Tazama Picha : MAELFU WAJITOKEZA MAZISHI YA MHUBIRI MAARUFU TB JOSHUA

 Maelfu ya waombolezaji wamejitokeza kuzika mwili wa mhubiri maarufu duniani, Temitope Balogun Joshua maarufu TB Joshua leo Ijumaa Julai 9, 2021 Lagos nchini Nigeria.

TB Joshua alifariki dunia Jumamosi ya Juni 5, 2021 nchini humo akiwa na umri wa miaka 57. Ibada ya kuaga imefanyika katika kanisa Synagogue Church of All Nations (SCOAN) mjini Lagos.

Taratibu za mazishi yake zilianza kufanyika Jumatatu ikianza misa katika kanisa hilo na Jumanne waombolezaji walitoa heshima za mwisho. TB Joshua alijipatia umaarufu kutokana na kuponya watu wa mataifa mbalimbali na huduma yake kuwa maarufu duniani kote.

Popular Nigerian televangelist TB Joshua has been buried in Lagos after a week of funeral rites.

Thousands of mourners attended the burial service at his Synagogue, Church of All Nations (SCOAN) in the Ikotun area of Lagos.

Temitope Balogun Joshua was revered by people from around the world and tens of thousands of people attended his weekly services.

The charismatic preacher's rise to prominence in the late 1990s coincided with the explosion of "miracle" programmes performed on Nigerian TV by various pastors.

His ministry professed to heal all manner of illnesses, including HIV/Aids and attracted people from around the world.

Read More →

Nafasi za Kazi: Mtendaji wa Kijiji - Nafasi 5

Nafasi za Kazi: Mtendaji wa Kijiji - Nafasi 5 

==>>Kutuma Maombi << BOFYA HAPA>>

==>>Kwa Nafasi Zaidi za Kazi Kila Siku  <<BOFYA HAPA>>

Read More →

Taasisi Ya Moyo Jakaya Kikwete Yapongezwa Kwa Kuanzisha Duka La Dawa Za Magonjwa Mbalimbali

Na  Mwandishi Maalum –  Dar es Salaam

Waziri wa Afya, Maendeleo ya Jamii, Jinsia, Wazee na Watoto Dkt. Doroth Gwajima ameipongeza Taasisi ya Moyo Jakaya Kikwete (JKCI) kwa kuanzisha duka la dawa linalouza  dawa za kutibu magonjwa  mbalimbali na kuzitaka Hospitali zingine kuiga mfano huo.

Waziri Dkt. Gwajima amezitoa pongezi hizo  leo jijini Dar es Salaam wakati akizindua maktaba ya watoto wanaosumbuliwa na maradhi ya Moyo na saratani wanaotibiwa katika Taasisi ya Moyo Jakaya Kikwete (JKCI) na Hospitali ya Taifa Muhimbili (MNH).

Dkt. Gwajima alisema kuwepo kwa duka hilo la dawa kutawasaidia wagonjwa wanaotibiwa Hospitali ya Taifa Muhimbili (MNH), Taasisi ya Moyo Jakaya Kikwete (JKCI)  na Taasisi ya Mifupa Muhimbili (MOI) badala ya kwenda kununua dawa nje ya Muhimbili watakwenda kuzinunua katika duka hilo.

“Kuna dawa ambazo hazipatikani ndani ya Hospitali , mgonjwa akiandikiwa dawa hizi na daktari analazimika kwenda kuzinunua nje ya Muhimbili . Kuwepo kwa duka hili kutawasaidia wagonjwa kupata dawa hizi ndani ya Muhimbili na kuweza kuokoa muda  wa kutembea kwenda kutafuta dawa”, alisisitiza Dkt. Gwajima.

Dkt. Gwajima pia aliipongeza compounding Unit ambao wanatengeneza dawa za watoto za moyo kutoka kidonge cha mtu mzima hadi kuwa kwenye matumizi ya watoto na kutengeneza vitakasa mikono “sanitizer” ambazo zinatumika katika Taasisi hiyo na zingine zinauzwa katika duka hilo la dawa.

“Hospitali zingine ziige mfano wa JKCI kwani kuwepo kwa duka la dawa ambalo mtu ananunua kwa kulipia na compounding unit ambao wanazalisha dawa na pamoja na vitakasa mikono kutasaidia Hospitali kuongeza kipato pamoja na kurahisisha upatikanaji wa dawa kwa wagonjwa”, alisisitiza Dkt. Gwajima.

Kwa upande wake Mkurugenzi Mtendaji wa JKCI Prof. Mohamed Janabi alisema kabla ya kuanzishwa kwa duka hilo waliangalia ni aina gani za dawa ambazo hazipatikani MNH, JKCI na MOI na kuziweka katika duka hilo ili kuwarahisishia wagonjwa pamoja na watu wengie  kupata dawa hizo kirahisi.

“Dawa hizi pamoja na bidhaa zingine ambazo zinatakiwa kuuzwa katika duka la dawa zinauzwa kwa kulipia, mtu yeyote anafika katika duka hili na kununua dawa anazozitaka. Kuna dawa ambazo unanunua moja kwa moja bila ya kuandikiwa na daktari na kuna dawa ambazo unaandikiwa na daktari”, alisema Dkt. Janabi.

Akizungumzia kuhusu Compounding Unit Mkurugenzi wa Tiba Shirikishi  katika Taasisi ya Moyo Jakaya Kikwete (JKCI) Dkt. Delila Kimambo alisema imewasaidia katika upatikanaji wa dawa za moyo za watoto kwani dawa hizo hazipatikani kwenye soko la dawa nchini kutokana na dawa hizo kutozalishwa viwandani.

