RAIS KIKWETE AKIHUTUBIA BUNGE HII LEO

Hii ni kutokana na mwaliko wa mwenyekiti wa bunge Samwel sitta

Read More →

WAALIMU BINZA SHULE YA MSINGI,WAKANA KUWAZOMEA WALIMU WA SHANWA SHULE YA MSINGI

WAALIMU  BINZA SHULE YA MSINGI, WAKANA KUWAZOMEA WAALIMU WA SHULE YA MSINGI SHANWA KATIKA WILAYA YA MASWA

Waalimu wa shule ya Msingi katika Wilaya ya Maswa wamekanusha vikali juu kudaiwa kuwazomea  Waalimu wenzao wa shule ya Msingi Shanwa zote zikiwa katika Mji mdogo wa Maswa

Kwa mujibu wa Mwalimu mkuu msaidizi Shule ya msingi Binza Bibi Iviri Swai alisema kuwa Ofisi yake pamoja na Walimu wenzake wamesikitishwa mno na taarifa zilizo andikwa na gazeti la Tanzainia daima la Feburuari 12,2014 toleo Namba 3357 kuwa si za kweli hata kidogo jambo hilo halipo shuleni kwake

Mwalimu Swai katika maelezo yake kwa mwandishi habari hizi alisema kuwa anachofahamu ujio wa Afisa Elimu msingi kufika katika shuleni yake  alikuwa na ujumbe wa kuwaeleza Walimu wa Shule ya Binza na Shanwa juu ya ujio wa Rais Jakaya Kikwete katika Wilaya Maswa wala hapakuwa na maelekezo mengine

Aidha alipo ulizwa mwalimu Mkuu wa Shule ya Msingi Shanwa Gilda Gogadi yeye kwa upande wake alisema amesikitishwa na taarifa hizo zilizo andikwa  na gazetii la Tanzania daima kuwa zilikuwa na lengo la kuwachonganisha kati uongozi wa shule ya msingi Binza na Shule yake ya Shanwa

“Inawezekana mwadishi huyu hana madili ya uandishi wa habari na si dhani kama ni Mwandishi wa habari anaye fahamu wajibu wake huyu ni mzushi na kama ameshindwa kazi ya uandishi wa habari atafute kazi ingine au akandikie magazeti ya udaku hayo ndiyo kazi yake umbeya na uzushi tu”alisema Mwalimu Gogadi

“Hata hivyo pamoja na kuandika habari za uongo na kumchafua Afisa Elimu wetu ambaye kimsingi bado ni mgeni katika Wilaya Maswa si kwamba ametuchafua sisi hiyo amewachafua Walimu wote wa Halimashauri ya Maswa na Jamii nzima”alisema Gogadi

Kwa upande wake Afisa Elimu katika Halimashauri ya Wilaya ya Maswa  Mabeyo Bujimu  aliyehamia kutoka Halimashauri ya Kibondo mkoani Kigoma alisema kuwa kazi yake ni kusimamia taaluma na Waalimu wote wa Shule za Msingi katika Halimashauri ya Wilaya ya Maswa na Si vingenevyo

Bujimu alibainisha zaidi kwamba kitendo cha kuandikwa na baadhi ya vyombo vya habari hususani gazeti la Tanzania Daima ni kitendo cha kutaka kumdalisha na kudalisha  taaluma ya elimu kwa ujumla “sisi Wataalamu[Walimu]hatuko katika majukwa ya kisiasa kazi yetu ni moja kuelimisha watoto basi”alisisitiza Bujimu

“ Hivi mwandishi kwa uelewa wako mimiDEO mzima] nitoe magizo kwa Walimu wa  Binza wakazomee Walimu wa Shanwa nimeanza jana kazi ya ualimu?huyu mwandishi  ana elimu ndogo yupo yupo tu nenda katika shule zote mbili Binza na Shanwa ukweli utaupata huko”alisema kwa kujiamini  Bujimu.

                       

Read More →

WAALIMU  BINZA SHULE YA MSINGI, WAKANA KUWAZOMEA WAALIMU WA SHULE YA MSINGI SHANWA KATIKA WILAYA YA MASWA

Waalimu wa shule ya Msingi katika Wilaya ya Maswa wamekanusha vikali juu kudaiwa kuwazomea  Waalimu wenzao wa shule ya Msingi Shanwa zote zikiwa katika Mji mdogo wa Maswa

Kwa mujibu wa Mwalimu mkuu msaidizi Shule ya msingi Binza Bibi Iviri Swai alisema kuwa Ofisi yake pamoja na Walimu wenzake wamesikitishwa mno na taarifa zilizo andikwa na gazeti la Tanzainia daima la Feburuari 12,2014 toleo Namba 3357 kuwa si za kweli hata kidogo jambo hilo halipo shuleni kwake

Mwalimu Swai katika maelezo yake kwa mwandishi habari hizi alisema kuwa anachofahamu ujio wa Afisa Elimu msingi kufika katika shuleni yake  alikuwa na ujumbe wa kuwaeleza Walimu wa Shule ya Binza na Shanwa juu ya ujio wa Rais Jakaya Kikwete katika Wilaya Maswa wala hapakuwa na maelekezo mengine

Aidha alipo ulizwa mwalimu Mkuu wa Shule ya Msingi Shanwa Gilda Gogadi yeye kwa upande wake alisema amesikitishwa na taarifa hizo zilizo andikwa  na gazetii la Tanzania daima kuwa zilikuwa na lengo la kuwachonganisha kati uongozi wa shule ya msingi Binza na Shule yake ya Shanwa

“Inawezekana mwadishi huyu hana madili ya uandishi wa habari na si dhani kama ni Mwandishi wa habari anaye fahamu wajibu wake huyu ni mzushi na kama ameshindwa kazi ya uandishi wa habari atafute kazi ingine au akandikie magazeti ya udaku hayo ndiyo kazi yake umbeya na uzushi tu”alisema Mwalimu Gogadi

“Hata hivyo pamoja na kuandika habari za uongo na kumchafua Afisa Elimu wetu ambaye kimsingi bado ni mgeni katika Wilaya Maswa si kwamba ametuchafua sisi hiyo amewachafua Walimu wote wa Halimashauri ya Maswa na Jamii nzima”alisema Gogadi

Kwa upande wake Afisa Elimu katika Halimashauri ya Wilaya ya Maswa  Mabeyo Bujimu  aliyehamia kutoka Halimashauri ya Kibondo mkoani Kigoma alisema kuwa kazi yake ni kusimamia taaluma na Waalimu wote wa Shule za Msingi katika Halimashauri ya Wilaya ya Maswa na Si vingenevyo

Bujimu alibainisha zaidi kwamba kitendo cha kuandikwa na baadhi ya vyombo vya habari hususani gazeti la Tanzania Daima ni kitendo cha kutaka kumdalisha na kudalisha  taaluma ya elimu kwa ujumla “sisi Wataalamu[Walimu]hatuko katika majukwa ya kisiasa kazi yetu ni moja kuelimisha watoto basi”alisisitiza Bujimu

“ Hivi mwandishi kwa uelewa wako mimiDEO mzima] nitoe magizo kwa Walimu wa  Binza wakazomee Walimu wa Shanwa nimeanza jana kazi ya ualimu?huyu mwandishi  ana elimu ndogo yupo yupo tu nenda katika shule zote mbili Binza na Shanwa ukweli utaupata huko”alisema kwa kujiamini  Bujimu

Mwandishi wa habari hizi alipo hojiana na baadhi ya Waalimu kutoka Shule ya msingi Binza na Shanwa ambao  majina yao yame[ hifadhiwa] kwa kwa sasa kwa nyakati tofauti walisema wanatarajia kuitisha kikao kwa shule zote mbili [Shanwa na Binza] ili kutoa tamko lao hatua za kuchukua dhidi ya Mwandishi wa habari na na chombo anacho andikia.

