MASWAYETU BLOG

Picha : MADIWANI WAWASILISHA TAARIFA ZA KATA... "MANISPAA YA SHINYANGA INA UPUNGUFU WALIMU WA KIUME, WATENDAJI... MWAMALILI HAWANA KABISA UMEME"

Unknown 17:52:00 NEWS No comments

Kikao cha Baraza la Madiwani wa Halmashauri ya Manispaa ya Shinyanga kikiendelea

Na Kadama Malunde - Malunde 1 blog

Mstahiki Meya wa Manispaa ya Shinyanga Mhe. Elias Ramadhan Masumbuko amesema Halmashauri ya Manispaa ya Shinyanga ina upungufu mkubwa wa walimu hasa walimu wa kiume hivyo kuiomba serikali kuangalia namna ya kutatua changamoto hiyo.

Masumbuko ametoa ombi hilo leo Jumatano Agosti 9,2023 wakati wa Kikao cha Baraza la Madiwani wa Halmashauri ya Shinyanga kilichokuwa na ajenda ya kupokea taarifa ya Utekelezaji wa shughuli mbalimbali kutoka katika kata kwa robo ya nne yam waka 2022/2023 kilichofanyika katika ukumbi wa halmashauri hiyo.
“Manispaa yetu ina upungufu mkubwa wa walimu hasa walimu wa kike, unakuta kuna shule ina walimu 13 lakini mwalimu wa kiume mmoja pekee. Tunaomba kuongezewa walimu na kuwe na uwiano wa walimu wa kiume na wa kike kwani wanafunzi wa kiume wana mahitaji mengine yanapaswa kusikilizwa na walimu wa kiume na wanafunzi wa kike nao wanahitaji kusikilizwa na walimu kike”,amesema Meya huyo wa Manispaa ya Shinyanga.

Mstahiki Meya wa Manispaa ya Shinyanga Mhe. Elias Ramadhan Masumbuko.

Aidha ameliomba Jeshi la polisi kuchukua hatua kwa waendesha pikipiki wanaokiuka kanuni na sharia za usalama barabani ikiwemo kupakia mizigo mikubwa kuzidi kiasi na kuathiri watumiaji wengine wa barabara.

“Polisi tunaomba bodaboda wanaopakia mbao mchukue hatua kwa sababu kuna malalamiko pikipiki zinachukua nafasi kubwa sana barabarani lakini zinabeba mzigo mkubwa juu ya kiwango kinachotakiwa”,amesema Masumbuko.

Kuhusu malalamiko ya wananchi yaliyowasilishwa na Diwani wa kata ya Mwamalili James Matinde juu ya kukosekana kwa huduma ya Umeme kwenye kata yote, Meya huyo amesema suaala hilo linashughulikiwa , Mkandarasi amepatikana na hivi karibuni huduma ya umeme itapelekwa kwenye vijiji vyote vitatu vya kata hiyo.

Kwa upande wake, Katibu Tawala wa Wilaya ya Shinyanga, Said Kitinga amewataka Madiwani kutilia mkazo suala la Lishe shuleni huku akihamasisha ujenzi wa vyoo kwenye baadhi ya shule ikiwemo shule ya Sekondari Uzogore zenye upungufu wa matundu ya vyoo kwani kukosekana kwa vyoo kunafanya utu ukosekane.

Kaimu Mkurugenzi wa Manispaa ya Shinyanga ambaye ni Mwanasheria Dorice Dario amesema juhudi za serikali zinafanyika ili kuweza kupata watumishi wakiwemo maafisa watendaji na suala la shule ikiwemo Uzogore Sekondari linashughulikiwa haraka na liliwekwa kwenye mpango wa bajeti wa mwaka wa fedha huu.

Licha ya mafanikio yaliyofikiwa kupitia kikao hicho, Madiwani wamezitaja miongoni mwa changamoto zilizopo ni upungufu wa madarasa, uhaba wa matundu ya vyoo, kukosekana kwa huduma ya maji katika baadhi ya shule, upungufu wa maafisa watendaji ,ukosefu wa umeme kwenye baadhi ya maeneo mfano kata ya Mwamalili ambayo vijiji vyote havina umeme na upungufu wa walimu kwenye baadhi ya shule.

ANGALIA PICHA HAPA CHINI

Mstahiki Meya wa Manispaa ya Shinyanga Mhe. Elias Ramadhan Masumbuko akizungumza kwenye kikao cha Baraza la Madiwani wa Halmashauri ya Manispaa ya Shinyanga leo Jumatano Agosti 9,2023. Picha na Kadama Malunde - Malunde 1 blog

Mstahiki Meya wa Manispaa ya Shinyanga Mhe. Elias Ramadhan Masumbuko akizungumza kwenye kikao cha Baraza la Madiwani wa Halmashauri ya Manispaa ya Shinyanga

Naibu Meya wa Manispaa ya Shinyanga Mhe. Esther Makune akizungumza kwenye kikao cha Baraza la Madiwani wa Halmashauri ya Manispaa ya Shinyanga