Dkt. Delila ambaye pia ni daktari bingwa wa magonjwa ya moyo alisema duka hilo la dawa limeanza kufanya kazi mwanzoni mwa mwezi Juni  na linahudumia zaidi ya watu 100 kwa siku.

Read More →

BENKI YA CRDB YATOA MSAADA WA VIFAA VYA UJENZI WA MADARASA KWA SHULE ZA SEKONDARI NA MSINGI WILAYANI KILINDI

 
Meneja wa Benki ya CRDB Kanda ya Kaskazini Chiku Issa kulia akimkabidhi mabati 360 yenye thamani ya Milioni 10 Mbunge wa Jimbo la Kilindi (CCM) Omari Kigua kwa ajili ya kuunga mkono juhudi za Serikali katika sekta ya elimu kushoto anayeshuhudia ni Mkuu wa wilaya ya Kilindi Abel Busalama kulia ni Diwani wa Kata ya Mkindi Hillary Elisha Msigwa

Meneja wa Benki ya CRDB Kanda ya Kaskazini Chiku Issa kulia akimkabidhi mabati 360 yenye thamani ya Milioni 10 MKUU wa wilaya ya Kilindi Abel Busalama kwa ajili ya kuunga mkono juhudi za Serikali katika sekta ya elimu kushoto ni Mbunge wa Jimbo la Kilindi (CCM) Omari Kigua kulia ni Diwani wa Kata ya Mkindi Hillary Elisha Msigwa

MKUU wa wilaya ya Kilindi Abel Busalama akizungumza wakati wa halfa hiyo kushoto ni Meneja wa Benki ya CRDB Kanda ya Kaskazini Chiku Issa na Mbunge wa Jimbo la Kilindi (CCM) Omari Kigua

MENEJA wa Benki ya CRDB Kanda ya Kaskazini Chiku Issa akizungumza kabla ya makabidhiano hayo kulia ni Mkuu wa wilaya ya Kilindi Abel Busalama na Kushoto ni Mbunge wa Jimbo la Kilindi (CCM) Omari Kigua akifuatiwa na Diwani wa Kaya ya Mkindi Hilary Elisha

MBUNGE wa Jimbo la Kilindi (CCM) Omari Kigua akizungumza wakati wa Halfa hiyo kulia ni Meneja wa Benki ya CRDB Kanda ya Kaskazini Chiku Issa

MWALIMU Mkuu wa Shule ya Sekondari Mkindi Chiku Athumani akizungumza kabla ya halfa ya makabidhiano hayo


NA OSCAR ASSENGA, KILINDI.

BENKI ya CRDB imetoa msaada wa vifaa vya ujenzi wa Madarasa katika shule za Sekondari na Msingi wilayani Kilindi Mkoani Tanga wenye thamani ya Milioni 10 ikiwa ni kuunga mkono juhudi za Serikali kusaidia kuondoa changamoto zilizopo kwenye sekta ya elimu.

Vifaa hivyo vya ujenzi ambayo walikabidhi benki hiyo ni mabati 360 ambayo yalikabidhiwa kwenye Kata ya Mkindi wilayani humo ikiwa ni juhudi za Mbunge wa Jimbo la Kilindi (CCM) Omari Kigua kuwasilisha ombi lake kwa benki hiyo kuhusu uwepo wa changamoto hiyo.

Katika mabati hayo shule ya Sekondari Mkindi walipatiwa mabati 168 ambayo yatasaidia kupaua maadarasa yote, Kilindi Sekondari mabati 52,na Shule ya Msingi Masagusa mabati 50, Shule ya Msingi Michungwani mabati 50.

Akizungumza wakati wa halfa ya makabidhiano hayo Meneja wa Benki ya CRDB Kanda ya Kaskazini Chiku Issa alisema kwamba benki hiyo inachukulia kwa uzito sana suala la uwekezaji kwenye sekta ya elimu.

Alisema kwamba hiyo imepekelea wao kama benki kuipa kipaumbele sekta ya elimu kupitia sera yao ya misaada ili kuunga mkono juhudi za wananchi na kurudisha kwao ambao kwa kiasi kikubwa wamekuwa na hamasa ya kutenegeneza miundombinu ya elimu kwa manufaa ya sasa na kizazi cha baadae.

“Benki yetu inajivunia kuona Taifa linapiga hatua kubwa kwenye sekta ya elimu ambapo kupitia sera ya serikali elimu bure imeongeza idadi ya wanafunzi lakini pia ufaulu ambao maendeleo yake yanaakiisi hadi kiwango chetu cha uchumi ambapo mwaka jana nchi iliingia kwenye uchumi wa kati”Alisema

Alisema katika jithiada za benki ya katika kuhamaisha elimu vilevile zinaokenaka katika kutekeleza sera ya benki katika kusaidia jamii ambayo inaelekeza kila mwaka asilimia 1 ya faida inayopatikana wanatakiwa kusaidia jamii kwenye Nyanja za elimu, afya na mazingira.

“Changamoto hizo ni pamoja na ukosefu wa mabweni, madarasa ya kutosha, umbali wa shule moja mpaka nyengine na vifaa vya kusomea jambo ambalo limekuwa likiathiri upatikanaji wa elimu kwa watoto”Alisema

Aidha alisema kupitia msaada huo ni matarajio yake kuwa utasaidia kuweka mazingira salama ya elimu kwa watoto 343 na hiyo itawezesha kujenga viongozi mahiri watakaokuja kuliongoza Taifa letu katika siku zijazo.