                       

Read More →

DOGO JANJA WAVUNJA UCHUMBA WA MTU MTWARA

DOGO JANJA, ASLAY WAVUNJA UCHUMBA WA MTU MTWARA

Na Chande Abdallah na Nyemo Chilongani
MADOGO wanaotikisa katika ulimwengu wa muziki Bongo, Abdulaziz Chende ‘Dogo Janja’ na Asilahi Isihaka ‘Aslay’ wamedaiwa kuvunja uchumba wa jamaa aliyefahamika kwa jina la Fikiri Chodas na Farida.

Asilahi Isihaka ‘Aslay’.

Tukio hilo lilitokea usiku wa Machi 7, mwaka huu, Newala mkoani Mtwara wakati wasanii hao walipokuwa wamekwenda kufanya ziara ya kimuziki.
Kwa mujibu wa chanzo makini, baada ya madogo hao kufanya shoo kali mjini humo, Farida aliwang’ang’ania wasanii hao waliokuwa wakijiandaa kwenda kulala katika hoteli waliyofikia ndipo Fikiri alipokasirika.
Uvumilivu ulimshinda Fikiri, akamvaa Dogo Janja na kumtaka aachane na mpenzi wake, mchumba wake huyo naye akaja juu na kuhamia kwa Aslay ndipo vurugu ilipotokea ambapo Fikiri alihangaika kumkwida ili kumuokoa mpenzi wake asiondoke na wasanii hao.

Abdulaziz Chende ‘Dogo Janja’.

Kuonesha mwanamke huyo alikuwa ‘amekolea’ kwa wasanii hao, alianza kumporomoshea mpenzi wake matusi ya nguoni na kudai amuache kwani ‘wametembea’ naye siku moja tu.
Fikiri alipoona mpenzi wake huyo anamkana, aliamua kutangaza kummwaga papo hapo.
Jitihada za mapaparazi wetu kufuatilia sakata hilo kwa undani zilizaa matunda baada ya kufanikiwa kunasa video ya timbwili hilo (litarushwa hewani kupitia Global Online TV).
Mapaparazi wetu walimtafuta Dogo Janja kwa njia ya simu, alipopatikana alifunguka:
“Kweli siku ile tulipomaliza shoo tu tulimuona huyo demu (Farida) anakuja kwetu. Ghafla jamaa akatokea na kuanza kugombana. Sisi tuliondoka sasa kama jamaa kamuacha mpenzi wake ni yeye mwenyewe, sisi hatukuondoka naye,” alisema Dogo Janja.

Read More →

ALI KIBA KUTISHIWA KUUAWA, DIAMOND KUHOJIWA POLISI

SAKATA la staa wa Bongo Fleva, Ally Saleh ‘Ali Kiba’ kunusurika kuuawa na watu wasiojulikana kwa kutumia bastola limechukua sura mpya, safari hii, Nasibu Abdul ‘Diamond’ amefunguka kuwa amejiandaa kuhojiwa na polisi.

Ally Saleh ‘Ali Kiba’.

Kwa mujibu wa chanzo chetu katika jeshi hilo jijini Dar, Diamond ambaye amekuwa akitajwa sana katika sakata hilo kupitia mitandao ya kijamii ataitwa kuhojiwa.
“Unajua ile kesi ipo hapa Central, awali ilitokea Polisi Msimbazi, sasa mpelelezi wake amekuwa akifikiria kumwita Diamond ili amhoji maana anatajwa sana,” kilisema chanzo hicho.
Hivi karibuni, Ali Kiba alivamiwa usiku na watu zaidi ya watano nyumbani kwao, Kariakoo jijini Dar ambapo waliruka ukuta na kuingia ndani huku kila mmoja akiwa na bastola.

Nasibu Abdul ‘Diamond’.

Ilidaiwa kuwa, mmoja kati ya watu hao ambao ilisemekana walitumwa kumuua msanii huyo, aliibua mzozo wa makusudi kwa wenzake ili kumpa mwanya Kiba kutoroka kwa vile hakufurahishwa na kitendo hicho.
Habari zinasema walipoingia ndani huku kelele za mbwa zikasaidia kumshtua staa huyo, ule mzozo ulioanzishwa na wavamizi hao ulimsaidia Kiba kutoroka ingawa walimkosakosa risasi.
Ikasemekana baada ya msanii huyo kukimbia, jamaa ambaye alimkingia kifua alimpigia simu na kumfungukia watu waliohusika huku ikidaiwa kuwa baadhi yao ni mastaa wenzake.
“Alinitajia tu majina lakini nilishindwa kuthibitisha moja kwa moja hivyo nikayafikisha Kituo Kikuu cha  Polisi (Central) kwa ajili ya uchunguzi,” alisema Ali Kiba huku akikataa kutaja hata jina moja.
Hata hivyo, mengine yaliibuka hasa kwenye mitandao ya kijamii kuwa, miongoni mwa wasanii waliohusika katika tukio hilo eti ni na Diamond.
Amani lilimsaka afande mmoja ambaye anajua mwenendo wa kesi hiyo ambaye alikiri kesi hiyo kuwepo Central lakini alisema mambo yote ni siri ya kazi.
“Nani atahojiwa, nani hatahojiwa ni siri ya kazi yetu,” alisema.
Juzi, paparazi wetu walimtafuta staa huyo wa Wimbo wa Number One ili kusikia anazungumziaje manenomaneno hayo ya kwenye mitandao na vinywa vya watu.
“Nimeshasikia nikitajwa katika hilo, kimsingi ni madai mazito lakini mimi nipo tayari kuhojiwa ili sheria ichukue mkondo wake kwani najua si kweli na sijui lolote,” alisema Diamond.
Akandelea: “Mimi na Kiba kuna ugomvi gani hadi nifikie hatua hiyo. Kwanza sina moyo wala uwezo wa kufanya hivyo.”

Read More →

AUNT ,WEMA WALA KICHAPO

KIMEWAKA! Habari zilizothibitishwa zinaeleza kuwa, sura mbili za mauzo kwenye sinema za Kibongo, Wema Isaac Sepetu na Aunt Ezekiel Grayson wanadaiwa kula kichapo kutoka kwa msanii mwenzao, Adam Kuambiana, Amani limeinyaka.

Wema Sepetu.

Tukio hilo lililoshuhudiwa na ‘shushushu’ wetu lilijiri mchana kweupe maeneo ya Mikocheni, Dar, hivi karibuni baada ya kuibuka timbwili lenye ujazo wa kilo kadhaa baina ya mastaa hao.
ALIANZA WEMA
Kwa mujibu wa chanzo, Wema ndiye aliyeanza kummwagia Kuambiana maneno ya shombo akimwambia kuwa ahakikishe siku hiyo haipiti bila kukata kucha za miguuni kwani ni ndefu na zinatisha.
“Mwanzoni ilikuwa kama utani tu. Wema alimwambia Kuambiana akate kucha, tena itabidi atumie mkasi wa kukatia michongoma maana kwa wembe hazikatiki.

Aunt Ezekiel.

“Pia Wema alimwambia yeye hawezi kumwacha mpenzi wake na kucha ndefu kama hizo za Kuambiana,” kilisema chanzo chetu.
Ilizidi kudaiwa kwamba wakati Wema akiendelea ‘kumpaka’ Kuambiana, Aunt aliyekuwa amejilaza chini alidakia na kusikika akisema kuwa ni kweli msanii huyo mwenye uwezo wa juu katika fani anatakiwa kukata kucha hizo huku akizungumza maneno ya shombo kwa jamaa huyo.
HASIRA
“Baada ya kuona imekuwa ‘too much’, Kuambiana alipandwa na hasira, akanyanyuka kwenye kochi na kumfuata Wema kwa lengo la kumpa kipigo,” kilisema chanzo hicho.

Martin Kadinda.

