Saturday, 23 September 2023
DKT.MGOGO AONGOZA MAHAFALI YA 3 YA DARASA LA SABA SHULE YA AWALI NA MSINGI KOM YA FANA,MKURUGENZI KOM ATANGAZA OFFA KWA WAZAZI NA WALEZI WENYE WATOTO WALIO HITIMU DARASA LA SABA SHINYANGA
Na Mwandishi wetu Malunde Blog Shinyanga
Dkt.Agatha Mgogo ambaye ni Mkurugenzi chuo kikuu huria cha Tanzania mkoa wa Shinyanga ameongoza Mahafali ya Tatu ya darasa la saba 2023 katika Shule ya awali na Msingi Kom tangu kuanzishwa kwa shule hiyo.
Mahafali hayo yamefanyika leo Jumamosi September,23 ,2023 katika shule hiyo iliyopo eneo la Butengwa kata ya Ngokolo Halmashauri ya Manispaa ya Shinyanga ambapo jumla ya wanafunzi 43 wamehitimu elimu ya darasa la saba na wanafunzi zaidi ya 60 wamehitimu elimu ya awali na sasa wataingia darasa la kwanza mwaka 2024.
Akizungumza, na wazazi na walezi Pamoja na Wahitimu Dkt.Agatha Mgogo amesema serikali na wanaShinyanga wanajivunia uwepo wa shule ya Awali na Msingi Kom ambayo imekuwa ikiupa sifa nzuri mkoa wa Shinyanga kwa kufanya vizuri kwenye mitihani ya kitaifa.
“Shule hii imekuwa ikitutangaza vizuri kitaifa katika matokeo ya mtihani jitihada ambazo tunatakiwa kuziunga mkono ”,amesema Dkt.Mgogo.
“Ninawapongeza pia kwa kukuza vipaji vya watoto, watoto hawa wana vipaji lakini pia darasani hawakamatiki, Kusoma na burudani pamoja na mazoezi lazima vyote vifanyike kwa ajili ya makuzi ya watoto. Nawapongeza sana kwa kulea watoto na kuwa bora”,ameongeza Dkt.Mgogo.
Aidha Dkt. Mgogo amewataka wazazi na walezi kuendelea kutilia mkazo suala la elimu kwani elimu inatengeneza watalaamu mbalimbali na watoto wanataka kutimiza ndoto zao huku akiwahimiza wazazi kuwasimamia watoto na kuwapeleka shule kwani hakuna urithi mzuri zaidi ya elimu.
“Tukiwapeleka shule watakwenda kujitegemea, wataenda kusoma kwa bidii ili wawe na vipato , wasiwe tegemezi, pelekeni watoto shule, tuwafundishe uzalendo, tuwafundishe utamaduni pia, haya lazima wakue nayo ili waje watumikie taifa lao”,amesema Dkt.Mgogo.
“Shule hii ina uongozi thabiti, walimu wanajituma na wanajitahidi kulea na kusimamia watoto hawa, ambao ni wanyenyekevu na nidhamu kwa sababu wamefundishwa shuleni”,amesema Dkt. Mgogo.
“Sisi wazazi tuna wajibu wa kuwalinda watoto hawa waliomaliza shule wasiwe wazururaji kwenye mitaa yetu na wazazi tuwaleee vizuri. Kwenye shule zetu wapo ambao kwa kiasi kikubwa kuna changamoto, naomba wazazi tujinyime na kujitahidi na kulipa ada, tulipe ada”.
Kwa upande wake Mkurugenzi wa shule za Msingi na Sekondari Kom Jackton Koyi ameishukuru serikali kwa ushirikiano inaoutoa kwa shule hiyo .
Aidha Koyi amewashukuru wazazi na walezi kwa kuiamini shule hiyo na kupeleka watoto katika shule za Kom.
Koyi amewataka wahitimu wa darasa la saba kuwa watoto wazuri kwa familia, jamii na mahali popote watakapokwenda huku akiwasihi wazazi na walezi kuwa karibu na watoto wao na kuwaendeleza kwa kuwapeleka sekondari huku akitoa offa kwawazazi na walezi kuwapeleka watoto wao walio hitimu elimu ya msingi kufanya mtihani wao Kom Sekondari Tarehe 29 Mwezi September ili waweze kujiunga na wenzao mwezi January Tayari kwa kuanza elimu ya Kidato cha kwanza.
