Picha : BENKI YA CRDB YATOA FUTARI KWA WATOTO YATIMA SHINYANGA

Na Kadama Malunde - Malunde 1 blog

Benki ya CRDB Kanda ya Magharibi imetoa Futari kwa watoto wanaolelewa katika kituo cha kulelea watoto yatima ‘Shinyanga Society Orphanage Centre’ kilichopo Bushushu kata ya Lubaga Manispaa ya Shinyanga ikiwa ni sehemu ya kutii maelekezo ya Dini ya Kiislamu yanayoelekeza umuhimu wa kufuturisha watu kwenye Mwezi Mtukufu wa Ramadhan.

Akikabidhi Futari hiyo leo Jumamosi Mei 8,2021 Meneja wa Benki ya CRDB Kanda ya Magharibi , Said Pamui amesema Benki ya CRDB imekuwa na utaratibu wa kufuturisha na kutoa futari kila mara kwenye Mwezi Mtukufu wa Ramadhan.

“Tumekuja katika kituo hiki ili kutoa futari na daku ikiwa ni sehemu ya kutekeleza maelekezo ya Dini ya Kiislamu yanayotuelezea umuhimu wa kufuturisha watu kwenye Mwezi Mtukufu wa Ramadhan hususani kwa watu wasio na uwezo wa kupata Futari”,amesema Pamui.

“Huu ni utaratibu ambao Benki ya CRDB imekuwa ikiufanya mara kwa mara lakini kwa heshima ya watoto wa vituo vya kulelea watoto yatima, Benki ya CRDB imeona ni vyema Futari hiyo tuipeleke moja kwa moja kwenye vituo licha ya wananchi wengine wakiwemo Wateja wa Benki ya CRDB na wasio wateja, Waislamu na ambao siyo Waislamu wanafuturishwa kwenye maeneo mbalimbali kwa lengo la kuleta mshikamano nchini, upendo,amani na furaha kwa jamii”,ameeleza Pamui.

Kwa upande wake, Mkurugenzi na Mwanzilishi wa Kituo cha kulelea watoto yatima Mjini Shinyanga ‘Shinyanga Society Orphanage Centre’, Bi. Ayam Ally Said ameishukuru Benki ya CRDB kwa kuendelea kuwasaidia watoto katika kituo hicho akibainisha kuwa watu wengine wanapaswa kuiga benki hiyo.

“Tunawashukuru na kuwapongeza Benki ya CRDB kwani mara kwa mara wamekuwa wakitusaidia hivyo ushirikiano huu unatupa nguvu. Hatujawahi kuwaandikia barua ya kuwaomba waje lakini wamekuwa wakifika hapa, walituletea Mashuka, chakula na leo wameleta Futari kwa ajili ya watoto hawa”,amesema Bi. Ayam.

Mbali na kuishukuru serikali kwa ushirikiano inaowapatia, Bi. Ayam pia ametumia fursa hiyo kuiomba Benki ya CRDB na wadau wengine kusaidia ujenzi wa walau darasa moja kwa ajili ya shule ya Chekechea/Nursury ambayo itatumiwa na watoto yatima waliopo kituoni hapo na wale walio nje ya kituo ili kuendelea kuwasaidia zaidi watoto yatima.

Meneja wa Benki ya CRDB Kanda ya Magharibi , Said Pamui akizungumza leo Jumamosi Mei 8,2021 wakati wa hafla fupi ya kukabidhi Futari kwa watoto wanaolelewa katika kituo cha kulelea watoto yatima ‘Shinyanga Society Orphanage Centre’ kilichopo Bushushu kata ya Lubaga Manispaa ya Shinyanga ikiwa ni sehemu ya kutii maelekezo ya Dini ya Kiislamu yanayoelekeza umuhimu wa kufuturisha watu kwenye Mwezi Mtukufu wa Ramadhan. Katikati ni  Mkurugenzi na Mwanzilishi wa Kituo cha kulelea watoto yatima Mjini Shinyanga ‘Shinyanga Society Orphanage Centre’, Bi. Ayam Ally Said akifuatiwa na Meneja wa Benki ya CRDB Tawi la Shinyanga, Luther Mneney (kulia). Picha na Kadama Malunde - Malunde 1 blog

Meneja wa Benki ya CRDB Kanda ya Magharibi , Said Pamui akizungumza leo Jumamosi Mei 8,2021 wakati wa hafla fupi ya kukabidhi Futari kwa watoto wanaolelewa katika kituo cha kulelea watoto yatima ‘Shinyanga Society Orphanage Centre’ kilichopo Bushushu kata ya Lubaga Manispaa ya Shinyanga.

