HATMA YA UBUNGE WA TUNDU LISSU NDUGAI ATAKAPOVAA JOHO

Hatma ya ubunge wa Tundu Lissu itajulikana kuanzia Januari 29 wakati Job Ndugai atakapovaa “joho” la uspika kuongoza Mkutano wa 14 wa chombo hicho cha kutunga sheria.

Ndugai amemtaka Lissu arejee nyumbani kuendelea na majukumu yake ya kuwawakilisha wananchi wa Singida Mashariki, akisema hana kibali baada ya mbunge huyo kutoa tamko mwishoni mwa wiki akituhumu kuwepo na mpango wa kumvua ubunge.

Lissu yuko nchini Ubelgiji kumalizia matibabu baada ya kushambuliwa kwa risasi zaidi ya 30 akiwa ndani ya gari, nje ya makazi yake Area D mjini Dodoma, ikiwa ni saa chache baada ya kuhudhuria kikao cha Bunge.

Baada ya shambulio hilo la Septemba 7, mwaka juzi alipelekwa Hospitali ya Mkoa wa Dodoma kabla ya kusafirishwa kwa ndege kwenda Nairobi, Kenya usiku wa siku hiyo.

Mkutano huo wa 14 wa Bunge la Kumi na Moja utaanza Januari 29, siku saba kuanzia leo, pamoja na mambo mengine unatarajiwa kupokea ripoti ya Mkaguzi na Mdhibiti Mkuu wa Hesabu za Serikali (CAG), aliyehojiwa jana na Kamati ya Maadili, Haki na Madaraka ya Bunge.

Majibizano kati ya Lissu na Spika Ndugai yamekuwa yakipamba moto siku hadi siku tangu alipotoa waraka alioupa jina la “Baada ya Risasi Kushindwa, Sasa Wanataka Kunivua Ubunge”. Katika waraka huo, Lissu anatuhumu uongozi wa Bunge na Serikali kuandaa mpango huo, jambo ambalo Ndugai amesema “ni uzushi”.

Jana, Mwananchi ilimuhoji tena Spika Ndugai kuhusu madai ya Lissu kuwa anafahamu taarifa za matatizo yake na kwamba alishiriki katika hatua za awali za kumuwezesha kupata matibabu, jambo ambalo alikubaliana nalo.

“Alipopata matatizo wote tulishuhudia na Bunge lilitimiza wajibu wake katika zile saa chache ambazo ni muhimu katika kuokoa maisha yake. Na hilo lilifanikiwa. Tunatambua kwamba mwenzetu aliumizwa na alikuwa hospitalini,” alisema Spika Ndugai.

“Ila sasa hivi tunavyoongea ametoka hospitali yuko huko aliko. Inaelekea ameruhusiwa. Amekuwa akitumia mwanya huo kuzunguka na kuchafua sifa ya nchi yetu. Kwani nani amempa ruhusa?

“Sasa nimwambie tu kwamba sisi tunamuhitaji maana mpaka sasa hajawahi kuniandikia chochote mimi kama kiongozi wake bungeni na wala daktari wake hajasema kitu. Kwa maana hiyo, mimi namuhesabu kama ni mtoro.”

Alipoulizwa sababu za muhimili huo kushindwa kumuhudumia Lissu licha ya familia yake kuandika barua mara nne, Ndugai alijibu kwa kifupi: “Hayo ya nyuma tuyaache. Atakapokuja mwenyewe tutayazungumza.”

‘Nilienda BBC nikitokea hospitali’

ENDELEA KUSOMA HABARI HII HAPA

Na Tausi Mbowe, Mwananchi 

Read More →

WAHAMIAJI HARAMU 81 WANASWA DAR MSAKO SEHEMU ZA KAZI, NYUMBANI

Idara ya Uhamiaji Mkoa wa Dar es Salaam, imeanza kusaka wahamiaji haramu kwenye makazi na sehemu za kazi, ikiwamo kuwachukuliwa hatua za kisheria.