Naye Mwalimu Mkuu wa Shule ya Awali na Msingi Kom Derick Okech amewaomba wazazi na walezi kuendelea kushirikiana na walimu katika kulea wanafunzi ili kutimiza ndoto zao huku akiwakumbusha kulipa ada kwa wakati.
Mkurugenzi wa shule za Msingi na Sekondari Kom Jackton Koyi akionyesha furaha yake wakati wa sherehe.
Wahitimu wa shule ya Awali na Msingi Kom wakisoma wakiingia ukumbini
Mwalimu Mkuu wa Shule ya Awali na Msingi Kom Derick Okech
Wanafunzi wa shule ya Awali na Msingi Kom wakitoa burudani
Mkurugenzi wa shule za Msingi na Sekondari Kom Jackton Koyi akionyesha furaha yake wakati wa sherehe.
Wahitimu wa shule ya Awali na Msingi Kom wakisoma wakiingia ukumbini
Mkurugenzi wa shule za Msingi na Sekondari Kom Jackton Koyi katikati akiwa kwenye sherehe.
Mkurugenzi wa shule za Msingi na Sekondari Kom Jackton Koyi akionyesha furaha yake wakati wa sherehe.
Mkurugenzi wa shule za Msingi na Sekondari Kom Jackton Koyi akizungumza na wazazi na walezi.
Wahitimu wa shule ya Awali na Msingi Kom wakisoma Risala
Wahitimu wa shule ya Awali na Msingi Kom wakitoa burudani
Mkurugenzi wa shule za Msingi na Sekondari Kom Jackton Koyi akiwa na meneja Magreth Koy wakifurahi na watoto
Dkt.Agatha Mgogo ambaye ni Mkurugenzi chuo kikuu huria cha Tanzania Shinyanga akizungumza na wazazi na walezi.
Burudani zinaendelea simba na yanga wanaendelea kutoa burudani.
SERIKALI YAWEKA MIKAKATI YA KUONDOA FOLENI YA MAROLI - TUNDUMA
Na Mwandishi wetu - Songwe
Katibu Mkuu wa Wizara ya Uchukuzi Prof. Godius Kahyarara amewahakikishia wadau wanaotumia kituo cha forodha Tunduma kuvusha mizigo kupitia Nakonde upande wa Zambia kuwa kufuatia maelekezo ya Mheshimiwa Rais Dkt. Samia Suluhu Hassan pamoja na Rais wa Zambia Mheshimiwa Hakainde Hichelema kwamba watendaji wahakikishe kuwa changangamoto zote zinazowakabili wasafirishaji mizigo kwenda nchi za Zambia DRC Zimbabwe na nchi nyingine zinatafutiwa ufumbuzi wa haraka.
Prof. Kahyarara ameyasema hayo kwenye kikao kilichowakutanisha watendaji wa Serikali wanaofanya kazi katika Mpaka wa Tunduma, “Tayari taasisi ya Trade Mark East Afrika pamoja na Benki ya Dunia wako tayari kugharamia mpango kabambe wa maboresho mradi utakao gharimu dola milioni 27 na kutekelezwa kwa mwaka mmoja” alisema Kahyarara.
Mradi huo utakapokamilika utawezesha kituo hicho kuwa na mifumo inayosomana kwa kuwa na scanner za kisasa na kutumia mifumo ya kisasa ya TEHAMA, hatua itakayoongeza ufanisi na ushindani kwa Bandari ya Dar es Salaam. Hatua hii ni baadhi ya mageuzi makubwa yanayotekelezwa na Mheshimiwa Rais Dr Samia Suluhu Hassan kwa lengo la kuimarisha bandari na kukuza biashara na uchumi.
