COSTECH YAWAKUTANISHA WADAU KUWASILISHA MATOKEO YA UTAFITI WA MAGONJWA

Na Dotto Kwilasa,Malunde 1 blog, Dodoma

TAASISI ya taifa ya utafiti wa magonjwa ya binadamu (NIMR) imetahadharisha kuwepo kwa ongezeko la magonjwa yasiyo ya kuambukiza yanayopelekea  ongezeko la vifo na majeruhi kwa asilimia 41 hapa nchini huku visababishi vikitajwa kuwa ni pamoja na matumizi ya pombe,sigara,na ulaji usiozingatia kanuni za afya. 

Hayo yamebainishwa leo Januari 6,2022 jijini Dodoma na Mtafiti kutoka Taasisi ya NIMR Dr. Emmanuel Makundi wakati akiwasilisha matokeo ya utafiti kuhusu magonjwa mbalimbali yaliyokwenda sambamba utoaji wa muhtasari ya vijarida sera vya sayansi na teknolojia vya sekta nne za Afya,kilimo,Maliasili na utalii ulioandaliwa na Tume ya taifa ya sayansi na Teknolojia[COSTECH].

Amesema ongezeko kubwa la magonjwa hayo ni mara mbili ya hali iliyokuwepo miaka 25 iliyopita na kwamba mikakati iliyopo inazingatia zaidi tiba kuliko kinga na kusababisha  ongezeko la magonjwa ya moyo,shinikizo la damu ,kisukari ,saratani mbalimbali na magonjwa ya mifumo ya hewa.

"Theluthi mbili ya tatizo hili iko kwa watu walio chini ya miaka 40 ambao ni vijana na kukumbwa na vifo na ulemavu wa kudumu,ili kuondokana na tatizo hili Lazima kuwepo mabadiliko Katika mtindo wa maisha na kuepuka lishe duni,"amesema.

Pamoja na hayo makundi amesema jamii inatakiwa kuondoa dhana potofu ya kuwa magonjwa hayo ni ya watu matajiri pekee bali hutokea hata kwa watu masikini huku akitaja visababishi vya magonjwa hayo kuwa ni pamoja na matumizi ya tumbaku hasa uvutaji sigara,matumizi ya pombe,kutofanya mazoezi,ulaji wa vyakula bila mpangilio.

Aidha amesema licha ya ukubwa wa tatizo ulivyo,huduma za afya kuhusiana na magonjwa yasiyo ya kuambukiza hazitoshelezi mahitaji hasa ya vijijini ambako nusu ya Hospitali zote nchini zinatoa huduma za msingi za magonjwa hayo na ulemavu.

"Upatikanaji wa huduma za msingi kwa upande wa vijijini ni hafifu mfano wagonjwa  wenye tatizo la shinikizo la damu hawapati vipimo na matibabu yanayostahili Kwa muda muafaka,"amesisitiza.

Amesema kuna upungufu mkubwa wa fedha za kugharamia huduma za magonjwa hayo na kueleza kuwa nusu ya asilimia 7.8 tu kwa matumizi ya sekta ya afya ndio hutumika kwa ajili ya magonjwa hayo ikilinganishwa na ukubwa wa tatizo ambalo ni asilimia 41 ya magonjwa yote.

Naye Mkurugenzi Mkuu wa Tume ya Sayansi ,Teknlojia na Ubunifu (COASTECH) Dkt. Wilbert  Manyilizu alisema, lengo la warsha  hiyo ni kuwashirikisha Wadau wakuu wa matokeo ya tafiti za kisayansi na  Teknolojia ili waweze kuwasilisha na kutoa matokeo ya tafiti zao.

                      

Amesema,Coastech imewaita watafiti katika Sekta nne za awali ambazo ni sekta ya Afya,Kilimo,maliasili na mifugo  ili wawasilishe tafiti zao ambazo hufanyiwa kazi na Tume hiyo ambayo ndio yenye dhamana ya kuishauri Serikali katika masuala ya sayansi na teknolojia.

"Lengo la kuanzishwa kwa Tume hii ni  kuishauri Serikali katika masuala ya sayanasi na Teknolojia na ubunifu huku akisema,jukumu kubwa la COASTECH ni kuratibu na kuhamasisha Mambo ya utafiti na ubunifu ambapo katika jukumu hilo pia kuna majukumu mengine ambàyo  ni kusimamaia Menejimenti ya maarifa yanayopatikana katika ubunifu na utafiti na baadae kusambaza kwa Wadau,"amesema.

Read More →

WANAFUNZI LAKI 9 KUJIUNGA KIDATO CHA KWANZA 2022...WAZIRI UMMY MWALIMU ATOA MAAGIZO YA MOTO

WANAFUNZI 907,803 wanatarajiwa kujiunga na elimu ya kidato cha kwanza mwaka 2022 kati yao wavulana 439,836 na wasichana 467,967.

Hayo yamesemwa leo Januari 6 ,2022 na Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Ummy Mwalimu wakati akizungumza na waandishi wa habari akitoa taarifa ya maandalizi na mapokezi ya wanafunzi wanaotarajiwa kujiunga na darasa la awali, la kwanza na kidato cha kwanza mwaka huu.

Waziri Ummy amesema idadi hiyo imepanda ikilinganishwa na wanafunzi 833,872 waliojiunga kiadato cha kwanza mwaka 2021.

“Uchambuzi unaonesha kuwa mikoa mitano yenye matarajio ya kupokea Wanafunzi wengi zaidi kwa Kidato cha Kwanza ni Dar es Salaam (78,738), Mwanza (68,725), Kagera (50,735), Mara (48,855) na Morogoro (48,515),” amesema Waziri Ummy.

Amesema kuwa orodha ya shule watakazojiunga wanafunzi hao imetolewa na kinachosubiriwa ni muda wa kujiunga na shule.

