Rais Magufuli avitaka Vyombo vya Usalama kutowanyanyasa Wananchi kwa kuwasingizia makosa ya Uzururaji

Vyombo vya Usalama nchini vimeonywa kutowaonea Wananchi kwa kuwashitaki kama Wazururaji, wakati wana shughuli zao kufanya.

Onyo hilo limetolewa na Rais John Magufuli ambaye amesisitiza kuwa, yeye hawatetei Wazururaji, na kama kweli kuna Mzururaji sheria ziko wazi kwa ajili ya kumshitaki na wala sio kumnyanyasa.

Rais Magufuli ametoa onyo hilo akiwa njiani kuelekea jijini Dodoma, baada ya baadhi ya Wakazi wa mkoa wa Morogoro kudai kuwa, wamekua wakikamatwa na vyombo vya Usalama kama Wazururaji wakati wana shughuli zao za kuwaingizia kipato.

"Vyombo vya usalama ambavyo vinadili na hawa wazururaji, wasiwaonee watu, Umemkuta anauza mahindi ndio yake, unamshika unamuambia mzururaji, haya ya uonevu yasiwepo" -Rais Magufuli.

Amerejea kauli yake ya kutaka kutobughudhiwa kwa Wafanyabiashara wadogo ambao wamekua wakihangaika kufanya shughuli mbalimbali ili kujiingizia kipato.

Pia Rais Magufuli amesisitiza kuwa, wakati akiomba ridhaa ya kuongoza nchi, aliahidi kulinda haki za Watanzania wote na kuhakikisha sheria zinafuatwa, hivyo hatoruhusu mtu ama chombo chochote kuvunja sheria na kumuonea mwingine.

Read More →

Mwanamke Atuhumiwa Kumchinja Mwanae na Kumla Nyama Ludewa

LUDEWA -NJOMBE

Mwanamke mmoja anaejulikana kwa jina la Christina Mlelwa(38) mkazi wa Kijiji cha Mavanga kata ya Mavanga kitongoji Cha mji mwema wilayani Ludewa mkoa wa Njombe anashikilikiwa na jeshi la polisi kwa tuhuma za kumchinja mwanae Joseph Gumbilo(4) mwenye ulemavu wa viungo na kumla nyama

Awali akizungumzia tukio hilo mkuu wa wilaya ya Ludewa Andrew Tsere anasema mapema baada ya kufikishiwa taarifa za tukio hilo alilazimika kufika eneo la tukio na kumhoji mtuhumiwa ambaye alikiri kutekeleza mauaji ya mwanae na kisha kumkata viongo vyake  na kumla huku viungo vingine kuvitupa porini na chooni.

Tukio hilo linaleta mshituko kwa kamati ya ulinzi na usalama mkoa na kumsukuma mkuu wa mkoa wa Njombe Christopher Olesendeka kufika katika kijiji hicho kuzungumza na wananchi na kisha kutoa agizo kwa wakuu wote wa  wilaya za mkoa huo kukamata kijiji kizima na kuweka lockup endapo watagoma kutoa ushirikiano kwa vyombo vya ulinzi na usalama kuhusu matukio ya mauaji

Katika hatua nyingine Olesendeka ameliagiza jeshi la polisi kusaka ukweli wa tukio hilo haraka na wahusika kufikishwa mahakamani kama ambavyo katiba inalinda haki ya kuishi ya kila binadamu bila kujali ulemavu wake.

Katika mahojiano ya awali na  jeshi la polisi, mama huyo ambaye anaonekana kuwa na matatizo ya akili amekiri kuua na kukata vipande vipande na kumla nyama huku masalia mengine ikiwemo fuvu la kichwa na miguu akiyatupa porini hatua ambayo ililazimu kamati ya ulinzi kuvamia pori na kukuta vitu hivyo.

Lakini Mume wake bwana Daniel Gumbilo anasema mke wake alisha wahi kufanya jaribio kama hilo miaka ya nyuma kwa mototo wao mwingine anaesoma ambapo majirani walinusuru maisha ya mototo wao .

Nae kamanda wa jeshi la polisi mkoa wa Njombe Hamisi Issa anasema jeshi linaendelea kuchunguza kwa kina zaidi kuhusiana na tukio hilo ili wahusika wapewe haki yao ya hukumu ya uovu wao.

Kwa upande wa mtendaji wa kijiji cha Mavanga Fadhiri Tajiri alisema ni kweli tukio hilo limetokea na kwamba taarifa zaidi anasubiri muongozo kutoka kwa viongozi wake.

"Ni kweli Hilo tukio lipo lakini viongozi wangu wamesema wapo njiani wanakuja nasubiri muongozo wa kutoka kwao"alisema Tajiri.

Read More →

Tanzania Ina Utoshelevu Wa Chakula Cha Ziada Takriban Tani Mil.2.5 Sawa Na Asilimia 109%

Na.Faustine Gimu Galafoni,Dodoma.

SERIKALI imesema kwa sasa nchi ina utoshelevu wa chakula cha  ziada takriban tani milioni 2.5 sawa na asilimia 109%   ambapo katika kipindi cha miezi mitatu kuanzia Julai hadi Septemba imeuza tani za mahindi elfu 84.5 nje ya nchi.
 

Akifungua mkutano wa kupokea tafiti kuhusu kuimarisha usalama wa chakula ndani na nje ya Nchi  Nov,19,2019  jijini Dodoma,Naibu Katibu Mkuu wa Wizara ya Kilimo,Profesa  SIZA TUMBO amesema pia katika kipindi cha miezii mitatu Mihogo tani elfu tano ilipelekwa nchini Burundi na tani elfu 2000 za Mtama zilipelekwa nje ya nchi.
 

Aidha Profesa TUMBO amesema kwa mujibu wa taarifa rasmi ya Benki ya Dunia tayari Tanzania imeshafikia kwenye uchumi wa kati.

