HAYA HAPA MAGAZETI YA LEO JUMATATU MEI 25,2026

Magazeti

Read More →

Ngoma Mpya : MJUKUU WA MWANAMALONDE - MBITI YANE 'Fisi Wangu'

Msanii wa muziki wa asili kutoka Kanda ya Ziwa, Mjukuu wa Mwanamalonde maarufu Mwamba wa Kanda ya Ziwa au Ngonho ameachia wimbo mpya unaoitwa “Mbiti Yane - Fisi Wangu” ambao umeanza kufanya vizuri kwa mashabiki wa muziki wa asili na utamaduni. Wimbo huo umewekwa rasmi kwenye mtandao wa YouTube ukiwa na mahadhi ya asili yenye ujumbe wa kijamii pamoja na vionjo vya utamaduni wa Kisukuma vinavyoendelea kumtofautisha msanii huyo.

Katika wimbo huo mpya, Mjukuu wa Mwanamalonde anaonesha ubunifu wa kipekee kupitia uimbaji, mavazi ya asili pamoja na matumizi ya lugha na methali za kijadi zinazobeba mafunzo kwa jamii. 

Read More →

VIJANA LINDENI AMANI YA TANZANIA

                                      

Na Vero Ignatus

Mwanadiplomasia na Mratibu wa Makongamano ya Vijana, Ndugu Omary Abdul Punzi, ametoa onyo kwa vijana nchini kuacha kufuata mikumbo isiyo na tija na badala yake waithamini nchi yao kwa kutanguliza uzalendo mbele. 

Akizungumza katika mahojiano maalum na Vuka Blog, Punzi amesisitiza kuwa amani ya nchi haitofautiani na utulivu wa kisiasa, bali inategemea kwa kiasi kikubwa jinsi vijana wanavyoheshimu utamaduni wao na kushirikiana kikamilifu na mihimili nane muhimu inayolinda na kulea taifa. 

Amewasihi vijana kuwa makini na ushawishi hasi wa utandawazi na makundi yasiyo na maadili yanayotishia mustakabali wa nchi.

Akionyesha masikitiko yake, Punzi amekumbusha kuwa Tanzania ni urithi wa thamani tulioachiwa na waasisi wetu, hivyo hakuna nchi nyingine mbadala ikiwa vijana wataharibu hii iliyopo. 

Alibainisha kuwa miongozo na desturi nzuri zilizowekwa na wazee wa kimila tangu zamani hazikuwa za kizamani, bali zililenga kulinda utu na heshima ya jamii. 

Alionya kuwa sasa vijana wanatupa dhahabu yao kwa sababu tu inaonekana ya kienyeji na kuokota shaba ya kigeni kwa kuwa inang’aa, jambo linalohitaji mabadiliko ili mila na desturi zilizokubalika zisafishwe na kuendelezwa badala ya kufutwa kabisa.

Katika uchambuzi wake, Punzi alifafanua jinsi mihimili nane ya amani na malezi inavyopaswa kuwa dira kwa kijana mzalendo. Mhimili wa kwanza ni shule ambayo ndiyo msingi wa maarifa, nidhamu na malezi ya awali ya kiakili yanayomfanya kijana kuwa raia mwema. 

Hii inaenda sambamba na Jeshi la Polisi ambalo ni chombo cha usalama wa raia na mali zao kinachotegemea ushirikiano wa karibu na vijana kupitia ulinzi shirikishi. 

Vivyo hivyo, Jeshi la Kujenga Taifa (JKT) linatajwa kama jukwaa la kuwajenga vijana katika ukakamavu na uzalendo, huku Jeshi la Ulinzi la Wananchi Tanzania (JWTZ) likiwa ngome kuu ya ulinzi wa mipaka ya nchi na alama ya mamlaka ya taifa.

Mihimili mingine inayokamilisha ngome hii ya malezi na ulinzi inajumuisha Idara ya Usalama wa Taifa, chama cha Skauti, taasisi za kidini, pamoja na mila na desturi nzuri ambazo ndizo msingi wa utambulisho wa Mwafrika unaosisitiza heshima, mshikamano na utatuzi wa migogoro kwa njia ya mazungumzo badala ya vurugu. 

