Wema Sepetu Aachiwa Huru Na Kisha Kukamatwa Tena

Mahakama ya Hakimu Mkazi Kisutu imemuachia huru msanii wa filamu nchini, Wema Sepetu, lakini dakika chache baadaye askari magereza walimkamata tena.

Malkia huyo wa filamu anakabiliwa na kesi ya kusambaza picha zinazodaiwa kuwa za ngono mtandaoni.

Read More →

Mtanzania Rashid Mberesero ahukumiwa kifungo cha maisha Kenya Kwa Kuhusukika na Shambulizi la Kigaidi Lililoua Watu 148

Mahakama ya Kenya imemhukumu Mtanzania Rashid Mberesero kifungo cha maisha jela baada ya kumkuta na hatia ya kutekeleza shambulio la kigaidi mwaka 2015 katika Chuo Kikuu cha Garissa, Kenya.

Rashid Mberesero amehukumiwa kutumikia adhabu hiyo, akiungana na watu wengine wawili ambao kwa pamoja wamekutwa na hatia ya kuhusika na shambulio la kigaidi lililosababisha vifo vya wanafunzi 148 katika chuo hicho.

Wakati Rashid Mberesero akihukumiwa adhabu ya kifungo cha maisha jela, washtakiwa wenzake wawili Hassan Edin na Mohammed Abdi jina jingine Mohamned Ali Abikar wamehukumiwa miaka 41 kila mmoja gerezani.

Rashid Mberesero, aligundulika katika eneo la tukio akiwa sio mwanafunzi wala mfanyakazi wa chuo hicho.

Gazeti la The Citizen Tanzania la Aprili 10 mwaka 2016, lilisema Rashid alikuwa akisoma shule ya upili ya Bihawana mjini Dodoma Tanzania ambaye alidaiwa kutoroka shule baada ya kukatazwa kuvaa kofia kichwani.

Kulingana na mwalimu mkuu wa shule hiyo wakati huo, mwanafunzi huyo alijiunga na shule hiyo mwaka 2015 baada ya kutoka shule ya upili ya Bahi Kagwe.

Licha ya kutoweka katika shule, hakuna aliyefuatilia alikokwenda

Kwa takriban miezi minne wazazi wa kijana huyo walidhani mtoto wao yupo shule lakini haikuwa hivyo.

Haijulikani ni nini haswa kilichomfanya kuingia katika ugaidi.

Wazazi wa Rashid walishangaa kugundua kwamba mtoto wao alikuwa miongoni mwa watu waliopanga na kutekeleza shambulio la Garissa.

Read More →

Tatizo La Ucheleweshwaji Wa Mizigo Bandari Ya Dar Es Salaam Kupatiwa Ufumbuzi

WAZIRI wa ujenzi, uchukuzi na mawasiliano Mhandisi Isaac Kamwele amesema kuwa Rais John Magufuli ametoa fedha nyingi za matengenezo ya miundombinu ya bandari na reli hali iliyopelekea watumiaji wa reli na bandari ya Dar es Salaam kutoka nje kusifia uimarikaji wa mfumo huo ambao unarahisisha upitishwaji wa mizigo.

Akizungumza na waandishi wa habari jana jijiji Dar es Salaam mara baada ya kukutana na wafanyabiashara wa kimataifa wanaotumia bandari ya Dar es Salaam Kamwele amesema kuwa watumiaji wa muindombinu hiyo wamesema kuwa Kuna faida kubwa katika biashara yao licha ya changamoto ya ucheleweshwaji wa mizigo ambayo inapatiwa ufumbuzi kujitokeza mara kwa mara.

Amesema kuwa wafanyabiashara hao wamesema kuwa Sera na sheria ziboreshwe jambo ambalo amewahaidi kukaa na mamlaka husika ili kutatua changamoto zinazoikumba sekta hiyo.

Mhandisi Kamwelwe amesema kuwa baada ya mwezi mmoja watakaa tena na wafanyabiashara hao na kuangalia zaidi namna ya kuitumia vyema bahari ya Hindi na wizara hiyo itakaa na wamiliki wa meli duniani ili kuboresha zaidi uchumi wa nchi.

Kwa upande wake Mkurugenzi mkuu wa Mamlaka ya usimamizi wa bandari nchini (TPA) Mhandisi Deusdetit Kakoko amesema kuwa watumiaji wa bandari hiyo wakiwemo wafanyabiashara waliohudhuria mkutano huo wategemee makubwa kupitia bandari hiyo ambapo hadi sasa miundombinu ya tehama na ulinzi vinaimarishwa zaidi.

 Kuhusiana na sera na sheria Kakoko amesema kuwa ushirikiano baina ya wizara hiyo na wizara ya fedha itazaa matunda kwa manufaa ya taifa na watumiaji wa bandari hiyo.

