KATIBU MKUU UJENZI BALOZI MHANDISI AISHA AMOUR AWASILI RASMI WIZARA YA UJENZI NA UCHUKUZI

Katibu Mkuu Ujenzi, Balozi Mhandisi Aisha Amour (Kushoto), akipokea zawadi ya maua wakati akiwasili katika ofisi za Wizara ya Ujenzi na Uchukuzi zilizopo Mji wa Serikali Mtumba, jijini Dodoma

Katibu Mkuu Ujenzi, Balozi Mhandisi Aisha Amour akisalimiana na watumishi wa Wizara ya Ujenzi na Uchukuzi (Sekta ya Ujenzi), mara baada ya kuwasili katika ofisi za wizara hiyo zilizopo Mji wa Serikali Mtumba, jijini Dododma. Kulia kwake ni Naibu Katibu Mkuu Ujenzi, Ludovick Nduhiye.

Baadhi ya Viongozi wa Wizara ya Ujenzi na Uchukuzi wakiwa wamejipanga kwa ajili ya kumpokea Katibu Mkuu Ujenzi, Balozi Mhandisi Aisha Amour (hayupo pichani), katika ofisi za wizara hiyo, zilizopo Mji wa Serikali Mtumba, jijini Dodoma. Kutoka kushoto ni Gabriel Migire - Katibu Mkuu Uchukuzi, Ludovick Nduhiye - Naibu Katibu Mkuu Ujenzi pamoja na Richard Mkumbo - Mkurugenzi wa Idara ya Sera na Mipango (Sekta Ujenzi).

Katibu Mkuu Ujenzi Balozi Mhandisi Aisha Amour akisaini kitabu cha wageni, mara baada ya kuwasili katika ofisi za Wizara ya Ujenzi na Uchukuzi zilizopo Mji wa Serikali Mtumba, jijini Dodoma.

Naibu Katibu Mkuu Ujenzi, Ludovick Nduhiye (aliesimama), akizungumza jambo wakati wa kikao cha mapokezi na utambulisho baada ya kuwasili kwa Katibu Mkuu Ujenzi, Balozi Mhandisi Aisha Amour (aliyeketi kushoto kwa Naibu Katibu Mkuu Ujenzi), Katika ofisi za Wizara ya Ujenzi na Uchukuzi zilizopo mji wa Serikali Mtumba, jijini Dodoma.

Baadhi ya Wajumbe wa Menejimenti ya Wizara ya Ujenzi na Uchukuzi, Wakimsikiliza Katibu Mkuu Ujenzi, wakati wa kikao cha Mapokezi na Utambulisho, kilichofanyika leo katika ofisi za Wizara hiyo, zilizopo Mji wa Serikali Mtumba, jijini Dodoma.

Read More →

RAIS SAMIA AKUTANA NA JOB NDUGAI IKULU

Rais wa Jamhuri ya Muungano wa Tanzania Mhe. Samia Suluhu Hassan, amekutana na kuzungumza na aliyekuwa Spika wa Bunge la Jamhuri ya Muungano wa Tanzania Mhe. Job Ndugai (Mb) aliyefika Ikulu Chamwino Mkoani Dodoma.

Read More →

KAMERA KUFUNGWA BUIGIRI KUKABILI AJALI BARABARA KUU DAR-DODOMA

Diwani wa Kata ya Buigiri Mhe Kenneth Yindi,akimueleza Mkuu wa Mkoa wa Dodoma Anthony Mtaka jinsi walivyojipanga kufunga Kamera ili kuzuia ajali zinazotokea kwa wanafunzi wakati wa kuvuka barabara katika eneo la Buigiri wakati wa uzinduzi wa vyumba vya madarasa katika Shule ya Sekondari ya Buigiri yaliyojengwa kwa mradi wa Fedha za Kupambana na UVIKO-19 wilayani Chamwino mkoani Dodoma.

MKUU wa Mkoa wa Dodoma Anthony Mtaka,akimpongeza Diwani wa Kata ya Buigiri Mhe Kenneth Yindi,kwa wazo la kufunga Kamera ili kuzuia ajali zinazotokea kwa wanafunzi wakati wa kuvuka barabara katika eneo la Buigiri wakati wa uzinduzi wa vyumba vya madarasa katika Shule ya Sekondari ya Buigiri yaliyojengwa kwa mradi wa Fedha za Kupambana na UVIKO-19 wilayani Chamwino mkoani Dodoma.