Kwa upande wake Mkuu wa Mkoa wa Songwe, Dkt. Francis Michael amesema kuwa pamoja na mkakati wa kuongeza upana wa barabara katika eneo hilo lakini bado kila mtu anayefanya kazi katika enao hilo ahakikishe anatimiza wajibu wake ili kuondoa msongamano wa Maroli.
Pia Dkt. Francis amesema kuwa Mkoa huo umejipanga kuanza kujenga bandari kavu eneo la Tunduma ili kuweza kupaki magari yote ambayo anasubilia kuvuka mpaka kwenda nchi jirani.
Naye Kamanda wa Usalama Barabarani Mkoa wa Songwe SSP Joseph Bukombe amesema kuwa kwasasa wameweka utaratibu wa kuvusha magari kwa awamu ili kupunguza foleni katika mpaka huo.
Mpaka wa Tunduma na Nakonde unakadiliwa kuvusha maroli zaidi ya elfu moja mia mbili kwa siku kutoka Tanzania kwenda Zambia, DRC Congo na Zimbabwe.
MANISPAA TABORA YASAINI MKATABA UJENZI WA BARABARA KILOMETA 10
Na Mwandishi Wetu
MANISPAA ya Tabora imesaini mkataba wa ujenzi wa Barabara za kilometa 10 chini ya Mradi wa Uboreshaji wa Miundombinu ya Miji ya Tanzania (TACTIC).
Mkataba huo umesainiwa leo hii jijini Dar es Salaam mbele ya Waziri wa Nchi Ofisi ya Rais(TAMISEMI) Mohamed Mchengerwa na kwa upande Manispaa mkataba huo umesainiwa na Mkurugenzi wa manispaa hiyo Elias Kayandabila.
Wengine walioshuhudiwa utiwaji saini wa mkataba huo ni Meya ya Manispaa Ramadhani Kapela, Mbunge wa Jimbo la Tabora pamoja na Mwanasheria wa Manispaa Mwalukasa Robert Matungwa.
Mkandarasi wa Ujenzi ni M/s Chongqing International Construction Corporation kwa Gharama ya Sh.16,689,060,185.87 na Mkandarasi Mshauri M/s UNITEC Civil Consultants Ltd wakishirikiana na UWP Consulting (Tanzania) Ltd kwa gharama ya Sh. 1,472,345,999.44
Kutokana na kusainiwa kwa mkataba huo Manispaa ya Tabora imemshukuru Rais Dkt. Samia Suluhu Hassan kupitia TAMISEMI chini ya Waziri Mchengerwa kwa kuendelea kuboresha maisha ya wana Tabora Manispaa kwa kuwaboreshea niundombinu ya barabara na hivyo, kuboresha maisha yao.
.jpeg)
TBS WAFANYA UKAGUZI SOKONI WA BIDHAA ZILIZOISHA MUDA WA MATUMIZI MSOMERA .
Maafisa wa Shirika la Viwango Tanzania wakitoa elimu kwa wananchi na wafanyabiashara wa kijiji cha Msomera wilaya ya Handeni Tanga kuhusu umuhimu wa kusoma taarifa kwenye vifungashio ikiwemo muda wa mwisho wa matumizi wa bidhaa.
**************
Shirika la Viwango Tanzania ( TBS) , jana Septemba 22,2023 katika Kijiji Cha Msomera Wilaya ya Handeni - Tanga limefanya Ukaguzi wa Bidhaa zilizopitwa na Wakati pamoja na kutoa Elimu kwa Wafanyabiashara na Wananchi juu ya Umuhimu wa kuzingatia muda wa matumizi ya bidhaa husika hasa za Chakula.
Aidha Maafisa wa TBS wamebaini na kuziondoa sokoni baadhi ya bidhaa hasa Za Vinywaji ambazo zimepitwa na wakati na kuwasisitiza wafanyabiashara kuzingatia muda wa matumizi ya bidhaa ikiwemo na kuhakikisha wanauza bidhaa bora.
Akizungumza katika eneo la Mnada wa Msomera baada ya kumaliza zoezi la kukagua na kutoa Elimu kwa Wananchi na Wafanyabiashara, Afisa Usalama Wa Chakula kutoka kanda ya Kaskazini TBS Bi. Mariam Maarufu amesema Shirika hilo limejipanga kuhakikisha linaondoa Bidhaa hafifu sokoni ikiwemo zilizopitwa na wakati ili kulinda afya za walaji.
