TAKUKURU YAMKAMATA MWEKA HAZINA WA KIKUNDI ALIYEDAI PESA ZIMEYEYUKA KISHIRIKINA

Taasisi ya Kuzuia na Kupambana na Rushwa (TAKUKURU) Mkoa wa Arusha inamshikilia Muweka hazina wa kikundi cha ujasiriamali cha Imani kwa tuhuma za kutafuna Tsh.Million 39 za Wanakikundi na kudai zimeyeyuka kishirikina.

Wanakikundi 28 juzi walikesha wakilia nyumbami kwa Muweka hazina huyo Halima Mwidadi Mkazi wa Osunyai Arusha baada ya kuambiwa fedha hizo ambazo walitakiwa kugawana zimepotea katika mazingira ya kutatanisha.

Wengine waliokamatwa na TAKUKURU ni Katibu wa Kikundi Deogratius Seif na Mwenyekiti wake Aisha Saidi ambao walikamatwa jana na kuachiwa kwa dhamana huku Muweka hazina akiendelea kusota Mahabusu kwa sababu za kiupelelezi.

Read More →

Volunteering Opportunities at Active Women Foundation (AWF)

OVERVIEW Active Women Foundation AWF was founded in 2016 and registered as a non-governmental organization under the Act No.24 of the year 2002 as amended in 2005 The operation of the Foundation is in Tanzania main land,Before it started as entrepreneurs group with 11 members all women, in one year of operation they attained their goals and saw… Read More »

The post Volunteering Opportunities at Active Women Foundation (AWF) appeared first on Udahiliportal.com.

Read More →

Maintenance Manager Job at Epic Business Resources Limited

Maintenance Manager  Job Objective Ensures asset integrity and availability for production purpose, leads the maintenance function in providing both a reactive and proactive, multi skilled maintenance services on all operational equipment and facilities. Key Responsibility Responsible for development, review and implementation of best practice, maintenance strategy, policies, processes, procedures and work instructions to aid and improve operational performance… Read More »

The post Maintenance Manager Job at Epic Business Resources Limited appeared first on Udahiliportal.com.

Read More →

Clinical Epidemiologist Job at Aga Khan

CLINICAL EPIDEMIOLOGIST, MEDICAL COLLEGE As a faculty member in the Department of Population Health the candidate will have research and educational responsibilities to support teaching and research at the undergraduate, graduate and postgraduate levels across the disciplines of health sciences. The candidate will support faculty and trainees across clinical disciplines and within the discipline of epidemiology and biostatistics.… Read More »

The post Clinical Epidemiologist Job at Aga Khan appeared first on Udahiliportal.com.

Read More →

Driver Trainer Tanzania Job at Alistair Group

Driver Trainer Tanzania 1. Overall Purpose To support Alistair Logistics operations such that objectives are met at the required work performance standard and in accordance with company behaviours and values. To manage liabilities to ensure legislative compliance and achievement of best practice to meet corporate objectives. Ensure compliance with company policies and procedures and relevant Tanzanian legislation Actively… Read More »

The post Driver Trainer Tanzania Job at Alistair Group appeared first on Udahiliportal.com.

Read More →

Finance Administrative Assistant at for Strategic Litigation’s (CSL)

Finance Administrative Assistant Zanzibar City, Mjini Magharibi, Tanzania The Center for Strategic Litigation’s (CSL) accounting department works with a multitude of parties in ensuring the processes of accounting and financing of programme funds is ever innovative and reliable. At CSL, we don’t just accept difference, we celebrate it, we support it, and we thrive on it for the… Read More »

The post Finance Administrative Assistant at for Strategic Litigation’s (CSL) appeared first on Udahiliportal.com.

Read More →

Picha : UNDER THE SAME SUN YATAMBULISHA MRADI WA CFLI KUSAIDIA WANAWAKE WENYE UALBINO NA WANAWAKE WENYE WATOTO WENYE UALBINO SHINYANGA

Mratibu wa mradi wa ‘ Mfuko wa Canada kwa ajili ya mipango ya kijamii’ kutoka Shirika la Under The Same Sun, Grace Wabanhu akitambulisha mradi huo kwa wanawake wenye ualbino na wanawake wenye watoto wenye ualbino katika mkoa wa Shinyanga.

Na Kadama Malunde - Malunde 1 blog

Shirika la Under The Same Sun limetambulisha rasmi mradi wa ‘ Mfuko wa Canada kwa ajili ya mipango ya kijamii – Canadian Fund For Local Initiative(CFLI)’ wenye lengo la kuwajengea uwezo wanawake wenye ualbino na wanawake wenye watoto wenye ualbino katika mkoa wa Shinyanga kuhusu ualbino ili wawe na uelewa wa kutosha na kupata ujasiri wa kuielimisha jamii juu ya hali ya ualbino.

Mradi huo umetambulishwa leo Jumatatu Novemba 18,2019 katika ukumbi wa Shinyanga Fairies Hotel Mjini Shinyanga wakati wa ufunguzi wa warsha ya siku tatu kuhusu elimu ya ualbino kwa na wanawake wenye ualbino na wanawake wenye watoto wenye ualbino 30 kutoka wilaya za mkoa wa Shinyanga.

Mratibu wa mradi wa ‘ Mfuko wa Canada kwa ajili ya mipango ya kijamii’ kutoka Shirika la Under The Same Sun, Grace Wabanhu alisema mradi huo wa miezi minne unaotekelezwa katika mkoa wa Shinyanga na Mwanza utafikia tamati mwezi Januari,2020.

“Lengo la mradi unaofadhiliwa na watu wa Canada ni kutoa elimu ya ualbino kwa wanawake hawa,tumechukua wanawake 30 kutoka wilaya zote za mkoa wa Shinyanga,Mwanza hivyo hivyo wanawake 30. Wanawake hawa watapata mafunzo ya uelewa juu ya ualbino na wao ndiyo watakuwa wakufunzi kuielimisha jamii”,alisema.

“Tunatarajia kwamba wanawake watakaojengewa uwezo watakuwa na uelewa wa kutosha juu ya hali ya ualbino na watakuwa na ujasiri wa kuielimisha jamii inayowazunguka kwa lengo la kuondoa unyanyapaa na ukatili dhidi yao na watoto wenye ualbino ili kuleta usawa kati ya watu wenye ualbino na wasio na ualbino”,aliongeza Wabanhu.