Katibu wa CCM Mkoa wa Dodoma Pili Mbaga,akizungumza wakati wa uzinduzi wa vyumba vya madarasa katika Shule ya Sekondari ya Buigiri yaliyojengwa kwa mradi wa Fedha za Kupambana na UVIKO-19 wilayani Chamwino mkoani Dodoma.

MKUU wa Mkoa wa Dodoma Anthony Mtaka,akiwa amekaa ndani ya darasa mara baada ya kuzindua vyumba vya madarasa katika Shule ya Sekondari ya Buigiri yaliyojengwa kwa mradi wa Fedha za Kupambana na UVIKO-19 wilayani Chamwino mkoani Dodoma.

................................................................

Na.Alex Sonna,Chamwino

KUTOKANA na idadi kubwa ya wanafunzi kugongwa na magari na kupoteza maisha katika Barabara kuu ya Dodoma - Dar es Salaam halmashauri ya Chamwino mkoani Dodoma anapanga kufunga kamera katika eneo la Buigiri kwa ajili ya kunasa magari yanayopita kwa mwendo kasi.

Hayo yameelezwa na Diwani wa Kata ya Buigiri Mhe. Kenneth Yindi,mbele ya Mkuu wa Mkoa Dodoma wakati akizindua vyumba vya madarasa yaliyojengwa kwa fedha za UVIKO-19, katika shule ya sekondari wa Buigiri.

Yindi, amesema kuwa kata hiyo ina shule sita na barabara kuu imepita katika vijiji vitatu.

"Wanafunzi wengi wanagongwa, magari yanakimbia sana hasa yale ya serikali, wanafunzi na hata wananchi wanapoteza maisha kutokana na ajali za barabarani" amesema Yindi

Aidha, amesema alitembelea maeneo mbalimbali nchini yaliyopitiwa na barabara kuu ili kuona namna gani wataweza kuepukana na ajali hizo.

"Tumeshafanya kikao na kamanda wa kikosi cha usalama barabarani na kupeleka ombi rasmi kwa kutumia wataalam wa ICT tutafunga kamera nne” alisema

Kwa upande wake Mkuu wa Mkoa wa Dodoma Anthony Mtaka, amesemasuala la kufungwa kamera ni jambo zuri kwani litasaidia kuokoa maisha wanafunzi katika shule hizo pamoja na watu wote wanao itumia barabra hiyo.

"Fungeni hizo kamera huenda tukapata suluhisho la ajali ambazo zimekuwa zikijitokea katika eneo hili mara kwa mara na kukatisha uhai wa vijana wetu" amesema.

Aidha alimtaka mkuu wa wilaya ya Chamwino Gift Msuya na vyombo vya ulinzi na usalama kuona jinsi gani jambo hilo linatekelezwa kwa haraka.

Awali akipokea taarifa ya ujenzi wa madarasa ilielezwa kuwa Buigiri Sekondari ilipokea jumla ya Sh. milioni 60 kwa ajili ya ujenzi wa vyumba vya madarasa matatu na ofisi ya walimu.

Katibu wa Chama cha Mapinduzi CCM Mkoa wa Dodoma Pili Mbanga, amesema Chama hicho kinawashukuru wote waliohakikisha ujenzi unakamilika kwa wakati.

Read More →

WATATU WAFARIKI KWA KULIPUKIWA NA KINACHODAIWA KUWA NI BOMU

Watu watatu wamefariki dunia baada ya kulipukiwa na kile kinachodaiwa kuwa bomu mkoani Pwani.

Kamanda wa Polisi Mkoa wa Pwani, Wankyo Nyigesa, aliwaambia waandishi wa habari jana kuwa tukio hilo lilitokea juzi majira ya saa 8:00 mchana katika kijiji cha Pongwe Msungura, Kata ya Msata.

Wankyo alisema watu hao waliokota chuma kinachodhaniwa kuwa ni bomu ambacho kililipuka mikononi mwao na kusababisha vifo vyao.

Kwa mujibu wa Kamanda Wankyo, watu hao waliokota kitu hicho kwa lengo la kwenda kukiuza kama chuma chakavu, lakini kiliwalipukia muda mfupi baada ya kukiokota.

Aliwataja waliofariki dunia katika tukio hilo kuwa ni Athumani Ramadhani (20), Maneno Hamis (23) na Abdallah Rajabu (21), wote wakazi wa Msata.

Kamanda Wankyo alitoa angalizo kwa wananchi wanaojihusisha kuuza na kununua vyuma kuwa waangalifu wanapokusanya na vitu vingine kwa lengo la kwenda kuviuza.