“Tunataka kuona wakina mama Samia Suluhu ,Tulia Akson,Ummy Mwalimu,Anna Makinda,Asha Rose Migiro na wengi zaidi katika nchi yetu”Alisema

Awali akizungumza kabla ya kupokea msaada huo, Mbunge wa Jimbo la Kilindi (CCM) Omari Kigua alisema anaishukuru CRDB kwa kuwaunga mkono kwenye sekta ya elimu kwa kuwapelekea mabati ambayo yatasaidia kuondosha changamoto zilizopo.

“Kilindi tunamshukuru sana Mkurugenzi wa CRDB kwa hayo yaliyoyafanywa katika wilaya hiyo yeye kama Mbunge, Mkuu wa wilaya na Mkugenzi wa Halmashauri watakuwa mabalozi wazuri sambamba na kwenda kuisemea benki hiyo “Alisema

Aidha alimuomba Meneja wa Kanda ya Kaskazini kuona namna ya kuwasaidia kuwachimbia kisima cha maji katika shule hiyo kutokana na kwamba wanataabika sana kusaka huduma hiyo muhimu.

“Katika hili tunakuomba umpelekee ombi kwa Mkurugenzi wa Benki ya CRDB kwamba tusaidiwe kutuchimbia kisima cha maji katika shule hii “Alisema

Hata hivyo Mkuu wa wilaya ya Kilindi Abel Busalama aliwataka walimu kuhakikisha mabati hayo yanatumika kwenye malengo yaliyokusudiwa na watakaotumia tofauti na malengo hayo watakuchukuliwa hatua..

“Ndugu zangu nikwaambie leo hii tunapokea msaada huu wa mabati kutoka Benki ya CRDB tusikute mabati haya mtaani …tutawachukulia hatua kali za kisheria wote ambao watabainika kuhusika”Alisema DC Abel.

Naye kwa upande wake Mkuu wa shule ya Sekondari Mkindi Chiku Athumani aliishukuru Benki ya CRDB kwa msaada huo ambao wameutoa ambao utasaidia kuondoa changamoto walizokuwa wakikabiliana nazo za uhaba wa vyumba vya madarasa.

Read More →

NGOs Zaomba Kukutana Na Rais Samia

 Na Mwandishi Wetu Dodoma
Baraza la Taifa la Mashirika Yasiyo ya Kiserikali nchini (NACONGO) limemuomba Rais wa Jamhuri ya Muungano wa Tanzania Mhe. Samia Suluhu Hassan kukutana nao na kuzungumza kuhusu mustakabali wa NGOs kwa maendeleo ya taifa.

Haya yamesemwa leo (09/07/2021) jijini Dodoma na Mwenyekiti wa Baraza la Taifa la Mashirika Yasiyo ya Kiserikali nchini (NACONGO) Lilian Joseph Badi wakati wa kukamilisha zoezi la uchaguzi wa viongozi wa Baraza hilo.

Lilian amesema kuwa lengo la kutaka kukutana na Rais ni kuweka muelekeo mzuri kwa Mashirika Yasiyo ya Kiserikali katika jitihada za kuhakikisha yanasaidiana na Serikali kuwaletea maendeleo wananchi katika utekelezaji wa miradi mbalimbali .

Bi Lilian ameongeza kuwa Baraza hilo litahakikisha linaleta umoja kati ya Mashirika Yasiyo ya Kiserikali nchini, wadau na Serikali ili kuhakikisha inasaidia utekelezaji wa mipango mikakati iliyowekwa na Serikali katika kuwaletea wananchi maendeleo.

Akizungumza kwa niaba ya Serikali Kaimu Katibu Mkuu Wizara ya Afya-Idara Kuu ya Maendeleo ya Jamii Patrick Golwike amelitaka Baraza hilo kufanya kazi kwa kuzingatia Sheria taratibu na tamaduni za nchi ili kusaidiana na Serikali katika kutatua changamoto zinazowakabili wananchi katika kujiletea maendeleo.

Ameongeza kuwa Baraza hilo linatakiwa kuhakikisha linaweka maslahi ya taifa mbele na kuhakikisha linasimama badala ya Mashrika yote na sio kwa ajili ya Mashirika machache tu.

Naye Mwenyekiti wa Bodi ya Uratibu wa Mashirika Yasiyo ya Kiserikali Dkt. Richard Sambaiga amelipongeza Baraza hilo kwa kuchagua viongozi wake na kuwataka kuwa jicho kwa Mashirika Yasiyo ya Kiserikali nchini.

Hivi karibuni Waziri wa Afya, Maendeleo ya Jamii, Jinsia, Wazee na Watoto Mhe. Dkt. Dorothy Gwajima aliunda Kamati ya Uratibu wa Uchaguzi wa Baraza la Taifa la Mashirika Yasiyo ya Kiserikali nchini (NACONGO) ambao umekamilika kwa kuchagua viongozi wa Baraza hili kuanzia ngazi ya Wilaya hadi Taifa.

Read More →

Mji Wa Serikali Mtumba Kuwa Na Miundombinu Ya Kisasa

Na Mwandishi wetu-  Dodoma
Mji wa Serikali Mtumba Jijini Dodoma umeendelea kuwekewa  miundombinu ya kisasa itakayosaidia na kurahisisha utoaji wa huduma kwa wananchi wanaofika katika Ofisi zote zilizopo katika eneo hilo.