Alisema wameamua kuchagua kundi la wanawake wenye ualbino na wanawake wenye watoto wenye ualbino kutokana na kwamba kundi hilo limesahaulika lakini kwa kuzingatia kuwa akina mama hao ndiyo wanalea watoto na ni waathirika wakubwa wa vitendo vya unyanyapaa na ukatili na wamekuwa wakikimbiwa na waume zao.

Kwa upande wake Mwenyekiti wa Chama cha Watu wenye ualbino mkoa wa Shinyanga (TAS),Eunice Zabron alisema njia pekee ya kukomesha vitendo vya unyanyapaa na ukatili dhidi ya watu wenye ualbino ni kutoa elimu ya kutosha kwa jamii.

Zabron ambaye pia Mwenyekiti wa Idara na Wanawake na Watoto katika Chama cha Watu wenye ualbino mkoa wa Shinyanga aliipongeza serikali kwa kuendelea kuwa bega kwa bega na watu wenye ualbino huku akibainisha kuwa vitendo vya unyanyapaa vimeendea kupungua kutokana na elimu inayotolewa na vyombo vya habari na wadau mbalimbali kuhusu ualbino.

Kwa upande wake,Afisa Maendeleo Ustawi wa Jamii Halmashauri ya wilaya ya Shinyanga,Lilian Kiyenze kwa niaba ya Afisa Maendeleo Ustawi wa Jamii mkoa wa Shinyanga aliwataka wanawake hao kutumia vizuri elimu watakayopatiwa kuhusu Ualbino ili wakawe chachu ya mabadiliko katika jamii.

ANGALIA PICHA

Afisa Maendeleo Ustawi wa Jamii Halmashauri ya wilaya ya Shinyanga,Lilian Kiyenze akizungumza kwa niaba ya Afisa Maendeleo Ustawi wa Jamii mkoa wa Shinyanga wakati Shirika la Under The Same Sun likitambulisha mradi wa ‘ Mfuko wa Canada kwa ajili ya mipango ya kijamii – Canadian Fund For Local Initiative(CFLI)’ leo Jumatatu Novemba 18,2019. Picha zote na Kadama Malunde - Malunde 1 blog 

Afisa Maendeleo Ustawi wa Jamii Halmashauri ya wilaya ya Shinyanga,Lilian Kiyenze akizungumza wakati wa kutambulisha mradi wa Mfuko wa Canada kwa ajili ya mipango ya kijamii – Canadian Fund For Local Initiative(CFLI)’.

Mratibu wa mradi wa ‘ Mfuko wa Canada kwa ajili ya mipango ya kijamii’ kutoka Shirika la Under The Same Sun, Grace Wabanhu akitambulisha mradi wa Mfuko wa Canada kwa ajili ya mipango ya kijamii – Canadian Fund For Local Initiative(CFLI)’kwa wanawake wenye ualbino na wanawake wenye watoto wenye ualbino katika mkoa wa Shinyanga.

Mratibu wa mradi wa ‘ Mfuko wa Canada kwa ajili ya mipango ya kijamii’ Grace Wabanhu akielezea kuhusu mradi wa Mfuko wa Canada kwa ajili ya mipango ya kijamii – Canadian Fund For Local Initiative (CFLI).

Grace Wabanhu akizungumza wakati akitambulisha mradi wa Mfuko wa Canada kwa ajili ya mipango ya kijamii – Canadian Fund For Local Initiative(CFLI)’

Mwenyekiti wa Chama cha Watu wenye ualbino mkoa wa Shinyanga (TAS),Eunice Zabron  akizungumza wakati wa kutambulisha mradi wa Mfuko wa Canada kwa ajili ya mipango ya kijamii – Canadian Fund For Local Initiative (CFLI).

Wanawake wenye watoto wenye ualbino wakiwa ukumbini wakati mradi wa Mfuko wa Canada kwa ajili ya mipango ya kijamii – Canadian Fund For Local Initiative (CFLI) ukitambulishwa.

Akina mama wakiteta jambo ukumbini.

Wanawake wenye ualbino wakiwa ukumbini wakati mradi wa Mfuko wa Canada kwa ajili ya mipango ya kijamii – Canadian Fund For Local Initiative (CFLI) ukitambulishwa rasmi mkoani Shinyanga.

Wadau wakiwa ukumbini wakati mradi wa Mfuko wa Canada kwa ajili ya mipango ya kijamii – Canadian Fund For Local Initiative (CFLI) ukitambulishwa.

Picha zote na Kadama Malunde - Malunde 1 blog 

Read More →

WANAFUNZI CHUO KIKUU WATOA WARAKA BAADA YA KUKERWA BEI YA VYAKULA KUPANDA CHUONI

Na Said Mwishehe,Globu ya jamii 

BAADA ya kupanda kwa bei ya vyakula na hasa vilivyozoeleka vikiwemo vya Wali maharage na chipsi kuku katika Chuo Kikuu cha Dar es Salaam(UDSM), Serikali ya Wanafunzi Chuo hicho(DARUSO) imeamua kufanya mazungumzo na watoa huduma ya vyakula ili kuangalia uwezekano wa kupunguza bei ya vyakula ambayo wamedai iko juu.

Hata hivyo tayari Serikali hiyo ya wanafunzi imetoa waraka unaoeleza kwa kina kuhusu kupanda kwa bei ya vyakula na kusababisha athari za kisaikolojia kwa wanafunzi kwa kile walichoeleza hali ya maisha si rafiki kwao kumudu gharamu hizo.

Sehemu ya waraka huo wa Serikali ya Wanafunzi Chuo Kikuu cha Dar es Salaam uliosainiwa na Katibu Mkuu Ofisi ya DARUSO Mliman Hamis Hamis umesema kupitia ofisi ya Rais imepokea kwa masikitiko makubwa taarifa ya mfumo wa bei za vyakula kiholela kwa baadhi ya vyakula pendwa.

Hivyo Ofisi ya Rais DARUSO inawapa pole wanafunzi wote walioathirika na changamoto hizo kwa namna moja au nyingine.