Aidha amewataka wazazi wote ambao watoto wao wamefaulu kujiunga kidato cha kwanza mwaka huu lakini hawatokwenda kwenye shule za Serikali hasa shule maalum, watoe taarifa kwa kujaza fomu maalumu kuwawezesha wale waliokosa nafasi kwenye shule hizo kupata kukiwa na nafasi.

Aidha, Waziri Ummy amesema wazazi ambao watashindwa kupeleka watoto Shuleni watachukuliwa hatua kali ikiwemo kuwafikisha Mahakamani.

“Ninaitaka Mikoa, isisite kuwachukulia hatua wazazi au walezi wowote ambao wanawaficha watoto wenye umri wa kwenda Shule. Na Lazima wawachukulie hatua kali kwa mujibu wa sheria na taratibu.

“Na tunaitaka Mikoa ituletee taarifa ya hali ya uandikishaji kila Ijumaa ya mwisho wa wiki kuanzia sasa… Kesho baada ya saa 10 Jioni, naielekeza mikoa kuniletea taarifa ya hali ya Uandikishaji wa watoto wa darasa la awali na darasa la kwanza.

“Maafisa Elimu wa Wilaya na maafisa Elimu wa Mikoa, watawajibika kwa suala lolote ambalo tutalibaini kwamba Shule zilizo katika Wilaya zao zinatoza ada na michango kwa ajili ya wanafunzi wanaoandikishwa darasa la awali na darasa la Kwanza.

“Nitoe wito pia kwa wakuu wa Mikoa kuhakikisha kuwa wanafunzi walioacha shule kwa sababu mbalimbali ikiwemo ujauzito wanarejea shuleni kwa kuzingatia miongozo mbalimbali ya Elimu ikiwa ni pamoja na waraka wa Elimu Namba 3 wa mwaka 2021,” amesema Ummy Mwalimu.

Read More →

KAMPENI YA MATUMIZI YA EFD YASHIKA KASI KARIAKOO DAR ES SALAAM

Afisa Msimamizi Kodi wa Mamlaka ya Mapato Tanzania (TRA), Bw. Paul Ramadhan (kulia) akimuelimisha mfanyabiashara wa duka la jumla sokoni Kariakoo jijini Dar es Salaam leo 06/01/2022 kuhusu matumizi ya mashine za EFD na faida zake wakati wa kampeni ya matumizi ya mashine za EFD sokoni hapo.

Afisa Msimamizi Kodi wa Mamlaka ya Mapato Tanzania (TRA), Bw. Benny Macoro (kulia) akichukua taarifa za EFD kutoka kwa mfanyabiashara wa duka la jumla sokoni Kariakoo jijini Dar es Salaam leo 06/01/2022 wakati wa kampeni ya matumizi ya mashine za EFD sokoni hapo.

Afisa Msimamizi Kodi wa Mamlaka ya Mapato Tanzania (TRA), Bw. Samwel Kimaro (kulia) akimuelimisha mfanyabiashara wa duka la wino wa printa leo 06/01/2022 sokoni Kariakoo jijini Dar es Salaam kuhusu utunzaji wa kumbukumbu za biashara na utoaji sahihi wa risiti za EFD wakati wa kampeni ya matumizi ya mashine za EFD sokoni hapo.

*****************************

Na Mwandishi wetu

Dar es Salaam

Mamlaka ya Mapato Tanzania (TRA), imeendelea na kampeni ya matumizi ya mashine za kielektroniki za EFD inayojumuisha kukusanya taarifa za namba za utambulisho wa mlipakodi yaani TIN, namba za utambulisho wa mashine za EFD za eneo la biashara, namba za simu za wamiliki wa biashara pamoja na aina za biashara katika eneo la Kariakoo jijini Dar es Salaam.

Akizungumzia kampeni hiyo endelevu, Afisa Msimamizi wa Kodi kutoka TRA Mkoa wa Kodi wa Ilala jijini Dar es Salaam, Bw. Paul Ramadhani amesema kuwa, lengo la kampeni hiyo ni kuhakikisha wafanyabiashara wanajenga utamaduni wa kutoa risiti halali za EFD kulingana na mauzo au huduma wanazotoa na wanunuzi wanadai risiti za EFD pindi wanapofanya manunuzi yao.

“Lengo hasa la TRA kufanya kampeni hii endelevu ni kuhakikisha kuwa, wafanyabishara wanakuwa na utaratibu wa kutoa risiti kwa mujibu wa sheria kila wanapofanya mauzo ikiwa ni pamoja na kuwahamasisha wanunuzi kudai risiti kila wanaponunua bidhaa”, alisema Bw. Ramadhan.

Kwa upande wa baadhi ya wafanyabiashara wa Kariakoo wameipongeza Mamlaka ya Mapato Tanzania kwa kufanya kampeni hiyo ambapo wamesema kuwa, zoezi hilo linawasaidia kuwakumbusha wajibu wao wa kutoa risiti ambazo zinasaidia katika kukadiria kodi na kutunza kumbukumbu za mauzo yao halisi.

“Zoezi hili ni zuri maana katika ubinadamu kuna kujisahau lakini maofisa wa TRA wanapofanya zoezi hili mara kwa mara, linatusaidia kuwa makini kutoa risiti kila tunapouza bidhaa zetu”, alisema Bi. Glory Msuja ambaye ni mfanyabiashara wa Kariakoo.

Mfanyabiashara mwingine aliyeipongeza TRA kwa kufanya kampeni ya matumizi ya EFD ni Bw. Abdul-Rashid Mohamed ambaye pamoja na pongezi hizo, ameiomba TRA iendelee kutoa elimu kwa wananchi kuhusu umuhimu wa kudai risiti na kuwa waelewa pale wanapoambiwa bei stahiki badala ya kung’ang’ania kupunguziwa bei.

