Na, Stephen Noel Mpwapwa . Mahakama ya Hakimu mkazi wa wilaya ya Mpwapwa mkoani Dodoma imeamuru kufukufukuliwa kwa mwili wa marehemu Cosmas Msote aliye fariki miezi mitano ili ufanyiwe uchunguzi wa chanzo cha kifo chake. Mahakama hiyo imefikia waamuzi huo baada ya kuwapo na ubishani Kati ya taarifa zilizo andikwa na Mganga wa hospital ya wilaya ya Mpwapwa juu chanzo cha kifo cha bwana Cosmas Msote aliye fariki dunia tarehe 5 October 2018. Kwa mujibu wa Hakimu mkazi wa Mahakama ya wilaya ya Mpwapwa bwana Pascal Mayumba amesema aliamua kutoa…
Wednesday, 9 January 2019
Tuesday, 8 January 2019
BENKI KUU YA TANZANIA YATOA MAAGIZO
BENKI Kuu ya Tanzania(BoT) imetoa tangazo kwa umma kupitia tovuti yake (www.bot.go.tz) likiwataka watu na taasisi zote zinazofanya biashara ya huduma ndogo za fedha zilizoko Tanzania Bara (isipokuwa vyama vya ushirika vya akiba na mikopo – SACCOS) kutoa taarifa zitakazotumika katika utayarishaji wa Kanuni za Usimamizi wa Huduma Ndogo za Fedha. “Bali ni kukusanya taarifa za awali kuhusu huduma hizo, kama amnavyo ilivyoainishwa na Bunge la Jamhuri ya Muungano wa Tanzania wakati wa kupitisha Sheria ya Huduma Ndogo za Fedha ya mwaka 2018, lengo la sheria hiyo ni kuwalinda wadau…
Picha : WAZIRI WA MAJI AMSWEKA RUMANDE MHANDISI WA MAJI SHINYANGA, AAGIZA WAHANDISI KUTEMBELEA MIRADI
Naibu Waziri wa Maji Juma Aweso ameliagiza jeshi la polisi mkoani Shinyanga kumkamata mhandisi wa maji Halmashauri ya wilaya ya Shinyanga Sylivester Mpemba kushindwa kusimamia kikamilifu utekelezaji wa mradi wa maji uliogharimu serikali kiasi cha zaidi ya shilingi bilioni moja.
Agizo hilo amelitoa leo Januari 8,2019 wakati akizungumza na wakazi wa kata ya Mwakitolyo kwenye mkutano wa hadhara ambapo wananchi waliopewa nafasi ya kuuliza maswali walijikita na changamoto ya upatikanaji wa maji kutokana na mradi uliopo kushindwa kutoa maji.
Hata hivyo majibu ya mhandisi wa maji Halmashauri ya wilaya ya Shinyanga Sylivester Mpemba yalishindwa kujitosheleza licha ya serikali kutoa fedha kiasi cha shilingi bilioni moja,milioni mia nne na sitini na mbili.
Hata hivyo majibu ya mhandisi wa maji Halmashauri ya wilaya ya Shinyanga Sylivester Mpemba yalishindwa kujitosheleza licha ya serikali kutoa fedha kiasi cha shilingi bilioni moja,milioni mia nne na sitini na mbili.
Kufuatia kukosekana kwa majibu kuhusu namna pesa hizo zilivyotumika,Aweso alieleza kusikitishwa na ucheleweshwaji wa mradi huo akidai kuna uzembe wa Mhandisi huo hivyo kumwagiza Mkuu wa wilaya ya Shinyanga,Jasinta Mboneko na jeshi la polisi kumkamata mhandisi huyo.
“Mradi wa maji Mwakitolyo gharama yake ni shilingi bilioni 1.482 mpaka sasa serikali ya imelipa kiasi cha bilioni 1.462, sisi tunaumia sana wakati mwingine huyu angekuwa daktari si angeshaua watu, mheshimiwa Mkuu wa Wilaya ita polisi peleka ndani mtu huyu” ,alisema Aweso.
Waziri Aweso pia alimuagiza kaimu mhandisi wa maji mkoa wa Shinyanga Julieth Payovela kuandika barua ya kujitathmini katika utendaji kazi wake,na kuwaagiza wahandisi wa maji nchini kutembelea na kukagua miradi ya maji iliyopo kwenye maeneo yao na kuhakikisha wananchi wanapata huduma hiyo ili kufikia azma ya kumtua mama ndoo kichwani.