Akizungumza na waandishi wa habari jana jijini Dar es Salaam, Kaimu Ofisa Uhamiaji Mkoa, Kamishna Mrakibu Mwandamizi wa Uhamiani, Novaita Mroso, alisema operesheni maalum imefanyika na inaendelea.

Alisema wameamua kuwasaka wahamiaji haramu kwenye mitaa, ili kuweza kuwadhibiti zaidi.

“Tukishindwa kukupata eneo la kazi tutakufuata nyumbani, kwa utaratibu tuliojiwekea Dar es Salaam, siyo sehemu salama kuwa maficho kwa wahamiaji haramu. Yeyote anayeajiri raia wa kigeni ahakikishe ana vibali vyote vya kuishi nchini,” alisema.

Alisema ilianza Januari 17 mwaka huu, na hadi jana ilikuwa na siku tano na jumla ya wahamiaji 81, ambao wanatuhumiwa kwa makosa mbalimbali walitiwa mbaroni.

“Kati yao tumebaini 35 wanatoka nchini Burundi, waliobaki wanatoka Somalia na Congo, wengine 46 wanaendelea kuchunguzwa na baada ya kukamilika tutabaini uhalali wao wa kuwapo nchini,” alisema.

Mroso alisema waliobainika kuwa ni wahamiaji haramu watachukuliwa hatua za kuwafikisha mahakamani na kuwafukuza nchini.

“Operesheni maalum ni sehemu ya jukumu letu la udhibiti wa wahamiaji haramu. Pia tumekuwa tukifanya uhakiki wa taarifa za wageni waliopo Mkoa wa Dar es Salaam ambao wamejiajiri au kuajiriwa,” alisema.

Read More →

HABARI KUBWA KWENYE MAGAZETI YA TANZANIA LEO JANUARI 22,2019.

Fahamu yote yaliyojiri katika Magazeti ya Tanzania leo Januari 22, 2019. Hapa unapata habari zote zilizopewa uzito katika kurasa za mbele na kurasa za nyuma za habari za michezo na burudani.

Source

Read More →

KAMATI YA MAADILI YA BUNGE YAMHOJI CAG

Kamati ya Maadili, Haki na Madaraka ya Bunge imemhoji Mdhibiti na Mkaguzi Mkuu wa Hesabu za Serikali (CAG), Profesa Mussa Assad kuhusu kauli yake ya “udhaifu wa Bunge.” CAG amehojiwa mapema leo Januari 21, 2019 ambapo mara baada ya mahojiano hayo Mwenyekiti wa kamati hiyo, Emmanuel  Mwakasaka amesema atawaeleza waandishi wa habari kilichojiri katika kikao hicho. Prof. Assad ameitwa mbele ya kamati hiyo kujieleza kuhusu kauli aliyoitoa wakati akijibu swali la mwandishi wa televisheni ya UN, Anord Kayanda kuhusu kutoshughulikiwa ipasavyo kwa ripoti zake zinazoonyesha ufisadi. “Kama tunatoa ripoti na…

Source

Read More →

WHATSAPP NA FACEBOOK ZAWEKA KIKOMO IDAIDI YA MESEJI

Watoa huduma wa mitandao ya kijamii ya 'Whatsapp' na 'Facebook' wamepunguza kiwango cha kusambaza ujumbe mfupi wa maandishi ambapo sasa mtumiaji hatoweza kusambaza ujumbe kwa watu zaidi ya watano.

Watoa huduma wamefikia hatua hiyo ili kupunguza tabia za watu kuzusha na kuibua taharuki katika mitandao, kupitia taarifa wanazosambaza.

Hapo awali, mtumiaji wa Whatsapp angeweza kupeleka ujumbe kwa watu 20 au makundi zaidi ya moja kulingana na makundi aliyonayo.

Whatsapp, ambayo ina watumiaji wapatao bilioni 1.5, imekuwa ikijaribu kutafuta njia za kuacha matumizi mabaya ya programu, kufuatia wasiwasi wa kimataifa kuwa jukwaa hilo lilikuwa linatumika kueneza habari zisizo na ukweli.

