia kuna taarifa kuwa madini hayo hutumika kutengeneza bati maalum la kuzuia injini ya ndege ili isipate moto sana kwani madini haya huchomwa sana ili kupata zao la mwisho”, alifafanua.

Alisema kuna baadhi ya nchi ambazo tayari zimeanza mchakato wa kusitisha matumizi ya petrol kuendeshea magari na hivyo kuna uwezekano wa kutumia madini haya ili kutengeneza betri za kuendesha magari.

SOMA ZAIDI HAPA

Read More →

MAGUFULI ABADILI ‘GIA ANGANI’ MKUTANO WA MADINI...AWEKA PEMBENI MAWAZIRI

Rais John Magufuli amebadilisha mfumo wa ratiba katika mkutano wa madini, ambapo badala ya mawaziri kuwahutubia wadau kwenye mkutano huo, amewataka wadau kutoa changamoto wanazokutana nazo ili waweze kupata suluhisho la matatizo yao.

Lengo la kufanya hivyo ni kutaka kujua kwa nini Tanzania haifaidiki kwa kuuza madini na haimo katika Benki ya Dunia (WB) kwa kuongoza katika kuuza madini hata katika nchi za Afrika Mashariki.

Mkutano huo unafanyika katika ukumbi wa kimataifa wa Julius Nyerere jijini Dar es Salaam unashirikisha wachimbaji, wafanyabiashara na wadau wa sekta ya madini nchini.

“Tunataka tujue kwa nini madini yanatoroshwa na wanaosindikiza ni askari, tume ya madini inafanya nini katika kuhakikisha biashara hii inafanya vizuri, kwa nini Tanzanite pamoja na kujenga ukuta bado inatoroshwa, kwa nini hatuna maeneo ya soko ya madini,” amesema Rais Magufuli

“Tunataka leo tujue tunakosea wapi na kama ni mapepo wachungaji wako hapa, hivyo ni lazima makatibu wakuu, watendaji na mawaziri watueleze kwa nini,” ameongeza.

Amesema kwa maoni yake ameona hayo ndiyo ya kujadiliwa na kuangalia nani anayeanza badala ya viongozi kuwaeleza yao bila kujua changamoto za kweli.

“Ili tutoke kwenye dimbwi hili la sekta kuchangia asilimia nne tufike huko kwenye asilimia 10 mnayoitaka basi tuonyeshe uzalendo wa kweli katika sekta hii,” amesema Rais Magufuli.

SOMA ZAIDI HAPA

Na Aurea Simtowe, Mwananchi

Pakua App mpya ya Malunde 1 blog imeboreshwa zaidi ili kukidhi mahitaji ya wasomaji wetu. Hii ndiyo mpya kabisa,ina alama hii ↡↡

Ni rahisi sana : Ingia Play store kisha Andika Malunde 1 blog halafu bonyeza Install

Au  Bonyeza mara moja tu <<HAPA>>

Read More →

RONALDO AFIKISHWA MAHAKAMANI KWA KUKWEPA KULIPA KODI

Nyota wa soka Cristiano Ronaldo amewasili mjini Madrid huku akiandamwa na idadi kuwa ya waandishi habari ambapo anakabiliwa na mashtaka ya kukwepa kulipa kodi ambayo huenda yakasababisha kupigwa faini ya €18.8m (£16.6m) .

Jaji mmoja alikataa ombi la mchezaji huyo kuhudhuria kesi hiyo kupitia kanda ya video ama hata kuingia katika jumba hilo kwa kutumia gari ili kuzuia kuandamwa na vyombo vya habari.

Anatarajiwa kukiri mashtaka hayo katika makubaliano ambayo yatamlazimisha kuhudumia kifungo cha mezi 23 jela.

Nchini Uhispania, wafungwa huwa hawahudumii kifungo cha chini ya miaka miwili.

Hali ya makosa ya Ronaldo inamaanisha kwamba hatohudumia kifungo jela.

Mchezaji huyo wa Juventus ambaye aliichezea klabu hiyo usiku wa kuamkia mashtaka hayo aliwasili akiwa anatabasamu.

Wakili wake alikuwa amehoji kwamba kutokana na umaarufu wake , alipaswa kutotumia lango kuu la mahakama kutokana na hali ya usalama.

Así ha llegado Cristiano Ronaldo a la Audiencia Provincial. De la mano de Georgina, firmando autógrafos y sonriente: “Estoy perfecto”

Ronaldo ambaye ni bingwa mara tano wa taji la Ballon d'Or na kuwa miongoni mwa wachezaji bora duniani, anatuhumiwa kwa kukwepa kulipa kodi nchini Uhispania kati ya 2011 na 2014 wakati alipokuwa akiichezea klabu ya Real Madrid wakati huo akiwa na makao yake nchini Uhispania.