Pia waraka huo umesema Serikali ya wanafunzi inatambua kuwepo kwa changamoto hiyo kubwa japo hatua za mazungumzo zimekwishafanyika mara kadhaa na imeonekana kutozaa matunda kutokana na wawekezaji kusimamia mikataba yao waliyoingia na Chuo kama inavyowaelekeza bila kujali uwezo wa wanafunzi kumudu bei elekezi katika mikataba hiyo.

Akizungumza na Michuzi Globu ya jamii jijini Dar es Salaam leo Novemba 18,2019, Katibu Mkuu DARUSO Hamis Hamis amesema kwa sasa wanaendelea na mazungumzo kati yao na watoa huduma ya vyakula.

"Tunaendelea na mazungumzo kati yetu na watoa huduma ya vyakula hapa chuoni.Mazungumzo yanakwenda vizuri na tutafikia pazuri.Mfuko wa bei ya vyakula hapa chuoni umekuwa mkubwa sana na maisha yetu yanafahamika,"amesema Hamis.

Ameongeza wanafunzi walio wengi hawana fedha mfukoni na hata wale ambao wamepata mkopo wa Serikali fedha bado hazijaingia katika akaunti zao , na hivyo kuongeza kwa bei ya vyakula kumesababisha changamoto za kimaisha.

Hata hivyo ametoa ombi kwa wanafunzi kuendelea kuwa na subira wakati mazungumzo yakiendelea na wawe na imani na Serikali yao ya wanafunzi ambayo inashughulikia malalamiko hayo.

Hata hivyo wakati DARUSO wakitafuta ufumbuzi wa kushuka kwa bei ya vyakula chuoni hapo, mwishoni mwa wiki Waziri wa Kilimo na Chakula Japhet Hasunga amenukuliwa na baadhi ya vyombo vya habari akieleza amesikia kuna watu wanalalamika kuhusu kupanda kwa bei ya vyakula ambapo amewataka wafahamu Serikali haiwezi kumpangia bei mkulima.

Wakati anafafanua kupanda kwa bei ya vyakula Waziri Hasunga alieleza kwamba mkulima anapokuwa katika shughuli zake za kilimo hadi anavuna hakuna mtu anayejua gharama anazotumia mkulima katika kuandaa shamba , kupanda, kupalilia hadi kuvuna mazao yake , sasa iweje Serikali iwapangie bei.

Katika hilo Katibu huyo wa DARUSO amesema ni kweli Waziri alichoongea mkulima anapata changamoto nyingi wakati analima lakini hiyo haina maana aachwe apange bei anavyotoka.

"Ifahamike mkulima hapeleki sokoni, hivyo kuna mtu anakwenda kununua na kuleta mazao sokoni na hapo ndipo yanakutana na wanunuzi au walaji ambao itabidi wabebeshwe mzigo wote na kufanya maisha kuwa magumu.Tunaomba hili la bei ya vyakula liangaliwe vizuri na sisi tunaimani na Serikali pamoja na watoa huduma,"amesema Hamis.

Hata hivyo DARUSO kupitia Katibu Mkuu huyo amesema Serikali yao imeapa kuwatumikia na kuyatetea maslahi ya wanafunzi wa Chuo Kikuu cha Dar es Salaam kwa namna yoyote ile.

"Rais wa DARUSO 2019/2020 Hamis Mussa ametoa amri kwa watoa huduma ya vyakula wote hapa chuoni kurudisha haraka bei za awali kama ilivyozoeleka,"amesema Katibu Mkuu kupitia waraka wao na kuongeza iwapo amri hiyo haitatekelezwa watatumia ustaarabu mwingine.

Read More →

Acacia Kuondolewa Soko la Hisa Dar es Salaam

Kampuni ya Acacia inaondolewa katika orodha ya kampuni zilizopo kwenye soko la hisa la Dar es salaam (DSE) kuanzia leo, Novemba 18, 2019.
 
Meneja Miradi wa Soko la Hisa la Dar es Salaam (DSE) Emmanuel Nyalali, amesema kampuni hiyo ambayo imedumu katika soko hilo kwa miaka 8 ikiorodheshwa tangu Desemba 2011, ilifutwa katika Soko la Hisa la London Uingereza (LSEG) tangu Septemba mwaka huu, hivyo utaratibu wote umefuatwa.

“Tangu Septemba 2019 Acasia ilikuwa imeshafutwa kwenye soko la Hisa la London (LSEG), ambalo ndio soko lake mama, hivyo taratibu zilikuwa zinamaliziwa tu na Ijumaa iliyopita Bodi ya DSE ilitoa maamuzi hivyo kuanzia leo kampuni hiyo inafutwa kwenye orodha ya makampuni kwenye DSE'', amesema Nyalali.

Awali kampuni hiyo ilikuwa inajulikana kama African Barrick Gold (ABG) kabla ya kubadili jina na kuitwa Acacia Novemba 2014.

Read More →

MUWSA WAMUOMBA WAZIRI WA MAJI ,PROF MAKAME MBARAWA KUSAIDIA KUKUSANYA MADENI YA MAJI KWA TAASISI ZA SERIKAL

Waziri wa Maji ,Prof Makame Mbarawa akizingumza wakati wa uzinduzi wa Bodi mpya ya Mamlaka ya Majisafi na Usafi wa Mazingira mjini Moshi (MUWSA) .

Baadhi ya Wafanyakazi 

Baadhi ya Wajumbe wa Bodi ya MUWSA waliomaliza muda wao na wale wapya wakifuatilia hotuba zilizokuwa zikitolewa katika hafla hiyo.

Katibu Mkuu Wizara ya Maji,Prof Kitila Mkumbo akizungumza wakati wa kutamburisha wajumbe wapya wa Bodi ya Mamlaka ya Majisafi na Usafi wa Mazingira mjini Moshi (MUWSA) 

Baadhi ya Wafanyakaziw  wa Mamlaka ya Majisafi na Usafi wa Mazingira mjini Moshi (MUWSA) wakiwa katika hafla hiyo.

Baadhi ya Wajumbe wa Bodi ya MUWSA iliyomaliza muda wake na wajumbe wapya wa Bodi hiyo. 

Mkuu wa Mkoa wa Kilimanjaro ,Dkt Anna Mghwira akizungumza katika hafla hiyo.