Read More →

SERIKALI YAKANUSHA KIKUNDI KUITISHIA TANZANIA

Kwa siku kadhaa za hivi karibuni kumekuwa na taarifa inayosambaa kwa njia ya video ambayo inaonesha kikundi cha watu wakiwa wameketi, wakitumia lugha ya Kiswahili kutishia kuvamia na kushambulia baadhi ya nchi kadhaa za Afrika Mashariki ikiwemo Tanzania.

Taarifa ya Msemaji Mkuu wa Serikali imesema, "baada ya uchunguzi wetu tumebaini ilirushwa mwaka 2016 na Kituo cha Televisheni cha China (CCTV-Afrika), ikielezea hisia za uwepo wa viashiria vya kundi la Al-Shaabab nchini Tanzania.

Imeendelea kusema taarifa hiyo kuwa, msingi wa taarifa hiyo ya mwaka 2016 ni ripoti yenye kurasa 53 iliyoandaliwa na wataalamu wa Jumuiya ya Maendeleo ya Nchi za Mashariki mwa Afrika (IGAD), ambayo hata hivyo haikujikita kwenye utafiti wowote wa moja kwa moja kuhusu Tanzania bali hisia za watu na makundi mbalimbali katika nchi za Kenya, Ethiopia na Somalia.

"Tumewasiliana na wamiliki wa CCTV-Afrika na wamekiri kuwa sio wao walioisambaza tena video hiyo, ikionekana dhahiri kuwa kuna watu wenye nia mbaya na nchi yetu wameitumiavideo hiyo ya mwaka 2016 kwa malengo yao hasi dhidi ya Tanzania".

Serikali imesema kuwa kwa kushirikiana na CCTV yenyewe inawataka wananchi kupuuzia taarifa zozote zenye lengo la kuipaka matope Tanzania na kuihusisha na kundi lolote la kigaidi.

Pia serikali imeusisitizia umma kuwa Tanzania iko salama, na vyombo vyake vya ulinzi na usalama viko makini kufuatilia na kuchukua hatua iwapo kuna viashiria vyovyote vya kuharibu amani.

Chanzo : Eatv

Read More →

IFAHAMU RATIBA YA VIPORO VYA SIMBA

Klabu ya soka ya Simba inakabiliwa na ratiba ngumu ya michezo yake ya ligi kuu pamoja na ile ya kimatafa ambapo mara baada ya michuano ya Sportpesa Super Cup inayoanza 22/01/2018 hadi 27/01/2019 timu hiyo itaondoka kwenda Misri kwa ajili ya kukipiga na Al Ahly.

Mchezo huo unatarajiwa kuchezwa Februari 2, 2019 saa 3 usiku kwa saa za Misri na saa 4 usiku kwa saa za Tanzania na baada ya mechi hiyo Simba itarejea nchini kucheza na Mwadui FC Februari 6, 2019 kwenye uwanja wa taifa Dar es salaam.

Baada ya mchezo dhidi ya Mwadui Simba itajiandaa na mchezo wa marudiano na Al Ahly utakaopigwa jijini Dar es salaam Februari 12, 2019 10:00 jioni.

Baada ya mchezo dhidi ya Al Ahly Simba itakuwa na siku 4 za kujiandaa na mchezo dhidi ya Vinara wa ligi kuu soka Tanzania Bara timu ya Yanga mchezo ambao utapigwa Februari 16, 2019 kwenye uwanja wa taifa jijini Dar es salaam.

Ratiba ya mechi zingine.

19/02/2019

Africa Lyon Vs Simba - Dsm

22/02/2019

Azam Vs Simba - Dsm

26/02/2019

Lipuli vs Simba - Iringa

03/03/2019

Stand United Vs Simba - Shinyanga

Baada ya hapo Simba itarejea Dar es salaam kujiandaa na michezo ya klabu bingwa Afrika ambapo Machi 9, 2019 itakuwa ugenini kucheza na JS Saoura utakaopigwa saa 2:00 usiku kwa saa za Algeria na saa 4:00 usiku kwa saa za Tanzania.