Kwa upande wake mbunge wa jimbo la Solwa Ahmed Salum alisema wakazi wa jimbo hilo bado wanakabiliwa na changamoto mbalimbali za miundombinu ya barabara, elimu, umeme na huduma za afya na kuiomba serikali kuwatazama wakazi wa jimbo hilo kwani wanajihisi kutengwa licha ya baadhi ya wataalamu kukwamisha juhudi za serikali kuwapatia wananchi wake huduma bora za kijamii.
“Jimbo la Solwa ni miongoni mwa majimbo nchini yanayokabiliwa na changamoto lukuki hasa katika sekta ya afya,elimu na miundombinu ya barabara, wananchi hawa hawana pa kukimbilia zaidi ya serikalini kutokana na mapato wanayoichangia serikali katika huduma za kimaendeleo” ,alisema Ahmed.
ANGALIA PICHA ZA MATUKIO HAPA CHINI
ANGALIA PICHA ZA MATUKIO HAPA CHINI
Naibu Waziri wa Maji Juma Aweso akizungumza na wakazi wa kata ya Mwakitolyo kwenye mkutano wa hadhara ili kusikiliza kero zinazowakabili - Picha zote na Malaki Philipo- Malunde1 blog
Mhandisi wa maji halmashauri ya wilaya ya Shinyanga Sylivester Mpemba(kushoto) akihojiwa na Naibu Waziri wa Maji Juma Aweso (kulia) kuhusu kushindwa kusimamia mradi wa maji kata ya Mwakitolyo.
Naibu Waziri wa Maji Juma Aweso akizungumza na kuagiza Mhandisi wa maji halmashauri ya wilaya ya Shinyanga Sylivester Mpemba akamatwe na polisi .
Mhandisi wa maji halmashauri ya wilaya ya Shinyanga Sylivester Mpemba akiwa chini ya ulinzi.
Polisi wakitekeleza agizo la kumshikilia na kumuweka chini ya ulinzi mhandisi wa maji halmashauri ya wilaya ya Shinyanga Sylivester Mpemba.
Mhandisi wa maji halmashauri ya wilaya ya Shinyanga Sylivester Mpemba akiwa chini ya ulinzi.
Wakazi wa kata ya Mwakitolyo wakifuatilia matukio yaliyokuwa yanaendelea.
Tenki la maji Mwakitolyo,mradi wa maji ambao umeigharimu serikali kiasi cha zaidi ya shilingi bilioni moja na mradi haujawanufaisha wananchi.
Mkuu wa Wilaya ya Shinyanga Jasinta Mboneko akizungumza na wakazi wa kata ya Mwakitolyo.
Mbunge wa jimbo la Solwa Ahmed Salum akizungumza kwenye mkutano wa hadhara wakati wa ziara ya Naibu waziri wa maji Mwakitolyo.
Wakazi wa Mwakitolyo wakiwa kwenye mkutano.
Awali Sada Khamis mkazi wa kijiji cha Mwakitolyo akieleza kero ya maji katika eneo hilo mbele ya Naibu waziri wa maji Juma Aweso.
Mwenyekiti wa kijiji cha Mwakitolyo Nuhu Nshomi akieleza changamoto za elimu,maji na umeme wakati wa mkutano.
Mkuu wa Wilaya ya Shinyanga Jasinta Mboneko (wa kwanza kushoto), Naibu waziri wa maji Juma Aweso(katikati), Mbunge jimbo la Solwa Ahmed Salum(kulia) wakisikiliza kero za wananchi.
Mkutano ukiendelea...
Kaimu mhandisi maji Mkoa wa Shinyanga Julieth Pyovela akichota maji ya kunywa yanayopatikana Mwakitolyo baada ya kutakiwa anywe mbele ya Naibu waziri wa maji Juma Aweso.
Kaimu mhandisi maji Julieth Payovela akitekeleza agizo la kunywa maji alilopewa na Naibu waziri wa maji Juma Aweso.
Naibu Waziri wa Maji Juma Aweso akinywa maji yanayopatikana Mwakitolyo.
Mbunge wa jimbo la Solwa Ahmed Salum akishiriki zoezi la kunywa maji ya Mwakitolyo.
Naibu waziri wa maji Juma Aweso akiwapigia simu wataalamu kutoka wizara ya maji kwa lengo la kuja kujiridhisha na majibu yaliyotolewa na Mhandisi wa maji halmashauri ya wilaya ya Shinyanga Sylivester Mpemba kuhusu ucheleweshwaji wa huduma ya maji Mwakitolyo.
