TMFD , FAO WAZITAKA NGO's KUWA WADAU WA KUTUMIA MWONGOZO WA HIARI WA KUPUNGUZA UPOTEVU NA UHARIBIFU WA CHAKULA

Mwandishi wetu -Dar es salaam

Mkurugenzi wa shirika la Tanzania Media for Maritime and Fisberies Development (TMFD) Bwana Edwin Soko amekutana na Afisa na Shirika la chakula na kilimo Duniani Bwana Omar Riego Penaruba kutoka Rome na kujadili kwa pamoja umuhimu wa Mashirika yasiyo ya Kiserikali Nchini Tanzania kutumia mwongozo wa hiari wa kupunguza upotevu na uharibifu wa chakula Nchini .

Bwana Soko amesema kuwa, kwa kuwa TMFD ipo karibu na vyombo vya habari hivyo itatumia sauti kuhamasisha umuhimu wa mwongozo huo kwenye kupunguza upotevu na uharibifu wa chakula Nchini.

" Pia tutahakikisha mashirika yanayofanya kazi katika sekta ya uvuvi yanaufahamu mwongozo huu wa FAO ili yaweze pia kutengeneza mipango mathubuti ya kuhamasisha jamii kuwa wadau wa kupunguza upotevu wa mazao ya uvuvi kwa kutumia mwongozo huu uliotolewa na FAO." Alisema Soko

Kwa upande wake afisa wa FAO Omar alisema kuwa masharika yasiyo ya Kiserikali ni wadau wakubwa wa uzuiaji wa upotevu wa mazao ya uvuvi Nchini hivyo itakuwa jambo jema kwa TMFD kusaidia mashirika mengine kuufahamu mwongozo huo.

Mazungumzo hayo yamefanyika leo Jijini Dar es salaam na TMFD itaanza mara moja kuunadi mwongozo huo.

Read More →

KATAMBI: ELIMU YA KANUNI MPYA YA MAFAO ITAENDELEA KUWAFIKIA WAAJIRI NA WANACHAMA

Naibu Waziri Ofisi ya Waziri Mkuu - Kazi, Vijana, Ajira na Wenye Ulemavu, Mhe. Patrobas Katambi akijibu swali Bungeni leo Mei 9, 2023, jijini Dodoma.

Na; Mwandishi Wetu: DODOMA

SERIKALI imesema hadi kufikia Februari 28, 2023 wanachama wa mifuko ya pensheni 71,836 na waajiri 2,927 wamefikiwa na elimu ya kanuni mpya ya mafao ya pensheni (kikokotoo).

Elimu hiyo imetolewa na Mfuko wa Taifa wa Hifadhi ya Jamii (NSSF), Mfuko wa Hifadhi ya Jamii kwa Watumishi wa Umma (PSSSF) kwa kushirikiana na Shirikisho la Vyama Vya Wafanyakazi Tanzania (TUCTA).

Naibu Waziri Ofisi ya Waziri Mkuu, Kazi, Vijana, Ajira na Wenye Ulemavu, Mhe. Patrobas Katambi ameyasema hayo Mei 9, 2023 alipokuwa akijibu swali la msingi la Mbunge wa Iringa Mjini (CCM), Mhe. Jesca Msambatavangu.

Katika swali lake, Mbunge huyo amehoji serikali imejipangaje vipi kushughulikia malalamiko kuhusu kikokotoo.

Akijibu swali hilo, Katambi amesema serikali ilitangaza matumizi ya kanuni hizo kuanzia Julai mosi, 2022 kupitia Gazeti la Serikali namba 357 toleo la Mei 20, 2022 na kanuni hiyo iliandaliwa kwa kuzingatia haja ya kuboresha, kuwianisha mafao ya wanachama na kuifanya mifuko hiyo kuwa endelevu.

“Kwa kutambua wajibu wa kuwaelimisha wananchi hususani waajiri na wanachama wa mifuko pensheni kuhusu kanuni mpya ya mafao ya pensheni, elimu imeendelea kutolewa na mifuko ya pensheni kwa kushirikiana na TUCTA,” amesema.

Amebainisha kuwa mifuko hiyo imetoa elimu kwa waajiri hao ambao 318 ni wanaochangia PSSSF na NSSF ni 2,609 huku wanachama 19,656 wa PSSSF huku NSSF ni 52,180 na kusisitiza elimu hiyo itaendelea kutolewa kwa kuwa ni sehemu ya majukumu yao ya kila siku.

