CELINA GOMBANILLAH, MFANYAKAZI BORA MGODI WA BULYANHULU ANAYEAMINI UUGUZI NI KAZI YA WITO

Celina Gombanillah

**

Kufanya kazi ya Uuguzi kunahitaji kuwa na moyo wa kujituma na kujitolea, pamoja na kusomea taaluma hiyo bado Wauguzi wanapokuwa kazini mbali na kuwasaidia wagonjwa kupata huduma za kiafya bado wanakumbana na kazi mbalimbali nje ya majukumu yao ya kikazi ambazo wanazitekeleza kuhakikisha wagonjwa wako katika hali nzuri.

Celina Gombanillah, Muuguzi wa Zahanati iliyopo katika Mgodi wa Dhahabu wa Barrick Bulyanhulu, anaamini kuwa kusaidia watu ni wito wake. "Ikiwa kuna kazi ambayo inahitaji mtu kutumia viwango vya juu vya taaluma na kuifanya kwa weredi wakati wote, basi ni uuguzi kwa sababu inahusisha kuokoa maisha," Celina anasema.

Katika mahojiano hivi karibuni, Gombanillah, alisema alijiunga na Kampuni ya Barrick, katika Mgodi wa Bunyanhulu, mnamo mwaka 2011, kabla ya hapo alifanya kazi hiyo ya uuguzi katika kituo cha afya cha Mgodi wa kampuni ya Madini ya Mwadui , baada ya kuhitimu mafunzo ya stashahada ya uuguzi katika Chuo cha Nkinga kilichopo wilayani Igunga, mkoani Tabora.

“Kwenye maeneo ya Migodi nimeweza kukutana na watu wengi kutoka Mataifa mbalimbali ambapo nimejifunza mambo mengi kuhusiana na fani yangu kuendana na viwango vya juu vya utendaji kazi vilivyopo kwenye makampuni yanayomiliki migodi. Namudu vizuri kazi yangu na kufuata taratibu sambamba na kuhakikisha malengo na matarajio yaliyowekwa na mwajiri wangu yanafikiwa,” alisema Gombanillah.

Anasema amefurahi mchango wake wa kazi unathaminiwa na kampuni ambapo mwaka jana alipata tuzo kwa kutangazwa kuwa kuwa Mfanyakazi Bora wa Mwaka wa Mgodi wa Bulyangulu kwa 2021, hatua ambayo alidai imezidi kumpa moyo wa kufanya kazi yake kwa bidii zaidi.

Alipoulizwa siri kubwa ya mafanikio hayo, alisema yanatokana na kupata ushirikiano mkubwa kutoka kwa wafanyakazi wenzake ambao wakati wote wamekuwa wakimpatia ushirikiano mkubwa pia kampuni imekuwa ikiandaa mafunzo mbalimbali ya kuwajengea uwezo anadai yamemsaidia katika safari yake ya mafanikio.

Pia alisema anavutiwa na sera za mwajiri wake za kutoa fursa kwa Wanawake sawa na Wanaume katika kazi za migodini . "Nafurahi kuona idadi ya wafanyakazi Wanawake kwenye migodi inazidi kuongezeka, ukitembelea migodi unakuta Wanawake wakifanya kazi kwenye vitengo mbalimbali vikiwemo vya Uhandisi na Jiolojia.Kwenye nafasi za Uongozi pia kuna idadi kubwa ya Wanawake” alisema Celina.

Vile vile aliongeza kuwa uwekezaji mkubwa wa Barrick, kwenye matumizi ya teknolojia za kisasa za kimataifa kwenye migodi yake, kumemwezesha kujua mambo mengi ya matumizi ya vifaa vya tiba vya kisasa na kujenga mazingira bora ya kufanyia kazi yenye viwango vya juu vya kimataifa.

Kuhusu changamoto anazokumbana nazo katika kazi yake,alisema ni za kawaida kwa kuwa hakuna kazi yoyote isiyokuwa na changamoto.”Changamoto kwangu huwa nazichukulia kama ni sehemu ya kujifunza mambo mapya” alisema.

Celina alitoa wito kwa Wauguzi wenzake na wote wanaotaka kusomea fani hiyo kuhakikisha wanakuwa na weledi katika fani hiyo pia wanafanya kazi kwa umakini na ufanisi wakati wote ili kukidhi matakwa ya wagonjwa wanaotegemea kupata huduma nzuri kutoka kwao.

Akiongelea uchapakazi wake, Mkuu wa idara anayofanyia kazi, Dk. Said Kudra, alisema kuwa Celina ni mfanyakazi anayetegemewa kutokana na kujituma na kufanya kazi yake kwa weredi mkubwa ambaye yuko tayari wakati wowote kuhudumia wagonjwa hata baada ya muda wa saa za kazi.

Kuhusiana na malengo yake ya baadaye alisema anataka kujiendeleza zaidi kitaaluma ili aendelee kutoa huduma kwa ufanisi mkubwa.

Read More →

WANAWAKE KAGUNGA WALIA KUTELEKEZWA

 

Wananchi wa vijiji vya Kagunga na Zashe wilaya ya Kigoma mkoani wakisikiliza maelezo kuhusu utoaji wa taarifa kwenye vituo vya taarifa na maarifa kusaidia kutoa taarifa za vutendo vya ukatili vinavyotokea kwenye maeneo yao.

**

Na Fadhili Abdallah,kigoma

 

Wanawake wanaoishi katika Kata ya Kagunga wilaya ya Kigoma Mkoani Kigoma Mpakani mwa Tanzania na Burundi wamelalamikia vitendo vya waume zao kutelekeza familia na hivyo kusababisha maisha duni ya wanawake na watoto.