Pia amewataka wadau wateja na mamlaka husika kuunga mkono juhudi za Serikali ya awamu ya tano pamoja  na kushirikiana ili kuipeleka nchi katika uchumi wa Kati.

Mwisho.

Read More →

MO DEWJI AJIBU KUHUSU KUJIONDOA SIMBA.......'KAA MBALI SANA NA WATU WENYE NIA MBAYA'

Mwenyekiti wa bodi ya Wakurugenzi wa Simba ambaye ni mwekezaji wa timu hiyo, Mohammed Dewji, amejibu taarifa kuhusu kujiondoa Simba.

Taarifa hizo zilianza kusambaa usiku wa jana katika mitandao ya kijamii, lakini mwenyewe amejitokeza na kuweka bayana kinachoendelea.

Kupitia ukurasa wake wa Twitter, Mo Dewji amesema, "watu wenye nia mbaya. Kazi yao sio kujenga, ni kuvunja tu. Kaa nao mbali. Narudia kaa nao mbali sana!".

Read More →

JKT Yakanusha Taarifa Za Vijana Wa JKT Kundi La Kikwete Na Operesheni Magufuli Kukusanyika Kambi Ya JKT Mgulani

Jeshi la Kujenga Taifa (JKT) linapenda kukanusha taarifa zinazoendelea kusambazwa kwenye mitandao ya kijamii, zinazoelezea kuhitajika kwa vijana wa JKT kundi la kujitolea Operesheni Kikwete na Operesheni Magufuli kukusanyika katika Kambi ya JKT Mgulani jijini Dar es Salaam tarehe 08 Julai 2019 kwa ajili ya usaili.

 

Makao Makuu ya Jeshi la Kujenga Taifa yanazikanusha taarifa hizo za uzushi zenye lengo la kuwachanganya vijana wetu ambao wamehitimu mafunzo ya JKT na kurejea makwao.

 

Siku zote JKT imekuwa ikisisitiza kuwa vijana wanaojiunga na mafunzo ya JKT ni vyema wakatambua kuwa mafunzo hayo hayana uhusiano wa kupatiwa ajira kwenye vyombo vya ulinzi na usalama mara wamalizapo mkataba, bali mafunzo hayo yanawajengea uwezo wa kujuwa stadi za kazi na stadi za maisha.

 

Jeshi la Kujenga Taifa kwa kushirikiana na Mamlaka ya Mawasiliano Tanzania (TCRA) wanafatilia kwa karibu kikundi kidogo chenye tabia ya kusambaza taarifa potofu na za uvumi zinazohusu JKT.

 

Imetolewa na:

Kurugenzi ya Habari na Uhusiano

Makao Makuu ya JKT

Tarehe 03 Julai 2019.

Read More →

Makamu Wa Rais Kumuwakilisha Magufuli Mkutano Wa 12 Wa Dharura Wakuu Wa Nchi Na Serikali Umoja Wa Afrika

Read More →

MAKAHABA WAMLILIA RAIS AWASAIDIE...WADAI SASA BIASHARA NGUMU

Kundi la makahaba kutoka eneo la Gilgil Kaunti ya Nakuru nchini Kenya limejitokeza na kuomba usaidizi kutoka kwa serikali. Wakiongea Jumanne, Julai 2, 2019 makahaba hao walisema kazi yao imekuwa ngumu sana na wanataka serikali kuingilia kati na kuwasaidia ili wajikimu kimaisha. 

Wakati uo huo, walimuomba Rais Uhuru Kenyatta na naibu wake William Ruto kusikiliza kilio chao kwani wako tayari kuiacha kazi hiyo iwapo watapata msaada wa serikali ili kuanza kazi nyingine.

"Tunaililia serikali, Rais Uhuru pamoja na mdogo wake aki tusaidieni ... kama vile huwa tunaona mkisaidia wazee na walevi pia tunaomba usaidizi. Na tuko tayari kuiacha kazi hii," mmoja wao alisema.

 Wafanyabiashara hao wa masuala ya ufuska walikuwa wakizungumza wakati wa mahojiano na gazeti la Nation.

 Vile vile wanaitaka jamii kukoma kuwaona kama watu waliopotoka kimaadili huku wakisema ni shida zimewasukuma kushiriki biashara hiyo.

 "Hakuna haja ya kutukejeli eti huyo huyo sex worker ... si kupenda kwetu kujiuza kimwili, na si rahisi. Unaweza ukakufa uwache bibi yako na ajiuze kimwili na si kwa kupenda," alisema mmoja wao. 

Ukahaba nchini Kenya ni kinyume cha sheria.

 Hata hivyo, mamia ya vipusa wamejitosa katika miji mikuu kujizolea riziki wakitumia mili yao.