Ameongeza kuwa, Serikali ina dhamira njema ya kuwalinda watumishi kwa kuhakikisha wanapata manufaa pindi wanapostaafu ambapo ilifanyika tafiti shirikishi pamoja na tathmini ya mifuko yote kabla na baada ya kuunganishwa kwa kushirikisha kila mdau muhimu, elimu kuhusu Kikokotoo kutolewa kwa uendelevu na Serikali imeiagiza Mifuko ya pensheni iendelee kutoa elimu kwa wanachama wote kabla ya kustaafu, ili kutatua changamoto za mwanachama mmojammoja zinazojitokeza kuhakikisha watumishi wanaostaafu wanalipwa kwa wakati.

Vile vile ameeleza faida ya kanuni mpya ya Kikokotoo kuwa imeweka uwiano na usawa wa mafao baina ya wastaafu wote bila kubagua baadhi ya makundi; Kanuni Mpya imefanya Mifuko kuwa endelevu na kulipa kwa wakati mafao ya Wastaafu; Mafao ya mkupuo yameongezeka kutoka 25% iliyowekwa kwa wanachama wote mwaka 2018 hadi 33%; Malipo ya Mkupuo ya waliokuwa wanachama 1,364,050 (81%) wa Mifuko NSSF, PPF na GEPF yameongezeka na malipo ya pensheni kwa mwezi yameongezeka kwa wanachama 326,137 (19%); na Imeongeza pensheni ya mwezi kutoka 50% ya sasa hadi 67% kwa waliokuwa wanachama wa PSPF na LAPF.

Read More →

SERIKALI YAANIKA RASIMU YA SERA NA MITAALA MIPYA YA ELIMU

Waziri wa Elimu, Sayansi na Teknolojia, Prof. Adolf Mkenda, akizungumza na waandishi wa habari (hawapo pichani) leo Mei 9,2023 kuelekea Siku ya Kongamano la Sera na Mitaala ya Elimu litakalofanyika kuanzia Mei 12 hadi 14 Mwaka huu katika Ukumbi wa Jakaya Kikwete jijini Dodoma.

Waziri wa Elimu, Sayansi na Teknolojia, Prof. Adolf Mkenda, akifafanua jambo kwa waandishi wa habari (hawapo pichani) leo Mei 9,2023 wakati akizungumza kuelekea Siku ya Kongamano la Sera na Mitaala ya Elimu litakalofanyika kuanzia Mei 12 hadi 14 Mwaka huu katika Ukumbi wa Jakaya Kikwete jijini Dodoma.

Waandishi wa habari wakimsikiliza Waziri wa Elimu, Sayansi na Teknolojia, Prof. Adolf Mkenda,wakati akizungumza leo Mei 9,2023 kuelekea Siku ya Kongamano la Sera na Mitaala ya Elimu litakalofanyika kuanzia Mei 12 hadi 14 Mwaka huu katika Ukumbi wa Jakaya Kikwete jijini Dodoma.

Na.Alex Sonna-DODOMA

SERIKALI imeamua kutoa rasimu ya Sera ya Elimu na Mafunzo ya mwaka 2014 toleo la 2023 na rasimu ya Mitaala Mipya ya Elimu ya Awali, Msingi,Sekondari na Vyuo vya Ualimu hadharani ili kupata maoni ya wananchi.

Hayo yamesemwa leo Mei 9,2023 na Waziri wa Elimu, Sayansi na Teknolojia, Prof. Adolf Mkenda wakati akizungumza na waandishi wa habari kuelekea siku ya Kongamano la Sera na Mitaala ya Elimu litakalofanyika kuanzia Mei 12 hadi 14 Mwaka huu katika Ukumbi wa Jakaya Kikwete jijini Dodoma.

Prof. Mkenda amesema mchakato huo umekamilika kwa kupata maoni kutoka kwa wadau mbalimbali ikiwa ni pamoja na kutembelea nchi mbalimbali na kufanya uchambuzi.

"Kazi hii imekuwa ikifanyika kwa kukusanya maoni, kutembelea nchi mbalimbali na kufanya uchambuzi wa kitaalamu, ninayo furaha kuwajulisha kuwa rasimu ya Sera ya Elimu na Mafunzo ya 2014 toleo la 2023 imekamilika.