Kwa Upande wake,Mkuu wa Idara ya Ushauri Elekezi kutoka Taasisi ya Tafiti za Kiuchumi na Kijamii (ESRF) VIVIAN KAZI Kazi amesema  utafiti huo una malengo sita ikiwemo kuboresha uzalishaji wa taarifa ili kuhamasisha mauzo ya mazao ndani na nje ya nchi.

ESRF ilianzishwa mwaka 1994 kama taasisi ya utafiti ikiwa imejikita kufanya kazi zake katika kutoa ushauri elekezi  wa kisera katika nyanja za uchumi na jamii ndani na nje ya nchi na imefanya utafiti huo kwa kushirikiana na ofisi ya Rais TAMISEMI,Uvuvi na Mifugo,Viwanda na Biashara,Kilimo na Ofisi ya Taifa ya Takwimu.

Read More →

Benki ya Maendeleo ya Afrika – AfDB Yaridhishwa Na Ujenzi Wa Mradi Wa Kituo Cha Kupoza Umeme Cha Zuzu Mkoani Dodoma

Na Peter Haule, WFN, Dodoma

Benki ya Maendeleo ya Afrika – AfDB imeridhishwa na kasi ya maendeleo ya mradi wa Kituo cha kupoza umeme cha Zuzu kinachofadhiliwa na Benki hiyo kwa kushirikiana na Shirika la Maendeleo la Kimataifa la Japan- JICA.

Hayo yameelezwa na Mkurugenzi Mtendaji wa Benki ya AfDB, Bw. Amos Cheptoo, alipofanya ziara ya  kukagua maendeleo ya Kituo hicho kilichopo katika eneo la Zuzu Mkoani Dodoma.

Bw. Cheptoo alisema kuwa amejionea kazi nzuri inayofanywa na Mkandarasi ya  kuhakikisha mradi huo unakamilika Februari, 2020 na kutumika kikamilifu katika kupoza na kusambaza umeme kwa manufaa ya Tanzania na nchi jirani.

Alisema kuwa mradi huo utakua na tija zaidi baada ya kukamilika kwa mradi mkubwa wa umeme wa Julius Nyerere unaotarajia kuzalisha zaidi ya Megawati 2000, hivyo kuifanya miundombinu ya kupoza umeme kutumika kimailifu.

Mkurugenzi huyo wa  AfDB  alisema  umeme ndio nyenzo muhimu katika  ukuzaji wa uchumi na uendelezaji wa viwanda katika nchi za Afrika, kukamilika kwa miradi ya umeme kutasaidia uwepo wa umeme wa kutosha hasa katika nchi za Afrika mashariki na kusini mwa Afrika.

Serikali ya Tanzania imechukua hatua nzuri za kuboresha miundombinu wezeshi ya uzalishaji hasa Dodoma ambapo ndio Makao Makuu ya nchi.

Kwa upande wake mratibu wa mradi huo Mhandisi Peter Kigandye alisema kuwa, mradi huo utakuwa na uwezo wa kushusha umeme kwa Kilovoti 400 na kupoza umeme wenye uwezo wa takribani megawati 400 kisha kusambaza umeme katika maeneo mbalimbali mkoani Dodoma.

Gharama ya mradi huo unajumuisha mradi mwingine uliopo Singida na gharama zake ni dola za Marekani milioni 53 ambazo zimetolewa kwa ushirikiano wa Serikali ya Tanzania, Benki ya AfDB na Shirika la JICA ambapo Kituo cha Kupozea Umeme cha Zuzu kinagharimu takribani dola za Marekani milioni 22.

Aidha Kamishna Msaidizi wa masuala ya Nishati ya Umeme kutoka Wizara ya Nishati Mhandisi Innocent Luoga, ameishukuru Benki ya AfDB kwa kusaidia uboreshaji wa miundombinu hasa ya umeme kwa kuwa miradi hiyo itakapokamilika, utazinufaisha pia nchi za Zambia, Botswana na hata Afrika ya Kusini, kupitia mtandao wa umeme wa kusini

Amewataka wawekezaji walio na nia ya kuwekeza Dodoma kutumia fursa ya upatikanaji wa umeme wa uhakika kuwekeza hasa katika viwanda vikubwa na vidogo kwa kuwa mazingira ya uwekezaji yapo vizuri.

Mhandisi Luoga ameiomba Benki ya AfDB kusaidia upatikanaji wa fedha kwa ajili ya usambazaji zaidi wa umeme katika Mkoa wa Dodoma na viunga vyake ili kuchochea ukuaji wa uchumi na kulifanya jiji kuwa na hadhi stahiki.

Mwisho

Read More →

Infinix YAZINDUA Infinix S5 SIMU YA KWANZA YENYE 32 CLEAR SELFIE NA Infinity-O Display.

Infinix YAZINDUA Infinix S5 SIMU YA KWANZA YENYE 32 CLEAR SELFIE NA Infinity-O Display.

Infinix, baada ya kuliteka soko na toleo pendwa la Infinix S4, Infinix imezindua rasmi Infinix S5, kinamara wa toleo la S series kwa sasa ikiwa na Infinity-O Display na 32MP. Ujio wa Infinix S5 umeambatana msimu wa sikukuu za Christmas na Mwaka mpya hivyo Infinix kusheherekea msimu huu kwa kuzindua rasmi promotion itayoanza rasmi tarehe 25/11/2019 na zawadi mbalimbali kama vile Vacuum Cleaner, Deep Flyer, Subwoofer Radio. 