 

Wakizungumza wakati watendaji wa Mtandao wa jinsia Tanzania (TGNP) wakiendesha mkutano ya uelimishaji na uhamasishaji jamii kutoa taarifa kwa mamlaka za serikali na wadau wa kuzuia ukatili ikiwa ni mpango wa mtandao huo kuiongeza uelewa kwa jamii kupiga vitendo vya ukatili kwa wanawake na watoto.

 

Mmoja wa wanawake hao,Lucia Marco alisema kuwa kutokana na kutelekezwa huko familia nyingi zimekuwa zikiendeshwa na wanawake ambao wengi wao hawakuwa na shughuli za kiuchumi hivyo kusababisha hali ngumu kwa familia kupata mahitaji ya msingi sambamba na kuchangia wanafunzi kuacha kwenda shule kwa kukosa mahitaji muhimu ya shule.

 

“Familia nyingi zimebaki zikilelewa na wanawake ambao kulingana na Jiografia ya eneo hilo imekuwa ni vigumu kuendesha maisha kwani Shughuli kubwa ya kiuchumi inayofanyika ni Uvuvi ambao kwa akina mama imekuwa ni vigumu kujishughulisha nayo,”Alisema Licia Marco.

 

Naye Sabina Marco alisema kuwa miongoni mwa sababu zinazochangia wanaume kutekeleza familia kunatokana na wivu wa kimapenzi ambapo mwanaume anakuwa na wanawake wengine wan je hivyo migogoro ya kifamilia inapoanza wanaume huondoka na kuhamia kwa wanawake hao hasa wale wenye uchumi na wanajishughulisha na shughuli zinazowaingizia kipato.

 

waume zmmoja wa wananAidha wameeleza Ujirani na nchi ya Uburundi nao umekuwa ukichochea Familia nyingi kutengena hasa kwa wakazi wa vijiji jirani kutoka nchini humo wanapoingia katika eneo hilo na kuanzisha uhusiano na na wanaume au wanawake ambal tayari wanakuwa na familia.

 

Aidha inaelezwa kuwa baadhi ya wavuvi kutoka Burundi wanapofika maeneo yao kwa shughuli za uvuvi wanajenga mahusiano na kuwazalisha na baadaye kurudi kwao wakiwaacha wanawake na watoto bila msaada wowote.

 

Akieleza kuhusu uwepo wa changamoto hiyo Afisa maendeleo ya Jamii halmashauri ya wilaya ya Kigoma, George Mselem alisema kuwa katika  Kukabiliana na changamoto hiyo wameanza kutoa elimu kwa wanawake kutoka makundi mbalimbali wakiwemo wajane na waliotelekezwa kujiunga kwenye  Vikundi vya uzalishaji  ili iwe rahisi kupata mikopo na kuanzisha shughuli za kuwaingizia kipato.

 

Alisema kuwa pamoja na hilo wamekuwa wakitoa elimu na kuhamasisha wakina mama hao kutoa taarifa za vitendo vya ukatili na utelekezwaji wa familia ili waweze kufuatilia waume zao waweze kuhudumia familia hata kama hawapo nyumbani ambalo ndiyo jukumu lao la Msingi.

 

Akizungumza katika mikutano hiyo Mratibu wa vituo vya taarifa na maarifa vinavyosimamiwa na Mtandao wa jinsia Tanzania (TGNP), Flora Ndabaniye  alisema kuwa nia ya kuendesha vituo hivyo ni kuwezesha kutolewa kwa taarifa za vitendo vya ukatili wa kijinsia vinavyofanywa kwenye ngazi ya familia.

 

Alisema kuwa vituo hivyo vinawezesha kutolewa kwa elimu kwa jamii ili waone na kujua umuhimu kwa wahanga wa vitendo vya ukatili kutoa taarifa ili watuhumiwa wa vitendo hivyo waweze kuchukuliwa hatua.

 

Kata ya Kagunga inaundwa na Vijiji 13 ambavyo kwa ujumla ni wakazi 2406 ambao kwa zaidi ya asilimia 90 wanategemea uchumi wa Ziwa Tanganyika kupitia shughuli ya Uvuvi.

Amina Joseph mkazi wa Kagunga akizungumza kwenye kikao hicho kuhusu masuala ya ukatili

Ashura Yassini akizungumza kwenye kikao hicho kuhusu masuala ya ukatili

 

Wananchi wa vijiji vya Kagunga na Zashe wilaya ya Kigoma mkoani wakisikiliza maelezo kuhusu utoaji wa taarifa kwenye vituo vya taarifa na maarifa kusaidia kutoa taarifa za vutendo vya ukatili vinavyotokea kwenye maeneo yao.

Read More →

FAMARA ENTERTAINMENT , UVCCM MWANZA KUSHIRIKIANA KUINUA WASANII NA WACHEZAJI

KATIKA kuhakikisha Sanaa na Utamaduni wa Mkoa Mwanza inakua kwa kishindo, Mtendaji Mkuu wa Taasisi ya Famara Entertainment Fabian Fanuel amekutana na Katibu Mkuu wa Umoja wa Vijana (UVCCM) Mkoa wa Mwanza na kufanya mazungumzo ya kina ya jinsi ya kuweza kuinua Sanaa na Utamaduni Mkoani hapo.

Katika mazungumzo hayo yaliyofanyika katika ofisi ya UVCCM Mkoa wa Mwanza, Katibu Mkuu wa UVCCM Mkoa wa Mwanza Dennis Kankono ameipongeza Famara Entertainment kwa jinsi inavyopambana kuwaunganisha wasanii wa mkoa wa Mwanza kuwa na Umoja na ushirikiano ili kuweza kuviendeleza vipaji vyao vifike hatua nzuri zaidi.

