KAMATI YA KUDUMU YA BUNGE YA BAJETI YAIPONGEZA WIZARA YA MALIASILI NA UTALII KWA MATUMIZI MAZURI YA FEDHA ZA UMMA

Mwenyekiti wa Kamati ya Kudumu ya Bunge ya Bajeti, Mhe. Daniel Sillo akizungumza na wananchi wakati wa ziara ya Kamati ya Kudumu ya Bunge ya Bajeti katika Pori la Akiba Mkungunero lililopo Wilaya ya Kondoa Mkoani Dodoma

Katibu Mkuu, Wizara ya Maliasili na Utalii, Prof. Eliamani Sedoyeka akiishukuru Kamati ya Kudumu ya Bunge ya Bajeti baada ya ziara ya kukagua miradi ya ujenzi wa lango la kuingilia wageni, barabara ya kilomita 47.2 na ujenzi wa Picnic Site. kwenye Pori la Akiba Mkungunero lililopo Wilaya ya Kondoa Mkoani Dodoma.Afisa Uhifadhi Miundombinu wa Mamlaka ya Usimamizi wa Wanyamapori Tanzania (TAWA), Noti Mgaya akitoa maelezo kwa Kamati ya Kudumu ya Bunge ya Bajeti kuhusu ujenzi wa Picnic Site katika Pori la Akiba Mkungunero lililopo Wilaya ya Kondoa Mkoani DodomaNaibu Waziri wa Maliasili na Utalii, Mhe. Mary Masanja (Mb) akitoa ufafanuzi kwa Kamati ya Kudumu ya Bunge ya Bajeti kuhusu mradi wa ujenzi wa barabara yenye urefu wa kilomita 47.2 katika Pori la Akiba Mkungunero lililopo Wilaya ya Kondoa Mkoani Dodoma

Kamati ya Kudumu ya Bunge ya Bajeti ikikagua mradi wa ujenzi wa barabara yenye urefu wa kilomita 47.2 katika Pori la Akiba Mkungunero lililopo Wilaya ya Kondoa Mkoani Dodoma.

*************

Mwenyekiti wa Kamati ya Kudumu ya Bunge ya Bajeti, Mhe. Daniel Sillo ameipongeza Wizara ya Maliasili na Utalii kwa matumizi mazuri ya fedha za umma katika utekelezaji wa miradi ya ujenzi wa lango la kuingilia wageni, barabara ya kilomita 47.2 na ujenzi wa Picnic Site. kwenye Pori la Akiba Mkungunero.

Ameyasema hayo leo wakati wa ziara ya Kamati ya Kudumu ya Bunge ya Bajeti ya kukagua utekelezaji wa miradi mbalimbali kwenye Pori la Akiba Mkungunero lililopo Wilaya ya Kondoa Mkoani Dodoma.

“Tuipongeze Wizara ya Maliasili na Utalii kwa usimamizi mzuri wa fedha hizi za umma ambazo zinaleta tija katika suala zima la maliasili na utalii hapa nchini” Mhe. Sillo amesisitiza.

Amesema Wizara ya Maliasili na Utalii ilipata kiasi cha shilingi bilioni 90.2 ambapo bilioni 12.9 ilikabidhiwa Mamlaka ya Usimamizi wa Wanyamapori Tanzania (TAWA) na kisha kiasi cha shilingi milioni 672 kupelekwa Pori la Akiba la Mkungunero kwa ajili ya kuboresha eneo hilo ili kuvutia wawekezaji na watalii.

Amefafanua kuwa uboreshaji wa miundombinu ya Pori ya Akiba la Mkungunero utafungua fursa za utalii nchini Tanzania na pia itaongeza uchangiaji wa Sekta ya Maliasili na Utalii kwenye pato la Taifa ambapo kwa sasa sekta hiyo inachangia takribani asilimia 17 ya pato la Taifa na asilimia 25 ya fedha za kigeni.