Mkurugenzi na Mwanzilishi wa Kituo cha kulelea watoto yatima Mjini Shinyanga ‘Shinyanga Society Orphanage Centre’, Bi. Ayam Ally Said akizungumza wakati Benki ya CRDB ikitoa Futari kwa ajili ya watoto wanaolelewa katika Kituo hicho. Kushoto ni Meneja wa Benki ya CRDB Kanda ya Magharibi, Said Pamui. Wa kwanza kulia ni Meneja Biashara Benki ya CRDB Tawi la Shinyanga, Mwanahamisi Iddi akifuatiwa na Menej wa Benki ya CRDB Tawi la Shinyanga, Luther Mneney

Mkurugenzi na Mwanzilishi wa Kituo cha kulelea watoto yatima Mjini Shinyanga ‘Shinyanga Society Orphanage Centre’, Bi. Ayam Ally Said akiishukuru Benki ya CRDB kwa kuendelea kusaidia watoto wanaolelewa katika kituo hicho.

Meneja Biashara Benki ya CRDB Tawi la Shinyanga, Mwanahamisi Iddi akizungumza wakati wa hafla fupi ya kukabidhi Futari kwa watoto wanaolelewa katika kituo cha kulelea watoto yatima ‘Shinyanga Society Orphanage Centre’ kilichopo Bushushu kata ya Lubaga Manispaa ya Shinyanga.

Meneja Biashara Benki ya CRDB Tawi la Shinyanga, Mwanahamisi Iddi akizungumza wakati wa hafla fupi ya kukabidhi Futari kwa watoto wanaolelewa katika kituo cha kulelea watoto yatima ‘Shinyanga Society Orphanage Centre’ kilichopo Bushushu kata ya Lubaga Manispaa ya Shinyanga.

 Bidhaa zilizotolewa na Benki ya CRDB kwa ajili ya Futari kwa watoto wanaolelewa katika kituo cha kulelea watoto yatima ‘Shinyanga Society Orphanage Centre’ kilichopo Bushushu kata ya Lubaga Manispaa ya Shinyanga.

 Bidhaa zilizotolewa na Benki ya CRDB kwa ajili ya Futari kwa watoto wanaolelewa katika kituo cha kulelea watoto yatima ‘Shinyanga Society Orphanage Centre’ kilichopo Bushushu kata ya Lubaga Manispaa ya Shinyanga.

 Meneja wa Benki ya CRDB Kanda ya Magharibi , Said Pamui (katikati) akijiandaa kukabidhi Futari kwa watoto wanaolelewa katika kituo cha kulelea watoto yatima ‘Shinyanga Society Orphanage Centre’ kilichopo Bushushu kata ya Lubaga Manispaa ya Shinyanga.

Meneja wa Benki ya CRDB Kanda ya Magharibi , Said Pamui akikabidhi Tende kwa watoto wanaolelewa katika kituo cha kulelea watoto yatima ‘Shinyanga Society Orphanage Centre’ kilichopo Bushushu kata ya Lubaga Manispaa ya Shinyanga.

Meneja wa Benki ya CRDB Kanda ya Magharibi , Said Pamui (wa tatu kulia) akikabidhi Futari kwa ajili watoto wanaolelewa katika kituo cha kulelea watoto yatima ‘Shinyanga Society Orphanage Centre’ kilichopo Bushushu kata ya Lubaga Manispaa ya Shinyanga.

Zoezi la kukabidhi Futari kwa watoto wanaolelewa katika kituo cha kulelea watoto yatima ‘Shinyanga Society Orphanage Centre’ kilichopo Bushushu kata ya Lubaga Manispaa ya Shinyanga likiendelea.

Meneja wa Benki ya CRDB Tawi la Shinyanga Luther Mneney (kulia) akikabidhi bidhaa kwa ajili kuandalia futari kwa watoto wanaolelewa katika kituo cha kulelea watoto yatima ‘Shinyanga Society Orphanage Centre’ kilichopo Bushushu kata ya Lubaga Manispaa ya Shinyanga.

Zoezi la kukabidhi Futari kwa watoto wanaolelewa katika kituo cha kulelea watoto yatima ‘Shinyanga Society Orphanage Centre’ kilichopo Bushushu kata ya Lubaga Manispaa ya Shinyanga likiendelea.

Zoezi la kukabidhi Futari kwa watoto wanaolelewa katika kituo cha kulelea watoto yatima ‘Shinyanga Society Orphanage Centre’ kilichopo Bushushu kata ya Lubaga Manispaa ya Shinyanga likiendelea.

Sehemu ya Watoto wanaolelewa katika kituo cha kulelea watoto yatima ‘Shinyanga Society Orphanage Centre’ kilichopo Bushushu kata ya Lubaga Manispaa ya Shinyanga wakiomba Dua baada ya kupokea Futari kutoka Benki ya CRDB.

Sehemu ya Watoto wanaolelewa katika kituo cha kulelea watoto yatima ‘Shinyanga Society Orphanage Centre’ kilichopo Bushushu kata ya Lubaga Manispaa ya Shinyanga wakiomba Dua baada ya kupokea Futari kutoka Benki ya CRDB.

