NAFASI ZA KAZI JESHI LA POLISI 2016

INNOCENT-THE BLOGGER-BOY

CONSULTANCY OPPORTUNITY

Tanzania Police Force in collaboration with UNICEF would like to conduct Evaluation on the three years (2013-2016) Gender and Children’s desks Action Plan for six pilot Regions

1. National Consultant

• Objectives of the assignment

To conduct Evaluation on the three years (2013-2016) Gender and Children’s desks Action Plan

• Qualifications

A holder of Masters Degree in Law (LLM), Masters Degree in Social work or Gender proven experience in consultation field. A minimum of five years experience working with other development institutions and familiarity with approaches to Gender and Children’s issues.

How to apply

Interested and qualified candidates should forward the application letter and current CV outlining their suitability for this position to the address mentioned below. The application must include contact address of the applicant, telephone numbers and email.

INSPECTOR GENERAL OF POLICE
P.O BOX 9141
DAR ES SALAAM
EMAIL: polieforce.go.tz

Deadline: 21/06/2016

Read More →

Rais Magufuli Kukabidhiwa Uenyekiti wa CCM July 23 Mwaka Huu

INNOCENT-THE BLOGGER-BOY

Read More →

Polisi wanzingira nyumba ya Gwajima

INNOCENT-THE BLOGGER-BOY

Waumini wa Kanisa la Ufufuo na Uzima linaoongozwa na Askofu Josephat Gwajima wakiwa nje ya geti la kiongozi huyo.

Kiongozi wa Kanisa la Ufufuo na Uzima, Askofu Josephat Gwajim.

POLISI wanaotajwa kuvaa nguo za kiraia (askari kanzu),  wanadaiwa kuzingira nyumba ya Askofu wa Kanisa la Ufufuo na Uzima, Josephat Gwajima, Salasala nje kidogo ya jijini Dar es Salaam majira ya saa nane mchana.

Kwa mujibu wa vyanzo vya habari vinadai kuwa askari hao walifika nyumbani kwa askofu huyo mchana huo ambapo ilielezwa kuwa baada ya kufika kwa kiongozi huyo wa kiroho waligonga geti lakini halikuweza kufunguliwa na kuamua kuweka kambi kwa muda wa saa mbili.

Ilielezwa kuwa mlinzi wa geti hilo hakuweza kufungua wala kutoka ndani hadi askari hao walipoondoka eneo hilo.

Mwandishi wa mtandao huu alifika eneo la tukio na hakukuta askari hao kwani walikuwa wameshaondoka japokuwa kulikuwa na waumuni wa kanisa hilo nje ya geti.

Hata hivyo walipoulizwa juu ya uwepo wa askari walisema hawajui lolote.

Kamanda wa Polisi wa Mkoa wa Kipolisi wa Kinondoni, ACP Christopher Fuime alipoulizwa na mwandishi wetu kuhusiana na madai hayo alikiri kuwa askari wake walikwenda kwa Gwajima.

“Askari wangu walikwenda kumuona Gwajima lakini hawakumkuta, hivyo wakarudi ofisini,” alisema kamanda Fuime bila kufafanua nia ya kumfuata kiongozi huyo wa kiroho.

Read More →

Mwanajeshi aua watu 8 kambini Uganda

INNOCENT-THE BLOGGER-BOY

WATU wanane wameuawa baada ya kupigwa risasi na mwanajeshi ndani ya kambi ya kijeshi ya Makindye iliyopo mjini Kampala nchini Uganda.
Msemaji wa Jeshi la Uganda, Meja Edward Birungi, ameeleza kuwa mwanajeshi huyo anaripotiwa kutofautiana na mkewe.
Mwanajeshi huyo anaripotiwa kuwa mlevi na alikuwa pia amevuta bangi akiwa kazini, ambapo alianza kufyatua risasi kiholela akimtafuta mkewe ambaye alifanikiwa kutoroka.
Wanawake wanne akiwemo mwanajeshi waliuawa katika tukio hilo.
Wengiwe waliouawa ni pamoja na wake wa wanajeshi wengine, wakiwemo pia watoto watatu.
Mwanajeshi huyo naye aliuawa kwa kupigwa risasi.