Kisha itacheza mchezo wa misho kwenye makundi ambao utapigwa jijini Dar es salaam Machi 16, 2019 dhidi ya AS Vita Club kwenye uwanja wa taifa. Kisha itamaliza mwezi Machi kwa kucheza mechi mbili za ligi kuu dhidi ya Ruvu Shooting na Mbao FC ambazo zote zitapigwa Dar es salaam.

Read More →

SIASA ZAKWAMISHA UJENZI WA KITUO CHA AFYA HAMAI

Na,mwandishi Wetu Jumla ya milion 600 zilizotengwa kwenye  Mradi wa  ujenzi wa kituo cha afya Hamai wilayani chemba mkoani Dodoma  zimeshindwa kutumika ipasavyo kufuatia halimashauri kukosa wahandisi pamoja na kuchelewa kwa manunuzi ya vifaa vya ujezi na ufuatiliaji hafifu huku siasa zikichangia kwa kiasi kikubwa.   Akizungumza na waandishi wa habari katika eneo la ujenzi wa kituo hicho, Mganga Mkuu wa Wilaya ya chemba  Dk Olden Ngassa amesema moja ya changamoto imechangiwa na halimashauri kukosa wahandisi wa ujenzi kwa muda mrefu ambao ndio wasimamizi wakuu wa kazi za ujenzi pamoja na ushiriki…

Source

Read More →

BILLIONI 5.4 KUJENGA MAGHALA MAKUBWA YA KISASA WILAYANI RUANGWA.

Na Bakari Chijumba, Mtwara. Utiaji wa saini kati ya Halmashauri ya Wilaya ya Ruangwa na Mkandarasi Tendar International constraction company limited, watakaotelekeza kandarasi yote ya ujenzi wa maghala ya kisasa wilayani Ruangwa Mkoani Lindi, umefanyika leo Jumatatu, 21 Januari 2019. Halfa fupi ya kusaini kandarasi hiyo imefanyika katika Ofisi ya Mkurugenzi Mtendaji, ambapo jumla ya majengo nane muhimu yatajengwa, likiwemo jengo la utawala, maghala mawili, Kantini, Majengo ya kupimia uzito, Mnara wa kuwekea matanki ya maji na jengo kuhifadhia vitu vya umeme, ambayo yote kwa pamoja yanatarajiwa kukamilika ndani ya…

Source

Read More →

BARAZA LA MAWAZIRI LARIDHIA KUIFUTIA ZECO DENI LA VAT LA BILIONI 22.9

Baraza la Mawaziri limeridhia utozwaji wa kodi ya ongezeko la thamani (VAT) kwa kiwango cha asilimia sifuri kwenye umeme unaouzwa na Shirika la Umeme Tanzania (TANESCO) kwa Shirika la Umeme la Zanzibar (ZECO) na kufuta malimbikizo ya deni la kodi ya VAT lililofikia shilingi Bilioni 22.9 kwa TANESCO kwenye umeme uliouzwa ZECO. Baraza la Mawaziri limefanya uamuzi huo leo tarehe 21 Januari, 2019 Ikulu Jijini Dar es Salaam, katika kikao kilichoongozwa na Rais wa Jamhuri ya Muungano wa Tanzania Mhe. Dkt. John Pombe Magufuli na kuhudhuriwa na Makamu wa Rais…

Source

Read More →

KATIBU WA CCM WILAYA AKAMATWA KWENYE MAANDAMANO

Katibu wa CCM wilaya ya Hai, Laurence Kumotola, amekamatwa na polisi kwa tuhuma ya kuwazuia askari kufanya kazi yao ya ulinzi, wakati wakitaka kuingia katika ofisi za halmashauri ya wilaya ya Hai.

Tukio hilo limetokea leo majira ya saa 5:45 asubuhi, wakati katibu huyo akiwa ameambatana na wafuasi wa chama hicho pamoja na viongozi mbalimbali, walipodaiwa kuvamia ofisi ya mkuu wa wilaya kwa maandamano na kuzuia watu kuingia katika ofisi hizo hadi wao watakaporuhusiwa na kusikilizwa na mkuu wa wilaya hiyo, Lengai Ole Sabaya.