"Rasimu za mitaala ya elimu ya awali, msingi, sekondari na vyuo vya ualimu ambayo inakidhi maelekezo ya Rais wetu nayo imekamilika, Serikali imeamua kutoa rasimu hizi ili kupata maoni ya mwisho ambayo tunataka yawe yashapokelewa ifikapo 31 Mei 2023," ameeleza Prof. Mkenda.

Hata hivyo amefafanua kuwa rasimu hizo sasa ziko hadharani ili kupata maoni ya mwisho na zinapatikana katika tovuti za Wizara ya Elimu, Sayansi na Teknolojia (www.moe.go.tz), Idara ya habari Maelezo (www.maelezo.go.tz) na ile ya Taasisi ya Elimu Tanzania (www.tie.go.tz).

Ameongeza kuwa “Mei 10, 2023 Wizara itafanya semina na wabunge wote wa Bunge la Jamhuri ya Muungano wa Tanzania kuwapitisha katika rasimu hizo na Mei 12 hadi 14 tutafanya kongamano kubwa la kitaifa la siku tatu la kujadili rasimu hizo."

Prof. Mkenda amewakaribisha wadau wote kujisajili ili kushiriki katika kutoa maoni yao pia amebainisha kuwa mwisho wa kupokea maoni yao ni Mei 31, 2023 baada ya hapo rasimu hizo zitapelekwa katika ngazi za maamuzi mwezi Juni, 2023.

“Haya ni mageuzi makubwa sana katika elimu yetu na kalenda ya awamu ya utekelezaji wa mambo yatakayoingizwa katika mitaala hiyo ambapo itaamuliwa nini kifanyike mwaka huu, nini kifuate na tunamaliza na kipi” amesisitiza Mkenda

Aidha amesema kuwa kesho watafanya semina kwa wabunge wote ili wazipitie rasimu na kwamba Kongamano la Kitaifa litafanyika kwa siku tatu kujadili rasimu hizo ambapo wanaotaka kushiriki watajisajili kwa njia ya mtandao kupitia tovuti ya wizara hiyo.

Kwa upande wake Katibu Mkuu Wizara ya Elimu Sayansi na Teknolojia Prof. Carolyne Nombo amesema kongamano hilo ni la kimataifa na wamewashirikisha watanzania wanaoishi nje ya nchi ili kutoa maoni yao na uzoefu wao katika nchi wanazoishi.

“Kongamano hili ni la Kimataifa tumeshirikisha watanzania wanaoishi nje ya nchi ili nao watupe uzoefu wao katika nchi wanazoishi katika kuboresha mitaala yetu” amesema Prof .Nombo.

Read More →

MKUTANO WA BUNGE LA AFRIKA KUANZA MEI 15

Mkutano wa Pili wa Kawaida wa Bunge Sita la Bunge la Afrika (Pan African Parliament PAP), unaotarajiwa kufanyika kuanzia Mei 15 hadi Juni 2,2023 katika Makao Makuu ya Bunge la Afrika Midrand Afrika Kusini.

***

Over 250 African Parliamentarians are expected to converge on Midrand, South Africa for the Second Ordinary Session of the Six Parliament of the Pan-African Parliament (PAP), scheduled from 15 May to 02 June 2023. The continent’s premier parliamentary forum is set to devise ways to fast-track the implementation of the African Continental Free Trade Area (AfCFTA), in line with the African Union (AU) theme for 2023.

Mandated with facilitating the implementation of policies, objectives, and programmes of the AU, and overseeing their execution by the various organs of the Union, the PAP will hold a dedicated seminar on the theme of the year. The seminar will focus on the unbundling of the AfCFTA Agreement and the strategies that will be put by the legislative arm of the Union to accelerate the landmark accord.

The other key item on the agenda of the upcoming Ordinary Session is the 3rd African Parliamentarians Summit on Climate Policy and Equity, to be held on 16-17 May 2023. The Summit seeks to galvanise a critical mass of stakeholders capable of catalysing broad support for pro-poor, just, equitable, locally led and science-based decisions in nationally determined contributions (NDCs) implementation and overall climate action. The high-level climate engagement will also identify a common African agenda in the Global Stock Take (GST) process and in the countdown to COP28, and the role parliamentarians can play.

