IKUNGI YATEMBEA NA FALSAFA YA RAIS JPM KWA ASILIMIA 100

 Mkuu wa Mkoa wa Singida Dk. Rehema Nchimbi mwenye miwani akiongea na akina mama wafanya biashara ya viazi lishe   wa Kitongoji cha Kideka kijiji cha Nkunikana kuhusu kuchukua tahadhari ya kujikinga na Corona-Covid 19 kulia Mkuu wa Wilaya ya Ikungi  Edward Mpogolo kushoto Mkurugenzi Mtendaji Justice Kijazi

 Mkuu wa Mkoa wa Singida Dkt. Rehema Nchimbi(mwenye miwani) akitoa   maelekezo  ya namna bora ya kufanya kazi katika kikundi kwa  wakikundi   cha Jitume Vijana chenye vijana kumi katika kijiji Ikungi, ambacho pia kilichopata mkopo wa shilingi milioni 25 kwa ajili ya mradi wa kutengeneza matofali ya sementi kutoka katika Halmashauri ya Wilaya ya Ikungi.. Mkopo huo ni Mkakati iliyojiwekea Halmashauri ya Ikungi wa kudhibiti na kupambana na ugonjwa wa Covid-19 kwa kutoa mikopo hiyo isiyo na riba kwa vijana ili waweze kujitenga na kujifungia na kuendelea na uzalishaji  mifuko hiyo.Nyuma yake Kulia Mkurugenzi Mtendaji wa Halmashauri hiyo Justice Kijazi, pembeni  kulia (mwenye koti jeusi) ni Mkuu wa wilaya ya Ikungi Edward Mpogolo

 Mkuu wa Mkoa wa Singida Dkt. Rehema Nchimbi(mwenye miwani) akipata maelekezo  kutoka kwa  katibu wa kikundi cha The New Bright Future - Petro Mwacha  jinsi mashine ya kutengenezea mifuko mbadala  ya kikundi cha The New Bright Future chenye vijana  10 waliopewa mkopo wa Milioni 25 na Halmashauri ya Wilaya ya Ikungi mara  baada ya kuzindua kiwanda hicho. Mkopo huo  ni Mkakati iliyojiwekea Halmashauri ya Ikungi wa kudhibiti na kupambana na ugonjwa wa Covid-19 kwa kutoa mikopo hiyo isiyo na riba kwa vijana ili waweze kujitenga na kujifungia na kuendelea na uzalishaji  mifuko hiyo.Nyuma yake Kulia Mkurugenzi Mtendaji wa Halmashauri hiyo Justice Kijazi, Kulia (mwenye koti jeusi) ni Mkuu wa wilaya ya Ikungi Edward Mpogolo

Mkuu wa Mkoa wa  Singida(mwenye Miwani) akiuliza  maswali kwa  vijana wanaotengeneza mifuko mbadala  ya kikundi cha The New Bright Future(mwenye koti jeusi ni Mkuu wa Wilaya ya Ikungi Edward Mpogolo, Nyuma ya Mkuu wa Mkoa ni Mkurugenzi Mtendaji wa Halmashauri ya Wilaya ya Ikungi Justice Kijazi

Na John Mapepele, Singida

Falsafa ya Rais John Pombe Magufuli ya kutaka wananchi wake kuchukua tahadhari zote zinazotolewa na wataalam wa afya za kudhibiti na kujikinga na ugonjwa, wa Covid-19, kumwomba Mungu na kuendelea kuchapa kazi ili kunusuru kupoteza maisha na kushuka kwa uchumi wa nchi yao zimetekelezwa kwa vitendo kwenye Halmashauri ya Wilaya ya Ikungi mkoani Singida.

Akitekeleza falsafa hiyo, Mkuu wa Mkoa wa Singida Dk. Rehema Nchimbi amefanya ziara ya kikazi katika Wilaya ya Ikungi na kuzindua kiwanda cha kutengeneza mifuko mbadala katika Kijiji cha Siuyu Wilaya ya Ikungi.

Kiwanda hicho kilichoanzishwa kikundi cha New Bright Future chenye vijana 10 waliopata mkopo usio na riba wa shilingi milioni 25 na Mradi wa kutengeneza matofali ya sementi wa Kikundi cha Jitume Vijana chenye vijana 10 kwenye Kijiji Ikungi ambacho pia kimepata milioni 25 kutoka Halmashauri ya Wilaya ya Ikungi.