Mkutano ukiendelea
Afisa elimu kata ya Mwakitolyo Adam Lanja akieleza changamoto za elimu.
Awali Afisa tawala mkoa wa Shinyanga Albert Msovela (mbele kulia) akitoa taarifa ya mkoa kwa Naibu Waziri wa Maji Juma Aweso.
Mkuu wa Mkoa wa Shinyanga Zainab Telack akizungumza ofisini kwake wakati Naibu Waziri wa Maji Juma Aweso akipokea taarifa ya mkoa wa Shinyanga.
Mhandisi wa maji Halmashauri ya wilaya ya Shinyanga Sylivester Mpemba akielezea kuhusu miradi ya maji katika wilaya ya Shinyanga mbele ya Naibu Waziri wa Maji Juma Aweso.
Maafisa kutoka SHUWASA NA KASHUWASA wakiwa katika ofisi ya mkuu wa mkoa wa Shinyanga wakati wa ziara ya Naibu Waziri wa Maji Juma Aweso.
Picha zote na Malaki Philipo - Malunde1 blog
HUYU NDIO KOCHA ZAHERA AJA NA MPANGO HUU WA KUONDOA NJAA KWA WACHEZAJI WAKE WA YANGA
HUKU mashabiki wa Yanga wakiiona timu yao haina fedha na masikini kumbe wanajidanganya baada ya kocha mkuu wao kipenzi, Mwinyi Zahera, kutamka wazi kwamba anaweza kuifanya klabu hiyo kumaliza ukata wa kifedha ndani ya miezi miwili kutokana na hazina kubwa ya wanachama na mashabiki iliyonayo. Yanga ni klabu kongwe nchini, lakini imekuwa ikishindwa kutumia rasilimali ilizonazo katika kujiletea maendeleo, huku baadhi ya wadau wakidai tatizo hilo linasababishwa na viongozi wanaojali masilahi yao binafsi na si ya klabu. Pamoja na kuwa na majengo mawili katika ya Jiji la Dar es Salaam,…
SIMBA YAMUAANDAA BEKI HUYO KISIKI KUBEBA MIKOBA YA NYONI KWENYE MECHI NA WAARABU ,KOCHA MBELGIJI AFUMUA KIKOSI CHAKE
KOCHA Mkuu wa Simba, Mbelgiji Patrick Aussems, ameanza kumwandaa beki wake, Jjuuko Murushid, kuchukua nafasi ya Erasto Nyoni, ambaye hatakuwepo katika mechi ya Ligi ya Mabingwa Afrika dhidi ya JS Saoura ya Algeria Jumamosi ya wiki hii kwenye Uwanja wa Taifa, Dar es Salaam. katika Mechi hiyo Simba wanahitaji kila aina ya njia kuwakalisha waarabu ambapo Nyoni ameondolewa katika mipango ya kocha huyo katika mchezo huo wa kwanza wa hatua ya makundi ya Ligi ya Mabingwa Afrika baada ya kuumia goti wakati wa mechi ya juzi ya Kombe la Mapinduzi…
SHAMBULIO LA AIBU LAMFIKISHA MAHAKAMANI MWINGINE ASHITAKIWA KWA KUJARIBU KUBAKA
Watu wawili wamefikishwa mahakama ya wilaya ya Serengeti kujibu mashtaka katika kesi mbili tofauti mmoja akijaribu kubaka na mwingine akifanya shambulio la Aibu Mbele ya Hakimu mkazi mfawidhi wa wilaya Ismael Ngaile mwendesha mashtaka wa Jamhuri Renatus Zakeo alisema katika shauri la jinai namba 2/2019 mshitakiwa Manyama Machota(36) mkazi wa kijiji cha Robanda wilayani hapa anashitakiwa kwa kosa moja la Shambulio la aibu Zakeo alisema mshitakiwa alitenda kosa hilo Juni 9 mwaka 2018 katika kijiji cha Robanda baada ya kumshika binti aitwaye Zawadi Peter(16) sehemu mbalimbali za mwili wake bila…
YANGA WAANZA MIPANGO YA KUMTAFUTA MRITHI WA MANJI,WANACHAMA WAPEWA NENO HILI
WAKATI suala la Uchaguzi wa Yanga likiwa bado kizungumkuti huku ikitajwa uwenda siku ya uchaguzi kukatokea fujo ya kupinga uchaguzi,wanachama wa Yanga wametakiwa kujitokeza kwa wingi kwenye kampeni za uchaguzi ambazo zimezinduliwa rasmi leo katika Ofisi za Shirikisho la Soka Tanzania (TFF) na viongozi wa Yanga pamoja na wale wa TFF kwa ajili ya kujaza nafasi zilizo wazi kuanzia ile ya Mwenyekiti iliyokuwa wazi baada ya Yusuf Manji kujiuzulu pamoja na Makamu Mwenyekiti na wajumbe wengine. Uchaguzi wa Yanga unatarajiwa kufanyika Januari 13 katika ukumbi wa Polisi Messi Oysterbay kuanzia…