Baadhi ya Wafanyakazi wa Mamlaka ya Majisafi na Usafi wa Mazingira mjini Moshi (MUWSA) wakifuatilia kwa karibu hotuba zilizokuwa zikitolewa katika hafla ya uzinduzi wa Bodi mpya . 

Mwenyekiti wa Bodi ya Mamlaka ya Majisafi na Usafi wa Mazingira ,Moshi aliyemaliza muda wake ,Prof Faustine Bee akizungumza wakati akitoa taarifa ya Bodi iliyomaliza muda wake na kukabidhi kwa Bodi mpya .

Mwenyekiti wa Chama cha Mapinduzi mkoa wa Kilimanjaro,Patrick Boisafi akizungumza wakati wa hafla fupi ya uzinduzi wa Bodi mpya ya Mamlaka ya Majisafi na Usafi wa Mazingira mjini Moshi (MUWSA). 

Mwenyekiti wa Bodi ya Mamlaka ya Majisafi na Usafi wa Mazingira ,Moshi aliyemaliza muda wake ,Prof Faustine Bee (kulia ) akikabidhi nyaraka za Bodi hiyo kwa Mwenyekiti Mpya wa Bodi ya MUWSA ,Prof  Jafari Kidegesho mara baada ya Waziri kuizundua rasmi mjini Moshi

Wajumbe wa Bodi Mpya ya Mamlaka ya Majisafi na Majitaka mjini Moshi (MUWSA) . 

Waziri wa Maji na Umwagiliaji ,Prof Makame Mbarawa akikabidhi vitendea kazi kwa Mwenyekiti wa Bodi mpya ya Mamlaka ya Majisafi na Usafi wa Mazingira ,(MUWSA) ,Prof Jafary Kidegesho wakati wa hafla ya uzinduzi wa Bodi hiyo ulifanyika zilipo ofisi za MUWSA

Waziri wa Maji na Umwagiliaji ,Prof Makame Mbarawa akikabidhi vitendea kazi kwa katibu wa Bodi mpya ya Mamlaka ya Majisafi na Usafi wa Mazingira ,(MUWSA) ,Mhandisi Aron Joseph ambaye pia ni Mkurugenzi Mtendaji wa Mamlaka hiyo .Hafla ya uzinduzi wa Bodi hiyo umefanyika zilipo ofisi za MUWSA

Katibu wa Bodi ya Wakurugenzi ya Mamlaka ya Majisafi na Usafi wa Mazingira mjini Moshi ,Joyce Msiru ambaye alikuwa Mkurugenzi wa Mamlaka hiyo ,akipokea zawadi kutoka kwa Waziri wa Maji,Prof Makame Mbarawa mara baada ya Bodi hiyo kumaliza muda wake. 

Waziri wa Maji ,Prof Makame Mbarawa akiwa katika picha ya pamoja na Wajumbe wa Bodi mpya ya Mamlaka ya Majisafi na Usafi wa Mazingira mjini Moshi ,(MUWSA) mara baada ya kuizindua .  

 Waziri wa Maji ,Prof Makame Mbarawa akiwa katika picha ya pamoja na Wajumbe wa Bodi ya Mamlaka ya Majisafi na Usafi wa Mazingira ,Moshi waliomaliza muda wao ,tukio hili limefanyika  wakati wa hafla ya uzinduzi wa Bodi mpya ya Mamlaka hiyo.    

Waziri wa Maji ,Prof Makame Mbarawa akiwa katika picha ya pamoja na Menejimenti ya Mamlaka ya Majisafi na Usafi wa Mazingira mjini Moshi ,(MUWSA) wakati wa hafla ya uzinduzi wa Bodi mpya ya Mamlaka hiyo.  

 

Na Dixon Busagaga ,Moshi

WAFANYAKAZI  wa Malmala ya Majisafi na Usafi wa MAzingira ,Moshi,(MUWSA) wamemuomba Waziri wa Maji ,Prof Makame Mbarawa kusaidia mchakato wa kufuatilia fedha za malimbikizo ya madeni ya maji kwa taasisi za serikali ambazo ni zaidi ya Sh Bil 2.3.

Mamlaka ya Majisafi an Usafi wa Mazingira mjini Moshi (MUWSA) ni miongoni mwa mamlaka zinazotajwa kufanya vizuri katika utoaji wa huduma ya maji kwa wananchi inaowahudumia ambapo kwa sasa imefikia wastani wa asilimia 91% kwa eneo inayohudumia.

Licha ya mafanikio hayo yanayoitamburisha MUWSA kuwa miongoni mwa Mamlaka Bora nchini ,changamoto iko kwenye Madeni yatokanayo na Ankara za maji kutoka kwa taasisi za serikali .

Akizungumza wakati wa kuzindua bodi hiyo Waziri wa Maji, Prof.Mbarawa amesema Wizara kwa sasa imelekeza nguvu zake kwenye kusimamia makusanyo katika Mamlaka za Maji nchini ili kuweza kufikisha huduma ya maji katika maeneo mengi zaidi.

Katika hafla fupi ya uzinduzi wa Bodi Mpya ya Mamlaka ya Majisafi na Usafi wa Mazingira ,Moshi (MUWSA) Waziri Mbarawa alisema ‘Wakati wangu wote natumia nguvu nyingi kusimamia makusanyo kwenye mamlaka za maji, ziko ambazo zikitaka hata kufunga nati kwenye miradi zinakuja wizarani kuomba fedha”alisema Prof Mbarawa.

Zaidi Mbarawa aliongeza: “Mamlaka hizi kama tutazisimamia vizuri zina uwezo mkubwa sana, lakini bado tuko kwenye usingizi. Nataka kila bodi mpaka watendaji wabadilike na kuiga mfano wa Mamlaka ya Maji ya Moshi Mjini”alisema .

“Mimi baada ya kuingia katika Wizara hii niliamua kuzifuatilia mamlaka kama saba ambayo ni Dar es Salaam, Moshi, Arusha, Morogoro, Mbeya na mamlaka za maji ndogo ndogo za Kilwa na Makonde.”

Alisema kasi ya ukusanyaji wa mapato kwa Muwsa, inampa moyo wa kuendelea kukaa katika Wizara hiyo hasa kutokana na takwimu kuonyesha kuna jitihada za kuongeza makusanyo yake kila mwezi.