Hayo yamesemwa  hivi karibuni  na   Katibu wa Kikosi Kazi cha  Kuratibu Serikali kuhamia Dodoma na ujenzi wa mji wa Serikali  Bw.Meshack Bandawe wakati akiongoza kikao cha Timu ya wataalam wanaosimamia ujenzi wa miundombinu ya kudumu ya Mji wa Serikali inayohusu maji safi na maji taka,umeme, mawasiliano, usalama, ujenzi wa majengo marefu ya wizara awamu ya pili, barabara za lami, zimamoto na uokoaji, gesi na upandaji miti  ya matunda.  

“Mji wa Serikali hapa Mtumba  utakuwa wa kisasa  kutokana na miundombinu iliyojengwa na inayoendelea kujengwa hapa kama vile barabara za lami, uwekaji taa za barabarani, majengo ya kisasa na miundombinu mingine itakayoufanya mji huu kuwa na mvuto wa kipekee  kama ilivyo dhamira ya Serikali ya Awamu ya Sita.

Kwa upande wa miundombinu mingine Bandawe amesema kuwa itawekwa chini ya ardhi ili kuweka mandhari ya mji huo kuwa ya kisasa na  ya kuvutia.

Akieleza kuhusu ujenzi wa barabara za lami Bandawe amesema kazi hiyo inaendelea  na imefikia zaidi ya asilimia 70 na kazi yakuweka miundombinu mingine inaendelea kama ilivyopangwa.

Ujenzi wa Mji wa Serikali awamu ya pili inatarajiwa kuhusisha ujenzi wa majengo makubwa ya gorofa  kwa kila Wizara. Aidha katika mji wa Serikali Mtumba kutapandwa miti ya aina mbalimbali ya matunda.

Read More →

RC MAKALLA AAGIZA MABASI YOTE KUSHUSHA ABIRIA STENDI YA MBEZI

Mkuu wa Mkoa wa Dar es salaam Mhe. Amos Makalla amelielekeza Jeshi la Polisi kuhakikisha kuanzia Sasa Mabasi yote yanashusha na kupakia abiria kwenye kituo kikuu cha Mabasi cha Mbezi Louis.

RC Makalla amesema hayo wakati alipotembelea kituo hicho na kusikiliza kero na changamoto mbalimbali za Wafanyabiashara kituoni hapo.

Amesema Serikali inatambua kituo kimoja pekee Cha Mabasi ambacho ni Mbezi na uwekezaji uliofanyika ni mkubwa hivyo hakuna maana kama kila mmiliki wa mabasi atakuwa na kituo chake kupakia na kushusha abiria.

Aidha RC Makalla ameelekeza uongozi wa Stendi hiyo kuweka utaratibu wa baadhi ya Mabasi kushusha abiria kwenye eneo la kulaza magari ambapo kuna Banda la Mamalishe ili kuchochea biashara.

Kuhusu changamoto ndogondogo zilizojitokeza kituoni hapo, RC Makalla ameelekeza Viongozi wa Halmashauri ya Ubungo na kituo kuzipatia ufumbuzi wa haraka.

Mhe.Makalla pia ameelekeza Wafanyabiashara kituoni hapo wapangwe Katika utaratibu mzuri na bora kuendana na hadhi ya kituo. 

Wakati huohuo RC Makalla ametembelea Soko la Machinga lililopo pembezoni mwa Stendi hiyo na kutaka Wafanyabiashara wote wahamishiwe sokoni hapo na uchunguzi ufanyike kwa wale waliopatiwa vibanda kwa upendeleo na kujuana ambapo Wafanyabiashara hao wamesema wapo tayari kuhamia sokoni apo na wamechoka kufanya biashara barabarani.

Amemuelekeza Mkuu wa Wilaya ya Ubungo kuweka utaratibu wa Daladala kushusha abiria sokoni apo ili kuchagiza biashara.

Read More →

Mamlaka Na Taasisi Za Serikali Zatakiwa Kuweka Mikakati Ya Kuongeza Ajira Kwa Vijana

Na. Peter Haule, WFM, Dar es Salaam
Naibu Waziri wa Fedha na Mipango, Mhandisi Hamad Yussuf Masauni, ametoa wito kwa Taasisi na Mamlaka za Umma kuseka mikakati ya kuwawezesha vijana hususani wanaomaliza Vyuo Vikuu na viwango vingine vya elimu kujiajiri na kujikwamua kiuchumi

Alitoa wito Wito huo  jijini Dar es Salaam alipotembelea Mamlaka ya CMSA ambapo alikutana na kufanya mazungumzo na Menejimenti ya Taasisi hiyo katika mwendelezo wa ziara zake za kutembelea taasisi zote zilizo chini ya Wizara ya Fedha na Mipango.

Mhandisi Masauni alisema kuwa iwapo taasisi na mamlaka za Serikali zitajiwekea programu zitakazo wezesha vijana kujiajiri, kutapanua wigo wa vijana hao kujikwamua kiuchumi na kuwa na mchango katika maendeleo ya nchi.

“Nawapongeza kwa kuwa na Programu ya Tuzo kwa wanavyuo kuhusu masuala ya uwekezaji wa dhamana za Serikali ni jambo zuri kwa kuwa inawawezesha vijana kuanzisha kampuni, kufanyabiashara, usimamiaji, utafutaji wa masoko na kutumia Soko la Hisa kuwekeza kwa kuwa baadhi ya kampuni hizo zinauza hisa jambo ambalo linatakiwa kuigwa”, alieleza Mhandisi Masauni

Alisema kuwa kwa muda mrefu Serikali imekuwa inafanya jitihada ya kuangalia namna gani inaweza kupunguza changamoto ya ukosefu wa ajira hususani kwa vijana wanaotimu Vyuo Vikuu na viwango vingine vya elimu, Mamlaka ya CMSA, imetekeleza kwa vitendo kwa kuwasaidia vijana kuwa na uelewa wa uwekezaji na kuwekeza.