Read More →

RAIS SAMIA AKUTANA NA KUFANYA MAZUNGUMZO NA RAIS MWINYI

Rais wa Jamhuri ya Muungano wa Tanzania Mhe.Samia Suluhu Hassan akizungumza na Rais wa Zanzibar na Mwenyekiti wa Baraza la Mapinduzi Mhe.Dk.Hussein Ali Mwinyi, alipofika Ikulu Jijini Zanzibar kwa mazungumzo yaliyofanyika katika ukumbi wa Ikulu leo.11-1-2022.

Rais wa Zanzibar na Mwenyekiti wa Baraza la Mapinduzi Mhe.Dk.Hussein Ali Mwinyi akiwa katika mazungumzo na Rais wa Jamhuri ya Muungano wa Tanzania Mhe.Samia Suluhu Hassan, mazungumzo yaliofanyika katika ukumbi wa Ikulu Jijini Zanzibar leo.11-1-2022.

(Picha na Ikulu)

Read More →

WAZIRI JAFO AFANYA ZIARA YA KIKAZI KATIKA MSITU WA PUGU KAZIMZUMBWI, AFURAHISHWA NA UTENDAJI KAZI WA TFS

Waziri wa nchi, Ofisi ya Makamu wa Rais (Muungano na Mazingira) Dkt. Seleman Jafo akizungumza jambo mara baada ya kutembelea Msitu wa Pugu Kazimzumbwi ulioko wilayani Kisarawe mkoa wa Pwani, kuona namna ambavyo Wakala wa huduma za Misitu Tanzania (TFS) ilivyojidhatiti kuendeleza msitu huo kama sehemu ya kuhifadhi mazingira. Waziri wa nchi, Ofisi ya Makamu wa Rais (Muungano na Mazingira) Dkt. Seleman Jafo akiwa katika Msitu wa Pugu Kazimzumbwi ulioko wilayani Kisarawe MKOA wa Pwani kwenye ziara yake ya kikazi.Waziri wa nchi, Ofisi ya Makamu wa Rais (Muungano na Mazingira) Dkt. Seleman Jafo (kulia) akimsikiliza Kamanda wa Kanda ya Mashariki TFS, Kamishna Msaidizi Caroline Malundo mara baada ya kutembelea Msitu wa Pugu Kazimzumbwi ulioko wilayani Kisarawe MKOA wa Pwani, kuona namna ambavyo Wakala wa huduma za Misitu Tanzania (TFS) ilivyojidhatiti kuendeleza msitu huo kama sehemu ya kuhifadhi mazingira. Waziri wa nchi, Ofisi ya Makamu wa Rais (Muungano na Mazingira) Dkt. Seleman Jafo (kushoto) akimsikiliza Mkurugenzi Mkuu wa Baraza la Taifa la Hifadhi na Usimamizi wa Mazingira (NEMC), Dkt. Samuel Gwamaka mara baada ya kutembelea Msitu wa Pugu Kazimzumbwi ulioko wilayani Kisarawe mkoa wa Pwani, kuona namna ambavyo Wakala wa huduma za Misitu Tanzania (TFS) ilivyojidhatiti kuendeleza msitu huo kama sehemu ya kuhifadhi mazingira. Waziri wa nchi, Ofisi ya Makamu wa Rais (Muungano na Mazingira) Dkt. Seleman Jafo akipata mti katika eneo la hifadhi ya Pugu Kazimzumbwi lengo likiwa ni kuhamasisha jamii kupanda miti ili kukabiliana na hewa ukaa.

Waziri wa nchi, Ofisi ya Makamu wa Rais (Muungano na Mazingira) Dkt. Seleman Jafo akinawishwa mikono na Kamanda wa Kanda ya Mashariki TFS, Kamishna Msaidizi Caroline Malundo mara baada ya zoezi la Upandaji wa miti katika eneo la hifadhi ya Pugu Kazimzumbwi lengo likiwa ni kuhamasisha jamii kupanda miti ili kukabiliana na hewa ukaa.