 

Akizungumza na vyombo vya habari wakati wa uzinduzi wa Infinix S5, Afisa wa mahusino wa kampuni ya Infinix, Aisha Karupa alisema, “Infinix ikiwa ni kampuni yenye ushawishi mkubwa katika mfumo wa kidigitali tunawahakikishia wateja wetu bidhaa zenye teknolojia ya hali ya juu kwa bei Rafiki”,

 

Vile vile Aisha aligusia kuhusiana na sifa za simu hiyo kwa kusema, “na pamoja ya kuwa na selfie kali yenye 32MP lakini pia inasifa lukuki kama vile teknolojia ya Artifficial Intelligence kwenye kamera 4 za nyuma ambazo ni 16MP+5MP+2MP+AI Lens, lakini pia Infinix S5 ina memory card ya ukubwa wa GB 4  kwa GB64 yenye uwezo wa kutunza kumbukumbu nyingi pasipo huitaji ya memory card ya ziada na kwa upande wa design Infinix S5 imekuja katika muonekano wa kitofauti wenye kuvutia kutokana na namna kamera ya mbele ilivyopachikwa ndani ya Display kwa jina la kitaalamu Infinity-O Display  na kwa wale wenye matumizi mengi Infinix S4 inauwezo wa kukaa na chaji kwa muda mrefu kutokana na ujazo mkubwa wa Battery wenye mAh40,000”.

 

Pia Infinix wametumia nafasi hiyo kutambulisha rasmi promotion ya msimu wa sikukuu inayoenda sambamba na uzinduzi wa Infinix S5. 

Akizungumza meneja wa mauzo wa Infinix Bwana Fredy Kadilana alisema kwamba, katika msimu huu wa sikukuu za Christmas na mwaka mpya Infinix imezindua rasmi promotion itakayompa nafasi mteja wa Infinix S5 au mteja wa simu yoyote ya Infinix kujishindia zawadi mbalimbali kama vile Vacuum Cleaner, Deep Flyer, Subwoofer Radio na nyengine nyingi lakini pia Infinix haijasahau wadau wake wa wanaotembelea kurasa @infinixmobiletz kwa kuitambulisha challenge ya #S5showitoff itayoanza rasmi mwishoni mwa wiki hii”.

 

Kwa maelezo zaidi tembelea www.infinixmobility.com

Read More →

Rais Magufuli Kutunukiwa shahada ya heshima ya udaktari wa falsafa na Chuo Kikuu cha Dodoma Kesho

Chuo Kikuu cha Dodoma (UDOM) kesho kitamtunukia Rais Dk. John Magufuli Shahada ya Heshima ya Daktari wa Falsafa (Honorary PhD) kwa uongozi wake hususani katika ujenzi wa uchumi wa viwanda, kuwekeza kwenye elimu, miundombinu, kuimarisha utawala bora, na mapambano dhidi ya rushwa.

Akizungumza leo Jumatano Novemba 20, 2019 makamu mkuu wa chuo hicho, Profesa Faustine Bee amesema shahada hiyo itatolewa kesho katika mahafali ya 10 ya chuo hicho.
 

Profesa Bee amesema wahitimu 6,488 watatunukiwa astashahada, shahada, stashahada ya juu, shahada ya umahiri, na shahada ya uzamivu.

Read More →

Wabunge Wanne CHADEMA Wanusurika Kwenda Gerezani....Mahakama Yawapa Onyo

Mbunge wa Tarime Vijijini, John Heche, Mbunge wa Iringa Mjini, Mchungaji Peter Msigwa, Mbunge wa Kawe, Halima Mdee na Mbunge wa Bunda, Esther Bulaya wamenusurika kwenda gerezani baada ya mahakama kuridhia ombi la kutowafutia dhamana zao.

Mahakama ya Hakimu Mkazi Kisutu mbele ya Hakimu Mkazi Mkuu, Thomas Simba leo Jumatano Novemba 20, saa saba mchana imetoa uamuzi kuhusu maombi ya Jamhuri ya kutaka washtakiwa hao wafutiwe dhamana kwa kushindwa kufika Mahakamani Novemba 15 mwaka huu.

“Baada ya kupitia hoja za pande zote mbili na hoja za washtakiwa mahakama inaona kwamba maelezo yao hayana mashiko na kuwafutia dhamana ni hatua kali sana badala yake mahakama inawapa onyo kali wasirudie tena,” amesema Hakimu Simba.

Hakimu Simba amesema walifanya makusudi na kwamba hatua ya kujisalimisha polisi ni uoga wa jambo ambalo lingewatokea.

Kutokana na hali hiyo, amesema mahakama imewaachia kwa dhamana zao za awali na kuwataka wafuate masharti ya dhamana ya kuwa na wadhamini wawili.

Katika kesi ya msingi, washtakiwa hao wanadaiwa kuwa kati ya Februari Mosi na Februari 16, mwaka huu Mbowe na wenzake wakiwa Kinondoni, Dar es Salaam kwa pamoja walikula njama na  wengine ambao hawapo mahakamani ya kutenda kosa la jinai ikiwamo kuendelea na mkusanyiko isivyo halali na kusababisha chuki na uchochezi wa uasi.

Read More →

Makusanyo Kodi Ya Ardhi Gairo Hayamfurahishi Naibu Waziri Mabula

Na Munir Shemweta, WANMM GAIRO

Kasi ndogo ya ukusanyaji mapato ya Kodi ya pango la ardhi katika halmashauri ya wilaya ya Gairo mkoa wa Morogoro imemsononesha Naibu Waziri wa Ardhi Nyumba na Maendeleo ta Makazi Dkt Angeline Mabula na kuagiza halmashauri hiyo kuongeza kasi ili kufikia lengo la mapato ya kodi ya ardhi.

Akiwa katika ziara yake ya siku moja katika wilaya hiyo jana tarehe 19 Novemba 2019 Dkt Mabula alielezwa na Afisa Ardhi katika halmashauri ya Gairo Nicolaus Matsuva kuwa halmashauri hiyo katika kipindi cha mwaka 2018/2019 imekusanya shilingi milioni 12.3 na mwaka huu kufikia Novemba imekusanya milioni 10 ya kiwango ilichopangiwa cha milioni 55.

Naibu Waziri wa Ardhi Nyumba na Maendeleo ya Makazi alisema, kiwango hicho cha makusanyo katika halmashauri ya Gairo ni kidogo na hakijafikia hata nusu ya makadirio ya shilingi milioni 55 iliyowekewa halmashauri hiyo kukusanya kwa mwaka na makadirio hayo hayalingani na uhalisia wa makusanyo ya halmashauri.