Bwana Kankono amemshukuru Mtendaji Mkuu wa Famara Entertainment kwa kuendelea kupambania sanaa, utamaduni na Michezo katika Mkoa wa Mwanza kwa nguvu kubwa na matokeo yake yanaonekana pamoja na kuwepo changamoto kadhaa wa kadhaa.

Amesema UVCCM itaendelea kufanya kazi kwa karibu sana na Taasisi ya Famara Entertainment kuhakikisha wanafikia lengo la kuweza kuwapeleka wasanii, wanamuziki na wanamichezo hatua kubwa katika kuona faida za vipaji walivyonavyo.

“Kwanza niwapongeze kwa kazi kubwa mnayoifanya kama taasisi, najua mnatumia muda wenu mwingi kuhakikisha vipaji vya vijana wa Mwanza vinakua na kuleta matokeo chanya katika maisha yao, kwa niaba ya Umoja wa vijana tunawapongeza sana”.

“Yapo mambo mengi huko mbele tunahitaji kufanya pamoja ili kuendeleza vipaji vya hawa vijana wetu, na ninaamini kwa ushirikiano wenu Famara Entertainment na sisi UVCCM tutafanya mambo makubwa huko mbele, zaidi tuendeleee kushirikiana kwa mambo mbalimbali” alisema Dennis Kankono.

Kwa Upande wake Mtendaji Mkuu wa Famara Entertainment Bwana Fabian Fanuel amemshukuru Katibu Mkuu wa UVCCM Mkoa wa Mwanza Dennis Kankono kwa kazi kubwa yanayofanya katika kuendeleza mambo ya vijana pamoja na vipaji walivyonavyo.

“Tumeona mambo mengi mmeyafanya kwa vijana hapa Mwanza, mengine katika Sekta ya Sanaa, Utamaduni na Michezo, tunawaomba muendelee kuwakumbuka na kuwapa fursa na nafasi za kutosha vijana wote wa Mwanza wenye vipaji vya aina mbalimbali ili waweze kuonyesha walivyonavyo” alisema Fabian Fanuel.

Aidha Fanuel amempongeza Rais wa Jamuhuri ya Muungano wa Tanzania Mheshimiwa Samia Suluhu Hassan na Serikali anayoingoza kwa kuweka mazingira mazuri kwa wasanii katika kuwapa nafasi baadhi yao kuonyesha sanaa zao na hasa na utoaji wa Mirabaha waliyopewa wasanii hivi karibuni.

Read More →

MAMA MWENYE NYUMBA ANANITAKA KIMAPENZI, NIFANYAJE?

Read More →

WABUNGE 19 WALIOFUKUZWA CHADEMA WAFUNGUKA... HALIMA MDEE ASEMA KILICHOFANYIKA NI UHUNI MTUPU...MBOWE AJIBU UHUNI WAO

 

Mbunge Halima Mdee kwa niaba ya wenzake 18 ameelezea kutokubaliana na uamuzi wa Baraza Kuu la CHADEMA chini ya Mwenyekiti wake, Freeman Mbowe wa kutupilia mbali rufaa zao za kupinga kufukuzwa uanachama na Kamati Kuu ya Chama hicho akisema kilichofanyika ni uhuni.

"Nakwepa kuzungumza maneno makali kwasababu naheshimu Viongozi wangu lakini sikujua CHADEMA umeanza kufanyika uhuni kwa kiwango hicho, Mimi ni CHADEMA naendelea kuwa CHADEMA lakini kilichofanyika pale uhuni wa kiwango cha hatari , nitaongea siku nyingine lakini kilichofanyika pale hata Mbowe anajua ni uhuni"

Mdee ambaye amepata kuwa mbunge wa Jimbo la Kawe na Katibu wa Baraza la Wanawake wa Chadema, Bawacha, ni miongoni mwa makada walifukuzwa baada ya Bazara Kuu kubariki uamuzi wa Kamati Kuu ya Chadema kuwafukuza ndani ya chama kwa kukubali kwenda kuapishwa na kuwa wabunge kinyume cha matakwa ya chama hicho.

Matokeo ya jumla baada kupigwa kura

• Idadi ya wajumbe 423
• Waliokubalina na maamuzi ya Kamati ya kuwafukuza Uanachama ni 413 sawa 97.6%
• Wasiokubaliana na uamuzi wa Kamati kuu ni 5 sawa na 1.2%
• Wasiofungamana na upande wowote ni 5 sawa na 1.2%

JE! NINI KINAFUATA BAADA YA KUVULIWA UANACHAMA?

Mkurugenzi wa Itifaki, Mawasiliano na Mambo ya Nje, John Mrema amesema kwa sasa hakuna nafasi nyingine kwa waliokuwa makada 19 wa chama hicho ya kukata rufaa.

Pia, amesema hatua inayofuata ni Katibu Mkuu wa Chadema, John Mnyika kuandika barua ya kumtaarifu Spika wa Bunge kuhusu uamuzi uliofanywa na baraza kuu kwa hatua zaidi ikiwemo ya kutangazwa kuvuliwa ubunge.

Baada ya Mbunge Halima Mdee kwa niaba ya wenzake 18 kutokubalina na uamuzi wa Baraza Kuu la CHADEMA chini ya Mwenyekiti wake, Freeman Mbowe wa kutupilia mbali rufaa zao za kupinga kufukuzwa uanachama na Kamati Kuu ya Chama hicho akisema kilichofanyika ni uhuni, Mbowe amemjibu na kuwaambia wao ndio waache uhuni.

