Picha : BASHIRU AMBEBESHA MAKAMU WA RAIS ZIGO LA MGOGORO WA MKUU WA MKOA NA KATIBU WA CCM SHINYANGA

Katibu mkuu wa CCM,Dkt. Bashiru Ally akizungumza leo Shinyanga - Picha na Kadama Malunde - Malunde1 blog

 **

Katibu mkuu wa Chama Cha Mapinduzi (CCM),Dkt. Bashiru Ally amesema atamuomba Makamu wa Rais wa Jamhuri ya Muungano wa Tanzania Mheshimiwa Samia Suluhu ambaye ni Mjumbe wa Kamati Kuu na Mwenyekiti wa Umoja wa Wanawake (UWT),Bi. Gaudensia Kabaka kusuluhisha mgogoro kati ya Mkuu wa mkoa wa Shinyanga, Bi. Zainab Telack na Katibu wa CCM mkoa wa Shinyanga, Bi. Haula Kachwamba.

Dkt. Bashiru amefikia maamuzi hayo leo Jumatatu Januari 7,2019 wakati akiongea na watendaji wa CCM ngazi ya kata,wilaya na mkoa kwenye Ukumbi wa CCM Shinyanga na kueleza kuwa kitendo cha kutunishiana misuli ya kimamlaka baina ya viongozi hao wa chama na serikali Mkoani ni tishio katika kasi ya ujenzi wa mkoa wa Shinyanga. 

Alisema mgogoro huo hauna nafasi katika kipindi hiki ambapo CCM ina mpango mkakati wa kujiimarisha ili kuondoa changamoto za maendeleo zinazowakabili wananchi. 

"Hapa nimeambiwa kuna ka mgogoro kati ya Mkuu wa mkoa na katibu wa CCM mkoa,nimesikitika sana, siyo kawaida,ingawaje watu wanasema wanawake hawapendani,lakini mimi nina ushahidi wanawake ni msingi wa umoja kokote,wanawake huvumilia sana,wanawake ndiyo mfano bora katika jamii...

"Sasa nimeambiwa jambo hilo mwenyekiti limeshamshinda…mwanaume!!…..nasikia hata Waziri Mkuu amekuja hapa limemshinda....mwanaume!!, nasikia hata Makamu wa pili wa rais ambaye ni Mlezi wa mkoa huu,Mjumbe wa kamati kuu ya siasa amesema limemshinda…mwanaume! Sasa mimi sitaki kuliingilia kwa sababu na mimi ni mwanaume ",alisema Dkt. Bashiru.

“Jambo hili namkabidhi Mjumbe wa Kamati kuu na makamu wa Rais mwanamke,na nitamuongezea nguvu,nitamwambia Mama Kabaka,Mwenyekiti wa Umoja wa Wanawake,wakae wajifungie,wanawake wanne,wawili waliotofautiana na wawili nitakaowaomba wawasuluhishe... 

…..mimi nitapokea taarifa na taarifa hiyo nitampelekea Mwanaume Mkuu wetu,Rais Wetu kwa sababu yeye ndiye aliyemteua mkuu wa mkoa,na yeye ndiye aliyeniteua mimi ninayemuajiri katibu wa mkoa,hivyo tutakaa sisi wanaume wawili kumaliza matatizo ya wanawake hawa wawili”,aliongeza Dkt. Bashiru. 

“Na ninaamini wanawake wawili nitakaowaomba na wanaume wawili tutakaolishughulikia kulimaliza,ngoma itakuwa sare sare,sisi hatuishiwi ubunifu kwa kuimarisha umoja na mshikamano katika chama chetu...

…bila mkuu wa mkoa wewe siyo lolote siyo chochote,bila katibu wa mkoa wewe siyo lolote siyo chochote,wewe unasimamia shughuli za serikali ya CCM,wewe unasimamia chama ambacho ndicho kinasimamia serikali ya CCM,mkianza kuyumba mtayumbisha mkoa mzima,nimeshayasikia ya kila upande na sijazungumza nao tangu nimefika,kila mara nilikuwa nakwepa nisimsikie huyu wala huyu.... 

“Kwa sababu ninazo taarifa za kutosha,taarifa hizo ntamkabidhi Makamu wetu wa Rais na Mjumbe wa kamati kuu Mama Kabaka,wakae wawasikilize halafu watatushauri na matarajio yangu ni kwamba jambo hilo litakwisha salama,sasa kwa sababu ni mchakato ninawaomba kuanzia leo,wafanye zoezi dogo tu,washikane mikono mbele yangu na nyie mkishuhudia,muwe mashahidi halafu habari ya ushauri wa hawa akina mama wawili itafuata baadae”,alisema Dkt. Bashiru. 