 Jijini Nairobi, barabara ya Koinange ni maarufu kwa biashara ya ngono na wakati mmoja mwaka wa 2003 wabunge walikamatwa eneo hilo usiku wa manane wakiwanyemelea vipusa waliokuwa nusu uchi. 

Mjini Nakuru, eneo la Kikopey, Gilgil, barabara ya Gusii na pia eneo la kibiashara la Salgaa ni baadhi ya ngome kuu ambapo wasichana hunadi mili yao peupe. 

CHANZO - TUKO

Read More →

Taarifa kwa Umma kutoka TCRA kuhusu Mawakala wanaosajili laini za simu

Wakati Mamlaka ya Mawasiliano Tanzaia (TCRA) inaendela na utekelezaji wa zoezi la usajili wa laini za simu kwa njia ya biometria, TCRA imebaini kuwa kuna watu wanaojihusisha na usajili wa SIMU bila kuidhinishwa na watoa huduma za mawasiliano.

 

Kwa mujibu wa kifungu cha 92 na 97 cha Sheria ya Mawasiliano ya Kielektroniki na Posta, 2010 na Kanuni ya 9,10, na 11 ya Kanuni za Usajili wa Laini za Simu (Sim Card Registration Regulations, 2018), TCRA inapenda kuutaarifu na kuukumbusha Umma kuwa:-

1. Ni marufuku kwa mtu yeyote kuuza, kusambaza au kusajili laini za simu bila kuwa na uthibitisho kuwa ameidhinishwa na mtoa huduma za mawasiliano kutoa huduma hizo;
2. Yeyote anayejihususha na uuzaji, usambazaji au usajili wa laini za simu anatakiwa kuwa na ofisi ya kutolea huduma hiyo ya usajili wa laini za simu; na
3. Ni kosa la jinai kwa mtu yeyoye kuuza, kusambaza au kusajili laini za simu bila kuwa na ofisi na uthibitisho wa idhini ya mtoa huduma husika.

Umma unakumbushwa na kuonywa kuwa hatua zaidi zitachukuliwa, ikiwa ni pamoja na kufikishwa mahakamani pamoja na faini, kwa mtu yeyote atakaye bainika kuuza, kusambaza au kusajili laini za simu bila kufuata taratibu.

 

Imetolewa na:

Mkurugenzi Mkuu, 

Mamlaka ya Mawasiliano Tanzania

Read More →

Watoto Wamwaga Machozi Mahakamani Wakitoa Ushahidi Baba Alivyomnyonga Mama Yao

Watoto, akiwamo mmoja wa miaka 10, wameieleza Mahakama ya Hakimu Mkazi Kisutu, walivyoshuhudia baba yao wa kambo, Godfrey Nkwambi, akimnyonga mama yao Bahati Hussein.

Watoto hao, huku wengine wakibubujikwa machozi, walitoa ushahidi huo jana katika kesi ya mauaji inayomkabili Nkwambi Mahakama ya Hakimu Mkazi Kisutu mbele ya Msajili Pamela Mazengo.

Mtoto Hassan Hussein (10) alidai kwamba alimwona baba yake wa kambo, Godfrey Nkwambi, akimnyonga mama yake na kumwamuru asipige kelele.

Hassan ambaye alilala chumbani kwa mama yake (wakati huo akiwa na miaka mitano), alidai kuwa siku ya tukio alimwona baba yake wa kambo ni mshtakiwa katika kesi hiyo, alitoa madai hayo wakati akitoa ushahidi dhidi ya mauaji hayo.

Akiongozwa na Wakili wa Serikali, Erick Shija, shahidi huyo alidai siku ya tukio akiwa amelala chumbani kwa mama yake chini kwenye godoro pamoja na mdogo wake aliyemtaja kwa jina la Ibrahim, kwa kawaida mama yake na baba yake wa kambo walikuwa wakilala kitandani.

Siku ya tukio, alidai kuwa usiku alishtuka na alimuona mshtakiwa (baba wa kambo) akimnyonga mama yake na alimwambia asipige kelele na mama yake alikuwa akitikisa miguu huku akitoa sauti kwa mbali.

"Nililala lakini niliposhtuka nilimwona mshtakiwa akifanya hivi halafu hivi (alionyesha mahakama mikono ya mshtakiwa ilivyokuwa imeshika kichwa na kidevu na kukizungusha). Mama alikuwa akipiga miguu kitandani na kutoa kelele kwa mbali, God aliniambia nisipige kelele, mimi nikanyamaza, nikamwona akitoka nje sikujua kilichoendelea kwani niliendelea kulala hadi asubuhi," alidai Hussein.