“Mimi ukiniuliza, nasema Muwsa ina uwezo wa kukusanya Sh. bilioni 1.2 kwa mwezi na hilo halina ubishi, kwa sababu mwezi Januari 2019 tulikuwa tumekafika Sh. milioni 814,”alieleza Mbarawa

Kaimu Mkurugenzi Mtendaji wa Mamlaka hiyo, Mhandisi Aron Joseph amesema hali ya utoaji wa huduma ya maji kwa sasa inaridhisha, kutokana na kutoa huduma katika kata 21 zilizopo ndani ya Manispaa ya Moshi na Wilaya ya Hai na Moshi Vijijini.

Katibu Mkuu wa Wizara ya Maji, Prof. Kitila Mkumbo akizungumza kabla ya Waziri Mbarawa kuhutubia, alisema kulikuwa na utitiri wa mamlaka za maji 159 nchi nzima lakini mamlaka hizo zimepungua sasa na kufikia mamlaka 83.

Awali Mwenyekiti wa Bodi ya Muwsa aliyemaliza muda wake, Prof. Faustine Bee ambaye kwa sasa ni Makamu Mkuu wa Chuo Kikuu cha Dodoma (UDOM), alimweleza Waziri Mbarawa kuwa mpaka wanaondoka katika nafasi hiyo, deni la ankara za maji katika taasisi za umma ni Sh. bilioni 2.16

Pia, alimweleza kuwa mkakati mahususi waliouacha mchakato wake uendelezwe na bodi mpya ni pamoja na upanuzi wa mabwawa ya majitaka yanayopokea majitaka kutoka maeneo mbalimbali ambao gharama zake zinafikia Sh. bilioni 7.6

Read More →

PICHA: Muonekano wa Jengo la kisasa la abiria katika Uwanja wa Ndege jijini Mwanza mara tu ujenzi wake utakapokamilika.

Ujenzi wa jengo hilo la kisasa umeanza Septemba mwaka huu na litagharimu takribani shilingi bilioni 12.

Gharama za ujenzi ni kodi za wananchi kupitia mapato ya Jiji la Mwanza, Manispaa ya Ilemelea na Serikali Kuu.

Read More →

Lugola Atoa Onyo Kwa Watakaofanya Vurugu Uchaguzi Serikali Za Mitaa

Waziri wa Mambo ya Ndani ya Nchi, Kangi Lugola amewataka Makamanda wa Polisi nchini kusimamia kampeni zilizoanza za Uchaguzi wa Serikali za Mitaa kwa kuwalinda wagombea wa vyama vya siasa ambavyo vilitangaza kujitoa, pamoja na kuwashughulikiwa bila huruma watu waliopanga kufanya vurugu. 

Waziri Lugola amesema ana taarifa za kutosha kuhusu baadhi ya watu waliopanga kufanya vurugu wakati wa kampeni kwa lengo la kuvuruga uchaguzi huo, aliwataka Makamanda hao kuwasaka kila kona, kuwakamata watu hao ambao wana nia mbaya ya kuvuruga uchaguzi huo.

“Nawataka mtende haki katika usimamizi wa uchaguzi huu, lakini wapo baadhi ya watu ambao wamepanga kufanya vurugu, watu hao msicheke nao, watu hao washughulikieni bila huruma, na badala ya kuwamwagia maji ya kuwasha, sasa watumbukizeni ndani ya tenki la maji hayo ili waweze kuwashwa zaidi, hatutaki vurugu, tunataka amani na utulivu ndani ya nchi yetu,” Lugola.

Kwa upande wa Vyama vya Siasa vilivyojitoa kushiriki uchaguzi huo, Lugola alisema wagombea wapo ambao wamekataa agizo hilo la vyama vyao, hivyo wameamua kushiriki uchaguzi huo wakigombea nafasi walizoziomba, hivyo wanapaswa kulindwa kwa nguvu zote kwani ni haki yao kugombea.

“Wameweka mpira kwapuni, lakini wachezaji wapo uwanjani bado wanataka kucheza,bado wanaenda uwanjani kuwapiga wachezaji hao wasiweze kucheza, bado wanataka kuwapiga waamuzi wasiweze kutoa pointi tatu muhimu kwa timu ambayo imeendelea kucheza,  hao muwashughulikie kiisawasawa,” Lugola.

Read More →

Waziri Mpina Azindua Agenda Za Utafiti Na Kuibua Tafiti Zilizofichwa Makabatini

WAZIRI wa Mifugo na Uvuvi, Luhaga Mpina amezindua Agenda ya Kitaifa ya Utafiti wa Mifugo, Uvuvi na Ukuzaji wa Viumbe Maji ya mwaka 2020-2025 na kutangaza kuzifumua na kuziibua tafiti zote  zilizofanywa na wasomi na kutelekezwa kwenye makabati miaka ya nyuma na kuziingiza kwenye mfumo rasmi wa matumizi ili kuleta mageuzi makubwa ya kiuchumi na maendeleo.

Pia agenda hizo zitaleta msisimko mpya wa kufanya utafiti nchini na kuleta mageuzi makubwa ya kiuchumi na maendeleo tofauti na ilivyokuwa kipindi cha nyuma ambapo tafiti nyingi zilifanywa na kutelekezwa kwenye makabati na watafiti mbalimbali wakiwemo Wanafunzi wa Shahada ya Uzamili (Masters Degree)  na Shahada ya Uzamivu (PHD) katika vyuo vikuu mbalimbali.

Akizungumza wakati wa uzinduzi wa agenda hizo kitaifa katika Chuo Kikuu cha Sokoine cha Kilimo (SUA),  Kampasi ya Mazimbu mjini Morogoro, Waziri Mpina aliziagiza Taasisi ya Utafiti wa Mifugo(TALIRI) na Taasisi ya Utafiti wa Uvuvi(TAFIRI) kubadilika ili kufanya tafiti kwa vigezo vilivyowekwa na kuleta mabadiliko chanya katika sekta za mifugo na uvuvi nchini.

Waziri Mpina alisema chimbuko la kuandaliwa kwa ajenda hizo za utafiti ni baada ya kubaini kuwa ajenda zilizokuwepo awali za Mifugo na Uvuvi zilishindwa kuibua na kuzitumia tafiti zilizofanywa kuchochea mabadiliko kwenye sekta hiyo muhimu ya uzalishaji.