Aliitaka halmashauri ya Gairo kupitia idara yake ya ardhi kuongeza kasi ya makusanyo ya maduhuli ya kodi ya pango la ardhi kwa kuwa kodi hiyo ndiyo inayoisaidia serikali kutekeleza miradi mikubwa aliyoieleza kuwa mingi inataegemea kodi ya ndani.

‘’Msipokusanya kodi ya ardhi mjue mnamkwamisha Mhe Rais kutekeza miradi mikubwa kama vile mradi wa kufufua umeme wa Mwl. Nyerere maarufu kama stiglers hivyo ni lazima tuongeze kasi ya makusanyao’’ alisema Dkt Mabula.

Sambamba na hilo Dkt Mabula aliitaka halmashauri ya wilaya ya Gairo kuhakikisha kufikia Desemba 2019 inarejesha fedha shilingi milioni 31 ilizopatiwa mwezi Juni 2019 kama mkopo kwa ajili ya upimaji viwanja katika halmashauri hiyo.

Hatua hiyo inafuatiwa Naibu Waziri Mabula kuhoji kuhusiana na marejesho ya fedha za mkopo huo na kuelezwa na Afisa Ardhi kuwa, halmashauri hiyo hajarejesha kiasi chochote cha fedha za mkopo iliopatiwa kwa ajili ya upimaji viwanja na kuomba kuongezewa muda wa kurejesha hadi mwezi Machi 2019.

‘’ Toka mwezi Juni hadi leo Desemba hamjarejesha wakati ulitakiwa kurejeshwa ndani ya miezi mitatu, Mkopo huu unazunguka kwa nini hamjarejesha hadi leo? Kazi mliyopewa hamjamaliza naagiza hadi kufikia Desemba fedha hiyo iwe imerejeshwa’’ alisema Mabula.

Aidha, Naibu Waziri wa Ardhi Nyumba na Maendeleo ya Makazi ameshangazwa na idara ya ardhi katika halmashauri ya Gairo kuingiza viwanja 155 kati ya 1,198 kwenye mfumo wa makusanyo ya kodi ya ardhi kwa njia ya kielektroniki jambo alilolieleza linaikosesha serikali mapato yataokanayo na kodi ya pango la ardhi sambamba na kushindwa kutoa ilani kwa wadaiwa sugu wa kodi ya ardhi ingawa ilani hizo zilizndaliwa tangu mwezi Machi 2019.

Dkt Mabula alielezwa na Afisa Ardhi wa Halmashauri ya wilaya ya Gairo Nicolaus Matsuva kuwa, baadhi ya wadaiwa sugu wa kodi ya ardhi walishindwa kupatiwa ilani hizo kutokana na maeneo wanayomiliki kukutwa wakiishi watu wengine tofauti na wamiliki waliopo kwenye kumbukumbu zao jambo lilimfanya Naibu Waziri kumuagiza Kaimu Kamishna wa Ardhi Msaidizi Kanda Maalum ya Morogoro Erick Makundi kufuatilia suala hilo kwa kwenda uwandani na kupatiwa taarifa kufikia Desemba mwaka huu.

Kwa upande wake Mkuu wa Wilaya ya Gairo Sirieli Mchembe alisema, wilaya yake ina changamoto kubwa ya ujenzi holela na kubainisha kuwa hata zoezi la urasimishaji katika wilaya hiyo linakabiliwa na changamoto mbalimbali ikiwemo sebule za baadhi ya nyumba kuelekezwa kwenye vyoo vya nyumba nyingine.

Hata hivyo, alimuahidi Naibu Waziri wa Ardhi Nyumba na Maendeleo ya Makazi kuwa ofisi yake itayafanyia kazi maagizo yote aliyoyatoa ikiwemo uandaaji wa Mpango Kabambe katika wilaya hiyo iweze kupangika kimji sambamba na kuwa na Mji wa Serikali utakaojumuisha taasisi zote za serikali zilizopo katika wilaya hiyo.

Ktika hatua nyingine Naibu Waziri wa Ardhi nyumba na Maendeleo ya Makazi Dkt Angeline Mabula alitembelea hifadhi ya Msitu wa Ukaguru uliopo Tarafa ya Nongwe kata ya Mandege wilaya ya Gairo mkoa wa Morogoro na kukagua maendeleo ya ujenzi wa nyumba na ofisi za Wakala wa Huduma za Misitu Tanzania (TFS) unaofanywa na Shirika la nyumba la Taifa (NHC).

Akiwa kwenye ukaguzi wa ujezi huo, Dkt Mabula alipata malalamiko ya baadhi ya vibarua wanaojenga ofisi hiyo kutopatiwa malipo kwa wakati jambo walilolieleza kuwa linawakatisha tamaa kuendelea na kazi hiyo. Hata hivyo, Naibu Waziri Mabula aliwataka vibarua hao kuendelea kufanya kazi kwa bidii na kuahidi kulifuatialia suala hilo haraka ili vibarua hao walipwe fedha kwa wakati.

Aidha, Dkt Mabula alipata fursa ya kutembelea Maporomoko katika hifadhi ya shamba la Miti la Ukaguru ambapo alijionea namna eneo hilo linavyoweza kuwa moja ya vyanzo vya umeme sambamba na kuwa kivutio kikubwa cha utalii kinachoweza kuingizia serikali mapato yatokanayo na sekta hiyo.

Mkuu wa Wilaya ya Gairo Sirieli Mchembe alielezea ziara ya Naibu Waziri Mabula kwenye Maromoko hayo kuwa ni ya kwanza kufanywa na Waziri na kubainisha kuwa ziara hiyo inaweza kuwa chachu ya hifadhi ya Msitu huo kutumika kwa shughuli mbalimbali kama vile za kitalii.