Alidai kuwa asubuhi alimwacha mama yake akiwa bado amelala, yeye akatoka nje kupiga mswaki na baadaye alikwenda kucheza.

"Siku hiyo sikumwona Godfey na sikujua alikokwenda lakini baadaye nilisikia watu wakilia nyumbani kwetu, ndugu zangu wakaniambia mama yetu mzazi amefariki (dunia)," alidai shahidi huyo na kusababisha ndugu wa marehemu waliofika mahakamani kusikiliza kesi hiyo kuanza kutoa machozi.

Shahidi mwingine ni mtoto wa marehemu, Khadija Abibu (15), aliieleza mahakama kuwa mama yake alifariki dunia Juni 21, 2014 na kwamba Juni 20 alipotoka kucheza alikuta baba yake (mshtakiwa), mama yake na watu wengine wakiwa wamekaa katika mkeka nyumbani kwao Ulongoni.

Alidai kuwa dada yake anayeitwa Hadija Shabani, alimwambia kuwa kulikuwa na ugomvi kati ya baba na mama yake ambao ulisuluhishwa na kwisha na baadaye alimshuhudia mshtakiwa akimpa fedha mama yake akanunue mboga kwa ajili ya chakula cha usiku.

Alidai kuwa majira ya saa 5:00 usiku, alikwenda kuwalaza wadogo zake, Hassan na Rahim, chumbani kwa mama yao na kisha akaenda kulala chumbani kwake pamoja na mtoto wa mama yake mdogo.

"Usiku nilishtuka nikasikia mama na Godfrey wanagombana. Mtoto wa mama mdogo alikuwa anaogopa, nikamwambia yataisha sisi tulale, tukabaki macho kitandani. Mtoto wa mama mdogo akabanwa na haja ndogo, hivyo tukatoka nje kujisaidia," alidai Khadija.

Alidai kuwa walipotoka nje walimwona Godfrey akiwa amekaa katika kochi sebuleni akiwa amevaa kipensi, shati begani huku akitokwa na jasho na kuwahoji wanakokwenda.

"Sisi tulimjibu tunaenda kujisaidia, akasema haya. Tuliporudi tukasikia Godfrey akifungua mlango wa sebuleni na kutoka nje, sisi tulijificha nyuma ya mlango wa sebuleni, tulimsikia Godfrey akimgongea mpangaji wa chumba cha nje na kumuuliza kama alisikia kelele, yule mpangaji akamwambia hakusikia kelele," alidai shahidi.

Shahidi huyo alidai, baadaye walienda kulala, asubuhi aliamshwa na mama mwenye nyumba ambaye alimtaka achukuwe beseni la vyombo apeleke chumbani kwa mama yake.

Huku akitokwa na machozi, shahidi huyo alidai aligonga mlango lakini mama yake hakuitikia na alipoingia ndani alimkuta mama yake amelala akiwa amefunikwa shuka jeupe na kanga kichwani, alimtikisa hakuamka na kutoka nje huku akipiga kelele.

"Nilikuta mama kalala, niliendelea kumwamsha bila mafanikio, nikamfunua alikuwa hajavaa nguo, nikamshika kifua kuona kama roho yake inadunda, ilikuwa haidundi, nikatoka nje nikipiga kelele. Mama mwenye nyumba aliniuliza nikamwambia mama yangu hahemi amefunikwa nguo, majirani walikuja na kumwangalia, wakasema atakuwa amezimia, wakamvalisha nguo na kumpeleka hospitalini," alidai.

Khadija alidai kuwa watu waliorudi kutoka hospitalini walimwambia kuwa mama yao amekufa na alinyongwa. Alidai kuwa mama yake alinyongwa na Godfrey kwa sababu alishawahi kumtamkia kuwa atamuua yeye na familia yake kwa kuwa hataki kuiona.

"Mama pia alishawahi kunambia kwamba, 'mwanangu nikifa Godfrey ndiye kaniua," alidai.

Naye shahidi Khadija Shabani, ambaye alikuwa akimwita marehemu shangazi, aliieleza mahakama kwamba wawili hao walikuwa na ugomvi na kwamba Godfrey alikuwa akimtuhumu Bahati kuwa na uhusiano wa kimapenzi na jirani yao.

Read More →

TETESI ZA SOKA ULAYA ALHAMISI

Frank Lampard amepigwa picha katika uwanja wa Stamford Bridge anapokaribia kuwa kocha mpya wa Chelsea. (Mail)

Kuidhinishwa kwa Lampard kuwa kocha mpya wa Chelsea kulicheleweshwa Jumatano jioni baada ya mitandao ya kijamii ya Facebook na Instagram kukumbwa na changamoto za kiufundi hali ambayo ilifanya kuwa vigumu kuchapisha picha au kuweka video mtandaoni. 

