Mbunge wa Jimbo la Nyamagana Stanslaus Mabula ametoa msaada wa shilingi 7,230,000.00 kuboresha sekta ya elimu Katika Kata mbili za halmshauri ya Jiji la Mwanza ikiwemo Kata ya Pamba na Butimba, msaada uliolenga ukarabati wa madarasa mawili shule ya Msingi Butimba B, ukamilishaji wa ujenzi wa darasa moja shule ya Msingi Amani pamoja na ujenzi wa uzio kudhibiti utoro kwa wanafunzi Shule ya Sekondari Mlimani. Mhe. Mabula akikabidhi msaada huo kwa nyakati tofauti amefafanua shilingi 4,000,000.00 fedha taslimu zimetolewa kupitia mfuko wa Jimbo na vifaa vya ujenzi Bati na Saruji…
Tuesday, 8 January 2019
MFALME WA SOKA AFRIKA KUJULIKANA LEO...NI SALAH,MANE AU AUBAMEYANG
Wanaowania tuzo ya Mwanasoka Bora wa Afrika
Tuzo ya mwanasoka bora wa Afrika inatarajiwa kutolewa leo Jijini Dakar nchini Senegal, ambapo jumla ya mastaa watatu wanaocheza Ligi Kuu ya Uingereza (EPL), Mohamed Salah, Pierre-Merick Aubameyang na Sadio Mane.
Listi hiyo ni marudio ya wachezaji watatu waliotajwa kuwania tuzo ya msimu uliopita, ambapo itatolewa kwa kuzingatia kiwango cha mchezaji husika katika mwaka 2018.
Pierre-Merick Aubameyang ambaye ni raia wa Gabon, amefanikiwa kuwepo katika listi ya mwisho ya wachezaji watatu wa tuzo hizo kwa mara ya tano mfululizo sasa tangu mwaka 2014 na kuifikia rekodi ya mkongwe wa Ivory Coast, Yaya Toure na wa Ghana, Michael Essien.
Mohamed Salah ambaye aliweka historia ya kuwa mchezaji wa kwanza wa Misri kushinda tuzo hiyo tangu ilipoasisiwa mwaka 1992. Ametajwa katika listi ya wachezaji watatu wa mwisho kwa miaka miwili mfululizo huku akishinda kwa mara ya kwanza msimu uliopita.
Kwa upande wa Sadio Mane, ametajwa katika listi ya wachezaji watatu wa mwisho wa tuzo hiyo kwa mwaka wa tatu mfululizo huku akiwa hajashinda tuzo hiyo mpaka sasa.
Jana, Januari 7, ulifanyika mchezo wa mastaa wa zamani wa soka barani Afrika, mchezo uliohusisha kati ya magwiji wa soka wa Senegal walioshiriki katika fainali za Kombe la Dunia mwaka 2002 na magwiji wa zamani wa soka kutoka sehemu mbalimbali barani Afrika, akiwemo mchezaji bora wa Dunia na Rais wa Liberia, George Weah.
Pia kabla ya kilele cha tuzo hizo, Shirikisho la Soka Barani Afrika CAF itafanya kikaom maalum ambacho kitatangaza nchi itakayoandaa michuano ya Mataifa ya Afrika (AFCON) mwaka huu, baada ya nchi ya Cameroon kupokonywa uenyeji wa michuano hiyo kwasababu ya kutokidhi vigezo.
KANGI LUGOLA APIGA MARUFUKU KUTAMBUA WAHAMIAJI HARAMU KWA PUA NDEFU
Waziri wa Mambo ya Ndani ya Nchi, Kangi Lugola, amepiga marufuku tabia ya Maafisa Uhamiaji kuwatambua wahamiaji haramu kwa kigezo cha Pua ndefu.
Lugola amepiga marufuku hiyo jana alipokuwa akiongea kwenye moja ya mikutano yake mkoani Kagera ambako yupo kwenye ziara ya kikazi aliyoianza Januari 2, mwaka huu.
''Idara ya uhamiaji kutambua wahamiaji haramu kwa kigezo cha pua ndefu, kuimba wimbo wa taifa na urefu wa mwili wake nimepiga marufuku'', amesema.