Katika hatua nyingine,Dkt. Bashiru alisema pia katika mkoa wa Mwanza kuna mgogoro akidai upo mvutano kati ya kundi la Anthony Diallo na Meck Sadick na kusisitiza kuwa hahitaji kuona vurugu bali umoja na mshikamano. 

Dkt. Bashiru aliwakemea viongozi wenye dhamana ya kuunganisha wanachama na wananchi kuhusishwa na upuuzi wa namna yoyote,akidai kuwa hata hisia tu kwa sababu wamebeba dhamana ya kujenga chama,taifa ya umma hivyo hawapaswi kuhusishwa kwa namna yoyote ile na mgogoro wa aina yoyote ile unaomhusu mtu yeyote. 

“Ikianza kuzoeleka tabia hiyo,mamlaka ya Urais na mwenyekiti wetu yatadhoofishwa,ofisi ya katibu mkuu wa chama itadharauliwa na huo utakuwa mwanzo wa kufaranganyika kwa uongozi wa chama na serikali,hizi ni dhamana nzito na sisi dhamana zetu,ni dhamana tulizozibeba kutokana na wananchi”,alisema. 

Na Kadama Malunde – Malunde1 blog

Mkuu wa mkoa wa Shinyanga, Bi. Zainab Telack na Katibu wa CCM mkoa wa Shinyanga, Bi. Haula Kachwamba wakikumbatiana baada ya kutakiwa  Katibu Mkuu wa CCM, Dkt. Bashiru Ally kushikana mikono ili kumaliza mgogoro wao.Picha zote na Kadama Malunde - Malunde1 blog

Mkuu wa mkoa wa Shinyanga, Bi. Zainab Telack na Katibu wa CCM mkoa wa Shinyanga, Bi. Haula Kachwamba wakiendelea kukumbatiana kumaliza tofauti zao.

Mkuu wa mkoa wa Shinyanga, Bi. Zainab Telack (kushoto)  na Katibu wa CCM mkoa wa Shinyanga, Bi. Haula Kachwamba wakiangaliana baada ya kumaliza kukumbatiana walipotakiwa kushikana mikono.

Mkuu wa mkoa wa Shinyanga, Bi. Zainab Telack na Katibu wa CCM mkoa wa Shinyanga, Bi. Haula Kachwamba wakionesha hali ya furaha baada kutakiwa kushikana mikono kumaliza tofauti zao.

Wakuu wa wilaya na viongozi mbalimbali wa CCM wakiwa ukumbini.

Wakurugenzi wa halmashauri za wilaya na viongozi mbalimbali wa CCM wakiwa ukumbini.

Mkutano ukiendelea.

Wabunge wakiteta jambo. Wa kwanza kushoto ni Mbunge wa Jimbo la Shinyanga Mjini,Stephen Masele akifuatiwa na Mbunge wa Viti Maalumu mkoa wa Shinyanga Lucy Mayenga,Mbunge wa jimbo la Msalala,Ezekiel Maige na Mbunge wa jimbo la Kahama Mjini,Jumanne Kishimba wa kwanza (kulia).

Mkutano unaendelea.

Mkuu wa mkoa wa Shinyanga, Bi. Zainab Telack akizungumza ukumbini.

 wa CCM mkoa wa Shinyanga, Bi. Haula Kachwamba akizungumza ukumbini.

Mkutano unaendelea.

Wanachama wa CCM wakiwa ukumbini.

Wanachama wa CCM wakiwa wamesimama wakati wa kufunga mkutano.

Picha zote na Kadama Malunde - Malunde1 blog

Read More →

NJAA YAZITESA TIMU ZA LIGI KUU,MATOLA AIBUKA NA KUSEMA KWA MWENENDO HUU SIJUI TIMU GANI ITAFIKA

WAKATI kukiwa hakuna dalili yeyote ya kupatika mdhamini mkuu wa Ligi kuu soko ya Tanzania Bara ambayo inaelekea kumaliza mzunguko wake wa kwanza kocha  wa timu ya Lipuli, Seleman Matola,ameibuka na kutoa ya moyoni huku akionesha kukataa tamaa kwa ligi kuwa nzuri kwenye hatua ya  mzunguko wa pili.Matola ambaye ni mchezaji wa zamani wa wekundu wa msimbazi  amesema kuwa mwenendo wa mzunguko wa pili kwa timu nyingi zinazoshiriki Ligi Kuu zitakuwa na hali mbaya kutokana na ugumu wa uendeshaji wa timu. Matola ambaye alicheza timu ya Simba kwa mafanikio makubwa…

Source

Read More →

‘YABAINIKA,MC PILI KUMBE DOMO ZEGE’