RC MAKONDA KUWAKAMATA WANAFUNZI WATORO
Mkuu wa mkoa wa Dar es salaam amewataka wanafunzi wote waliofaulu na kuchaguliwa kujiunga na kidato cha kwanza kuripoti shuleni bila kisingizio chochote. Agizo hilo amelitoa mapema leo ofisini kwake wakati akizungumza na waandishi wa habari na kuwataka wazazi kuwapeleka watoto wao mashuleni kujiandikisha kidato cha kwanza kwa wale waliofaulu na ikibainika mwanafunzi yeyote amefaulu kisha ameacha kwenda shuleni atakamatwa. “Tukibaini wewe ni mwanafunzi umefaulu halafu umeacha kwenda kwa sababu yoyote ile ya kisingizio tutakukamata,tunachotaka tutumie fursa hii watoto wote wa kitanzania na wanyonge ambao Rais Magufuli amekusudia wapate elimu…
SPIKA NDUGAI ASUTWA KILA KONA,NI BAADA YA KUMTAKA CAG AJISALIMISHE ,WENGI WATAMANI KUONA CV YAKE
NI siku moja kupita tangu spika wa Bunge Job Ndugai akimtaka Mkaguzi na Mdhibiti Mkuu wa Hesabu za Serikali(CAG)profesa MUSA ASSAD kufika mbele ya kamati ya Haki,Maadili na Madaraka ya Bunge Januari 21 mwaka huu ili akajieleze na kuthibitisha maneno yake aliyoyatoa nchini Marekani wakati akihojiwa na chombo kimojawapo cha habari.Lakini hali na mapokeo kwa baadhi ya wasomi,viongozi na wanasiasa mbali mbali nchini wamekuwa na mapokeo tofauti na kukosoa wazi wazi katika mitandao ya kijamii juu ya agizo hilo kwa mkaguzi mkuu wa hesabu za serikali.Agizo la Spika NDUGAI linatokana…
MANARA : NITAONGOZA JESHI LA POLISI KUSAKA WANAOUZA JEZI FEKI ZA SIMBA
'Kwenye mambo muhimu yanayohusu klabu yangu nipo tayari nisiangalie mpira 'Yes' nitaongoza jeshi la polisi kusaka wanaouza jezi feki''.
Ni kauli ya msemaji wa Simba Haji Manara leo alipokuwa akiongea na wana habari kuelekea mchezo wa Klabu Bingwa Afrika hatua ya makundi dhidi ya JS Souara Jumamosi ya wiki hii.
Katika mchezo huo, Manara amesema moja ya jambo ambalo watalitilia mkazo siku hiyo ni kuuza jezi halisi za Simba na sio feki.
''Siku ya mchezo wetu dhidi ya JS Souara nitaongoza jopo la wanasimba wenzangu kwa kushirikiana na Polisi kukamata wale wote wanaoihujumu klabu kwa kuuza jezi feki'' ameongeza Manara.
Aidha Manara amebainisha kuwa wapinzani wao klabu ya JS Souara watafika hapa nchini Januari 10, na Ijumaa watafanya mazoezi kwenye uwanja wa Taifa ambao ndio utatumika kwenye mchezo wa Jumamosi.
Kwa upande wa kikosi cha kwanza cha Simba kinatarajiwa kurejea Dar es salaam kutoka Zanzibar kesho asubuhi tayari kwa maandalizi ya mchezo huo.
Chanzo- EATV
MAKONDA AFUNGUKA KUHUSU 'MA HOUSE GIRL DAR'
Mkuu wa Mkoa wa Dar es salaam, Paul Makonda amesema kuwa wanaoishi na wafanyakazi wa ndani, wanatakiwa kuona uchungu kuwatumikisha watoto wadogo wanaotakiwa kuwa shule.
Makonda ametoa kauli hiyo leo wakati akizungumza na wanahabari, ambapo amesema kuwa kukaa na mtoto mdogo na kumuagiza kazi za nyumbani ni kuitumia vibaya kodi yao kwani Rais amelipia ada watoto wote.