Hatua iliyochukuliwa na CMSA inatekeleza maelekezo mbalimbali yametolewa yakiwemo ya Mhe. Rais Samia Suluhu Hassan, kuhusu dhana ya kuangalia mfumo wa elimu, ili kuwasaidia vijana wanaomaliza Vyuo kutumia elimu waliyoipata kutengeneza fursa za kipato, ajira, uwekezaji na biashara.

Mhandisi Masauni alisema kupitia Programu ya Tuzo, vijana wameweza kushiriki kikamilifu katika kuongeza mnyororo wa thamani katika sekta za maendeleo ikiwemo kilimo kuanzia kuzalisha bidhaa za viwandani kupitia kilimo hadi katika masoko ya ndani na nje.

Vilevile ametoa wito kwa Kampuni na Mashirika ambayo Serikali imewekeza hisa zake kujiorodhesha katika Soko la Hisa ili kuongeza ufanisi wake katika kujiendesha kwa mafanikio, kwa kuwa mashirika mengi yamefanya vizuri na kutoa gawio zuri kwa Serikali baada ya kujisajili katika Soko la Hisa la Dar es salaam ikulinganishwa na kabla ya kuchukua hatua hiyo.

Mhandisi Masauni alisema kuwa kati ya kampuni 10 ambazo ni walipaji kodi wakubwa, kampuni saba zimeorodheshwa katika Soko la Hisa la Dar es Salaam, hiyo inamaana kuna umuhimu wa kuendelea kulisimamia soko hilo vizuri ili  kuongeza idadi ya kampuni zikiwemo binafsi.

Pia aliipongeza Mamlaka ya Masoko ya Mitaji na Dhamana (CMSA) kwa namna ilivyoweza kutumia utaratibu wa uwekezaji katika Hati Fungani kuwezesha kutekeleza miradi nchini ikiwemo ile ya kimkakati kwa fedha za ndani, na kufanya wananchi waweze kushiriki katika maendeleo ya nchi.

Alisema kupitia uwekezaji wa Hati Fungani unamsaidia mwananchi kuwa na utaratibu wa kujiwekea akiba kwa Maisha ya baadae, hivyo elimu katika suala hilo ni muhimu ikatilewa kwa nguvu zaidi ili waweze kutambua fursa hizo hatimaye si tu kusaidia Taifa lao lakini pia kila mmoja katika kujiwezesha kiuchumi.

Kwa upande wake Afisa Mtendaji Mkuu wa Mamalaka ya Masoko ya Mitaji ya Dhamana (CMSA), Bw. Nicodemus Mkama, alisema kuwa suala la elimu kwa umma kuhusu uwekezaji katika Hati Fungani na Hisa limepewa kipaumbele, ili kupitia uwekezaji huo waweze kukuza uchumi wao na kushiriki katika kutekeleza miradi mbalimbali nchini

Alisema kuwa hadi kufikia mwezi Juni 2021, thamani ya uwekezaji katika masoko ya mitaji ilikuwa Shilingi trilioni 31.1, ambapo uwekezaji katika hisa za kampuni zilizoorodheshwa katika soko la hisa ulikuwa shilingi trilioni 16.5.

Alisema kuwa uwekezaji katika hati fungani zilizoorodheshwa katika soko la hisa ulikuwa shilingi trilioni 13.9 ambapo shilingi trilioni 13.8 ni hati fungani za Serikali na shilingi bilioni 128.8 ni hati fungani za kampuni.

Aidha mafanikio yaliyopatikana kwa njia ya kuuza hisa kwa umma katika soko la awali na hatimaye kuorodheshwa katika soko la hisa ni kuvuka lengo kwa Kampuni ya Bia Tanzania (Tanzania Breweries Ltd - TBL) kwa kupata shilingi bilioni 297.6 ukilinganisha na lengo la shilingi bilioni 121.5 ambayo ni sawa na mafanikio ya asilimia 245.

Kampuni zingine zilizovuka lengo ni pamoja na Benki ya CRDB, Kampuni ya Soko la Hisa la Dar es Salaam (DSE PLC), Benki ya Biashara ya DCB na pia Benki ya NMB ambayo ilivuka lengo kwa kupata shilingi bilioni 41.4 ukilinganisha na lengo la shilingi bilioni 20 sawa na asilimia 207 kwa kutoa hatifungani ya shilingi bilioni 200.

Alisema kwa ujumla mwenendo wa masoko ya mitaji na dhamana katika kipindi kilichoishia Juni 2021 ulikuwa wa kuridhisha, hivyo ameiomba Serikali kupitia Wizara ya Fedha na Mipango kuendelea na dhamira yake ya kujenga masoko ya mitaji yaliyo imara yenye kutoa mchango mkubwa katika ujenzi wa uchumi wa nchi.

Read More →

Vijana Watakiwa Kutumia Mafunzo Ya Ufundi Stadi Kuajirika,Kujiajiri Na Kuajiri Wenzao

Na; Mwandishi Wetu
Vijana wameaswa kuthamini na kutumia ipasavyo fursa ya mafunzo ya ufundi stadi yanayoratibiwa na Ofisi ya Waziri Mkuu kwa kuwa ni nyenzo muhimu ya kuwawezesha kuajirika, kujiajiri na kuajiri wenzao.

