DKT NCHIMBI AJA NA MJALI MTOTO WA KIKE KWA MAENDELEO YA TAIFA,RAS DKT LUTAMBI APIGILIA MSUMARI

Mkuu wa Mkoa wa Singida Dkt Rehema Nchimbi  (mwenye nguo za kijani ) akiwapatia wanafunzi  wa Shule ya Sekondari Ikungi boksi la  taulo za kike. Kulia ni Mkuu wa Wilaya ya Ikungi(mwenye suti nyeusi) Edward Mpogolo, kushoto ni Mkurugenzi Mtendaji wa Wilaya ya Ikungi Justice Kijazi

 Wanafunzi wa shule ya Sekondari  ya Ikungi wakiwa kwenye picha ya pamoja na Mkuu wa Mkoa wa Singida Dkt Rehema Nchimbi  mara baada ya kupokea maboksi ya taulo za kike kutoka kwa wadau mbalimbali.

Mkuu wa Mkoa wa Singida  Dkt. Rehema Nchimbi (mwenye skafu) na Katibu Tawala wa Mkoa wa Singida Dkt. Angelina Lutambi wakijadiliana  mara baada ya kutoka kwenye mkutano wa mafanikio  ya miaka 4 ya Rais Magufuli ambapo Waziri wa TAMISEMI Suleimani Jaffo alipongeza jitihada za Mkoa wa Singida kwenye utoaji wa huduma za afya.

Mkurugenzi Mtendaji wa Wilaya ya Ikungi Justice Kijazi (mwenye suti ya Bluu)  akiwa  pamoja na Mganga Mkuu wa Mkoa Singida, Victorina Ludovick (mwenye sketi nyeusi)na Afisa Elimu Taaluma Mkoa wa Singida(mwenye suruali nyeusi), Mwalimu Eva Simon Mosha wakicheza kuhamasisha uchangiaji wa taulo za kike.

Na John Mapepele

Mkuu wa Mkoa wa Singida Dkt Rehema Nchimbi  ametoa onyo kali kwa wawekezaji na wafanyabiasha wa kutengeneza na kuuza taulo za watoto wa kike  kuacha  mara moja tabia ya kutengeneza taulo zisizo  na ubora kwa kuwa Mkoa wake umeanzisha msako wa kiintelijensia na kistratejia wa kuzisaka taulo zisizo na ubora  ambapo  atakayebainika sheria itachukua mkondo wake mara moja.

Dkt Nchimbi ameyasema haya leo wilayani Ikungi wakati wa zoezi maalum la uzinduzi wa uchangishaji wa taulo za mtoto wa kike katika Mkoa wa Singida lililopewa jina la “Mjali mtoto wa kike kwa maendeleo yake na Taifa lake” ambapo ametoa rai kwa wadau wote kushiriki kikamilifu katika kuwabaini na kutoa taarifa za wafanyabiashara watakaojaribu kuuza taulo zisizo na ubora ili kuwalinda watoto wa kike

Alisema kutokana na mageuzi makubwa ya kiuchumi yanayofanywa na Serikali ya Awamu ya Tano chini ya Rais John Pombe Magufuli nchi yetu imekuwa kwenye mashindano ya kiuchumi duniani hivyo mikakati madhubuti ya kudhibiti ubora unahitajika katika kipindi hiki kuliko kipindi kingine chochote.

Dkt Nchimbi alisema vyombo vya dola, viongozi wa dini na wazazi wana mchango mkubwa katika kumlinda mtoto wa kike kwa ustawi wa taifa letu.

“Ndiyo maana tunasema na tunamaanisha kuwa tunataka kujua mipango ya udhibiti wa ubora kwa watengenezaji hawa kwa kuwa majuto ni mjukuu, tusisubiri kufika huko “ alisisitiza Dkt .Nchimbi

Aliongeza kuwa ubora wa taulo za kike ni ubora wa maisha yao hivyo ni muhimu  kuchukua hatua za kuangalia na kudhibiti mnyororo mzima wa uzalishaji na usambazaji wa taulo sizizo kuwa na ubora.

Aidha alitoa wito wa wajasiliamali kuja na andiko zuri la utengenezaji wa taulo bora za kisasa zitakazotengenezwa kwa kutumia malighafi za hapa nchini ambapo alisema mshindi atakayepatikana atamzawadia tuzo  ya shilingi milioni moja.

