Wednesday, 8 November 2023
Tuesday, 7 November 2023
BODI YA WAKURUGENZI TBS YAFANYA ZIARA BANDARI YA BAGAMOYO NA MBWENI
NA EMMANUEL MBATILO, BAGAMOYO
BODI ya Wakurugenzi wa Shirika la Viwango Tanzania (TBS) limetembelea katika bandari ya Bagamoyo na Mbweni kwa lengo la kutazama mambo yanavyofanyika katika ukaguzi wa bidhaa na changamoto zinazopatikana ili kuboresha shughuli za ukaguzi katika bidhaa zinazoingia kupitia bandari hiyo.
Akizungumza na Waandishi wa habari katika ziara hiyo, Mwenyekiti wa Bodi TBS, Prof. Othman Chande amesema kuwa wamefika mahali hapo na wamegundua changamoto kadhaa mojawapo ikiwa ni jinsi upakuaji mizigo husika unavyofanyika.
"Mafuta yanavyoingia hapa yanatupwa baharini watu wanasukuma kutoa nje hii mbinu siyo nzuri sana , ila kwa sasa inabidi tuende nayo tu hivyohivyo Amesema Prof.Chande.
Naye Kaimu Meneja wa Kanda ya Mashariki Bw.Fransis Mapunda amesema kuwa wanaishukuru Bodi ya wakurugenzi ya TBS kuwatembelea na kuwapa muongozo jinsi ya kutatua changamoto wanazopitia hasa katika kuhakikisha bidhaa zinazoingia nchini zinakidhi matakwa ya viwango.
Amesema katika Bandari hiyo wana ofisi ambayo imekuwa ikikagua mizigo inayoingia na inayopitia hapo kwenda visiwani Zanzibar na sehemu nyingine mbalimbali.
Pamoja na hayo Bw. Mapunda ametoa wito kwa wafanyabiashara kutumia ofisi ya TBS kupitisha mizigo yao kwani ni kituo rasmi kilichowekwa na serikali ili kuepuka hasara itakayopatikana baada ya kukamatwa kwa yule ambaye anakiuka utaratibu uliowekwa.
"Mizigo inayofika katika bandari hii ikichukua muda mrefu, inachukua masaa sita inakua imesha shughulikiwa itoke katika eneo hili hivyo basi natoa wito kwa wafanyabiashara wapitie kupitisha mizigo yao tuweze kuikagua kwa maana wakipitisha sehemu nyingine ile mizigo ikikamatwa itakua hasara kwao kwani itaenda kuteketezwa". Amesema Bw. Mapunda
Kwa Upande wake Mfanyabiashara wa Mafuta Bw.Frank Kimaro ameipongeza TBS kwa kuwapatia huduma nzuri ambayo haina usumbufu kwao kama wafanyabiashara hivyo amewaomba wafanyabiashara ambao wamekuwa wakienda kinyume na utaratibu uliowekwa na TBS kuacha kutumia njia zisizo sahihi na kuweza kupitia TBS ambao wamekuwa msaada mkubwa kwa wafanyabiashara.
"Ukiomba kibali ndani ya masaa mawili kila kitu kinakuwa kimeshasoma na changamoto ya mizigo midogomidogo labda kuhusu batch namba mengine wanatusaidia maafisa wa TBS"Amesema.
Monday, 6 November 2023
DKT.NGEUKA AWASILI NCHINI, KUSHIRIKI TAMASHA LA 15 LA JINSIA
NA EMMANUEL MBATILO, DAR ES SALAAM
ALIYEKUWA Mkurugenzi Mtendaji wa Shirika la UN Women duniani na Makamu wa Rais wa Afrika Kusini Dkt.Phumuzile Mlambo Ngeuka amewasili nchini leo Novemba 6,2023 usiku huu kwaajili ya kushiriki katika Tamasha la 15 la Jinsia ambalo linatarajiwwa kufanyika Novemba 7-10, 2023 katika Viwanja vya TGNP, Mabibo Jijini Dar es Salaam.
Mwenyekiti wa Bodi TGNP Mtandao, Bi.Gemma Akilimali na Mkurugenzi wa TGNP, Bi.Lilian Liundi walikuwa na jukumu la kumpokea mgeni huyo ambaye anatarajiwa kuwa mgeni rasmi katika Tamasha hiloKatika Tamasha hilo takribani watu zaidi ya 2000 wanategemewa kushiriki wakiwemo wawakilishi wa asasi za kirai kutoka ndani na nje ya nchi, viongozi mbalimbali na wananchi kwa ujumla.
Vilevile wageni kutoka nchi 14 kutoka mabara matatu duniani watashiriki, nchi hizo ni Ghana, Canada, Korea Kusini, India, Haiti, Eswatini, Afrika Kusini, Ethiopia, Zambia, Zimbabwe, Bangladesh, Uganda, Kenya na Tanzania.
MWANGA YANUFAIKA NA BIL. 3.4
Rais wa Jamhuri ya Muungano wa Tanzania, Mhe. Samia Suluhu Hassan ametoa kiasi cha Shilingi Bilioni 3.4 kwa ajili ya kuboresha miundombinu ya barabara, elimu, miradi ya maendeleo, afya na vifaa tiba katika halmashauri ya wilaya ya Mwanga Mkoani Kilimanjaro
Hayo yamebainishwa na Naibu Waziri wa Afya, Dkt. Godwin Mollel alipo mwakilishwa Waziri wa Fedha, Dkt. Mwigulu Nchemba katika kilele cha Harambee na Ibada ya kuadhimisha miaka saba ya Dayosisi ya KKKT Mwanga
Dkt. Mollel amesema kuwa katika fedha hizo zilizotolewa halmashauri hiyo itanufaika kwa kupatiwa Hospitali ya Wilaya itakayosaidia kutoa Huduma za afya kwa wakazi wa mwanga na maeneo jirani.
Vile vile amesema kuwa imesaidia kuongeza vifaa tiba, dawa pamoja na vitendanishi ili kuhakikisha wananchi wa halmashauri hiyo wanapata Huduma za afya kwa usahihi na wakati
“Nitoe wito kwenu kuendelea kumuombe Rais wetu mpendwa Dkt. Samia Suluhu Hassan ili aendelee kutuongoza vyema na kutuletea maendeleo wanamwanga na Taifa kwa ujumla”, amesisitiza Dkt. Mollel 