Read More →

Gazeti la Ijumaa: Uwoya na skendo ya kubakwa

INNOCENT-THE BLOGGER-BOY

Read More →

V Money afurahia kolabo na Sauti Sol

INNOCENT-THE BLOGGER-BOY

STORI: BONIPHACE NGUMIJE

DIVA anayefanya poa kwa sasa kwenye gemu la Muziki wa Bongo Fleva, Vannesa Mdee ‘V-Money’ hivi karibuni anategemewa kusikika kwenye kolabo mpya aliyopiga na wasanii kutoka Kenya wanaounda Kundi la Sauti Sol.

V-Money aliiambia safu hii kuwa, kolabo hiyo ambayo bado hajawa tayari kuvujisha jina lake ni ya pili kwake kufanya na wasanii wa nje kwa siku za hivi karibuni baada ya ile aliyofanya na 2Face Idebia kutoka Nigeria ambayo pia bado haijaachiwa rasmi.

“Nimefanya kolabo hivi mbili siku za karibuni na wasanii wa nje, nategemea zitaniongezea ujazo kwenye ‘fun base’ yangu kwa sababu wasanii ambao nimefanya nao kazi, wote wanafanya vizuri Afrika, pia wana mashabiki wengi,” alisema V- Money.

Read More →

Amani Latikisa Kunduchi Dar na ‘Shinda Nyumba’

INNOCENT-THE BLOGGER-BOY

Debora Mhagama (kushoto) akisaidiwa kujaza kuponi na Ofisa Masoko wa Global, Yohana Mkanda.

Joshua Benjamin (kushoto) akijaza kuponi  kushiriki bahati nasibu ya Shinda Nyumba.

Mkanda (kulia) akimwonesha msomaji wa Amani, Issa Hamad, sehemu yenye kuponi ya bahati nasibu.Hamadi akijaza kuponi yake. Mkanda (kulia) akimfafanulia jambo msomaji wa gazeti la Amani namna ya kushiriki bahati nasibu hiyo.John Helbert mkazi wa Kunduchi Dar akijaza kuponi.Msomaji wa gazeti la Amani mkazi wa Kunduchi Dar ambaye jina lake halikujulikana (kulia) akijaza kuponi.Mkanda (kushoto) akimsaidia msomaji kukata kuponi baada ya kumaliza kuijaza.

Hamisi Shabani (kulia) akishiriki kujaza kuponi ili kushiriki bahati nasibu ya Shinda Nyumba.

NI hatua za mwisho za lala-salama ambapo zimebaki siku 12 kuchezeshwa droo kubwa ya bahati nasibu ya ‘Shinda Nyumba’  na jana  Alhamisi   promosheni ya shindano hilo inayoendelea iliwafikia  wakazi wa Kunduchi, Dar,  waliojitokeza  kwenye gari la matangazo kuchangamkia gazeti la Amani na kushiriki kujaza kuponi za bahati nasibu.

Bahati nasibu hiyo inaendeshwa na Kampuni ya Global Publishers wachapishaji wa magazeti ya Championi, Uwazi, Risasi, Amani, Ijumaa na Ijumaa Wikienda.

Maofisa masoko wa Global Publishers,Yohana Mkanda na Jimmy Haroub waliwafikia wasomaji katika mitaa mbalimbali ya maeneo ya Kunduchi na kuwahamasisha kushiriki bahati nasibu hiyo.

Katika uhamasishaji huo, Yohana Mkanda alirudia wito wake kwamba: “Siku zimebaki 12 nunueni magazeti ya Global mengi na mjaze kuponi ili kujiongezea nafasi ya kushinda nyumba kwani unaweza kuwa wewe au yule na kugeuka baba au mama mwenye nyumba! Kazi kwako, nyumba ndiyo hiyoo…!!!”