Read More →

RC SHIGELLA: NCHI HAIWEZI KUJITEGEMEA KAMA WATANZANIA HAWATALIPA KODI

Read More →

Nafasi 37 za Kazi Tanzania Institute of Accountancy (TIA) | Deadline 29 November 2019

The Tanzania Institute of Accountancy (TIA) is an Executive Agency under the Ministry of Finance and Planning which was established on 1st July, 2002 by the Government Notice No. 489 of 1st November, 2001 and officially launched on 24th January, 2002 as per Act No. 30 of 1997.

As an Executive Agency, TIA is operating ‘semi’ autonomously and commercially in providing quality education in the field of Accountancy, Procurement & Supplies and other Business related disciplines so as to become a self-sustainable Institute. TIA is accredited by NACTE as an Institute of Higher Learning Education.

The Institute is looking for qualified and dedicated personnel to fill the post of Tutorial Assistants on contract basis. The table below provides details on a particular fields/ professionals one should apply against.

==>>Kujua Namna Ya Kutuma Maombi;<< Ingia Ha>>

Read More →

Amnesty: Zaidi ya waandamanaji 100 wameuwawa Iran

Shirika la Kutetea Haki za Binadamu la Amnesty International limesema zaidi ya watu 100 wameuwawa kwenye miji 21 nchini Iran wakati wa machafuko yaliyozuka wiki iliyopita kupinga kupanda kwa bei ya mafuta.

Katika taarifa iliyochapishwa jana, shirika hilo limesema polisi wa kulenga shabaha walifyetua risasi kuelekea makundi ya waandamanaji kutoka juu ya majengo na katika kisa kimoja kutoka ndani ya helikopta.

Shirika hilo lenye makao yake mjini London limesema taarifa yake ni kutoka duru za kuaminika na vyanzo vingine ikiwemo mashuhuda, kanda za video na maelezo ya watetezi wa haki za raia.

Amnesty imesema vikosi vya polisi na intelejensia havikurudisha miili ya waliuwawa kwa familia zao na vimelazimisha baadhi ya miili kuzikwa haraka bila kufanyiwa uchunguzi wa kitababu.

Taarifa hiyo imefichua jinsi vikosi vya usalama nchini Iran vinavyoendesha mauaji ya raia kinyume na sheria ikiwa ni pamoja na kutumia mbinu katili na nguvu iliyopindukia.

Raha Behreini, ambaye ni mwanasheria na mtafiti wa Amnesty International amesema "Mamlaka za Iran zina historia ya kutumia ukatili na nguvu kubwa dhidi ya wale wanatimiza haki yao ya kujieleza na kuandamana kwa amani. Hata hivyo inaonekana mara hii, wamezidisha zaidi ukandamizajai kwa sababu hawataki maandamano hayo yawe makubwa"

Iran yenyewe haijatoa taarifa ya idadi ya watu waliokamatwa, kujeruhiwa au kuuliwa wakati wamaandamano hayo yaliyosambaa haraka kwenye karibu majiji na miji 100.

Mamlaka nchini humo zimezima huduma za mtandao wa intaneti tangu siku ya Jumamosi na hali hiyo imeendelea hadi jana jumanne.

Kukosekana kwa upatikanaji taarifa kumevifanya vyombo vya habari vya Iran na maafisa wa nchi hiyo pekee kuwa na uwezo wa kutoa taarifa kuhusu kinachoendelea.

Afisa mmoja nchini Iran amesema maandamano hayo yamepungua nguvu baada ya kikosi cha ulinzi wa mapinduzi cha jeshi la Iran kutishia kuchukua hatua kali iwapo yataendelea.

Credit:DW

Read More →

Rais Magufuli: Watu wanataka kusajili laini zao lakini zoezi la vitambulisho linacheleweshwa

Rais Magufuli amemuagiza Mkurugenzi Mkuu wa NIDA kufika Mkoani Morogoro leo na ikiwezekana akae Mkoani humo hata siku tatu ili kushughulikia tatizo la Watu wengi kukosa vitambulisho vya Taifa huku Mkoa mzima ukiwa na Ofisi moja pekee ya NIDA.

Rais Magufuli ametoa agizo hilo akiongea na wananchi wa Msamvu, Morogoro akiwa njiani akielekea mkoani Dodoma

“Nimemtaka Mkurugenzi Mkuu NIDA afike hapa Morogoro ashughulikie hii changamoto ya vitambulisho na nataka huduma hii iende kila Wilaya, haiwezekani Watu wasafiri kutoka Wilayani kuja Mjini au muwape nauli na hela ya Gesti,na hili litazamwe Nchi nzima Watu wapewe vitambulisho” amesema.

"Watu wanataka kusajili laini zao za simu na mambo mengine lakini zoezi la vitambulisho linacheleweshwa na Watu wachache, suala la NIDA linaenda polepole sana, Mkurugenzi Mkuu wa NIDA nitahitaji unipe na tathmini ya zoezi lote Nchi nzima".

Aidha, Rais Magufuli amesisitiza kuwa katika kipindi chake cha uongozi hatopanga bei ya mkulima kuuza mazao yake.

“Wengine wanalalamikia bei ya mahindi kupanda, nataka wakulima washangilie kama bei ya mahindi imepanda, biashara hii lazima iwe huru, bei ya mahindi itajipanga yenyewe, wakati wa kuwapangia bei wakulima kwenye mazao yao umekwisha,” amesema Rais Magufuli.

Read More →

Rais Magufuli Kuanza Ziara Dodoma Kesho

ZIARA YA KIKAZI YA MHE. DKT. JOHN POMBE JOSEPH MAGUFULI RAIS WA JAMHURI YA MUUNGANO WA TANZANIA MKOANI DODOMA

Ndg. Waandishi wa Habari

Natumia fursa hii kuwatangazia wananchi wote wa Mkoa wa Dodoma na umma wa Tanzania kuwa, Rais wa Jamhuri ya Muungano wa Tanzania, Mhe. Dkt. John Pombe Joseph Magufuli, imempendeza kufanya ziara ya kikazi katika Mkoa wa Dodoma, Makao Makuu ya nchi, kuanzia tarehe 21 hadi 25 Novemba, 2019.