The Second Ordinary Session of the sixth Parliament follows a successful Sitting of Permanent Committees of the PAP held in March 2023. In this regard, several reports, stemming from the work of Committees, will be considered and adopted during the May Session. These include the Report of the combined Workshop on Access to Information, Digital Rights with the Internet Governance Forum; Report on the proposal to develop a Model Law on Climate Change ; Report of the Capacity Building Workshop on Labour Migration Governance and Administration; Report on the Place of Traditional Medicine in African Health Systems; Report on Joint Capacity Building on Ratification of AU Legal instruments; Report on First Partners’ engagement on Conceptual Framework of the Draft Model Law on Gender Parity; and the Report on the Draft Model Law on Cooperatives. The peace and security situation on the continent will also feature on the agenda of the Plenary Session.

The Second Ordinary Session of the Sixth Parliament will be officiated by the President of the PAP, H.E. Chief Fortune Charumbira. Some AU Heads of State and Government, Speakers of national, regional and continental Parliaments; civil society organizations; and various other high-level guests are expected to grace the May Ordinary Session. Several Parliamentarians from different countries will be sworn in as members of the PAP following elections in a number of African States and rotation within delegations.

Read More →

EXPEDIA GROUP KUSHIRIKIANA NA TANZANIA KUTANGAZA UTALII

Seattle, Marekani

Kampuni kubwa ya biashara ya utalii duniani kupitia mtandao, Expedia Group, imeahidi kushirikiana na Serikali ya Tanzania kupitia Bodi ya Utalii (TTB), kutangaza na kuleta watalii wengi zaidi nchini Tanzania.

Kauli hiyo inayounga mkono pia juhudi za Rais wa Jamhuri ya Muungano wa Tanzania Mhe. Dkt. Samia Suluhu Hassan za kuitangaza Tanzania kimataifa, imetolewa jana Mei 8, 2023, na Mkurugenzi Mwandamizi wa Masoko ya Kimataifa wa kampuni hiyo, Bw. Andrew Van Der Feltz, alipokutana na kufanya mazungumzo kwenye makao makuu yao mjini Seattle na ujumbe wa Tanzania ulioongozwa na Katibu Mkuu wa Wizara ya Maliasili na Utalii, Dkt. Hassan Abbasi.

Expedia ni kampuni inayotumia teknolojia za kisasa kutangaza na kuhudumia watu zaidi ya milioni 400 kwa mwezi duniani na ikiwa inatumia muunganiko wa zaidi ya tovuti 200 na ikifanya kazi na mashirika ya ndege na wabia wengine zaidi ya 509 ikishika nafasi ya pili duniani na wakati fulani namba moja Marekani kwa kuaminiwa na watalii katika sekta ya usafiri na utalii.

Awali, ujumbe wa Tanzania pia ulipata wasaa wa kusalimiana na Rais wa Expedia Group anayeshughulikia Biashara ya Kimataifa, Bi. Ariane Gorin, ambaye aliueleza ujumbe huo kuwa Tanzania ambako alipata kutembelea mwaka 2016 Tarangire, Serengeti na Ngorongoro Kreta kuwa ni nchi yenye vivutio vya kipekee na anatarajia kuitembelea tena.

Kwa upande wake Dkt. Abbasi aliyeambatana na Mtendaji Mkuu wa TTB, Damasi Mfugale, aliwahakikishia watendaji hao wa Expedia kuwa Tanzania kwa sasa imeamua kuja na mtazamo mpya katika kutangaza utalii.

“Tunaamini utaalamu wenu na uzoefu wenu katika masoko na biashara ya utalii kimtandao utasaidia kuongezea juhudi za Rais wetu wa Tanzania Dkt. Samia Suluhu Hassan ambaye amefanya juhudi kubwa kupitia filamu ya “Tanzania; The Royal Tour” kuiweka Tanzania katika taswira pana zaidi kimataifa katika utalii na uwekezaji,” alisema Dkt. Abbasi.

Read More →

HAYA HAPA MAGAZETI YA LEO JUMANNE MEI 9,2023

Read More →

WAKAZI WA MBEYA WAIOMBA TCRA KUTOA ELIMU YA UTUMAJI USAFIRISHAJI WA MIZIGO NA VIPETO

Meneja wa Nyanda za Juu Kusini wa Mamlaka ya Mawasiliano (TCRA) Mhandisi Asajile John akizungumza na wananchi wa Jiji la Mbeya kuhusiana Utumaji wa Vifurushi na Vipeto ikiwa ni Kampeni ya TCRA Tuma Chap kwenye viunga vya jiji hilo la Mbeya.