Kesi hiyo inaangazia mikataba ya haki za picha zake.

Viongozi wa mashtaka wanasema kuwa fedha hizo zilipitishwa kupitia kampuni zinazotozwa kodi ya chini katika mataifa ya kigeni ili kukwepa kulipa kodi iliohitajika.

Kitita hicho kilidaiwa kuwa cha €14.8m.

Mwaka 2017, wakati madai hayo yalipochipuka, viongozi wa mashtaka walisema kuwa ulikuwa ukiukaji wa ahadi yake nchini Uhispania.

Lakini wakili wa Ronaldo alisema kuwa kutoelewana kuhusu kile kilichohitajika na kili ambacho hakikuhitajika chini ya sheria za Uhispania na kuzuia jaribio lolote la kukwepa kulipa kodi.

Makubaliano hayo yaliofanyika mwezi Juni mwaka uliopita yaliafikiwa na mamlaka ya ushuru nchini Uhispania.

Yatawasilishwa mbele ya jaji siku ya Jumanne mahakamani.

Jaji huyo atatangaza uamuzi wake katika kipindi cha siku zijazo.

Ronaldo sio mchezaji wa kiwango cha juu wa pekee kukabiliana na mkono wa mamlaka ya ushuru nchini Uhispania.

Mchezaji mwezake wa zamani Xabi Alonso pia anatarajiwa kuwasili mahakamani siku hiyohiyo kwa mara ya kwanza akishtakiwa na shataka kama lake la makosa ya haki za picha zake ya takriban €2m.

Ronaldo pia anakabiliwa na shtaka jingine: Mchezaji huyo anatuhumiwa kutekeleza ubakaji mjini Las Vegas 2009, mashtaka ambayo anapinga.

Chanzo : Bbc

Read More →

DAWATI LA MALALAMIKO YA RUSHWA YA NGONO RASMI SHINYANGA

Waandishi wa habari  wakitekeleza majukumu yao ofisi ya TAKUKURU (m) Shinyanga,Kaimu mkuu wa takukuru mkoa wa shinyanga Francis Luena(kulia).

Taasisi ya Kuzuia na Kupambana na Rushwa mkoa wa Shinyanga imelianzisha dawati maalumu litakalosikiliza na kushughulikia vitendo vya rushwa ya ngono kwa wanafunzi wa shule na vyuo ambao wametajwa kukabiliwa na kadhia hiyo kwa muda mrefu. 

Kaimu mkuu wa TAKUKURU mkoa wa shinyanga Francis Luena alibainisha hayo jana Jumatatu 22,2019 wakati akitoa taarifa ya utendajikazi wa taasisi hiyo kuanzia mwezi oktoba hadi desemba 2018,kwa waandishi wa habari na kusema kuanzishwa kwa dawati hilo ni miongoni mwa mikakati itayotoa  fursa kwa wanafunzi ambao wamekuwa wakikosa sehemu sahihi ya kukimbilia kutoa taarifa wakati wanapokutana na mkasa huo. 

“tuliwahi kufanya utafiti wa rushwa ya ngono kwenye shule za msingi,kwa kweli ule utafiti ulisikitisha tulibaini baadhi ya walimu wanatumia mbinu ya kumchapa na kumpatia adhabu kali mwanafunzi kumbe lengo lake ni kumtaka mwanafunzi huyo kingono,kwa hiyo dawati hili litatoa mwanya kwa wanafunzi kuleta taarifa hizo na kuweza kufanyiwa kazi,” alisema Luena. 

Baadhi ya wanachuo wa chuo cha Mtakatifu Joseph mkoani Shinyanga wameiambia www.malunde.com kuwepo kwa vitendo vya manyanyaso ya kingono kutoka kwa wakufunzi katika baadhi ya vyuo na kwamba hatua hiyo itasaidia kupunguza vitendo hivyo vinavyowaathiri wanafunzi kisaikolojia. 

Kwa mujibu wa sheria ya kuzuia na kupambana na rushwa Na.11 ya mwaka 2007 imeitaka taasisi hiyo kuchunguza,kuelimisha umma na kufanya utafiti , kwenye miradi mbalimbali ikiwa ni pamoja na kuwafikisha mahakamani watuhumiwa wanaojihusisha na masuala ya rushwa. 