Punzi amewataka vijana kutokubali kuwa bendera inayofuata upepo wa mambo yanayoonekana maarufu kwenye mitandao ya kigeni, kwani kufanya hivyo ni kupoteza dira.

 Alizitaka taasisi zote za elimu, dini na vikosi vya usalama kushirikiana kwa karibu ili kuwatengenezea vijana mazingira wezeshi yatakayowafanya kuwa walinzi namba moja wa amani na maendeleo ya Tanzania.

Read More →

MAGAZETI YA LEO JUMAMOSI MEI 23,2026

Magazeti Leo

Read More →

BOSI WANGU HAKUTAMBUA JUHUDI ZANGU HADI NILIPOPATA KILICHONIFANYA NITHAMINIKE KAZINI

Jina langu ni Elisunguo Martin, mfanyakazi wa kampuni ya utalii jijini Arusha nchini Tanzania, na ninataka kushiriki hadithi yangu ili kumtia moyo mtu yeyote anayehisi hatambuliki kazini. Kwa muda mrefu, nilifanya kazi kwa bidii, niliendelea kujitolea, na kila mara nilitimiza majukumu yangu kwa wakati. Lakini haijalishi ni juhudi ngapi nilizofanya, bosi wangu hakuonekana kuniona.

Kadri muda ulivyosonga, hali hiyo ilizidi kuwa ya kukatisha tamaa. Niliona wenzangu wakisifiwa, kupandishwa cheo, na kupewa fursa huku mimi nikibaki katika nafasi hiyo hiyo. Ilinifanya nijisikie kutoonekana na kutothaminiwa. Nilianza hata kupoteza motisha kwa sababu nilihisi kama kazi yangu ngumu haikuwa na maana.

Rafiki wa karibu aliniambia baadaye kuhusu Mganga wa mashuhuri wa kienyeji mkazi wa Sumbawanga na jinsi alivyomsaidia kupata kutambuliwa na kujitokeza mahali pake pa kazi. Alinitia moyo kuwasiliana nae na kuelezea hali yangu. Baada ya kusikia uzoefu wake, niliamua kuwasiliana na Mganga huyu. Alisikiliza kwa makini na kutoa uchawi wa kutambuliwa na neema ili kunisaidia kujitokeza na kutambuliwa kazini. Pia aliniongoza kwenye hatua za kufuata kwa uvumilivu.

Baada ya muda fulani, nilianza kuona mabadiliko. Kazi yangu ilianza kuvutia umakini, bosi wangu alianza kutambua juhudi zangu, na nilipewa majukumu zaidi. Kwa mara ya kwanza, nilihisi kuonekana na kuthaminiwa.

Leo, ninatambulika mahali pangu pa kazi. Nimepata heshima, fursa bora zaidi, na ninaendelea vizuri katika kazi yangu. Kujiamini kwangu kumeimarika, na sasa ninahisi motisha ya kuendelea kukua.

Ninashiriki uzoefu huu ili kumtia moyo yeyote anayehisi kupuuzwa asipoteze tumaini kwa sababu mabadiliko yanawezekana.

Ninamhimiza sana mtu yeyote anayepambana na ukosefu wa kutambuliwa, kudumaa kazini, au kupuuzwa kazini awasiliane na Daktari Nassoro Tambiku. Anasikiliza, anaongoza, na hutoa suluhisho zinazoleta mwonekano, upendeleo, na ukuaji wa kazi.

📞Simu / WhatsApp Daktari Tambiku: +255766649862

Tovuti:www.doctortambiku.com

Wasiliana na Daktari Nassoro Tambiku anayepatikana Sumbawanga leo na chukua hatua ya kwanza kuelekea kutambuliwa na kusonga mbele katika taaluma yako.

Read More →

HAYA HAPA MAGAZETI YA LEO IJUMAA MEI 22, 2026

Read More →

TAKUKURU KAGERA YAREJESHA ZAIDI YA MILIONI 624, YABAINI DOSARI MIRADI YA MAENDELEO

Naibu Mkuu wa TAKUKURU Mkoa wa Kagera akizungumza na waandishi wa Habari

Na Mbuke Shilagi Kagera. 