Aidha Lugola ameongeza kuwa Idara ya Uhamiaji ina taratibu na vigezo vyake vya kiweledi katika kushughulika na suala hilo hivyo amesisitiza viendelee kutumika kubaini nani raia na nani sio raia.
MUWAWATA WATAKA SERIKALI IWATUMIE KUSHAURI MAENDELEO
Na Stephen Noel Mpwapwa -Dodoma Muungano wa wanajeshi wastafu(MUWAWATA) wilayani Mpwapwa mkoani Dodoma wameomba uongozi wa serikali sehemu walipo kuweza kutumika kuishauri kamati za ulinzi na usalama juu ya masuala ya ulinzi ndani ya wilaya. Kauli Hiyo imetolewa na Leftnant Kanali Mstafu Mathias Ngimba kwenye sherehe za kuukaribisha mwaka mpya 2019 zilizo fanyika Katika Ukumbi wa Padre Pio wa kanisa katoliki mjini hapa. Leftnat Kanal mstaafu Ngimba amesema Kama wanajeshi wastafu wameamua kuunda umoja huo ili kuweza kusaidiana kujikimu katika maisha baada ya kuachana na utumishi wa serikali. Aidha Leftnant…
WANAFUNZI KUTOKA CHUO CHA ULINZI CHA TAIFA WATUA KAGERA KUJIFUNZA
Na: mwandishi wetu Bukoba- Kagera Ujumbe wa Kitaifa wa Maafisa wa Vyombo Mbalimbali vya Ulinzi na Usalama kutoka Chuo cha Ulinzi cha Taifa (National Defence Collage) ukiwakilisha nchi 11 tofauti wautembelea Mkoa wa Kagera Januari 7, 2019 kujifunza na kubadilishana ujuzi na Uongozi wa Mkoa hasa katika masuala ya Ulinzi na Usalama na kutumia fursa hiyo kushauriana namna bora ya kukuza uchumi wa Mkoa wa Kagera. Ujumbe huo wa Maafisa 16 kutoka Chuo cha Ulinzi cha Taifa ukiwa na Maafisa kutoka nchi za Tanzania, Kenya, Nigeria na China mara baada…
VITA YA UBUNGE YAANZA MAPEMA IRINGA, CCM WATAKA,MSIGWA AKOMAA
Vita ya kuwania Jimbo la Iringa Mjini imeanza mapema baada ya mwenyekiti mpya wa CCM mkoani humo, Dk Abel Nyamahanga kuahidi kulirejesha mikononi mwa chama hicho.
Hata hivyo, mbunge wa jimbo hilo, Mchungaji Peter Msigwa, amemjibu akisema hayumbishwi na kauli hiyo na kwamba CCM haiwezi kulichukua kwa kuwa Chadema ina wafuasi wengi.
Akizungumza juzi na wajumbe wa mkutano mkuu wa CCM baada ya kutangazwa mshindi, Dk Nyamahanga aliahidi kuwa atahakikisha jimbo hilo linarudi mikononi mwa CCM kwa njia yoyote akianza na kutatua changamoto za wananchi.
“Nashukuru kuchaguliwa kuwa mwenyekiti, ndoto yangu ni kuhakikisha navunja makundi ya baadhi ya wanachama na kuhakikisha tunaungana kuchukua jimbo kwa masilahi ya wananchi wanaokiamini chama kilichopo madarakani ambacho ni CCM,” alisema.
Mwenyekiti huyo alikuwa akirejea maagizo ya Waziri Mkuu mstaafu, Mizengo Pinda ambaye ni mlezi wa CCM Mkoa wa Iringa aliyehoji kwa nini jimbo hilo liko chini ya chama cha upinzani na kuagiza katika uchaguzi wa 2020 lirudishwe CCM.
“Tunahitaji kufanya uchunguzi kwa nini jimbo lipo upinzani. 2020 ni muhimu likarudi CCM tu, nataka kujua je, ni wapigakura ndiyo tatizo au wana CCM wenyewe tunashindwa kusimamisha mgombea tunayemtaka?” alihoji Pinda.