‛YABAINIKA, MC PILIPILI NI DOMO ZEGE’ Mchekeshaji maarufu na MC mwenye wasifu wake ulioshiba katika tasnia ya Burudani Tanzania Emmanuel Mathias almaarufu kama MC Pilipili alipiga hatua moja kuelekea kuuaga ukapera rasmi baada ya juzi kumvisha pete ya uchumba mpenzi wake ambaye ni mke mtarajiwa wa mchekeshaji huyo ambaye ameteka soko kwa sasa katika mtindo wake wa vichekesho vya jukwaani maarufu zaidi kama standup comedy. Mchekeshaji huyo ambaye kitaaluma ni mwalimu na aliyewahi kufanyia kazi kituo cha luninga cha Tv1 Tanzania alikamilisha zoezi hilo mbele ya umati wa watu ambao…

Source

Read More →

FANYENI UTAFITI WA KUTOSHA ILI KUKOMBOA JIMBO LA IRINGA MJINI -MIZENGO PINDA

Na Francis Godwin Iringa Mlezi wa Chama Cha Mapinduzi (CCM) mkoa wa Iringa Mizengo Pinda amewataka viongozi CCM mkoa wa Iringa kuendelea kufanya utafiti wa kutosha utakaowezesha kumpata mgombea anayekubalika na wananchi ambae atalirejesha jimbo la Iringa CCM . Pinda ambae pia ni waziri mkuu mstaafu wa serikali ya awamu ya nne ameyasema hayo mkoani Iringa wakati akikutana na makundi tofauti tofauti ya wana CCM likiwemo kundi na wanafunzi wa vyuo vikuu vya Iringa ambao ni wana CCM ,kundi la wazee na viongozi wa CCM mkoa wa Iringa . Amesema…

Source

Read More →

MAKOMBORA YA MBUNGE MDEE NA CAG ASSAD YAMVURUGA NDUGAI,

MAKOMBORA yaliotolewa na Mkaguzi Mkuu wa Hesabu za Serikali (CAG) Prof. Mussa Assad na Mbunge wa Kawe,Halima Mdee ni kama yamemtikisa Spika wa Bunge Job Ndugai ndivyo unaweza kusema baada ya kuibuka na kuagiza watu hao kufika mbele ya kamati ya maadili ya Bunge Januari 21, 2019 kwa hiyari vinginevyo atapelekwa kwa pingu. Kwa upande wa Mbunge wa Kawe Halima Mdee ametakiwa kuripoti kamati hiyo Januari 22. Viongozi hao wa umma wanatuhumiwa na Spika Ndugai kulichafua bunge. Hatua hiyo ya Spika Ndugai imetokana na tuhuma zilizotolewa hivi karibuni na Profesa…

Source

Read More →

ALIYEKUWA MWENYEKITI WA CCM MKOA WA SHINYANGA ARUDI KWA KASI YA AJABU..AFUNGUKA MBELE YA BASHIRU

Aliyekuwa Mwenyekiti wa Chama Cha Mapinduzi mkoa wa Shinyanga Erasto Kwilasa ameanza kuitumikia CCM kwa ari mpya na nguvu mpya ili kukiimarisha chama hicho. 

Kwilasa ambaye hivi karibuni alirudishiwa uanachama baada ya kusimamishwa uanachama wa CCM na Halmashauri Kuu ya Taifa (NEC)akiwa mwenyekiti mkoa wa Shinyanga akidaiwa kukiuka misingi ya Katiba ya chama hicho mwaka 2017 ,amesema yupo tayari kutumwa kufanya jambo lolote kwa maslahi ya CCM. 

Kwilasa ameyasema hayo leo Jumatatu Januari 7,2018 wakati Katibu Mkuu wa CCM, Dkt. Bashiru Ally akizungumza na Watendaji wa CCM ngazi ya kata,wilaya na mkoa kwenye Ukumbi wa CCM Shinyanga. 

“Ninawaomba kwa jambo lolote nitumieni na nitatumika kwa maslahi Chama na ninaahidi kwamba tutafanya kazi pamoja na wanachama ili kuleta maendelo ya mkoani Shinyanga”,alisema Kwilasa huku akishangiliwa na wafuasi wa CCM ukumbini. 

“Ninawaombea kwa mwenyezi awape afya njema ili muweze kuchapa kazi na kujenga chama chetu na mimi mbele yenu ninaahidi nitakuwa mwanachama mwaminifu na mwadilifu kwa maslahi ya chama chetu na kukijenga chama na kuimarisha umoja na mshikamano ndani ya chama chetu”,aliongeza. 

“Nawashukuru sana mwenyekiti wa CCM taifa Dkt. John Pombe Magufuli na katibu mkuu Dkt. Bashiru Ally kwa usimamizi wa chama chetu,chama hiki kimeonekana kuwalenga zaidi wanyonge kwani haki zinatendeka hakuna jambo lolote la uonevu linaweza kupita mbele yenu mkaliangalia tu”,alisema Kwilasa. 