Naye, Naibu Waziri wa Maliasili na Utalii, Mhe. Mary Masanja (Mb) Wizara ya Maliasili na Utalii ilifaidika na mgao wa fedha za Mpango wa Maendeleo kwa Ustawi wa Taifa na Mapambano dhidi ya UVIKO-19 ambapo ilipokea kiasi cha shilingi bilioni 88.57 sawa na asilimia 98 ya mpango huo.

Amefafanua kuwa Pori la Akiba Mkungunero ilitengewa kiasi cha shilingi milioni 672 na mpaka sasa fedha hizo zimepokelewa zote na zimepangwa kutekeleza miradi mitatu ambayo ni ujenzi wa lango la kuingilia wageni, barabara ya kilomita 47.2 na ujenzi wa Picnic Site.

Kamati ya Kudumu ya Bunge ya Bajeti iko Wilayani Bababti na inaendelea na ziara ya kukagua miradi mbalimbali inayotekelezwa na Wizara ya Maliasili na Utalii.

Read More →

HAYA HAPA MAGAZETI YA LEO JUMATANO JULAI 6,2022

Magazetini leo Jumatano July 6 2022

 

Read More →

KUTANA NA MZEE ANAYE TREND NA MSEMO MAARUFU WA "KATA SIMU TUPO SITE"

Iwapo umedurusu mitandao ya kijamii, huenda umekutana na video ya mzee mmoja kwenye simu yake akimtaka aliyempigia kukata simu kwa kutumia neno "Kata simu kata simu tupo site we don't like disturbance of the head you understand."

Tayari wanamtandao wengi wanatumia msemo huo kama meme, video, na pia katika majukwaa ya kisiasa ikiwa ni pamoja na uzinduzi wa manifesto ya kiongozi wa chama cha Roots George Wajackoyah. Aliyeanzisha msemo huo ni msanii mcheshi, Umar Iahbedi Issa almaarufu Mzee Mjegeje mwenye kutoka nchini Tanzania.

Akizungumza katika mahojiano ya awali, Mzee Megeje alibainisha kuwa anavutiwa na sanaa na anataka kuunda maudhui ambayo yanawavutia hadhira.

Mjegeje aliyezaliwa na kukulia huko Bagamoyo, Tanzania, alijieleza kuwa ni mfanyabiashara ambaye alitafuta riziki kutokana na ujasiriamali. Kabla ya kujitosa kwenye sanaa, mchekeshaji huyo mwenye utata alikuwa anamiliki hoteli kubwa nchini Tanzania ambayo ni biashara yenye faida ambayo alikuwa ameweka akiba yake ili kuanzisha.

Hoteli hiyo yenye makao yake makuu katikati ya jiji la Tanga, ilionekana kuwa eneo la kimkakati huku wateja mbalimbali wakimiminika kwa ajili ya kupata chakula. Hata hivyo, alidai kuwa wafanyikazi wake walihusudu mafanikio ya biashara yake na walipanga mpango wa kuangusha biashara yake. Wakati huo, alikuwa akijishughulisha na mipango ya harusi na mpenzi wake, na hivyo kuacha biashara chini ya uangalizi wa wafanyikazi. Alidai kuwa wafanyakazi hao waliharibu biashara yake.

“Nilikuwa na mali nyingi lakini kwa kusalitiwa na marafiki na wafanyakazi, waliniacha na madeni makubwa yaliyoniacha katika hali mbaya ya kifedha.” "Kwa muda wa miezi mitatu, sikuondoka nyumbani kutokana na wakusanyaji wa madeni walikuwa wakinitafuta," alisimulia. Akifunga duka, Megeje alibainisha kuwa alijitosa katika muziki na ubunifu wa maudhui kwa kutumia ujuzi wake wa kuchekesha.

Mchekeshaji huyo alifichua kuwa alitengana na mkewe, lakini akabainisha kuwa bado wana uhusiano mzuri na pamoja wamejaliwa mtoto mmoja.

Aliwashauri vijana kufanya kazi kwa bidii na kujipatia kipato kutokana na jasho lao na pia alisisitiza umuhimu wa kitengo cha familia katika jamii.