Akizungumza na Mwananchi jana, Msigwa ambaye alishinda katika Uchaguzi Mkuu wa mwaka 2010 na 2015, alisema haoni kama CCM ina ubavu wa kulichukua jimbo hilo. Msigwa ambaye pia ni mwenyekiti wa Chadema Kanda ya Nyasa, alisema katika mkoa huo wafuasi wa Chadema ni wengi zaidi na haoni kama chama chake kitapokwa jimbo katika Uchaguzi Mkuu ujao na kuwataka wanachama wake kuendelea kujenga imani kwa chama na viongozi mkoani humo.
“Tunajipanga vizuri kukabiliana na hali yoyote, hatutaki tupate mgombea mwepesi na tutawashinda kwa nguvu sana,” alisema.
Na Berdina Majinge na Cledo Michael mwananchi
WAZIRI MKUU : KAMPUNI ZOTE ZINAZOSAMBAZA NGUZO ZA UMEME ZILIPE USHURU KWA HALMASHAURI
WAZIRI MKUU, Kassim Majaliwa amesema kampuni zote zinazosambaza nguzo za umeme zinatakiwa zilipe ushuru wa halmashauri wanakotoa nguzo hizo ambazo ni asilimia tano ya gharama ya kila nguzo kama ilivyoelekezwa na Sheria ya Fedha za Serikali za Mitaa.
Ametoa agizo hilo jana (Jumatatu, Januari 7, 2019) baada ya kupata taarifa kuhusu kampuni ya New Forest ambayo inamkataba na TANESCO wa kusambaza nguzo za umeme, kwa muda mrefu kampuni hiyo imekuwa ikikaidi kulipa ushuru wa asilimia tano ya gharama ya kila nguzo. Ushuru huo umefikia sh. bilioni 2.9 hali iliyopelekea uongozi wa mkoa kuzuia nguzo hizo zisitoke.
Wiki iliyopita akiwa katika ziara ya mkoa Ruvuma, Waziri Mkuu alipokea malalamiko kuhusu mkoa wa Iringa kuzuia kusambazwa kwa nguzo za umeme ndipo alipoamua kuwaita Mkuu wa Mkoa wa Iringa, Ally Happi pamoja na wakuu wa wilaya, wakurugenzi pamoja na wenyeviti wa halmashauri wanaotoka katika wilaya zinazozalisha nguzo.
Viongozi wengine waliohudhuria kikao hicho ni Waziri wa Nchi Ofisi ya Waziri Mkuu, Sera, Bunge, Kazi, Vijana, Ajira na Wenye ulemevu, Jenista Mhagama, Waziri wa Nishati, Dkt. Medard Kalemani, Naibu Waziri Ofisi ya Rais – TAMISEMI, Josephat Kandege, Naibu Waziri wa Fedha na Mipango Dkt. Ashatu Kijaji, Naibu Waziri Wizara ya Viwanda, Biashara na Uwekezaji, Mhandisi Stella Manyanya pamoja na maafisa wengine wa Serikali.
Amesema lengo la kikao hicho lilikuwa kupata ufafanuzuzi kuhusu malalamiko yaliyotolewa dhidi ya uongozi wa mkoa wa Iringa kuhusu kuzuia usafirishaji wa nguzo za umeme zinazotomika kwenye miradi ya Kusambaza Nishati ya Umeme Vijiji (REA).
Baada ya kupata maelezo hayo, Waziri Mkuu amemuagiza mkuu wa mkoa wa Iringa kuiandikia bili kampuni ya New Forest ili ilipe ushuru huo kuanzia Julai 2018 walipoanza kusambaza nguzo. Asilimia 90 ya nguzo za umeme nchini zinatoka Iringa. Tanzania ina viwanda tisa vya kutengeneza nguzo na kati ya viwanda hivyo vinane vipo Iringa na kimoja kipo Tanga.
Kampuni ilizuiwa kutoa nguzo ndani ya mkoa wa Iringa tangu Novemba 2018 hadi Januari 2019 huku ikitakiwa kulipa ushuru wa asilimia tano ya gharama ya kila nguzo ambapo ilikaa ikitaka iendelee kulipa sh. 5,000 kwa kila nguzo kama walivyokubaliana na TANESCO jambo ambalo ni kinyume cha sheria.