Klabu hiyo ilitaka mitandao hiyo ya kijamii kurejea katika hali yake ya kawaida kabla ya kufanya tangazo hilo. (Mirror)

Chelsea pia imeanza mazungumzo ya kandarasi mpya ya na kiungo wa kati wa miaka 20 Mason Mount, amabaye aliichezea Derby msimu uliopita chini ya ukufunzi wa Lampard. (Evening Standard)

Manchester United wanataka kumsajili mchezaji wa safu ya kati wa Ureno Bruno Fernandes, 24 kutoka Sporting Lisbon. (Sky Sports)Bruno Fernandes

Tottenham imesitisha mazungumzo yake na Real Betis kumhusu kiungo ya kati wa Argentina Giovani Lo Celso, 24, baada ya vilabu kushindwa kuafikiana malipo. (Sky Sports)

Arsenal wamepewa nafasi ya kumsaini mshambuliaji wa Barcelona Mbrazil Malcom, 22, lakini azma yao kubwa ni kumnasa mshambuliaji wa Ivory Cost wa miaka 26, Wilfred Zaha kutoka Crystal Palace. (Mirror)

Gunners wana pauni milioni 70 wanapojianda kuweka dau la pili la kumnunua Zaha, japo kuwa Palace wanamini thamani ya mshambuliji huyo ni pauni milioni 80(Sky Sports)Zaha aliifungia Palace mabao 10 katika msimu wa 2018-19

Manchester City huenda wakamsaini mlinzi wa Uholanzi wa miaka 24 Nathan Ake kutoka Bournemouth msimu huu. (L'Equipe - in French)

Tottenham wanamtaka mashambulizi wa roma na timu ya taifa ya Italia Nicolo Zaniolo, 22, na wako tayari kumuuza mlinzi wa Ubeliji Toby Alderweireld, 30, ili wapate fedha za kugharamia mkataba huo. (Mail)

Agenti wa Romelu Lukaku amaefanya mazungumza mapya na Inter Milan lakini klabu hiyo ya Italia bado inashauriana na Manchester United kuhusu ada ya kiungo huyo wa Ubelgiji aliye na miaka 26. (Sky Sport Italia - in Italian)Romelu Lukaku

Bayern Munich wameipiku Manchester City katika kinyang'anyiro cha kumsaini beki mkabaji wa Ureno Joao Cancelo,25, kutoka Juventus. (Corriere dello Sport via Manchester Evening News)

Everton wamepokea maombi kutoka vilabu vinavyoshiriki ligi kuu ya Ujerumani maarufu Bundesliga na hampionship ya kutaka kumnunua kiungo wa kati wa miaka 22, Joe Williams. ((Liverpool Echo))

Southampton hawana mpango wa kumsajili mshambuliaji wa Ureno Andre Silva, 23, kutoka AC Milan licha ya tetesi kutoka Italia kuashiria vingine. (Daily Echo)

Tottenham huenda ikawauza beki wa England Kieran Trippier, 28, na Danny Rose, 29, wanapojianda kutoa maombi ya kumnunua mlizi wa Fulham muingereza Ryan Sessegnon, 19.(Mirror)

Newcastle imewasiliana na kocha wa Ubelgiji Roberto Martinez okuhusu uwezekano wake kuchukua nafasi ilioachwa wazi na Rafael Benitez kama meneja wao mpyaa. (Sun)

CHANZO.BBC SWAHILI

Read More →

Habari Zilizopo Katika Magazeti Ya Leo Alhamisi 4 July

Read More →

Serikali Yajipanga Kutumia teknolojia sahihi za Kilimo zinazoendana na mahitaji na wakati

Na Mathias Canal, Wizara ya Kilimo-Dodoma

Jitihada za kuongeza uzalishaji zinakuwa na mafanikio hafifu kutokana na kutotumia teknolojia sahihi zinazoendana na mahitaji na wakati; Mathalani, matumizi ya zana za kulimia ama zikiwa za mkono au zinazokokotwa na wanyamakazi au matrekta, zimekuwa zikisababisha mmomonyoko wa udongo hasa katika maeneo yasiyo tambarare na kusababisha upotevu mkubwa wa rutuba na kujengeka kwa jasi (hard pan).

Kwenye maeneo yenye mvua chache njia hizo za kilimo cha kukatua ardhi hazitunzi unyevu na kusababisha uzalishaji kuwa wa chini hasa pale panapokuwa na vipindi virefu vya ukame (dry spells) kama ilivyotokea msimu huu wa kilimo katika baadhi ya maeneo nchini ikiwemo Mkoa wa Dodoma.