Mamlaka ya Mapato Tanzania inaendelea na kampeni ya matumizi ya mashine za EFD katika mitaa yote ya Kariakoo jijini Dar es Salaam na kwa sasa kampeni hiyo inafanyika katika mitaa ya Lindi, Congo, Msimbazi na Uhuru.

Read More →

USAJILI WA WATAHINIWA WA KUJITEGEMEA MTIHANI WA KIDATO CHA NNE CSEE NA MAARIFA QT 2022

Katibu Mtendaji, Baraza la Mitihani la Tanzania anapenda kuwajulisha watu wote wanaotarajia kufanya Mtihani wa Kidato cha Nne (CSEE) na Maarifa (QT) Novemba, 2022 kama Watahiniwa wa Kujitegemea kwamba; 1. Kipindi cha kawaida cha Usajili kitaanza tarehe 01/01/2022 kwa ada ya Shilingi 50,000/= kwa wanaojisajili CSEE na Shilingi 30,000/= kwa wanaojisajili QT na kitaishia tarehe 28/02/2022. 

Aidha, watakaojisajili kwa kuchelewa kuanzia tarehe 01/03/2022 hadi tarehe 31/03/2022 watalipa Shilingi 65,000/= kwa Watahiniwa wa Kidato cha Nne (CSEE) na Shilingi 40,000/= kwa Watahiniwa wa Mtihani wa Maarifa (QT) ikiwa ni ada ya kawaida pamoja na faini. 

2. Mtahiniwa atakayejisajili kufanya Mtihani wa Kidato cha Nne (CSEE) 2022 ni yule ambaye anarudia Mtihani wa Kidato cha Nne (CSEE) au amefanya na kufaulu Mtihani wa Maarifa (QT) katika kipindi kisichozidi miaka mitano (5) iliyopita au mwenye sifa zinazolingana na hizo alizopata kutoka nje ya Nchi na kufanyiwa ulinganifu na Baraza la Mitihani la Tanzania.

 3. Mtahiniwa atakayejisajili kufanya Mtihani wa Maarifa ni yule ambaye anatafuta sifa ya kufanya Mtihani wa Kidato cha Nne kama Mtahiniwa wa Kujitegemea.

 4. Usajili unafanyika kwa njia ya mtandao, kwa kufuata hatua zifuatazo; (a) Fika Kituo utakachofanyia Mtihani ili kupata namba rejea (Reference Number) ambayo inatolewa bure. (b) Fika Ofisi ya Posta kupata ‘Control Number’ ya kufanyia malipo ya ada ya Mtihani au ingia katika tovuti ya Baraza la Mitihani ili utengeneze ‘Control number’ ya kufanyia malipo kwa utaratibu ulioelekezwa. (c) Fanya malipo ya ada ya Mtihani kupitia Posta au Benki kwa kutumia ‘Control Number’. (d) Fika Posta kufanya usajili au jisajili mwenyewe kupitia tovuti ya Baraza la Mitihani kwa kufuata hatua zilizooneshwa kwenye tovuti. (e) Baada ya usajili kukamilika chapa na wasilisha nakala moja ya fomu Ofisi ya Posta, wasilisha nakala ya pili kwenye Kituo utakachofanyia Mtihani na nakala ya tatu ya fomu itunzwe na wewe (mtahiniwa) mwenyewe kwa ajili ya kumbukumbu. 

5. Ufafanuzi kuhusu utaratibu wa hatua za kufuata katika usajili, umetolewa katika tovuti ya Baraza la Mitihani www.necta.go.tz. Waombaji wote wanasisitizwa kuhakikisha wanajisajili mapema kwani mfumo wa usajili utafungwa baada ya kipindi cha usajili kumalizika.

Imetolewa na; KATIBU MTENDAJI

Read More →

MBUNGE APIGWA STOP KUINGIA BUNGENI BAADA YA KUGAWA PIPI

Mbunge mmoja mwanamke nchini Kenya amesimamishwa kuhudhuria vikao vya Bunge kwa siku moja kwa kosa la kusambaza pipi kwa wabunge wenzake wakati wa mijadala muhimu bungeni.

Mbunge huyo Fatuma Gedi (pichani) alijitetea kwamba kiwango cha sukari cha wabunge mwilini hushuka chini baada ya vikao virefu vya siku.

Fatuma alituhumiwa na mbunge Ndindi Nyoro kuwa anasambaza fedha za rushwa ndani ya Bunge la Kenya.

Nyoro alipotakiwa kutoa ushahidi wa tuhuma hizo za rushwa dhidi ya Fatuma alishindwa na Bunge likamsimamisha na yeye kwa siku mbili.

Read More →

HAYA HAPA MAGAZETI YA LEO ALHAMISI JANUARI 6, 2022

Magazeti ya leo Alhamisi January 6 2022

Read More →

YANGA SC, SIMBA SC ZAONESHA UBABE MAPINDUZI CUP

******************

NA EMMANUEL MBATILO

Leo mechi mechi mbili zimechezwa katika michuano ya Mapinduzi Cup ambapo Simba Sc iliingia uwanjani jioni ya leo kuvaana na timu ya Selem View na kufanikiwa kuondoka na Ushindi wa mabao 2-0.

Mabao ya Simba Sc yaliwekwa kimyani na nyota wao Pape Sakho akiifunga dakika ya 25 ya mchezo kipindi cha kwanza, na bao la pili likifungwa na kiungo wao Bwalya dakika ya 53 ya mchezo.

Katika mechi nyingine iliyopigwa usiku huu ni mabingwa watetezi wa michuano hiyo Yanga wakimenyana na timu ya Taifa ya Jang'ombe na kufanikiwa kuondoka na ushindi wa mabao 2-0.