Aliwataka watoto wa kike kote nchini kujiamini kwa  kuumbwa wanawake na kwamba hedhi ni kitu cha thamani kwa kuwa hedhi ni uhai ambapo alisisitiza  elimu ya jinsia na mtoto wa kike kutambua mabadiliko ya miili yao iendelea kutolewa ili kuwajenga watoto wa kike kujua thamani ambayo mungu amewajalia kwa kuwaumba wakamilifu.

Aliwataka wadau wote kuendelea kuchangia kwa kutambua thamani ya mtoto wa kike ambapo katika  uzinduzi wa huu lengo lilikuwa ni kuchangia paketi 8000 za taulo za kike lakini zilipatikana jumla ya paketi 9089 kulingana na fedha zilizotolewa.

Lengo la jumla kwa mwaka 2020 katika Wilaya ya Ikungi ni kuchangia taulo 192,000 kwa watoto wote wa kike kwenye shule 36 za Sekondari,  na shule  131 za Msingi  zenye jumla ya  watoto wa kike 16,000

Naye KatibuTawala Mkoa wa Singida Dkt Angelina  Lutambi amesema Serikali imeendelea kutoa kipaumbele katika huduma za afya zenye ubora na zinazowafikia wananchi wote ili kuboresha afya zao.

Dkt. Lutambi amesema Serikali inatambua umuhimu wa afya bora kwa wananchi wake kwani afya bora ni raslimali muhimu kwa maendeleo. Maendeleo ya Taifa letu la Tanzania yataletwa na wananchi wenye afya na wenye uwezo wa kuzalisha mali.

Aliongeza kuwa katika kuhakikisha kuwa wananchi wana afya bora, Serikali imeendelea kushirikiana na wadau mbalimbali kutoa huduma za afya kwa kuzingatia sera na miongozo iliyopo.

“Serikali haitamfumbia macho mdau yoyote wa utoaji wa huduma ya afya ambaye atafanya kazi   kwa mazoea bila kuzingatia  sheria na taratibu za utoaji huduma na kwamba kuanzia sasa Serikali itakaa na kupanga  kwa pamoja ili kuwapatia wananchi huduma  bora wakati wote kwa wananchi wa Mkoa wa Singida na taifa kwa ujumla” amesisitiza Dkt. Lutambi

Aidha, Waziri wa Nchi,Tawala za Mikoa na Serikali za Mitaa(TAMISEMI) Selemani Jafo, amepongeza juhudi zinazofanywa  na Serikali ya Mkoa wa Singida kwenye  utoaji wa huduma za afya  wakati akiwasilisha  mafanikio ya TAMISEMI kwa kipindi cha miaka mine ya Rais Magufuli

Mkurugenzi Mtendaji wa Wilaya ya Ikungi, Justice Kijazi alimshukuru Mkuu wa Mkoa kwa wazo la kutaka Halmashauri zote katika Mkoa wa Singida kutoa elimu ya jinsia mashuleni na kuwachangia wa watoto wa kike taulo hizo kwa kuwa jambo lenye manufaa kwa taifa kwa kuwa ukimuelimisha mtoto  wa kike umeelimisha taifa zima.

Alizitaja baadhi ya changamoto zinazowakabili watoto wa kike kuwa ni pamoja na mimba za utotoni,kubakwa,kuozeshwa katika umri mdogo na kufanyishwa kazi  nyingi nyumbani.

Mratibu wa program hii ya  uchangiaji wa taulo za mtoto wa kike ambaye pia ni Afisa Maendeleo wa jamii wilaya ya Ikungi Haika Massawe alipendekeza wazazi wahusishwe kikamilifu katika  program hii.

Alisema vyombo vya Serikali  kama polisi na mahakama  vitende  haki katika kushughulikia haki za mtoto wa kike aidha  wazazi wa wanafunzi wa kike mashuleni  waelekezwe kutoa fedha  maalum kwa ajili ya kununua taulo za watoto wao.

Read More →

Wanajeshi 10 wa Tanzania wapoteza maisha wakati wakifanya mazoezi

Jeshi la Ulinzi la Tanzania limetangaza kuwa askari 10 wa jeshi hilo wamepoteza maisha wakati wakifanya mazoezi.