Katika ziara yake Mkoani Dodoma, Mhe. Rais atatembelea miradi mbalimbali ya maendeleo inayotekelezwa kwenye Mkoa wa Dodoma. Vilevile, atatumia ziara yake kuzungumza na wananchi wa Mkoa wa Dodoma na Watanzania kwa ujumla kupitia Mikutano kadhaa ya hadhara ambayo  hotuba hizo zitarushwa moja kwa moja (mubashara) kupitia vyombo vya habari na mitandao ya kijamii.

Ndg. Waandishi wa Habari

Miongoni mwa shughuli atakazofanya ni kama ifuatavyo:-

Alhamisi Novemba 21, 2019, Mhe. Rais atakuwa ni Mgeni Rasmi katika Mahafali ya kumi (10) ya Chuo Kikuu cha Dodoma – UDOM yatakayofanyika kwenye ukumbi wa Chimwaga, Chuoni hapo.

 

Ijumaa Novemba 22, 2019 Mhe. Rais atatembelea na kuweka mawe ya msingi kwenye miradi ya Hospitali ya Uhuru, Wilayani Chamwino; ujenzi wa nyumba 118 za Askari Polisi katika maeneo ya FFU Nzuguni na Medeli East; Ujenzi wa Stendi Kuu ya mabasi iliyopo Nzuguni; na Soko Kuu linalojengwa katika eneo la Nzuguni na kuzungumza na wananchi katika mkutano wa hadhara utakaofanyika katika stendi ya mabasi Nzuguni. 

 

Jumatatu Novemba 25, 2019 Mhe. Rais ataweka mawe ya msingi kwenye miradi ya ujenzi wa Makao Makuu ya Jeshi la Wananchi Tanzania Kikombo; ujenzi wa Ofisi ya Makao Makuu ya Idara ya Uhamiaji na Ujenzi wa jengo la Makandarasi katika eneo la National Capital City.

Ndg. Waandishi wa Habari

Maandalizi yote yamekamilika na Sisi wana Dodoma, kama ilivyo kwa watanzania wote, tunaelewa fika wingi na uzito wa majukumu aliyonayo Mhe. Rais ya kujenga Tanzania mpya na yenye matumaini makubwa kimaendeleo na ustawi wa Jamii. Hivyo, kupata nafasi ya kufanya ziara kwenye Mkoa wa Dodoma, licha ya majukumu hayo, ni upendeleo usiokuwa na kifani. Hivyo kwa niaba ya wananchi wa Mkoa wa Dodoma, nitumie fursa hii kumshukuru sana Mhe. Rais kwa upendeleo anaotupatia daima.

Ziara hii ya Mhe. Rais kwetu ni fursa ya kumwonesha hatua tulizofikia katika utekelezaji wa miradi ya maendeleo aliyotupatia na kupokea maelekezo ya namna ya kusonga mbele kwa uhakika katika hatua mbalimbali za utekelezaji wake. Aidha, atatumia ujio huu kuelekeza yale atakayoona kuwa yatazidi kuboresha utendaji wetu na yatakayotupa shime na hamasa zaidi ya kusonga mbele zaidi kimaendeleo. Hivyo, wananchi wa Dodoma tujitokeze kwa wingi kuungana na Rais wetu mpendwa na hivyo, kufanikisha ziara yake.

AHSANTENI SANA KWA KUNISIKILIZA!

Dkt. Binilith S. Mahenge

MKUU WA MKOA

NOVEMBA 20, 2019

Read More →

MABINTI WA DARASA LA NNE WAUZA POMBE ZA KIENYEJI

Na Sifa Lubasi - Habarileo

Shehe wa Kijiji cha Mpwayungu Wilaya ya Chamwino mkoani Dodoma, Nurdin Mbawala amesema watoto wa kike kuanzia darasa la nne wanatumiwa na wazazi wao kuuza pombe za kienyeji hivyo kuhatarisha usalama wao.

Aidha amesema hali hiyo inawaweka watoto hao katika hatari ya kutumika katika ngono wakiwa kwenye umri mdogo.

Akizungumza mwishoni mwa wiki katika mkutano wa majadiliano kwenye mradi wa Sauti Yangu unaotekelezwa na Shirika lisilokuwa la Kiserikali la Woman Wake Up (Wowap), mradi unaofadhiliwa na Shirika la Child Fund Korea kupitia Jukwaa la Haki za watoto, alisema vitendo vya wazazi kupeleka watoto vilabuni vimekithiripamoja na hatia zinazochukuliwa na serikali ya kijiji.

Alisema mtendaji wa kijiji hicho, Selemani Kibakaya anafanya juhudi kubwa ikiwa ni pamoja na kutembea na fimbo kuwasaka wanaofanya vitendo vya ukatili dhidi ya watoto lakini jambo hilo limekuwa likiendelea.

Alishauri viongozi wa vijiji kuweka mikakati kuhakikisha hakuna mtoto anayekwenda kilabuni kuuza pombe.

“Mtoto mdogo wa kike ndio maziwa yanaanza kutoka tena yuko darasa la nne anashinda kilabuni kuuza pombe, huyo mtoto anajengewa mazingira gani, usalama wake ukoje?” alisema.

Alisema wazazi wamekuwa wakitumia watoto kama mitaji na walevi ndio wanapenda kuhudumiwa na watoto kama hao.

“Huo ni ukatili wa hali ya juu sana, hapo mzazi hawezi kuona shida kumuuza mtoto wake maana kuna watoto walishaulizwa kwa nini wanauza pombe walisema mama zao waliwaambia kama watakataa kufanya biashara hiyo hawataweza kununuliwa sare za shule au madaftari.” Alisema.

Aliitaka jamii kulivalia njuga suala hilo ili kuhakikisha watoto wa kike au hata wa kiume hawafanyi kazi ya kuuza pombe kwenye vilabu.

Mwalimu Sane Nshashi wa shule ya Msingi Nagulo Mwitikila alisema wakati wa kutungwa kwa sheria ndogo ndogo suala la watoto kutumikishwa kwenye vilabu vya pombe za kienyeji liangaliwe na kutungiwa sheria.