Pia ajenda za utafiti zilizokuwepo za Mifugo na Uvuvi hazikuwa na utaratibu wa kuzitambua, kuziorodhesha na kuzitumia tafiti zinazofanywa na Wanafunzi wa Shahada ya Uzamili (Masters Degree) na Uzamivu (PHD) lakini sasa ajenda za utafiti zilizozinduliwa zimeweka utaratibu wa namna ya kuzitambua, kuziorodhesha na kuzitumia tafiti za wasomi hao.

“Haiwezekani tafiti za wasomi wa kiwango cha juu kiasi hicho wanazozifanya wakati wa kukamilisha masomo yao ziishie kupata alama za ufaulu na kutupwa kwenye makabati, Leo kila mhitimu atalazimika kuandaa policy brief ambayo itawezesha watumiaji na Serikali kurekebisha au kuandaa Sera na Sheria” alisema Waziri Mpina.

Aliongeza kuwa Ajenda za Utafiti zilizokuwepo za Mifugo na Uvuvi hazikuwa na utaratibu wa kuweka Kanuni ambazo zitahakikisha kuwa utekelezaji  wa ajenda za utafiti unafanyika, lakini ajenda za utafiti iliyotangazwa inaweka Kanuni zitakazotoa mwongozo na usimamizi wa utekelezaji na wajibu wa kila mhusika.

Aidha Waziri Mpina alibainisha kuwa ajenda za utafiti zilizokuwepo za Mifugo na Uvuvi hazikuwa na utaratibu wa kuwaunganisha Watafiti wa Mifugo na Uvuvi nchini, na hivyo kupelekea kila mmoja kufanya utafiti kivyake hali iliyosababisha jambo moja kufanyiwa utafiti na mtafiti zaidi ya mmoja na kukosa jukwaa la kuratibu na kuchambua tafiti zinazofanywa nchini.

“Agenda ninayoizindua leo inakwenda kujumuisha watafiti na wataalam mbalimbali waliobobea katika fani za mifugo, uvuvi na ukuzaji wa viumbe maji ili kuyapitia matokeo ya utafiti, teknolojia zilizoibuliwa na utafiti na kuzisambaza kwa watumiaji kwa manufaa ya Taifa” alisema Waziri Mpina

Pia Waziri Mpina alibainisha mapungufu mengine yaliyomo kwenye ajenda za utafiti zilizokuwepo za Mifugo na Uvuvi ni pamoja na kutoweka msingi mzuri wa kusimamia Watafiti na kufanya tafiti kulingana na mahitaji ya soko badala yake  Taasisi za Utafiti na Watafiti kufanya tafiti nyingi za nje na mambo muhimu ya wananchi yanayohitaji kufanyiwa utafiti kutelekezwa.

“Leo hii agenda ninazozizindua zimeweka utaratibu wa kuzingatia vipaumbele vya kitaifa, kupanua mtandao wa utafiti  na kufanya tafiti zote kulingana na mahitaji ya wananchi.  Mfano katika maeneo ya nyama, maziwa, samaki, ngozi, chakula cha samaki na mifugo, magonjwa, malisho na migogoro” alisema Mpina.

Aidha dosari nyingine zilizokuwepo kwenye ajenda za utafiti zilizokuwepo za Mifugo na Uvuvi ni kutojumuisha katika vipaumbele masuala mengi muhimu yenye changamoto nyingi ikiwemo  Mitaala na hali ya ajira.

Mpina alisema mitaala inapoanzishwa haifanyiwi utafiti wa mara kwa mara matokeo yake mafunzo yanayotolewa sio yale yanayohitajika katika soko la ajira huku Wanafunzi wanaohitimu mafunzo hawajulikani wanakwenda wapi baada ya kuhitimu na hakuna mfumo wowote wa uratibu.

“Ukienda kwa wafugaji wanaofuga na kuchunga sio hao waliosomea mifugo, ukienda kwa Wavuvi na Ukuzaji viumbe maji wanaovua na kufuga si hao waliosomea taaluma hizo, ukienda viwandani vilevile”alisema Mpina.

Pia Masoko na Biashara, Uongezaji wa mnyororo wa thamani wa mazao ya mifugo na uvuvi (Livestock & Fisheries value chain & value addition), agenda iliyopita ilizingatia uzalishaji pekee bila kuangalia upande wa soko wakati vitu hivi vinakwenda kwa pamoja kwani hakuna uzalishaji bila soko.

Waziri Mpina pia alisema licha ya kushamiri kwa migogoro ya wafugaji na watumiaji wengine wa ardhi na eneo hilo kugubikwa na changamoto nyingi  ikiwemo  mifugo kutaifishwa, kupigwa risasi, kufilisiwa, kuuwawa kwa watu na mifugo  na kupigwa faini kubwa kiasi cha kutishia uendelevu wa sekta lakini eneo hili halikujumuishwa katika Agenda ya utafiti iliyopita.

Pia masuala mtambuka, afya ya wanyama na magonjwa ya afya ya jamii (Zoonotic Diseases) ambapo hivi sasa asilimia 60 ya magonjwa yasiyoambukiza yanatokana na mazao ya mifugo, malisho, nyanda za malisho na vyakula vya mifugo na samaki, uvuvi endelevu katika maji ya asili (Uvuvi Haramu na utoroshaji wa mazao ya uvuvi)  ambayo nayo hayakuzingatiwa katika agenda za utafiti zilizopita .

Hivyo Waziri Mpina aliwahakikishia watanzania kuwa Wizara yake itaendelea kushirikiana na wadau wote kuhakikisha kuwa matokeo ya tafiti zinazofanywa zinawafikia walengwa kwa wakati ili tafiti hizo ziongeze tija na kipato kwa watuamiaji na Taifa kwa ujumla. 
 

Makamu Mkuu wa Chuo Kikuu cha Sokoine cha Kilimo (SUA), Profesa Raphael Chibunda alimhakikishia Waziri Mpina kuwa kwa niaba ya watafiti wa Chuo kikuu hicho watatakwenda kuwa sehemu ya utekelezaji wa agenda hizo.