Ikiwa ni mkakati maalum wa kupambana na gonjwa la Covid-19 kwa kuwatenga na kuwafungia vijana kwenye uzalishaji wa bidhaa badala ya kuzagaa katika mikusanyiko isiyo ya lazima inayoweza kusambaza ugonjwa huo kirahisi.

Kwa mujibu wa Mkurugenzi Mtendaji wa Halmashauri ya Wilaya ya Ikungi Justice Kijazi, hadi sasa tayari Halmashauri imeshatoa jumla ya milioni 127 kwa wanufaika 78 ambapo inatarajia kutoa hadi milioni 150 kwenye mwaka huu wa fedha endapo makusanyo yatakuwa kama yalivyokadiriwa



Dkt. Nchimbi amepongeza mikakati inayofanywa na Halmashauri ya Ikungi kwa ubunifu na uratibu mzuri wa kutoa na kuelekeza mikopo kwenye miradi ya viwanda vya uzalishaji bidhaa.

Ambapo amesema kwamba mkoa huo umeendelea kuweka mkakati wa kudumu wa kujitenga na kujifungia katika maeneo mbalimbali ya uzalishaji ikiwa ni pamoja na viwandani ili kuepukana na kuenea kwa ugonjwa wa Covid-19 na kuongeza uzalishaji unaoendana na falsafa ya Mhe. Rais Magufuli wa kuchapa kazi kwa bidii na kuendelea kuzingatia maelekezo ya wataalam katika kipindi hiki.

Ameitaka Halmashauri ya Ikungi kutatua changamoto zote zinazokikabili kikundi cha The New Bright Future ili kiweze kuzalisha kikamilifu na kisaidiwe kupata masoko ya uhakika wa bidhaa zake ili fedha ya Serikali iliyotolewa isipotee bali iwe na tija hatimaye iweze kurejeshwa na kuwanufaisha wakopaji wengine

Aidha amezielekeza Halmashauri zote katika Mkoa wa Singida kuiga mfano wa Halmashauri ya Ikungi katika utoaji wa mikopo inayoelekeza katika uzalishaji wa bidhaa na viwanda na kupiga marufuku kutoa mikopo ya fedha na kwamba mikopo lazima itolewe kwa kasi kama kasi ya maambukizi ya ugonjwa wa Covid-19 ili wanavikundi hao wajitenge na kuendelea na uzalishaji

Akiwa kwenye Soko maarufu la viazi lishe kwenye Kitongoji cha Kideka katika Kijiji cha Nkunikana aliwapongeza wafanyabiashara hao kwa kuzingatia maelekezo ya Serikali ya kujikinga na maambukizi ya ugonjwa wa Covid-19 kwa kuandaa miundombinu ya maji ili kunawa mikono kwa sabuni katika maji yanayotiririka wakati wote.

Mkuu huyo wa mkoa pia aliwataka wakulima wa viazi lishe kuendelea kulima kwa bidii ili wananchi wapate lishe bora kutokana na viazi hivyo na majani yake ambapo alisisitiza kuwa katika kipindi hiki ni muhimu kusanitaizi mikono na kusanitaizi afya zao

“Naelekeza wakulima waache visingizio nao waendelee kwenda mashambani kujitenga na kulima kwa bidii katika kipindi hiki ili waweze kupata mazao mengi na wakati huo huo watekeleze matakwa ya Serikali ya kujitenga na mikusanyiko isiyo ya lazima ambayo ingeweza kusababishia maambukizi endapo mmoja ana maambukizi.”



Dkt. Nchimbi amesema ugonjwa Covid-19 uwe ni chachu ya kufanya kazi kwa bidii za uzalishaji na kwamba viwanda hivyo viwe darasa maalum ya kutolea mafunzo hayo bila malipo kwa vijana wengine ili kuwapa maarifa kwa vijana wengi zaidi

Katika uzinduzi huo mkoa huo ulitoa kiasi cha shilingi milioni moja huku Halmashauri ya Wilaya ya Ikungi ikitoa kiasi cha shilingi milioni tano na kufanya jumla ya shilingi milioni 6 zilizoombwa na kikundi cha The New Bright Future kwa ajili ya kununua malighafi kupatikana.