Picha na Kadama Malunde - Malunde

Read More →

Waziri Bashungwa asitisha Utekelezaji wa Kanuni ya Uhakiki wa kazi za Muziki

 Na Anitha Jonas - COSOTA,Dar es Salaam
Waziri wa Habari, Utamaduni, Sanaa na Michezo Mhe.Innocent Bashungwa awatoa hofu Wasanii kuhusu suala la ugawaji wa Mirabaha kwa kuelezea kuwa Serikali imeandaa mifumo ya kidijitali ambayo itarahisisha ukusanyaji wa mirabaha hiyo na kuongeza gawio.
 
Mhe. Bashungwa ameyasema hayo leo Mei 08, 2021 katika kikao chake na  Viongozi wa Vyama na Mashirikisho ya Muziki na Filamu nchini kilicholenga kuzungumzia Kanuni ya 26 ya BASATA inayohusu uhakiki wa kazi za Muziki na Filamu  kabla ya kuingia sokoni au kusambazwa.
 
"COSOTA imekuwa na changamoto ya ukusanyaji wa mirabaha kutokana na uhaba wa watumishi hivyo kwa kupitia mfumo mpya wa kidijitali utakao anzishwa hivi karibuni utarahisisha ukusanyaji wa mirabaha hiyo, Serikali inataka kutoa gawio la pesa nyingi kwa wasanii na siyo fedha kidogo hivyo tunawaomba mvumilie kidogo kuanzia mwaka mpya wa fedha mambo yatakuwa mazuri,"Mhe.Bashungwa.
 
Akiendelea kuzungumza katika kikao hicho Waziri huyo alitoa maelezo mahususi kwa Baraza la Sanaa Tanzania (BASATA) akiwataka kusitisha utekelezaji wa Kanuni ya 26 inayotaka kazi zote za Muziki kukaguliwa nao kabla ya kusambazwa.
 
Aidha, Mhe.Bashungwa alisisitiza kuwa maelekezo hayo ya kusikitishwa kwa matumizi ya Kanuni hiyo ni kwa upande wa Muziki pekee ila kwa upande wa Filamu itaendelea kutumika kama kawaida.
 
Pamoja na hayo Mhe.Bashungwa aliendelea kutoa maelekezo ya haraka kwa BASATA kwa kuwataka kuanzisha mchakato wa kurekebisha Kanuni hiyo kwa kuwashirikisha wadau  hao wa vyama na mashirikisho ili kuweza kupata Kanuni mpya isiyodumaza tasnia ya Muziki lakini izingatie maadili ya taifa.
 
Halikadhalika Waziri huyo ameelekeza BASATA kwa kushirikiana na wadau kuandaa mwongozo utakao kuwa kukitoa dira njema ya uendeshaji na ukuzaji wa tasnia ya Muziki.
   
Naye mmoja wa wasanii hao Soggy Doggy alimshukuru Mheshimiwa Waziri kwa maamuzi  aliyoyafanya na kumpongeza na kuahidi kuendelea kushirikiana na wasanii wa Muziki katika  kukuza na kuiendeleza tasnia ya Muziki nchini.
*****MWISHO*****

Read More →

MECHI YA SIMBA NA YANGA KUPIGWA LEO SAA MOJA USIKU

Shirikisho la Mpira wa Miguu Tanzania (TFF) limesema mechi ya Ligi Kuu ya Vodacom (VPL) kati ya Simba SC na Yanga SC iliyokuwa ianze saa 11 jioni sasa itaanza saa 1 usiku.

TFF imesema imepokea maelekezo ya mabadiliko ya muda wa kuanza mchezo kutoka Wizara ya Habari, Utamaduni, Sanaa na Michezo.

Tayari timu husika zimeshapewa taarifa ya mabadiliko hayo kupitia Bodi ya Ligi Kuu Tanzania.

Read More →

PASTA ANASWA 'LIVE KITANDANI' AKIPAKUA ASALI YA MKE WA MTU

Wakazi wa kijiji cha Mufutu huko Lugari, kaunti ya Kakamega nchini Kenya wameshuhudia kisanga baada kumfumania Mchungaji wa Kanisa la African Divine aliyejulikana kwa jina moja la Samwel akiwa uchi wa mnyama katika chumba cha kulala akipakua asali ya mke wa kwanza wa Charles Mulongo.

Inaelezwa kuwa Mulongo alikuwa amemtembelea mkewe wa tatu ambapo alitarajia kulala usiku huo Alhamisi, Mei 7,2021 alipopokea habari kwamba wanawe walikuwa wamempata mtu wasiyemjua katika chumba chake cha kulala. 

"Nilikuwa katika nyumba yangu nyingine wakati nilipigiwa simu na mmoja wa majirani akinijulisha kuwa kuna mtu ameshikwa akiwa na mke wangu. Mwanamke hapaswi kukudharau kwa kiwango ambacho analeta wanaume chumbani kwako. Siwezi kuvumilia suala kama hilo," alisema.

Baada ya kutanabahi kwamba tabia zake zilikuwa zimefichuka, Mchungaji/Pasta alianza kukabiliana na kifungua mimba wa kiume wa Mulongo.