MARTIN KADINDA AMUOKOA
Habari zilidai kwamba, Kuambiana alipomfikia Wema alianza kumpiga vibao hadi meneja wake, Martin Kadinda akaingilia kati kumuokoa mwanadada huyo ambaye pia ni meneja wake.
KIBAO CHAMGEUKIA AUNT
Chanzo kilieleza kwamba baada ya kuachana na Wema, msaanii huyo ambaye pia ni ‘dairekta’ wa sinema mbalimbali za Bongo alimfuata Aunt na kuanza kumlamba makofi ya kutosha.
Tukio hilo lilizua tafrani na kuwafanya wasanii wengine waliokuwa eneo hilo wakimbie na kushindwa kuwatetea Aunt na Wema kwa kuogopa kugeuziwa kibao.

Adam Kuambiana.

KUAMBIANA ANASEMAJE?
Baada ya kuinyaka ishu hiyo, mapaparazi wetu walimtafuta Kuambiana na kumuuliza kulikoni kugeuka bondia na kuwapiga warembo hao ambapo alikiri kutokea kwa ishu huyo.
Alisema kuwa, Wema na Aunt ni kama wadogo zake, tena yeye kama dairekta wao walipaswa kumheshimu na siyo kumvunjia heshima.
“Akina Wema ni wadogo zangu, wanahitaji kuniheshimu na mimi ndiye mwongozaji wa filamu yao, kwa nini wanikosee heshima? Hata kama wamekasirika lakini nimewashikisha adabu,” alisema Kuambiana kwa ile sauti yake nzito.
WEMA & AUNT
Kwa upande wao, walipoulizwa Aunt na Wema kuhusiana na kichapo walichopewa walisema walishamzoea jamaa huyo, lakini kwa alilolifanya la kuwapiga makofi  aliwakwaza kwa sababu hata kama ni mwongozaji wa filamu yao lakini alikuwa pale kwa ajili yao.
HISTORIA YA KUAMBIANA
Ukiachana na tuki hilo, Kuambiana anadaiwa kuwa na mkono mwepesi hasa anapokuwa ‘lokesheni’ ambapo mwaka jana, aliwahi kumtia mikononi staa mwingine wa filamu za Bongo, Rose Ndauka walipokuwa wakirekodi filamu visiwani Zanzibar.
Siku ya tukio hilo, Kuambiana alikuwa akidairekti Filamu ya Distress in Zanzibar. Alimshutumu Rose kuvaa mavazi tofauti na maagizo yake, katika kujibishana akamuwasha makofi.
HATA MITAANI!
Juni, mwaka jana, Kuambiana alimshushia kipigo Fadhili Joseph ambaye alimdai fedha za bia alizokunywa kwenye baa yake, Sinza, Dar es Salaam.
Kuambiana aliposhindwa kulipa aliacha laptop (kompyuta mpakato), siku iliyofuata alirudi na kushusha kichapo huku akiitaka laptop hiyo.
Kuambiana alikamatwa na Polisi Kawe, Dar kwa faili la malalamiko KW/RB/5761/2012 SHAMBULIO. Kesi hiyo ikahamishiwa Kituo cha Polisi Kijitonyama ‘Mabatini’ kwa vile ndiyo kituo cha karibu na eneo la tukio.
MADAIREKTA WAKOJE?
Mbali na Kuambiana, staa mwingine ambaye pia ni dairekta wa muvi za Bongo, Issa Musa ‘Cloud’ naye aliwahi kutoa kipigo cha bakora kwa msanii Blandina Chagula ‘Johari’ kwa kosa la kuchelewa kufika sehemu ya kurekodia filamu.

Read More →

PINGAMIZI LA MGOMBEA UBUNGE CHADEMA CHALINZE

TAARIFA YA PINGAMIZI LA MGOMBEA WA UBUNGE JIMBO LA CHALINZE FABIAN LEONARD SKAUKI – MGOMBEA CHAMA CHA WANANCHI –CUF

                                                            DHIDI YA
MATHAYO MANG’UNDA TORONGEY – MGOMBEA CHAMA CHA DEMOKRASIA NA MAENDELEO - CHADEMA
                                                            13.03.2014

Mimi  FABIAN L. SKAUKI, Mgombea Ubunge wa Uchaguzi mdogo Jimbo la CHALINZE kwa tiketi ya THE CIVIC UNITED FRONT (CUF) ninamwekea Pingamizi mgombea wa Chama cha Demokrasia na Maendeleo (CHADEMA) kwamba amepoteza sifa za kuwa mgombea kwa sababu zifuatazo:

1.    Ndugu MATHAYO M. TORONGEY amejaza taarifa za uongo kwenye fomu yake kwamba kazi anayoifanya ni BIASHARA. Sio kweli, kwa sababu hajaweka vielelezo vya yeye kufanya hiyo kazi. Hajulikani anafanya kazi gani.

2.    Ndugu MATHAYO M. TORONGEY amejaza  katika fomu kwamba anajua kusoma na kuandika Kiswahili na kiingereza. Taarifa hizi ni za uongo, mgombea huyu hajui kusoma wala kuandika Kiswahili wala kiingereza, na kwamba amedanganya na amepoteza sifa za kuwa mgombea.

3.    Ndugu MATHAYO M. TORONGEY  amedanganya kwa kughushi/kufoji sahihi za wadhamini, ambao amewaorodhesha kwenye fomu ya kuomba kuthibitishwa kuwa mgombea. Ambapo katika fomu hizo wadhamini wote sahihi zao zimefojiwa na hazifanani na zile zilizokuwepo kwenye daftari la kudumu la wapiga kura na kwamba sahihi zote hizi zimesainiwa na mtu mmoja ambaye sio muhusika. Hivyo anapoteza sifa ya kuendelea kuwa mgombea.

4.    Ndugu MATHAYO M. TORONGEY ameshindwa kutimiza mahitaji ya kisheria ya kuwa na wadhamini wasiopungua 25, badala yake amedhaminiwa na wadhamini 28 ambao kati yao wadhamini 7 sio wapiga kura halali wa Jimbo la CHALINZE, na kwamba Taarifa zao na namba zilizojazwa hazifanani.

Hivyo anabakiwa na wadhamini halali 21 ambao kisheria hawatoshi kutimiza matakwa ya kisheria.

Majina ya wadhamini hao ambao hawakidhi matakwa ya kisheria na namba zao ni:

JINA LA MDHAMINI                                                            NAMBA YA KADI KURA

1.    HABIBU ALLY SAIDI                                                     *16886275*
2.    MOHAMMED RAMADHANI                                       *30376567*
3.    ABDULKADIR ALLY                                                      *49264905*
4.    SHABANI SULEYMAN                                                  *16984045*
5.    JUMA MRISHO                                                            *48759563*
6.    RAJABU ALLY                                                              *16872368*
7.    MANENO MIRAJI                                                        *16872059*

Wananchi wenye namba na majina hayo hapo juu waliojazwa kama wadhamini kuanzia namba 1 hadi 7 kwenye fomu yake hawana sifa za kupiga kura kwenye maeneo ambayo wamejazwa wanatokea.

Hii ni kutokana na ukweli kwamba idadi halali ya wadhamini wanaobaki ukiwaondoa hao saba watabaki 21, hawakizi vigezo vya kuwa wadhamini.

5.    Ndugu MATHAYO M. TORONGEY  amedanganya uraia wake na  kwamba yeye si Mtanzania wa kuzaliwa ndio maana hana vielelezo halali vinavyohusu uraia wake. Hivyo anakosa sifa ya kuwa mgombea.

Hivyo ninaomba Tume ya Uchaguzi kutengua uteuzi wa mgombea wa Chama cha Demokrasia na Maendeleo (CHADEMA), ndugu MATHAYO M. TORONGEY  kwa kuwa anakosa sifa za yeye kuendelea kuwa mgombea.