Na Malaki Philipo - Malunde1 blog

Read More →

Je Kwanini Baadhi Ya Wanaume Wengi Wana Ukosefu Ama Upungufu Wa Nguvu Za Kiume Na Maumbile Madogo

JE KWANINI BAADHI YA WANAUME WENGI WANA UKOSEFU AMA UPUNGUFU WA NGUVU ZA KIUME NA MAUMBILE MADOGO ???

Pata sululisho la matatizo haya na  magonjwa mengine utapona kwa mda mfupi sana hatakama ulihangaika mpaka ukakata tamaaa 

GALIMBO 3 MIX  ni dawa ya mitishamba iliyotengenezwa kwa aina mbili ili kukidhi mahitaji ya mtumiaji, imetengenezwa kwa muundo wa vidonge pamoja na unga kwaajili ya kuponesha tatizo moja kwa moja , huimalisha misuli ya uume iliyolegea wakato wa tendo la mdoa ,na kukufanya ucherewe kufika kileleni kwa mda wa dk ( 20 - 45 ) itakufanya uludie tendo la ndoa zaidi ya Mara tatu nira hamu kuisha wara kuhisi kuchoka vilivile huzalisha viini vya uzazi ( manii ) 

YOLAN  hurefusha na kunenepesha  maumbile madogo ya uume na kuwa na uume kuanzia nchi (6-8) tiba kwa mda mfupi sana

Zipo sananu nyingi sana zinazosababisha matatizo hayo  km vile -:punyeto, kisukali,ngili,chango,vidonda vya tumbo,  tumbo kuunguluma na kujaa gesi maumivu ya mgongo ama kiume ,kolodani moja kuvimba ama kuingia ndani  presha nk 

Matatizo haya yote sio mageni, kigeni ni tiba sahihi ya kuponesha matatizo hayo

SUPER MBUKE -:  nidawa ya kuponesha tatizo la kisukali kwa mda mfupi sana , usihangaike wara kuteseka tumia dawa ya mitishamba kwaajili ya tatizo hili na upone kabisa

NTINJIWA  nidawa ya mvuto wa biashara,kazi, kupandishwa cheo,kumfanya mfanyakazi apendwe na bos wake

Pia ninadawa za kumvuta mme , mke,mchumba,hawara, au mtu yoyote unaemuhitaji katika maisha yako hata km yupo mbali na atatulia na kukutimizia cjovjote utakacho na kumfunga asiwe na mtu mwingime ,

Pata tiba za magonjwa mbalimbali ikiwemo miguu kuwaka moto, mgongo,bawasili ,kaswende ,gono na mengine mengi

KWAUSHAULI NA TIBA WASILIANA NA DR CHIKAGO    0743543944   0620510598

Km huna nafasi ya kufika ofisini hudumahii utaletewa hapo ulipo , kwa wale wa mikoani natuma kwanjia ya basi

Read More →

Kwanini Baadhi ya Wanaume Wana Maumbile Mafupi na Upungufu wa Nguvu za Kiume? Suluhisho Hili Hapa

Tatiza, hili limekuwa likiwaathiri watu wengi sana kisaikolojia hasa baadhi yao kujiona wako tofauti na wanaume wengine. Kwa kawaida, mwanaume anatakiwa awe na uume, usiopungua nchi 6-7au-8 ,vinginevyo mtu huyo anamatatizo.


Zipo sababu nyingi zinazosababisha tatizo hilo... baadhi ni  upungufu wa vichocheo vya, HORMONES ZA CETROGEN .

SUPER MIZIZI, ni dawa inayozalisha HORMONES ZA CETROGEN,na kufanya, uume kukuwa na kuongzeka sazi utakayo na kuzibua mrija iliyosinyaa,

NSHOLA; ni dawa bora, ya kurudisha nguvu za kiume kwa kutibu kabisa  tatizo hilo na kukupa  hamu ya  kurudia tendo la ndoa zaidi ya mara nne 4 bila kuchoka 

Pia  kuna dawa za kutibu presha ya kupanda na kushuka, kisukari , kuondoa mafuta  mwilini na maumivu ya mgogo kiuno, matazo, ya hedhi kwa wanawake, hedhi zisizokuwa na mpangilio.

NKANYA; ni dawa ya mvuto wa kimapenzi ,mchumba mpenzi aliyekuacha, mke, mme atakurudia .

NKOMA; Ni dawa kuongeza HIPS na mguu wa bia kwa wadada ,

NGAKAMA ,ni dawa ya kutibu miguu kufa ganzi na kuwaka moto, huduma zetu ,zipo ,vizuri, popote pale dawa utaletewa! 

