MASHINDANO YA ‘CRDB BANK NGALAWA RACE’ YATAJWA KIVUTIO CHA UTALII ZANZIBAR

Waziri wa Maendeleo ya Jamii wa Serikali ya Mapinduzi Zanzibar, Riziki Pembe Juma (watatu kushoto) akimkabidhi mfano wa hundi yenye thamani ya shilingi milioni mbili na nusu (2,500,000/-), Khatib Haji Hamis (wapili kushoto) aliyeibuka mshindi wa jumla katika mashindano ya ‘CRDB Bank Ngalawa Race' yaliyoandaliwa na Benki ya CRDB katika Tamasha la Kizimkazi, yaliyofanyika leo Agosti 30, 2022 kwenye fukwe za Kizimkazi Mkunguni, Mkoa wa Kusini Unguja, Zanzibar. Wengine pichani kutoka kushoto ni Mkurugenzi wa Mawasiliano wa Benki ya CRDB, Tully Esther Mwambapa, Mkuu wa Mkoa wa Kusini Unguja, Rashid Hadid Rashid, Mkuu wa Wilaya ya Kusini, Rajab Yussuf Mkasaba pamoja na Mkurugenzi Mkuu wa CRDB Insurance Broker LTD, Wilson Mnzava. Picha zote na Othman Michuzi.

---

Kizimkazi, Zanzibar Agosti 30, 2022 – Waziri wa Maendeleo ya Jamii Zanzibar, Mhe. Riziki Pembe Juma amesema mashindano ya ‘CRDB Bank Ngalawa Race' yaliyoandaliwa na Benki ya CRDB katika Tamasha la Kizimkazi ni mfano wa michezo ya utamaduni inayotangaza utalii visiwani humo.

Mhe. Riziki ameyasema hayo wakati akifungua mashindano katika hafla iliyofanyika kwenye fukwe za Kizimkazi Mkunguni ambapo mamia ya watu walijitokeza kushudia mtanange mkali wa washiriki mahiri 20 wa mchezo wa ‘Resi za Ngalawa’ kutoka Kizimkazi Mkunguni na Kizimkazi Dimbani.

“Ni imani yangu ni kuwa mchezo huu utasaidia kuongeza thamani kwa fukwe zetu kwa kutoa burudani kwa watalii wanaotembelea katika visiwa vyetu, na kutoa ajira kwa vijana wetu,” amesema huku akitoa changamoto kwa Wizara za Michezo na Utalii kushirikiana na Benki hiyo kuendeleza mchezo huo.

Aidha, aliishukuru Benki ya CRDB kwa kuwa mstari wa mbele kusaidia jitihada za Serikali katika kutatua changamoto zinazoikabili jamii na kuwaletea wananchi maendeleo. “Niwapongeze kwa namna ambavyo mnajitoa kusaidia jamii. Ufadhili wenu katika miradi ya maendeleo hapa Kizimkazi unaonyesha kiu mliyonayo katika kuboresha maisha ya Watanzania.”

Kwa upande wake Mkurugenzi wa Mawasiliano Benki ya CRDB, Tully Esther Mwambapa alisema Benki hiyo imeamua kuwekeza katika mchezo huo wa ‘Resi za Ngalawa’ kwa kuwa ni moja ya michezo ya asili hapa nchini ambayo ikitangazwa vizuri inaweza kutangaza utamaduni wa Wazanzibari na kuvutia watalii kuja kutembelea nchini.

“Rais wetu Mama Samia amefanya jitihada kubwa katika kutangaza vivutio vya utalii nchini kupitia filamu ya ‘Royal Tour’, tukiwa Benki kiongozi na ya kizalendo nchini tumeona ni vyema kuunga mkono jitihada hizi kupitia mashindano haya ambayo asili yake ni katika visiwa hivi vya Zanzibari,” amebainisha.

Akielezea lengo jingine la kuandaa mashindano hayo kwa mwaka wa pili mfululizo kupitia Tamasha la Kizimkazi, Tully alisema Benki ya CRDB pia imedhamiria kuutumia mchezo huo wa Resi za Ngalawa kuwawezesha vijana kiuchumi kwa kuufanya mchezo kuwa wa kibiashara kama ilivyo michezo mingine.

“Katika kutekeleza azma hii, mwaka huu tumekabidhi vifaa vipya kwa washiriki wote 20 vyenye jumla ya thamani ya shilingi milioni 50 ikiwamo ngalawa za kisasa na maboya ya uokoaji. Hii imeongeza hamasa kubwa sana kwa washiriki ambapo mashindano ya mwaka huu yamekuwa na ushindani mkubwa.”

Washiriki hao 20 walishindana katika resi za maili 2 kwa mizunguko miwili ambapo Khatib Haji Hamis mkaazi wa Kizimkazi Mkunguni aliibuka mshindi wa kwanza na kuondoka na zawadi ya shilingi milioni 2.5 na boti ya uvuvi kwa ajili ya kikundi kutoka kijiji anachotoka.