Mkurugenzi Mkuu wa Baraza la Taifa la Hifadhi na Usimamizi wa Mazingira (NEMC), Dkt. Samuel Gwamaka akipanda mti katika eneo la hifadhi ya Pugu Kazimzumbwi lengo likiwa ni kuhamasisha jamii kupanda miti ili kukabiliana na hewa ukaa. Kamanda wa Kanda ya Mashariki TFS, Kamishna Msaidizi Caroline Malundo akipanda mti katika eneo la hifadhi ya Pugu Kazimzumbwi lengo likiwa ni kuhamasisha jamii kupanda miti ili kukabiliana na hewa ukaa. Waziri wa nchi, Ofisi ya Makamu wa Rais (Muungano na Mazingira) Dkt. Seleman Jafo akizungumza katika ofisi ya Mkuu wa Wilaya ya kisarawe kabla ya kutembelea Msitu wa Pugu Kazimzumbwi ulioko wilayani Kisarawe mkoa wa Pwani, kuona namna ambavyo Wakala wa huduma za Misitu Tanzania (TFS) ilivyojidhatiti kuendeleza msitu huo kama sehemu ya kuhifadhi mazingira. Waziri wa nchi, Ofisi ya Makamu wa Rais (Muungano na Mazingira) Dkt. Seleman Jafo akimsikiliza Mkurugenzi Mkuu wa Baraza la Taifa la Hifadhi na Usimamizi wa Mazingira (NEMC), Dkt. Samuel Gwamaka katika ofisi ya Mkuu wa Wilaya ya Kisarawe kabla ya kutembelea Msitu wa Pugu Kazimzumbwi ulioko wilayani Kisarawe mkoa wa Pwani, kuona namna ambavyo Wakala wa huduma za Misitu Tanzania (TFS) ilivyojidhatiti kuendeleza msitu huo kama sehemu ya kuhifadhi mazingira.

(PICHA ZOTE NA EMMANUEL MBATILO)

**************************

NA EMMANUEL MBATILO, KISARAWE PWANI

Waziri wa nchi, Ofisi ya Makamu wa Rais (Muungano na Mazingira) Dkt. Seleman Jafo amewataka wananchii wanaoishi pembezoni mwa hifadhi za misitu kuendelea na utamaduni wa utuzaji wa mazingira katika maeneo hayo ili kuendana na mabadiliko ya Tabianchi.

Ameyasema hayo leo Waziri Jafo baada ya kutembelea Msitu wa Pugu Kazimzumbwi ulioko wilayani Kisarawe mkoa wa Pwani, kuona namna ambavyo Wakala wa huduma za Misitu Tanzania (TFS) ilivyojidhatiti kuendeleza msitu huo kama sehemu ya kuhifadhi mazingira.

Aidha ameelekeza kila halmashauri ianze programu ya kutumia mvua zinazoendelea kunyesha nchini kupanda miti ili kuweza kufikia lengo la miti milioni 276 kwa mwaka mzima hivyo Wakuu wa Mikoa na Wilaya watasiimamia zoezi hilo.

"Tunafahamu kila halmashauri imepewa muongozo wa uwekaji wa vitalu kwa lengo la kusaidia katika maeneo mbalimbali hasa katika taasisi, tunataka tuone katika shule zetu zote, vituo vya afya, hospitali maeneo hayo yote yanapandwa miti". Amesema

Amesema upandaji wa miti kwa wingi kwenye mazingira ni njia moja wapo itakayosaidia kukabiliana na changamoto ya hewa ukaa inayoweza kuhatarisha maisha ya mwanadamu.

Kwa upande wake Mkurugenzi Mkuu wa Baraza la Taifa la Hifadhi na Usimamizi wa Mazingira (NEMC), Dkt. Samuel Gwamaka amesema kuna umuhimu wa utunzaji wa mazingira hivyo watanzania wanatakiwa kuweka mazingira yao kama yalivyookuwa awali na vilevile watanzania wakiendelea kupanda miti kwa wingi basi nchi itakuwa imejawa na misitu na tutaweza kupunguza athari kubwa tunazozipata kutokana na mabadiliko ya tabianchi.

Nae Kamanda wa Kanda ya Mashariki TFS, Kamishna Msaidizi Caroline Malundo amesema Pugu Kazimzumbwi moja ya hifadhi ya msitu muhimu uliopo hapo Wilayani Kisarawe ambao umekuwa ukichochea Utalii ndani kutokana na mikakati iliyowekwa na Wakala wa Misitu TFS.

Read More →

MBUNGE DODOMA APONGEZA TEUZI ZA RAIS SAMIA

Mbunge wa Viti Maalum wa Mkoa wa Dodoma, Mariam Ditopile

MBUNGE wa Viti Maalum wa Mkoa wa Dodoma, Mariam Ditopile amempongeza Rais Samia Suluhu kwa kuteuwa mawaziri, manaibu mawaziri na makatibu wakuu ambapo amesema kuwa ni wazi Rais Samia amekusudia kuboresha maisha ya watanzania.

Akizungumza leo Januari 11,2022 mbunge huyo amesema kuwa viongozi hao wapya ni wazi kuwa ni wachapakazi na wazalendo ambapo wataweza kwenda na kasi katika kutatua changamoto za wananchi.