Hata hivyo, nguzo za umeme ambazo zilikuwa zimezuiwa kwa muda mrefu katika maeneo ya uzalishaji hususani mkoani Iringa na kusababisha kukwama kwa baadhi ya miradi ya usambazaji umeme kwenye baadhi ya mikoa nchini juzi zimeanza kusambazwa huku taratibu nyingine za malipo zikiendelea.
DKT. BASHIRU AWATAKA WATUMISHI WA SERIKALI KUJIFUNZA KUFANYA MAAMUZI KUTOKA KWA RAIS MAGUFULI
Na Stella Kalinga, Simiyu Katibu Mkuu wa Chama Cha Mapinduzi (CCM) Taifa, Dkt. Bashiru Ally amewataka Watumishi wa Serikali kujifunza kufanya maamuzi kutoka kwa Rais wa Jamhuri ya Muungano wa Tanzania. Mhe. Dkt. John Pombe Magufuli, kwa ajili ya maslahi mapana ya Taifa. Dkt. Bashiru ameyasema hayo mjini Bariadi katika kikao na Wakurugenzi wa Taasisi zitakazoshirikiana na Mfuko wa Taifa wa Bima ya Afya (NHIF) na Mfuko wa Fidia kwa Wafanyakazi (WCF) kujenga kiwanda cha (vifaa tiba) bidhaa za afya zitokanazo na pamba wilayani Bariadi, baadhi ya viongozi, watendaji wa Chama…
WAJASILIAMALI 1317 BUKOBA DC WATAMBULIWA TAYARI KUPEWA VITAMBURISHO
Na Allawi Kaboyo- Bukoba. Katika kutekeleza Agizo la Mh. Rais wa Jamhuri ya Muungano wa Tanzania Dkt. John Pombe Magufuli Halmashauri ya Wilaya ya Bukoba Wamezindua zoezi la kugawa Vitambulisho kwa wajasiliamali wadogo wadogo katika Halmasahauri yao, Zoezi ambalo limefanyika katika Ukumbi wa Halmashauri hiyo Januari 7, 2019. Akizungumza mara baada ya kugawa Vitambulisho hivyo Mh. Deogratius Muganyizi Kashasha (Makamu Mwenyekiti wa Halmashauri ya wilaya Bukoba) Amewataka wajasiliamali hao kuwa mabalozi kwa wengine ambao hawajapata Vitambulisho hivyo ili wafanye Hima kujipatia Vitambulisho vitakavyowawezesha kufanya biashara zao bila usumbufu wowote, sambamba…
Monday, 7 January 2019
MADAWATI YA NMB YAWANUSURU WANAFUNZI KUKAA CHINI TANDAHIMBA
Na Bakari Chijumba,Mtwara. Wakati shule zikiwa zimefunguliwa rasmi January 7 2019 kwa ajili ya kuanza kwa muhula mpya wa masomo kwa mwaka 2019, Benki ya NMB imetumia siku hiyo kutoa msaada wa madawati na vifaa vya ujenzi vyenye thamani ya Tsh. Million 15, kwa shule tatu za sekondari zilizopo wilayani Tandahimba Mkoani Mtwara. Msaada huo uliotolewa na Nmb ni Madawati mia moja kwa shule mbili za Namikupa na Naputa na vifaa vya ujenzi ikiwemo bati zaidi ya mia tatu kwa shule ya sekondari Tandahimba, ambayo iliezuliwa paa kwa upepo mwaka…
AJINYONGA KWA UGUMU WA MAISHA NA KUACHA UJUMBE MZITO.