Mshindi wa pili alikuwa Juma Ramadhani Haji kutoka kijiji cha Kizimkazi Mkunguni ambaye aliondoka na kitita cha shilingi milioni 1, na watatu alikuwa Muhammad Ambar Mpate kutoka kijiji cha Kizimkazi Mkunguni ambaye aliibuka na zawadi ya shilingi laki 7, na mshindi wan ne alikuwa Daudi Wajihi Zahor mkazi wa Kizimkazi Dimbani ambaye alijishindia shilingi laki 5.

Mbali na mchezo wa wa “Resi za Ngalawa”, Benki ya CRDB pia imetumia zaidi ya shilingi milioni 65 kudhamini michezo mingine katika Tamasha la Kizimkazi ikiwamo; mpira wa miguu, mpira wa pete, nage, mbio za baiskeli, bao, kukuna nazi, kuvuta kamba, na uchoraji.

Aidha, Benki hiyo pia imejenga maabara ya kisasa ya sayansi iliyokamilika pamoja na vifaa vyake katika Skuli ya Kizimkazi yenye thamani ya shilingi milioni 50. Maabara hiyo inalenga kuhamasisha wanafunzi kusoma masomo ya sanyansi.

Tamasha la Kizimkazi linatarajiwa kufikia tamati siku ya jumamosi ya tarehe 3 Agosti 2022 ambapo mgeni rasmi anatarajiwa kuwa Rais wa Jamhuri ya Muungano wa Tanzania, Mhe. Samia Suluhu Hassan. Miradi mbalimbali ya maendeleo inatarajiwa kukabidhiwa siku hiyo.

Waziri wa Maendeleo ya Jamii wa Serikali ya Mapinduzi Zanzibar, Riziki Pembe Juma akizungumza katika hafla ya ufunguzi wa mashindano ya ‘CRDB Bank Ngalawa Race' yaliyoandaliwa na Benki ya CRDB katika Tamasha la Kizimkazi, yaliyofanyika leo Agosti 30, 2022 kwenye fukwe za Kizimkazi Mkunguni, Mkoa wa Kusini Unguja, Zanzibar.

Mkurugenzi wa Mawasiliano wa Benki ya CRDB, Tully Esther Mwambapa, akizungumza katika hafla ya ufunguzi wa mashindano ya ‘CRDB Bank Ngalawa Race' yaliyoandaliwa na Benki ya CRDB katika Tamasha la Kizimkazi, yaliyofanyika leo Agosti 30, 2022 kwenye fukwe za Kizimkazi Mkunguni, Mkoa wa Kusini Unguja, Zanzibar.

Mshindi wa kwanza wa CRDB Ngalawa Race, Khatib Haji Hamis akiwa juu ya boti iliyokabidhiwa zawadi kwa kijiji chake cha Kizimkazi Mkunguni kwa ajili ya kuchochea maendeleo. Boti hiyo ina thamani ya shilingi milioni 25.

Sehemu ya Ngalawa zilizoshiriki katika mashindano ya ‘CRDB Bank Ngalawa Race' yaliyoandaliwa na Benki ya CRDB katika Tamasha la Kizimkazi, yaliyofanyika leo Agosti 30, 2022 kwenye fukwe za Kizimkazi Mkunguni, Mkoa wa Kusini Unguja, Zanzibar.

Msanii wa muziki wa Bongo Fleva, Elias Barnabas maarufu kama Barnaba akitoa burudani wakati wa mashindano ya ‘CRDB Bank Ngalawa Race' yaliyoandaliwa na Benki ya CRDB katika Tamasha la Kizimkazi, yaliyofanyika leo Agosti 30, 2022 kwenye fukwe za Kizimkazi Mkunguni, Mkoa wa Kusini Unguja, Zanzibar.

Mgeni Rasmi akiwa katika picha za pamoja na washiriki wa Timu zote mbili (Kizimkazi Dimbani na Kizimkazi Mkunguni) wakati wa mashindano ya ‘CRDB Bank Ngalawa Race' yaliyoandaliwa na Benki ya CRDB katika Tamasha la Kizimkazi, yaliyofanyika leo Agosti 30, 2022 kwenye fukwe za Kizimkazi Mkunguni, Mkoa wa Kusini Unguja, Zanzibar.

Sehemu ya wananchi wakiendelea kufurahia burudani mbalimbali katika mashindano ya ‘CRDB Bank Ngalawa Race' yaliyoandaliwa na Benki ya CRDB katika Tamasha la Kizimkazi, yaliyofanyika leo Agosti 30, 2022 kwenye fukwe za Kizimkazi Mkunguni, Mkoa wa Kusini Unguja, Zanzibar.

Read More →

TAKRIBANI TANI TISA ZA BIDHAA ZENYE VIAMBATA SUMU ZATEKETEZWA

*********************

Shirika la Viwango Tanzania (TBS) limeteketeza bidhaa za aina mbalimbali zenye viambata sumu ambazo hazikidhi matakwa ya viwango za uzito wa tani tisa zenye thamani ya shilingi milioni 400.