Waziri wa Kilimo Mhe Japhet Hasunga (Mb) ameyasema hayo leo tarehe 03 julai 2019 kwenye ufunguzi wa warsha ya siku tatu ya kujadili kwa pamoja namna bora ya kuendeleza Kilimo Hifadhi nchini iliyofanyika katika ukumbi wa St. Gasper uliopo eneo la Kisasa, Jijini Dodoma.

Mhe Hasunga anasema kuwa kwa sababu hiyo basi, ili kukabiliana na mabadiliko ya tabianchi ni muhimu kubadilisha mifumo inayotumiwa katika kuandaa mashamba ili kupata matokeo mazuri.

Amewashukuru Washirika wa Maendeleo (Development Partners) pamoja na Wadau wote wa Kilimo Hifadhi waliowezesha kufanikisha warsha hiyo muhimu wakiwemo African Conservation Tillage Network (ACTN), Canadian Food GrainBank (CFGB), Diocese of Central Tanganyika (DCT), na Conservation Farming Unit (CFU) –Tanzania.

Alisema juhudi hizo wanazofanya za kuendeleza Kilimo Hifadhi kwa kushirikiana na Serikali kwa maendeleo ya wakulima na Taifa kwa ujumla, ni sehemu ya mwelekeo wa kufikia Uchumi wa Viwanda kwa kukuza uzalishaji wenye tija.

Aliongeza kuwa jitihada hizo zinaendana na Sera ya Kilimo ya mwaka 2013 na Programu ya  Kuendeleza Sekta ya Kilimo Awamu ya Pili (Agricultural Sector Development Programme - ASDP II) ambazo zinahimiza usimamizi endelevu wa matumizi bora ya maji na ardhi, kuongeza tija na faida katika uzalishaji, biashara na kuongeza thamani ya mazao na kuiwezesha Sekta katika uratibu, ufuatiliaji na tathmini.

Kadhalika Waziri Hasunga amesema kuwa ili kuleta mageuzi katika Sekta ya Kilimo, Serikali imeongeza juhudi za kuwaunganisha wakulima na masoko, huduma za kifedha, usindikaji wa mazao na kuongeza thamani.

Alisema kuwa katika kutimiza azma hiyo, Serikali kwa kushirikiana na Wadau wa Kilimo inaendelea Kuweka mazingira mazuri yanayovutia uzalishaji na uwekezaji, Kuimarisha mafunzo, Utafiti, ubunifu na uenezaji  wa teknolojia za kilimo cha kisasa ikiwa ni pamoja na Kilimo Hifadhi na kuboresha Huduma za Ugani, Kuongeza uzalishaji na tija katika kilimo, uongezaji thamani ya mazao, kuimarisha ushirika, kuwaunganisha wakulima na masoko na huduma za fedha; na Kuhamasisha na kusimamia matumizi ya teknolojia za kisasa za kilimo ikiwemo teknolojia za kilimo hifadhi kwa kushirikiana na wadau mbali mbali.

Kwa upande wake Mwenyekiti wa Kamati ya kudumu ya Bunge ya Kilimo, Mifugo na Maji Mhe Mahamoud Mgimwa (Mb) alisema kuwa serikali inapaswa kujipanga vizuri kuendeleza Kilimo Hifadhi nchini kwa kufanya utafiti wa kina kwa utafiti ndio nguzo ya kilimo.

Alisema kuwa asilimia kubwa ya mbegu zinaagizwa nje ya nchi hivyo aliiomba aserikali kuongeza Bajeti ya Wizara ya Kilimo hususani katika kuendeleza sekta ya mbegu.

Amesema Tanzania bado kuna tatizo kubwa la Masoko kwani wakulima wengi wanazalisha mazao yao lakini hawana mahali pakuyauza kwa bei nzuri huku wengine wakishindwa kusafirisha mzao yao kutokana na miundombinu kutoimarika kwa kiasi kikubwa. Kadhalika ameipongeza wizara ya Kilimo kwa kuanzisha mchakato wa mapitio ya sera ya kilimo ya 56mwaka 2013 itakayopelekea kuwa na sheria mpya ya Kilimo.

Awali akitoa salamu za wizara ya Kilimo kabla ya kumkaribisha mgeni rasmi kufungua warsha hiyo, Katibu Mkuu wa Wizara ya Kilimo Mhandisi Mathew Mtigumwe alisema kuwa Lengo la warsha hiyo ni kuwawezesha washiriki kupata uzoefu na kufahamu juhudi na matokeo ya kazi za kuendeleza kilimo hifadhi zinazofanyika nchini na kuweka mpango utakounganisha, kuratibu na kusimamia shughuli za kuendeleza matumizi bora na endelevu za teknolojia za kilimo hifadhi nchini.