 "Nilipofungua mlango, nilimkuta akiwa uchi kitandani. Alijaribu kupigana nami lakini nilifanikiwa kumshika. Aligundua kuwa arobaini zake zilikuwa zimefika, akaruka kutoka chumbani na kutoweka gizani," mmoja wa wana wa Mulongo alisimulia.

 Wakazi hao sasa wanapanga kufanya tambiko ili kusafisha nyumba ya Mulongo kulingana na mila ya Kabras kufuatia tukio hilo.

Karibu wiki mbili zilizopita, Askofu mstaafu wa Kanisa la Kianglikana Uganda, Stanley Ntagali, aliomba msamaha hadharani kwa kushiriki mapenzi na mke wa mtu. Mchungaji huo alikiri kufanya mapenzi na Judith mbele ya maaskofu wa Kianglikana na makuhani waliokusanyika katika Kanisa Kuu la Namirembe kusherehekea miaka 60 tangu kanisa hilo lianze kujitawala mnamo Jumanne, Aprili 27.

"Ndugu zangu maaskofu, washirika wetu wote, ndugu na dada, kanisa lote la Uganda na washirika wetu wote ulimwenguni kote na familia ya Mch Christopher mkewe Judith, familia hizo mbili naomba mnisamehe. Na ninataka kubaki karibu na Yesu, "Ntagali aliomba.

Soma zaidi <<Hapa>>

CHANZO - TUKO NEWS

Read More →

Waziri Mulamula Akutana Na Mabalozi Wanne, Kupokea Nakala Ya Hati Ya Utambulisho

Na Mwandishi wetu, Dar es Salaam
Waziri wa Mambo ya Nje na Ushirikiano wa Afrika Mashariki, Balozi Liberata Mulamula (Mb) amekutana na kuzungumza na mabalozi wanne wanaowakilisha nchi zao hapa nchini na kupokea nakala ya hati ya utambulisho ya balozi mteule wa Msumbiji hapa nchini.

Mabalozi waliokutana na Waziri katika Ofisi Ndogo za Wizara Jijini Dar es Salaam ni Balozi wa Rwanda, Mhe. Meja Jenerali Charles Karamba, Balozi wa Indonesia Mhe. Ratlan Pardede, Balozi wa Sweden Mhe. Anders Sjöberg na Balozi wa Norway Mhe. Elisabeth Jacobsen.

Pamoja na mambo mengine, Mhe. Waziri Mulamula na mabalozi hao wamejadili juu ya kuimarisha na kuongeza ushirikiano baina ya mataifa wanayoyawakilisha hapa nchini na Tanzania.    

 “Leo nimekutana na mabalozi kadhaa wanaowakilisha nchi zao hapa nchini, akiwemo Balozi wa Rwanda, Sweden, Norway na pia nimepokea nakala ya hati ya utambulisho ya balozi mteule wa Msumbiji na kuwahakikishia ushirikiano wetu kama wizara, kama nchi katika kuboresha na kukuza mahusiano yetu,” amesema Balozi Mulamula

Nae Balozi wa Rwanda hapa nchini, Mhe. Meja Jenerali Charles Karamba amesema kuwa ushirikiano baina ya Tanzania na Rwanda ni mzuri hivyo wataendelea kuudumisha uhusiano huo kwa maslahi ya pande zote mbili.

“Nchi zetu mbili zimekuwa zikishirikiana vizuri hivyo tumekubaliana kuendelea kudumisha ushirikiano huu kwani Watanzania na Wanyarwanda ndugu na marafiki,” amesema Balozi Karamba

Kwa upande wake Balozi wa Indonesia hapa nchini Mhe. Ratlan Pardede amesema Indonesia na Tanzania zitaendelea kushirikiana katika mambo mbalimbali ikiwemo uchumi, utalii na kijamii na kuhakikisha kuwa ushirikiano huo unazidi kuimarika.

“Tumejaribu kuwahamasisha wawekezaji kutoka Indonesia kuja kuwekeza hapa Tanzania na hadi sasa kampuni kumi (10) zimewekeza katika sekta za biashara na uwekezaji, madini, uvuvi, ujenzi na viwanda,” amesema Balozi Pardede     

Nae Balozi wa Sweden Mhe. Anders Sjöberg amesema kuwa Sweden itaendelea kuimarisha mahusiano na ushirikiano katika sekta za biashara na uwekezaji, utunzaji wa mazingira na masuala ya kijamii kama vile usawa wa kijinsia, uhuru wa vyombo vya habari pamoja na haki za binadamu.

“Tumejadiliana kuhusu kuimarisha mahusiano, biashara na uwekezaji, utunzaji wa mazingira pamoja na masuala ya kijamii kama vile usawa wa kijinsia, uhuru wa vyombo vya habari na haki za binadamu,” amesema Balozi Sjöberg.