*************

Na Mwandishi Wetu, Mbeya

WAKAZI wa mkoa wa Mbeya wameiomba Mamlaka ya mawasiliano Tanzania (TCRA) kusambaza zaidi elimu juu ya utumaji rasmi wa mizigo na vifurushi ili kuwanusuru wananchi wengi zaidi na upotevu wa mizigo.

Wakizungumza katika kampeni ya wazi ya uhamasishaji wa matumizi ya watoa huduma rasmi wakati wa kutuma mizigo wananchi hao wamesema mizigo migo inapotea kutokana na kutojua taratibu rasmi za kuwatambua watoa huduma wenye leseni.

Akizungumzia elimu hiyo mfanyabiashara Anangisye Mwakyoma amesema mara nyingi anapotaka kutuma mizigo huangalia basi ambalo analijua lakini baada ya kupata elimu hii atazingatia maelekezo ambayo yametolewa.

Akizungumzia faida ya elimu Bibi kisa Mwaipyana amesema iwapo angepata elimu hii tokea awali asingepoteza mzigo ambao alituma kwenye basi kupitia wakala ambaye hakuwa na ofisi.

Mch Elibariki Mmari ameishauri TCRA kuweka wazi sifa na vigezo vya wasafirishaji rasmi ili wananchi wawe wanaangali hivyo kabla ya kutuma mizigo yao.

Awali akitoa elimu kwa wananchi juu ya umuhimu wa kutumia watoa huduma wenye leseni wakati wa kusafirisha mizigo Meneja wa TCRA wa kanda ya nyanda za juu kusini Mha. Asajile John amesema TCRA inapotoa leseni hutoa pia masharti na vigezo ambavyo watoa huduma hao hutakiwa kuvizingatia.

Amevitaja vigezo hivyo kuwa ni pamoja na kampuni kiwa ofisi rasmi na kutoa risiti wanapoagiza ya mizigo wanauosafirisha.

Elimu hii ni sehemu ya kampeni ya tuma chap kwa usalama inayoendeshwa na TCRA nchi nzima kuelimisha wananchi umuhimu wa kutumia wasafirishaji wa mizigo waliosajiliwa.

Afisa Habari na Uhusiano Mwandamizi Mkuu Mabel Masasi wa Mamlaka ya Mawasiliano (TCRA) akigawa vipeperushi kwenye basi la Abiria (Daladala) Jijini la Mbeya ikiwa ni kampeni ya Tuma Chap ya Utumaji wa Vifurushi na Vipeto kwenye viunga vya jiji hilo la Mbeya.

Wananchi wakiangalia simu baada ya kupewa elimu kuhusianq na utumaji wa vifurushi na vipeti jijini Mbeya.

Afisa mkuu wa Abel John Masuala ya posta wa TCRA akitoa elimu kuhusiana na usafirishaji wa vifurushi na na Vipeto katika Viunga vya Mbeya ikiwa ni Kampeni ya TCRA Tuma Chap

Read More →

MBUNGE MTATURU ATENGA MUDA KUSIKILIZA KERO ZA WANANCHI WAKE

MBUNGE wa Singida Mashariki Miraji Mtaturu Mei 5,2023, amefanya ziara katika Vijijiji vya Choda na Mkiwa vilivyopo jimboni humo kwa lengo la kukagua miradi ya maendeleo,kuzungumza na kusikiliza kero za wananchi kupitia mikutano ya hadhara.

Ziara ya Mtaturu ni muendelezo wa utaratibu aliojiwekea wa kukagua miradi ya maendeleo na kuzungumza na wananchi ili kutoa fursa kwa wananchi kubainisha changamoto zao na yeye kwenda kuzisemea bungeni.

Akiwa katika ziara hiyo amekagua miradi kwenye shule ya sekondari Mkiwa ikiwemo ujenzi wa vyumba vinne vya madarasa na chumba kimoja cha maabara vyote vikiwa na thamani ya Sh.Milioni 90.

Akizungumza na wananchi Mtaturu amesema serikali ya awamu ya sita inayoongozwa na Rais Dkt Samia Suluhu Hassan itaendelea kutoa fedha ili kutekeleza miradi kwenye sekta za Elimu,maji,Afya,miundombinu ya Maji,Umeme na barabara kama ilani ya uchaguzi inavyoelekeza.