Wako katika ujenzi wa taifa,
FABIAN LEONARD SKAUKI
……………………………………………………..
MGOMBEA UBUNGE JIMBO LA CHALINZE.
THE CIVIC UNITED FRONT

Read More →

BWAWA LA MAGEREZA MASWA

Magugu maji katika lambo la mwantonja Maswa
MAGUGU MAJI YAVAMIA LAMBO LA MWANTONJA MASWA

Na Isaack Mbwaga  Maswa  Machi 11,2014   Mhariri Habari Mwananchi

Mimea aina ya magugu maji yanatishia kufunika kabisa Lambo la maji  la Mwantonja mini Maswa Lambo linalo hudumia vitongoji 10 vinavyo zunguka lambo hilo  maji yake yatumika kwa kiwango kikubwa wakati wa kiangazi shughuli za kibinadmu kama vile umwagiliaji katika bustania,kujengea na kunyweshea Mifugo

Wakiongea na gazeti hili kwa nyakati tofauti lilipo tembelea eneo la Lambo la Mwantonja na kujionea hali halisi jinsi mimea hiyo ilivyo stawi na kufunika karibu eneo lote la Lambo kwa ktishia uhai wa Lambo

Mkazi wa kitongoji cha Unyanyembe  Njile Washa alisema magugumaji hayo yamezidi kuongeka kadiri siku zinavyo songa mbele na suala la kufurika kwa magugumaji  katika Lambo siyo geni  viongozi wa vitongoji karibu vyote vinavyo lizunguka Lambo wanayo taarifa na wanaona lakini hakuna hatua zinazo chukuliwa kuyaondoa magugu hayo

Njile aliongeza kusema kuwa endapo juhudi hazitafanyika kuanzia sasa kuyatoa huenda magugu hayo yakanza kusafiri hadi mto simiyu ambayo maji yake yanasafiri hadi ziwa Victori mkoani Mwanza

Naye Mwenyekiti wa Kitongoji cha Unyanyembe katika mji mdogo wa Maswa Nkuba Shimi alipo ongea na gazeti hili alisema kuwa taarifa za kuwepo kwa magugu maji   katika lambo la Mwantonja  Ofisi ya Idara ya mifugo na Uvuvi wanazo taarifa tatizo ni ukosefu wa nyenzo za kuvunia magugu hayo

Alizitaja nyenzo hizo kuwa ni pamoja rasimali fedha kwa ajili ya kuajiri watu, mitumbwi mitatu na visu vya kutosha ili watu watakao fanya kazi ya kuyaondoa magugumaji  kazi iwe rahisi kwao na bila kuhatarisha maisha yao ama kuzama endapo italetwa mitumbwi mibovu

Aidha uchunguzi  uliofanywa na gazeti hili umebaini katika baadhi ya visima vya maiji na malambo kadhaa ya maji kuwepo kwa mimea hiyo ambo inatishia uhai wa viumbe wengine kama vile samaki

Endapo mamlaka hazita chukua hatua za haraka kulikabili na kuyaondosha magugumaji hayo katika malambo na visima vilivyo vamiwa na mimea aina ya magugu maji  iko hatari ya kukosa maji kabisa kiangazi kwa ajili shughuli za kibinadamu kama vile Kilimo cha mbogamboga,kunyweshea Mifugo na matumizi ya Binadamu

Tatizo la kuoneka na kuota kwa magugu maji kwa mara ya kwanza lilianza kuijitokeza  mwaka 1994 ambapo mimea hiyo ilikuwa inasafishwa na wafanya biashara wa samaki kutoka Mwanza kuja kuuza katika Soko kuu la Nyalikungu katika mji wa Maswa

Masalia ya mimea ya magugu maji ambayo yalikuwa yanatumika kufunika Samaki  kutoka ziwa Victoria baada ya kutua mzigo wa Samaki majani ya magugu hayo  yalikuwa yanatupwa ovyo bila ungalizi karibu na Malambo ama visima vya maji wakati wana fanya usafi wa vyombo vyao vilivyo kuwa vinatumika kusafirishia Samaki

Serikali ya Halimashauri ya Wilaya ya Maswa [Idara ya Mifugo na Uvuvi] inao wajibu wa kuhakikisha juhudi zinafanyika haraka za kuyavuna magugu hayo kabla hajasambaa na kuenea maeneo mengi katika Halimashauri yote ya Wilaya ya Maswa na Wilaya Jirani zinazo pitiwa na mto Simiyu

Kufutia kuwepo kwa Mradi wa LIVEMP II kwa Halimashauri tano za Itilima,Magu,Kwimba,Meatu na Maswa ambapo Halimashauri ya Maswa ina wahamasisha Watu binafsi,Taasisi na Vikundi mbalimbali kuchimba mabwawa ya kufugia Samaki  kwa ajili ya matumizi ya nyumbani na biashara

 

Read More →

AFISA ELIMU AWAPA SOMO WALIMU WAKUU

WAKUU WA SHULE ZA SEKONDARI MASWA” WAFUNDWA”NA AFISA ELIMU SEKONDORI –NTAGAYE

Waalimu wa shule za Sekondari katika Halimashauri ya Wilaya ya Maswa wameagizwa kuhakikisha na wanafuatilia kwa ukaribu ufundashaji wa Wanafunzi katika Shule zao ili kuinua kiwango cha ufaulu Wanafunzi

Kauli hiyo alitolewa hivi karibuni na Afisa Elimu Sekondari wa Halimashauri ya Wilaya ya Maswa  Paulina Ntagaye wakati alipokuta na  Waalimu Wakuu wa Shule za Sekondari katika Ukumbi wa Halimashauri ya Maswa kwa lengo la kuwekeana mikakati ya kuboresha elimu ya Sekondari kwa mwaka 2014

Ntagaye pamoja na mambo mengine alisema kufuatia tamko la Serikali kuwa na mpango wa matokeo makubwa sasa[BRN] ni wajibu wa Waalimu wakuu kwa kila shule kusimamia kwa dhati kazi ya ufundishaji na kila Mwalimu wa Somo ahakikishe anawajibika kadri anavyoweza ili tupate matokeo makubwa

Hata hivyo Mkuu wa Shule ya Sekondari ya kutwa ya Binza Focus Nchiyiki alisema kuwa ili elimu yapatikane matokeo makubwa sasa ni wajibu wa Serikali kuhakikisha ina sambaza vitabu vya kianda na ziada vya kutosheleza kwa Wanafunzi  sambamba na ujenzi wa maabara kama ilivyo kwa Shirika la Umeme[TANESCO]wanavyo sambaza umeme vijijini

“Tunaona karibu kila siku maroli ya nguzo za Umeme na nyaya zinazambazwa katika vijiji mbalimbali vilivyo pendekezwa kupata nishati ya Umeme lakini Wizara ya Elimu na mafunzo Wanafunzi wana uhaba wa vitabu hakuna maabara za kutosha pia na Waalimu ni nwachache katika baadhi ya shule za Sekondari”alisema

Afisa Elimu wa Sekondari  katika Halimashauri ya Maswa Paulina Ntagaye alizipongeza shule kumi bora zilizo fanya vizuri katika mtihani wa kidato cha Pili 2013  ambazo ni Lalago Sekondari,Ipililo Sekondari,Kulimi Sekondari,Senani Sekondari,Mwabayanda Sekondari, shule zingine ni Nyabubinza,Kadoto Sekondari,Ng’wanza Sekondari na Salagi

 Wakati huo huo Ntagaye hakusita kuwanyoshea vidole  Wakuu wa Shule kumi duni ambazo matokea yake ni mabaya mtihani wa kidato cha pili kuwa Ofisi yake hata sita kuwa chukulia hatua kali endepo shule hizo zitaendea kufanya vibaya katika mitihani yake mbalimbali ya ndani na kitaifa alisema kwa msisitizo Afisa Elimu huyo

Shule ya Sekondari ya Kata ya Ipililo imeshika na nafasi ya kwanza kwa shule za Serikali kati ya shule 36 za Serikali    ingawa shule ya Sekondari ya Wazazi ya Lalago imeshika nafasi ya kwanza kati shule 38 za Serikali na binafsi wakati za binafsi  ni Ng’wanza Sekondari na Lalago Sekondari

Read More →

CCM MASWA, YAONYWA

CCM MASWA  YAWEKA MSIMAMO KWA WAJUMBE WAKE KATIKA UTOAJI WA      MAONI KATIBA MPYA

Wakati muda wa  Wajumbe wa Mabaraza ya katiba ngazi ya Wilaya kuanza mchakato wa kutoa maoni kutoka Kata mbalimbali za Wilaya ya  Maswa Chama cha Mapinduzi katika Wilaya ya Maswa tayari kimeweka msimamo kwa  Wajumbe wanachama wake ambao ni Wajumbe wa Baraza la katiba  liloanza kikao chake  jana