Kwa upande wake Balozi wa Norway hapa nchini, Mhe. Elisabeth Jacobsen amesema Norway na Tanzania zimekuwa na uhusiano mzuri ambapo kwa sasa Norway inaangalia fursa za uwekezaji na biashara hapa nchini ili kuimarisha mahusiano na kukuza uchumi.

“Norway itaendela kutumia fursa za uwekezaji na biashara zilizopo Tanzania ili kuimarisha mahusiano yetu na kukuza uchumi wa pande zote mbili,” amesema Balozi Jacobsen

Katika tukio jingine, Waziri wa Mambo ya Nje na Ushirikiano wa Afrika Mashariki Mhe. Balozi Liberata Mulamula (Mb) amepokea nakala ya hati ya utambulisho kutoka kwa Balozi Mteule wa Msumbiji hapa nchini Mhe. Ricardo Ambrosio Sampaio Mtumbuida.

Read More →

ATCL Yazindua Safari za China

 

Kampuni ya Ndege ya Tanzania (ATCL) leo alfajiri Mei 8, 2021 imezindua rasmi safari za ndege kutoka Dar es Salaam kwenda Guangzhou nchini China.

Uzinduzi huo uliofanyika kwenye Jengo Namba 3 la abiria (terminal 3) katika Uwanja wa Kimataifa wa Julius Nyerere umeongozwa na Mhandisi. Dkt. Leonard Chamuriho, Waziri wa Ujenzi na Uchukuzi na Mkurugenzi Mkuu wa ATCL, Mhandisi. Ladislaus Matindi.

Kwa mujibu wa ATCL, safari kati ya Dar es Salaam na Guangzhou itatumia saa 11 na zitakuwa safari pekee za moja za moja kwa moja kati ya maeneo hayo mawili.

Tangu mwaka 2015 serikali imewekeza nguvu katika kufufua kampuni hiyo ambapo jitihada hizo ni pamoja na kununua ndege, kukarabati na kujenga viwanja vya ndege na kuongeza rada za kuongozea ndege ili kuziwezesha ndege za shirika hilo kufika maeneo mbalimbali ndani na nje ya nchi.

Read More →

Infinix Yanyakua Tuzo Ya Nidhamu Duniani 2021.

- Kampuni ya simu Infinix yenye Makao Makuu Hong Kong imeibuka kidedea baada ya toleo mama la kampuni hiyo-Infinix ZERO kujinyakulia tuzo ya nidhamu kwenye kitengo cha bidhaa bora ya mawasiliano yenye muonekano wakuvutia zilizotolewa na IF DESIGN kwa mwaka huu wa 2021. https://ifworlddesignguide.com/entry/307548-infinix-zero-8
 
Infinix ZERO 8 ilishinda baraza la washiriki 98 linaloundwa na wataalamu wakujitegemea kutoka ulimwenguni kote, design ya Infinix ZERO 8 iliyotawaliwa na mzunguko wa kioo na chuma, sifa nyengine zilizoifanya Infinix ZERO 8 kuibuka kinara ni display ya nch 6.85 FHD+ camera yenye uwezo wa kunasa matukio kila pembe. Ushindani ulikuwa ni mkubwa takribani nchi 52 ziliweka muhuri wa kukubalia Infinix ZERO 8 ndio simu bora kwenye kipengele cha nidhamu ya mawasiliano baada ya kuyapiga chini makampuni mengine ya simu. http://www.infinixmobility.com/ 

IF DESIGN huandaliwa kila mwaka na shirika la ubunifu ulimwenguni Hannover-based If international Forum Design GmbH. Tuzo za IF DESIGN ni tuzo zenye kujumuisha bidhaa zote zenye muonekana wa kuvutia, kipekee na imara. IF DESIGN imekuwa ikitoa tuzo hizi kwa kupambanisha bidhaa kwenye taaluma zifuatazo nidhamu, ufungashaji (packaging), ubunifu wa huduma, usanifu na usanifu wa mambo ya ndani pamoja na dhamana ya utaalamu.

Na msemo wake wa THE FUTURE IS NOW, Infinix inakusudia kuwapa nguvu vijana wa leo kujitokeza katika um ana kuonyesha ulimwengu wanachokiamini na kukisimamia.

Bidhaa za Infinix zinapatikana zaidi ya nchi 40 ulimwenguni, zikijumuisha Afrika, Amerika kusini, Mashariki ya kati na Kusini mwa Asia. Infinix kwa mwaka wa 2018-2020 imekuwa kwa kasi ya 160% kiasi cha kushangaza na huku kila leo ikija na mikakati mbalimbali kufikia watu wengi zaidi kupitia matangazo ya mitandaoni na uzalishaji wa simu zenye teknolojia ya hali ya juu.