Mamlaka ya Kuzuia na Kupambana na Rushwa (TAKUKURU) Mkoa wa Kagera imefanikiwa kurejesha zaidi ya shilingi milioni 624, kupitia kesi za rushwa ilizoshinda mahakamani, ikiwa ni sehemu ya juhudi za kuimarisha uwajibikaji na matumizi bora ya fedha za umma.

Akizungumza leo Mei 21, 2026, na vyombo vya Habari Naibu Mkuu wa TAKUKURU Mkoa wa Kagera, Bw. Leonard Swai, amesema kuanzia Julai 2025 hadi sasa taasisi hiyo imefungua jumla ya kesi 61 mahakamani, ambapo mashauri 52 tayari yamehitimishwa.

Amesema kati ya hayo, Jamhuri imeshinda kesi 50 sawa na asilimia 97, huku kesi mbili zikishindwa na nyingine tisa zikiendelea kusikilizwa mahakamani.

Amesema katika kipindi cha Januari hadi Machi 2026, TAKUKURU Kagera pia imepokea taarifa 132, ambapo 83 zilihusu rushwa na 49 hazikuhusu rushwa na kwamba taarifa zisizo za rushwa zilielekezwa kwa ushauri, huku zile za rushwa zikiendelea kuchunguzwa.

Aidha, majalada 12 yamefikishwa mahakamani kutokana na uchunguzi uliofanyika, huku mengine yakiendelea kushughulikiwa.

Katika hatua nyingine, TAKUKURU Wilaya ya Kyerwa imefanikiwa kurejesha shilingi milioni 30 zilizotolewa kama mkopo wa kikundi cha wanawake cha ufugaji nyuki cha Kata ya Katera kupitia asilimia 10 ya mapato ya ndani ya Halmashauri. 

Uchunguzi ulibaini kuwa kikundi hicho kilitumika kama kivuli cha upatikanaji wa mkopo, ambapo fedha zilihamishwa kutoka akaunti ya kikundi na kuingizwa kwenye akaunti binafsi ya Bw. Benjamin Barthazary, kisha kutumika kwa matumizi binafsi.

Kufuatia makosa hayo, TAKUKURU ilielekeza fedha hizo kurejeshwa katika Halmashauri ili ziwanufaishe walengwa halali, huku hatua za kisheria dhidi ya mtuhumiwa zikiendelea.

Wakati huo huo, TAKUKURU Wilaya ya Ngara imebaini dosari katika ujenzi wa msingi wa zahanati ya Kijiji cha Runzenze Kata ya Ntobeye, inayojengwa kwa nguvu za wananchi  ambapo mchanganyiko hafifu wa zege ulisababisha msingi kuanza kuharibika kabla ya kukamilika.

TAKUKURU pia imesema imefuatilia matumizi ya zaidi ya shilingi bilioni 2.25 katika miradi 29 ya maendeleo, ambapo ilitoa ushauri wa marekebisho ili kuhakikisha miradi hiyo inatekelezwa kwa viwango vinavyotakiwa.

Bw. Swai amesisitiza kuwa TAKUKURU itaendelea kusimamia matumizi sahihi ya fedha za umma na kuhakikisha miradi yote ya maendeleo inawanufaisha wananchi kama ilivyokusudiwa.

Read More →

MCHENGERWA ATAKA USHIRIKIANO WA KIKANDA KUTOKOMEZA MALARIA NA NTDs

Na John Mapepele,Geneva, Uswisi

Waziri wa Afya wa Tanzania, Mheshimiwa Mohamed Mchengerwa, ametoa wito wa kuimarishwa kwa ushirikiano wa kikanda katika mapambano dhidi ya malaria na Magonjwa Yaliyokuwa Hayapewi Kipaumbele (NTDs), katika kikao maalum cha ngazi ya juu kilichofanyika sambamba na Mkutano wa 79 wa Shirika la Afya Duniani (WHA),akisisitiza kuwa udhibiti wa magonjwa hauwezi kufanikiwa bila hatua za pamoja zinazovuka mipaka ya mataifa.