Alisema kuwa matumizi ya kilimo cha kisasa (smart agriculture)  ikiwa ni pamoja na kilimo hifadhi ni nguzo katika kuendeleza kilimo nchini kwa kongeza tija, kuboresha ardhi na kukabiliana na mabadiliko ya tabianchi hasa katika maeneo yanayopata mvua chache.

Mhandisi Mtigumwe alisema kuwa Katika miaka ya hivi karibuni, matumizi ya teknolojia ya kilimo hifadhi yamekuwa yakiongezeka mwaka hadi mwaka. Tathmini zilizofanywa na Wizara zinaonyesha kuwa karibu hekta 40,000 nchini zinalimwa kwa kutumia  kilimo hifadhi na matokeo yanaonyesha kuwa mavuno (yields) wanayopata wakulima kutoka kwenye mashamba ya kilimo hifadhi ni mazuri hata wakati wa mvua chache.

Aliongeza kuwa Katika kipindi hiki, ambacho Serikali inajitahidi kuongeza miundo mbinu ya umwagiliaji na kuongeza matumizi ya mbolea za viwandani kwa gharama kubwa ili kuongeza tija na kukabiliana na athari za mabadiliko ya tabia nchi, matumizi ya teknolojia ya kilimo hifadhi ni njia mbadala ya kufikia malengo hayo kwa haraka na kwa gharama nafuu.

MWISHO

Read More →

Mke wa Mtawala wa Dubai akimbia mafichoni akiogopa kuuawa

Mke wa mtawala wa Dubai Sheikh Mohammed Al Maktoum, Binti Mfalme Haya Bint al-Hussein, yuko mafichoni jijini London akidaiwa kuhofia usalama wa maisha yake baada ya kumtoroka Mumewe.

Sheikh Mohammed mwenye miaka 69, ambaye ni Bilionea, aliandika utenzi wenye hisia za hasira kwenye ukurasa wa Instagram akimshutumu mwanamke ambaye hakufahamika kwa vitendo vya ”udanganyifu na usaliti”.

Mke wa kiongozi huyo mzaliwa wa Jordan ana miaka 45, aliolewa na Sheikh Mohammed mwaka 2004 na kuwa mke wa sita, ”mke mdogo”.

Sheikh Mohammed ameripotiwa kuwa na watoto 23 kutoka kwa wake zake.

Binti mfalme Haya awali alitorokea Ujerumani mwaka huu kutafuta hifadhi. Hivi sasa anaelezwa kuishi kwenye nyumba ya thamani ya pauni milioni 85 Kensington Palace Gardens, katikati mwa jiji la London, akijiandaa kufungua mashtaka kwenye mahakama ya juu.

Read More →

Jinsi ya kukabiliana na tatizo la upungufu wa nguvu za kiume

Tunapozungumzia upungufu wa nguvu za kiume tunakuwa katika uwanja mpana zaidi wa tafakari za kibaiolojia na kisaikolojia walizonazo wanaume.

Lakini kwa kufupisha mlolongo wa mambo sehemu kuu tatu zinaweza kabisa kukidhi mchanganuo mzima wa jinsi tatizo hili linavyowasumbua wanaume wengi duniani.

Sehemu kubwa ya malalamiko ya wanaume katika sakata hili yanagusa zaidi maeneo matatu ambayo ni kukosa msisimko, kushindwa kurudia tendo na kukosa kabisa nguvu, huku kufika kileleni mapema kukihusishwa pia kama pacha wa janga hili ambalo linawasumbua zaidi wanaume.

 

Sababu zinazosababisha tatizo la nguvu za kiume zinawekwa katika makundi mawili.

*Matatizo ya kiafya ya mwili (organic causes).

*Matatizo ya kisaikolojia ( Psychological cause).

 

Matatizo ya kiafya:

1. Magonjwa ya kisukari, (diabetes mellitus).
2. Ugonjwa wa presha (blood pressure).
3. Matatizo ya tezi dume (kama mtu amewahifanyiwa operation) (prostatectomy surgery),
4. Upungufu au mvurugiko wa uzalishaji Homoni za uzazi (hormonal insufficiencies /hypogonadism).
5. Athari za matumizi ya dawa kwa muda mrefu (drug side effect).

Matatizo haya kwa pamoja hupelekea mishipa ya damu kuziba na mwishowe misuli inakosa nguvu za kuweza kusimama na hatimae uume husinyaa.

 

Tatizo la Kisaikolojia(Psychological reasons)

Ukweli wa mambo ulioibuliwa na wanasaikolojia umebaini wale wote wanaolalamikia/lalamikiwa kuwa hawana nguvu iwe ya kufika kileleni mapema, kutokuwa na msisimko na kushindwa kurudia tendo wamekosa maarifa tu ya kufahamu na hawaijui miili yao na wanaishi kwa kusikia zaidi ya kujitambua.