Miongoni mwa wenyeviti wa mikoa ambao Machi, 2017 walifukuzwa uanachama kwa kudaiwa kukiuka katiba ya CCM ni Mwenyekiti wa CCM wa Mkoa wa Iringa Jesca Msambatavangu, Mwenyekiti wa Mkoa wa Dar es Salaam, Ramadhan Madabida, Mwenyekiti wa Mkoa wa Shinyanga, Erasto Kwilasa na Mwenyekiti wa Mkoa wa Mara, Christopher Sanya.

Soma : Vigogo wa CCM wafukuzwa

Aliyekuwa Mwenyekiti wa Chama Cha Mapinduzi Erasto Kwilasa akishikana mkono na Katibu Mkuu wa CCM, Dkt. Bashiru Ally leo Januari 7,2019 katika Ukumbi wa CCM mkoa wa Shinyanga - Picha zote na Kadama Malunde - Malunde1 blog

Katibu Mkuu wa CCM, Dkt. Bashiru Ally akizungumza na Watendaji wa CCM ngazi ya kata,wilaya na mkoa kwenye ukumbi wa CCM Shinyanga. 

Aliyekuwa Mwenyekiti wa Chama Cha Mapinduzi Erasto Kwilasa akizungumza baada ya kukaribishwa atoe neno na Katibu Mkuu wa CCM, Dkt. Bashiru Ally

Erasto Kwilasa akizungumza na kuahidi kuwa mwanachama mwaminifu na mwadilifu wa CCM.

Picha zote na Kadama Malunde - Malunde1 blog

Read More →

SERIKALI YA GABON IMEZIMA JARIBIO LA KUPINDUA SERIKALI YA BONGO

Waziri wa mawasiliano nchini Gabon anasema wanajeshi waaminifu kwa serikali ya Rais Ali Bongo wamefanikiwa kuzima jaribio la mapinduzi ya serikali nchini humo.

Bw Guy-Bertrand Mapangou ameambia BBC kwamba wanajeshi wanne waliohusika katika jaribio hilo wamekamatwa na mwingine wa tano anasakwa.

"Hali ni tulivu. Polisi ambao huwa hapo wamerejea na kuchukua udhibiti wa eneo lote la makao makuu ya mashirika ya redio na runinga, kwa hivyo kila kitu kimerejea kawaida," amesema.

"Walikuwa watano. Wanne wamekamatwa na mmoja yupo mafichoni na atakamatwa saa chache zijazo."

Kundi la wanajeshi nchini Gabon lilikuwa limetangaza kwamba limetekeleza mapinduzi ya serikali katika taifa hilo la Afrika Magharibi na kutangaza amri ya kutotoka nje.

Chanzo:Bbc

ZAIDI SOMA <<HAPA>>

Read More →

DC.KATAMBI AAHIDI KUENDELEZA MAPAMBANO KWA WAVUNJAJI SHERIA DODOMA

Mkuu wa Wilaya ya Dodoma, Mhe. Patrobas Katambi, amesema yuko tayari usiku na mchana kupambana na kila aina ya uhalifu na ukiukwaji wa sheria Jijini Dodoma. “ Kwa Dodoma Wahalifu,  wazembe, wabadhirifu, wapiga deal, wala rushwa, wakwepa kodi, wachafuzi na waharibifu wa mazingira pamoja na wavunja haki za binadamu hasa kwa wanyonge hawana nafasi hapa na hatutawavumilia hata sekunde moja. “ Vyombo vyetu vipo imara kulinda mda wote haki za Raia, za Serikali, Taasisi na makundi yote,” amesema DC Katambi. Amesema ni muda wa kuchapa kazi na kujenga nchi kama…

Source

Read More →

MGOMBEA UBUNGE UKAWA JIMBO LA KWIMBA AKABIDHI BUSARA TANO KWA KATIBU MKUU CCM

Mgombea ubunge jimbo la Kwimba mkoani Mwanza mwaka 2015 ,Ntiga Julius Otto kupitia Chama Cha Wananchi CUF (UKAWA) amejiunga na Chama Cha Mapinduzi CCM na kupokelewa na Katibu Mkuu wa CCM, Dkt. Bashiru Ally.

Otto amejiunga CCM leo Jumatatu Januari 7,2019 wakati wa mkutano wa Katibu huyo wa CCM uliofanyika katika ukumbi wa CCM mkoa wa Shinyanga. 

Akizungumza wakati wa kukabidhi kadi ya CUF na busara tano za kustawisha Chama cha Mapunduzi,Otto alisema ameamua kujiunga CCM kwa sababu ni chama chenye mipango kazi inayotekelezwa kwa vitendo na uaminifu kama mwenye Mheshimiwa Rais John Pombe Magufuli alivyoahidi wakati wa kampeni za uchaguzi mkuu 2015. 