Na Allawi Kaboyo – Bukoba. Mtu mmoja mkazi wa Kashai Manispaa ya Bukoba Mkoani Kagera, amekutwa amejinyonga kwa kamba ya katani hadi kufa Nyumbani Kwake kwa kile kinachodaiwa kuwa ni Kutokana na Hali ngumu ya Maisha baada ya kugundulika anaishi na Virusi vya Ukimwi. Marehemu huyo aliyetambulika kwa jina la SALVATORY RWEYEMAMU (47) amegundulika akiwa amefariki katika Chumba chake alichokuwa akiishi katika Nyumba ya Bi. TAUS ALLY (mwenye Nyumba), Mnamo tarehe 6 Januari,2019 Majira ya Saa tatu Asubuhi mara baada ya Kijana wa Kaka ake (jina halikupatikana) alipokwenda kumjulia hali.…
LUGOLA AMPA SIKU 30 KAMISHA WA JESHI LA ZIMAMOTO NCHINI KUFANYA UKAGUZI TAASISI ZA UMMA KAMA ZINA VIFAA VYA ZIMAMOTO
Na Mwandishi wetu BIHARAMULO Waziri wa mambo ya ndani Kangi Lugola amempa siku 30 kamishna wa jeshi la zimamoto nchini kufanya ukaguzi taasisi mbalimbali za umma na binafsi kuwa na vifaa vya zimamoto hasa katika shule za msingi, sekondari vyuo, vituo vya kutolea huduma za Afya kuepukana na ajali zitokanazo na vyanzo vya moto Lugola ametoa agizo hilo hii leo wilayani Biharamulo mkoani kagera kwenye mkutano wa hadhara uliofanyika uwanja wa mpira Biharamulo mjini na kwamba iwapo siku hizo zikiisha hajatekeleza atachukuliwa hatua za kisheria. Pia ameagiza wakurugenzi watendaji wa…
MALINDI WAIPA KICHAPO YANGA...WAIONESHA MLANGO WA KUTOKEA
Mchezo wa kundi B wa kundi la Mapinduzi kati ya Yanga na Malindi umemalizika kwa Malindi kufanikiwa kushinda mabao 2-1 dhidi ya Yanga, katika Uwanja wa Amaan, Visiwan Zanzibar.
Matheo Anthony alikuwa wa kwanza kuandika bao la kuongoza kwa Yanga akiwa ndani ya18 kwa kumalizia kona kwa kisigino.
Dakika ya 41 Malindi walifanikiwa kusawazisha bao kupitia kwa Abdul Swamad Ali akiwa nje ya 18 kwa shuti kali lilomshinda mlinda mlango wa Yanga.
Dakika ya 62 Hamis Musa alimtengea pasi Juma Boluna akafanikiwa kuandika bao la pili la ushindi.
Mashabiki wa Yanga wamekaa jukwaa moja na wale wa Malindi kutokana na utamaduni wa visiwani Zanzibar tofauti na ilivyo Dar es Salaam.
Baada ya kupoteza mchezo wa leo wa kombe la Mapinduzi kwa kufungwa mabao 2-1 dhidi ya Malindi Yanga wanayaaga mashindano rasmi.
Yanga wanaishia hatua ya makundi ya kombe la Mapinduzi baada ya kupoteza michezo yao miwili kati ya mitatu waliyocheza paka leo baada ya kufungwa na Azam FC kwa mabao 3-0 na leo na Malindi SC kwa mabao 2-1.
Mchezo wao wa mwisho utakuwa dhidi ya Jamhuri ukiwa ni kwa ajili ya kukamilisha ratiba kisha watarejea nyumbani.
Kundi B ambalo wapo kwa sasa vinara ni Azam FC wakiwa sawa na Malindi SC wenye Pointi saba wakifuatiwa na Yanga wenye Pointi tatu huku KVS wakiwa na Pointi moja kwenye kundi B.
SPIKA NDUGAI AMTAKA CAG KUFIKA MBELE YA KAMATI YA MAADILI KWA HIARI LA SIVYO ATAPELEKWA KWA PINGU
Spika wa Bunge Job Ndugai amemtaka Mkaguzi Mkuu wa Hesabu za Serikali (CAG) Prof. Mussa Assad kufika mbele ya kamati ya maadili ya Bunge Januari 21, 2019 kwa hiyari vinginevyo atapelekwa kwa pingu.