“Nimesikitika hatujafurahia hali hiyo ila imebidi, maamuzi ya kuwafukuza yalifanyika tangu mwaka juzi kwenye kikao cha Kamati Kuu, kura zimepigwa mbele yao waache mambo ya kihuni”

CHANZO: IDAWAONLINE

Read More →

Breaking News : HALIMA MDEE NA WENZAKE WATIMULIWA RASMI CHADEMA.....RUFAA ZAO ZATUPILIWA MBALI

Baraza kuu la Chama cha Demokrasia na Maendeleo (CHADEMA) limetupilia mbali rufaa za waliokuwa wanachama wake 19 na kubariki maamuzi ya kuwafukuza uanachama yaliyofanywa na Kamati kuu ya chama hicho mwaka 2020.

Maamuzi hayo yamefikiwa usiku huu Mei 12,2022 kwenye kikao cha Baraza Kuu kilichoanza kufanyika Mei 11,2022 katika Ukumbi wa Mlimani City jijini Dar es Salaam lenye ajenda tano na kuhudhuriwa na wajumbe zaidi ya 400 wa chama hicho, wanaotoka katika mikoa mbalimbali ya Tanzania Bara na Zanzibar.

Matokeo ni kama ifuatavyo;

*Kanda ya Victoria Wajumbe 44*

-Wanaokubalia wavuliwe uwanachama 42

-Wasiokubali 1

-Wasiofungamana na Upande  wowote 1

_*Jumla kura 44*_

*Kanda ya Nyasa Wajumbe 57*

-Wanaokubali wavuliwe uanachama 57

-Wasiokubalina 0

-Wasifungamana na Upande wowote 0

_*Jumla ya Kura 57*_

*Kanda ya Unguja Wajumbe 22*

-Wanaokubali wavuliwe uanachama 19

-Wasiokubali 1

-Wasifungamana na Upande wowote 1

_*Jumla ya Kura 22*_

*Kanda ya Pemba 15*

-Wanaokubali wavuliwe uanachama 12

-Wasiokubali 1

-Wasifungamana na Upande wowote 2

_*Jumla ya Kura 15*_

*Kanda ya Kusini 32*

-Wanaokubali wavuliwe uanachama 32

-Wasiokubali 0

-Wasifungamana na Upande wowote 0

_*Jumla ya Kura 32*_

*Kanda ya Pwani 47*

-Wanaokubali wavuliwe uanachama 45

-Wasiokubali 0

-Wasifungamana na Upande wowote 2

_*Jumla ya Kura 47*_

*Kanda ya Kati 44*

-Wanaokubali wavuliwe uanachama 44

-Wasiokubali 0

-Wasifungamana na Upande wowote 0

_*Jumla ya Kura 44*_

*Kanda ya Serengeti Wajumbe 41*

-Wanaokubali wavuliwe uanachama 41

-Wasiokubalina 0

-Wasifungamana na Upande wowote 0

_*Jumla ya Kura 41*_

*Kanda ya Magharib Wajumbe 37*

-Wanaokubali wavuliwe uanachama 37

Wasiokubali 0

Wasifungamana na Upande wowote 0

_*Jumla ya Kura 37*_

*Kanda ya Kaskazini Wajumbe 61*

-Wanaokubali wavuliwe uanachama 61

-Wasiokubali 0

-Wasifungamana na Upande wowote 0

*Jumla ya kura 61*

*Kamati Kuu*

Wanaokubali wavuliwe uanachama 23

Wasiokubali 0

Wasiofungamana 0

*Jumla ya kura 23*

*Wanaounga mkono wafukuzwe uanachama kura 413*

*Wasiounga mkono kufukuzwa kura 5*

*Wasiofungamana na upande wowote kura 5*

*Jumla ya kura zilizopigwa 423*

Read More →

HAYA HAPA MAGAZETI YA LEO ALHAMISI MEI 12,2022

Magazetini leo Alhamis May 12 2022... Habari kubwa Mwanzo Mpya, CCM CHADEMA sasa uso kwa uso, kumekucha Mdee na wenzake Chadema

Read More →

Video Mpya : KISIMA MAJABALA - NGOLO

Hii hapa video mpya ya msanii Kisima Majabala inaitwa Ngolo

Read More →

WAKAMATWA KWA KUBAKA NA KUUA..MFANYABIASHARA AANGUKA NA KUFARIKI

Kaimu Kamanda Jeshi la Polisi mkoani Mtwara, ACP Nicodemus Katembo

Jeshi la polisi Mkoani Mtwara, linawashikilia watu wawili na mmoja bado anatafutwa na jeshi hilo kwa tuhuma za kumbaka kisha kumuua Elizabet Steven Peter (41) mkazi wa Kijiji cha Mkajamila wilaya ya Masasi Mkoani humo.

Akizungumza na waandishi wa Habari Mkoani hapo, Kaimu Kamanda Jeshi la Polisi mkoani humo, ACP Nicodemus Katembo amesema, tukio hilo linadaiwa kufanyika, Mei 6 mwaka huu, ambapo inadaiwa watuhumiwa hao walimbaka marehemu na kisha kumvunja shingo kwa kile kinachodaiwa kuwa ni wivu wa mapenzi.

Aidha katika tukio lingine Polisi mkoani Mtwara wanafanya uchunguzi wa kifo cha Hassan Mumwela, (35) mfanyabiashara na mkazi wa Kijiji cha Namhi Kata ya Libobe Wilaya ya Mtwara, baada ya mfanyabiashara huyo, kuanguka ghafla na kupoteza maisha akiwa katika eneo lake la biashara.

Chanzo- EATV

Read More →

HAYA HAPA MAGAZETI YA LEO JUMATANO MEI 11,2022

Magazetini leo Jumatano May 11 2022

Read More →

UKOSEFU WA UMEME, MIUNDO MBINU DUNI KIKWAZO KWA UWEKEZAJI NA BIASHARA KIGOMA

Washiriki wa kongamano la biashara na uwekezaji kutoka nchi tano zinazozunguka ziwa Tanganyika na nchi za maziwa makuu wakifuatilia mwenendo wa mada zinazowasilishwa kwenye kongamano hilo. (Picha na Fadhili Abdallah)

Washiriki wa kongamano la biashara na uwekezaji kutoka nchi tano zinazozunguka ziwa Tanganyika na nchi za maziwa makuu wakifuatilia mwenendo wa mada zinazowasilishwa kwenye kongamano hilo.