Hayo ameelezwa Waziri wa Nchi, Ofisi ya Waziri Mkuu anayeshughulikia masuala ya Sera, Bunge, Kazi, Vijana, Ajira na Wenye Ulemavu Mhe. Jenista Mhagama wakati wa ziara yake ya kikazi alipokuwa akikagua maendeleo ya mafunzo ya Uanagenzi yanayoratibiwa na Ofisi yake katika Mamlaka ya Elimu na Mafunzo ya Ufundi Stadi (VETA), Mkoani Lindi.

Waziri Mhagama alieleza kuwa, Serikali kupitia Ofisi ya Waziri Mkuu – Sera, Uratibu, Bunge, Kazi, Vijana, Ajira na Wenye Ulemavu kwa kushirikiana na wadau mbalimbali inatekeleza Programu ya Taifa ya Kukuza Ujuzi nchini ambayo inalenga kuimarisha nguvukazi iliyo katika soko la ajira kwa kuipatia ujuzi na stadi za kazi.

“Serikali ya Awamu ya Sita inayoongozwa na Mhe. Samia Suluhu Hassan Rais wa Jamhuri ya Muungano wa Tanzania imeendelea kuwatengenezea vijana mfumo maalumu wa kupata ujuzi ili waweze kuondokana na changamoto ya ajira kwa kuwapatia mafunzo yenye ujuzi staki unaohitajika katika soko la ajira,” alisema Mheshimiwa Mhagama

Alifafanua kuwa chimbuko la Programu hiyo ya Kukuza Ujuzi ilitokana na changamoto iliyoibuliwa na waajiri kwamba mara nyingi wameshindwa kuwaajiri wahitimu wa ngazi mbalimbali kwa sababu ya kukosa ujuzi wa kutekeleza kazi za fani walizosomea, hivyo serikali kwa kushirikiana na sekta binafsi iliandaa programu hiyo kwa lengo la kukuza ujuzi kwa nguvukazi nchini katika fani mbalimbali.

“Utafiti wa Nguvukazi wa mwaka 2014 ulibainisha kuwa takribani asilimia 3.6 ya nguvukazi ya Taifa ina kiwango cha juu cha Ujuzi, asilimia 16.6 ina kiwango cha kati cha ujuzi na asilimia 79,9 ya nguvu kazi ina kiwango cha chini cha ujuzi,” alifafanua

“Katika mpango wa miaka mitano (5) wa maendeleo serikali imejikita katika kuipatia nguvukazi ujuzi ili kuwa na kiwango cha ujuzi kinachokubalika kwa ujuzi wa kiwango cha chini kufikia asilimia 54, ujuzi wa kati asilimia 34 na ujuzi wa juu asilimia 12,” alieleza

Alieleza kuwa mafunzo hayo yamekuwa na mchango mkubwa kwa vijana hususan katika kuongezeka kwa fursa za ajira na uwezo wa kuajirika pamoja na baadhi yao wamepata ajira kwenye miradi ya kimkakati ya maendeleo inayotekelezwa na Serikali.

“Awamu ya kwanza tulitoa mafunzo kwa vijana ya fani mbalimbali, hii leo wapo vijana waliosomea fani ya ufundi magari wamefungua karakana yao katika Kijiji cha Nyengedi wanatengeneza magari na pikipiki ambazo hapo awali zilikuwa zikitengenezwa mjini. Vilevile vijana hao wameweza kutoa fursa ya ajira kwa vijana wenzao,” alisema Mhagama

“Kijana wengine alisomea fani ya upishi katika chuo cha VETA hapa lindi leo hii ni mpishi mkuwa katika hoteli maarufu ya hapa lindi inaitwa Sea View, hivyo programu hii imekuwa na manufaa makubwa kwa vijana nchini, niwasii vijana kuthamini fursa hiyo waliyopewa na serikali yao pamoja na kuzingatia mafunzo wanayopatiwa” alisema Mhagama

Aidha, Waziri Mhagama ametaka Ofisi yake kwa kushirikiana na vyuo vya Ufundi stadi nchini kuhakikisha kozi wanazotoa kwa vijana ziweze kurandana na aina ya uchumi uliopo katika maeneo yanayowazunguka kusudi vijana waweze kuajirika kwenye miradi inayoanzishwa katika maeneo yao.

Sambamba na hayo amezitaka Halmashauri zote nchini kuwa na kanzi data ya vijana wanaopatiwa mafunzo ya ufundi stadi katika meneo yao ili fursa zinapojitokeza waweze kutoa kwa vijana hao.

“Mheshimiwa Rais na Mama yetu Samia Suluhu Hassan amekuwa akitoa fedha kwa ajili ya miradi mingi ikiwemo Ujenzi wa Barabara, Shule na Vituo vya Afya. Kupitia fursa hizo ni bora mkatumia vijana hao katika miradi hiyo kwa kuwa wanauwezo na ujuzi tayari waliojengewa na serikali,” alieleza

Pia ameziagiza Halmashauri kutoa mikopo kwa wingi ya asilimia 4 kwa vijana inayotokana na mapato ya ndani ili vijana waweze kuanzisha miradi au shughuli mbalimbali za kiuchumi zitakazo wawezesha kujiajiri na kuajiri wenzao.

Naye Mnufaika wa Mafunzo hayo Ndg. Juma Mussa wameishukuru Serikali kwa kuendelea kuwajali na kutambua mchango wa vijana katika jamii kwa kuwapatia ujuzi ambao utakuwa na manufaa katika kuwawezesha kuondokana na changamoto ya ajira.