Mabao ya Yanga yalifungwa na na mshambuliaji wao Ebenezer Makambo pamoja na nyota mpya waliomsajili hivi karibuni Denis Nkane.

Read More →

WAZAZI WALALAMIKA KUTOZWA 5,000 WANAPOANDIKISHA WANAFUNZI DARASA LA KWANZA

 Muonekano wa shule ya Msingi Buguti Nkongo Wandiba

Na Dinna Maningo, Tarime

BAADHI ya Wazazi kata ya Turwa wilaya ya Tarime wamemlalamikia mkuu wa shule ya Msingi Buguti Nkongo Wandiba kwa kuwatoza Wazazi fedha sh.5,000/= wanapofika kuwaandikisha watoto darasa la kwanza nakwamba kwa wale wazazi wasiokuwa na fedha utishiwa watoto wao kutosajiliwa hadi pale watakapolipa fedha.

Wakizungumza kwa nyakati tofauti Chacha Marwa mkazi wa mtaa wa Kebikiri alisema kuwa Mkuu huyo wa shule amekuwa akiomba fedha za uandikishaji wa watoto jambo ambalo limempa utata kwa kile alichoeleza kuwa Rais Samia Suluhu alitoa fedha zitokanazo na Uviko kujenga madarasa katika shule zenye upungufu wa madarasa lakini wanatozwa fedha.

"Rais wetu mama yetu mpendwa mwenye huruma na wananchi aliona atuondolee adha ya michango akatoa fedha kwenye halmashauri mbalimbali nchini ikiwemo halmashsuri yetu lakini tunashangaa tunaombwa fedha inamana hii shule kama ilikuwa na upungufu wa madarasa kwanini yenyewe haikutengewa fedha hadi tunaombwa fedha ya majengo?

Aliongeza" watoto tunaandikisha ofisi ya mwalimu mkuu ukifika unamkuta yeye na mwalimu mwingine wa kike ,utaombwa cheti cha kuzaliwa au barua ya Mwenyekiti wa mtaa ya utambulisho wa mtoto kisha anaandikwa alafu unaombwa 5,000 ukihoji ni ya nini unaambiwa sh. 3,000 ni mchango wa ujenzi,1,000 pesa ya mlinzi na 1,000 pesa kwa ajili ya kuandaliwa kadi ya matokeo mwanafunzi anapofanya mtihani",alisema Marwa.

Bhoke Ryoba mkazi wa mtaa wa Kokehogoma aliongeza" kama hauna pesa mkuu wa shule anamwambia yule mwalimu wa kike futa jina la huyo mtoto siku atakapoleta pesa ndipo atasajiliwa inabidi uende utafute pesa upeleke mwanao aandikishwe shule",alisema.

Rebeka Yusuphu mkazi wa mtaa wa Kebikiri alisema kuwa ni desturi ya mkuu huyo kuchangisha wazazi pesa kila mwaka watoto wanapoandikishwa darasa la kwanza licha yakwamba michango ya ujenzi wa shule uchangishwa kwenye mitaa yao kupitia viongozi wa serikali za mitaa.

"Mwaka jana niliandikisha mtoto nikalipa sh.8,000 tuliombwa na mkuu wa shule akasema ni pesa ya majengo ,mlinzi,kadi na pesa kwa ajili ya fotokopi za mitihani,hiyo michango tunaombwa bila sisi wananchi au wazazi kushirikishwa ili tujadili.

"Serikali ilishakataa walimu wasichangishe na kupokea fedha lakini huyu mkuu wa shule ndiyo amekuwa akipokea fedha wanafunzi wanapojiunga shule na michango mingine", alisema Rebeka.

Baadhi ya Wenyeviti wa mtaa akiwemo Mwenyekiti wa mtaa wa Kokehogoma Musa Nehemia alisema kuwa hakuna kikao kilichoketi kujadili na kupitisha michango ya watoto wanaosajiliwa darasa la kwanza nakwamba wazazi hawatakiwi kutoa fedha kwakuwa hakuna taarifa yoyote iliyofika kwenye mitaa au kujadiliwa kwenye vikao vya ngazi ya kata vikionyesha uwepo wa upungufu wa majengo yanayohitaji kuchangisha wazazi fedha.

"Na mimi nimepata taarifa kwa baadhi ya wazazi kudai kuchangishwa fedha wanapoenda kuandikisha watoto,mimi ninachofahamu kukiwa na uhitaji wa maendeleo ya shule huwa tunakaa vikao vya WDC tunawaambia wazazi wa wanafunzi tunajadili tunapanga au tunawapelekea wananchi nao wanajadili na kupitisha michango kila mtaa unapanga.

" Kisha wananchi wanachanga fedha majengo yanajengwa na kamati za shule zinasimamia ujenzi,mi nimewazuia wananchi wasichange na ntafatilia kwa mwalimu kujua kwanini anatoza wanafunzi michango",alisema Nehemia.

Mkuu wa shule ya Msingi Buguti Nkongo Wandiba alikiri wazazi kutozwa sh.5,000 nakusema kuwa michango hiyo ilipitishwa kwenye kikao cha wazazi mwezi Februari,2021,licha ya kauli hiyo kupingwa na wazazi kuwa hakuna kikao kilichoketi kujadili michango huku wakiongeza kuwa vikao vya 2021 haviwezi kutumika kwakuwa sasa ni 2022 vikao vinatakiwa kuitishwa upya na kujadili michango.

"3,000 ni pesa ya ujenzi wa majengo ilipitishwa na wazazi Aprili 2021, 1,000 ni pesa ya mlinzi hili lilijadiliwa na likapelekwa hadi ofisi ya Dc na likapitishwa,1,000 ni pesa ya kadi kwa ajili ya kujaziwa matokeo ila yenyewe siyo lazima utoe pesa unaweza ukanunua mitaani ukaleta", alisema.