Mkurugenzi wa Manispaa ya Shinyanga Alexius Kagunze akizungumza kwenye kikao cha Baraza la Madiwani wa Halmashauri ya Manispaa ya Shinyanga

Kikao cha Baraza la Madiwani wa Halmashauri ya Manispaa ya Shinyanga kikiendelea

Kaimu Mkurugenzi wa Manispaa ya Shinyanga ambaye ni Mwanasheria Dorice Dario akizungumza kwenye kikao cha Baraza la Madiwani wa Halmashauri ya Manispaa ya Shinyanga

Katibu Tawala wa Wilaya ya Shinyanga, Said Kitinga akizungumza kwenye kikao cha Baraza la Madiwani wa Halmashauri ya Manispaa ya Shinyanga

Mwenyekiti wa CCM wilaya ya Shinyanga Mjini, Anord Makombe akizungumza kwenye kikao cha Baraza la Madiwani wa Halmashauri ya Manispaa ya Shinyanga

Kikao cha Baraza la Madiwani wa Halmashauri ya Manispaa ya Shinyanga kikiendelea

Picha zote na Kadama Malunde - Malunde 1 blog

ATE, ILO WAKUTANA NA WADAU SEKTA BINAFSI KUJADILI MASUALA YA UKIMWI MAHALA PA KAZI

Unknown 14:52:00 NEWS No comments

Mkutano wa majadiliano wa sekta binafsi na wadau kujadili mchango wa sekta binafsi katika kuzuia maambukizi ya UKIMWI katika Maeneo ya Kazi. Mkutano huo umefanyika leo Augosti 9,2023 Jijini Dar es Salaam

Mtendaji Mkuu wa ATE, Bi. Suzanne Ndomba akizungumza katika mkutano wa majadiliano wa sekta binafsi na wadau kujadili mchango wa sekta binafsi katika kuzuia maambukizi ya UKIMWI katika Maeneo ya Kazi. Mkutano huo umefanyika leo Augosti 9,2023 Jijini Dar es Salaam

Katibu Mkuu wa Shirikisho la Vyama vya Wafanyakazi Nchini ( TUCTA), Bw. Herry Mkunda akizungumza katika mkutano wa majadiliano wa sekta binafsi na wadau kujadili mchango wa sekta binafsi katika kuzuia maambukizi ya UKIMWI katika Maeneo ya Kazi. Mkutano huo umefanyika leo Augosti 9,2023 Jijini Dar es Salaam

Afisa Program Mwandamizi kutoka Shirika la Kazi Duniani Kanda ya Afrika Mashariki (ILO), Bw. Edmond Moshi akizungumza katika mkutano wa majadiliano wa sekta binafsi na wadau kujadili mchango wa sekta binafsi katika kuzuia maambukizi ya UKIMWI katika Maeneo ya Kazi. Mkutano huo umefanyika leo Augosti 9,2023 Jijini Dar es Salaam

Wadau mbalimbali kutoka sekta binafsi wakiwa kwenye mkutano wa majadiliano wa sekta binafsi na wadau kujadili mchango wa sekta binafsi katika kuzuia maambukizi ya UKIMWI katika Maeneo ya Kazi. Mkutano huo umefanyika leo Augosti 9,2023 Jijini Dar es Salaam

(PICHA ZOTE NA EMMANUEL MBATILO)

*******************

NA EMMANUEL MBATILO, DAR ES SALAAM

CHAMA cha Waajiri Tanzania (ATE) kwa kushirikiana na Shirika la Kazi Duniani (ILO) wameandaa mkutano wa majadiliano wa sekta binafsi na wadau kujadili mchango wa sekta binafsi katika kuzuia maambukizi ya UKIMWI katika Maeneo ya Kazi.

Akizungumza katika Mkutano huo leo Augosti 9,2023 Jijini Dar es Salaam, Mtendaji Mkuu wa ATE, Bi. Suzanne Ndomba amesema uwepo wa mkutano huo ni katika kutekeleza mpango mkakati wa Dunia wa kumaliza janga la UKIMWI ifikapo mwaka 2030.

Amesema mchango mkubwa unaotolewa na ATE katika kuzikutanisha Sekta Binafsi na Wadau kupitia Programu mbalimbali za afya na masuala ya UKIMWI katika maeneo ya Kazi kwa kuzingatia Dunia iko katika mpango mkakati wa kumaliza janga la UKIMWI ifikapo mwaka 2030.

"Pamoja na hatua kubwa ambazo Tanzania imepiga katika kutokomeza UKIMWI, bado kuna kazi kubwa ya kufanya na wadau wote ili kupata Tanzania isiyo na VVU/UKIMWI na kuwa ATE kwa kushirikiana na Serikali na Wadau wengine wataendelea kuunga mkono juhudi zote za kufikia lengo ifikapo mwaka 2030". Amesema Bi.Suzanne

Naye Katibu Mkuu wa Shirikisho la Vyama vya Wafanyakazi Nchini ( TUCTA), Bw. Herry Mkunda ambaye pamoja na mambo mengine amewaomba wadau wote kuendeleza ushirikiano katika kuhamasisha masuala ya UKIMWI na Afya na Usalama mahala pa Kazi ili kufikia malengo ya mkakati wa 95% hadi kufikia mwaka 2030.