“Nimeamua kujiunga CCM kwa sababu ya utashi nilionao wa kutumikia wananchi kupitia siasa na kuamini kwamba CCM ndiyo mahali pekee penye ndoto na dira ya utekelezaji wa sera ili kuwaletea maendeleo wananchi”,alisema Otto. 

“Mheshimiwa Katibu Mkuu,naomba kukukabidhi bango langu nililolitumia wakati wa kampeni za uchaguzi mkuu mwaka 2015 nikiwania ubunge jimbo la Kwimba lakini pia naomba kukukabidhi karatasi hii yenye busara tano zinazolenga kukistawisha Chama Cha Mapinduzi”,aliongeza. 

Akiwa katika mkutano huo,Katibu Mkuu wa CCM ,Dkt. Bashiru Ally amepokea wanachama 126 wapya wakiwemo kutoka vyama vya upinzani.

Mgombea ubunge jimbo la Kwimba mkoani Mwanza mwaka 2015 ,Ntiga Julius Otto kupitia Chama Cha Wananchi CUF (UKAWA) akizungumza wakati wa kujiunga CCM leo -Picha zote na Kadama Malunde - Malunde1 blog

Katibu mkuu CCM ,Dkt. Bashiru Ally akiwa ameshikilia bango la Mgombea ubunge jimbo la Kwimba mkoani Mwanza mwaka 2015 ,Ntiga Julius Otto kupitia Chama Cha Wananchi CUF (UKAWA).Kulia ni Ntiga Julius Otto akiwa ameshikilia karatasi yenye busara tano za kustawisha Chama Cha Mapinduzi aliyoikabidhi kwa Dkt. Bashiru.

Mgombea ubunge jimbo la Kwimba mkoani Mwanza mwaka 2015 ,Ntiga Julius Otto kupitia Chama Cha Wananchi CUF (UKAWA) akishikana mkono na Katibu Mkuu wa CCM, Dkt. Bashiru Ally akimkaribisha CCM.

Mgombea ubunge jimbo la Kwimba mkoani Mwanza mwaka 2015 ,Ntiga Julius Otto kupitia Chama Cha Wananchi CUF (UKAWA) akiwa amekaa na makada wenzake wa CCM katika ukumbi wa CCM mkoa wa Shinyanga.

Read More →

NAHODHA WA SIMBA ATOA SIRI ZA AUSSEMS KWA WAARABU

Nahodha wa klabu ya soka ya Simba, John Bocco amesema kocha Patrick Aussems anatumia michuano ya mapinduzi kwa kutengeneza ushindani kwa kila mchezaji kwaajili ya mchezo wa ligi ya mabingwa Afrika dhidi ya JS Souara.

Bocco ameysema hayo akiwa visiwani Zanzibar ambako Simba inashiriki michuano hiyo ambayo imeshuhudiwa kocha Patrick Aussems akibadilisha wachezaji wake katika mechi mbili ambazo tayari ameshacheza.

''Haya mabadiliko anayoyafanya kocha ni kuelekea mechi yetu ya kimataifa, kila mchezaji anatakiwa kuwa imara na tayari kwa mchezo maana timu nyingine inaweza kubaki huku Zanzibar wengine wakaenda kucheza mchezo wetu wa Jumamosi dhidi ya JS Souara'', amesema Bocco.

Katika michuano ya Mapinduzi Simba ilishinda mchezo wake wa kwanza kwa mabao 4-1 dhidi ya Chipukizi ya Zanzibar kabla ya jana usiku kuifunga KMKM kwa bao 1-0.

Kwa mujibu wa ratiba ya kikosi hicho endapo kitafuzu nusu fainali ya Mapinduzi Cup watabaki wachezaji wa kikosi cha pili huku wale wa kikosi cha kwanza wakirejea Dar es salaam tayari kwa mchezo wao wa kwanza hatua ya makundi.

Chanzo:Eatv

Read More →

RAIS BONGO APINDULIWA NA WANAJESHI GABON

Kundi la maofisa wa jeshi nchini Gabon limetangaza kwamba limetekeleza mapinduzi ya serikali katika taifa hilo la Afrika Magharibi iliyokuwa ikiongozwa na Rais Ali Bongo.

Vyombo mbalimbali vya habari vya kimataifa vimesema kwamba taarifa ya wanajeshi hao kufanya mapinduzi imetangazwa katika kituo cha redio cha serikali majira ya saa kumi na mbili alfajiri kwa saa za Afrika Mashariki.

Imeelezwa kwamba wanajeshi wenye vifaru na magari ya kivita yanaendelea na doria katika barabara za mji mkuu Libreville. Shirika la habari la AFP inasema milio ya risasi imesikika jijini humo.