Washiriki wa kongamano la biashara na uwekezaji kutoka nchi tano zinazozunguka ziwa Tanganyika na nchi za maziwa makuu wakifuatilia mwenendo wa mada zinazowasilishwa kwenye kongamano hilo.

Washiriki wa kongamano la biashara na uwekezaji kutoka nchi tano zinazozunguka ziwa Tanganyika na nchi za maziwa makuu wakifuatilia mwenendo wa mada zinazowasilishwa kwenye kongamano hilo.

Na Fadhili Abdallah,Kigoma

CHAMA cha Wafanyabiashara wenye viwanda na kilimo (TCCIA) kimesema kuwa kuondolewa kwa changamoto ya miundo mbinu ya usafirishaji kwa njia ya barabara na meli kutawezesha biashara baina ya mkoa Kigoma nan chi za maziwa makuu kuwa na tija kubwa.

Mwenyekiti wa TCCIA mkoa Kigoma,Abdul Mwillima akizungumza katika kongamano la biashara la nchi zinazozunguka ziwa Tanganyika na ukanda wa maziwa makuu ambapo amesema kuwa ukosefu wa meli za uhakika na barabara kutokuwa za viwango vya lami inakwamisha biashara na uwekezaji kufanyika vizuri.

Mwillima alisema kuwa ukosefu wa umeme wa kutosha ni kikwazo kingine ambacho kinasababisha wafanyabiashara na wawekezaji wenye nia ya kujenga viwanda mkoani Kigoma kushindwa kufanya hivyo pamoja na kuwepo kwa fursa kubwa ya biashara na uwezekaji mkoani humo.

Pamoja na hilo alisema kuwa kongamano linalofanyika litatoa changamoto nyingi ambazo zitajadiliwa na kuzitafutia njia za kuzitatua na kwamba mkoa Kigoma utafaidika kiasi kikubwa na kongamano hilo ambao kwa sasa umekuwa kama kitovu cha biashara kwa nchi za Afrika Mashairiki na ukanda wa maziwa makuu.

Akifungua kongamano hilo MKUU wa mkoa Kigoma Thobias Andengenye amesema kuwa kongamano la biashara baina ya nchi zinazozunguka ziwa Tanganyika na ukanda wa maziwa makuu ni fursa kubwa kwa nchi hizo katika kukuza uchumi ili kufikia uchumi wa kati.

Alisema kuwa kongamano hilo linaongeza msukumo ya malengo ya serikali ya awamu ya sita kuhusu kujenga uchumi wa viwanda kwa kutumia rasilimali za ndani ili kufikia uchumi wa kati mwaka 2025.

Kuwepo mpakani kwa mkoa Kigoma kunatoa fursa kubwa kuhakikisha mpango huo unatekelezeka kwa mafanikio na serikali inaendelea kuboresha mazingira ya uwekezaji na biashara na kupunguza gharama za uwekezaji na biashara.

Mkuu huyo wa mkoa alisema kuwa Serikali inaendelea kutatua kero za uwekezaji nchini kupitia TIC na inaendelea kushirikiana na wadau mbalimbali wakiwemo sekta binafsi ambao ndiyo wadau wakubwa kwenye kutoa ajira na uwekezaji na biashara.

Akizungumza katika mkutano huo Katibu Mkuu wa Chama cha CNDD-FDD cha nchini Burundi, Reverien Ndikuriyo alisema kuwa serikali ya Burundi imetenga kiasi cha shilingi Bilioni 200 kwa ajili ya ujenzi wa reli iendayo kasi kwenda Gitega nchini humo lengo likiwa kurahisisha usafirishaji na biashara kuelekea bandari ya Dar es Salaam.

Ndikuriyo alisema kuwa kwao Burundi Kongamano hili ni muhimu sana katika kuona namna gani wafanyabiashara na wawekezaji wa Tanzania, Burundi nan chi nyingine za Afrika Mashairiki zinashirikiana katika biashara na uwekezaji huku akieleza umuhimu wa Jamhuri ya Kidemokrasi ya Congo kujiunga na Jumuia ya Afrika Mashariki na namna itakavyowezesha kuondoa changamoto mbalimbali zilizokuwepo awali kwa nchi nyingine kufanya biashara na nchi hiyo.

Akitoa salam kwa niaba ya Mabalozi wa Tanzania kutoka nchi zinazoshiriki nchi hizo, Balozi wa Tanzania nchini Zambia, Yahaya Simba alisema kuwa hatua ya mkoa Kigoma kuandaa kongamano hili inatoa fursa chanya kwa balozi mbalimbali kutekeleza diplomasia ya uchumi kwa mafanikio na kuahidi kuunga mkono jitihada hizi zinazofanyia ili ziweze kuleta matokeo chanya.

Read More →

MELI KUBWA ILIYOBEBA MAGARI 4397 YAWASILI BANDARI YA DAR ES SALAAM, YAVUNJA REKODI

Muonekano wa mbele wa Meli ya Meridian ACE ikiwasili katika Bandari ya Dar es Salaam leo mchana.

Meli kubwa ya shehena ya magari inayojulikana kama Meridian ACE ikiwasili katika Bandari ya Dar es Salaam.

Kaimu Mkurugenzi wa Masoko na Uhusiano wa Mamlaka ya Usimamizi wa Bandari Tanzania (TPA), Bw. Nicodemas Mushi akizungumza na waandishi wa habari (hawapo pichani) kwa niaba ya Mkurugenzi Mkuu wa TPA, mara baada ya kuwasili kwa meli hiyo.