Hayo yamethibitishwa na Mkuu wa Majeshi ya Ulinzi ya nchi hiyo (CDF), Jenerali Venance Mabeyo ambapo ameongeza kuwa sampuli za wanajeshi hao waliopoteza maisha katika mazoezi ya kijeshi zimepelekwa kwa Mkemia Mkuu wa Serikali  kwa ajili ya uchunguzi. 

Mabeyo ameyasema hayo jana katika ikulu ya Dar es Salaam baada ya Rais John Pombe Magufuli kuwaapisha viongozi mbalimbali aliowateua hapo Januari 31, 2020. 

Kwa mujibu wa Mabeyo, wanajeshi hao walikuwa kwenye mazoezi ya kawaida ya kutembea. Ameendelea kubainisha kuwa baada ya saa mbili hali zao kuanza kubadilika wakiwa eneo la Msata, walipelekwa hospitali ya Jeshi ya Lugalo.
 

Mkuu wa Majeshi ya Ulinzi ya nchi hiyo (CDF), Jenerali Venance Mabeyo ameendelea kufafanua kuwa baada ya kulazwa hospitalini hapo, baadhi yao walifariki dunia na wengine hali zao ziliimarika na kwamba hadi sasa kuna majeruhi watano. 

Awali akizungumza kwenye hafla hiyo, Rais Magufuli alitoa pole kutokana na vifo vya watu 20 katika kongamano la mhubiri wa Kikristo, Boniface Mwamposa vilivyotokea mjini Moshi, vifo vya watu 21 mkoani Lindi baada ya nyumba zao kusombwa na maji na vifo vya wanajeshi hao 10.

Read More →

Rais Magufuli atuma salamu za rambirambi kifo cha Rais Mstaafu wa Kenya Arap Moi

Rais  Magufuli ametuma salamu za rambirambi kwa niaba ya Watanzania kwa Rais wa Kenya, Uhuru Kenyatta kufuatia kifo cha aliyekuwa Rais wa pili wa nchi hiyo, Daniel Arap Moi (95).

Moi amefariki dunia usiku wa kuamkia leo Jumanne Februari 4, 2020 katika Hospitali ya Nairobi, Kenya alikokuwa anapatiwa matibabu.

Rais Magufuli ametumia akaunti yake ya Twitter kutuma salamu hizo akisema, “kwa niaba ya Serikali na Watanzania nakupa pole Mhe. Rais Uhuru Kenyatta na Wakenya wote kwa kuondokewa na Rais mstaafu Daniel Toroitich arap Moi.”

“Watanzania tutamkumbuka kwa uongozi wake mahiri, jitihada za kuimarisha uhusiano wetu na Kenya na kufufua Jumuiya ya Afrika Mashariki,” ameandika Rais Magufuli

Read More →

Serikali Yazindua Mwongozo Wa Matibabu Ya Saratani Nchini

Na Mwandishi Wetu – Dar Es Salaam

Serikali ya Tanzania imezindua mwongozo wa kitaifa wa tiba ya magonjwa ya saratani utakaoziwezesha hospitali za serikali na binafsi katika kutoa matibabu kwa usawa na kurahisisha mawasiliano kati ya madaktari bingwa na wataalamu wengine.

Kuzinduliwa kwa mwongozo huo kumefuatia baada ya hospitali za kanda kuanza kutoa tiba za saratani, kuongezeka kwa hospitali binafsi na za umma zinazotibu ugonjwa huo kwa sasa nchini, huku kwa kipindi kirefu hospitali nyingi zikitumia miongozo tofauti na ile ya nje ya nchi.

Akizindua mwongozo huo, Waziri wa Afya Ummy Mwalimu amesema huduma za saratani zinasambaa katika hospitali mbalimbali nchini kwa sasa hivyo utoaji wa huduma lazima uangaliwe ili zitoke kwa kiwango kinachopaswa.

Amesema kuwepo kwa miongozo tofauti ilisababisha kutokuwepo kwa usawa katika tiba za wagonjwa lakini pia kulikuwa na changamoto ya mgonjwa kuendelea na tiba sahihi pindi akipewa rufaa kwenda hospitali nyingine.

“Kuwepo kwa mwongozo huu kutawezesha kurahisisha mawasiliano kati ya madaktari bingwa na wataalamu wengine wa matibabu ya saratani kote nchini,

“Kurahisisha uandaaji wa maoteo na ununuzi wa dawa na vitendanishi vinavyotumika katika matibabu ya saratani, mwongozo huu pia umetoa orodha ya dawa na vifaa tiba kwa ajili ya matibabu ya saratani ambayo itatumika kama mwongozo kwa ajili ya manunuzi na matumizi nchini,” amesema Ummy Mwalimu.