Read More →

VIONGOZI WA USHIRIKA IRINGA WAHIMIZWA KUSIMAMIA STAKABADHI YA GHALANI

 

Katibu Tawala Msaidizi Uchumi Bw. Ellias Luvanda (kulia) akikabidhi tuzo ya kutambua utendaji mzuri katika uagizaji wa Mbolea kwa pamoja iliyotolewa na Mamlaka ya Mbolea TFRA , akimkabidhi Mwenyekiti wa Chama Kikuu cha Ushirika Iringa (IFCU) Bw. Victor Mwipopo (kushoto) wakati wa Mkutano Mkuu wa 20 wa Chama hicho mkoani Iringa

Mrajis wa Vyama vya Ushirika Dkt. Benson Ndiege akieleza jambo wakati wa Mkutano Mkuu wa 20 wa Chama hicho mkoani Iringa

Wajumbe wa Mkutano Mkuu wa 20 wa Chama Kikuu cha Ushirika IFCU Wakifuatilia taarifa wakati mkutano huo ukiendelea

Viongozi wa Vyama vya Ushirika wamepewa wito kusimamia matumizi ya Mfumo wa Stakabadhi Ghalani ili kuhakikisha wakulima wanapata masoko ya mazao yao na bei zenye tija kwa kuweka vipaumbele vya mipango ya ujenzi wa maghala kuanzia ngazi ya vijiji.

Wito huo umetolewa na Katibu Tawala wa Mkoa wa Iringa kupitia hotuba iliyosomwa kwa niaba yake na Katibu tawala Msaidizi Uchumi Elias Luvanda wakati akifungua Mkutano Mkuu wa 20 wa mwaka wa wanachama wa Chama Kikuu cha Ushirika Mkoa wa Iringa IFCU (1993) Ltd, uliofanyika Ijumaa Mei 07, 2021 Mkoani Iringa.

Katibu Tawala Msaidizi Luvanda amesema Serikali inahamasisha na kuendeleza wakulima kwa kuhakikisha Mfumo wa Stakabadhi ya Ghalani unaimarika. 

Hivyo, amewataka Viongozi katika mkutano huo kuweka mipango yenye malengo ya kuongeza maghala ya kuhifadhi mazao ya wakulima ili kukabiliana na changamoto ya uchache wa maghala na kuzingatia matumizi bora ya maghala.

Aidha, amewataka viongozi wa Ushirika kuwa wasimamizi wazuri wa rasilimali za Vyama vya Ushirika, kuwajibika kwa wanachama wao kwa kufuata misingi na taratibu za Ushirika zitakazosaidia kuondokana na matumizi mabaya ya mali iza vyama pamoja na ubadhilifu.

Mrajis wa Vyama vya Ushirika Dkt. Benson Ndiege akiongea kwa niaba ya wanaushirika amesema Vyama vya Ushirika vitaendelea kutoa ushirikiano na kuvitaka Vyama vya Ushirika kuanzia ngazi ya Vyama vya msingi kutimiza wajibu wao Kiushirika kama vile kuandaa makisio, kufanya mikutano mikuu ya mwaka pamoja na kuhakikisha wanachama wanalipa hisa za chama. Hivyo, kuwezesha Chama kikuu kufanya kazi vizuri na hatimaye mfumo wote wa Ushirika kutimiza wajibu wake.

“Wanachama wa Ushirika ndio wamiliki wa Vyama vya Ushirika hivyo viongozi wa Ushirika mnawajibika kwa wanachama wenu kuhakikisha mnatoa taarifa za utendaji, taarifa za fedha na maendeleo ya Vyama kupitia mikutano pamoja na matakwa mengine ya Sheria ya Vyama vya Ushirka Na.6 ya mwaka 2013,” alisema Mrajis

Aidha amewataka wajumbe wa Mkutano kusoma taarifa zinazotolewa na kuhoji pale inapobidi kuhusu masuala ya uendeshaji wa Chama chao kwani Mkutano Mkuu ndio ngazi ya juu ya maamuzi ya Chama

Hakikisheni mnafuatilia taarifa zitakazoendelea katika Mkutano huu pale mnapoona hamridhiki mna haki ya kuhoji, kupata majibu pamoja na kupitisha makisio na baada ya hapo Mrajis Msaidizi wa Mkoa na Maafisa Ushirika wanaidhinisha kwa mujibu wa Sheria.

Mrajis amewataka Viongozi wa Vyama vya Ushirika kuwa wabunifu kwa kubuni miradi mbalimbali yenye tija na maendeleo kwa Vyama vyao. Akiongeza kuwa ni muhimu Wanachama wa Ushirika waweze kupata thamani ya kujivunia vyama vyao kupitia huduma za Vyama zitakazowatofautisha wanachama na wasio wanachama wa Ushirika.

“Tuhakikishe kuwa ndani ya Vyama vya Ushirika wakulima wanapata huduma bora kama vile upatikanaji wa pembejeo kwa bei nafuu na kwa wakati, elimu ya ushirika, bima ya afya, masoko na bei nzuri za mazao,” alisisitiza Mrajis

Mrajis ameeleza kuwa dhana ya Ushirika ndio njia ya kuinua Uchumi wa watu wengi kwa pamoja hivyo ni muhimu kuzingatia utendaji wenye kuzingatia maadili na taratibu za Ushirika ili kulinda uendelevu wa Vyama na kujenga uchumi imara wa wananchi wanyonge.