Read More →

BENKI YA CRDB KATIKA MAONESHO YA 46 YA SABASABA

Mgeni Rasmi katika Maonesho ya 46 ya Biashara ya Kimataifa ya Dar es Salaam (Sabasaba), Katibu Mkuu wa Sekretarieti ya Eneo Huru la Biashara Barani Afrika, Wankele Mene (kulia) akipata maelezo kutoka kwa Kaimu Mkurugenzi wa Wateja Wadogo na wa Kati wa Benki ya CRDB, Bonaventure Paul, wakati alipotembelea banda hilo, katika ufunguzi rasmi wa maonesho hayo yanayaendelea kufanyika katika Viwanja vya Sabasaba, jijini Dar es salaam. Kushoto ni Waziri wa Uwekezaji, Viwanda na Biashara, Dkt. Ashatu Kijaji.

Mgeni Rasmi katika Maonesho ya 46 ya Biashara ya Kimataifa ya Dar es Salaam (Sabasaba), Katibu Mkuu wa Sekretarieti ya Eneo Huru la Biashara Barani Afrika, Wankele Mene (wa pili kulia) akipata maelezo kutoka kwa Meneja wa Benki ya CRDB tawi la sabasaba, Angelita Msaki (kulia), pindi alipotembelea banda hilo, wakati wa ufunguzi rasmi wa maonesho hayo yanayaendelea kufanyika katika Viwanja vya Sabasaba, jijini Dar es salaam. Kushoto ni Waziri wa Uwekezaji, Viwanda na Biashara, Dkt. Ashatu Kijaji, akifuatiwa na Kaimu Mkurugenzi wa Wateja Wadogo na wa Kati wa Benki ya CRDB, Bonaventure Paul.

Naibu Spika wa Baraza la Wawakilishi Zanzibar, Mgeni Hassan Juma (kushoto) akisaini kitabu cha wageni wakati alipotembelea banda la Benki ya CRDB katika Maonesho ya 46 ya Biashara ya Kimataifa ya Dar es Salaam (Sabasaba), yanayaendelea kufanyika katika Viwanja vya Sabasaba, jijini Dar es salaam. Wengine pichani ni Meneja wa Biashara wa Kanda ya Mashariki, George Yatera (katikati) pamoja na Meneja wa Benki ya CRDB tawi la sabasaba, Angelita Msaki.

Mkuu wa Kitengo cha Masoko wa Benki ya CRDB, Joseline Kamuhanda (kushoto) akizungumza na Meneja wa Benki ya CRDB tawi la sabasaba, Angelita Msaki, wakati wa maandalizi ya kumkaribisha Mgeni Rasmi wa Maonesho ya 46 ya Biashara ya Kimataifa ya Dar es Salaam (Sabasaba), Katibu Mkuu wa Sekretarieti ya Eneo Huru la Biashara Barani Afrika, Wankele Mene, katika banda lao.

Mkuu wa Kitengo cha Wateja Wadogo na wa Kati wa Benki ya CRDB, Stephen Adili (kushoto) akizungumza na Mkurugenzi wa Diaspora wa Wizara ya Mambo ya Nje na Ushirikiano wa Afrika Mashariki, James Bwana akiyetembelea banda la Benki ya CRDB katika Maonesho ya 46 ya Biashara ya Kimataifa ya Dar es Salaam (Sabasaba), jijini Dar es salaam. Kulia ni Meneja wa Benki ya CRDB tawi la sabasaba, Angelita Msaki.

Read More →

BENKI YA CRDB NA WAKALA WA SERIKALI MTANDAO ZANZIBAR WAINGIA MAKUBALIANO

Mkurugenzi Mtendaji wa Benki ya CRDB, Abdulmajid Nsekela (kushoto) akibadilishana hati na Mkurugenzi Mtendaji wa Wakala wa Serikali Mtandao Zanzibar (E-Government ), Said Seif Said muda mfupi baada ya kutiliana saini ya makubaliano ya ushirikiano wa Huduma ya Malipo kwa Mtandao baina ya Benki ya CRDB na Wakala wa Serikali Mtandao Zanzibar (E-Government), utakaolenga kuboresha huduma zitolewazo kwa Wateja na Watanzania kwa ujumla ikiwa ni pamoja na kurahisisha ukusanyaji mapato, malipo ya Taasisi za Serikali na binafsi ikiwamo ada na kusaidia ukuaji wa utalii kwa kuwa na kituo kimoja cha makusanyo (one centre collection). Hafla hiyo imefanyika leo kwenye Hoteli ya Park Hyatt, Unguja, Zanzibar.