Naye Meneja Mkuu wa Global Publishers Ltd, Abdallah Mrisho, juzi Jumatano akizungumza na wanahabari baada ya kutembelea nyumba hiyo eneo ilipo kwa ajili ya kuona mandhari na samani zilizomo ndani ya nyumba hiyo iliyoko Salasala alisema:

 “Nyumba hiyo iko tayari kukabidhiwa mshindi atakayepatikana katika droo inayotarajiwa kufanyika Juni 30 mwaka huu kwenye viwanja vya Mbagala- Zakhem jijini Dar,”

Read More →

MPYA:ZAIDI YA SIMU 639,000 ZIMEZIMWA NA TCRA KUTOKANA NA KUWA FEKI"BANDIA"

INNOCENT-THE BLOGGER-BOY

Wakiwa katika kipindi cha TBC usiku wa kuamkia leo live,TCRA wamesema kwamba wamefanikiwa kuzima simu zipatazo 639000 kutokana nakuwa bandia.

Read More →

Uenyekiti wa Rais Magufuli CCM Waiva......Kamati Kuu ya Chama Hicho Kukutana Dar es Salaam Kesho

INNOCENT-THE BLOGGER-BOY

Maandalizi ya CCM kumkabidhi Rais John Magufuli uenyekiti wa chama hicho ili ashike kofia zote mbili, yataanza kesho katika kikao cha Kamati Kuu kilichopangwa kufanyika jijini Dar es Salaam.

Taarifa kuhusu kikao hicho iliyotiwa saini na msemaji wa chama hicho, Christopher ole Sendeka ilisema: “Kamati Kuu ya Halmashauri Kuu ya CCM itafanya  kikao cha kawaida siku ya Jumamosi jijini Dar es Salaam. Kikao hicho kitafanyika chini ya Mwenyekiti wa CCM, Rais mstaafu Jakaya Kikwete.”

Japokuwa taarifa hiyo haikueleza ajenda za kikao, habari kutoka ndani ya chama zinasema kikao hicho cha siku moja kinatarajiwa kujadili masuala mbalimbali, ukiwamo mchakato wa makabidhiano ya kiti hicho katika mkutano mkuu wa chama hicho utakaofanyika mwezi ujao.

Kipindi cha uongozi wa chama kwa Kikwete kitamalizika mwakani, lakini imekuwapo desturi kwa rais mpya kuachiwa kofia hiyo mapema, hivyo Rais Magufuli anatarajiwa kurithi mikoba ya uenyekiti mwezi ujao.

Vilevile, kikao hicho kinatarajiwa kuhitimisha hoja zinazodaiwa kuibuka katika vikao vya ndani vya chama hicho kwamba CCM inataka kuvuruga utaratibu uliodumu kwa muda mrefu wa mwenyekiti kumwachia kijiti Rais aliyeko madarakani.

Madai kuhusu mkakati huo wa ndani yalisambazwa katika mitandao ya kijamii yakimnukuu Mchungaji wa Kanisa la Ufufuo na Uzima, Josephat Gwajima, lakini Ole Sendeka alisema hana sababu yoyote ya kumjibu kiongozi wa dini.

Februari 5, mwaka huu Kikwete alipokuwa anazungumza na wazee wa Manispaa ya Singida alisema sherehe za mwaka huu za maadhimisho ya miaka 39 tangu chama hicho kuanzishwa zilikuwa za mwisho kwake akiwa mwenyekiti, kauli ambayo iliashiria ataachia mapema uenyekiti.

Kwa desturi, wenyeviti wa CCM huwa wanaachia madaraka yao kabla ya muda wa uongozi wao kumalizika.

Rais wa Awamu ya Tatu, Benjamin Mkapa alikabidhiwa chama na Alhaji Ali Hassan Mwinyi mwaka 1996 badala ya 1997 na Mkapa alimkabidhi Kikwete kiti hicho mwaka 2006 badala ya 2007.

Kulingana na kalenda ya chama hicho, Mkutano Mkuu wa CCM kumchagua mwenyekiti unapaswa kufanyika mwaka 2017, lakini utafanyika mwaka huu kuendeleza utamaduni wa kung’atuka mapema.