Alisema tatizo hilo limekuwa na athari kubwa ka watoto wa kike kwani wanashinda vilabuni hadi usiku wa manane na kukosa muda wa kujisomea na hata kupumzika.

Kwa upande wake Gabriel Hoya amesema matatizo ya watoto yako mengi sio kwenye mimba tu hata suala la watoto kutumikishwa kwenye vilabu vya pombe liangaliwe.

Pia alitaka kuangaliwa suala la wazazi walevi ambao wamekuwa wakishinda na wakati mwingine kulala kwenye vilabu vya pombe na kushindwa kutimiza wajibu wao kenye malezi ya watoto.

“Mzazi anashinda kilabuni, wakati mwingine harudi nyumbani, watoto wanajilea wenyewe wanakwenda shule bila viatu, mavazi yamechanika, hawajala hili ni tatizo kubwa.” amesema.

Akizungumza kwa niaba ya Ofisa Elimu wa Kata, mwalimu Sunday Mtambo alisema pombe za kienyeji ni chanzo kikubwa cha baadhi ya wazazi kutofanya kazi. /“Kuwe na muda maalumu wa kufungua na kufunga vilabu ili pombe isilete athari kwenye uchumi wa familia,” alisema.

Akijibu hoja hizo mtendaji wa kijiji cha Mpwayungu, Selemani Kibakaya aliwataka wananchi kushirikiana ili kuhakikisha watoto hawatumikishwi kwenye vilabu vya pombe za kienyeji.

Amesema sasa wamekuwa wakikamata watoto wanaotembea usiku, jambo ambalo limesaidia kwa kiasi kikubwa watoto kuwa na woga.

Mratibu wa Wowap, Nasra Suleiman alisema jamii inatakiwa kushirikiana ili kulinda haki na ustawi wa watoto.

Read More →

BENKI YA TPB YAMWAGA VIFAA SHULE ZA SEKONDARI MAMBI NA MAKITA RUVUMA

Mkurugenzi Mtendaji wa Benki ya Posta Tanzania(TPB) Sabasaba Moshingi wa tatu kushoto akikabidhi moja kati ya meza 100 na viti 100 vyenye thamani ya shilingi Ml 4.8 kwa Mkuu wa wilaya ya Mbinga Cosmas Nshenye kwa ajili ya shule mbili za Sekondari za Mbambi na Makita zilizopo Halmashauri ya Mji Mbinga mkoani Ruvuma,kushoto Afisa mahusiano wa Benki hiyo Novas Moses. 

BENKI ya Posta Tanzania(TPB) imetoa msaada wa meza 100 na viti 100 vyenye thamani ya shilingi Ml 4.8 kwa shule mbili za Sekondari za Mbambi na Makita zilizopo katika Halmashauri ya Mji Mbinga mkoani Ruvuma.

Akikabidhi samani hizo za Shule,Mkurugenzi Mtendaji wa Benki ya Posta Tanzania Sabasaba Moshingi alisema, Benki hiyo imekuwa na utaratibu wa kutenga kiasi fulani cha fedha kila mwaka na kusaidia jamii hasa katika sekta ya Elimu katika mikoa mbalimbali hapa Nchini.

Alisema, mwaka wa fedha 2019 Benki ya Posta imetenga shilingi milioni 200 kwa ajili ya kuchangia huduma za jamii na itaendelea kuunga mkono juhudi mbalimbali zinazo fanywa wananchi na Serikali.

Moshingi alisema, Benki ya Posta Tanzania inajivunia sana kuona imekuwa sehemu ya mafanikio katika sekta ya Elimu hapa Nchini na sio mara ya kwanza kuchangia sekta ya elimu kwani mwaka jana ilitumia kiasi cha shilingi milioni 50 kukarabati shule ya Msingi Kindimba iliyopo katika wilaya hiyo.

Amewataka wanafunzi wa shule hizo, kuhakikisha wanatumia meza na viti hivyo kusoma kwa bidi na kujiepusha na mambo yanayoweza kukatisha safari yao ya maisha na kuwataka Watanzania wengine kuunga mkono juhudi zinazo fanywa na Benki ya Posta na Serikali ya awamu ya tano ya kumarisha miundombinu ya Shule.

Kwa upande wake Mkuu wa wilaya hiyo Cosmas Nshenye,amewataka wakazi wa Mbinga kuwa wazalendo, na wenye mapenzi mema kwa kumaliza baadhi ya changamoto zinazoikabili wilaya hiyo badala ya kutegemea misaada ya Serikali na wafadhili.

Nshenye ametoa kauli hiyo jana wakati akiongea na wanafunzi,walimu na baadhi ya wananchi katika hafla ya kupokea msaada wa viti 100 na meza 100 zilizotolewa na Benki ya Posta Tanzania kwa shule mbili za Sekondari za Mbambi na Makita wilayani humo.

Alisema, sio jambo la kufurahisha na haipendezi hata kidogo kwa jamii ya wana Mbinga kuona wanashindwa kuchangia ujenzi wa miradi na huduma mbalimbali za kijamii, kwani wana uwezo mkubwa wa kifedha,lakini inasikitisha kuona kazi kubwa ya kuijenga wilaya hiyo imeachwa kwa Serikali na wadau wengine wa maendeleo.

Nshenye alisema, wakati umefika kwa wakazi wa wilaya ya Mbinga kubadilika na kujitolea nguvu kwa kuchangia ujenzi wa miradi ikiwemo miundombinu ya Elimu,Afya,Maji na mingineyo hatua itakayochochea na kuharakisha maendeleo ya Nchi yetu.

Kwa mujibu wake,ni aibu wilaya kama ya Mbinga ambayo wananchi wake wana nguvu kubwa ya kiuchumi inayotokana na zao maarufu la kahawa bado inakabiliwa na changamoto ya uhaba wa madawati,viti na meza huku baadhi ya wanafunzi wa shule wakilazimika kubeba viti kutoka nyumbani kwao.