Akizungumzia kuhusu michango hiyo kwanini haipelekwi kwa viongozi wa serikali za mtaa badala yake kuwasilishwa moja kwa moja shuleni alisema"hii michango haitangazwi kwenye mikutano ya wananchi unaleta pesa moja kwa moja shuleni kwakuwa ilishapitishwa na wazazi,ukisema umsajili mtoto ndiyo mzazi alete pesa hawaleti"alisema Wandiba.

Mratibu Elimu kata ya Turwa Imani Buchafya alisema kuwa Desemba 6,2021 kiliketi kikao cha wakuu wote wa shule kwenye kata hiyo ambapo wakuu wa shule walitakiwa kutowachangisha wazazi michango wala kuwabughudhi watoto kuhusu michango nakuahidi kufatilia kwa kile alichoeleza kuwa hajapokea taarifa ya wazazi kuchangishwa fedha.

Katibu wa Chama cha Mapinduzi (CCM) kata ya Turwa Marwa Timoro (Sheby) alisema kuwa hata yeye amepokea malalamiko kutoka kwa baadhi ya wazazi wakidai kuombwa sh.5,000 na amepiga marufuku michango kwa wanafunzi wanaoandikishwa nakwamba iwapo kuna uhitaji wa michango taratibu zifuatwe ikiwa ni pamoja na kuwashirikisha wazazi.

Read More →

UWT MKOA WA NJOMBE -TUPO BEGA KWA BEGA NA RAIS SAMIA

**********************************

UMOJA wa Wanawake wa Chama cha Mapinduzi (UWT)Mkoa wa Njombe umesema upo bega kwa bega na Rais Samia Suluhu Hassan ukimuahidi kuwa utahakikisha anarejea tena madarakani Mwaka 2025 ili kuendelea na majukumu yake ya kulijenga Taifa.

Akizungumza na waandishi wa habari leo, Mwenyekiti UWT wa Mkoa huo Scholastika Kevela, alisema wao kama wana Njombe kaulimbiu yao inasema ‘Samia mitano tena’ wakiamini kuwa tangu aingie madarakani miezi nane iliyopita ameonyesha uwezo wa kutosha wa kuliongoza taifa.

Alisema pamoja na kuwa kumeibuka ‘chokochoko’ kutoka kwa baadhi ya viongozi zenye nia ya kutaka kumvunja moyo kiongozi huyo mkuu wa Chama cha Mapinduzi na Taifa, siyo kwao bali pia hazimtetereshi kiongozi huo mkuu wa nchi kuwatumikia watanzania.

“Tupo pamoja na kiongozi wetu Rais Samia Suluhu Hassan, ukweli yeye ni kiongozi mchapakazi…tangu ya muda mfupi wa uongozi wake tangu aingie madarakani ameonyesha uwezo mkubwa wa utendaji kiasi cha kumfanya atambulike duniani kote, hatupo tayari kuona mtu yeyote anamsema vibaya kwa jambo lolote” alisema Scolastika,

Alisema kama viongozi hao walidhani kuwa suala la nchi kukopa ndiyo ajenda kwao ya kumtoa ‘kwenye Reli’ Rais Samia, watambue kuwa kwa hilo ‘wamekosea namba’ wajipange kwa jingine kwa kuwa hakuna taifa lolote duniani lisilo kopa hivyo siyo kitu cha ajabu kwa Tangazani kukopa kwani suala hilo huwezesha kupatikana kwa maendeleo.

Awali akizungumza jana wakati akipotea taarifa ya matumizi ya fedha za Uviko -19 Rais Samia Suluhu Hassan alisema inashangaza kuona mtu na akili zake akihoji kuhusu tozo na mkopo wa shilingi trilioni 1.3 kama vile ni jambo la kwanza kutokea Tanzania wakati limekuwepo tangu nchi ilipopata uhuru.

Aliongeza, “ Mtu na akili yake anakwenda kusimama ana argue (kuhoji) ni akili yake na uhuru wake lakini mtu mnayemtegemea kuwa mtashirikiane naye katika safari ya maendeleo hutegemei atasema hicho na hasa kwa sababu bajeti zote masuala yote kiuchumi ndani ya nyumba yake ndio zinapita. Lakini ni 2025 fever wasameheni,”

Aidha akizungumzia hilo Mwenyekiti huyo wa UWT Mkoa wa Njombe Scholastika Kevela aliungana na Rais Samia na kusema kilichowakuta watu hao ‘Presha’ ya uchaguzi ujao, suala alilowataka kufikiria na kujipanga kwa nafasi zingine kwa kuwa kiti cha Urais tayari kina mwenyewe aliyepo madarakani hivi sasa.

Read More →

🟢 UVCCM MKOA WA SHINYANGA YAWAONYA WANAOJARIBU KUMKWAMISHA RAIS SAMIA...YAMTAKA NDUGAI AJITATHMINI

 

Mwenyekiti UVCCM mkoa wa Shinyanga Comrade Baraka Ramadhani Shemahonge 

***

Vijana wa Chama Cha Mapinduzi Mkoa wa Shinyanga wamewaonya viongozi wa chama hicho na serikali wanaoleta lugha za kejeli na kubeza jitihada za Mheshimiwa Rais Samia Suluhu Hassan kuhu wakimtaka Spika wa Bunge Mhe. Job Ndugai ajitathmini na kujitafakari yeye pamoja na genge lake kama wanastahili kuendelea kuwemo kwenye vyombo vya maamuzi katika Taifa.

Hii hapa ni taarifa iliyotolewa na UVCCM Mkoa wa Shinyanga leo Januari 5,2022.

🟢 UVCCM MKOA WA SHINYANGA YAWAONYA VIONGOZI WA CHAMA NA SERIKALI WANAOJARIBU  KUMKWAMISHA RAIS SAMIA SULUHU HASSAN💪🏻🙏

Imetuchukua muda usiozidi nusu saa tu kuelimisha Taifa nini faida za nchi kukopa kama faida.