" Leo tupo katika kijiji cha Msomera na tumeyafikia na kufanya ukaguzi katika maduka kadhaa ambapo tumebaini na kuziondoa Sokoni bidhaa ambazo zimepitwa na wakati lakini pia tumetoa elimu kwa wananchi kuhakikisha wanaangalia muda wa mwisho wa matumizi ya bidhaa ( expire date) kabla ya kuzinunua ili kuepukana na matatizo ya kiafya ambayo yanaweza kuwakumba kutokana na matumizi ya bidhaa zilizopitwa na wakati " amesema Bi Mariam
Nao kwa nyakati Tofauti Tofauti Simon Kipondo Mfanyabiashara Msomera na Martine Oleikayo Paraketi Mwenyekiti Wa serikali ya Kijiji Cha Msomera wamelipongeza shirika la Viwango Tanzania ( TBS ) kwa kuwakumbuka na kuja kufanya Ukaguzi pamoja na kutoa elimu maana imewafumbua mambo mengi hasa kuhusu matumizi ya bidhaa, Aidha wameliomba Shirika hilo kuongeza Elimu zaidi ili Kujenga uelewa zaidi kwa wananchi..jpeg)
.jpeg)
Maafisa wa Shirika la Viwango Tanzania wakitoa elimu kwa wananchi na wafanyabiashara wa kijiji cha Msomera wilaya ya Handeni Tanga kuhusu umuhimu wa kusoma taarifa kwenye vifungashio ikiwemo muda wa mwisho wa matumizi wa bidhaa.
.jpeg)
.jpeg)
Maafisa wa Shirika la Viwango Tanzania wakitoa elimu kwa wananchi na wafanyabiashara wa kijiji cha Msomera wilaya ya Handeni Tanga kuhusu umuhimu wa kusoma taarifa kwenye vifungashio ikiwemo muda wa mwisho wa matumizi wa bidhaa.RAIS SAMIA AZIDI KUONESHA HURUMA YAKE KWA WANANCHI
Waziri wa Ardhi Nyumba na Maendeleo ya Makazi Mhe. Jerry Silaa akizungumza na wananchi wa eneo la Pombe Shop Chamwino Morogoro usiku alipokwenda kutatua mgogoro wa ardhi tarehe 22 Sept 2023.**********************
· Aelekeza wananchi waliovamia Bwawa la Mindu kupatiwa viwanja
· Waziri Slaa ahitimisha migogoro ya ardhi Morogoro usiku
Na Munir Shemweta, WANMM MOROGORO
Waziri wa Ardhi Nyumba na Maendeleo ya Makazi Jerry Silaa amesema Rais Samia Suluhu Hassan ameelekeza wananchi 357 wa kata ya Mindu mkoani Morogoro waliovamia eneo la hifadhi ya bwawa la Mindu mita 500 kupatiwa viwanja.
Uamuzi huo unafuatia mgogoro wa muda mrefu baina ya wananchi na serikali kufuatia Maamuzi ya Baraza la Mawaziri kuhusiana na utatuzi wa migogoro ya matumizi ya ardhi katika vijiji 975 kutaka wananchi hao kuondolewa ili kulinda chanzo hicho cha maji.
Akizungumza na wananchi hao tarehe 22 Septemba 2023 wakati wa akifuatilia utekelezaji wa Maamuzi ya Baraza la Mawaziri, Silaa amesema, madai ya wananchi kuwa umbali wa mita 500 ulioanishwa kulinda eneo la bwawa la Mindu hayana ukweli kwa kuwa lengo la serikali si kujipatia eneo bali kulinda chanzo hicho cha maji.
‘’Ingelikuwa tunapima halafu tunawaondosha wananchi na kugawana viwanja, kimoja RC, kingine DC na kamishna tungesema tunawabana ili tupate maeneo, tunapima kulinda bwawa ambalo mimi si mkazi wa eneo hili tunalinda bwawa hili kwa faida wa wana morogoro mkiwemo ninyi’’ alisema.