Watu hao kiuhalisia wanakabiliwa  na matatizo ya kimawazo, kama vile migogoro katika mahusiano, matatizo ya kimaisha na mambo mengine

 

Dalili za tatizo hili

1. Kushindwa kusimamisha uume mara kwa mara,
2.  Uume kulala(kusinyaa) katikati ya tendo la ndoa.
3.  kushindwa kusimamisha ipasavyo.
4. Kufika  haraka mara baada ya kuanza
5. kujamiiana.
6.  Maumivu ya misuli ya uume wakati wa tendo la ndoa.

Magonjwa yanayosababisha tatizo hili:

*kisukari (diabetes)

*presha (blood pressure)

*matatizo yafigo (kidney disorders)

*matatizo ya kisaikologia(psychological cause).

* upungufu wa homoni za uzazi (hormonal insufficiencies).

* Matumizi ya dawa kwa muda mrefu (drug side effect).

* Uvutaji wa sigara na unywaji wa pombe kupita kiasi.

* matatizo ya tezi dume.

Matatizo haya yote Yanatibika kwa dawa. Wasiliana Nami kwa msaada zaidi: 0620510598 au 0759208637

 

Read More →

Fahamu Chanzo Halisi cha Kupungukiwa Nguvu za Kiume

Unafahamu kwa kina tatizo la kupungukiwa nguvu za kiume na  maumbile ya kiume kusinyaa?

Wanaume wengi kwa sasa wanasumbuliwa na tatizo la kupungukiwa nguvu za kiume na maumbile  kuwa mafupi na wengi wao huamua kutafuta tiba ili waweze kujilejeshea nguvu zao za asili bila kujua ni nini chazo cha hilo tatizo 

Tambua kuwa hakuna dawa ya kuongeza maumbile ya kiume  kama  ulikuwa mdogo  tangu unazaliwa, labda kama tatizo limeazia ukubwani kwa kujichua ( kupiga punyeto)  au kutokana na magonjwa 

Pia hakuna dawa ya kuongeza nguvu za kiume kama tatizo umezaliwa nalo bali zipo tiba za kutibu na ukapona matatizo hayo kama yameanzia  ukubwani kutokana na sababu zifatazo ;

1,Unene kupita kiasi 

2.Kuvaa nguo za kubana 

3.Magonjwa ya moyo,kisukar,presha,vidonda vya tumbo,ngiri,tumbo kuunguruma na kujaa gesi,kupiga punyeto,Msongo wa mawazo.

Haya ndo mambo makuu yanayosababisha tatizo hilo. kwa ushauri zaidi , piga simu 0683645920

Read More →

SIMBA YAMDONDOSHA AJIB ASAINI MIAKA MIWILI

Klabu ya Simba ya jijini Dar es Salaam imefanikiwa kumrejesha nyumbani aliyewahi kuwa mchezaji wake Ibrahim Ajibu Migomba ambaye ametambulishwa hii leo na klabu hiyo kupitia ukurasa wa Instagram. 

Simba imejiwekea utaratibu wa kila siku jumatatu mpaka ijumaa saa saba kamili mchana kutambulisha wachezaji ambao imewasajili kwaajili ya msimu ujao. 

Taarifa ya Simba ambayo imechapishwa katika ukurasa huo wa Instagram inasema kuwa 

Ibrahim Ajib akisaini mkataba.

“Safari ya mtoto kuishi mbali na nyumbani imefikia ukingoni. Ibrahim Ajibu ameamua kufanya maamuzi sahihi ya kurudi nyumbani Msimbazi, ndio amerudi na amesaini mkataba wa miaka miwili kucheza na kuwapa furaha Wanasimba. Karibu nyumbani Ajibu”imesema taarifa hiyo.

Read More →

IGP Sirro Aongoza Kikao Cha Utendaji Cha Maofisa Wakuu Wa Jeshi La Polisi

Mkuu wa Jeshi la Polisi IGP Simon Sirro (katikati), akiongoza Kikao cha Utendaji cha Maofisa Wakuu  wa Makao Makuu ya Polisi jijini Dar es salaam, kujadili utendaji wa kazi za Polisi, kufanya tathmini, Mafanikio, Changamoto na kuweka mikakati ya kutekeleza kazi za Polisi hususan kulinda maisha ya raia na mali zao.

Kushoto kwake ni Kamishna wa Kamisheni ya Ushirikishwaji wa Jamii CP Mussa A. Mussa na Kamishna wa Operesheni na Mafunzo CP Liberatus Sabas na kulia kwake ni Kamishna wa Kamisheni ya Uchunguzi wa Kisayansi CP Shabani Hiki na Kamishna wa Utawala na Rasilimali Watu CP Benedict Wakulyamba.

Read More →