Meli kubwa ya shehena ya magari inayojulikana kama Meridian ACE ikiwasili katika Bandari ya Dar es Salaam.

Muonekano wa nyuma wa Meli ya Meridian ACE ilipokuwa ikiwasili katika Bandari ya Dar es Salaam leo mchana.

MELI kubwa ya shehena ya magari yapatayo 4397 imewasili katika Bandari ya Dar es Salaam. Meli hiyo ya MERIDIAN ACEyenye idadi kubwa ya magari imewasili leo majira ya saa sita mchana na kuvunja rekodi, ikiwa na idadi kubwa ya magari kuwasili kwa mara moja katika Bandari hiyo. 

Akizungumza na vyombo vya habari kwa niaba ya Mkurugenzi Mkuu wa Mamlaka ya Usimamizi wa Bandari Tanzania (TPA), Bw. Eric Hamis, Kaimu Mkurugenzi wa Masoko na Uhusiano wa TPA, Bw. Nicodemas Mushi alisema wanayofuraha kubwa kuipokea meli ya Meridian ACE, iliyovunja rekodi ya nyumba iliyowekwa mwezi mmoja uliopita ya kuwasili magari 4o41  mwezi Aprili 8, 2022.

Akifafanua zaidi, Bw. Mushi alisema meli hiyo imetokea nchini Japan na kupitia nchini Singapore na kuja moja kwa moja katika Bandari ya Dar es Salaam. "Kama ambavyo tumeshuhudia meli hiyo imetuletea magari 4397, huku asilimia 23 yaani magari 991 yatabaki nchini Tanzania na asilimia 77 yatakwenda nje ya nchi. 

Aliongeza kuwa magari yaliyosalia yanatarajiwa kupelekwa katika nchi za Zambia, Malawi, Rwanda, Burundi pamoja na DR Congo.

"Niseme kwamba hii ni hatua muhimu inayoonesha imani ya Watanzania, wateja na wadau wengine wa ndani na nje ya nchi, ambao kutokana na ubora wa kazi inayofanyika na imani ya wateja wetu kwenye eneo la ulinzi na usalama, ubora wa huduma pamoja na umakini unaofanyika katika utoaji wa huduma hizi. 

Aidha alisema kuwasili kwa meli hiyo kuna maana kubwa katika uchumi wa Tanzania, kwani ujio wa meli kubwa kama Meridian Ace ni ishara ya ufanisi mkubwa wa Bandari ya Dar es Salaam. Alibainisha kuwa ili kuweza kupata makampuni makubwa na mawakala wakubwa wenye mzigo kama huo ni lazima pawepo na imani ya watumiaji wa Bandari.

Alisema ujio wa meli hiyo ni jitihada za Serikali ya Awamu ya Sita chini ya Mhe. Rais Samia Suluhu Hassan kwa jitihada zake za uboreshaji shughuli za bandari na uwekezaji mkubwa wa vifaa ambayo vimewekwa ili kuboresha huduma na ufanisi wa kazi bandarini. 

"...Mfano ujenzi wa miundombinu, ununuzi wa vifaa vya kazi, vyote hivi vinaifanya bandari yetu sasa kutoa huduma katika kiwango cha juu kabisa cha ubora, itakumbukwa kwamba katika eneo la ulinzi na usalama tunafanya vizuri sana. 

"Mizigo ya wateja wetu yote inafika katika ubora na inaondoka bandarini kwetu ikiwa salama kabisa, habari hizi njema zinawafanya wateja wapya pamoja na wasiku zote kuendelea kuiamini bandari yetu...ikumbukwe kwamba menejimenti ya TPA ikiongozwa na Bodi ya Wakurugenzi pamoja na ushauri na ulezi makini kutoka Wizara yetu Mama Wizara ya Ujenzi na Uchukuzi...," alisisitiza.

"...Tunafanya kampeni kubwa za kimasoko ndani ya nchi pamoja na nje ya mipaka ya Tanzania lengo likiwa ni kutumia fursa zote zinazotuzunguka kuanzia nchi zote majirani zetu zinapitisha mzigo kupitia Bandari ya Dar es Salaam nchini Tanzania." Alisema Kaimu Mkurugenzi wa Masoko na Uhusiano wa TPA, Bw. Mushi mara baada ya kuwasili kwa meli hiyo.

Read More →

MISA TANZANIA YATOA MAFUNZO YA SHERIA ZA HABARI KWA WAANDISHI WA HABARI ARUSHA

Rose Jackson,Arusha

Waandishi wa habari mkoani Arusha wamepatiwa semina ya kuwajengea ufahamu wa Sheria mbalimbali ambazo zinagusa uendeshaji wa Tasnia ya habari nchini Tanzania.

Semina hiyo imeandaliwa  MISA Tanzania yenye lengo la kuwajengea uwezo Wana habari kuhusu Sheria mbali mbali ambazo zimekuwa zikiminya Uhuru wa habari

Akitoa mafunzo hayo kwa waandishi wa habari mwezeshaji wa mafunzo Jesse kwayu amesema lengo la semina hiyo pia ni kutoa mafunzo kuhuusiana na Uhuru wa kujielezaa kwa wanahabari hapa nchini

Amesema kulingana na katiba ya jamuhuri ya Muungano wa watazania ya mwaka 1977 ibara 18 inasema wandishi wa habari ni wawezeshaji wa umma wa kutumia haki ya kujielezaa na Uhuru wa kutoa maoni pamoja na Uhuru wa kuchakata na kusambaza habari kupitia vyombo mbali mbali vya habari na kuweza kuwafikia wananchi.