Akielezea zoezi la uthamini lililofanyika, Waziri Silaa amesema hilo lilikuwa zoezi maalum ambalo lilibaini wananchi walioko ndani ya mita 500 wako kwenye eneo la hifadhi la bwawa la Mindu na kubainisha kuwa hapo ndipo linapokuja suala la haki halali na ile haramu.
‘’Fidia ya hapa si fidia ya compasation iliyotokana na mtu aliyechukuliwa ardhi yake yenye mali ndani yake bali ni fidia iliyotokana na busara, hekima na huruma ya Rais. Tungelifuata Maamuzi ya Baraza la Mawaziri la tarehe 23 Sept 2019 maana yake mkuu wa wilaya angeagizwa kufikia tarehe fulani kila mtu aondoke’’ alisema Silaa.
Kwa mujibu wa Waziri Silaa, fidia kwa wananchi waliovamia eneo la hifadhi ya bwawa la Mindu haipo lakini kwa mujibu wa wataalamu wa ardhi wananchi 357 ndiyo wanaopaswa kulipwa kifuta jacho ikiwa ni huruma ya Rais wa Jamhuri ya Muungano wa Tanzania Dkt Samia Suluhu Hassan kama mkono wa heri kuwasaidia kuhamisha mali zao.
Hata hivyo, alisema baada ya kufanya mawasiliano na Rais Samia Suluhu Hassan alimuelekeza amuambie Kamishna wa Ardhi Msaidizi mkoa wa Morogoro awapatie viwanja wananchi wanaopisha uhifadhi wa eneo la bwawa ili waweze kujenga nyumba za kuishi.
Awali Diwani wa Kata ya Mindu mkoani Morogoro Zuberi Mkalaboko alimueleza Waziri wa Ardhi kuwa, wananchi wa eneo hilo hawana tatizo la kupisha uhifadhi wa bwawa isipokuwa kero zao kubwa ni tatu alizozitaja kuwa, ni ushirikishwaji, vipimo vilivyofanywa na wataalamu wa ardhi pamoja na fidia wanayotaka kulipwa wananchi hao.
‘’Mhe Waziri, kero za wananchi wa Mindu ni maeneo matatu, kwanza ushirikishwaji, pili fidia inayolipwa na tatu vipimo vilivyofanywa na wataalamu hawa’’ alisema Diwani Mkalaboko.
Waziri wa Ardhi Nyumba na Maendeleo ya Makazi mbali na kutembelea eneo la Mindu na CCT-Forest alihitimisha ziara yake ya siku moja mkoani Morogoro kwa kutembelea kata ya Chamwino eneo lenye mgogoro la Pombe Shop ambapo ilimlazimu kuutatua mgogoro wa eneo hilo usiku ambapo aliuhitimisha kwa kumuelekeza Kamishna wa Ardhi Msaidizi mkoa wa Morogoro kuwatafutia viwanja wananchi 57 kuondoka kwa hiari kupisha ujenzi wa shule.
‘’Tumekaa hapa mpaka usiku kuhangaikia watoto wenu, eneo hili lilikuwa la umma na litaendelea kuwa la umma’’ alisema Silaa.
Waziri wa Ardhi Nyumba na Maendeleo ya Makazi Mhe. Jerry Silaa akimsikiliza mmoja wa akina mama alipokwenda kusikiliza na kutatua mgogoro katika eneo la uhifadhi wa bwawa la Mindu Morogoro tarehe 22 Sept 2023.
Waziri wa Ardhi Nyumba na Maendeleo ya Makazi Mhe. Jerry Silaa (anayenyoosha mkono) akiwa na Mkuu wa Mkoa wa Morogoro Adam Malima (wa tatu kulia) eneo la Pombe Shop alipokwenda kusikiliza na kutatua mgogoro wa ardhi tarehe 22 Sept 2023.
Waziri wa Ardhi Nyumba na Maendeleo ya Makazi Mhe. Jerry Silaa akimsikiliza mwananchi katika eneo la Pombe Shop alipokwenda kutatua mgogoro wa ardhi tarehe 22 Sept 2023.