Wanajeshi hao wamesema wamechukua hatua hiyo "kurejesha demokrasia" na wametangaza kwamba wanataka kuunda 'Baraza la Taifa la Ufufuzi/Ukombozi' huku wakikosoa hotuba ya Mwaka Mpya iliyotolewa na Rais Bongo mnamo 31 Desemba.

Mapinduzi hayo yamefanywa wakati Rais Bongo akiwa nje ya nchi hiyo kwa zaidi ya miezi miwili, akipokea matibabu nchini Morocco kutokana na maradhi ambayo hayajafichuliwa baada ya kuugua akiwa ziarani Saudi Arabia, 24 Oktoba.

Rais Ali Bongo alianza kuiongoza Gabon 2009 kwa mara ya kwanza na baadaye katika uchaguzi wa marudio uliofanyika 2016 ambapo inaelezwa kuwa alipokea madaraka kutoka kwa baba yake Omar Bongo ambaye aliiiongoza nchi hiyo ya Afrika magharibi kwa zaidi ya miaka 40.

Chanzo:Eatv

Read More →

WAZIRI APIGA MARUFUKU HALMASHAURI KUTUMIA WAKANDARASI

Naibu waziri wa Afya, Maendeleo ya Jamii, Jinsia, Wazee na Watoto, Dkt. Faustine Ndugulile amewaagiza watendaji wa halmashauri zote nchini kutotumia wakandarasi kujenga miradi mbalimbali inayohusu sekta ya afya.

Ametoa agizo hilo mkoani Ruvuma wakati alipotembelea na kujionea ukarabati na ujenzi wa Chuo cha Wauguzi Songea na Chuo cha Maendeleo ya Jamii Mlale katika ziara yake ya kikazi mkoani humo.

Amesema kuwa miradi hiyo inatakiwa kutumia mtindo wa 'Force Account', ambao unatumia mafundi wa kawaida kujenga miradi hiyo.

"Fedha zote za maendeleo Ndani ya Wizara yetu ya Afya, Maendeleo ya Jamii, Jinsia, Wazee na Watoto, utaratibu utakuwa ni 'Force Account'. Kibali cha kwenda kwa wakandarasi kitatoka kwa mawaziri, kwasababu mwisho wa siku ninayewajibika ni mimi", amesema Dkt. Faustine Ndugulile.

Naibu Waziri Ndugulile amefikia hatua hiyo baada ya kupokea taarifa ya kuanza kwa mchakato wa ujenzi wa baadhi ya majengo na ukuta wa Chuo cha Waganga mkoani humo, ambao ungegharimu zaidi ya shilingi milioni 900, akisema kwamba endapo ungetumika mfumo wa 'Force Account' zingejenga jengo hilo na ukuta.

Chanzo:Eatv

Read More →

KATIBU MKUU WA CCM : VYAMA VINAVYOTAFUTA WAFUASI MITANDAONI,MAHAKAMANI VITAKUFA

Katibu Mkuu wa Chama cha Mapinduzi nchini Tanzania Dkt. Bashiru Ally amesema vyama vinavyotafuta wafuasi kwenye nyumba za ibada,mahakamani,mitandaoni safari yao siyo ndefu vitakufa kifo cha mende.

Dkt. Bashiru ameyasema hayo leo Jumatatu Januari 7,2018 wakati akizungumza na wanachama wa CCM mkoa wa Shinyanga katika ukumbi wa CCM mkoa wa Shinyanga.

Amesema kutokana na vyama vya siasa kutafuta wafuasi kwenye misikiti,makanisa,mahakamani na mitandaoni haviwezi kufika mbali basi vitakufa kwa sababu ya kujitakia wao wenyewe.

Ameviomba vyama vya siasa kutoshinda mahakamani kutafuta ruzuku na kwamba wanahitaji ushindani wa kweli wa maendeleo. 

“Tunahitaji kujenga chama kwa misingi ya kidemokrasia,tunataka ushindani utawavutia watanzania kuendelea kutuamini,Kadri tutakavyojiimarisha tutakuwa chama mfano kwa vyama vingine 

Aidha amewataka wanachama wa CCM kuacha tabia ya kutafuta ubunge na nafasi zingine za uongozi na badala yake wawaache viongozi waliochaguliwa watekelezea majukumu yao na muda utakapofika wa kufanya uchaguzi. 