Read More →

Marekani, Korea Kusini kusitisha Mazoezi Ya Kijeshi

Waziri wa Ulinzi wa Marekani Mark Esper amesema kwamba wamesitisha kwa muda usiojulikana mazoezi ya pamoja ya kijeshi na Korea Kusini katika kile alichokitaja nia njema kuelekea Korea Kaskazini. 

Hatua hiyo inakuja hata baada ya Waziri wa Ulinzi wa Japan Taro Kono ambaye nchi yake imekuwa ikitishwa na majaribio ya mara kwa mara ya makombora yanayofanywa na Korea Kaskazini kumuelezea Esper kwamba hakuna ambaye ana matumaini kuhusu kubadilisha hatua za Korea Kaskazini.

Matamshi hayo ya Kono yanaashiria kuzorota kwa mahusiano kati ya Marekani na washirika wake wa kimataifa, katika wakati wanapojaribu kuirejesha Korea Kaskazini kwenye mazungumzo ya kuachana na mipango yake nyuklia na makombora.

Ingawa katika tawala zilizopita Marekani iliyaita mazoezi  hayo kuwa ni muhimu lakini Rais Donald Trump ameyaita kuwa ni upotevu wa fedha na uchokozi dhidi ya Korea Kaskazini.

Read More →

Waziri wa Kilimo Abaini Ubadhilifu Bodi Ya Korosho, Aunda Tume Kuchunguza

WAZIRI wa Kilimo, Mhe Japhet Hasunga amemuagiza Mdhibiti na Mkaguzi Mkuu wa Hesabu za Serikali (CAG) kufanya uchunguzi kwenye mfuko wa wakfu wa kuendeleza zao la Korosho baada ya kubaini kuwepo na udanganyifu.

Mhe Hasunga amemuagiza CAG kuchunguza kiasi cha Shilingi Bilioni 53.2 kilichobaki kwenye akaunti ya Mfuko wa wakfu wa kuendeleza zao la Korosho ambazo zilikuwa kwa ajili ya kujenga viwanda vitatu vya kubangua korosho na maghala.

Aidha Mhe Waziri ameunda timu ya watu wasiozidi watano kwa ajili ya kuhakiki kiasi cha korosho kilichopokelewa na kilichouzwa katika msimu wa Korosho wa mwaka 2018/2019 baada ya kubaini uwepo wa udanganyifu.

Hayo ameyasema jana tarehe 17 Novemba 2019 jijini Dodoma mbele ya wandishi wa habari ambapo amezitaka pia kamati za ulinzi na usalama kusimamia zoezi la uhakiki ambalo linaonekana kutawaliwa na udanganyifu ambapo timu iliyoundwa itashirikiana na timu iliyokuwepo chini ya wizara hiyo kuhakiki pia fedha zilizopatikana ili wahakikishe wanaolipwa ni wale wanaostahili.

Aidha amesema timu hiyo ihakikishe kuwa majina yaliyotoka kwenye vyama vya msingi kwenda kwenye vyama vikuu hadi fedha zilizoingia benki  kama kweli ziliingia kwenye akaunti za wakulima na kama kuna unyaufu uliojitokeza wabainishe ni kwa kiwango gani ili kusaidia serikali kutoa taarifa yenye uhalisia.

Waziri Hasunga amesema mwaka 2016 serikali iliamua kufuta mfuko wa Wakfu na kwenye akaunti kulikuwa na kiasi cha shilingi bilioni 53.2 lakini bodi ya Korosho iliamua kubadili matumizi na kutumia fedha hizo tofauti na maagizo yaliyotolewa na serikali.

"Kama Wizara hatupo tayari kuona ubadhilifu wowote wa fedha za umma unafanyika, Serikali ya awamu ya tano haiwezi kukubali kuona watu wachache wanafaidika na fedha za walipa kodi wa Tanzania.

Timu zote mbili naziagiza hadi kufikia Januari 15 mwaka 2020 wawe wameshatuletea ripoti wizarani. Niwahakikishie hatutomvumilie yeyote ambaye atajaribu kugusa fedha za wananchi, " Amesema Waziri Hasunga.

Amesema bodi hiyo ilitumia kiasi cha shilingi bilioni 28.1 kununua viuatilifu,walitumia kiasi cha shilingi bilioni 12.2 kulipia magunia ilhali katika msimu huo wanunuzi walikuwa wananunua magunia wao wenyewe.

Ametoa wito kwa wakulima kuwa kama kuna anayedai ushirika apelike madai yao kwenye kamati ya ulinzi na usalama na timu iliyoundwa ili waseme kama hawajalipwa.

MWISHO

Read More →

Waziri Jafo Ameagiza Kufukuzwa Shule Kwa Mwanafunzi Ambaye Ataharibu Miundombinu Shuleni Kwa Makusudi

WAZIRI wa Nchi Ofisi ya Rais Tawala za Mikoa na Serikali za Mitaa Selemani Jafo ameagiza kufukuzwa shule kwa mwanafunzi yeyote atakayebainika   kuharibu kwa makusudi miundombinu au samani  katika shule za umma  kwa lengo la kuhakikisha usalama wa muda wote wa miundombinu hiyo.

Jafo ameyasema hayo Jijini Dar es Salaam jana wakati akizungumza na waandishi wa habari huku akiwataka wakurugenzi wa mamlaka za Serikali za mitaa kuhakikisha shule zote katika maeneo yao zimeboresha fomu ya maelezo ya kujiunga na shule (Joining Instructions)

Alisema sababu ya kuboresha fomu hizo ni hatua inayolenga kuweka adhabu za kuchukuliwa dhidi ya mwanafunzi au kikundi cha wanafunzi kitakachobainika kufanya uharibifu huo.

Alisema hatua hiyo imetokana  na tabia iliyoanza kujitokeza siku za hivi karibuni  ikiwemo mkoani Mbeya na Morogoro kwa baadhi ya wanafunzi hao kufanya uharibu wa miundombinu na samani za shule, jambo alisisitiza kuwa ni kinyume na utaratibu lakini pia zikirudisha nyuma juhudi za Serikali na wadau wengine wa maendele katika suala la ujenzi wa shule hizo.