"Rais Samia ameendelea kuthibitisha kwa vitendo anayo nia ya dhati ya kuboresha maisha ya Wananchi kwa kuteua wasaidizi wachapakazi, Wazalendo na Vijana wengi ambao binafsi naamini watakwenda speed kukimbizana na matatizo na changamoto za wananchi", amesema Mariam Ditopile.

Aidha, amewapongeza viongozi hao kwa kuaminiwa na kuteuliwa katika nafasi hizo ambapo amesema kuwa "Nichukue Nafasi hii kuwapongeza Mawaziri, Manaibu Mawaziri, Makatibu wakuu na Manaibu Makatibu Wakuu walioaminiwa na kuteuliwa.”

Amesema Watanzania wana imani kubwa na Serikali ya Rais Samia ambapo katika kipindi kifupi uchumi umeimarika, huduma za jamii zimeendelea kuboreshwa na kipato cha mtu mmoja mmoja kinaongezeka.

Read More →

MPC YATAJA MAJINA YA WAANDISHI WA HABARI WALIOFARIKI KATIKA AJALI YA GARI, YUMO HUSNA MILANZI... MAJERUHI WAWILI AKIWEMO VANY CHARLES

Waandishi wa habari waliofariki dunia kwenye ajali

Taarifa kamili juu ya ajali iliyohusisha waandishi wa habari Mkoa wa Mwanza. 

............................................

Ndugu waandishi wa habari na wadau wa habari , asubuhi ya leo tuliwataarifu taarifa ya awali juu ya ajali ya waandishi wenzetu wa Mkoa wa Mwanza.

Baada ya kufika kwenye Zahanati ya Busenga nilipewa jukumu la kuwataambua  marehemu.

Waliofariki ni 

1.Husna Milanzi - ITV

2.Johari Shani - Uhuru Digital

3.Antony Chuwa - Freelancer 

4.Abel Ngapenda - Afisa Habari ofisi ya Mkuu wa Mkoa Mwanza

5.Steven Msengi - Afisa Habari Ukerewe.

Majeruhi.

1.Tunu Heman - Freelancer

2 Vany Charles  - Icon TV

Kwa sasa tupo njiani na miili ya wapendwa wetu kuelekea hospitali ya Mkoa ya Seketoure Mwanza.

Kwa mujibu wa kamanda wa Polisi Simiyu chanzo cha ajali ni mwendo kasi wa magari yote mawili na amethibitisha vifo hivyo.

Taarifa nyingine za uratibu wasibu wa msiba  tutawajuza.

Mwanza press club tumepokea kwa masikitiko makubwa msiba huu.

Kazi ya Bwana haina makosa, jina lake lihidimiwe.

 Edwin Soko 

 Mwenyekiti 

 Mwanza Press Club 

 11.01.2022

UTPC 

It with a great sadness that we have received information about the death of five journalists caused by a tragedy accident occurred in Busega Simiyu today. 

Among the dead are;

1. Johari Shani -Uhuru Digital

2. Husna Milanzi - ITV

3. Abel Ngapemba - Mwanza Regional Information Officer

4. Antony Chuwa - Habari Leo Digital

5. Steven Msengi - Ukerewe Information Officer

Journalists who were injured in this accident are:

1. Tunu Hermany - Freelance Journalist

2. Van Charles - Icon TV

We offer our sincere and deepest condolences to all journalists, friends and relatives for this tragedy. May their soul rest in peace. Amen

More information will be provided later.

Read More →

Video : BHUDAGALA - TULEBHALYO....NGOMA YA HUZUNI SANA

Huu hapa wimbo wa Maombolezo wa Gwiji wa nyimbo za asili,Bhudagala Mwanamalonja inaitwa  Tulebhalyo.  Imetengenezwa katika studio za Asili Yetu Africa ikiongozwa na Gooder / Mong

Tazama hapa  chini video hii ya huzuni

UPDATES ZOTE

Pakua / Download App ya Malunde 1 blog Tuwe tunakutumia taarifa zote moja kwa moja kwenye simu yako bure kabisa 

Bofya <<HAPA>> Mara Moja Tu

Read More →

RAIS SAMIA ATUMA SALAMU ZA POLE AJALI ILIYOUA WATU 14, WAKIWEMO WAANDISHI WA HABARI

RAIS wa Jamhuri ya Muungano wa Tanzania, Mheshimiwa Samia Suluhu Hassan ameeleza kushtushwa na ajali iliyosababisha vifo vya watu 14 mkoani Mwanza.