Dkt. Ndiege amevitaka Vyama vyote vya Ushirika ambavyo vimepata hati chafu kwa mujibu wa Shirika la Ukaguzi wa Vyama vya Ushirika (COASCO) kufanya jitihada mahususi za kuondokana na dosari zilizosababisha hati hizo chafu. Alibainisha baadhi ya sababu za hati hizo ni kukosa elimu ya uandishi wa vitabu, utunzaji mbovu wa kumbukumbu na mengine.

Read More →

HAYA HAPA MAGAZETI YA LEO JUMAMOSI MEI 8,2021

 

Read More →

RAIS SAMIA ATAJA SABABU ZA KUKUTANA NA WAZEE WA DAR

 

Rais wa Jamhuri ya Muungano wa Tanzania Mhe. Samia Suluhu Hassan amesema lengo la kukutana na wazee wa Dar es salaam kuwa ni pamoja na kwamba Dar es salaam ni mkoa uliokusanya watu wengi wa Tanzania hivyo akikutana na waliopo Dar es salaama wanawakilisha waliopo katika mikoa mingine.

Sababu ya pili ni kwamba umekuwa  ni  utamaduni kuwa tangu tupate uhuru,viongozi wa nchi wamekuwa wakiongea na wazee wakiwa  na jambo lakini tatu amekuwa mlezi wa Mkoa wa Dar es salaam kupitia CCM.

"Mimi nimekuja hapa sina jambo bali nimekuja niwasikilize, mnielekeze nikayafanyie kazi",amesema Rais Samia.

Rais Samia leo Ijumaa Mei 7,2021 amekutana na kuzungumza na wazee wa Dar es salaam

Read More →

WAFANYAKAZI WA HOSPITALI WAKAMATWA KWA WIZI WA NETI ZA MBU HOSPITALI

Maafisa wa polisi katika kaunti ya Kisumu nchini Kenya wamewakamata wafanyakazi watatu wa hospitali kwa kuhusika na wizi wa neti za mbu 17,050. 

Theresa Anyango Otieno, kaimu afisa katika hospitali eneo la Rabuor; Cynthia Akinyi, kaimu afisa anayeshughulikia usambazaji wa neti katika eneo la Nyang’ande; na David Ouma, afisa anayesimamia hospitali ya Nyang'ande wote walikamatwa Ijumaa, Mei 7,2021. 

Kulingana na kamanda wa polisi wa kaunti ya Kisumu, Samuel Anampiu, watatu hao walihusishwa na kutoweka kwa mabunda 181 yaliyokuwa katika hospitali ya Nyang'ande na mabunda mengine 160 kutoka hospitali ya Rabuor, kila bunda likiwa na neti 50. 

"Tumewakamata wafanyakazi watatu wa hospitali ambao tunaamini walihusika na wizi wa neti tangu walipoanza kusimamia usambazaji, " Anampiu alisema.

 Kamanda wa polisi aliongeza kuwa bado wanawatafuta washukiwa wengine wawili, ambao ni Dickson Malit, aliyekuwa akihudumu katika hospitali ya kaunti ndogo ya Rabuor na vile vila Samuel Omino. 

Kukamatwa kwao kulijiri kufuatia malalamiko kutoka kwa wenyeji ambao walikuwa wamejitokeza kwa ajili ya kupokea neti za bure lakini wakarudishwa nyumbani baada ya kuarifiwa kuwa zimeisha. 

Kwa kawaida neti husambazwa na serikali bila malipo kwa familia ambazo zinaishi katika maeneo ambayo huvamiwa na mbu.

Chanzo - Tuko News

Read More →

Live: Mkutano Wa Rais Mhe.samia Suluhu Akiongea Na Wazee Jijini Dar Es Salaam

 Live: Mkutano Wa Rais Mhe.samia Suluhu Akiongea Na Wazee Jijini Dar Es Salaam

Read More →

MLINZI MBARONI KWA KUMUUA MKEWE BAADA YA KUMBAINI AKITUMIA ARV KWA KUJIFICHA

Kamanda wa Polisi Mkoa wa Shinyanga ACP Debora Magiligimba

Na Kadama Malunde - Malunde 1 blog

Jeshi la Polisi mkoa wa Shinyanga linamshikilia Peter Elias (29) mlinzi na mkazi wa Ndembezi Mjini Shinyanga kwa kosa la kumuua mke wake Pili Luhende akimtuhumu kutumia Dawa za Kufubaza Makali ya Virusi vya Ukimwi ‘ARV’ kwa kificho.

Kwa mujibu wa taarifa kwa vyombo vya habari iliyotolewa leo Ijumaa Mei 7,2021 na Kamanda wa Polisi Mkoa wa Shinyanga ACP Debora Magiligimba tukio hilo limetokea Mei 3,2021 majira ya saa nne na nusu usiku katika mtaa wa Dome, Kata ya Ndembezi, Manispaa ya Shinyanga.