Na Kadama Malunde- Malunde1 blog

Katibu Mkuu wa Chama cha Mapinduzi nchini Tanzania Dkt. Bashiru Ally  akizungumza na wanachama wa CCM katika ukumbi wa CCM mkoa wa Shinyanga leo - Picha zote na Kadama Malunde - Malunde1 blog

Read More →

SERIKALI YA GABON YAPINDULIWA NA JESHI

Kundi la wanajeshi nchini Gabon limetangaza kwamba limetekeleza mapinduzi ya serikali katika taifa hilo la Afrika Magharibi. Wanajeshi wenye vifaru na magari ya kivita wanashika doria katika barabara za mji mkuu Libreville. Shirika la habari la AFP inasema milio ya risasi imesikika jijini humo. Amri ya kutotoka nje imetangazwa. Tangazo kutoka kwa kundi la vijana wa umri wa makamo linatangazwa na kurudiwa katika kituo cha redio cha serikali nchini humo, ambapo wanasema kumekuwepo na wasiwasi kuhusu uwezo wa Rais Ali Bongo kuongoza nchi hiyo. Walichukua udhibiti wa kituo hicho cha…

Source

Read More →

TUNDU LISSU AACHIA WARAKA,SPIKA NDUGAI AJIBU

Mbunge wa Singida Mashariki, Tundu Antiphas Lissu amemlalamikia Spika wa Bunge la Tanzania, Job Ndugai kwa kushindwa kutimiza ahadi yake ya kwenda kumuona hospitalini kama alivyoahidi.

Lissu ameyasema hayo kupitia Waraka huo wenye kichwa cha habari ‘Mwaka mpya 2019, Mwaka wa kurudisha demokrasia, haki za binadamu na utu wetu Tanzania’ .

Lissu amelalamika kutotembelewa na Spika wa Bunge, Job Ndugai wala watumishi wa Bunge licha ya kuahidiwa.

“Kabla sijahamishiwa nchini Ubelgiji (Januari 6 mwaka jana) kutoka Kenya, Spika Ndugai aliahidi hadharani, kwenye mahojiano na Azam TV, kwamba atafika kunitembelea, mahali popote nitakapokuwa nimelazwa hospitalini.

"Hadi ninapoandika maneno haya, bado Spika Ndugai hajatimiza ahadi yake hiyo. Hakuna mjumbe wa Tume ya Utumishi wa Bunge, au ofisa yeyote wa Bunge, aliyefika hospitalini kuniona na kunijulia hali.”

Akizungumzia kuhusu madai hayo, Spika Ndugai amesema wameshayatolea ufafanuzi malalamiko hayo mara kadhaa.

Amesema alipanga kwenda kumtembelea Nairobi lakini, “tarehe zangu nilizokuwa nimezipanga, akawa amehamishiwa kwenda Ubeligiji, kwa hiyo safari yote ikawa imevurugika.”

Kuhusu Bunge kugharamia matibabu yake, alisema ni kwa sababu hakufuata utaratibu unaotakiwa kwa mbunge kutibiwa nje.

“Mbunge hatibiwi katika nchi anayotaka mwenyewe kama yeye anavyofanya, unatibiwa nje pale inapobidi, pale unapokuwa na recommendations (ushauri) ya madaktari bingwa watatu wa hospitali ya Taifa ya Muhimbili,” alisema.

Alisema kuna wabunge wanaotibiwa nchi za mbali kama Ujerumani, Uingereza na Marekani kwa gharama zao.

“Sasa nashangaa analalamika kitu gani wakati ukishachagua jambo si unaenda na chaguo lako?” alihoji.

Aliongeza kuwa Bunge linaendelea kumlipa mshahara kwa sababu hajafukuzwa kazi.

“Tumempenda sana huko aliko na ndiyo maana anauliza kwa nini tunaendelea kumlipa, angesema ahsante kwa upande huo, angalau mmenijali,” alisema.

Aidha, Tundu Lissu amelalamika tangu kushambuliwa na watu wasiojulikana kwa risasi Septemba 7, 2017 hakuna mtu yoyote aliyehojiwa na wapelelezi wala Jeshi la Polisi kutofanyia uchunguzi shambulio hilo.

“Katika shambulio hili, hakuna anayeshukiwa na Jeshi letu la Polisi hadi sasa. Hakuna aliyehojiwa na wapelelezi mahiri wa Jeshi letu la Polisi. Hakuna aliyekamatwa na kwa hiyo, hakuna aliyeshtakiwa” alidai Lissu.

Hata hivyo, Oktoba 2017, akizungumza na vikosi vya jeshi hilo Mbeya, Inspekta Jenerali wa Polisi (IGP), Simon Sirro alitangaza kufunga mjadala kuhusu kupigwa risasi kwa Lissu huku akiwaonya wanasiasa kuacha kuuendeleza na waliachie jeshi lifanye kazi yake.

Katika waraka wake huo, Lissu amesema anaendelea vizuri na matibabu, kwa sasa ameanza mazoezi ya kutembea bila magongo.