Aidha,amesikiliza kero mbalimbali za wananchi zilizolenga hasa sekta ya ardhi ambapo wananchi wameeleza uwepo wa sintofahamu ya maeneo yao kutwaliwa bila wenyewe kushirikishwa na serikali ya Kijiji.

Katika mkutano huo wananchi walitaka kujua faida ya Mpango wa Matumizi Bora ya Ardhi na hasara zake na pia walitaka kujua faida za wawekezaji kwenye maeneo yao.

Baada ya kupokea maswali hayo Mbunge Mtaturu alimpa nafasi afisa ardhi wa wilaya ya Ikungi Ambrose Ngonyani ili atoe ufafanuzi wa kero na maswali waliyouliza wananchi.

Mzee Mathayo Dedu ambaye ni mkazi wa Kijiji hicho amelalamikia eneo lake kutwaliwa bila ridhaa yake na mwekezaji.

“Mzee wangu nimepokea kilio chako nimuelekeze Mtendaji Kata kumuandikia Mkurugenzi wa halamashauri kero hizo zilizotolewa ili zipatiwe majibu ndani ya siku saba,”amesema Mtaturu.

Kupitia mkutano huo amewahimiza wananchi kutunza ardhi kwa manufaa yao na vizazi vijavyo.

“Viongozi wa vijiji fanyeni mikutano ya kisheria ili kuwajulisha wananchi mipango ya serikali pamoja na kusikiliza kero za wananchi na kuzitatua nah ii ndio dhana ya utawala bora,”amesisitiza.

Akitoa neno la shukrani kwa niaba ya wananchi,Diwani wa Kata ya Mkiwa Petro Mtiana amemshukuru Rais Samia kwa kuwapelekea fedha za miradi mingi katika kata yao ikiwemo Sh Milioni 310 za kutengeneza barabara za Mkiwa hadi Damaina na Mkiwa hadi Choda zilizokuwa kero sana hasa kipindi cha mvua.

“Nikushukuru pia mbunge wetu Mtaturu kwa kutuwakilisha vyema bungeni,umekuwa mdomo wetu wa kutusemea,na kupitia wewe umeomba fedha za miradi ambapo kupitia mfuko wa jimbo tumeletewa Sh Milioni 3.5 kwenye shule za msingi za Choda na Darajani,ahsante sana,”ameshukuru Diwani Mtiana.

Read More →

BABU ACHOMA NYUMBA, APOTEZA MAISHA NA WATOTO WAKE WATATU

 

Watu wanne familia moja wamefariki dunia kwa kuteketea na moto baada ya baba wa familia hiyo Aman Madumba (72), kujifungia chumbani na watoto hao kisha kuchoma nyumba moto.

Familia hiyo ya kijiji cha Malolo B kilichopo Wilayani Kilosa mkoani Morogoro inajumuisha baba huyo na watoto wake watatu ambao ni Habibu Aman (10), Sadick Aman (8) wote wa darasa la tatu na Bahati Aman (5).

 Kamanda wa Polisi Mkoa wa Morogoro, ACP Alex Mkama amethibitisha kutokea kwa tukio hilo na kueleza kuwa uchunguzi unaendelea ili kubaini chanzo cha tukio hilo.

Mjukuu wa marehemu, Mwanjaa Madumba amesema majira ya saa saba usiku wa kuamkia leo Mei 5, 2023 akiwa amelala aliona moshi mkubwa chumbani kwake na alipotoka aligundua ulikuwa ukitokea upande wa chumba cha babu yake.

“Nilipiga kelele Watu wakafika na kuzima moto huo na walipofungua mlango wa chumbani walikuta wote wanne wameteketea na moto,” alisimulia mjukuu huyo huku ikidaiwa huenda msongo wa mawazo umesababisha hali hiyo kwani marehemu huyo alitengana na mkewe.

Read More →

DUBE AIPELEKA AZAM FC FAINALI ASFC, YAITANDIKA SIMBA SC 2-1

NA EMMANUEL MBATILO

KLABU ya Simba imeondolewa kwenye hatua ya nusu fainali na Azam Fc kwa kupokea kichapo cha mabao 2-1 kwenye mchezo huo ambao uliopigwa kwenye dimba la Nangwanda mkoani Mtwara.