Alisema Serikali isingependa kuona uharibifu wa miundombinu hiyo ikitokea kama walivyofanya wanafunzi wa Shule  ya Sekondari ya Mji Mpya ya Manispaa ya Morogoro na Shule ya Sekondari ya  Kiwanja  ya Halmashauri ya Chunya ambao wameonyesha nidhamu mbovu ya kuanza kuharibu miundombinu ya shule huku akiwapongeza viongozi katika mikoa hiyo kwa kuchukua hatua stahiki.

“Wazazi na walezi watawajibika kutengeneza kifaa au mali hiyo na kuirejesha katika hali yake ya awali, aidha mzazi au mlezi wa mwanafunzi atakayekiuka masharti hayo ya shule, mwanaye asimamishwe masomo au afukuzwe shule kwa maana hatuwezi kuvumilia kuendelea kuwa na wanafunzi waharibifu na wasio na maadili mema katika shule zetu” aliongeza Jafo.

Aidha alizitaka bodi za shule zifanye kazi yao ipasavyo ili kuilinda miundombinu hiyo na samani za shule na kuwaomba wadau mbalimbali wa maendeleo kuendelea kushirikiana na Serikali katika kuboresha maendekeo ya elimu nchini ikiwa ni pamoja na kusimamia nidhamu ya wanafunzi na watoto ambao ndiyo nguzo na viongozi wa baadae wa Taifa hili.

Read More →

PolePole: CCM Imejipanga Vizuri Uchaguzi Serikali Za Mitaa

Na Ahmed Mahmoud,Arusha

CHAMA Cha Mapinduzi(CCM),kimesema kuwa kimejipanga kikamilifu katika uchaguzi wa serikali za mitaa unaotarajiwa kufanyika novemba 24 mwaka huu na kimewaonya wale wote ambao wamepanga kufanya vitendo vya uvunjifu wa amani kuacha mara moja kuchochea wananchi.

Katibu wa Itikadi na Uenezi wa CCM Taifa,Humphrey Polepole alitoa kauli hiyo Novemba 17 jijini Arusha alipokuwa akizungumza na waandishi wa habari katika ofisi ya CCM Mkoa wa Arusha na kueleza kuwa ushindi wa kishindo wanaotarajia kuupata ni kutokana na wananchi kuridhishwa na utendaji wa serikali ya awamu ya tano.

Amevitaka vyama vyama vya upinzani kuheshimu kanuni,sheria na taratibu za uchaguzi na kwamba wasipange au wasiwashawishi wafuasi wao kufanya vitendo vya uvunjifu wa amani wakati wote kuanzia kipindi cha kampeni,upigaji kura,kuhesabu matokeo pamoja na kutangazwa kwa mshindi kwa kuwa chama hicho kimejipanga kikamilifu.

“Wananchi wameridhishwa na utekelezaji wa ilani ya uchaguzi ya CCM ya mwaka 2015/2020 kwani katika kipindi cha miaka mine ya uongozi wa serikali ya awamu ya tano miradi mingi ya maendeleo inayogusa moja kwa moja maisha ya mwananchi wa kawaida imetekelezwa kwa kiwango kikubwa sana”alisema.

Polepole aliitaja baadhi ya miradi ambayo imetekelezwa kwa kiwango kikubwa katika kipindi kifupi cha miaka mine kuwa ni ujenzi wa vituo vya afya na hosipitali za Wilaya,upatikanaji wa maji safi na salama,ujenzi wa barabara na madaraja,usambazaji wa umeme katika maeneo mengi ya mijini na vijijini,ujenzi wa vyumba wa madarasa,nyumba za walimu pamoja na maabara.

Alisema kuwa mkutano huo na wanahabari ni matokeo ya kikao kazi cha kufanya tathmini ya kimaendeleo ya miaka minne ya uongozi wa serikali ya awamu ya tano chini ya Rais Dkt John Pombe Magufuli na kueleza kuwa Mkoa wa Arusha ni miongoni mwa mikoa hapa nchini ambayo miradi mingi ya kimaendeleo imetekelezwa.

Alisema kuwa wimbi la wananchama waliotoka kwenda vyama vya upinzani mara baada ya mzee na Waziri mkuu mstaafu Edward Lowassa kuhamia huko ndio lililopelekea chama hicho kuanza kujitathmini na kuandaa mikakati ya ushindi ikiwemo kurudi nyumbani kwa kiongozi huyo kumekisaidia chama hicho kuvuna wanachama wengi zaidi kwa kipindi kifupi.

Alisema kuwa mkutano huo na wanahabari ni matokeo ya kikao kazi cha kufanya tathmini ya kimaendeleo ya miaka minne ya uongozi wa serikali ya awamu ya tano chini ya Rais Dkt John Pombe Magufuli na kueleza kuwa Mkoa wa Arusha ni miongoni mwa mikoa hapa nchini ambayo miradi mingi ya kimaendeleo imetekelezwa.

Kadhalika katibu huyo wa Itikadi na uenezi alieleza kushangazwa kwake na baadhi ya vyama vya upinzani ambavyo vimetangaza kujitoa katika uchaguzi wa serikali za mitaa na kueleza kuwa baadhi ya vyama vilivyotangaza kujitoa havikuwahi kusimamisha mgombea hata mmoja na kuhoji wanajitoa wapi.

Awali akimkaribisha Katibu huyo wa Itikadi na uenezi Taifa,Katibu wa CCM Mkoa wa Arusha,Mussa Matoroka alisema kuwa kuhusu uchaguzi wa serikali za mitaa CCM Mkoa wa Arusha imejipanga kikamilifu, kimkakati na kisayansi  kwa kuhakikisha kuwa wanashinda kwa kishido katika uchaguzi huo.

Aliwataka wananchi wa mkoani hapa kujitokeza kwa wingi siku ya uchaguzi ili kutimiza haki yao ya msingi kikatiba ya kuchagua katika maeneo mbalimbali yaliyotengwa kwa ajili ya kufanyika kwa uchaguzi huo ambapo pia amewasishi kujiepusha na vitendo vya uvunjifu wa amani kabla na baada ya uchaguzi.

Katika mkutano huo katibu huo wa Itikadi na uenezi taifa aliambatana na viongozi mbalimbali wa chama hicho ngazi ya Mkoa na Wilaya ambapo kila mmoja alipata fursa ya kuzunguza juu ya utekelezaji wa ilani ya uchaguzi katika eneo lake.

Read More →