Kwa upande wa Mbunge wa Kawe Halima Mdee ametakiwa kuripoti kamati hiyo Januari 22. Viongozi hao wa umma wanatuhumiwa na Spika Ndugai kulichafua bunge.
Miongoni mwa tuhuma hizo ni ile iliyotolewa hivi karibuni na Profesa Assad alipokuwa akihojiwa na idhaa ya Kiswahili ya Umoja wa Mataifa.
Mtangazaji wa Idhaa ya Kiswahili ya Umoja wa Mataifa, Arnold Kayanda, alimuuliza CAG kuwa ofisi yake imekuwa ikijitahidi kila mwaka kufanya ukaguzi na kutoa ripoti zenye kuonyesha kuna ubadhirifu lakini baada ya hapo wananchi hawaoni kinachoendelea.
CAG alijibu: "Hilo ni jambo ambalo kimsingi ni kazi ya Bunge. Kama tunatoa ripoti zinazoonyesha kuna ubadhirifu halafu hatua hazichukuliwi, huo kwangu ni udhaifu wa Bunge. Bunge linatakiwa kusimamia na kuhakikisha pale panapoonekana kuna matatizo basi hatua zinachukuliwa.
"Sisi kazi yetu ni kutoa ripoti. Na huu udhaifu nafikiri ni jambo lenye kusikitisha. Lakini ni jambo ambalo muda si mrefu huenda litarekebishika. Ni tatizo kubwa ambalo tunahisi Bunge linashindwa kufanya kazi yake kama inavyotakiwa."
Akiendelea kufafanua jibu lake, CAG Assad alisema: "Sitaki kuwa labda nasema hili kwa sababu linahusisha watu fulani, lakini ninachotaka kusema ni kuwa Bunge likifanya kazi yake vizuri, hata huu udhaifu unaoonekana utapungua."
Mwaka 2018 lilipoibuka suala la upotevu wa Sh1.5 trilioni kwenye hesabu za Serikali mwaka wa fedha 2016-2017, Assad aliulizwa kuhusu nini kifanyike, akataka Bunge liulizwe kwani ndilo lenye kutakiwa kuibana Serikali kuhusu kutoonekana kwa fedha hizo.
HATIMAYE TFF YAMREJESHA MWENYEKITI WA YANGA
Makao makuu ya klabu ya Yanga
Shirikisho la Soka Tanzania (TFF) kupitia kwa kamati yake ya Rufaa ya Uchaguzi chini ya Mwenyekiti wake, Kenneth Mwenda, imemrejesha mgombea wa nafasi ya Makamu Mwenyekiti wa klabu ya Yanga Yono Kevela ambaye alikuwa ameenguliwa.
Hatua hiyo imekuja baada ya kamati hiyo kusikiliza rufaa aliyokata mgombea huyo akilalamikia maamuzi ya kuenguliwa jina lake kwenye majina ya wagombea wa nafasi ya Makamu Mwenyekiti, kwa madai kuwa aliomba nafasi mbili, nyingine ya Uenyekiti.
Kevela sasa anaungana na Titus Eliakim Osoro na Salum Magege Chota kugombea nafasi ya Makamu Mwenyekiti, wakati wagombea Uenyekiti ni Dk. Jonas Benedict Tiboroha, Mbaraka Hussein Igangula na Erick Ninga.
Wagombea 16 wa nafasi za Ujumbe wa Kamati ya Utendaji ni Hamad Ally Islam, Benjamin Jackson Mwakasonda, Sylvestre Haule, Salim Seif, Shafil Amri, Said Kambi, Dominick Francis, Seko Jihadhari, Ally Omar Msigwa, Arafat Ally Hajji, Frank Kalokola, Ramadhani Said, Leonard Marango, Bernard Faustin Mabula, Christopher Kashiririka na Athanas Peter Kazige.
Viongozi waliojiuzulu ni aliyekuwa Mwenyekiti Yussuf Manji, Makamu Mwenyekiti, Clement Sanga na Wajumbe wanne, Omary Said Amir, Salum Mkemi, Ayoub Nyenzi na Hashim Abdallah hivyo nafasi zao zitazibwa katika uchaguzi huo wa Januari 13, 2019.