Katika hatua nyengine Mkuu wa Mkoa alielekeza Serikali ya Wilaya ndani ya kipindi cha mwezi mmoja kutumia jengo jingine la Kijiji cha Isuna katika Wilaya ya Ikungi ambalo ni mali ya Serikali kwa vikundi vya uzalishaji ambalo kwa sasa halitumiki kwa shughuli yoyote ile.

Akisoma hotuba mbele ya Mkuu wa Mkoa Katibu wa kikundi cha The New Bright Future Petro Mwacha ameishukuru Serikali kwa kuwapa mkopo huo na kusisitiza kuwa mradi huu umelenga kuunga mkono juhudi na kauli mbiu za Rais, John Pombe Magufuli za kuifanya Tanzania kuwa nchi ya uchumi wa kati wa viwanda ifikapo mwaka 2025.

Mkuu wa Wilaya ya Ikungi Edward Mpogolo alisema Serikali ya Wilaya tayari imejipanga vizuri kujikinga na ugonjwa huo ambapo hadi sasa elimu ya ugonjwa wa Covid-19 kwenye maeneo mbalimbali inaendelea kutolewa.

Amesema Wilaya ya Ikungi ni miongoni mwa Wilaya ambazo zipo katikati ya nchi ya Tanzania ambapo barabara kuu inayounganisha mikoa na nchi mbalimbali na kwamba mwingiliano wa watu ni mkubwa, hivyo njia bora ya kukabiliana na ugonjwa huu ni wakuwatenga watu kwa kutumia mkakati maalum wa kuwapa mikopo ambayo itawafanya wananchi wajifungie na waendelee na uzalishaji huku wakichukua tahadhari zote za kujikinga zinazotolewa na wataalam wa afya.

Read More →

Habari Zilizopo Katika Magazeti Ya Leo Jumapili April 5

Read More →

Habari Zilizopo Katika Magazeti Ya Leo Jumapili 05 April 2020

Read More →

ALIYEFUNGUA AKAUNTI FACEBOOK YENYE JINA 'CORONA VIRUS TANZANIA' AKAMATWA KWA UPOTOSHAJI

Kamanda wa Polisi Mkoa wa Morogoro (SACP) Willbroad Mutafungwa akizungumza na waandishi wa habari. Mezani ni simu zilizokuwa zinatumiwa na mtuhumiwa Awadhi Lugoya kusambaza taarifa za upotoshaji kuhusu Corona.

Na Jackline Lolah Minja - Malunde 1 blog

Mkazi wa Mtaa wa Mazimbu Manispaa ya Morogoro Awadhi Lugoya anashikiliwa na Jeshi la Polisi Mkoani morogoro kwa tuhuma ya matumizi mabaya ya mitandao kwa kufungua akaunti kwenye mtandao wa kijamii wa Facebook inayofahamika kwa jina CORONA VIRUS TANZANIA na kutoa taarifa za upotoshaji za ugonjwa wa Corona.

Akizungumza na waandishi wa Habari leo aprili 4,2020  Kamanda wa Polisi Mkoa wa Morogoro (SACP) Willbroad Mutafungwa amesema mtuhumiwa huyo baada ya kufungua akaunti hiyo amekuwa akitoa taarifa zisizo sahihi na zenye upotoshaji mkubwa kwenye jamii licha ya serikali kutoa onyo kuhusu utoaji wa taarifa za upotoshaji kuhusu ugonjwa huo. 

"Mnamo tarehe 1 mwezi aprili mwaka huu majira ya saa 11 jioni jeshi la polisi lilifanikiwa kumkamata kijana mmoja aitwaye Awadhi Lugoya kwa matumizi mabaya ya mtandao wa kijamii ( facebook) kutoa taarifa zisizo rasmi za upotoshaji kuhusu ugonjwa wa corona, mahojiano yanaendelea yakikamilika atafikishwa mahakamani",alisema Kamanda Mutafungwa.

Aidha Kamanda Mutafungwa ametoa tahadhari kwa wakazi wa Morogoro hasa wanaotumia mitandao ya kijamii kuwa makini kuhusu utoaji wa taarifa juu ya ugonjwa wa corona. 