Amesema mwongozo huo pia itawezesha wananchi kupata huduma bora na za viwango vya juu katika vituo vyote vya matibabu kwa kuwa tiba zote zitapangwa kwa kufuata mwongozo huo.

Waziri Ummy amesema pia utawezesha kutoa mwongozo kwa mfuko wa taifa wa bima ya afya NHIF kuhusu dawa na vipimo mbalimbali stahiki kwa wagonjwa wa saratani.

“Mfuko wa Taifa NHIF uhakikishe unatumia mwongozo huu katika kuweka vitita vya huduma za saratani hapa nchini kwani katika ile standard treatment guideline kuna baadhi ya dawa za kutibu saratani hazikuorodheshwa, na niwaambie mmeweka masharti magumu sana katika vipimo hivi CT Scan na MRI nani anapima mara kwa mara tuondoe baadhi ya vikwazo na hili NHIF mkalitekeleze,” ameagiza.

Ameagiza mwongozo huo utumike na vituo vyote vinavyotoa tiba za saratani nchini;

“Ninafahamu hospitali zote zilishiriki kuuandaa hivyo sitegemei kusikia kuna hospitali inafanya tiba nje ya mwongozo huu, ninaagiza pia wizara kufanya mapitio ili kuhakikisha dawa zote zinazotibu saratani zinakumuishwa katika mwongozo huu.”

Mkurugenzi Mtendaji wa Taasisi ya Saratani Ocean Road (ORCI) Dk Julius Mwaiselage amesema, “Matumizi ya mwongozo huu yamefanyiwa majaribio kwa kipindi cha miezi sita katika taasisi hii kwa kushirikiana na Chuo Kikuu cha St Francisco.”

Read More →

Serikali Ina Uwezo Wa Kuongeza Uwekezaji Katika Sekta Ya Kilimo Na Ikatoa Mchango Mkubwa Kwenye Pato La Taifa- Waziri wa Kilimo

Na Mathias Canal, Wizara ya Kilimo-Dodoma
Waziri wa Kilimo Mhe Japhet Hasunga (Mb) amesema kuwa njia pekee ya kumkomboa mkulima ni kuondokana na kilimo cha kujikimu badala yake kuwekeza katika kilimo cha kibiashara.

Waziri Hasunga ameyasema hayo Bungeni Jijini Dodoma jana tarehe 3 Februari 2020 wakati akijibu hoja za wabunge mbalimbali walizozitoa wakati wa bunge la kumi na nane.

Katika kuimarisha sekta ya kilimo tayari wizara ya Kilimo imeanza kutoa elimu kupitia wataalamu mbalimbali kuhusu umuhimu na ulazima wa kusimamia tija katika kilimo pamoja na kuongeza uzalishaji wa mazao.

Mhe Hasunga amesema kuwa ili kuwa na mabadiliko makubwa katika sekta ya kilimo tayari serikali imeanza kuchukua hatua za makusudi ambazo ni pamoja na kuongeza uzalishaji wa ndani wa mbegu.

Kwa mujibu wa takwimu alizozitoa Mhe Hasunga amesema kuwa uhitaji wa mbegu nchini ni Tani 187,500 lakini mbegu zilizopatikana katika msimu wa kilimo wa 2019/2020 ni Tani 71,207 ambapo kati ya mbegu hizo Tani 66,033 sawa na asilimia 93% zimezalishwa nchini.

Amesema kuwa mbegu zilizoingizwa kutoka nje ya nchi ni Tani 5,175 sawa na asilimia 7% tu ya mbegu zote zilizopatikana hapa nchini ambapo kiasi hicho kinachoagizwa nje ya nchi ni kiasi kidogo ukilinganisha na kinachozalishwa nchini.

Amesema kuwa matumizi ya mbegu mpya kwa wakulima ni madogo sana ukilinganisha na mahitaji jambo hilo linasababishwa na wakulima kuendelea kutumia mbegu za asili badala ya mbegu mpya na bora. Ambapo amesihi wakulima kuhakikisha kuwa wanaachana na matumizi ya mbegu za asili badala yake kutumia mbegu mpya.