Katibu huyo akiwa na wafuasi hao, walitumia zaidi ya dakika 10 wakiwa katika geti la kuingia katika ofisi hizo, hadi pale mkuu wa wilaya ya Hai alipotoka na kuruhusu wafunguliwe awasikilize.

Wakati mkuu huyo wa wilaya akizungumza na watu hao, ndipo mkuu wa polisi wilaya ya Hai, Lwelwe Mpina alipoingia na kumwambia mkuu wa wilaya kuwa anamkamata katibu wa CCM kwa kuwa amemzuia kufanya kazi yake.

"Mkuu naomba kumchukua katibu, amenizuia kuingia hapa wakati mimi ndiye nasimamia ulinzi na usalama hapa," alisema OCD.

Akizungumza na waandamanaji hao, Lengai Ole Sabaya amesema hakuna kiongozi yeyote atakayeruhusiwa kulizuia jeshi kufanya kazi na yeyote atakayefanya hivyo atachukuliwa hatua za kisheria.

"Tumesitisha ufanyaji wa siasa kwa vyama vyote kwa sababu uchaguzi bado haujafika na hata tulipofikia kwa sasa mtu yeyote atakayehusika kulizuia jeshi la polisi achukuliwe hatua."

"Na nyinyi CCM kama mnalalamika mtumie njia ambayo ni rasmi lakini si kufanya maandamano." ameongeza Sabaya

Read More →

CAG AHOJIWA ZAIDI YA SAA TATU DODOMA

Kamati ya Haki, Maadili na Madaraka ya Bunge imetumia zaidi ya saa tatu kumhoji Mdhibiti na Mkaguzi Mkuu wa Hesabu za Serikali(CAG), Prof.Mussa Assad kufuatia wito wa Spika Job Ndugai kumtaka kufika kwenye kamati kutokana na kauli yake ya kuliita bunge dhaifu.

Prof.Assad ameanza kuhojiwa 5:06 asubuhi na mahojiano yake yalihitimishwa saa 8:47 mchana.

Awali baada ya kuingia kwenye ukumbi Prof.Assad alitoka nje ya ukumbi saa 6:45 mchana akisubiri kamati ikijadili hoja zake na mwenendo wa mahojiano ili kama kuna haja ya kufafanua aitwe tena.

Baadate ameitwa saa 7:15 mchana na kutoka 7:57 mchana ambapo alikaa kwa muda kusubiri kuitwa tena saa 8:35 mchana kuelezwa uamuzi wa shauri lake.

Kamati hiyo ilimaliza mahojiano naye saa 8:47 mchana chini ya Mwenyekiti wake Emmanuel Mwakasaka.

“CAG Prof. Assad amefika leo mbele ya kamati baada ya wito aliopewa na Spika na tumemhoji. Sisi kwa kanuni zetu hapa tunamwita mtuhumiwa, tukishakamilisha hili suala tunalipeleka kwa Spika wa Bunge, Job Ndugai,” amesema Mwakasaka.

Aidha, Mwakasaka amesema Prof. Assad ameonyesha ushirikiano mkubwa kwa maswali aliyoulizwa kamati hiyo.

Read More →

BODI YA DAWASA YAJIPANGA KUONGEZA MIRADI YA MAJI SAFI NA MAJI TAKA

Mwenyekiti wa Bodi ya Wakurugenzi wa DAWASA Jenerali Mstaafu Davis Mwamunyange akionyeshwa eneo linaloanzia mradi wa Bonyokwa utakaohudumia wananchi kuanzia Kimara mwisho hadi Bonyokwa.

Afisa Mtendaji Mkuu wa DAWASA, Mhandisi Cyprian Luhemeja akitoa maelezo juu ya mradi wa maji Kisukuru jijini Dar es Salaam.

Mwenyekiti wa Bodi ya Wakurugenzi wa DAWASA Jenerali Mstaafu Davis Mwamunyange akiongea na wananchi eneo la Tabata Bonyokwa mara baada ya kufika kujionea maendeleo ya miradi ya maji.