“Tunamshukuru Rais wetu Mhe. Samia Suluhu Hassan pamoja na wasaidizi wake kwa kutupatia fursa hii, sisi vijana tutasoma kozi zetu vizuri ili tutakapomaliza tulitumikie taifa letu,” alisema Mussa

Read More →

Atiwa Mbaroni akidaiwa kumuua Ndugu yake aliyemzuia asibake Mke wa Kaka Yao

 

Happy Lazaro, Arusha.
Arusha.Jeshi la Polisi mkoa wa Arusha,linamshikilia Melita Ndaletyan(34) kwa tuhuma za kumuua kaka yake Kiseri NdaIetyan ( 38),baada ya marehemu  kumzuia mtuhumiwa aliyekuwa akitaka kumwingilia kimwili mke wa kaka yao mkubwa.

Kwa mujibu wa taarifa iliyotolewa na Kamanda wa Jeshi la Polisi mkoa wa Arusha leo,Justine Maseju,alisema tukio hilo lilitokea Julai 8 2021 majira ya saa 6:30 usiku,katika Kitongoji cha Naamalasin,Kata ya Noondoto wilayani Longido mkoa wa Arusha.

Alidai  kuwa Kiseri alifariki dunia baada ya kukatwa na kitu chenye ncha kali shingoni na mdogo wake ambapo wote wawili ni wafugaji ambapo ndugu wote watatu wanaishi kwsnyw boma moja na kuwa siku ya tukio mtuhumiwa alitaka kutenda kosa hilo kwa mke wa kaka yake ambaye hakuwepo nyumbani wakati huo.

Kamanda amesema kwa mujibu wa uchunguzi wa awali umeonyesha kuwa chanzo cha tukio hilo ni tamaa ya kimapenzi ambapo mtuhumiwa huyo anadaiwa kutaka kumwingilia kimwili mke wa kaka yake na kuzuiwa na marehemu kufanya jambo hilo jambo lililosababisha ugomvi kati yao.

“Mtuhumiwa,marehemu pamoja na kaka yao mwingine wote walikuwa wanaishi kwenye boma moja hivyo mtuhumiwa wakati anataka kumwingilia kimwili mke wa kaka yake(mkubwa) ambaye hakuwepo nyumbani,marehemu alitokea na kumkataza kufanya hivyo ndipo mtuhumiwa alimchoma na kitu chenye ncha kali,”

“Jeshi la Polisi linaendelea kumshikilia mtuhumiwa kwa kumfanyia ukatili ndugu yake na mara baada ya upelelezi kukamilika jalada litapelekwa Ofisi ya mashtaka kwa hatua zaidi za kisheria,”

Kwa mujibu wa Kamanda mwili wa marehemu umekabidhiwa kwa familia kwa ajili ya taratibu za maziko baada ya mwili huo kufanyiwa uchunguzi

Read More →

AJALI YA MAGARI MATATU YAUA WATU WATANO, KUJERUHI 6 KIAMBU

Watu watano wanahofiwa kufariki dunia na wengine sita kujeruhiwa vibaya kwenye ajali ya barabarani eneo la Nyambari, Lari kaunti ya Kiambu nchini Kenya leo asubuhi Ijumaa Julai 9,2021

Majeruhi walikimbizwa katika hospitali ya Kijabe ambapo wanapokea matibabu na wamedaiwa kuwa katika hali mahututi. 

Ajali hiyo ilihusisha lori na matatu mbili zenye uwezo wa kubeba abiria 14 kila moja.

 Akithibitisha kisa hicho, kamanda mkuu wa polisi Stephen Kirui alisema idara ya trafiki imeanzisha uchunguzi kubaini chanzo cha ajali hiyo.

 Kirui pia amewataka madereva kuwa waangalifu ikizingatiwa hali ya anga katika sehemu zingine za nchi mwezi huu wa Julai ni mbovu sana. 

"Nimewasiliana na usimamizi wa hospitali ya Kijabe na imethibitishwa kwamba watu 5 walipoteza maisha yao na sita kujeruhiwa vibaya kwenye ajali hiyo," Kirui alisema.

 "Ningependa madereva wote wawe makini na waangalifu, hali ya anga sio nzuri maeneo haya, hatutaki kuripoti maafa zaidi kutokana na ajali," Aliongezea Kirui.

 Kati ya walipoteza maisha yao, watatu ni wanaume ilhali wawili ni wanawake.

 Kwenye taarifa zingine, mama mmoja mwenye umri wa makamo alipoteza maisha yake kaunti ya Homa Bay baada ya kugongwa na lori akiwa amembeba mtoto mgongoni.

 Walioshuhudia ajali hiyo walisema Sharon Otieno alifariki dunia papo hapo kutokana na majeraha ya kichwa huku mtoto wake akikimbizwa katika hospitali ya Ndhiwa akiwa na majeraha madogo.

Chanzo - Tuko News

Read More →

KASEKENYA AKAGUA UANZISHWAJI WA BARABARA MPYA YA MWANDIGA - CHANKERE (KM 65), KIGOMA

Naibu Waziri wa Ujenzi na Uchukuzi Mhandisi Godfrey Kasekenya akitoa maelekezo kwa Meneja wa Wakala wa Barabara (TANROADS), Mhandisi Narcis Choma (kushoto), wakati akikagua ujenzi wa daraja dogo katika mradi wa uanzishwaji wa barabara mpya ya Mwandiga hadi Chankere mkoani kigoma inayokadiriwa kuwa naurefu wa kilometa 65 baada ya kukamilika kwake. Kulia ni Mbunge wa Jimbo la Kigoma Kaskazini Asa Makanika.