Waziri Hasunga amesema kuwa serikali inayoongozwa na Mhe Rais Dkt John Pombe Magufuli inaendelea na juhudi zake za kuimarisha uzalishaji wa mbegu ili kuhakikisha kuwa Taifa linakuwa na uwezo mkubwa wa kuzalisha mbegu wakati wa kiangazi kwa kuimarisha skimu za umwagiliaji.

Hasunga amezitaja hatua zingine zinazoendelea kuchukuliwa na serikali kuwa ni pamoja na kuimarisha upatikanaji wa mbolea kwa wingi zenye bei nafuu na kwa wakati ambapo hata hivyo mahitaji ya mbolea yameongezeka kwa kiasi kikubwa kwa kuwa wakulima wengi wamejitokeza na kuwekeza katika kilimo.

Amesema kuwa mahitaji ya mbolea nchini ni Tani 586, 000 kwa mwaka lakini upatikanaji mpaka kufikia Februari 3, 2020 ni Tani 454,339 ndizo zilizopatikana ambapo kati ya hizo zipo mbolea za kupandia DAP ambazo ni Tani 71,000 mbolea ya kukuzia UREA Tani 100,021.

Amesema kuwa aina zote za mbolea zinapatikana nchini isipokuwa aina moja ya mbolea ya UREA zilizopungua ambapo tayari Tani 43,000 zipo bandarini na Tani 222,000 zimeagizwa na zinatarajiwa kuwasili hivi karibuni.

Waziri Hasunga aliongeza kuwa lengo la kuagiza mbolea hizo nyingi ni kuhakikisha kuwa kunakuwa na mbolea za kutosha ili ziweze kuuzwa kama nguo zinavyouzwa madukani.

Akihitimisha hoja hizo Waziri Hasunga amesema kuwa sekta ya Kilimo inachangia kwa asilimia 28.7% kwenye Pato la Taifa, inachangia asilimia 65% mpaka asilimia 75% ya ajira mbalimbali ambazo watu wameajiriwa, Inachangia kwa asilimia 66% katika malighafi za viwandani huku ikichangia kwa ailimia 100% katika chakula chote kinachopatikana nchini pamoja na lishe.

Kadhalika amesema sekta ya kilimo inachangia kwa asilimia 30% ya fedha zote za kigeni.

MWISHO

Read More →

Rais mstaafu wa Kenya Daniel arap Moi afariki dunia

Daniel Arap Moi, rais wa pili wa Kenya ameaga dunia leo Jumanne. Kifo chake kimetangazwa na Rais Uhuru Kenyatta, katika tangazo lililorushwa moja kwa moja na televisheni ya taifa.

"Kwa masikitiko makubwa natangaza kifo cha kiongozi mkubwa Afrika, Daniel Toroitich arap Moi, rais wa pili wa Kenya. Raisi mstaafu amefariki katika Hospitali ya Nairobi mapema asubuhi ya leo Februari 4 akiwa na familia yake.  -Amesema

Mzee Moi alizaliwa Septemba 2, 1924 na alitawala Kenya kwa miaka 24 kutoka 1978 mpaka 2002.

Tangazo hilo kutoka Ikulu limesema kuwa mzee Moi, hata baada ya kuondoka madarakani aliendelea kulitumikia taifa la Kenya na Afrika kwa kuwafundisha viongozi wa Kenya na nje ya Kenya, akiendelea kushiriki kwenye maendeleo ya miradi mbalimbali na kazi za misaada akiihubiri amani, upendo na umoja barani Afrika na duniani.

Read More →

Mahakama yafutilia mbali uchaguzi wa rais wa Malawi Uliompa Ushindi Peter Mutharika.

Mahakama ya kikatiba ya Malawi imefuta matokeo ya uchaguzi uliomuweka madarakani, Peter Mutharika.

Imesema uchaguzi huo  uliofanyika Mei 21, 2019 haukuwa huru na haki, hivyo imeamuru  urudiwe ndani ya siku 151, mshindi lazima apate kura zaidi ya nusu ya idadi ya waliopiga kura.

Majaji waliotoa uamuzi huo wakiongozwa na Healey Potani wameeleza kubaini  Tume ya Uchaguzi Malawi (MEC) kupokea ripoti 147 zinazoonyesha kuwa matokeo hayo hayakuwa sahihi kutokana na kasoro mbalimbali, ikiwa ni pamoja na baadhi ya matokeo kubadilishwa.