Read More →

MKUU WA MKOA WA TABORA AWAONYA WANAOUNGANISHA SAUTI NA RAIS MAGUFULI..SOMA HIYOOO

Mkuu wa Mkoa wa Tabora, Mhe. Aggrey Mwanri amewataka Watu wanaounganisha sauti yake na kuchanganya sauti ya Rais Magufuli, kuacha mara moja tabia hiyo kwani inaleta picha mbaya kwa viongozi.

Mwanri amesema kuwa kitendo hicho sio kizuri, kwani viongozi wa juu kama Rais ni taasisi na mamlaka yake ni kubwa.

Mwanri ametoa kauli hiyo ikiwa ni siku chache tangu kusambaa kwa kipande kifupi cha video ambayo inamuonesha kiongozi huyo, na Rais Magufuli wakijibishana kwa maneno.

Mwanri amesema; "wakati mwingine huwa naona wanavyotuweka pamoja na viongozi ambao nawaheshimu sana, si kitu kinachonifurahisha sana, licha ya kuunganisha kuleta kichekesho lakini mimi binafsi sifurahishwi nao."

"Kuhusu wanaotumia sauti yangu kutengeneza muziki sina shida nao ila muhimu mimi matokeo yangu ipatikane kwa wananchi wa Tabora na wala sitakimbilia kwenye biashara eti wanilipe." ameongeza Mwanri.

Mkuu huyo wa Mkoa wa Tabora Agrey Mwanri amekuwa maarufu kupitia mitandao ya kijamii hivi karibuni kwa kuanzisha misemo mbalimbali ikiwemo, sukuma ndani, fyekelea mbali, pamoja na Injinia soma hiyo.

Read More →

WAZIRI WA KILIMO: IFIKAPO JUNI 2019 WAKULIMA WOTE WATAKUWA WAMESAJILIWA NA KUWA NA VITAMBULISHO

Na Mathias Canal, Wizara ya Kilimo; Tunduru-Ruvuma

Wizara ya Kilimo imeanza kuandikisha wakulima nchini kwa lengo la kuwatambua ili kuwarahisishia huduma mbalimbali zikiwemo uhitaji wa pembejeo za kilimo.

Waziri wa Kilimo Mhe Japhet Hasunga (Mb) ameyasema hayo wakati akizungumza na Wenyeviti na makatibu wa Vyama vya Msingi kwenye kikao kazi kilichofanyika leo tarehe 6 Januari 2019 katika Ukumbi wa Claster Mjini Tunduru katika Mkoa wa Ruvuma.

Akiwa katika ziara ya siku moja Wilayani Tunduma Waziri huyo amesema kuwa kumekuwa na upotoshaji mkubwa wa taarifa zinazohusu uandikishwaji wa wakulima kuwa una lengo baya, hivyo amewataka wakulima hao kutosikiliza propaganda hizo zisizo na tija kwani utambuzi wa wakulima ni jambo la kawaida kufanya utambuzi.

Alisema kuwa kuandikisha kwa wakulima ni njia pekee ya kuwa na takwimu sahihi kwa kutambua idadi ya wakulima, vijiji na Kata wanazolima ikiwa ni pamoja na kutambua ukubwa wa mashamba yao kwani kufanya hivyo serikali itakuwa na urahisi wa kuwahudumia wakulima hao.

Katika hatua nyingine Mhe Hasunga amempongeza Mkuu wa Wilaya ya Tunduru Mhe Juma Homera kwa kusimamia vyema sakata la korosho kwa kusikiliza kesi 11 huku zikifikishwa mahakamani kwa ajili ya kutafutiwa ufumbuzi.

“Nakupongeza sana Mhe Homera kwa usimamizi madhubuti katika kudhibiti kangomba nilipata taarifa kuwa Kg 17,679 za korosho mmezikamata pamoja na zingine Kg 2,779.2 jambo hilo ni zuri endeleeni kusimamia vyema majukumu ya serikali ikiwa ni utekelezaji wa ilani ya CCM yam waka 2015-2020” Alikaririwa Mhe Hasunga

Kwa upande wake Mkuu wa Wilaya ya Tunduru Mhe Juma Homera aliipongeza Wizara ya Kilimo kwa kuanza kuwalipa wasafirishaji wa korosho kutoka maghala ya vyama vya msingi, kuwalipa gharama za uendeshaji kwa vyama vya masingi, kuwalipa watunza maghala na magunia sambamba na kuondoa mzigo kwa wakati kutokana na ghala kuezuliwa na upepo lililokuwa na jumla ya Tani 536.

Pamoja na pongezi hizo pia Homera amezitaja changamoto mbalimbali katika Oparesheni korosho kuwa ni pamoja na kuchelewa kwa malipo ya wananchi waliofanyiwa uhakiki, utaratibu wa upatikanaji wa miche ya korosho kwa msimu wa mwaka 2018/2019, na mkanganyiko wa upatikanaji wa mapato ya Halmashauri 3% ya bei ya korosho.

Read More →