TAWLA TANGA YATUMIA MIAKA 30 KUTOA MSAADA WA KISHERIA KWA WANANCHI

...

 Mratibu wa Chama cha Wanasheria Wanawake Tanzania Mkoa waTanga(Tawla) Wakili Latifa Ayouba akitoa elimu kwa wananchi katika Jiji la Tanga kuhusu masuala mbalimbali ya kisheria

  Mratibu wa Chama cha Wanasheria Wanawake Tanzania Mkoa waTanga(Tawla)  Wakili Latifa Ayouba akitoa elimu kwa wananchi katika Jiji la Tanga kuhusu masuala mbalimbali ya kisheria

 Mwenyekiti wa Baraza la Ardhi na Nyumba Tanga Doris Wilson Mangwe kushoto akimskiliza mkazi wa Jiji la Tanga wakati wa banda la Tawla.

CHAMA cha Wanasheria Wanawake Mkoani Tanga (Tawla) kimeeleza kwamba wanatumia sherehe zao za kufikisha miaka 30 ya chama hicho kwa kutoa msaada wa kisheria kwa wananchi mbalimbali mkoani hapa kwa kuwafuata kwenye maeneo yao.

Ambapo mpaka sasa wamekwisha kutoa elimu ya masuala ya kisheria kwa watu zaidi ya 200 ikiwemo utoaji wa msaada wa kisheria kwa watu 60.

Hayo yalibainishwa na Mratibu wa Chama hicho mkoani Tanga Wakili Latifa Ayoub wakati akizungumza na waandishi wa habari ambapo alisema kwamba wamejipanga kutoa msaada huo wa kisheria kwa jamii nzima.

“Kwa kweli sisi kama Tawla tunaendelea kushirikiana na jamii ya wakazi wa mkoa wa Tanga kuweza kutoa elimu kwa wananchi kwa lengo la kuwasaidia kuondosha changamoto ambazo zimekuwa zikiwakabili hasa za kisheria”Alisema  

Alisema kwamba tokea waanza kutoa elimu hiyo kuanzia February 1 mwaka huu mpaka February 7 katika maeneo mbalimbali ikiwemo kwenye viwanja vya Tangamano, vyombo vya habari na shule za Changa na Usagara.

“Lakini pia elimu kwenye maeneo ya Kwanjeka kwa wakina mama pamoja na msaada wa kisheria kwenye maeneo ya Kata ya Pongwe, Mzizima na Nguvumali na tunaamini itawabadilisha”Alisema