Mutharika alishinda kwa asilimia 38 ya kura zote akifuatiwa na Lazarus Chakware asilimia 35 na Saulos Chilima aliyewahi kuwa makamu wa rais ambaye alipata asilimia 20.

Read More →

Habari Zilizopo Katika Magazeti ya Leo Jumanne February 4

Read More →

Jeshi La Polisi Nchini Latoa Taarifa Kwa Vyombo Vya Habari.

Jeshi la polisi  limewahakikishia wananchi kuwa hali ya ulinzi na usalama nchini ni shwari kwani uhalifu unaendelea kudhibitiwa.

Msemaji wa Jeshi la Polisi SACP- Davide A. Misime amesema kuwa licha ya hali ya usalama kuwa shwari yapo matukio ambayo yamesababisha vifo kwa watanzania wenzetu vilivyosababishwa na mvua zinazoendelea kunyesha katika mikoa mbalimbali na tukio la waumini waliokuwa kwenye ibada ya maombi kule Mkoani Kilimanjaro kukanyagana na kusababisha vifo vya watu 20 na wengine takribani 16 kuumia sehemu mbalimbali na wanaendelea na matibabu.

“Tukio lilitokea Mkoani Kilimanjaro ni tukio baya kwani watanzania wenzetu walikwenda kwenye ibada lakini hawakutarajia wangepoteza maisha. Makongamano na ibada za maombi zimefanywa mara nyingi kupitia viongozi wa madhehebu mbalimbali na hakuna madhara yaliyotokea”. Amesema SACP- Misime.

Hata hivyo  SACP-Misime amesema kuwa Kutokana na hali hiyo ndiyo maana tukio hilo limechukuliwa hadi sasa kama taarifa ya vifo na siyo mauaji.

“Jeshi la Polisi kama ilivyoelezwa awali lilimkamata Boniface Mwamposa na wenzake walioandaa kongamano hilo la ibada na kuchukua maelezo yao. Pia uchunguzi wa kina unaendelea kufanywa kwa kushirikiana na vyombo vingine vya dola na pale ambapo itabainika kwamba kunakosa la jinai lilitendwa na kupelekea kutokea kwa vifo hivyo na majeruhi hao hatua stahiki zitachukuliwa dhidi ya wote waliohusika kwa mujibu wa sheria”. Amesema SACP-Misime

Read More →

WANAJESHI 10 WA TANZANIA WAFARIKI DUNIA KWENYE MAZOEZI

Mkuu wa Majeshi ya Ulinzi (CDF), Jenerali Venance Mabeyo

Na Peter Elias, Mwananchi 

Mkuu wa Majeshi ya Ulinzi (CDF), Jenerali Venance Mabeyo amesema sampuli za wanajeshi 10 waliokufa katika mazoezi ya kijeshi zimepelekwa kwa Mkemia Mkuu wa Serikali kwa ajili ya uchunguzi.

Mabeyo ameyasema hayo leo Jumatatu Februari 3, 2020 Ikulu jijini Dar es Salaam baada ya Rais John Magufuli kuwaapisha viongozi mbalimbali aliowateua Januari 31, 2020.

Awali akizungumza kwenye hafla hiyo, Rais Magufuli alitoa pole kutokana na vifo vya watu 20 katika kongamano wa Nabii na Mtume, Boniface Mwamposa vilivyotokea mjini Moshi, vifo vya watu 21 mkoani Lindi baada ya nyumba zao kusombwa na maji na vifo vya wanajeshi hao 10.

Mabeyo amesema wanajeshi hao walikuwa kwenye mazoezi ya kawaida ya kutembea.

Amesema baada ya saa mbili, hali zao zilianza kubadilika wakiwa eneo la Msata, walipelekwa hospitali ya Jeshi ya Lugalo.

Amesema baada ya kulazwa hospitalini hapo, baadhi yao walifariki na wengine hali zao ziliimarika. Amesema mpaka sasa kuna majeruhi watano.

"Tunahisi walikula chakula chenye sumu, labda wakati wanatembea walinunua vyakula barabarani vikawadhuru. Mazoezi yalikuwa ya kawaida tu.”

"Tumepeleka sampuli za waliofariki kwa Mkemia Mkuu ili kubaini chanzo hasa cha vifo," amesema Mabeyo akizungumzia vifo hivyo vilivyotokea Januari 30, 2020.