Akizungumza leo mbele ya viongozi wa afya duniani, washirika wa maendeleo na watunga sera mjini Geneva, Mheshimiwa Mchengerwa alisema magonjwa ya kuambukiza hayaheshimu mipaka ya kisiasa na kwamba jamii za maeneo ya mipakani zinaendelea kuwa miongoni mwa makundi yaliyo hatarini zaidi barani Afrika.

“Ugonjwa hauna pasipoti. Mbu hasomi ramani,” alisema Waziri huyo, akisisitiza umuhimu wa dharura kwa nchi jirani kushirikiana katika kukabiliana na vitisho vya afya vinavyoshabihiana.

Waziri huyo alibainisha kuwa karibu asilimia 40 ya mzigo wa dunia wa NTDs bado uko barani Afrika, huku maeneo ya mipakani yakibeba sehemu kubwa ya maambukizi kutokana na uhamaji wa watu, miundombinu dhaifu ya afya, na ucheleweshaji wa upatikanaji wa matibabu. Kwa mujibu wake, changamoto zinazozikabili jamii za mipakani zinahitaji mwitikio wa pamoja wa kikanda badala ya mikakati ya kila taifa kivyake.

Mheshimiwa Mchengerwa alisema Tanzania inaona ushirikiano wa kuvuka mipaka si kama chaguo la kisera pekee, bali kama “sharti la kuendelea kuishi kwetu” na njia muhimu ya kufikia kutokomeza magonjwa kwa njia endelevu.

Licha ya kupungua kwa ufadhili wa nje kwa programu za afya, Tanzania imeendelea kuimarisha mifumo ya afya ya ndani kwa kuunganisha huduma za NTDs katika huduma za msingi za afya. Waziri alieleza kuwa hatua hiyo inahakikisha mwendelezo wa muda mrefu wa huduma huku ikipunguza utegemezi wa miradi ya muda inayofadhiliwa na wahisani.

Aidha, alisisitiza thamani ya kiuchumi ya kutokomeza magonjwa hayo, akieleza kuwa kila dola moja inayowekezwa katika kutokomeza NTDs huzalisha faida inayokadiriwa kufikia dola 25 kupitia ongezeko la uzalishaji, kupungua kwa gharama za matibabu, na kuboreshwa kwa maisha ya wananchi.

Katika mkutano huo, Tanzania ilithibitisha rasmi kuridhia katika Hati ya Makubaliano (MoU) iliyoboreshwa inayolenga kuimarisha ushirikiano wa kikanda dhidi ya NTDs. Mheshimiwa Mchengerwa alieleza mifumo mikuu mitatu itakayoongoza utekelezaji wa makubaliano hayo.

Mfumo wa kwanza unahusisha mipango ya pamoja kupitia uteuzi wa Wawakilishi Maalum wa Kitaifa pamoja na kuanzishwa kwa kamati za ushirikiano wa mipakani ili kuboresha uratibu kati ya nchi jirani.

Mfumo wa pili unalenga kushirikishana kwa wakati taarifa za mwenendo wa magonjwa na takwimu za ufuatiliaji wa magonjwa ili kuwezesha ugunduzi wa mapema na mwitikio wa haraka dhidi ya milipuko, huku zikiheshimu sera za kitaifa za ulinzi wa taarifa.

Mfumo wa tatu unajikita katika ugawaji wa rasilimali na uhamasishaji wa kimkakati, ambapo Tanzania imeahidi kuchangia rasilimali fedha pamoja na wataalamu wa afya ili kuimarisha huduma katika maeneo ya pamoja ya mipakani.

Wakati huo huo, Waziri huyo aliwataka washirika wa kimataifa na wa kikanda kutoa msaada unaoendana na mahitaji halisi ya nchi husika na unaokamilisha juhudi za ndani badala ya kuzibadilisha.

“Tunaomba washirika wetu wa kimataifa na wa kikanda wasitembee mbele yetu wala nyuma yetu, bali watembee pamoja nasi,” alisema.