Mheshimiwa Rais Samia ameeleza hayo kupitia ukurasa wake wa Twitter huku akimuomba Mungu azilaze roho za marehemu mahali pema na majeruhi wapone haraka.

"Nimeshtushwa na vifo vya Watu 14 wakiwemo Wanahabari 6 vilivyotokea leo asubuhi baada ya gari lililokuwa katika msafara wa Mkuu wa Mkoa wa Mwanza kugonga na Daladala. Poleni Wafiwa, Wanahabari na jamaa wote. Mungu aziweke mahali pema roho za Marehemu na Majeruhi wapone haraka,"ameeleza Mheshimiwa Rais Samia.

Ajali hiyo imehusisha magari mawili likiwemo la abiria aina ya Toyota Hiace na jingine lenye namba za usajili STK 8140 mali ya Serikali lililokuwa limebeba waandishi wa habari mkoa wa Mwanza wakitokea Mwanza kuelekea Ukerewe kupitia Bunda, Mara baada ya kugongana uso kwa uso leo Janauri 11, 2022.

Tayari Mkurugenzi Mtendaji wa Halmashauri ya Wilaya ya Ukerewe mkoani Mwanza, Bw. Emmanuel Luponya Sherembi, ameahirisha ratiba ya ziara ya Mkuu wa Mkoa wa Mwanza,Mhandisi Robert Gabriel kwa ajili ya kukabidhi miradi baada ya ajali hiyo.

Read More →

BABA AMUUA BINTI YAKE BAADA YA KUMNASA AKIFANYA MAPENZI NA JAMAA NDANI YA NYUMBA YAKE

Polisi wa Kaunti ya Murang’a nchini Kenya wanamshikilia mwanaume mwenye umri wa miaka 41 kwa kosa la kumuua mtoto wake wa kike (16) anayesoma form one baada ya kurudi nyumbani kwake na kumkuta mtoto wake huyo akiwa na mpenzi wake kitandani wakifanya mapenzi ndani ya nyumba ya baba yake.

Polisi wamesema Baba huyo alimpiga mtoto wake huyo aliyekuwa akisoma katika Shule ya Sekondari Sabasaba hadi akafariki na kutokana na hofu ya kukamatwa aliamua kuutupa mwili wa mtoto wake ndani ya karavati (Culvert) lililopo Barabara ya Kenol – Sabasaba umbali wa mita chache kutoka nyumbani kwake ambapo mwili huo ulionekana na Wapita njia.

Polisi wanasema walikuta damu kwenye suruali ya mwanaume huyo wakati wa upekuzi na walipombana akakiri kumuu mwanae huku akisema mpenzi wa mtoto wake waliyekuwa kitandani na mtoto wake alifanikiwa kukimbia.

Read More →

Picha : RAIS SAMIA AWAAPISHA MAWAZIRI, NAIBU MAWAZIRI, MAKATIBU WAKUU

RAIS wa Jamhuri ya Muungano wa Tanzania Samia Suluhu Hassan, akiwaapisha Mawaziri, Naibu Mawazi, Makatibu Wakuu, Naibu Makatibu Wakuu, M/tume ya Taifa ya Uchaguzi, Mjumbe, Katibu Tume ya Uchaguzi Ikulu Chamwino mkoani Dodoma.

Rais wa Jamhuri ya Muungano wa Tanzania Mhe. Samia Suluhu Hassan, akimuapisha Mhe. Nape Moses Mnauye (Mb) kuwa Waziri wa Habari Mawasiliano na Teknolojia ya Habari leo tarehe 10 Januari, 2022 katika hafla iliyofanyika Ikulu Chamwino Mkoani Dodoma.

Rais wa Jamhuri ya Muungano wa Tanzania Mhe. Samia Suluhu Hassan, akimuapisha Mhe. Mohamed Omary Mchengerwa (Mb) kuwa Waziri wa Utamaduni Sanaa na Michezo leo tarehe 10 Januari, 2022 Ikulu Chamwino Mkoani Dodoma.

Rais wa Jamhuri ya Muungano wa Tanzania Mhe. Samia Suluhu Hassan, akimuapisha Mhe. Dkt. Ashatu Kachwamba Kijaji (Mb) kuwa Waziri wa Uwekezaji, Viwanda na Biashara leo tarehe 10 Januari, 2022 Ikulu Chamwino Mkoani Dodoma.

Rais wa Jamhuri ya Muungano wa Tanzania Mhe. Samia Suluhu Hassan, akimuapisha Mhe. Hamad Yussuf Masauni kuwa Waziri wa Mambo ya Ndani ya Nchi leo tarehe 10 Januari, 2022 katika hafla iliyofanyika Ikulu Chamwino Mkoani Dodoma.