Naye mjumbe wa bodi wa MISA Tanzania Musa Juma amesema katika semina hiyo wameweza kujadili na kupata maoni ya waandishi kuhusu maboresho ya Sheria ya huduma ya habari na namna wanavyoweza kushawishi kuwepo kwa Sheria rafiki kwa wandishi wa habari.

Kwa upande wao waandishi wa habari Jamila omary aliyeshiriki semina hiyo ametoa wito kwa waandishi wa habari kufanya kazi kwa mujibu wa Sheria na kuwataka kujitokeza kutoa maoni kuhusiana maboresho ya Sheria ya huduma ya habari ili waweze kufanya kazi za kiuandishi na kuelimisha jamii.

Read More →

AJABU, MPANGAJI ATAKA KUMDHULUMU NYUMBA MMILIKI WAKE

Hakuna kitu kinampa mtu uhakika wa maisha mjini kama kumiliki nyumba yake binafsi, maisha ya kulipa kodi mjini yamekuwa yakiumiza watu wengi hadi wengine kuamua kurejea vijijini.

Wamiliki wa nyumba wengi huwa hawana subra kwa wapangaji wao linapokuja suala la kodi, hutaka fedha zao mara moja na pale wanapozikosa huwataka wapangaji kuondoka mara moja ili kupangisha watu wengine.

Kutokana na hilo Baba yetu aliamua kujenga nyumba kubwa mbili kwa ajili ya watoto wake ili hapo baadaye tusije kuteseka katika maisha ya kulipa kodi, kila mtoto alipewa yake, mimi na kaka yangu.

Niliamua kupangisha ile nyumba yangu wakati naendelea na masomo na fedha ya kodi niliyopata nilikuwa nalipa nayo ada ya chuo na matumizi mengine. Mara kwa mara nilikuwa naenda kuwatembelea wapangaji wangu kujua changamoto zao kama ukosefu wa maji na maeneo ambayo yanatakiwa kufanyiwa ukarabati.

Baada ya kumaliza shule nilitaka kuhamia katika nyumba yangu hiyo, hivyo niliwapa wapangaji taarifa kuwa baada ya miezi sita wanatakiwa kuhama ili niweze kuhamia. Uzuri wote walielewa na kunihakikishia baada ya kipidi hicho watakuwa wamehama nami nitaendelea na maisha yangu.

Cha kusikitisha ni kwamba ilipotimia miezi sita kuna mpangaji mmoja aligoma kuhama na kudai nyumba ni yake, nilishangaa sana pale alipoamua kutoa nyaraka kuwa anamiliki nyumba hiyo. Ugomvi ulikuwa mkubwa hadi Baba yangu alikuja lakini mpangaji yule aligoma kabisa kuondoka.

Nilitaka kwenda Mahakamni kufunga kesi, lakini rafiki yangu mmoja Seif aliniambia kuna mtu mmoja anaitwa Dr. Kiwanga ambaye anaweza kunisaidia.

Seif alinipa namba za Dr. Kiwanga ambazo ni +254 769404965 na kuniambia niwasiliane naye mara moja, nilimpigia Dr. Kiwanga na kueleza kuwa mpangaji wangu wanataka kinidhulumu nyumba yangu. Dr. Kiwanga aliniambia nisijali kwani ndani ya siku tatu atakuondoka mwenyewe.

Baada ya siku tatu nilienda katika ile nyumba yangu na kukuta kumetawaliwa na ukimya mwingi, nilijaribu kuita lakini hakuna ambaye aliitika. Nilipoingia ndani nipo nikagundua kuwa ameshahama, na hapo nakajua kuwa dawa ya Dr. Kiwanga imeshafanya kazi yake ipasavyo.

Hadi sasa ninapoandika stori hii nimeshahamia kwenye nyumba yangu na yule aliyetaka kunidhulu kwa sasa yupo jela baada ya kumtapeli mtu mwingine kiwanja chake maana ndio ulikuwa mtindo wake wa maisha.

Kwa kipekee namshukuru sana Dr. Kiwanga kwa tiba hii aliyonipatia, natamani sana kila mtu anayesumbulia na utapeli au kudhulumiwa awasiliane naye mara moja na atapata ufumbuzi mkubwa.

Mimi nilikuwa nawaza kwenda Mahakamani kufungua kesi ambapo ningetumia gharama kubwa kuwalipa wanasheria lakini Dr. Kiwanga kaniokoa na masumbuko yote hayo.

Habari nyingine ni kwamba Dr. Kiwanga anaweza kukuwezesha kushinda bahati nasibu, kukuondolea migogoro ya mashamba, migogoro ya mapenzi, kuikinga biashara yako na kukupa mvuto wa kimapenzi.

Pia Dr. Kiwanga anatibu magonjwa kama presha, kifafa, kisonono, kaswendwe, upungufu wa nguvu za kiume na mengineo, watembelee leo upate suluhu kwa matatizo yanayo kutatiza

Kwa maelezo zaidi tembelea tovuti yake; www.kiwangadoctors.com, pia waweza kumpigia simu kwa namba +254 769404965 au tuma barua pepe kupitia kiwangadoctors@gmail.com

Read More →

RAIS SAMIA AITISHA KIKAO CHA DHARURA KUJADILI BEI ZA MAFUTA

RAIS wa Jamhuri ya Muungano wa Tanzania, Mhe. Samia Suluhu Hassan, ameitisha kikao cha dharura usiku wa kuamkia leo Mei 9,2022 katika Ikulu ya Dar es Salaam kujadili tatizo la kupanda kwa bei ya mafuta nchini.

Miongoni mwa waliohudhuria kikao hicho ni Waziri Mkuu Kassim Majaliwa, Waziri wa Nishati January Makamba, Waziri wa Fedha Mwigulu Nchemba, Kamishna Mkuu wa Mamlaka ya Mapato ya Tanzania (TRA) Alphayo Kidata na makatibu wakuu wao.