Taasisi za kimataifa za fedha  kama

💵IMF 💵WB 💵ADB nk zisingekuwepo kama umuhimu wa mataifa kukopa usingekuwepo.

Rais Mama Samia Suluhu Hassan si wa kwanza kukopa, watangulizi wake wote walikopa na hata hao wanaopinga mikopo leo ikitokea genge lao lime bahatika kupewa nchi, watakopa tu.

Sisi Vijana wa Mkoa wa Shinyanga tumefanya ziara ya kukagua miradi iliyogharimu Sh. bilioni 17 katika mkoa wetu  wa Shinyanga kutoka kwenye serikali ya awamu ya 6 inayoongozwa na Rais Samia Suluhu Hassan

👉Bilioni 9 ni kwa ajili ya madarasa ya shule za sekondari na shule za msingi

👉Shilingi Bilioni 2 kwa ajili ya vituo vya afya

👉Shilingi Bilioni 6 kwa ajili ya hospitali yetu ya rufaa ya Mkoa wa Shinyanga

Sisi vijana wa CCM Mkoa wa Shinyanga tunasimama na Mama  yetu Mhe. Samia Suluhu Hassan kwa maendeleo anayouletea mkoa wa Shinyanga na  Taifa letu kwa ujumla. 

Tunaendelea kuwaonya wote wanaoleta lugha za kejeli na kubeza jitihada za Mheshimiwa Rais Samia Suluhu Hassan na hao wanaotumwa na mabwenyenye au  kwa maslahi yao binafsi, tunaahidi tunapambana nao usiku na mchana kwa maslahi mapana ya maendeleo ya Taifa letu

Vijana wa CCM Mkoa wa Shinyanga tunamtaka Mhe. Job Ndugai ajitathmini na kujitafakari yeye pamoja na genge lake kama wanastahili kuendelea kuwemo kwenye vyombo vya maamuzi katika Taifa letu

January 5, 2022 

Mwenyekiti UVCCM mkoa wa Shinyanga Comrade Baraka Ramadhani Shemahonge 💪🏻💪🏻

Read More →

TANZANIA YAJIANDAA KUSHIRIKIANA NA BURUNDI KATIKA SEKTA YA USHIRIKA

Mrajis wa Vyama vya Ushirika na Mtendaji Mkuu wa Tume ya Maendeleo ya Ushirika ,Dkt.Benson Ndiege,akifungua Kikao kati ya Tume ya Maendeleo ya ushirika na Balozi wa Tanzania nchini Burundi Dkt.Jilly Malekeo kilichofanyika kwa njia ya mtandao kuhusu ushirikiano wa kiushirika kati ya Tanzania na Burundi leo Januari 5,2022.

Mrajis wa Vyama vya Ushirika na Mtendaji Mkuu wa Tume ya Maendeleo ya Ushirika ,Dkt.Benson Ndiege,akifafanua jambo wakati wa Kikao kati ya Tume ya Maendeleo ya ushirika na Balozi wa Tanzania nchini Burundi Dkt.Jilly Malekeo kilichofanyika kwa njia ya mtandao kuhusu ushirikiano wa kiushirika kati ya Tanzania na Burundi leo Januari 5,2022.

Mrajis Msaidizi, Masoko na Uwekezaji, Robert Nsunza,akiwasilisha wasilisho la Tume ya maendeleo ya ushirika wakati wa kikao kati ya Tume ya Maendeleo ya ushirika na Balozi wa Tanzania nchini Burundi Dkt.Jilly Malekeo kilichofanyika kwa njia ya mtandao kuhusu ushirikiano wa kiushirika kati ya Tanzania na Burundi leo Januari 5,2022.

Mrajis wa Vyama vya Ushirika na Mtendaji Mkuu wa Tume ya Maendeleo ya Ushirika ,Dkt.Benson Ndiege,akimsikiliza Balozi wa Tanzania nchini Burundi Dkt.Jilly Maleko (hayupo pichani) wakati akichangia mada wakati wa Kikao kati ya Tume ya Maendeleo ya ushirika na Balozi wa Tanzania nchini Burundi Dkt.Jilly Malekeo kilichofanyika kwa njia ya mtandao kuhusu ushirikiano wa kiushirika kati ya Tanzania na Burundi leo Januari 5,2022.

Baadhi ya washiriki wakifatilia mada mbalimbali wakati wa Kikao kati ya Tume ya Maendeleo ya ushirika na Balozi wa Tanzania nchini Burundi Dkt.Jilly Malekeo kilichofanyika kwa njia ya mtandao kuhusu ushirikiano wa kiushirika kati ya Tanzania na Burundi leo Januari 5,2022.

Naibu Mrajis udhibiti Collins Nyakunga,akichangia mada wakati wa Kikao kati ya Tume ya Maendeleo ya ushirika na Balozi wa Tanzania nchini Burundi Dkt.Jilly Malekeo kilichofanyika kwa njia ya mtandao kuhusu ushirikiano wa kiushirika kati ya Tanzania na Burundi leo Januari 5,2022.

..............................................................................

Na.Alex Sonna,Dodoma

Mrajis wa Vyama vya Ushirika na Mtendaji Mkuu wa Tume ya Maendeleo ya Ushirika Tanzania, Dkt. Benson Ndiege, leo Jumatano, 05/01/2022, amefanya Kikao kwa njia ya Mtandao na Balozi wa Tanzania nchini Burundi, Mheshimiwa Dkt. Jilly Maleko, kuhusu ushirikiano wa kiushirika kati ya Tanzania na Burundi.

Hatua hiyo ni utekelezaji wa Maagizo ya Mheshimiwa Rais Samia Suluhu Hassan aliyoyatoa alipofanya ziara nchini Burundi, Julai 16-17, 2021.