DR SITTA, amebobea kwa tiba asilia 

Kwa DAR ANAPATIKANA MBAGALA ZAKHEM, SONGEA BOMBAMBILI, SHINYANGA- KAHAMA MJINI, 

KWA MAELEZO ZAIDI  PIGA SIMU; 0763172670/ 0715172670,/

WOTE  MNAKARIBISHWA... KAMA, UTAKUWA NA TATIZO, UTAHUDUMIWA,

Read More →

TAIRI LA GARI ,MATUNDA YATUMIKA KUTOROSHA MADINI

Wadau wa sekta ya madini nchini wameeleza kusikitishwa na namna ambavyo biashara ya madini inavyoendelea kuendeshwa kimagendo huku wakaguzi wa madini na Jeshi la Polisi wakiwa hawazijui njia hizo.

Wadau wameeleza njia hizo wakati wakizungumza mbele ya Rais Magufuli ambaye ni mgeni rasmi katika mkutano wa kisekta wa Wizara ya Madini katika ukumbi wa mikutano wa JNICC Jijini Dar es salaam.

Mdau wa dhahabu aliyejitambulisha kwa jina la Solomon Mihayo wa mkoani Geita amesema kuwa watu wanasafirisha dhahabu kimagendo mipakani na licha ya ukaguzi unaofanyika lakini hawawezi kujulikana.

"Mhe. Rais kuna watu wanaiibia serikali lakini siwezi kutaja ni watu gani, watu wanachana kabichi na kuweka hadi kilo mbili za dhahabu na wanapita nazo tu mipakani, watu wanatumia tairi za gari wanaweka dhahabu hadi kilo 10 na hawatambuliki, wengine wanapasua matikiti maji haya wanaficha dhahabu na kupita nazo mipakani", amesema Solomon.

"Kuna mazingira mengi ambayo Polisi pekee hawawezi kutambua, tutawalumu bure tuu. Wanafanya kazi kubwa sana polisi lakini hawawezi kupambana nao", ameongeza.

Pia bwana Solomon kwa niaba ya wadau wa dhahabu, ametoa mapendekezo kuwa wajumuishwe katika kamati zinazoundwa na Wizara husika ili waweze kusaidia kuwatambua na kuwakamata wezi hao.

Read More →

SULUHISHO LA UVAMIZI WA ARDHI NA HIFADHI ZA WANYAMA PORI NCHINI

Tanzania inapanga kutathmini upya mipaka ya hifadhi na mbuga zake za wanyama pori na misitu katika kukabiliana na ongezeko la matumizi ya radhi.

Rais John Magufuli ameagiza kusitishwa kwa mpango wa kuwatimua wakaazi wa vijiji vilivyopo kwenye hifadhi za wanyama pori na misitu.

Wizara husika zimetakiwa kutambua na kubaini hifadhi zote na misitu ambazo hazina wanyama pori zitakazoweza kugawanya kwa wakulima na wafugaji ambao wameweka makaazi katika baadhi ya hifadhi nchini.

Hatua hiyo imenuiwa kukabiliana na kuongezeka kwa matumizi ya ardhi hususan kwa jamii za wafugaji na wakulima waliojikita katika maeneo hayo ya hifadhi za wanyama pori.

Taarifa zilizopo ni kwamba wizara zote husika zinapaswa kutekeleza agizo hilo pasi kuchelewa.

Jamii tofuati kama ya Wamaasai ambao ni wafugaji, pia ni wanaohama hama katika kutafutia mifugo yao malisho ni sehemu ya watu wanaoishia kuishi katika hifadhi za wanyama pori.

Mwandishi, mkaazi mjini Arusha, Jane Edward alisema   Ngorongoro ni mojawapo ya hifadhi Tanzania ambapo binadamu wanaishi katika makaazi ya wanyama kwa muda mrefu.

Ameeleza kwamba hilo ni mojawapo ya kivutio kikubwa kinachoitambulisha hifadhi hiyo.

Chanzo:Bbc

Read More →

MANNY PACQUIAO AVAMIWA NA WATU WASIOJULIKANA LOS ANGELES

Nyumbani kwa Manny Pacquiao Los Angeles mjini Los Angeles.

Nyumba yake ambayo ipo Los Angeles Marekani ilivamiwa muda mchache tu baada yakushinda pambano lake dhidi ya Adrien Broner.

Ripoti iliyotolewa na Polisi wa mjini Los Angeles imeeleza kuwa nyumba hiyo ilivamiwa usiku wa Jumapili na wezi ambao hawakuweza kuiba chochote kutokana na wana usalama hao kuwahi eneo la tukio na kudhibiti hali hiyo.