“Jeshi la polisi mkoa wa Shinyanga tulipokea taarifa kuwa Pili Luhende, aliuawa na Peter Elias (29), mlinzi na mkazi wa Ndembezi ambaye ni mume wake baada ya kumpiga. Baada ya taarifa hiyo mtuhumiwa alikamatwa na kuhojiwa ambapo tarehe 06/05/2021 alionyesha alipoutelekeza mwili wa marehemu maeneo ya Mwagala darajani”,ameeleza Kamanda Magiligimba.

Pia alibainisha kuwa alimpiga kwa kutumia ngumi na chanzo kikiwa ni mtuhumiwa kumbaini mkewe anatumia dawa za HIV yaani ARV kwa kificho hivyo ikamtia hasira na wamekuwa na ugomvi wa mara kwa mara kuhusiana na hilo”,ameongeza .

Amesema mwili wa marehemu umekutwa ukiwa umeharibika na umekabidhiwa kwa ndugu kwa taratibu za mazishi na kwamba mtuhumiwa atafikishwa mahakamani mara baada ya upelelezi kukamilika.

Kamanda Magiligimba anatoa wito kwa wanandoa/wenzi kuacha kujichukulia sheria mkononi na badala yake wapeleke malalamiko yao kwenye madawati ya jinsia na watoto yaliyopo vituo vya polisi ukatili wa kijinsia polisi pamoja na ustawi wa jamii ili kupata suluhisho la migogoro yao.

Read More →

TUME YA UTUMISHI WA UMMA KUTOA MAFUNZO KWA WATUMISHI WA KADCO

Read More →

PROF.MKENDA : SERIKALI KUWEKA KIPAUMBELE CHA KWANZA KUFANYA UTAFITI WA MBEGU ZAO LA MUHOGO ILI KUONGEZA UZALISHAJI

Waziri wa kilimo Prof.Adolf Nkenda

Na Faustine Gimu Galafoni,Dodoma

Serikali imesema itaweka kipaumbele cha kwanza kufanya utafiti wa mbegu zao la muhogo ili kuongeza uzalishaji kutoka tani 8 hadi tani 50 kwa hekta.

Hayo yamebainishwa Leo Mei 7,2021 jijini Dodoma na Waziri wa kilimo Prof.Adolf Nkenda katika ufunguzi wa mkutano wa wadau wa kilimo Tanzania wenye lengo la kuongeza tija na kutumia fursa za masoko kwa zao hilo.

Prof. Mkenda ameainisha mikakati kabambe katika kuongeza tija zao la muhogo kuwa ni pamoja na uzalishaji kwa wingi na kuongeza bajeti.

Aidha Prof.Mkenda ameagiza kila afisa ugani anakuwa na shamba darasa kuanzia ekari moja na kuendelea .

Katika hatua nyingine Prof. Mkenda amesema maafisa ugani wote watanunuliwa simu za mkononi na kuunganisha na mfumo wa Mobile kilimo hali itakayorahisisha kujua kanzi data wanafanya nini kwa siku.

Pia Waziri huyo wa kilimo amesema serikali itahakikisha inaimarisha masoko ya zao la muhogo huku akitumia fursa hiyo kuipongeza Wilaya ya Kahama kwa kuendelea kufanya vizuri kwa vyama vya ushirika.

Kwa upande wake Mkurugenzi Maendeleo ya mazao kutoka wizara ya kilimo Nyasebwa Chimago amebainisha malengo mengine ya Mkutano huo ni kutambua changamoto za zao la muhogo na kuzindua mikakati wa miaka 10 wa zao hilo kutokana na kutokuwa na uratibu.


Kauli mbiu ya mkutano wa wadau wa zao la muhogo Tanzania ni"Ongeza Tija,Tumia Fursa za Masoko,Muhogo Unalipa".

Read More →

MWALIMU WA KANISA ATUPWA JELA MIAKA 30 KWA KULAWITI MTOTO KANISANI

Mahakama ya Mkoa wa Kinondoni jijini Dar es salaam imemhukumu kifungo cha miaka 30 jela Elisha Mushi (22), mkazi wa Ubungo Kibangu baada ya kuthibitika kumlawiti mtoto wa miaka minne kanisani.

Mushi, ambaye alikuwa akifanya kazi ya kufundisha watoto kanisani anadaiwa kutenda kosa hilo Februari 19, mwaka huu katika Kanisa la Embassy Kingdom.

 Akisoma hukumu hiyo, Hakimu Ester alisema kutokana na ushahidi uliotolewa na mtoto mwenyewe pamoja na vielelezo vilivyowasilishwa, mahakama imejiridhisha pasipo shaka yoyote kuwa mshtakiwa huyo alitenda kosa analotuhumiwa nalo.

Soma zaidi <<HAPA>>

Via Mwananchi

Read More →