Picha : BASHIRU AMBEBESHA MAKAMU WA RAIS ZIGO LA MGOGORO WA MKUU WA MKOA NA KATIBU WA CCM SHINYANGA
Katibu mkuu wa CCM,Dkt. Bashiru Ally akizungumza leo Shinyanga - Picha na Kadama Malunde - Malunde1 blog
**
Katibu mkuu wa Chama Cha Mapinduzi (CCM),Dkt. Bashiru Ally amesema atamuomba Makamu wa Rais wa Jamhuri ya Muungano wa Tanzania Mheshimiwa Samia Suluhu ambaye ni Mjumbe wa Kamati Kuu na Mwenyekiti wa Umoja wa Wanawake (UWT),Bi. Gaudensia Kabaka kusuluhisha mgogoro kati ya Mkuu wa mkoa wa Shinyanga, Bi. Zainab Telack na Katibu wa CCM mkoa wa Shinyanga, Bi. Haula Kachwamba.
Dkt. Bashiru amefikia maamuzi hayo leo Jumatatu Januari 7,2019 wakati akiongea na watendaji wa CCM ngazi ya kata,wilaya na mkoa kwenye Ukumbi wa CCM Shinyanga na kueleza kuwa kitendo cha kutunishiana misuli ya kimamlaka baina ya viongozi hao wa chama na serikali Mkoani ni tishio katika kasi ya ujenzi wa mkoa wa Shinyanga.
Alisema mgogoro huo hauna nafasi katika kipindi hiki ambapo CCM ina mpango mkakati wa kujiimarisha ili kuondoa changamoto za maendeleo zinazowakabili wananchi.
"Hapa nimeambiwa kuna ka mgogoro kati ya Mkuu wa mkoa na katibu wa CCM mkoa,nimesikitika sana, siyo kawaida,ingawaje watu wanasema wanawake hawapendani,lakini mimi nina ushahidi wanawake ni msingi wa umoja kokote,wanawake huvumilia sana,wanawake ndiyo mfano bora katika jamii...
"Sasa nimeambiwa jambo hilo mwenyekiti limeshamshinda…mwanaume!!…..nasikia hata Waziri Mkuu amekuja hapa limemshinda....mwanaume!!, nasikia hata Makamu wa pili wa rais ambaye ni Mlezi wa mkoa huu,Mjumbe wa kamati kuu ya siasa amesema limemshinda…mwanaume! Sasa mimi sitaki kuliingilia kwa sababu na mimi ni mwanaume ",alisema Dkt. Bashiru.
“Jambo hili namkabidhi Mjumbe wa Kamati kuu na makamu wa Rais mwanamke,na nitamuongezea nguvu,nitamwambia Mama Kabaka,Mwenyekiti wa Umoja wa Wanawake,wakae wajifungie,wanawake wanne,wawili waliotofautiana na wawili nitakaowaomba wawasuluhishe...
…..mimi nitapokea taarifa na taarifa hiyo nitampelekea Mwanaume Mkuu wetu,Rais Wetu kwa sababu yeye ndiye aliyemteua mkuu wa mkoa,na yeye ndiye aliyeniteua mimi ninayemuajiri katibu wa mkoa,hivyo tutakaa sisi wanaume wawili kumaliza matatizo ya wanawake hawa wawili”,aliongeza Dkt. Bashiru.
“Na ninaamini wanawake wawili nitakaowaomba na wanaume wawili tutakaolishughulikia kulimaliza,ngoma itakuwa sare sare,sisi hatuishiwi ubunifu kwa kuimarisha umoja na mshikamano katika chama chetu...
…bila mkuu wa mkoa wewe siyo lolote siyo chochote,bila katibu wa mkoa wewe siyo lolote siyo chochote,wewe unasimamia shughuli za serikali ya CCM,wewe unasimamia chama ambacho ndicho kinasimamia serikali ya CCM,mkianza kuyumba mtayumbisha mkoa mzima,nimeshayasikia ya kila upande na sijazungumza nao tangu nimefika,kila mara nilikuwa nakwepa nisimsikie huyu wala huyu....