Polisi wameeleza kuwa walitumiwa ujumbe juu ya kuwepo kwa wezi hao na mtu mmoja katika timu ya Pacquiao hivyo wakawahi kwa polisi.

Pacquiao alishinda pambano hilo dhidi ya Adrien kwa pointi na baada ya pambano hilo la (WBA world welterweight) akaweka wazi kuwa anahitaji kurudiana na bondia Floyd Mayweather ambaye alimpiga mwaka 2015.

Chanzo:Eatv

Read More →

WAZIRI LUGOLA ATAJWA KUTETEA WATUHUMIWA

Waziri wa Mambo ya Ndani ya Nchi, Kangi Lugola amepongezwa kwa hatua yake ya kuwatetea baadhi ya watuhumiwa ambao wamekuwa hawatendewi haki pindi wanapokuwa mikononi mwa jeshi la polisi.

Wakitangaza uamuzi Jijinji Dar es salaam Kituo cha Sheria na Haki za Binadamu (LHRC) kwa kushirikiana na Mtandao wa Kutetea Haki za Binadamu (THRDC) pia walitangaza kuanzishwa kwa operesheni maalum iliyopewa jina la Tetea haki za Watuhumiwa lengo ni kuwatetea watuhumiwa wa makosa mbalimbali.

Akizungumza na waandishi wa habari, mratibu wa Mtandao wa Kutetea Haki za Binadamu Tanzania (THRDC) Onesmo Olengurumo amesema, "tunampongeza Waziri wa Mambo ya Ndani kwa kujitokeza kuwatetea baadhi ya watuhumiwa nchini".

"Kwa mujibu wa sheria jeshi la polisi lina wajibu wa kumpa mtuhumiwa haki yake ya kupata msaada wa kisheria kitu ambacho kwa Loliondo imekuwa shida na hii ni kwa maeneo yote ya vijijini siyo Loliondo pekee", ameongeza Onesmo Olengurumo.

Mara kwa mara Kangi Lugola amekuwa akiwachukulia hatua baadhi ya Makamanda wa Polisi ambao wamekuwa hawatoi haki kwa wartuhumiwa wa matukio mbalimbali ya kiuhalifu.

Read More →

VURUGU ZA MAFUTA ZAKATISHA ZIARA YA RAIS MNANGAGWA ULAYA

Rais wa Zimbabwe Emmerson Mnangagwa.

Rais Mnangagwa amerejea nyumbani baada ya kukatiza ziara yake nchini Urusi, kufuatia vurugu za maandamano zilizosababishwa na kupanda kwa bei ya mafuta.

Serikali ya Zimbabwe imekuwa ikiulaumu upinzani kutumia hali ya kupanda kwa bei ya mafuta nchini humo, kuchochea ghasia.

Aidha upinzani umesema wanachama wake wamekuwa wakichukuliwa hatua kali kama hatua ya kujibu vurugu za maandamano yanayofanywa kupinga ongezeko la mafuta.

Kiongozi wa chama cha upinzani cha Movement for Democratic Change Nelson Chamisa amesema wengi wa wanachama wao wamekamatwa wakiwemo wabunge watano, huku afisa wake mwingine mwandamizi amejificha.

Amesema vyombo vya ulinzi vimekuwa vikikamata familia za watu majumbani mwao.

Chanzo:Bbc

Read More →

MAKONDA,GWAJIMA USO KWA USO

Josephat Gwajima (kushoto) na Paul Makonda (kulia).

Katika mkutano huo unaofanyika katika ukumbi wa JNICC Jijini Dar es salaam , RC Makonda alisimsimamisha Askofu Gwajima Mbele ya Rais John Pombe Magufuli ambae ni mgeni rasmi.

"Nimemuona rafiki yangu Gwajima hapa, simama kidogo wakuone", amesema Makonda na baada ya Askofu Gwajima kusimama, ukumbi mzima ulikaripuka kwa shangwe.

"Mimi na yeye tuna historia ndefu kidogo, wameninoa wengi kuanzia enzi za umoja wa vijana, kwa hiyo kama kuna mapambano, unaweza kunituma tu", ameongeza Makonda.

Ikumbukwe kuwa wawili hao walizua gumzo mwanzoni mwa mwaka uliopita kutokana na suala la uhalali wa elimu ya Mkuu huyo wa Mkoa wa Dar es salaam, ambapo Askofu Gwajima alitumia mikutano yake mingi kuelezea jinsi alivyokuwa akimfahamu.