Wakiongea kwa nyakati  tofauti jana na Mwandishi wa habari hizi juzi mara baada ya  kikao chao kilicho itishwa kwa lengo kuweka simamo wa chama kwa sharti ya kuto tajwa majina yao katika vyombo vya habari kwa kuhofia kuchukuliwa hatua za kinidhamu na Chama

 Walisema kitendo cha  viongozi wa Chama cha Mapinduzi ngazi ya Wilaya ya Maswa  kuwa wekea msimamo wa chama kwa madai  wasiukosoe ni kuwanyima haki ya kutoa mawazo yao ya demokrasia  ndani na kuwambia kilichojadiliwa na uongozi wa juu  hakuna mtu wa kuzungumza tofauti watakapo hudhuria kikao cha Baraza la Katiba ngazi ya Wilaya

Kufuatia hali hiyo Mjumbe mmoja ambaye ni Diwani kwa tiketi ya Chama cha Mapinduzi   alisema pamoja na kuhudhuria kikao cha chama  kitendo cha kuwafunga midomo  wajumbe katika kikao kwa kuwa lazimisha wajadili kilicho letwa na chama ngazi Taifa siyo kitendo kizuri kwa kweli  kina wanyima fursa  watu wengine kutoa mawazo yao ambayo huenda yanaweza  kusaidia kupata Katiba bora

Hata hivyo alipo uliziwa katibu  Mwenezi wa Chama cha Mapinduzi katika Wilaya Maswa ambaye ni Katibu Mwenezi wa Mkoa wa Simiyu Jeremiah Mange[Makondeko]kuelezea tuhuma za kuwaziba midomo Wajumbe wa Kikao cha Chama  cha Mapinduzi [CCM]

Kwa upande wake alikanusha uvumi huo na kudai kuwa kikkao kilendeshwa kwa uhuru na kila mjumbe aliruhusiwa kutoa maoni yake bila woga ama vitisho”sikiliza Mwandishi  CCM ndiyo inayo ongoza Serikali  na mawazo ya kuandika katiba mpya ni wazo la Mwenyekiti wetu wa Chama Taifa Jakaya Kikwete kwa nini tuwazuie Wanachama wetu kuzungumza katika kikao hayo ni majungu”alisema Mange

 Mkutano wa Baraza la kutoa maoni ya Rasimu ya Katiba ya Tanzania umeanza jana kwa kuwa shirikisha Wajumbe Mbalimbali kutoka katika Kata zas Wilaya ya Maswa

Read More →

MKURUGENZI WILAYA YA MASWA ACHA UBABE

MKURUGEZI MTENDAJI WA HALIMASHAURI YA MASWA, AACHE UBABE KWA WANDISHI WA HABARI

Mkurugenzi Mtendaji wa Halimashuri ya Maswa bibi Hilda Lauwo anataka kuongoza Halimashuri ya Maswa kwa ubabe jambo ambalo halita msaidia kwa namna yoyote katika mustakabali wa Halimashauri hiyo iwapo ataendelea kujenga mazingira hasi kwa wandishi wa Habari

Katika hali isiyo ya kawida hivi karibuni alilibeza Gazeti moja linalo tolewa mara moja kwa wiki Jijini mwanza jina la gazeti hilo kwa sasa lina hifadhiwa akidai kuwa kazi yake kuandika umbeya tu na ni balaa

Akionesha kuwa anataka kufanya kazi kwa woga wa kuto kusogelewa na vyombo vya habari na Wandishi wa Habari amejikuta kila mara lugha yake ni ya kibabe na kejeli kana kwamba nafasi aliyo pewa ya Ukurugenzi ni mali binafsi na wala si dhamana ya Umma tena

Aidha baadhi ya matukio alio yaonesha katika siku za hivi karibuni tangu alipo hamia Halimashuri ya Maswa akitokea Halimashuri ya Ludewa MKoa Mpya Wa Njombe

 Ni wakati ilipo kosolewa baadhi ya miradi mbalimbali ya maendeleo katika Halimashauri ya Maswa kutokana taarifa ya  Afisa Mipango wa Halimashauri ya Maswa Jeremia Kikonge kutokidhi sifa za ujenzi mradi wa maabara shule ya Sekondari ya Kata ya Masela

 Katibu Tawala wa Mkoa wa Simiyu Bibi Mwamvua Jilumbi hakuridhishwa kabisa na maelezo ya taarifa hiyo na kuamua kumweleza mkurugenzi mtendaji kina ubaga asimamia kwa karibu miradi hiyo kwa kuwa Serikali na Wafadhili maendeleo wamekuwa wakitoa fedha nyingi za kugharimia miradi hiyo 

Bibi Mwamvua Jilumbi alifanya ziara ya kutembelea Halimashauri ya Maswa miezi mitatu iliopita[Juni,2013 kwa  lengo la kukagua shughuli za maendeleo akiwa ameongozana na Timu ya Wataalamu wa ngazi ya  Mkoa wa Simiyu  Mkurugenzi wa Halimashuri ya Wilaya Maswa akiwa na Wataalaamu wake

Wakati zoezi linaendelea la kukagua mradi wa Jengo la kisasa la upasuaji katika eneo la Hospitali ya Wilaya ya Maswa katika hali isiyo tarajiwa na kiongozi wa umma ambaye ni Mkurugenzi wa Halimashauri ya Maswa Bibi Hilda Lauwo

 Mkurugenzi Mtendaji wa Maswa aliamua kujifunika uso kwa mikono ili asipigwe picha na kamera ya mwandishi wa Habari hizi hiyo ilikuwa wakati akipewa maelezo mafupi na mzabuni juu ya maendeleo ya mradi na changamoto zinazokwamisha kukamilika kwa mradi mzima kwa wakati[ jina la mzabuni limehifadhiwa] kwa sasa

Mkurugenzi huyo akiwa hajiamini na utendaji wake alisikika akisema ninyi andikeni chochote tu hamuni babaishi na uandishi wenu kauli zake hizo inazo ashiria ubabe na kejeli  ni pale aliposikika kwa mara ingine wakati wa kikao cha Sekta ndogo ya zao la Pamba kilichofanyika Mjini Bariadi

 Akisema hawapendi Wandishi wa habari, hawapendi kwa nini? Huyu ni mtumishi wa Umma vyombo vya habari ni rafiki wa maendeleo ya kweli na si vinginevyo anaogopa nini kuumbuka?kuwa karibu nao.

Read More →

BUNGE LA KATIBA; MWAKIFWAMBA, BATULI WAKWAA SKENDO

Stori: Hamida Hassan na Gladness Mallya
WAKATI mchakato wa Bunge la Katiba ukianza leo mjini Dodoma, ishu hiyo imemtia kwenye tope Rais wa Shirikisho la Filamu Tanzania (TAFF), Simon Mwakifwamba baada ya kukwaa skendo ya ‘kutoka’ na mwigizaji Yobnesh Yusuph ‘Batuli’ walipotimba mkoani humo.

Yobnesh Yusuph ‘Batuli’.

Kwa mujibu wa staa wa filamu ambaye aliachwa katika safari hiyo ya kwenda kuhamasisha sanaa itambuliwe kwenye mchakato wa katiba mpya, Mwakifwamba alimteua Batuli ili akajiachie naye Dodoma kwa sababu hakuwa na vigezo.
“Akina Monalisa (Yvone-Cherry Ngatikwa) walistahili kwa ukongwe wao kwenye fani, sasa Batuli aliingiaje? Akili za kuambiwa changanya na zako,” alisema msanii huyo.
Akizungumzia skendo hiyo, Mwakifwamba alidai kuwa ameshasingiziwa vitu vingi hivyo anajua nyuma yake kuna kundi linalomchafua kila kukicha lakini ukweli ni kwamba hakumteua Batuli kwa lengo hilo.
“Sasa kama nimemteua kwa sababu hiyo, je, akina Monalisa nao niliwateua kwa kigezo hicho?” alihoji Mwakifwamba huku akikiri kuwa ameshaisikia sana skendo hiyo.