Akizungumza Mkuranga Mkoani Pwani kaimu Mkurugenzi,usimamizi na utekelezaji wa sheria wa TBS, Dkt, Candida Shirima, amesema kuwa shehena ya bidhaa zilizoteketezwa zina uzito wa tani 9 na nyingi ni vipodozi vyenye viambata sumu ambayo vimeshapingwa marufuku kwa mijibu wa sheria ya viwango sura 130.

Dkt Shirima amesema kuwa viambata sumu hivyo ni aina ya Zebaki,hydroquinone na steroids ambayo ni hatari kwa afya ya watumiaji wa vipodozi kwani husababisha madhara mbalimbali kama vile ya ngozi muwasho, ngozi kuwa nyekundu, laini,saratani madhara ya figo na uzazi.

Aidha ameitaka jamii kuepuka kutumia vipodozi vyenye viambata sumu na vilivyopigwa marufuku kama ambavyo imekuwa ikishauriwa na kusisitizwa na mamlaka hiyo pamoja na wataalamu wa afya ili kulinda afya.

Pia amewataka wananchi kuangalia muda wa matumizi kwenye bidhaa hususani vyakula kabla ya kununua au kuzitumia huku wafanyabishara kuhakikisha kuwa wanazingatia sheria na kanuni na viwango ili kutoingiza nchini,kuzalisha,kuuza au kusambaza bidhaa zisizokidhi vigezo vya ubora na usalama ili kuwalinda watumiaji na kukuza uchumi wa nchi.

Kwa upande wake Kaimu Meneja Kanda ya Mashariki wa TBS, Fransis Mapunda amesema kuwa bidhaa hizo zilizotekezwa wamezikamata katika maeneo mbalimbali ikiwemo mkoani Morogoro, Pwani na Zanzibar huku akiwataka wafanyabishara kutokujihusisha na bidhaa zisizokidhi vigezo.

"Zoezi la ukaguzi ni endelevu katika maeneo yote hivyo sehemu yoyote mtu atakayejihusisha na biashara ambazo hazikidhi matakwa ya sheria atakamatwa na kuchukuliwa hatua za kisheria kwa mujibu wa sheria zilizowekwa kwa masilahi mapana ya taifa kwa ujumla"amesema Mapunda

Read More →

HAYA HAPA MAGAZETI YA LEO JUMATANO AGOSTI 31,2022

Magazetini leo Jumanne August 31 2022

Read More →

MKURUGENZI WA HALMASHAURI YA MUHEZA ASIMAMISHWA KAZI KUPISHA UCHUNGUZI

Waziri wa Nchi Ofisi ya Rais Tawala za Mikoa na Serikali za Mitaa (OR-TAMISEMI),Mheshimiwa Innocent Bashungwa amemsimamisha kazi Mkurugenzi wa Halmashauri ya Wilaya ya Muheza mkoani Tanga,Nassib Bakari Mmbaga kwa utendaji kazi usioridhisha.

Read More →

ATUPWA JELA MIAKA 4 KWA KUMCHAPA VIBOKO KARANI WA SENSA

Amos Nyang'waji

Kijana mmoja aliyefahamika kwa jina la Amos Nyang'waji (25), mkazi wa Kijiji cha Matui wilayani Kiteto mkoani Manyara, amehukumiwa kwenda jela miaka minne kwa kosa la kumcharaza viboko Karani wa Sensa na kuharibu kishikwambi chake wakati akitekeleza majukumu yake.

Hukumu hiyo imetolewa katika Mahakama ya Hakimu Mkazi wilaya ya Kiteto, na Hakimu Mosi Sasy, ambapo awali akisoma mashtaka hayo, Mwendesha Mashtaka ya Polisi Joseph Kijo, amesema Agosti 25, 2022, katika Kijiji hicho cha Matui wilayani Kiteto mtuhumiwa Amosi Nyang'wali akiwa nyumbani kwa kaka yake alimpiga Karani wa Sensa aliyefahamika kwa jina la Cecilia Paulo.

Alipotakiwa kujitetea mtuhumiwa huyo alisema yeye ana tatizo la akili lililomfanya atende kosa hilo ambapo Hakimu Sasy alisema, kwa kawaida kosa la kwanza la shambulio la mwili anapaswa kwenda jela miaka mitano na kosa la pili la kuharibu mali ni jela miaka saba lakini baada ya kuiomba Mahakama impunguzie adhabu aliamriwa kwenda jela miaka 4 na faini laki 7 na fidia laki 5

Hakimu Sasy amesema adhabu hiyo iwe fundisho kwa wengine wenye tabia ya kukwamisha kazi za serikali na hata kuharibu mali ya serikali ambayo inatumia kodi ya wananchi kuwahudumia.

CHANZO - EATV

Read More →