CHANZO-MWANANCHI

Read More →

Job Opportunities at East African Community February 2020

Executive Secretary, Deputy Executive Secretary Jobs Opportunities at East African Community, Deadline 3 March 2020 Employment at EAC More than 400 people are at present working for the various EAC Organs and Institutions in the 6 Partner States. While recruiting, the EAC seeks to secure the highest standards of efficiency, technical competence, professionalism and integrity. With a mission… Read More »

The post Job Opportunities at East African Community February 2020 appeared first on Udahiliportal.com.

Read More →

Advocacy & Marketing Manager Job Opportunity at Marie Stopes Tanzania February 2020

Advocacy & Marketing Manager Job Opportunity at Marie Stopes Tanzania, Deadline 9 February 2020

The post Advocacy & Marketing Manager Job Opportunity at Marie Stopes Tanzania February 2020 appeared first on Udahiliportal.com.

Read More →

Jobs at Sumbawanga Urban Water Supply and Sanitation Authority

Jobs Opportunities at Sumbawanga Urban Water Supply and Sanitation Authority, Deadline 18 February 2020

The post Jobs at Sumbawanga Urban Water Supply and Sanitation Authority appeared first on Udahiliportal.com.

Read More →

Tanzania Forestry Associate at One Acre Fund February 2020

Tanzania Forestry Associate Seeking an exceptional project manager experienced in forestry to spearhead the Tanzania One Acre Fund Agroforestry program ABOUT ONE ACRE FUND Founded in 2006, One Acre Fund supplies smallholder farmers with the agricultural services they need to make their farms vastly more productive. We provide quality farm supplies on credit, delivered within walking distance of… Read More »

The post Tanzania Forestry Associate at One Acre Fund February 2020 appeared first on Udahiliportal.com.

Read More →

COMMERCIAL COMMUNICATION OFFICER – GRADUATE TRAINEE at Total Tanzania

COMMERCIAL COMMUNICATION OFFICER – GRADUATE TRAINEE Communication DAR ES SALAAM-HAILE SELASSIE RD (TZA) tanzania Job Description Assist Prepare and execution of the overall marketing and commercial communication plan. Select, brief, review and submit for approval to the HOD proposals from advertising and media agencies. Make sure all activities required to be done adhere to company norms and standard.… Read More »

The post COMMERCIAL COMMUNICATION OFFICER – GRADUATE TRAINEE at Total Tanzania appeared first on Udahiliportal.com.

Read More →

BRELA YAJIDHATITI UTOAJI WA HUDUMA BORA KWA WADAU WAKE

Afisa Mtendaji Mkuu wa BRELA akiwa katika kikao cha kwanza na wafanyakazi tangu ateuliwe kilichofanyika katika Ukumbi wa Mikutano BRELA Ofisi Kuu, Jijini Dar es Salaam.

**

Wakala ya Usajili wa Biashara na Leseni (BRELA) imeweka mikakati mizuri katika kuhakikisha kwamba wadau wake wanapata huduma yenye ubora.

Hayo yamebainishwa na Afisa Mtendaji Mkuu wa BRELA, Bw. Godfrey Nyaisa katika kikao cha wafanyakazi kilichofanyika katika Ukumbi wa Mikutano BRELA Ofisi Kuu, Jijini Dar es Salaam.

Akizungumza katika kikao hicho Bw. Nyaisa amewataka wafayakazi kufanya kazi kwa bidii na kila mmoja kuwa tayari kusikiliza na kumsaidia mteja punde anapokutana naye.

“BRELA ni Taasisi ya Umma na msingi wake ni kutoa huduma kwa Watanzania wote katika hali ya haki na Usawa bila kujali tofauti za dini, kabila au siasa”, alisema Bw. Nyaisa.

Akizungumzia kuhusu maoni ya wadau kuhusu changamoto ya mfumo, Bw. Nyaisa amebainisha kwamba tayari suala la mfumo linafanyiwa kazi na punde suala hilo litabaki kuwa historia.

“Changamoto ya mfumo wa usajili imezungumzwa na wadau wengi, hivi sasa mfumo wa usajili unafanyiwa maboresho makubwa ili kurahisisha upatikanaji wa huduma za BRELA kwa njia ya mtandao.