Akizungumza kwenye Kikao hicho, Dkt. Ndiege amesema katika ziara hiyo, Mheshimiwa Rais Samia alielekeza Tanzania na Burundi kubadilishana uzoefu katika Sekta ya Kilimo na Mifugo hususan kwenye uendeshaji wa Vyama vya Ushirika na kuongeza thamani ya mazao ya Kilimo.

“Ni matumaini yangu kupitia kikao hiki tutaweza kujadili vyema maeneo ya ushirikiano katika shughuli za vyama vyetu vya Ushirika na vyama vilivyopo nchini Burundi,” alisema.

Dkt. Ndiege mesema Tume ipo tayari kuhamasisha Vyama vya Ushirika kwenda kubadilishana uzoefu wa Ushirika nchini Burundi na wao kuja kujifunza namna Ushirika unavyofanya kazi nchini Tanzania.

Amebainisha kuwa Tume imekuwa ikifanya kazi ya kuviunganisha vyama hivyo na fursa mbalimbali zikiwepo za masoko na uwekezaji ndani na nje ya nchi.

Awali Mrajis Msaidizi, Masoko na Uwekezaji, Robert Nsunza amesema kuna vyama vya ushirika 9,185 nchini ambapo kati ya hivyo 4,039 ni Vyama vya ushirika wa mazao.

Kwa upande wake, Balozi wa Tanzania nchini Burundi Dkt.Jilly Malekeo, amesema kumekuwapo na changamoto ubalozi unapohamasisha Watanzania kulitumia soko la mchele nchini Burundi kutokana na wanunuzi kuwa kwenye ushirika. Hivyo, changamoto hii inaweza kutatuliwa iwapo kutakuwa na Ushirikiano wa kiushirika kati ya nchi hizo mbili.

“Mtanzania akiingiza mchele Burundi anakutana na uongozi wa Chama cha Ushirika, na anaweza asiuze kwa faida kutokana na kukosa 'connection' nzuri, kwa kuwa wenzetu wana Ushirika kwenye mazao ya nafaka,” amesema Mhe.Balozi Maleko.

Read More →

RADI YAUA WATU WATANO KIGOMA

Radi

Watu watano wakiwemo watoto wanne waliokuwa wakicheza chini ya mti wakati mvua ikinyesha wamepoteza maisha kwa kupigwa na radi katika Kijiji cha Kibuye, Kata ya Kumsenga wilaya ya Kibondo mkoani Kigoma.

Taarifa hiyo imetolewa na Kamanda wa Polisi mkoa wa Kigoma ACP James Manyama, na kusema tukio hilo limetokea jana Januari 4, 2022, na kwamba waliopoteza maisha ni watoto wanne kutoka familia tofauti na mwingine akipigwa na radi na kupoteza maisha wakati akiwa anaendelea kulima shambani.

Aidha, Kamanda Manyama ametoa tahadhari kwa wananchi mkoani Kigoma hasa katika kipindi hiki cha msimu wa mvua ili kuepusha madhara zaidi.

Chanzo - EATV

Read More →

TANESCO WATANGAZA GHARAMA ZA KUUNGANISHA UMEME...27,000 NI KWA VIJIJINI TU

Shirika la Umeme Tanzania (TANESCO), limetangaza gharama mpya za kuunganisha umeme, ambapo vijijini ni shilingi 27,000 bila kujali umbali wala idadi ya nguzo 

 

Read More →

MPATIE MWANAO LAPTOPS HIZI AFURAHIE MAISHA YA KIDIGITALI

 

 Mpatie mwanao furaha na tabasamu huku ukiipumsha simu yako kwa kumpatia Laptops za Watoto ili ajifunze TEHAMA.

Uwezo:

√ Zinatumia mfumo wa Android

√ Ni Touch screen

√ Zimesheni masomo Nursery mpaka Class 7

√ O-level

√ Anatumia mtoto kuanzia miaka 2-14

√ Cartoon na Games

√ YouTube Kids

√ Zoom Touch

√ Unaweza kuzitumia kwa muonekano wa Tables au Computer kawaida

√ Hard Disk 8GB

√ RAM 2GB

√ Internet kwa WiFi, Hotspot au Modem

√ USB Ports 2

√ HDMI

√ Card Reader 1

√ Earphone na Microphone

√ Unacharge na umeme na inaweza kukaa na betri zaidi ya SAA 8 na kuendelea.

Laptop hizi ni imara na zinawafaa hata wale watoto watundu.

Laptop zinamuonekano wa Tables au Computer kawaida

*Tunatuma popote ulipo ndani ya Tanzania kwa gharama za mteja. 

Tunapatikana Mbezi kwa Msuguli, Dar es Salaam.

Kwa maelezo zaidi

Please call 0735997777 au

WhatsApp 0787999774

E-mail; cathbert39@gmail.com

Instagram; @kajunasonblog @kidslaptop

--

Read More →

WIZARA YA AFYA YAKABIDHI VIFAA MAPAMBANO DHIDI YA UVIKO-19 KWA MIKOA 17

Mratibu wa kitaifa programu ya kuzuia na kukabiliana na Upungufu wa Vitamini A nchini kutoka Taasisi ya Chakula na Lishe Tanzania Francis Modaha, akimkabidhi Mganga mkuu wa Serikali kutoka Wizara ya Afya, Maendeleo ya Jamii, Jinsia, Wazee na Watoto Dkt.Aifillo Sichalwe Chupa ya Kitakasa Mikono ikiwa ni ishara ya kumkabidhi vifaa vya kupambana na UVIKO-19 kutoka Shirika la Kimataifa la Nutrition International kwa ajili ya watoa huduma za afya katika mikoa 12 nchini na mikoa Mitano ya Zanzibar.