Aidha Mkuu wa wilaya ameishukuru Benki ya Posta kwa msaada wa viti na meza ambazo zinakwenda kupunguza mahitaji ya samani kwa shule hizo mbili, ambapo ameyataka makampuni mengine kuiga mfano wa Benki hiyo ambayo imekuwa msaada mkubwa katika kuchangia miundombinu ya shule kwa wilaya ya Mbinga.

Amewataka wanafunzi kutumia meza na viti hivyo kusoma kwa bidii, hali itakayowasaidia kufikia malengo waliyojiwekea katika safari yao ya maisha nan a viti na meza hizo wazitumie kama chachu ya mafanikio.

Awali Mkuu wa shule ya Makita Wilson Msengi alisema, shule hiyo ina upungufu wa viti 62 na meza 58,lakini msaada huo uliotolewa na Benki ya Posta utapunguza sana changamoto hiyo.

Alisema,samani hizo zinakwenda kuhamasisha suala zima la kujifunzia na kufundishia darasani na pia kuchochea taaluma kwa wanafunzi wa shule hiyo.

Read More →

KEY LANDMARK BUILDINGS “GO BLUE” IN SUPPORT OF CHILDREN’S RIGHTS

Many landmark buildings in Dar es Salaam will go blue on the occasion of the eve of World Children’s Day 2019.

The European Union Delegation to Tanzania and the Embassy of the Kingdom of the Netherlands will join iconic landmarks all around the globe by Going Blue.

 To express support of Children’s Rights and to raise awareness on them, the building housing of both diplomatic missions, together with the British High Commission, the Embassy of the Republic of Germany and the UK Department for International Development (DfID) – the Umoja House in central Dar es Salaam – will be turned blue for one evening.

 The High commission of Canada also joined by turning their building blue. This is part of a global initiative to highlight the importance of realizing the rights of every child enshrined in the United Nations Convention on the Rights of the Child (CRC).Other buildings Going Blue in Tanzania include, the National Micro-Finance Bank (NMB Bank), the National Housing Corporation, and ONE UN.

The CRC is one among nine core human rights treaties that became part of the international human rights framework, established by the United Nations. In total, its final text contains 54 Articles. The Convention states that childhood is separate from adulthood, and lasts until 18; it is a special, protected time, in which children must be allowed to grow, learn, play, develop and flourish with dignity. It makes clear the idea that a basic quality of life should be the right of all children. The CRC offers a vision of the child as an individual and as a member of a family and community, with rights and responsibilities appropriate to his or her age and stage of development. The guiding principles of the Convention are:

• Non-discrimination;

• The best interests of the child as a primary consideration in all actions concerning children;

• The child’s inherent right to life;

• State Parties’ obligation to ensure to the maximum extent possible the survival and development of the child;

• The child’s right to express his or her views freely in all matters affecting the child, with those views being given due weight.

The CRC has inspired governments to change laws and policies and make investments so that more children finally get the health care and nutrition they need to survive and develop, and there are stronger safeguards in place to protect children from violence and exploitation. It has also enabled more children to have their voices heard and participate in their societies.

Realizing the rights of every child is at the core of UNICEF’s mandate. Globally, the European Union (EU) and the Kingdom of the Netherlands are among UNICEF’s key supporters.

On the occasion of the 30th anniversary of the CRC, the EU and UNICEF have partnered up worldwide to raise awareness of children and young people on their rights and have launched the #TheRealChallenge. UNICEF and the EU want children and youth to express their views on their own rights in their own language and therefore they have launched a challenge on the social media platform TikTok. TikTok, with its interactive universe, allows users to communicate through short videos enriched with music, filters, effects and stickers. Actor and comedian Idris Sultan is the face of the social media campaign in Tanzania which was launched on 16 November at the Elimika Wikiendi session, on Twitter and Instagram.

Going Blue on 19th November – on the eve of World Children’s Day 2019 – is the start of the celebration of the 30th anniversary of the CRC. On 20th November 2019, children and young people will launch their agenda – the Children and Young People Agenda - The Tanzania We Want – at a high-level event at Julius Nyerere International Conference Centre. UNICEF in collaboration with Femina Hip, organized a series of six consultations with children and young people in mainland and in Zanzibar. The Children and Young People’s Agenda was developed as a result of this process. The agenda document highlights recommendations of young people across critical areas like Child Survival, Development, Protection and Participation. At the same time, it articulates the role of children and young people as responsible citizens in taking forward their agenda.

“I believe that young people can play a big role in empowering more children to act.”

Geofrey Machemba, Youth Champion

"I believe #TheRealChallenge is guaranteeing that every single child gets every single right, no matter the background, the economic situation of the family, the gender"

Federica Mogherini, EU High Representative (UNGA, 2019)

Read More →

MWALIMU MATATANI KWA TUHUMA YA KUMBAKA NA KUMLAWITI MWANAFUNZI WA DARASA LA 5

Mwalimu wa Shule ya Msingi Mwanga, iliyopo Manispaa ya Kigoma Ujiji, Zakaria Richard amekamatwa na Jeshi la Polisi kwa madai ya kumbaka na kumlawiti mwanafunzi mwenye miaka 10, anayesoma darasa la tano katika Shule hiyo.

Akizungumza na waandishi wa habari mkoani Kigoma, Kamanda wa Polisi Kigoma ACP. Martin Otieno, amesema Mwalimu huyo alikabidhiwa mtoto kwa ajili ya kumfundisha tuisheni ndipo akawa anatumia fursa hiyo kumfanyia ukatili.

"Tunamshikilia huyo mwalimu kwa kumfanyia vitendio vya kikatili, kwa sababu mwanzoni alikabidhiwa na wazazi wake lkini yeye akaenda mbali zaidi, na kumbaka na kumlawiti" amesema Kamanda Ottieno

Aidha RPC Otieno amewataka Wazazi kuwa na utaratibu wa kuwakagua Watoto na kuwapa nafasi ya kuwasikiliza pindi wanapokuwa na matatizo yao.

Read More →