Habari kutoka ndani ya chama hicho zinaeleza kuwa kinachoendelea sasa mikoani na wilayani ni maandalizi ya mkutano huo mkuu yanayosimamiwa na Naibu Katibu Mkuu wa Bara, Rajabu Luhwavi kwa niaba ya Sekretarieti.

“Kikao hicho cha Kamati Kuu ndicho kitakachojadili ajenda za mkutano huo sambamba na kupanga tarehe ya kufanyika kwa mkutano mkuu,” zilieleza taarifa hizo.

Dk Magufuli anatajwa kuwa uongozi wake ndani ya CCM utakuwa wa kasi ya aina yake kutokana na hatua mbalimbali za ‘utumbuaji majipu’ anazozifanya ndani ya Serikali tangu Novemba 5, alipoapishwa kuwa Rais.

Read More →

Wabunge UKAWA Wasusa Futari ya Waziri Mkuu

INNOCENT-THE BLOGGER-BOY

Wabunge wa vyama vinavyounda Ukawa jana walisusia futari iliyoandaliwa na Waziri Mkuu, Kassim Majaliwa ikiwa ni mwendelezo wa hatua za kususia shughuli zote zinazoongozwa na Naibu Spika, Dk Tulia Ackson.

Naibu Kiongozi wa Kambi ya Upinzani Bungeni, Riziki Ng’wale, alisema wamechukua hatua hiyo kutokana na Dk Tulia kuwa mgeni rasmi wa shughuli hiyo. 

“Dk Tulia ndiye mgeni rasmi katika shughuli hiyo ya kufuturisha na sisi tumeamua kuwa hatutashiriki shughuli yoyote inayoongozwa naye,” alisema muda mfupi baada ya kutoka katika kikao cha wabunge wa kambi hiyo kilichofanyika katika ukumbi wa Pius Msekwa.

Mbunge wa Ubungo (Chadema), Saed Kubenea alisema wamekubaliana wabunge wote wa kambi ya upinzani waliofunga watakwenda kufuturu majumbani kwao. 

“Tumekubaliana hatutakwenda kufuturu bungeni na kila mbunge atakwenda kufuturu nyumbani kwake,” alisema.

Uamuzi huo ulifikiwa katika kikao cha wapinzani kilichoketi chini ya uenyekiti wa Mwenyekiti Mwenza wa Ukawa, James Mbatia.

Futari hiyo ilitangazwa na Dk Tulia tangu juzi na kusisitizwa jana baada ya kikao cha Bunge kuahirishwa mchana kuwa ingefanyika kwenye viwanja vya Bunge ambako wabunge wote walialikwa.

Kwa siku zaidi ya 10 sasa, wabunge hao wamekuwa wakisusa vikao vya Bunge vinavyoongozwa na Dk Tulia kwa sababu hawana  imani naye. 

Hali hiyo imefanya bajeti kuu kwa ya Serikali kwa mwaka wa fedha 2016/17 kuchangiwa na wabunge wa CCM tu baada ya Dk Tulia kuongoza vikao kila siku, akiingia asubuhi na jioni.

Read More →

Ofisa Usafirishaji wa Kampuni ya Athwal Transport & Timber LTD Afikishwa Kizimbani Kwa Kutoa Rushwa Ili Utingo Akiri Kosa la Wizi

INNOCENT-THE BLOGGER-BOY

TAASISI ya Kuzuia na Kupambana na Rushwa (Takukuru) imemfikisha mahakamani Ofisa Usafirishaji wa Kampuni ya Athwal Transport & Timber LTD , Godfrey Tarimo, kwa mashitaka ya kutoa rushwa kwa mtumishi wa kampuni hiyo akiri kosa la wizi.

Tarimo alipandishwa kizimbani jana, mbele ya Hakimu Mkazi wa Mahakama ya mkoa wa Tabora Jackton Rushwela .