Chanzo:Eatv

Read More →

MAKONDA AMUOMBEA LISSU MSAMAHA KWA SPIKA

Mkuu wa Mkoa wa Dar es salaam, Paul Makonda amewaomba watanzania kumsamehe Mbunge wa Singida Mashariki, Tundu Antiphas Lissu kwa kauli anazozitoa huko nje ya nchi.

Makonda ametoa kauli hiyo leo mbele ya Rais wa Jamhuri ya Muungano wa Tanzania, John Pombe Magufuli, katika Mkutano wa Wachimbaji, Wafanyabiashara na Wadau wa sekta ya madini nchini.

Makonda amesema kwamba amegundua kwamba kauli za Lissu zinatokana na kwamba bado hajapona vizuri kichwani kutokana na yeye mwenyewe kukiri wakati alipokuwa akimaliza mahojiano katika kipindi cha 'Hard Talk' kilichofanyika jana na kituo cha televisheni cha BBC.

Ameeleza kwamba katika mahojiano hayo, Lissu ameshindwa kujibu juhudi za Magufuli namna anavyopigana katika suala la madini, ambapo aliikimbia mada hiyo na kuzungumzia mambo mengine ya tofauti, hivyo inaonyesha bado anaendelea kupokea malipo.

Aidha katika kusisitizia kauli yake ya kwamba Lissu ni mgonjwa, Makonda amesema kwamba, "Kama bado mgonjwa inamaana kichwani mambo hayajaakaa vizuri na ndo maana anahitaji matibabu na akitoka kule, tunamuomba Spika amfikishe Mirembe pale na aendelee kumuhudumia"

Chanzo : Eatv

Read More →

Ripoti : MABILIONEA 26 DUNIANI WANA UTAJIRI SAWA NA NUSU YA MASKINI DUNIANI

Ripoti mpya iliyotolewa na shirika la hisani la kimataifa la Oxfam, inaonyesha kuwa mabilionea 26 duniani wanamiliki utajiri ulio sawa na nusu ya binadamu maskini zaidi duniani, na kutaka matajiri watozwe kodi zaidi.

Ripoti hiyo ya Oxfam imetolewa Jumatatu januari 21, 2019, kuelekea kongamano la kimataifa la kila mwaka la kiuchumi litakalofanyika mjini Davos Uswisi. Ripoti hiyo pia inasema mabilionea duniani wameshuhudia utajiri wao ukiongezeka kwa dola bilioni 2.5 kwa siku mwaka 2018.

Watu bilioni 3.8 walio chini ya kiwango, utajiri wao ulishuka kwa asilimia 11 mwaka jana, kwa mujibu wa Oxfam. Shirika hilo limesisitiza kuongezeka kwa pengo baina ya matajiri na maskini, linalochangia kuzorotesha mapambano dhidi ya umaskini, kuharibu uchumi na kuchochea hasira ya umma.

Tajiri namba moja duniani ambaye ni mkurugenzi wa Amazon Jeff Bezoz aliongeza utajiri wake hadi dola bilioni 112 mwaka jana, ambapo asilimia moja ya utajiri wake ni sawa na bajeti nzima ya afya ya Ethiopia, nchi iliyo na wakazi milioni 105. 

Mkurugenzi wa Oxfam Winnie Byanyima ametoa akisema, "Watu matajiri duniani, watu walio na nguvu duniani, viongozi wa kisiasa duniani ni lazima wachukue hatua za kupunguza pengo la usawa kwasababu limekithiri. Watu wanaoshiriki kongamano la Davos, viongozi wa makampuni makubwa na viongozi wa kisiasa nao ni sehemu ya tatizo.

 Tunawataka waje na suluhisho la kupunguza pengo la usawa, ambalo linazidi kuwa kubwa, linaumiza uchumi, na kudhoofisha demokrasia, hivyo ninatoa wito wa kuchukuliwa hatua ."

Oxfam imeonya kwamba serikali zinazidisha kukosekana usawa kwa kutoboresha huduma za umma kama vile huduma za afya na elimu wakati huo zikiwatoza matajiri kodi kidogo.

Wataalamu wa Oxfam wamekiri kwamba idadi ya watu maskini duniani ilipungua kwa nusu kati ya mwaka 1990 hadi 2010, na tangu wakati huo imeshuka zaidi hadi watu milioni 736. Viwango vya kodi miongoni mwa watu wa kima cha juu vimeshuka katika mataifa tajiri miongo iliyopita.

Shirika hilo linapendekeza kuwa ikiwa watu tajiri duniani watalipa asilimia 0.5 ya ziada katika utajiri wao, itatosha kuwapatia elimu watoto milioni 262 ambao hivi sasa hawahudhurii shule na kutoa huduma za afya na kuokoa maisha ya watu milioni 3.3.