Msimamizi wa Miradi ya Majitaka Mhandisi Charles Makoye akimuelezea Mwenyekiti wa Bodi ya Wakurugenzi DAWASA Jenerali Mstaafu Davis Mwamunyange mradi mzima wa Kuchakata majitaka uliopo Toangoma leo Jijini Dar es Salaam. Picha na Cathbert Kajuna - Kajunason/MMG.

Afisa Mtendaji Mkuu wa DAWASA, Mhandisi Cyprian Luhemeja akitoa ufafanuzi kwa Mwenyekiti wa Bodi ya Wakurugenzi DAWASA Jenerali Mstaafu Davis Mwamunyange na  na wajumbe wa bodi wa Mamlaka hiyo juu ya mradi wa Kuchakata majitaka Toangoma Jijini Dar es Salaam.

Msimamizi wa Miradi ya Majitaka Mhandisi Charles Makoye akimuonyesha Mkurugenzi wa Bodi ya DAWASA Jenerali Mstaafu Davis Mwamunyange na wajumbe wa bodi wa Mamlaka hiyo moja ya Chemba inayohifadhi majitaka katika mradi wa Kuchakata majitaka Toangoma leo Jijini Dar es Salaam.

Msimamizi wa Miradi ya Majitaka Mhandisi Charles Makoye akimuelezea Mwenyekiti wa Bodi ya Wakurugenzi DAWASA Jenerali Mstaafu Davis Mwamunyange juu ya mradi mzima wa Kuchakata majitaka uliopo Toangoma leo Jijini Dar es Salaam.

Mkurugenzi wa Bodi ya DAWASA Jenerali Mstaafu Davis Mwamunyange akizungumza na wajumbe wa bodi wa Mamlaka hiyo mara baada ya kufanya ziara katika mradi wa Kuchakata majitaka Toangoma leo Jijini Dar es Salaam.

Mkurugenzi wa Bodi ya DAWASA Jenerali Mstaafu Davis Mwamunyange akiwa na wajumbe wa bodi wakiendelea na ziara.

Msimamizi wa Miradi ya Majitaka Mhandisi Charles Makoye akitoa maelezo machache juu ya mradi wa maji Kiwica- Mbagala Kijichi jijini Dar es Salaam.

Mkurugenzi wa Bodi ya DAWASA Jenerali Mstaafu Davis Mwamunyange akitoa majumuisho juu ya ziara yao ya siku tatu waliyofanya katika Mkoa wa Dar es Salaam.

Na Cathbert Kajuna - Kajunason/MMG.

Bodi ya Wakurugenzi ya Mamlaka ya majisafi na majitaka Dar es Salaam (DAWASA) wamehitimisha ziara yao ya siku tatu kwa kutembelea miradi mbalimbali inayosimamiwa na Mamlaka hiyo.

Ziara hiyo ya Mkoa wa Dar es Salaam na Pwani imemalizika kwa Mwenyekiti wa bodi Jenerali Mstaafu Davis Mwamunyange kutoa tathmini ya jumla ya mambo waliyojifunza.

Akizungumza baada ya kuhitimisha ziara hiyo, Jenerali Mstaafu Mwamunyange amesema wananchi wana matarajio makubwa na DAWASA ya kupata huduma ya majisafi inayoaminika.

Jenerali Mstaafu Mwamunyange amesema kwenye ziara ya siku tatu wamejifunza mengi na wameona ni namna gani DAWASA wanafanya jitihada kubwa kuhakikisha wanafikisha maji kwa wananchi wote ili kufikia malengo ya serikali.

Amesema kuwa, pamoja na yote kuna changamoto zinazoikabili DAWASA ikiwa ni pamoja na kupasuka kwa mabomba kutokana na miundo mbinu chakavu na kupelekea kupotea kwa maji mengi na watu wanaojiunganishia maji kiholela kitu kinachopelekea Mamlaka kupoteza fedha nyingi sana.