Sambamba na hilo uelewa kwa wadau wengi juu ya matumizi ya mfumo huu bado upo chini, hivyo jitihada za ziada zimefanyika kuandaa kituo cha miito ya simu mahususi kwa ajili ya kutoa huduma kwa wadau wetu kwa ukaribu zaidi”.Alibainisha Bw. Nyaisa.

Aidha Bw. Nyaisa ametoa wito kwa wadau BRELA kuendelea kuhuisha taarifa za Makampuni na Majina ya Biashara yaliyosajiliwa nje ya mfumo wa mtandao wakati changamoto wanazokutana nazo zikiendelea kufanyiwa kazi.

Wafanyakazi wa BRELA wakifuatilia kwa umakini maelekezo ya Afisa Mtendaji Mkuu Bw. Godfrey Nyaisa (hayupo pichani) katika kikao cha wafanyakazi kilichofanyika katika Ukumbi wa Mikutano BRELA Ofisi Kuu, Jijini Dar es Salaam.

Read More →

KATIBU MKUU WA WIZARA YA VIWANDA NA BIASHARA ADHAMIRIA KUTEKELEZA SERA YA TANZANIA YA VIWANDA

KatibuMkuu wa Wizara ya Viwanda na Biashara Prof. Riziki Silas Shemdoe akiongea na Wakuu wa Taasisi zilizopo chini ya Wizara ya Viwanda na Biashara.

KatibuMkuu wa Wizara ya Viwanda na Biashara Prof. Riziki Silas Shemdoe akisalimia na Wakuu wa Taasisi zilizopo chini ya Wizara ya Viwanda na Biashara.

Watendaji Wakuu wa Taasisi Mbalimbali wakimsikiliza Prof. Riziki Silas Shemdoe (Mbele kulia) Katibu Mkuu wa Wizara ya Viwanda na Biashara.

***

Katibu Mkuu wa Wizara ya Viwanda na Biashara, Prof. Riziki Shemdoe ameweka bayana adhama yake ya kujikita katika utekelezaji wa sera ya Tanzania ya Viwanda.

Prof Shemdoe amebainisha hayo leo Januari 3, 2020 alipokutana na Watendaji Wakuu wa Taasisi na Wakala zilizo chini ya Wizara ya Viwanda na Biashara kwenye kikao kilichofanyika katika ofisi ndogo ya Wizara iliyopo waterfront Jijini Dar es Salaam.

Akizungumza katika kikao hicho amemshukuru Rais wa Jamhuri ya Muungano wa Tanzania Dkt. John Pombe Magufuli kumuamini na kumpatia dhamana hiyo ambayo hakuitarajia.

“Namshukuru Mwenyezi MUNGU na Mhe. Rais John Pombe Magufuli kwa kuniamini na kuniteua kuwa Katibu mkuu wa Wizara ya Viwanda na Biashara ambayo imebeba dhima ya kuwa na uchumi wa Viwanda”. Alisema Prof Shemdoe.

Aidha amewataka Watendaji Wakuu wa Taasisi na Wakala zilizo chini ya Wizara hiyo kujipanga kisawa sawa, kutambua wajibu mkubwa walionao kwa Tanzania na Zaidi ya yote kwenda na kasi ya Rais Magufuli.

“Ninachotaka kuwasisitiza ni kuwa Tufanye kazi ili kwenda na kasi ya Mhe. Rais wetu ambayo ni kuwa na Tanzania ya Viwanda. Tujue kuwa tumepewa jukumu kubwa sana hivyo yatupasa kushirikiana ili kuyafikia malengo ya Mhe. Rais ambayo anategemea katika Wizara yetu tuyafanye.

Nae Afisa Mtendaji Mkuu wa Wakala wa Vipimo Dkt. Manege Ludovick amemshukuru Katibu Mkuu Mteule Prof. Shemdoe kwa niaba ya maafisa watendaji wakuu wa waliofika hapo na kumuahidi kumpa ushirikiano “ wewe ni Kiongozi wetu tunakuahidi kukupa ushirikiano ili kufikia malengo ya Wizara na nchi kwa ujumla ya kuwa na Tanzania ya viwanda.

Prof. Shemdoe ameapishwa leo rasmi na Rais Magufuli kuwa Katibu Mkuu wa Wizara ya Viwanda ya Biashara ambapo kabla ya uteuzi huo alikua Katibu Tawala wa Mkoa wa Ruvuma.

Read More →