Katika kikao hicho, Rais Samia amewaagiza viongozi hao kutafuta suluhisho la haraka katika kukabiliana na tatizo hilo la Upandaji wa bei ya Mafuta nchini.

Read More →

ROYAL TOUR YAMUIBUA LEMBELI

WAKATI Serikali ikiendelea na uzinduzi wa Filamu ya Royal Tour,aliyoshiriki Rais wa Jamhuri ya Muungano wa Tanzania,Samia Suluhu Hassan,kutangaza utalii nchini,aliyekuwa Mbunge wa Kahama mwaka 2005 hadi 2015,James Lembeli,ameibuka na kutoa ushauri.

Lembeli ambaye katika kipindi chake cha Ubunge alipata kuhudumu nafasi ya Mwenyekiti wa Kamati ya Kudumu ya Bunge ya Ardhi,Maliasili na Mazingira,alisema Filamu hiyo ingependeza kuzinduliwa huku kukiwa na mkakati endelevu wa kuikuza sekta hiyo kwa kufungua Ofisi za Bodi ya Utalii ( TTB )katika nchi zenye kuleta watalii wengi Nchini.

Alizitaja nchi ambazo zitastahili kufunguliwa ofisi hizo kuwa ni ,Ujerumani,Marekani,Uingereza,China na Ufaransa,kama ambavyo nchi za Afrika Kusini,Rwanda,Kenya na Zimbabwe zilizofanya,hivyo kusaidia ushindani katika sekta ya utalii duniani.

Pia alishauri kuwepo umuhimu wa kutenga bajeti ya fedha za kutosha kwa ajili ya Bodi ya Utalii zitakazowezesha kuziendesha ofisi katika nchi hizo na kuondokana na kasumba ya kutegemea ofisi za Ubalozi zenye majukumu ya kidiplomasia kutekeleza majukumu hayo.

Alifafanua kuwa Maafisa wa Ubalozi kwa asilimia kubwa hawana taaluma ya uhifadhi na utalii,jambo ambalo kwa mara kadhaa wamejikuta wakitoa taarifa zisizo sahihi pindi watu wanapofika ubalozini kupata taarifa za vivutio mbalimbali vilivyopo nchini.

“Kadhia hii ilipata kutokea mwaka 2003, nikiwa miongoni mwa maafisa wa Wizara ya Maliasili Utalii katika maonyesho ya Berlin, Ujerumani.Wakala mmoja mkubwa wa utalii nchini humo alilalamika kutopewa taarifa sahihi za idadi kamili ya Faru walioko Ngorongoro",alisema Lembeli.

Aliendelea kusema, “wakala huyo aliambiwa na maafisa wa ubalozi wako faru 300 ,na wageni walipofika Ngorongoro walibaini kwamba wamedanganywa hivyo kutaka kumshitaki kwa uongo na udanganyifu.”

Alibainisha watendaji wengi wa serikali kuu na katika balozi zetu,hawajawahi kufika katika hifadhi zetu na hata Zanzibar,hivyo kuhoji wanawezaje kutoa taarifa sahihi za maeneo hayo huku taarifa walizonazo wakisoma kwenye vitabu,majarida,vipeperushi au kuona katika “Safari Chanel”.

Lembeli aliyepata kuhudumu Hifadhi ya Taifa,akiwa Meneja Mawasiliano kwa zaidi ya miaka 15,kupitia taaluma yake ya uandishi wa habari,akihamasisha na kuitangaza Tanzania duniani,alipongeza hatua ya Rais Samia Suluhu Hassan,na kudai pasipo mikakati thabiti haitokuwa na tija

Alionesha khofu yake pasipo mkakati maalumu filamu hiyo,kuishia katika kabati za kutunza nyaraka za serikali,hivyo kumuomba Rais Samia kuhakikisha inasimamiwa kikamilifu na serikali na Taasisi husika kwa kuona Filamu ya Royal Tour ikiendelea kutangazwa duniani kote.

Lembeli alijinasibu kufanya kazi iliyotukuka ya kuutangaza utalii akiwa na Waziri wa Maliasili wa wakati huo,Zakhia Hamdani Meghji,na kupongeza hatua ya Rais Samia juu ya hatua ya filamu hiyo ambayo imeanza kuleta tija nchini.

Aidha aliifananisha filamu ya Royal Tour na inayoitwa Serengeti haitakufa ( Serengeti shall never die) iliyotengenezwa mwaka 1956 na Mjerumani,Michael Girmick,ambayo kwa kipindi cha miaka 65 tangu kutengenezwa ikiendelea kutangaza maajabu ya Hifadhi ya Taifa Serengeti na Tanzania,duniani.

Aliendelea kusema kuwa filamu hiyo ya Serengeti Shall Never Die haitakufa imeendelea kudumu miaka yote 65 kutokana na serikali ya Ujerumani kupitia Taasisi ya Frankfurt Zoological Society kila mwaka kutenga fedha ya kutosha kuhakikisha filamu hiyo inatangazwa na kuongeza watalii katika nchi yetu.

Aidha alibainisha kama ilivyo kwa filamu hiyo ya Serengeti, Royal Tour itadumu kuwa nyenzo muhimu kwa kuitangaza Tanzania duniani kwa miaka 100 ijayo huku akitaka Wanaobeza kazi na uamuzi uliofanywa na Rais Samia,kuelimishwa.

Alisema watu hao hawaijui tasnia ya utalii sambamba na kutofahamu gharama na jasho linalotumika na serikali za nchi na wadau,hasa wafanyabiashara wa sekta hiyo kuleta watalii nchini,hivyo kueleimishwa kutasaidia kuona umuhimu wa filamu hiyo kwa Taifa.

Read More →