Rais wa Shirikisho la Filamu Tanzania (TAFF), Simon Mwakifwamba.

Kwa upande wake Batuli alifunguka: “Si kweli bwana, wameshatuzushia mambo kibao. Mara kuna fedha tumekula, mara sijui nini…sasa naona wamekuja na hili la mapenzi. Wabongo tuache majungu.
Katika safari ya Dodoma, mbali na Monalisa, wawili hao waliambatana na wasanii wengine wa tasnia mbalimbali wakiwemo Dude, John Kitime, P-Funk Majani na Abdul Salvador ambapo ndani ya bunge hilo linalotarajiwa kutikisa, wanawakilishwa na Paul Mtendah.

Read More →

MBONGO ABAKWA CHINA, AFA

Stori: Mwandishi Wetu
AMA kweli dunia hadaa, ulimwengu shujaa! Kumeibuka mchezo mchafu, kuna Watanzania wanawachukua warembo nchini na kuwapeleka China kwa ahadi kwamba wanakwenda kufanya kazi saluni, wakifika kule wanawanyang’anya paspoti na kuwauza kwa wanaume (ukahaba), sasa yamemkuta Mbongo aitwaye Sabrina au Habiba, Ijumaa Wikienda lina mkasa wa kusikitisha.

Sabrina au Habiba enzi za uhai wake.

Habari za uhakika kutoka kwa chanzo chetu nchini humo zilisema kuwa, Sabrina (24), alifariki dunia Alhamisi iliyopita kufuatia kubakwa na wanaume watano, raia wa Nigeria ambao wamo nchini humo kibiashara.
Tukio hilo lilijiri kwenye hoteli moja iliyopo kwenye Mji wa Guangzhou ambao umejaa wageni wengi, wakiwemo Watanzania.
SIKU YA TUKIO
Rafiki wa karibu wa Sabrina, Saada alisema siku ya tukio, marehemu akiwa katika harakati zake za kutafuta wateja alikutana na Mnigeria mmoja ambaye walipatana kulala wote kwa usiku mzima.
“Kumbe yule Mnaigeria alikuwa na wenzake wanne. Usiku walimwingilia wote kwa nguvu kwa kumbaka mpaka akapoteza maisha palepale. Ni ukatili mkubwa.
“Wale watu walipogundua Sabrina amekufa waliuchukua mwili wake na kuutupa chini kutoka ghorofa ya tano,” alisema rafiki huyo.
MAITI YAKUTWA HAINA FIGO, MOYO
Habari zaidi zilidai kuwa mpaka juzi (Jumamosi) madaktari waliokuwa wakiuchunguza mwili wa Sabrina waligundua hauna figo na moyo, jambo linalozidi kuzua hofu juu ya muaji yake.
NI BIASHARA ILIYOIBUKA CHINA?
Ilidaiwa kuwa nchini China imeibuka biashara ya viungo mbalimbali vya binadamu ambapo ili vipatikane ni lazima mwenye viungo hivyo auawe kwa njia yoyote.
SABRINA AFA, MGANDA APOTEA
Mtoa habari wetu alisema wakati Wabongo wakiwa kwenye maombolezo ya kifo cha Mtanzania huyo, mrembo mwingine raia wa Uganda, nchi ambayo imo ndani ya Jumuiya ya Afrika Mashariki amepotea katika mazingira ya kutatanisha nchini humo.
Baadhi ya watu wana wasiwasi kuwa kupotea kwa msichana huyo kunahusiana na kushamiri kwa biashara ya viungo vya binadamu.
SABRINA ALIKWENDAJE CHINA?
Mwezi Julai, mwaka jana, Sabrina alikwenda nchini humo akidanganywa na mwanamke mmoja kwamba atapata kazi kwenye saluni ya wanawake lakini baada ya kufika alijikuta akiingizwa kwenye biashara ya ukahaba bila ridhaa yake mpaka alipokutwa na mkasa huo uliopoteza maisha yake.
TAHADHARI KWA WAREMBO WANAOKWENDA CHINA KUFANYA KAZI SALUNI
Imebainika kuwa, kumeibuka wimbi la Wabongo wanaofanya ‘uwakala’ wa kuwachukua wasichana wa Kitanzania kwa kuwadanganya kwamba wanakwenda kufanya kazi za saluni nchini humo.
Mara baada ya kufika, wasichana hao hunyang’anywa paspoti ili washindwe kuondoka nchini humo na kushinikizwa kujiuza (ukahaba) huku waliowapeleka wakipokea fedha kutoka kwa wateja.
KUIKOMBOA PASPOTI
Habari zilisema kuwa mhusika hurejeshewa paspoti yake baada ya malipo yake kwa ‘wakala’ kufikia dola za Marekani 8,000 (kama shilingi milioni 12), ndipo huachiwa ‘huru’ kuendelea na maisha yake.
Wengi wakishaachiwa hushindwa kurejea Bongo na kujikuta wakiendelea kuuza miili katika mahoteli na klabu huku wakikutana na majanga mbalimbali.
MASOGANGE, KAJALA NA DIDA
Watanzania waishio nchini humo wamewatahadharisha mastaa wa Bongo, wakiwemo Mtangazaji wa Radio TimesFM, Khadija Shaibu ‘Dida’, msanii wa filamu Kajala Masanja na Video Queen Agnes Gerald ‘Masogange’ ambao hupenda kwenda nchini humo kwa shughuli zao, kutokubali kuwa karibu na mawakala wa kuchukua wasichana Bongo kwa kuwadanganyia kazi ya saluni kwani wanaweza kujikuta pabaya siku moja.
DIDA
Ijumaa Wikienda lilimsaka Dida siku ya Jumamosi iliyopita na kumuuliza kuhusu kuwepo kwa mawakala hao ambapo alikiri kusikia huku akisema warembo wenyewe wanapaswa kuwa macho na udanganyifu huo.
“Najua wapo Wabongo wanaofanya shughuli hiyo, si China tu hata India, unapelekwa kwa ahadi ya kazi ya saluni, ukifika hamna cha saluni wala nini? Warembo wawe makini jamani, nenda China kama una uwezo wako mwenyewe kufanya ‘shoping’ lakini si kupelekwa,” alisema Dida.
BALOZI WA TANZANIA-CHINA
Juzi, Ijumaa Wikienda lilimtafuta Balozi wa Tanzania nchini China, Luteni Jenerali Mstaafu Abdulrahman Shimbo ili azungumze lolote kuhusu tukio la Sabrina, lakini simu yake ilionekana kutokuwa hewani kwa muda mrefu.
GLOBAL BADO KAZINI
Magazeti Pendwa ya Global Publishers yanaendelea kuifuatilia habari ya kifo cha Sabrina na yatakuwa yakiwapa wasomaji wake kadiri kitu kipya kinapopatikana.

Read More →

USTADH ALIVYOMCHINJA MTOTO

Stori: Waandishi Wetu
KUFUATIA tukio la Ustadh Mohamed Said Ngulangwa (36), mkazi wa Mbagala-Charambe jijini Dar kumchinja mtoto Jamal Salum Ally (12) ambaye ni mwanafunzi wa darasa la tano kisha na yeye kuuawa na wananchi wenye hasira, Uwazi kama kawaida yake lilichimba tukio hilo na kubaini mengi, twende pamoja.

Mtoto Jamal Salum Ally (12) enzi za uhai wake.

MTOTO AITWA, AENDA
Akizungumza na Uwazi Jumamosi iliyopita msibani Mbagala juzi, mtoto mmoja (jina lipo) alisema yeye na marehemu walikuwa wakicheza michezo ya kawaida, mara akatokea ustadh na kumwita mtoto Jamal.

Ustadh Mohamed Said Ngulangwa (36) enzi za uhai wake.