Ingawa Hati hiyo mpya ya Makubaliano kwa sasa inalenga NTDs pekee, Mheshimiwa Mchengerwa alieleza kuwa Tanzania inaunga mkono hatua hiyo ya awamu kwa makusudi ili kutoa nafasi kwa nchi husika kuimarisha mifumo ya uratibu kabla ya kupanua ushirikiano huo katika mapambano dhidi ya malaria.

Waziri Mchengerwa alithibitisha utayari wa Tanzania kuongoza juhudi za kikanda katika kubadilisha mipaka kutoka kuwa vizuizi hadi kuwa madaraja ya ushirikiano.

“Tuigeuze mipaka yetu ya pamoja kutoka mistari inayotutenganisha kuwa nyuzi zinazotuunganisha,” alisema, akiongeza kuwa lengo kuu ni kuona siku ambapo Malaria na NTDs zitabaki katika vitabu vya historia pekee na zisiendelee tena kuhatarisha maisha ya watoto wa Afrika.

MheshimiwaMchengerwa ameendelea kuonesha nafasi inayokua ya Tanzania katika uongozi wa afya ya umma kikanda na kuangazia umuhimu unaoongezeka wa ushirikiano wa kuvuka mipaka katika kufikia malengo ya dunia ya kutokomeza magonjwa.

Read More →

MAZISHI YA BOAZ MARTINE KUFANYIKA KESHO MWAWAZA, MSIBA UPO KITANGILI SHINYANGA MJINI

Mazishi ya aliyekuwa Mpiga Picha wa Ofisi ya Mkuu wa Mkoa wa Shinyanga, marehemu Boaz Martine, yanatarajiwa kufanyika kesho Alhamisi Mei 21, 2026 katika makaburi ya familia yaliyopo Mwawaza, Manispaa ya Shinyanga.

Kwa mujibu wa ratiba iliyotolewa na Katibu Tawala Msaidizi Sehemu ya Utawala na Rasilimali Watu kutoka Ofisi ya Mkuu wa Mkoa wa Shinyanga, David Lyamongi, ibada ya kumuombea marehemu itaongozwa na Mashahidi wa Yehova kuanzia saa 7:00 mchana nyumbani kwa marehemu nyuma ya Ofisi ya Mtendaji wa Kata ya Kitangili, Manispaa ya Shinyanga.

Baada ya ibada na salamu za rambirambi, mwili wa marehemu utapelekwa katika makaburi ya familia yaliyopo Mwawaza kwa ajili ya mazishi yatakayoanza majira ya saa 9:00 alasiri.

Marehemu Boaz Martine alifariki dunia Mei 19, 2026 kufuatia ajali ya barabarani iliyotokea katika eneo la Samuye mkoani Shinyanga, ajali iliyohusisha gari lililokuwa limebeba waandishi wa habari pamoja na watumishi wa Ofisi ya Mkuu wa Mkoa wa Shinyanga.

Akizungumza na waandishi wa habari Mei 20, 2026, Kamanda wa Polisi Mkoa wa Shinyanga SACP Janeth Magomi alisema ajali hiyo ilisababishwa na uzembe wa dereva wa gari aina ya Toyota Harrier aliyekuwa akijaribu kulipita gari lililokuwa mbele yake bila tahadhari.

Mbali na marehemu Boaz Martine, watu saba walijeruhiwa katika ajali hiyo ambao ni Frank Mshana wa ITV/Radio One, Johnson James, Koplo Swahiba Msangi, Neema Madono (36), Rehema Edson (45), Shadia Omari (32) pamoja na dereva wa gari la Land Cruiser Laurence Peter (34).

Majeruhi hao wanaendelea kupatiwa matibabu katika Hospitali ya Rufaa ya Mkoa wa Shinyanga na wengine katika Hospitali ya Rufaa Bugando Jijini Mwanza.

 Soma pia : RPC SHINYANGA : MPIGA PICHA OFISI YA MKUU WA MKOA BOAZI MARTINE AMEFARIKI DUNIA, SABA AKIWEMO MWANDISHI WA ITV WAMEJERUHIWA

Read More →