Ripoti hiyo imetolewa leo wakati viongozi wa dunia, matajiri na watu mashuhuri wakiwasili katika mji wa kifahari wa Davos, Uswisi katika kongamano la kila mwaka la kiuchumi.

Read More →

DC MASASI ANENA ZAHANATI KUTUMIA CHOO CHA NYANSI

Read More →

TETESI ZA SOKA ULAYA JAN 22,2019 , PAUL POGBA KUONGEZA MKATABA MAN U

Kiungo wa Manchester United na Ufaransa Paul Pogba , 25, yuko tayari kuketi chini na klabu yake kuzungumzia kuongezwa muda wa mkataba wake. (Sun)

Mshambuliaji wa United na Ufaransa Anthony Martial , 23, yuko karibu kuukubali mkataba mpya ugani Old Trafford. (ESPN)

Arsenal wanachunguza uwezakano wa kumsajili mchezaji wa Real Madrid na Colombia James Ridriguez kwa mkopo. Kiungo huyo mwenye umri wa miaka 27 kwa hivi sasa yuko kwa mkopo katika klabu ya Bayern Munich. (Independent)

Eden Hazard , 28, amesema hatojiunga na Manchester United hata iwapo Zinedine Zidane atakuchua nafasi ya kuwa meneja na kudokeza kwamba atasalia Chelsea.(Star)

Bayern Munich wanachochewa kutoa ombi la £10m kwa mshambuliaji wa Manchester City na Wales Rabbi Matondo,18, ambaye mkataba wake utakamilika mwishoni mwa msimu.(Sun)Rabbi Matondo( wa pili kutoka kulia) Manchester City

Ombi la West Ham la yuro milioni 40 (£35.28m) lilikataliwa na Atalanta la kumsajili mshambuliaji wa kimataifa Duvan Zapata, 27. (Tuttosport, kupitia Calciomercato)

Cardiff wanajitayarisha kutoa ofa ya £2m kwa mshambuliaji wa Sunderland Josh Maja, lakini paka hao weusi wanahitaji £4m kwa kiungo huyo mwenye umri wa miaka 20. (Sun)

Manchester United wangependa kumuajiri mkurugezi wa soka kabla uamuzi maalum kuchukuliwa wa kumuajiri meneja wa kudumu kwa msimu huu. (Independent)

West Ham wamemwambia mshambuliaji Marko Arnautovic, 29, kwamba watamruhusu kuondoka , lakini hawatamuuza mwezi Januari- hata iwapo raia huyo wa Austria akikataa kucheza.(London Evening Standard)

Mshambuliaji wa Chelsea Alvaro Morata anatarajiwa kujiunga na Atletico Madrid kwa mkopo kwa siku zilizosalia za msimu huu , na matarajio ya klabu hiyo ya Ufaransa kumnunua kiungo huyo mwenye umri wa miaka 26.(Sky Sports)

Nahodha wa Paris St-Germain,Thiago Silva amesema haitakuwa makosa kumruhusu kiungo wa kati wa Ufaransa Adrien Rabiot kuondoka katika klabu hiyo. Rabiot, 23, analengwa na klabu tofauti zinazoshiriki ligi ya Premia. (Telefoot, kupitia Talksport)

Mshambuliji wa Fulham Aboubakar Kamara, 23, yuko katika mazungumzo na upande wa Uturuki wa Yeni Malatyaspor kwa mkopo hadi mwishoni mwa msimu huu.(Mail)

Taaluma ya kiungo wa Fulham Kamara inaonekana kufikia kikomo pale kiungo huyo alipoamriwa kufanya mazoezi na klabu ya soka ya wachezaji wenye umri wa chini ya miaka 23. (Telegraph)Aboubakar Kamara wa Fulham

Mwenyekiti wa Tottenham Daniel Levy yuko tayari kuchukua £5m kumuuza mshambuliaji Vincent Janssen, 24, mwezi huu, baada ya kumsaini mchezaji wa kimataifa kutoka Uholanzi kwa kitita cha £17m. (Telegraph)

Liverpool wanatarajiwa kuwa klabu ya kwanza ulimwenguni kuripoti faida waliyoipata kwa mwaka ya zaidi ya yuro milioni 100 (£88.3m). (Telegraph)