Rais wa Jamhuri ya Muungano wa Tanzania Mhe. Samia Suluhu Hassan, akimuapisha Mhe. Hussein Mohamed Bashe (Mb) kuwa Waziri Kilimo leo tarehe 10 Januari, 2022 Ikulu Chamwino Mkoani Dodoma.

Rais wa Jamhuri ya Muungano wa Tanzania Mhe. Samia Suluhu Hassan, akimuapisha Mhe. Paschal Katambi Patrobass (Mb) kuwa Naibu Waziri wa Kazi, Vijana, Ajira, na Wenye Ulemavu leo tarehe 10 Januari, 2022 Ikulu Chamwino mkoani Dodoma.

Rais wa Jamhuri ya Muungano wa Tanzania Mhe. Samia Suluhu Hassan, akimuapisha Mhe. Pindi Hazara Chana (Mb) kuwa Waziri wa Nchi, Ofisi ya Waziri Mkuu (Sera, Bunge na Uratibu) leo tarehe 10 Januari, 2022 Ikulu Chamwino Mkoani Dodoma.

Rais wa Jamhuri ya Muungano wa Tanzania Mhe. Samia Suluhu Hassan, akimuapisha Mhe. Khamis Hamza Khamis (Mb) kuwa Naibu Waziri, Ofisi ya Makamu wa Rais (Muungano na Mazingira) leo tarehe 10 Januari, 2022 Ikulu Chamwino Mkoani Dodoma.

Rais wa Jamhuri ya Muungano wa Tanzania Mhe. Samia Suluhu Hassan, akimuapisha Mhe. Mwanaidi Ali Khamis (Mb) kuwa Naibu Waziri wa Maendeleo ya Jamii , Jinsia, Wanawake na Makundi Maalum leo tarehe 10 Januari, 2022 Ikulu Chamwino Mkoani Dodoma.

Rais wa Jamhuri ya Muungano wa Tanzania Mhe. Samia Suluhu Hassan, akimuapisha Mhe. Ummy Hamis Nderiananga (Mb) kuwa Naibu Waziri wa Nchi Ofisi ya Waziri Mkuu (Sera, Bunge na Uratibu leo tarehe 10 Januari, 2022 Ikulu Chamwino Mkoani Dodoma.

Rais wa Jamhuri ya Muungano wa Tanzania Mhe. Samia Suluhu Hassan, akimuapisha Mhe. Ridhiwani Jakaya Kikwete (Mb) kuwa Naibu Waziri wa Ardhi Nyumba na Maendeleo ya Makazi leo tarehe 10 Januari, 2022 Ikulu Chamwino Mkoani Dodoma.

Rais wa Jamhuri ya Muungano wa Tanzania Mhe. Samia Suluhu Hassan, akimuapisha Prof. Eliamani Mathew Sedoyeka kuwa Katibu Mkuu Wizara ya Elimu Sayansi na Teknolojia leo tarehe 10 Januari, 2022 Ikulu Chamwino mkoani Dodoma.

Rais wa Jamhuri ya Muungano wa Tanzania Mhe. Samia Suluhu Hassan, akimuapisha Ndugu Juma Selemani Mkomi kuwa Naibu Katibu Mkuu Wizara ya Maliasili na Utalii leo tarehe 10 Januari, 2022 Ikulu Chamwino Mkoani Dodoma.

Rais wa Jamhuri ya Muungano wa Tanzania Mhe. Samia Suluhu Hassan, akimuapisha Ndugu Abdalla Hassan Mitawi kuwa Naibu Katibu Mkuu Ofisi ya Makamu wa Rais (Muungano na Mazingira) leo tarehe 10 Januari, 2022 Ikulu Chamwino Mkoani Dodoma.

Read More →

Wimbo Mpya : NTEMI OMABALA - MAJUNGU

Hii hapa ngoma mpya ya Msanii Ntemi Omabala kutoka Kahama mkoani Shinyanga inaitwa Majungu..Sikiliza hapa chini

Read More →

DKT. TULIA ACKSON ACHUKUA FOMU KUWANIA USPIKA WA BUNGE

Naibu Spika wa Bunge la Jamhuri ya Muungano wa Tanzania, Dkt.Tulia Ackson,akikabidhiwa fomu ya kuwania nafasi ya USPIKA wa Bunge,na Katibu msaidizi Mkuu Idara ya Organaizesheni Bw. Solomon Itunda katika Ofisi za Makao Makuu ya CCM jijini Dodoma leo Januari 10,2022.