Katika Mchezo huo Azam Fc walianza kupata bao dakika ya 22 kupitia kwa mlinzi wao wa kulia Lusajo Mwaikenda kabla ya Simba kusawazisha kupitia kwa Sadio Kanout dakika ya 28 ya mchezo na kwenda mapumziko matokeo yakiwa 1-1.

Kipindi cha pili Azam Fc waliingia uwanjani kwa kushambulia zaidi kwani walitengeneza nafasi nyingi za magoli bila mafaniko.

Azam Fc ilifanya mabadiliko kwa baadhiya wachezaji wao ambapo mbadiliko yalizaa matunda kwani alitoka Idris Mbombo na nafasi yake kuchukuliwa na Prince Dube ambaye alipachika bao kali ambalo liliwapa matokeo ya ushindi wa 2-1 na kutinga hatua ya Fainali ambayo itapigwa kwenye dimba la Mkwakwani Tanga.

Read More →

WAZIRI DKT MABULA ATAKA WANANCHI TARIME KUACHA KUISHI KWA MAZOEA NA KUFUATA SHERIA

Mkuu wa mkoa wa Mara Meja Jenerali Suleiman Mzee (wa pili kushoto) akiwaonesha Mawaziri Dkt Angeline Mabula, Waziri wa Ardhi Nyumba na Maendeleo ya Makazi (wa tatu kushoto), Waziri Ofisi ya Rais TAMISEMI Angellah Kairuki (wa kwanza kushoto) na Naibu Waziri wa Maliasili Mary Masanja (wan ne kushoto) wakati mawaziri hao walipofanya ziara wilayani Tarime tarehe 6 Mei 2023.

****************

Na Munir Shemweta, WANMM TARIME

Waziri wa Ardhi Nyumba na Maendeleo ya Makazi Dkt Angeline Mabula amewataka wananchi wa Kegonga na Karakatonga wilayani Tarime mkoa wa Mara kuacha kuishi kwa mazoea na kufuata sheria ili kuepuka migogoro baina ya vijiji hivyo na maeneo ya hifadhi.

Dkt Mabula amesema hayo tarehe 6 Mei 2023 katika kijiji cha Kegonga kitongoji cha Lisolya kata ya Nyanungu wilayani Tarime, wakati timu ya mawaziri watatu ilipotembelea eneo hilo ikiwa ni utekelezaji wa maagizo ya waziri Mkuu Mhe. Kasim Majaliwa kuwataka mawaziri wa Ofisi ya Rais Tawala za Mikoa na Serikali za Mitaa, Maliasili na Utalii pamoja na Wizara ya Ardhi Nyumba na Maendeleo ya Makazi kwenda kutafuta ufumbuzi wa migogoro ya ardhi kwenye wilaya za Tarime na Serengeti mkoani Mara.

Mawaziri waliotembelea vijiji hivyo ni Angellah Kairuki, Ofisi ya Rais Tawala za Mikoa na Serikali za Mitaa, Waziri wa Ardhi Nyumba na Maendeleo ya Makazi Dkt Angeline Mabula pamoja na na Naibu Waziri wa Malisili na Utalii Mary Masanja.

Vijiji vilivyopo kwenye mgogoro na eneo la Hifadhi ya Serengeti wilayani Tarime mkoa wa Mara ni Kegonga, Nyandage, Masanga, Karakatonga, Gobaso, Nyabirongo pamoja na Kenyamosabi.

Dkt Mabula amewaambia wananchi wa vijiji hivyo kuwa, kitendo cha timu ya mawaziti watatu kwenda eneo la mpaka lenye mgogoro ni ishara kuwa Rais wa Jamhuri ya Muungano wa Tanzania Mhe. Dkt Samia Suluhu Hassan amewaheshimu wananchi wa maeneo hayo.

‘’Hivi ni vijiji vingapi tumekwenda mpaka kwenye alama za mpaka (Beacon), mnakaa mezani mnasoma then watu wanajua hapa ni pale lakini hapa tumekuwa akina tomaso tumekuja hadi hapa lakini hilo hamlioni kama Mhe. Rais amewaheshimu sana, ndugu zangu hebu tuache kuishi kwa mazoea tufuate sheria’’ alisema Dkt Mabula.