Sehemu ya wananchi wa eneo la Pombe Shop Chamwino Morogoro wakimsikiliza Waziri wa Ardhi Mhe Jerry Silaa usiku alipokwenda kutatua mgogoro wa ardhi katika eneo hilo tarehe 22 Sept 2023.
Waziri wa Ardhi Nyumba na Maendeleo ya Makazi Mhe. Jerry Silaa akiangalia moja ya nyaraka za mwananchi alipotembelea ofisi ya Kamishna wa Ardhi Msaidizi mkoa wa Morogoro akiwa katika ziara yake mkoani Morogoro tarehe 22 Sept 2023. (PICHA ZOTE NA WIZARA YA ARDHI)
GGML YATOA MSAADA WA VIFAA TIBA KUBORESHA AFYA GEITA
Mkuu wa Wilaya ya Geita, Kanali Boniphace Maghembe (wa pili kushoto) akipokea nyaraka za vifaa mbalimbali vya tiba kutoka kwa Ofisa Mwandamizi Mahusiano ya Jamii kutoka GGML, Musa Shunashu (wa kwanza kulia). Vifaa hivyo vilivyotolewa jana na kampuni hiyo kwa ajili ya kuimarisha sekta ya afya mkoani Geita. Wengine kushoto ni Afisa Afya wa Halmashauri ya Wilaya Geita, Kimwago Singo na katikati ni Kaimu Mganga Mkuu wa Halmashauri ya Mji Geita, Dk. Sunday Mwakyusa.
Na Mwandishi wetu
KATIKA jitihada za kuendelea kuboresha sekta ya afya mkoani Geita, Kampuni ya Geita Gold Mining Limited (GGML) imetoa msaada wa vifaa tiba kwa Halmashauri ya Wilaya ya Geita na Halmashauri ya Mji wa Geita ikiwa ni mwendelezo wa kudhibitisha dhamira ya kampuni hiyo katika uwajibikaji kwa jamii.
Msaada huo wenye thamani ya Sh260 milioni, unajumuisha vitanda 17 vya hospitali, vitanda vitano vya uchunguzi wa kitabibu, majokofu maalumu ya kukusanya damu na magodoro.
Pia imetoa vifaa maalumu vya uchunguzi wa via vya uzazi kwa mwanamke, viua wadudu, majokofu ya kuhifadhia maiti, vifaa vya upasuaji, mashine za kufulia na darubini.
Akizungumza baada ya kupokea msaada huo jana mkoani Geita, Mkuu wa Wilaya ya Geita, Kanali Boniphace Maghembe aliishukuru GGML kwa ukarimu wao kwa jamii inayozunguka migodi
“Ni furaha yangu kutambua kuwa tangu GGML ianze kazi hapa Geita, wameshirikiana kwa karibu na Serikali kutekeleza miradi kadhaa ya afya hususan ujenzi wa zahanati na vituo vya afya,” alisema.
Aidha, Meneja Mwandamizi anayesimamia mahusiano endelevu ya kijamii kutoka GGML, Gilbert Mworia, alisisitiza umuhimu wa huduma bora za afya katika kufikia lengo la 3 la Umoja wa Mataifa la Maendeleo Endelevu, ambalo linalenga katika kuhakikisha maisha ya afya na kukuza ustawi kwa wote.
“Lengo la 3 la Maendeleo Endelevu ni miongoni mwa Malengo 17 ya Maendeleo Endelevu yaliyowekwa na Umoja wa Mataifa mwaka 2015, na GGML imejidhatiti katika kuboresha afya na ustawi wa watu,” alisema.
Tangu kuanzishwa kwake mwaka wa 2000, GGML imejitolea kuboresha ustawi wa jamii inayozunguka mgodi kupitia miradi mbalimbali inayotekelezwa ikiwamo afya, elimu, maji, barabara na miradi ya kiuchumi.
GGML imeboresha upatikanaji wa huduma bora za afya mkoani Geita kupitia mipango mbalimbali, si tu kwa msaada wa vifaa tiba, bali pia kupitia ujenzi wa zahanati na vituo vya afya.