Winga wa Stewart Downing atajaribu kuutatua mzozo kati yake na klabu ya Middlesbrough wiki hii. Mchezaji huyo wa zamani wa England , 34, ambaye kwa hivi sasa hashiriki katika mchezo wowote kutokana na sababu kwamba klabu hiyo haitaki kujihusisha na mazungumzo ya kumuongezea mkataba wake wa mwaka mmoja, ambao unatarajiwa kuanza baada ya mkataba wa hapo awali. (Mail)

West Brom imehusishwa na beki wa Ipswich Jonas Knudsen, 26, ambaye mkataba wake unatarajiwa kukamilika mwishoni mwa msimu huu.(Birmingham Mail)

Beki Tosin Adarabioyo, 21, ambaye kwa sasa yuko kwa mkopo na klabu ya West Brom anaweza kurudi Manchester City, kwani klabu hiyo inajaribu kumtafutia nafasi ya kushiriki michezo tofauti katika klabu nyengine.(Birmingham Mail)Romelu Lukaku (kushoto) na Alexis Sanchez (kulia)

Beki wa Stade de Reims Bjorn Engels, 24, ambaye yuko kwa mkopo katika klabu inayoshiriki ligi ya Ligue 1 ya Olympiakos na anahusishwa na Everton , amedokeza itakuwa 'ndoto' kuichezea Arsenal.(Mirror)

Aston Villa inamnyemelea beki wa klabu ya Ufaransa ya Le Havre, Harold Moukoudi, 21, lakini ajenti wa mchezaji huyo amedokeza kwamba mchezaji huyo atajiunga na Ligue 1 msimu huu.(Birmingham Mail)

Mshambuliaji wa Manchester United Romelu Lukaku , 25, alichapisha kwenye mtandao wa kijamii akikemea fununu za kuihamia Juventus.(Star)

Nottingham Forest wanaonekana kumzingatia kiungo wa kati raia wa Ubeligiji anayeichezea Scunthorpe Funso Ojo, 27 ambaye pia anahusishwa na klabu ya soka ya Derby County.(Nottingham Post)

Millwall wako karibu kufikia makubaliano na maafisa katika eneo la Lewisham kuikubali klabu hiyo kusalia kusini mwa London ili kuimarisha uwanja wao wa nyumbani wa New Den . (Guardian)

Read More →

MKURUGENZI AZITAKA YANGA NA SIMBA KUTODHARAU MICHUANO YA SPORTPESA

Michuano ya SportPesa Super Cup mwaka 2019, inatarajia kuzinduliwa leo katika Uwanja wa Taifa Jijini Dar es salaam kwa michezo miwili kupigwa.

Mchezo wa kwanza wa leo utakuwa ni kati ya Singida United na Bandari ya Kenya, majira ya saa 8:00 mchana huku Yanga ikiwakaribisha Kariobang Sharks ya hukohuko Kenya huku katika mchezo wa pili wa saa 10:00 jioni.

Kuelekea ufunguzi wa michuano hiyo, Mkurugenzi wa Uendeshaji wa SportPesa nchini, Abbas Tarimba, amevitaka klabu za Simba na Yanga kutumia vikosi vya kwanza ili kuepusha aibu ambayo imekuwa zikiionesha katika misimu miwili iliyopita.

"Imekuwa ni utamaduni wetu, Samahani nitatumia neno 'kudharau' haya mashindano, awamu hii hatutaki utani, tunataka kombe libaki nyumbani kwa maana kila siku limekuwa likienda nchi jirani. Tunavitaka vilabu vyote vya hapa nyumbani kuhakikisha vinafanya vizuri", amesema Tarimba.

"Nilivyokuwa naingia hapa nilikutana na kocha wa Yanga, nikamsisitiza kuwa hatutaki utani katika mashindano ya mwaka huu", ameongeza.

Awali, michuano hii ilikuwa ikifanyika mwezi Juni baada ya ligi kumalizika lakini Tarimba amesema kuwa imekuwa ikilalamikiwa na vilabu hasa vya Tanzania kuwa inapofika mwishoni mwa msimu, wachezaji wengi mikataba yao huwa inamalizika kwahiyo kukosa fursa ya kushiriki. 

Pia ameitaja sababu nyingine kuwa ni klabu hizo kutokuwa na muda mrefu wa maandalizi kutokana na ligi kumalizika, tofauti na timu za Kenya ambazo katika kipindi hicho ligi yao inakuwa inaendelea.

Mshindi wa michuano hiyo atajinyakulia kitita cha Dola za Kimarekani 30,000 ambazo ni takribani shilingi milioni 65 za Kitanzania, huku mshindi wa pili akijinyakulia Dola 10,000, wa tatu atapata Dola 7,500 na mshindi wa nne atapata Dola 5,000.

Read More →