Amewataka wananchi wa mkoa wa Mara kuacha ubishi na kufuata sheria huku akiwatahadharisha dhidi ya watu wanaokwenda kuwadanganya na kueleza watu hao wana lengo la kutafuta kura wakati wa uchaguzi na kueleza kuwa iwapo wataishi kwa kukubali kudanganywa waelewe kuwa mpaka baina ya vijiji hivyo na hifadhi utaendelea kubaki kama ulivyo.

Amewaomba wananchi wa vijiji hivyo kuheshimu kile ambacho kipo kwa mujibu wa sheria na kueleza kuwa GN 265 ya mwaka 1968 ambayo wao wanaitambua ndiyo iliyotafsiriwa na si vinginevyo na kuhoji wanachoshangaa ni kitu gani.

Aidha, Waziri wa Ardhi Nyumba na Maendeleo ya Makazi alisema, eneo la ukingo yaani Buffer zone la mita 500 ambalo Mhe. Rais Dkt Samia Suluhu Hassana ameridhia kuachiwa vijiji husika katika eneo hilo ambapo ameagiza kufanyiwa mpango wa matumizi bora ya ardhi kupitia wataalamu.

Amewaonya wananchi wa maeneo yenye mgogoro na hifadhi kuwa kwa kuwaeleza kuwa, iwapo wataendelea kubishana kuhusiana na mpaka kila siku basi hakutakuwa na maendeleo na kusisitiza kwamba ni vizuri kuacha kufanya kazi kwa mabishano.

Kwa mujibu wa Dkt Mabula, tafsiri sahihi kuhusiana na alama ya mpaka imetolewa na kusisitiza kuwa alama hiyo inapaswa kuheshimiwa ingawa baadhi ya wananchi wanaweza kuuma lakini hiyo ndiyo tafsiri sahihi iliyosomwa neno kwa neno na kuweka wazi kuwa, kinachotakiwa ni kutokuwa na ubishi na kukubali uanzishwaji wa hifadhi na mipaka iliyowekwa sambamba na ile inayoenda kubadilika.

Serikali kupitia wizara ya Ardhi Nyumba na Maendeleo ya Makazi imeweka jumla ya alama 176 za mipaka katikati ya Alama Kuu Nane zilizotangazwa kupitia GN 235 ya mwaka 1968 ili alama za mipaka ziweze kuonekana vizuri kwa wananchi.

Waziri wa Ardhi Nyumba na Maendeleo ya Makazi Dkt Angeline Mabula (katikati aliyevaa miwani) akiwaongoza mawaziri wenzake kuangalia ramani wakati walipotembelea eneo lenye mgogoro la Kegonga wilayani Tarime mkoa wa Mara tarehe 6 Mei 2023.

Waziri wa Ardhi Dkt Angeline Mabula (wa tatu kulia), Waziri wa TAMISEMI Angellah Kairuki (wa tatu kushoto), Naibu Waziri Maliasili na Utalii Mary Masanja (wa pili kushoto), Mbunge wa jimbo la Tarime Mwita Waitara (wa kwanza kulia) wakielekea kukagua alama ya mpaka katika kijiji cha Kegonga wilayani Tarime mkoa wa Mara.

Waziri wa Ardhi Dkt Angeline Mabula akielekea kijiji cha Kegonga kitongoji cha Lisolya kata ya Nyanungu wilayani Tarime mkoa wa Mara wakati timu ya mawaziri watatu ilipokwenda kutafuta ufumbuzi wa mgogoro wa mpaka katika eneo hilo tarehe 6 Mei 2023.

Waziri wa Ardhi Dkt Angeline Mabula na Waziri wa TAMISEMI Angellah Kairuki wakitoka kukagua alama ya mpaka katika kijiji cha Kegonga kitongoji cha Lisolya kata ya Nyanungu wilayani Tarime mkoa wa Mara wakati timu ya mawaziri watatu ilipokwenda kutafuta ufumbuzi wa mgogoro wa mpaka katika eneo hilo Mei 6, 2023.

Waziri wa Ardhi Dkt Angeline Mabula na Mkuu wa mkoa wa Mara Meja Jenerali Suleiman Mzee wakiangalia muelekeo wa mpaka katika kijiji cha Kegonga wilayani Tarime mkoa wa Mara wakati timu ya mawaziri watatu ilipokwenda kutafuta ufumbuzi wa mgogoro wa mpaka katika eneo hilo tarehe 6 Mei 2023. (PICHA ZOTE NA WIZARA YA ARDHI)

Read More →