“Kwa sababu ninazo taarifa za kutosha,taarifa hizo ntamkabidhi Makamu wetu wa Rais na Mjumbe wa kamati kuu Mama Kabaka,wakae wawasikilize halafu watatushauri na matarajio yangu ni kwamba jambo hilo litakwisha salama,sasa kwa sababu ni mchakato ninawaomba kuanzia leo,wafanye zoezi dogo tu,washikane mikono mbele yangu na nyie mkishuhudia,muwe mashahidi halafu habari ya ushauri wa hawa akina mama wawili itafuata baadae”,alisema Dkt. Bashiru.
Katika hatua nyingine,Dkt. Bashiru alisema pia katika mkoa wa Mwanza kuna mgogoro akidai upo mvutano kati ya kundi la Anthony Diallo na Meck Sadick na kusisitiza kuwa hahitaji kuona vurugu bali umoja na mshikamano.
Dkt. Bashiru aliwakemea viongozi wenye dhamana ya kuunganisha wanachama na wananchi kuhusishwa na upuuzi wa namna yoyote,akidai kuwa hata hisia tu kwa sababu wamebeba dhamana ya kujenga chama,taifa ya umma hivyo hawapaswi kuhusishwa kwa namna yoyote ile na mgogoro wa aina yoyote ile unaomhusu mtu yeyote.
“Ikianza kuzoeleka tabia hiyo,mamlaka ya Urais na mwenyekiti wetu yatadhoofishwa,ofisi ya katibu mkuu wa chama itadharauliwa na huo utakuwa mwanzo wa kufaranganyika kwa uongozi wa chama na serikali,hizi ni dhamana nzito na sisi dhamana zetu,ni dhamana tulizozibeba kutokana na wananchi”,alisema.
Na Kadama Malunde – Malunde1 blog
Mkuu wa mkoa wa Shinyanga, Bi. Zainab Telack na Katibu wa CCM mkoa wa Shinyanga, Bi. Haula Kachwamba wakikumbatiana baada ya kutakiwa Katibu Mkuu wa CCM, Dkt. Bashiru Ally kushikana mikono ili kumaliza mgogoro wao.Picha zote na Kadama Malunde - Malunde1 blog
Mkuu wa mkoa wa Shinyanga, Bi. Zainab Telack na Katibu wa CCM mkoa wa Shinyanga, Bi. Haula Kachwamba wakiendelea kukumbatiana kumaliza tofauti zao.
Mkuu wa mkoa wa Shinyanga, Bi. Zainab Telack (kushoto) na Katibu wa CCM mkoa wa Shinyanga, Bi. Haula Kachwamba wakiangaliana baada ya kumaliza kukumbatiana walipotakiwa kushikana mikono.
Mkuu wa mkoa wa Shinyanga, Bi. Zainab Telack na Katibu wa CCM mkoa wa Shinyanga, Bi. Haula Kachwamba wakionesha hali ya furaha baada kutakiwa kushikana mikono kumaliza tofauti zao.
Wakuu wa wilaya na viongozi mbalimbali wa CCM wakiwa ukumbini.
Wakurugenzi wa halmashauri za wilaya na viongozi mbalimbali wa CCM wakiwa ukumbini.
Mkutano ukiendelea.
Wabunge wakiteta jambo. Wa kwanza kushoto ni Mbunge wa Jimbo la Shinyanga Mjini,Stephen Masele akifuatiwa na Mbunge wa Viti Maalumu mkoa wa Shinyanga Lucy Mayenga,Mbunge wa jimbo la Msalala,Ezekiel Maige na Mbunge wa jimbo la Kahama Mjini,Jumanne Kishimba wa kwanza (kulia).
Mkutano unaendelea.
Mkuu wa mkoa wa Shinyanga, Bi. Zainab Telack akizungumza ukumbini.
wa CCM mkoa wa Shinyanga, Bi. Haula Kachwamba akizungumza ukumbini.
Mkutano unaendelea.
Wanachama wa CCM wakiwa ukumbini.
Wanachama wa CCM wakiwa wamesimama wakati wa kufunga mkutano.
Picha zote na Kadama Malunde - Malunde1 blog