Read More →

MGEJA AMPONGEZA RAIS SAMIA KWA UTEUZI WA MAWAZIRI, AWATAKA WAHAFIDHINA WAACHE KUCHAFUA VIONGOZI

Khamis Mgeja

*

MUDA mfupi mara baada ya kuapishwa kwa mawaziri wapya ambao wameteuliwa na Rais Samia Suluhu Hassan, Mwenyekiti wa Taasisi ya Mzalendo Foundation ya mjini Kahama mkoani Shinyanga, Khamis Mgeja amepongeza uteuzi huo.

Mgeja ambaye ni mmoja wa makada wa Chama cha Mapinduzi (CCM) mkoani Shinyanga na aliyewahi kuwa mwenyekiti wa mkoa wa chama hicho ametoa pongezi hizo wakati akizungumza na waandishi wa habari nyumbani kwake jana.

Amesema yeye binafsi na wapenda maendeleo wengine mkoani Shinyanga wana kila sababu za kupongeza safu mpya ya mawaziri ambayo imeteuliwa na Rais Samia na kwamba wengi wao ni vijana ambao wako imara kiutendaji wakitokana na Chama cha Mapinduzi na wenye malezi na makuzi ya kiuongozi.

“Kwa kweli watanzania wengi hatuna mashaka na wateule wote hawa wapya na wale waliobakia wa zamani ni wachapakazi wazuri kikuba tuwatakie kila la kheri katika majukumu yao haya mapya waliyoaminiwa na Rais wetu,”

“Kikubwa tuwaombe wafanye kazi kwa juhudi na maarifa yaliyojaa weledi bila kusahau kuwa cheo ni dhamana hivyo wahakikishe katika utendaji wao wasije hawaiangushi mamlaka iliyowateua pamoja na watanzania, hususani Chama chetu cha Mapinduzi (CCM),” alieleza Mgeja.

Mwenyekiti huyo ambaye Taasisi yake hujishughulisha na masuala ya Haki, Demokrasia na Utawala bora amefafanua kuwa hatua ya kumpongeza Rais Samia kwa uteuzi wa mawaziri alioufanya inatokana na jinsi alivyoteuwa watu wanaoonesha wazi wameandaliwa kiuongozi tofauti na ilivyotaka kuzoeleka huko nyuma.

“Viongozi wanaandaliwa ndiyo maana sisi makada na wanasiasa wakongwe nchini tumeamua kuupongeza uteuzi huu kwa heshima kubwa kwani huko nyuma upatikanaji wa viongozi walioandaliwa ulianza kupotea mpaka ikafika tukawa tunapata viongozi ambao hawajaandaliwa kiuongozi,”

“Sasa utaratibu huu mara nyingi walioteuliwa walijikuta wakishindwa kutekeleza kikamilifu wajibu wao kwa wananchi hivyo ilikuwa ni hatari kubwa kwa Taifa kwa vile mbele ya safari kunaweza kukatokea ombwe kubwa la viongozi makini ambao hawajaandaliwa,” alieleza.

Aliendelea kueleza kuwa ilifika wakati baadhi ya wateule waliokuwa wakiteuliwa kujiona wao wana bahati ya “mtende” kiasi cha kulewa sifa na wengine kujinasibu kwamba wana bahati ya pekee ya kuteuliwa japokuwa waliokotwa majalalani.

Mgeja pia ametahadharisha na kuonya tabia ya baadhi ya watu kuwachafua vijana wazuri wachapa kazi inayofanywa na kundi la mahafidhina ambao kazi yao kubwa ni kuwachafua watu na kuwavunjia heshima huku wenyewe wakijipambanua eti ni wasafi kama malaika wakati ni wachafu sawa na shetani.

“Mchezo huu mchafu unaotokana na kundi au genge la mahafidhina ambao kazi yao kubwa ni kuwadhoofisha na kuwachafua vijana hasa wanapoona wanakuwa na mafanikio makubwa katika kuitumikia nchi yao, wao huwachafua ili waonekane hawafai, hii si tabia njema, lazima ikemewe,”

“Niwaombe tu watanzania wenzangu wenye mapenzi mema na nchi yao tushirikiane kwa nguvu zote na Serikali yetu iliopo madarakani hivi sasa, tuchape kazi na tutoe fursa kazi ziendelee kwa ajili ya maendeleo yetu, na niwashukuru wale wote wenye kumuunga mkono Rais Samia, tusikubali kuyumbishwa na wachache,” alieleza Mgeja.

Read More →