"Rais Magufuli amelipa ada kwa watoto wote, muwaache wasome kwani kufanya hivyo ni kuharibu kodi zenu wenyewe maana ada iliyolipwa ni kodi zenu", amesema Makonda.
Aidha katika hatua nyingine amewataka wazazi kutowapeleka watoto kujiunga na elimu ya sekondari kwa kigezo cha mahitaji, kwani walitakiwa kujiandaa mapema pindi mtoto amemaliza darasa la saba na watakaofanya hivyo watachukuliwa hatua.
"Ada imelipwa na hakuna michango, lakini utakuta watu wanawaficha watoto kisa hana hela ya sare na madaftari", amesema Makonda.
RAIS WA BENKI YA DUNIA AJIUZULU
Rais wa Benki ya Dunia, Jim Yong Kim ametangaza kujiuzulu Februari Mosi, ikiwa ni miaka mitatu kabla ya muhula wake kumalizika mwaka 2022.
Kim ambaye anajiunga na kampuni binafsi inayoangazia uwekezaji katika mataifa yanayoendelea, amesema imekuwa ni heshima kubwa kwake kuiongoza taasisi hiyo muhimu.
Ofisa Mkuu wa Benki ya Dunia, Kristalina Georgieva, atachukua nafasi ya rais wa mpito baada ya Kim kuondoka.
Kim alianza kipindi chake cha pili kama Rais wa Benki ya Dunia, Julai, 2017.
Alichukua mikoba ya Robert Zoellick mwaka 2012, chini ya rais wa zamani wa Marekani, Barack Obama.
Taasisi hiyo inayohusika na kufadhili miradi katika nchi zinazoendelea, kwa kawaida imekuwa ikiongozwa na raia wa Marekani.
Taasisi hiyo ilianzishwa mwishoni mwa Vita Kuu ya Pili ya Dunia sambamba na Shirika la Fedha Duniani, IMF ambalo huongozwa na raia wa Ulaya.
WENYEVITI WAGOMEA KIKAO KISA DIWANI KUKAIMISHA NAFASI YAKE KIMYA KIMYA
Na.Amiri kilagalila Wenyeviti wa serikali za mitaa kata ya kivavi halmashauri ya mjini makambako wamegoma kushiriki kikao cha kujadili maendeleo ya kata hiyo (KAMAKA) kwa kile kilicho elezwa kuwa ni kutokana na diwani wao kutokuhudhuria vikao. Wakizungumza na mtandao huu wenyeviti hao wamesema kuwa diwani wa kata hiyo BARAKA KIVAMBE ameshindwa kuhudhulia takribani vikao vinne pasipo kuwa na sababu za msingi, hali ambayo imepelekea shughuli za kimaendelo kukwama ndani ya kata hiyo hususani ujenzi wa vyumba vya madarasa katika shule ya sekondari DEO SANGA. “Tumefika hivi leo ni kwasababu ya…
Mbunge Ritta Kabati Mgeni rasmi mchezo kati ya Panama Girls fc na Evergeen kesho uwanja wa Samora
NA mwandishi wetu , IRINGA MBUNGE wa viti maalum mkoa wa Iringa Ritta Kabati (CCM) kesho jumatano kuwa mgeni rasmi katika mchezo wa ligi kuu ya mpira wa miguu wanawake Tanzania maarufu kwa jina la Serengeti Lite Wome’s Premier League 2018/2018 kati ya wenyeji Panama Girls FC (Iringa ) na Evergreen Queens (Dar Es Salaam) Afisa habari wa Panama Girls Fc, Francis Godwin alisema kuwa mchezo huo ambao ni wa tatu kuchezwa nyumbani utachezwa katika uwanja wa Samora majira ya saa 10 jioni na wamemualika mbunge Kabati pamoja na viongozi…
Breaking : RAIS MAGUFULI AFANYA MABADILIKO KWENYE BARAZA LA MAWAZIRI
Rais Magufuli leo amefanya mabadiliko ya baraza la mawaziri ambapo amemteua Angela Kairuki kuwa Waziri wa Nchi Ofisi ya Waziri Mkuu/Uwekezaji.
Naibu Waziri wa Madini Dotto Biteko amekuwa waziri kamili wa madini, na Stanslaus Nyongo ataendelea kuwa maibu waziri wa wizara hiyo
Rais amemteua Katibu Mkuu Wizara ya Afya Dr. Mpoki Ulisubisya kuwa balozi, kituo chake cha kazi kitatangazwa baadaye, pia Magufuli ametangaza kufungua ubalozi wa Tanzania nchini Cuba ambapo balozi atatangazwa baadaye.