“Sisi tulikuwa tunacheza, ghafla ustadh akamwita Jamal. We Jamal, njoo. Kwa vile aliita kwa sauti ya kawaida tulijua anataka kumtuma, Jamal akaenda mimi nikawa namsubiria ili tuendelee kucheza, kumbe mwenzangu aliitwa kuchinjwa,” alisema mtoto huyo kwa sura iliyojaa simanzi.

Waombolezaji wakiwa msibani.

KISU KIKALI CHATUMIKA
Mtoto huyo aliendelea kueleza kwa uchungu kwamba, akiwa anamshuhudia Jamal akikutana na ustadh, alishangaa kumwona mwanaume huyo akimdaka kwa haraka na kisha kutoa kisu ambapo alianza kumchomachoma nacho na hatimaye kumlaza chini na kukipitisha shingoni kama anachinja kuku.

Mwili wa ustadh baada ya kuuawa na wananchi wenye hasira kali.

“Nilipiga kelele kuwaambia watu, nikatoka kwenda kuwaita watu huku napiga kelele kwamba Jamal anachinjwa na ustadh,” alisema mtoto huyo huku akionesha sura halisi ya masikitiko ya ndani ya moyo. Inauma sana!

Mwili wa mtoto Jamal baada ya kuchinjwa na ustadh.

MAJIRANI WADHANI ADHABU INATOLEWA
Nao majirani na madrasa ya mtu huyo waliopata nafasi ya kueleza walichojua kuhusu mauaji ya mtoto huyo, walisema kelele za mtoto Jamal kuomba msaada zilisikika, lakini waliamini mtoto anapewa adhabu na mzazi wake.
MAMA WA MAREHEMU AFIKA MBIO
Maelezo zaidi yanasema kuwa, mtoto aliyekwenda kuita watu alifika nyumbani kwa wazazi wa marehemu na kumkuta mama mzazi ambaye alimpa taarifa.

Eneo alilochinjiwa mtoto Jamal.

Mwanamke huyo aliyepewa taarifa hizo, akiwa haamini masikio yake, alitoka mbio na kilio kuelekea eneo la tukio.
Wananchi nao baada ya kusikia maelezo ya mtoto aliyeshuhudia, waligutuka na kutua eneo la tukio lakini kwa bahati mbaya walikutana na kichwa kikiwa miguuni mwa kiwiliwili. Lazima umwage machozi!

Wananchi wakiwa eneo la tukio.

MBALI NA KIWILIWILI NA KICHWA
Wananchi hao waliweza kugundua kuwa, kichwa hicho ni cha mtoto Jamal huku pembeni yake kukiwa na ndoo ambayo walidai muuaji alikusudia kukingia damu (ili iweje?).
VILIO VYATAWALA, USTADH AJIFICHA
Vilio vilianza kutalawa eneo hilo, akina mama, marafiki wa marehemu waliangua vilio vya uchungu baada ya kuuona ukatili huo ambao walisema haujawahi kutokea katika eneo hilo.

Jeneza lenye mwili wa Jamal likiwa mbele ya waombolezaji.

Ilidaiwa kwamba, wakati huo ustadh alikuwa amejificha chumbani kwake ili kuepuka ‘soo’ lake lakini wananchi walishtukia janja yake na kutishia kuvunja dirisha ambapo mtuhumiwa huyo alichungulia akiwa na kisu mkononi kikiwa na mabaki ya damudamu.
WANANCHI WAVUNJA MLANGO, DIRISHA LA USTADH
Bila kujali kisu hicho, wananchi walivunja mlango na dirisha na kuanza kumshambulia kwa mawe, kisha wakamchomoa akiwa uchi wa mnyama mpaka nje huku wakiendelea kumshambulia hadi akakata roho.

Magari ya polisi yakiwa eneo la tukio.

BABA WA MAREHEMU NAYE ANALO NENO LA KUSIKITISHA
Naye baba wa Jamal, Salum Ally alipoongea na Uwazi alitoa simulizi ya majonzi, msikie: “Nilipokea kifo cha mwanangu Jamal kwa huzuni kubwa sana, sikuamini kama yeye ndiye aliyeuawa kikatili namna ile!
“Nilikuwa narudi nyumbani kutoka kazini, jirani na nyumbani nikakuta watu wengi, nikahoji kulikoni? Nikaambiwa kuna mtoto amechinjwa na aliyemchinja ameuawa. Khaa! Nikashangaa!

Baadhi ya watoto waliofika eneo la tukio kushuhudia mwenzao aliyechinjwa.

“Kwa kuwa nilikuwa nimechoka sana, niliona nifike kwangu kwanza ndipo nirudi kwenye tukio. Kabla ya kutua kwangu, nikakutana na mke wangu njiani huku akilia, nilipomhoji kuna nini, aliendelea kulia bila kunipa majibu.
“Ndipo mpangaji mwenzangu akanipasulia kwa kuniambia kwamba mwanangu Jamal amechinjwa mpaka kichwa kutenganishwa na kiwiliwili.
“Nilipatwa na mshtuko mkubwa kwani sikufikiria kama kungetokea tukio la kutisha kama hilo, hata kama mngekuwa ninyi waandishi mngefanyaje jamani?

Mwili wa Jamal ukiombewa kabla ya maziko.

“Nilijivuta hadi eneo la tukio na kukuta mwili wa mwanangu umeshafungwa kwenye nguo na kuwekwa ndani ya gari la polisi, sikuwa na nguvu ya kuangalia sura yake kwa uchungu nilioupata kwani ndiyo mtoto wa kwanza,” alisema Salum.
USTADAH ALIPANGA MAUAJI?
Uchunguzi wa gazeti hili ulibaini kuwa, ustadh huyo alijiandaa kutekeleza mauaji hayo kwa vile aliandaa kisu na ndoo kwa ajili ya kukingia damu ya mtoto huyo kwa kile watu walichodai alitaka kuinywa.
POLISI MZIGONI
Baadaye taarifa zilienea maeneo yote ya Jiji la Dar hususan Mbagala-Charambe na polisi walitua eneo hilo na kuchukua miili ya marehemu wote wawili na kupelekwa chumba cha kuhifadhia maiti katika Hospitali ya Temeke.

Mwili wa Jamal ukipelekwa eneo la makaburini kwa maziko.

Pale hospitalini, madaktari walitumia saa mbili kichwa cha mtoto Jamal na kiwiliwili.
USTADH ATAJWA KUTOKUWA NA AKILI
Mdogo wa Ustadh Mohamed aliyekuwa msemaji wa familia, Daudi Ngulangwa alisema marehemu kaka yake aliwahi kupatwa na ugonjwa wa akili mwaka 1995/96 kisha kupelekwa Hospitali ya Taifa Muhimbili kutibiwa na akapona.

Maziko ya mtoto Jamal yakifanyika.

MAZISHI YAO
Marehemu Jamal alizikwa Jumamosi iliyopita katika Makaburi ya Mbagala-Charambe jijini Dar (Uwazi lilikuwepo).
Ustadh Mohamed, yeye alizikwa siku hiyohiyo kwenye Makaburi ya Manzese jijini Dar es Salaam.

Read More →

FAMILIA YA MISS TZ YAGOMBEA MAITI

Stori: Haruni Sanchawa na Denis Mtima
FAMILIA ya Miss Tanzania 1999, Hoyce Nambuo Temu, inadaiwa kuingia katika mzozo mkubwa wa wapi pa kumzikia mwanafamilia mwenzao, Emmanuel Lewi Nambuo Temu (33) aliyefariki dunia Februari 15 mwaka huu katika Hospitali ya Temeke, Dar.

Marehemu Emmanuel Lewi Nambuo Temu (33) enzi za uhai wake.