Wakili wa Takukuru, Simon Mashingia alidai Tarimo alitenda kosa hilo Februari 13 mwaka huu katika Gereza la Uyui mjini hapa.

Wakili Mashingia alidai kuwa siku hiyo mshtakiwa akiwa ni Ofisa Usafirishaji wa ATT alitoa rushwa ya Sh 400,000 kwa Said Hamis ambaye alikuwa utingo wa gari katika kampuni ya ATT.

Akifafanua katika mashitaka hayo, wakili Mashingia alidai kuwa Tarimo akiwa kama wakala wa kampuni alitoa fedha hizo kama kishawishi kitakacho mfanya Hamisi akiri kosa la wizi katika kesi ya jinai namba 13/2015 iliyokuwa inamkabili.

Ilidaiwa kwamba, Hamisi baada ya kupokea fedha hizo alipofika mahakamani alikiri kosa ambapo Hakimu Rushwela alimpa adhabu ya kifungo cha miaka mitano jela. Mwendesha mashitaka alidai, uchunguzi umebaini kuwa Tarimo alipoteza tumbaku iliyokuwa inasafirishwa na magari ya kampuni ya ATT.

Alidai kwamba, ili kampuni hiyo isionekane ina sura mbaya katika biashara, walimbambikia kesi utingo huyo na kumshawishi akubali kuwa ndiye aliiba ili baadaye waweze kumsaidia atoke lakini alihukumiwa kifungo.

Read More →

Serikali Mbioni Kufungua Ubalozi mpya Qatar

INNOCENT-THE BLOGGER-BOY

TANZANIA inatarajia kufungua ubalozi wake nchini Qatar kwa lengo la kuendeleza na kuimarisha zaidi uhusiano na ushirikiano kati ya nchi hizo huku ikitilia mkazo katika sekta za gesi asilia, utalii, usafiri wa anga na mawasiliano.

Rais, Dk John Magufuli alisema hayo jana Ikulu, Dar es Salaam alipokutana na kuzungumza na Balozi wa Qatar nchini, Abdallah Jassim Al Maadadi. 

Pamoja na kutangaza kuufungua ubalozi wake nchini Qatar, Magufuli amemuomba balozi huyo kufikisha ujumbe kwa Kiongozi wa Qatar, Shehe Tamim bin Hamad Al Thani na Jumuiya ya Wafanyabiashara wa Qatar kwamba zipo fursa nyingi za ushirikiano zinazoweza kufanyiwa kazi, huku akibainisha uwepo wa gesi asilia zaidi ya futi za ujazo trilioni 57 na mpango wa kufufua Kampuni ya Ndege ya Taifa (ATCL).

“Najua Qatar ina uzoefu katika maeneo hayo na sisi Tanzania tungependa tushirikiane nanyi kuwekeza na kubadilishana uzoefu ili fursa hizo zilete manufaa kwa pande zote mbili,” alisema Rais Magufuli.

Naye Balozi Al Maadadi alimshukuru Rais Magufuli kwa nia yake ya kufungua Ubalozi wa Tanzania nchini Qatar na kuimarisha zaidi ushirikiano na uhusiano na nchi hiyo, na ameahidi kufikisha ujumbe kwa kiongozi wa Qatar na jumuiya ya wafanyabiashara Qatar waje kuwekeza Tanzania.

Wakati huo huo, Rais Magufuli amekutana na kuzungumza na Mwenyekiti wa Bodi ya Mfuko wa Taifa wa Bima ya Afya (NHIF) ambaye pia Spika mstaafu wa Bunge, Anne Makinda, Ikulu, Dar es Salaam.

Baada ya mazungumzo hayo, Makinda alisema mazungumzo yao yameihusu NHIF na kwamba amemhakikishia kuwa amejipanga kuona mfuko huo uliobeba matumaini ya huduma za matibabu ya Watanzania unaboreshwa zaidi na dosari zinazolalamikiwa na wanachama zinafanyiwa kazi.

Read More →

Magazeti ya Leo Ijumaa ya June 17, 2016

INNOCENT-THE BLOGGER-BOY

Read More →