Meneja wa Wakala wa Barabara (TANROADS), Mhandisi Narcis Choma, akitoa maelezo ya ujenzi wa daraja dogo kwa Naibu Waziri wa Ujenzi na Uchukuzi, Mhandisi Godfrey Kasekenya, katika mradi wa uanzishwaji wa barabara mpya ya Mwandiga hadi Chankere mkoani kigoma inayokadiriwa kuwa na urefu wa kilometa 65 baada ya kukamilika kwake. Kulia ni Mbunge wa Jimbo la Kigoma Kaskazini Asa Makanika.

Mbunge wa Jimbo la Kigoma Kaskazini Asa Makanika akimuelezea jambo Naibu Waziri wa Ujenzi na Uchukuzi, Mhandisi Godfrey Kasekenya, wakati Naibu waziri huyo akikagua mradi wa uanzishwaji wa barabara mpya ya Mwandiga hadi Chankere mkoani kigoma inayokadiriwa kuwa na urefu wa kilometa 65 baada ya kukamilika kwake.

Muonekano wa sehemu ya uanzishwaji wa barabara mpya ya Mwandiga hadi Chankere mkoani kigoma inayokadiriwa kuwa na urefu wa kilometa 65 baada ya kukamilika kwake.

PICHA NA WUU

Read More →

Product Manager at Smart Codes

Background   UN Women, grounded in the vision of equality enshrined in the Charter of the United Nations, works for the elimination of discrimination against women and girls; the empowerment of women; and the achievement of equality between women and men as partners and beneficiaries of development, human rights, humanitarian action and peace and security. […]

This post Product Manager at Smart Codes has been posted by Udahiliportaldaily

Get more post by visiting Udahiliportal.com

know more details about Udahiliportal.com by visiting Udahiliportal.com - Find Jobs & Ajira mpya leo, ajira portal Tanzania, ajira yako, brighter Monday, mabumbe, mwananchi ajira, secretariet ya ajira, tamisemi ajira za afya, wizara ya afya, ajira Tanzania - selection za vyuo , selection, second selection vyuo, second selection, tamisemi selection, selection form one 2020/2021

This this content has been copied from udahiliportal.com , please kindly visit Udahiliportalto access full original content content or click here for more details

 

Read More →

MCHIMBA MAKABURI ATUPWA JELA KWA KUKIRI KUVUTA BANGI KUFUKUZA MAPEPO

Kumetokea kituko kortini mjini Eldoret nchini Kenya baada ya mtuhumiwa Wilberforce Manyongemwenye umri wa miaka 28 aliyeshtakiwa kwa kukutwa na misokoto 50 ya bangi kusema kwamba yeye huvuta ili kufukuza mapepo kutokana na kazi yake ya kuchimba makaburi eneo la Kiplombe.

Mshukiwa, Wilberforce Manyonge, alikiri kosa hilo la kupatikana na misokoto 50 ya bangi yenye thamani ya KSh 2,500 sawa na shilingi 52,000 za Tanzania. 

Kupatikana akiwa na bangi Korti iliambiwa kwamba Jumatatu, Julai 5, 2021, Manyonge alipatikana akiwa na bangi katika eneo la Kituo cha Reli cha Eldoret ndani ya kaunti ndogo ya Soy huko Uasin Gishu. 

Alipokuwa mbele ya Hakimu Mkazi Mwandamizi wa Eldoret Barnabas Kiptoo, alikanusha kuwa mfanyabiashara wa dawa za kulevya, akisema kwamba bangi ambayo ilipatikana kwake ilikuwa ni kwa ajili ya matumizi yake binafsi kwani "humpa nguvu" kuchimba makaburi kwenye makaburi maarufu ya Kiplombe kwenye viunga vya mji wa Eldoret.

Aliiambia korti kuwa kwa sababu ya aina ya kazi yake, ambayo ni pamoja na kuchimba makaburi na wakati mwingine kufukua mifupa ya binadamu, yeye hupata ndoto mbaya za kutisha, kwa hiyo ili kufurahia usingizi wake, analazimika kutumia bangi kuondoa uoga na kufukuza mapepo. 

Manyonge ambaye alikamatwa na maafisa wa polisi akiwa doria alisema kuwa haoni ubaya wowote wa kuvuta bangi ambayo kwake ni dawa na chanzo cha nguvu. 

"Ni kweli kwamba nilikamatwa na misokoto 50 ya bangi. Haikuwa ya kuuza lakini ni dawa yangu mwenyewe. Kama mchimbaji wa kaburi, mimi huvuta bangi kuzuia ndoto za jinamizi na uoga kutokana na hali ya kazi yangu,” mtuhumiwa aliiambia korti wakati wa kesi. 

Chanzo - Tuko News

Read More →

Product Specialist at SMART CODES

Smart codes Limited is a digital transformation platform company with a mission to solve African challenges through creative ideas, media, technology, and making a mark in everything we do across Africa.   We believe in adopting creativity and innovation as a driver to communicate organizational messages and in turn, bring change and growth to African […]

This post Product Specialist at SMART CODES has been posted by Udahiliportaldaily

Get more post by visiting Udahiliportal.com

know more details about Udahiliportal.com by visiting Udahiliportal.com - Find Jobs & Ajira mpya leo, ajira portal Tanzania, ajira yako, brighter Monday, mabumbe, mwananchi ajira, secretariet ya ajira, tamisemi ajira za afya, wizara ya afya, ajira Tanzania - selection za vyuo , selection, second selection vyuo, second selection, tamisemi selection, selection form one 2020/2021

This this content has been copied from udahiliportal.com , please kindly visit Udahiliportalto access full original content content or click here for more details

 

Read More →