"Katika sehemu ya kazi tunatakiwa tulinde wafanyakazi kwasababu muajiri hawezi kupata faida kama wafanyakazi hawana afya nzuri kwahiyo pamoja na mambo mengine isiwe UKIMWI pekee bali hata magonjwa mengine yasiyoambukiza, hii itaweza kuondoa changamoto ya Afya sehemu ya kazi" Amesema

Pamoja na hayo amewaomba waajiri kuhakikisha wanaweka mipango ya kupambana na UKIMWI sehemu za kazi kama sehemu za bajeti zao lakini pia kuwe na utaratibu maalumu wa kupambana na magonjwa yasiyo ya kuambukiza"

Kwa upande wake Afisa Program Mwandamizi kutoka Shirika la Kazi Duniani Kanda ya Afrika Mashariki (ILO),Edmund Moshi alisema katika utekelezaji wa afya mbalimbali za eneo la afya bado kuna mambo mengi ya kufanya ikiwemo kuendeleza juhudi za kuhakikisha kwamba UKIMWI unaisha lakini pia pale ambapo upo watu wanaendelea kupewa msaada wanaohitaji ili kuendelea kuwa na Tija mahali pa kazi.

Mkutano huo umebeba kauli mbiu inayosema *“UKIMWI bado ni Ajenda Endelevu” yaani “AIDS is an unfinished Business.” Mkutano huu, Utatafuatiwa na mafunzo ya siku tatu wa Wakufunzi wa Rika “Peer Educators Training” yenye lengo la kuwajengea uwezo kuhusiana na masala ya UKIMWI na Afya katika maeneo ya kazi.

Hata hivyo Mafunzo hayo yamebeba kaulimbiu inayosema “Mafunzo kwa Waelimishaji Rika katika Maeneo ya Kazi ni Msingi Endelevu katika mapambano dhidi ya UKIMWI: Wakati ni sasa” yaani Workplace Peer Education is Key for Sustainability of HIV/Wellness Programs: Time to Act!”

Na vilevile Mkutano huo umehudhuriwa pia na Mkurugenzi Mkaazi wa UNAIDs, Dkt. Martin. Ordiit, Mwakilishi kutoka Tume ya Taifa ya Kudhibiti UKIMWI ( TACAIDs), Mwakilishi kutoka Ofisi ya Kamishna wa Kazi pamoja na wadau mbalimbali wa Masuala ya UKIMWI kutoka ndani na nje ya Nchi.

RITA YAPEWA KONGOLE USAJILI, ELIMU MAONESHO NANE NANE 2023

Unknown 12:52:00 NEWS No comments

Kabidhi Wasii Mkuu na Afisa Mtendaji Mkuu wa RITA Bw. Frank Kanyusi akimkabidhi cheti cha kuzaliwa mmoja wa wananchi kwenye maonesho ya kimataifa ya kilimo Nane Nane katika viwanja vya John Mwakangale Mkoani Mbeya

*****

Wananchi Mkoa wa Mbeya na Maeneo ya Jirani wameipongeza RITA kwa Kutoa Elimu,kufanya Usajili na Kutoa Vyeti vya kuzaliwa kwenye maonesho ya Kimataifa ya Kilimo Nane Nane 2023 katika viwanja vya John Mwakangale Mkoani Mbeya.

Wakizungumza kwa nyakati tofauti tofauti wananchi hao wamesema kuwa wamenufaika pakubwa kwa Elimu kuhusiana Wosia na mambo ya Ndoa huku wakiisifu zaidi kwa kuwapatia vyeti vyao hapo hapo kwenye maonesho hayo.

"Mimi nilipata ruhusa ya siku mbili nikasema nikajaribu kufuatilia japo sikua na uhakika lakini nashukuru Mungu nmepata cheti changu hiki hapa sahizi naenda kuomba zangu Chuo",amesema Anita Mwakilasa mmoja wa wananchi waliopata cheti Nanenane.

"Siku zote Huwa nasema ntaandika kesho kesho lakini nawapongeza hawa RITA wamenielimisha kwanza Wosia sio Uchuro na Wosia ni siri sasa nina amani na nitaenda waniandikie", ameongeza Stani Ngimba.

Aidha Kabidhi Wasii Mkuu na Afisa Mtendaji Mkuu wa RITA Bw. Frank Kanyusi na Naibu Kabidhi Wasii Mkuu Bi. Irene Lesulie wameshiriki kilele cha Maonesho ya kimataifa ya Kilimo ya nane nane kitaifa mkoani Mbeya Pamoja na mambo mengine viongozi hao walishiriki katika kutoa huduma na kukabidhi vyeti vya kuzaliwa kwa wananchi katika Banda la Wakala.