Pia, Rais Magufuli amemteua Dr. Zainab Chaula kuwa Katibu Mkuu Wizara ya Afya kuziba nafasi ya Dr Mpoki .
Kadhalika, Engineer Joseph Nyamuhanga ameteuliwa kuwa Katibu Mkuu TAMISEMI
JE HUWA UNALALA NA NGUO?? KUANZIA LEO USILALE NA NGUO KUNA FAIDA KIBAO
Binadamu alivyoumbwa na Mungu anapaswa kujisitiri kwa kuvaa mavazi yatakayofunika mwili wake. Lakini mavazi haya hayapaswi kuvaliwa kwa muda wote (masaa 24 kwa siku), kutokana na sababu mbali, za kiafya au za kawaida kama ilivyo asili ya uumbaji.
Nchi zenye ukanda wa hali joto ikiwemo Tanzania, kulala huku ukiwa umevaa nguo ni moja ya vitu hatari kiafya, kwani inaweza kusababisha madhara kiafya.
Hapa nakupa sababu tano muhimu ambazo zitakazokufanya kuanzia leo usilale na nguo yoyote, na hii ni kwa faida yako mwenyewe.
1. Kulala vizuri
Hapa inaeleweka wazi kisayansi kuwa ili ulale vizuri mwili wako unahitaji kutulia, upoe, na ndio maana tunaoga kabla ya kulala, ili kupunguza joto mwilini, ukiwa umevaa nguo mwili wako unabaki kuwa na joto, na kukufanya ukose usingizi na kukosa utulivu, lakini ukilala bila nguo, unaruhusu mwili wako kupata hewa ya kutosha na kusaidia kupoza joto la mwili, na kukupa usingizi mzuri zaidi.
2. Kuacha mwili upumue
Kila sehemu ya mwili wetu umeundwa kwa seli zinazohitaji hewa ili zipumue, ukiwa unalala na nguo zinakuwa hazipati hewa ya kutosha hata kama mwili unakuwa haufanyi kazi yoyote zaidi ya kutulia tu. Hii ni zaidi kwa wanawake ambao wanalala na nguo za ndani , ukilala na nguo za ndani unawapa fursa backeria na aina ya 'yeast' kukua ndani ya mwili. Hivyo kulala bila nguo itakuepusha na magonjwa yatokanayo na bacteria hasa kwa wanawake.
3. Husaidia kuondoa msongo wa mawazo na mwenza wako
(Stress free with parter)
Wote tunajua kukumbatiana wakati umelala na mwenzi wako ni njia bora ya kuondoa msongo wa mawazo, lakini iwapo utafanya hivyo mukiwa hamjavaa nguoo ni bora zaidi. Unajua kwa nini!?. Hii ni kwa sababu mawasiliano ya ngozi kwa ngozi bila kujihusisha na tendo la ndoa ni bora zaidi na kukufanya akili itulie na kukufanya ujihisi vizuri zaidi, na kuondoa mawazo yote. Pia husaidia kupunguza uwezekanao wa kupata maradhi ya moyo na kukufanya uwe mwenye furaha.
4. Kuwa karibu na mwenzi wako
Kwa mujibu wa utafiti uliofanywa kwa zaidi ya wanandoa 1000 wa nchini Uingereza, ulionesha kwamba wanandoa wanaolala bila nguo wana furaha zaidi kuliko wale wanaolala na nguo. Hii ni kutokana na yale yalioyoelezwa kwenye maelezo ya kipengele chana 3, hivyo inasaidia kukuza uhusiano wao na kuburudishana, kutengeneza 'muunganiko' zaidi kutokana na kulala bila kikwazo chochote kati yao.
5. Kupunguza uzito
Utaona kama ni jambo la ajabu kuwa kulala bila nguo kunahusiana vipi na kupunguza uzito!?. Lakini ukweli ni kwamba ukiwa unalala 'uncomfortable', utakuwa na stress zaidi ambazo zitakusababisha kula vyakula ambavyo havifai kwa afya ya mwili, ili tu ujifurahishe. Lakini ukilala ukiwa umetulia hukupunguzia msongo wa mawazo, na kukufanya uwe usiyekuwa na wasiwasi wa jambo lolote.
Hebu fikiria kuanzia sasa kufuata muongozo huu kwa afya yako ya mwili na kiakili pia.