Ameeleza kuwa Changamoto nyingine ni majitaka na hilo linasababishwa na kuwa na maeneo machache yaliyokaribu na wananchi yanayopokea maji hayo na DAWASA wanaendelea kufanya jitihada za kujenga miundo mbinu itakayokuwa rafiki ikiwemo na kuleta magari yao yatakayokuwa yanachukua majitaka kwa bei nafuu.

“Mradi wa kuchakata majitaka ni jambo la msingi sana na utakuwa na faida kwa wananchi wanaoishi kwenye maeneo jirani ila bado una changamoto kwani maji yanayozalishwa na kupelekwa kwa wananchi ni mengi tofauti na yale yanayoenda kuchukuliwa,” amesema Jenerali Mstaafu Mwamunyange.

Kwa upande wa Mjumbe wa Bodi wa DAWASA Mhandisi Gaudence Aksante amesema kuwa, lazima kuweka mkakati wa kupunguza upotevu wa maji ili mamlaka kuongeza kipato na maji hayo yamekuwa yanapotea kutokana na mtandao wa zamani kuwa mdogo na kwa sasa maji ni mengi sana.

Naye Afisa Mtendaji Mkuu wa DAWASA, Mhandisi Cyprian Luhemeja amepokea ushauri huo kutoka kwa bodi ya wakurugenzi ikiongozwa na Jenerali Mstaafu Davis Mwamunyange na watajitahidi kuhakikisha wanapanua mtandao wa maji ili kupunguza upotevu wa maji.

Ziara ya Bodi ya Wakurugenzi ilitembelea miradi ya ndani ya Dar es Salaam na ile ya Mkoa wa Pwani ikiwemo mtambo wa uzalishaji maji wa Ruvu Juu na Ruvu Chini, Ujenzi wa matanki Bagamoyo, Changanyikeni, Kibamba, Kisarawe, maunganisho mapya ya wateja Salasala, mradi wa uchakataji majitaka Toangoma na mradi wa maji Kijichi, Kiwalani, Bonyokwa na maeneo mengine ya Jijini Dar es Saalam.

Read More →

WALINDA AMANI WAUAWA NA WAPIGANAJI WA AL QAEDA MALI

Wapiganaji wa kiislamu wenye mafungamano na Al Qaeda wamefanya shambulio kaskazini mwa Mali katika kambi ya Umoja wa Mataifa na kusababisha vifo vya Walinda amani 10 raia wa Chad.

Katika shambulio hilo wapiganaji wengine 25 walijeruhiwa,

Wapiganaji hao wamesema shambulio hilo wamelifanya kujibu ziara ya Waziri mkuu wa Israel Benjamin Netanyahu nchini Chad, na pia uamuzi wa Rais Idriss Deby kuanzisha mahusiano ya kidiplomasia na nchi hiyo.

Katika shambulio hilo la Jumapili, wapiganaji hao wenye msimamo mkali walitumia gari la magari ya mizigo na silaha nzito kushambulia kambi ya Umoja wa Mataifa iliyoko kaskazini mwa mji wa Kidal.

Mkuu wa kikosi cha Umoja wa Mataifa nchini Mali Mahamat Saleh Annadif ameliita tukio hilo kama tendo la uhalifu.

Chanzo:Bbc

Read More →

SERIKALI YAPIGA MARUFUKU WAGANGA WA MITI SHAMBA

 ya Rwanda imetangaza kupiga marufuku aina yoyote ya matangazo ya biashara ya madawa ya kijadi au asili na kuamuru vyombo vya habari vya nchi hiyo kusitisha vipindi vya waganga wa kijadi kunadi umaarufu wao.

Biashara ya madawa ya kijadi imeshamiri Rwanda na wizara ya afya inasema waganga wengi wa jadi wamekuwa wakitumia vyombo vya habari kupotosha wananchi.

Kulingana na tangazo la wizara ya afya ya Rwanda ni marufuku kutangaza biashara ya madawa kwa kutumia picha, mabango au pia kutumia vipaaza sauti barabarani kote nchini Rwanda.

Vyombo vya habari pia kama magazeti, mitandao ya kijamii , redio na televisheni vimekatazwa kupitisha vipindi na matangazo yoyote ya biashara kuhusu uganga wa kijadi.