Mganga Mkuu wa Serikali Dkt. Aifillo Sichalwe akikabidhi boksi la Barakoa kwa Mkurugenzi wa huduma za Afya Mwanahamisi Hassan kwa niaba ya Ofisi ya Rais –TAMISEMI ikiwa ni ishara ya kupokea vifaa vya kuwakinga na UVIKO-19 watoa huduma za afya katika mikoa 12 nchini vilivyotolewa na Taasisi ya Chakula na Lishe Tanzania kwa niaba ya Shirika la Nutrition International.

Mganga Mkuu wa Serikali Dkt. Aifillo Sichalwe akikabidhi boksi la Kitakasa Mkono kwa Naibu katibu Mkuu Ofisi ya Makamu wa Rais Muungano na Mazingira Mohamed Abdulla kwa ajili ya Mikoa 5 ya Zanzibar ikiwa ni ikiwa ni ishara ya kupokea vifaa vya kuwakinga na UVIKO-19 watoa huduma za afya wakati wa huduma za Mwezi wa afya na Lishe ya Watoto. Mkurugenzi wa huduma za Afya- TAMISEMI Mwanahamisi Hassan akimkabidhi kaimu Mganga Mkuu wa Mkoa wa Dodoma Dkt. Dkt Samuel Seseja boksi la Barakoa ikiwa ni ishara ya kupokea vifaa vya kuwakinga na UVIKO-19 kwa niaba ya Wganga Wakuu wa Mikoa 12 nchini, ambayo itapatiwa vifaa hivyo.

******************************

Na, Jackson Monela -Dodoma

Wizara ya Afya, Maendeleo ya Jamii, Jinsia, Wazee na Watoto imekabidhi vifaa vya kujikinga na UVIKO-19 kwa Mikoa 12 ya Tanzania Bara na 5 ya Zanzibar vilivyotolewa na Taasisi ya Chakula na Lishe Tanzania kupitia shirika la Kimataifa la Nutrition International (NI) ikiwa ni kuwakinga watoa huduma ya afya hususani katika zoezi la Utoaji wa Matone ya Vitamini A nchini.

Akizungumza wakati wa kukabidhi vifaa hivyo kwa wawakilishi wa Ofisi ya Rais-TAMISEMI na Ofisi ya Makamu wa Rais-Muungano na Mazingira Mganga Mkuu wa Serikali Dkt Aifillo Sichalwe amesema vifaa hivyo vitaenda kuwasaidia watoa huduma za afya walio mstari wa mbele katika kutoa huduma za afya nchini bila kuwasahau watoa huduma za afya ngazi ya jamii (CHW)

Dkt Sichalwe amesema kutokana na changamoto ya UVIKO-19 Serikali inaendelea kuwapatia vifaa vya kujikinga na maambukiz ya UVIKO-19 watoa huduma waliopo katika vituo vya afya ili kuwawezesha kuendelea kutoa huduma za afya kwa ufanisi ikiwemo Kampeni ya utoaji wa Matone ya Vitamini A inayofahimika kama Huduma ya Mwezi wa Afya na Lishe ya Mtoto.

“Vifaa hivi vimeanza kutolewa katika mikoa 12 ya Dodoma, Geita, Kagera, Morogoro, Katavi, Mwanza, Kilimanjaro, Shinyanga, Simiyu, Singida, Tabora na Tanga pamoja na Mikoa yote mitano ya Tanzania Visiwani na mikoa hii imeteuliwa kwa sababu ilikuwa na ufanisi duni katika utoaji wa huduma za mwezi wa afya, hivyo kupitia msaada huu utasaidia kuimarisha kiwango cha katika utoaji wa huduma za matone ya Vitamini A kwa watoto wengi zaidi” Alisema Dkt.Sichalwe.

Kwa upande wake Kaimu Mkurugenzi wa Taasisi ya Chakula na Lishe Tanzania Dkt. Ray Masumo ameishukuru Serikali ya Cananda kupitia Shirika lake la Nutrition International (NI) kwa kuendelea kuiunga mkono serikali katika vita dhidi ya UVIKO-19 na changamoto nyingine za Kilishe.

Dkt. Masumo amesema vifaa hivi vitawasaidia watoa huduma ya afya waliopo mstari wa mbele katika kutoa huduma za afya ikiwemo Huduma ya mwezi wa Afya na Lishe ya Mtoto kwani malengo yaliyopo ni kuhakikisha ifikapo Mwaka 2025 watoto wote nchini wafikiwe na huduma ya matone ya Vitamini A kupitia vituo vya afya vilivyopo nchini.

Nae Mkurugenzi Mkazi wa Shirika la Kimataifa la Nutrition International (NI) Dkt Daniel Nyagawa amesema wamechukua uamuzi wa kutoa vifaa kwa Serikali ikiwa kuunga mkono juhudi mbalimbali zinazochukuliwa katika kupambana na UVIKO-19 na wataendelea kushirikiana na katika afua nyingine ikiwemo zile za Kilishe ambazo shirika hilo limekuwa likizitekeleza hapa nchini.

Akipokea vifaa hivyo kwa niaba ya Ofisi ya Rais-TAMISEMI Mkurugenzi wa huduma za Afya Dkt.Mwanahamisi Hassan amesema vifaa hivyo vitawasaidia watoa huduma za afya waliopo mstari mbele katika vita ya UVIKO-19 hivyo anawakaribisha wadau wengine kujitokeza katika kuunga mkono jitihada zinazochukuliwa na serikali katika vita hiyo.

Jumla ya Katoni 6000 za Barakoa (Mask) na Vitakasa Mikono (Sanitizer) lita 6000 vyenye gharama ya Milioni 57 vimetolewa na vitasambazwa katika mikoa 17 ikiwemo 12 ya Tanzania bara na 5 ya Tanzania visiwani.

Read More →