Mama wa marehemu Emmanuel, Hilda Lewi Nambuo ameshikilia msimamo kwamba, mwanaye akazikwe kwenye makaburi waliyozikwa mababu zao yaliyopo kwenye Kijiji cha Kikarara, Old Moshi, Kilimanjaro lakini mjomba mtu aitwaye Jacob Nambuo Temu anapinga.
Jacob na Hilda ni mtu na mdogo wake, Hilda akidaiwa kuwa mkubwa. Jacob ni mjomba wa Hoyce na Hilda ni shangazi yake.
Sakata hilo lilifikishwa kwenye Mahakama ya Wilaya ya Temeke jijini Dar es Salaam na kupewa jalada namba 7/2014 ambapo mama wa marehemu anaitaka korti iamuru mwili wa marehemu ukazikwe huko kwa kuwa huo ndiyo wosia wa marehemu.

 

Hoyce Nambuo Temu.

“Kutoruhusu mwili huo kuzikwa tunakokutaja kutaongeza uhusiano wa ugomvi wa mama wa marehemu na kaka ambaye ni mlalamikiwa,” imesema sehemu ya hati ya mahakama hiyo iliyosainiwa na Hakimu K. Mkwawa.
Mheshimiwa Mkwawa alisema kutokana na ombi la mama wa marehemu, mahakama hiyo imezuia kuchukuliwa kwa mwili huo kutoka katika Mochwari ya Hospitali ya Temeke, Dar hadi Februari 25, mwaka huu (leo) ambapo atasikiliza pande zote mbili kuhusiana na sakata hilo.
Kwa upande wake mjomba mkubwa wa marehemu, Dk. M. Nambuo Temu aliyeko nje ya nchi ametuma ujumbe akisema ameridhia marehemu akazikwe kwenye makaburi ya mababu huko Old Moshi.
Katika barua yake (nakala tunayo) aliyowaandikia ndugu zake, Hoyce na Rachel Temu na wahusika wengine wa mgogoro huo, Dk. Temu alisema  amesikitika kusikia kuwa, Jacob hataki Emmanuel azikwe nyumbani kwao Old Moshi kama  yeye marehemu  alivyoagiza katika wosia wake.
“Yeye (Emmanuel) mwenyewe kabla ya kufariki dunia aliwahi kumwelezea rafiki yake Noel kuwa akifa akazikwe kwa Watemu (ukoo wa Temu) na si mahali pengine popote pale. Hatuna sababu ya kubishana juu ya mahali pa kumzika Emmanuel,” alisema Dk. Temu.
Dk. Temu alihitimisha waraka wake kwa kusema kuwa, mdogo wake (Jacob) hana haki yoyote ya kudai kuwa shamba la baba yao (marahemu mzee Temu) ni lake yeye kwa sababu hawajaligawa.

Read More →

ASKOFU BILIONEA BONGO ATIKISA

Stori: Jelard Lucas
ASKOFU na Nabii George David ‘Geordavie’ wa Kanisa la Geordavie Ministry ‘Ngurumo ya Upako’ lililoko jijini Arusha na Kawe, Dar hivi karibuni alifanya mkutano mkubwa na kutikisa nchi  kwa kuwa na magari ya kifahari na ndege aina ya helikopta ‘chopa’ iliyokuwa ikirandaranda juu ya anga kulinda usalama wake, Uwazi lina ushuhuda wa kutosha.
Katika mkutano huo uliofanyika Karatu mkoani Manyara, mwandishi wetu alishuhudia msafara wa Geordavie ambaye hutoa huduma ya uponyaji kwa njia za miujiza, ukiwavutia watu wengi kwa kuwa ulikuwa na ulinzi mkali ambao haujawahi kutokea.
Mbali ya kuwa na chopa iliyokuwa ikiimarisha ulinzi ambayo ameinunua hivi karibuni, askofu huyo alikuwa na msururu wa magari yenye thamani kubwa yanayomfanya kutajwa kuwa tajiri kuliko maaskofu wengine wanatoa huduma katika makanisa ya kiroho Tanzania.
Akiwa Karatu, mbali na ulinzi binafsi, Geordavie alikuwa akilindwa na askari wa jeshi la polisi, askari kanzu, Askari wa Kikosi cha Kutuliza Ghasia (FFU) na wale wa usalama barabarani.
Mbali na askari hao wa serikali ambao wamekuwa wakimlinda kila anapofanya mikutano yake, pia Geordavie analindwa na askari wake binafsi hali iliyowafanya baadhi ya watu kuamini kuwa ulinzi wake ni kama ule wa Rais wa Jamhuri ya Muungano wa Tanzania, Jakaya Mrisho Kikwete ‘JK’.
“Sijawahi kumuona JK akilindwa na chopa lakini mtumishi wa Mungu Geordavie analindwa na ndege katika msafara wake! Hii ni mara yangu ya kwanza kuona,” alisema muumini mmoja ambaye hakupenda kutajwa gazetini.
Hata hivyo, baadhi ya watu walikuwa wakihoji utajiri wa askofu huyo kutokana na fedha nyingi anazozitumia anapofanya mikutano katika sehemu mbalimbali jijini Arusha.
“Tunajua kuwa ni tajiri, lakini anapata wapi fedha za kutumia hivi?” alihoji muumini aliyejitambulisha kwa jina moja la Julius ambaye naye alihudhuria mkutano wa askofu huyo anayetumia kaulimbiu ya Ngurumo ya Upako katika kutoa huduma yake.
Pia, waumini wengine walilalamikia ugumu wanaoupata wanapotaka  kumuona mtumishi huyo wa Mungu kutokana na ulinzi mkali anaopewa.
“Kila mtu alitamani kumuona mtumishi wa Mungu lakini haikuwezekana kutokana na ulinzi wake kuwa mkali, utajiri wake hakuna mfano, hata kule nyumbani kwake Arusha, anaishi kama Mfalme Daud,” alisema Fred Mushi.
Gazeti hili lilimsaka Askofu na Nabii Geordavie kwa lengo la kutaka kujua sababu ya kuwa na ulinzi mkali na kutumia magari ya kifahari ikiwemo chopa katika mikutano anayoifanya lakini simu yake iliita bila kupokelewa.

Read More →

DK. CHENI: FREEMASON WANANITESA

MINONG’ONO na uvumi unaotambaa kwa kasi kuwa anajihusisha na taasisi ya wajenzi huru (Freemasons), unazidi kumtesa msanii wa filamu za Kibongo, Mahsein Awadhi Said ‘Dk. Cheni’ kwa madai ya kwamba anajisikia vibaya anaponyoshewa vidole na baadhi ya wadau wa tasnia hiyo.

Dk. Cheni.

Mwishoni mwa wiki iliyopita, mwandishi wetu alisikia fununu kutoka kwa wadau wengi wa filamu wakiwemo wasanii wenzake wakidai  kuwa Dk. Cheni ni mwanachama halali wa taasisi hiyo ndiyo maana mambo yake ni mazuri kifedha ukilinganisha na wasanii wengine wanaoaminika kuwa na uwezo mkubwa wa kuigiza kuliko yeye.
“Kila dalili inaonesha kabisa Dk. Cheni ni Freemason, angalia mavazi yake mengi ni meusi, machata na alama kibao zinazohusishwa na taasisi hiyo, angali fedha aliyonayo, angalia hata gari lake lilivyojaa alama za ajabu ajabu, huyu jamaa ni Freemason kabisa,” alisema mdau mmoja wa filamu ambaye hakutaka jina lake liandikwe gazetini alipozungumza na mwandishi wetu.
Kauli kama hizo zimekuwa zikitolewa kwa nyakati tofauti na baadhi ya wasanii wenzake.
Dk. Cheni alipotafutwa kwa njia ya simu Jumapili ya wiki iliyopita na kuulizwa madai hayo alikuwa na haya ya kusema:
“Dah! na wewe umeyapata kaka? Hakika naumia sana na madai hayo, yamevuma sana kwa wadau, tena baadhi yao ni watu ninaowaheshimu sana, jamani mimi siyo Freemason, naigiza, kazi zangu za u-MC zinaniingizia kipato, najiwekea akiba.
“Si mtu wa starehe, nawekeza katika biashara ndogondogo, madai haya ya Freemason yananitesa sana ila namwachia Mungu,” alisema Dk. Cheni.

Read More →