Matangazo au vipindi kuhusu waganga na madawa ya kijadi siku hizi imekuwa biashara kubwa sana kwa karibu vituo vyote vya redio na televisheni za kibinafsi nchini Rwanda.

Baadhi wamesikitishwa na uamuzi wa wizara ya afya wa kuwakataza kutangaza biashara yao kupitia vipindi vya redio:

''Sijafurahishwa na uamuzi huu kwa sababu ingekuwa vizuri wizara ya afya kwanza ikatuuliza ukweli wa yale tunayozungumzia, halikadhalika ubora na uhalali wa madawa tunayotumia," alisema mmoja wa waganga.

Read More →

WASHUKIWA WA SHAMBULIZI LA KIGAIDI NAIROBI WAJISALIMISHA

Watuhumiwa wa ugaidi waliokuwa wakisakwa na mamlaka Kenya wamejisalimisha.

Inaaminika kwamba walijisalimisha katika kituo kimoja cha polisi mjini Isiolo , kaskazini mwa mji mkuu wa Nairobi.

Wakati huo vikosi vya usalama nchini Kenya vinasema kuwa vimetibua shambulio katika eneo la kasakzini mashariki mwa mji wa Nairobi karibu na mpaka na Somalia.

 Mamlaka inasema kuwa wapiganaji walikuwa wamelanga kampuni mbili za ujenzi mjini Garissa.

Wanasema kuwa maafia wa jeshi wakishirikiana na wale wa polisi walijibu shambulio hilo na kuwaua takriban wapiganaji wanne.

Kenya inaendelea kukabiliana na matokeo ya shambulio katika hoteli ambapo takriban watu 21 waliuawa, kundi la alshabab kutoka Somali limekiri kutekeleza shambulio hilo.

Watu kadhaa kufikia sasa wamekamatwa kuhusiana na shambulio hilo na maafisa wa polisi wamechapisha picha za watu wengine wanane wanaosakwa.

Wakati huohuo wazazi wa watu watatu waliojisalmisha katika kituo cha polisi cha kaunti ya Isiolo wamesema kuwa wanao hawana hatia na wako hatarini.

Lakini licha ya kujisalimisha, wazazi wa washukiwa wamesema kuwa kesi zinazowakabili wanao zimekuwa zikiendelea na kwamba wamekuwa wakishirikiana na maafisa wa polisi, hivyobasi wakataka kujua ni kwa nini majina yao yalikuwa katika orodha hiyo ya magaidi wanaosakwa na serikali ya Kenya.

Chanzo:Bbc

Read More →

Picha : RAIS MAGUFULI AONGOZA KIKAO CHA BARAZA LA MAWAZIRI DAR,HAYA NDIYO MAAMUZI YAO KUHUSU UMEME

Rais wa Jamhuri ya Muungano wa Tanzania Dkt. John Pombe Magufuli akiongoza kikao cha Baraza la Mawaziri kilichofanyika leo tarehe 21/01/2019 Ikulu jijini Dar es Salaam. 

Rais wa Jamhuri ya Muungano wa Tanzania Dkt. John Pombe Magufuli akimuapisha Angela Kairuki kuwa Waziri wa Nchi Ofisi ya Waziri Mkuu anayeshughulikia Uwekezaji Ikulu jijini Dar es Salaam.

Rais wa Jamhuri ya Muungano wa Tanzania Dkt. John Pombe Magufuli akifurahia jambo na Rais wa Zanzibar na Mwenyekiti wa Baraza la Mapinduzi Dkt. Ali Mohamed Shein mara baada ya kutoka kwenye kikao cha Baraza la Mawaziri kilichofanyika leo tarehe 21/01/2019 Ikulu jijini Dar es Salaam. 

Rais wa Jamhuri ya Muungano wa Tanzania Dkt. John Pombe Magufuli akiagana na Rais wa Zanzibar na Mwenyekiti wa Baraza la Mapinduzi Dkt. Ali Mohamed Shein mara baada ya kuzungumza na wanahabari Ikulu jijini Dar es Salaam. PICHA NA IKULU

Read More →