Mkurugenzi Mtendaji wa Benki ya CRDB, Abdulmajid Nsekela (kushoto) na Mkurugenzi Mtendaji wa Wakala wa Serikali Mtandao Zanzibar (E-Government ), Said Seif Said wakitiliana saini ya makubaliano ya ushirikiano wa Huduma ya Malipo kwa Mtandao baina ya Benki ya CRDB na Wakala wa Serikali Mtandao Zanzibar (E-Government), utakaolenga kuboresha huduma zitolewazo kwa Wateja na Watanzania kwa ujumla ikiwa ni pamoja na kurahisisha ukusanyaji mapato, malipo ya Taasisi za Serikali na binafsi ikiwamo ada na kusaidia ukuaji wa utalii kwa kuwa na kituo kimoja cha makusanyo (one centre collection). 

Mkurugenzi Mtendaji wa Benki ya CRDB, Abdulmajid Nsekela (wa pili kushoto) akizungumza katika hafla fupi ya kutiliana saini makubaliano ya ushirikiano wa Huduma ya Malipo kwa Mtandao baina ya Benki ya CRDB na Wakala wa Serikali Mtandao Zanzibar (E-Government), utakaolenga kuboresha huduma zitolewazo kwa Wateja na Watanzania kwa ujumla ikiwa ni pamoja na kurahisisha ukusanyaji mapato, malipo ya Taasisi za Serikali na binafsi ikiwamo ada na kusaidia ukuaji wa utalii kwa kuwa na kituo kimoja cha makusanyo (one centre collection), katika hafla iliyofanyika leo kwenye Hoteli ya Park Hyatt, Unguja, Zanzibar. Kushoto ni Mkurugenzi wa Mawasiliano wa Benki ya CRDB, Tully Esther Mwambapa.

Mkurugenzi Mtendaji wa Wakala wa Serikali Mtandao Zanzibar (E-Government ), Said Seif Said (kulia) akizungumza katika hafla fupi ya kutiliana saini makubaliano ya ushirikiano wa Huduma ya Malipo kwa Mtandao baina ya Benki ya CRDB na Wakala wa Serikali Mtandao Zanzibar (E-Government), utakaolenga kuboresha huduma zitolewazo kwa Wateja na Watanzania kwa ujumla ikiwa ni pamoja na kurahisisha ukusanyaji mapato, malipo ya Taasisi za Serikali na binafsi ikiwamo ada na kusaidia ukuaji wa utalii kwa kuwa na kituo kimoja cha makusanyo (one centre collection), katika hafla iliyofanyika leo kwenye Hoteli ya Park Hyatt, Unguja, Zanzibar.

Afisa Mkuu wa Fedha wa Benki ya CRDB, Fredrick Nshekanabo (kushoto) na Afisa Mkuu wa Biashara wa Benki ya CRDB, Boma Raballa wakifatilia hafla ya kutiliana saini ya makubaliano ya ushirikiano wa Huduma ya Malipo kwa Mtandao baina ya Benki ya CRDB na Wakala wa Serikali Mtandao Zanzibar (E-Government), utakaolenga kuboresha huduma zitolewazo kwa Wateja na Watanzania kwa ujumla ikiwa ni pamoja na kurahisisha ukusanyaji mapato, malipo ya Taasisi za Serikali na binafsi ikiwamo ada na kusaidia ukuaji wa utalii kwa kuwa na kituo kimoja cha makusanyo (one centre collection), katika hafla iliyofanyika leo kwenye Hoteli ya Park Hyatt, Unguja, Zanzibar.

Read More →