Katika hatua nyingine jeshi la polisi limefanikiwa kumkamata mwanamke mmoja maeneo ya kata ya tungi kwa tuhuma za wizi wa bodaboda kwa kutumia nguvu akishirikiana na watu wengine. 

"Siku ya tarehe 3 mwezi wa nne mwaka huu majira ya saa tano usiku maeneo ya kata ya Tungi Udhuruni ndani ya manispaa ya Morogoro tulifanikiwa kumkamata bwana Geofrey (30-35)akiwa ameuawa na wananchi wenye hasira kali kwa kukatwa na kitu chenye ncha kali na tulibaini alikuwa na mwanadada aitwaye Lightness John ambaye kwa sasa ni majeruhi amelazwa katika hospitali ya mkoa wa Morogoro akiwa amevunjika mguu, hawa nia yao ilikuwa ni kuiba bodaboda ila wananchi waliwawahi dada huyo yuko chini ya ulinzi mkali upelelezi ukikamilika atafikishwa mahakamani",amesema.

Read More →

WAZIRI MBARAWA ASEMA WATATUMIA WATAALAMU WA NDANI KUFUNGA PAMPU ZA MAJI IWAPO UGONJWA WA CORONA UTAENDELEA KUWEPO

 WAZIRI wa Maji Proffesa Makame Mbarawa akizungumza leo wakati wa ziara yake wilayani Pangani kushoto ni Meneja wa Ruwasa Mkoa wa Tanga Mhandisi Upendo Lugongo

 WAZIRI wa Maji Proffesa Makame Mbarawa akizungumza mara baada ya kuangalia mradi wa maji Kijiji cha Ubangaa

 MKURUGENZI wa Bonde la Maji la Mto Pangani Segule Segule akizungumza wakati wa ziara hiyo kulia ni Katibu wa Mbunge wa Jimbo la Pangani

 Mwenyekiti wa Halmashauri ya Pangani Seif Ally akizungumza wakati wa ziara hiyo kushoto ni Mkuu wa wilaya ya Pangani Zainabu Abdallah katikati aliyekaa ni WAZIRI wa Maji Proffesa Makame Mbarawa

 MKURUGENZI wa Mamlaka ya Maji Safi na Usafi wa Mazingira Jijini Tanga (Tanga Uwasa) Mhandisi Geofrey Hilly akitolea ufafanuzi wakati wa ziara hiyo

 Mwenyekiti wa Halmashauri ya Pangani Seif Ally kushoto akimueleza jambo Waziri wa Maji Proffesa Makame Mbarawa wakati wa ziara hiyo katikati ni Mkuu wa wilaya ya Pangani Zainabu Abdallah

 WAZIRI wa Maji Proffesa Makame Mbarawa katika akivuka kwenye kivuko Mto Pangani mara baada ya kumaliza ziara yake wilayani humo

 MKURUGENZI wa Mamlaka ya Maji Safi na Usafi wa Mazingira Jijini Tanga (Tanga Uwasa) Mhandisi Geofrey Hilly akivuka kivuko cha Mto Pangani leo wakati wa ziara hiyo

Mto Pangani kama unavyoonekana

WAZIRI wa Maji Proffesa Makame Mbarawa amesema miradi yote ya maji  ambayo pampu za kusukumia maji zimeletwa kutoka nje ya nchi lakini wataalamu wa kuzifunga wamekwama kutoka nchini Africa kusini kutokana na ugonjwa wa virusi vya Corona sasa watatumia wataalamu wa ndani kwa kibali.

Hatua hiyo inatajwa kwamba imekuwa ikikwamisha miradi mbalimbali ya maji kwa wananchi kutokana na wataalamu hao kushindwa kutoka kwenye nchi zao na kuja kuzifunga huku wananchi wakiendelea kukosa huduma hiyo muhimu.

Mbarawa aliyasema hayo leo wakati akihitimisha ziara yake kwenye wilaya za Pangani na Muheza ambapo alisema kwamba wakandarasi hao wataandikiwa barua huko ili watoe maelekezo na baadae watafutwe watu wengine wa kufanya kazi hiyo.

Alisema kwamba hawawezi kusema kwamba wanakaa kuwasubiri maana hawajui ugonjwa huo utaisha lini lakini lazima wawe na maamuzi mengine kwa kutumia wataalamu wa ndani kuweza kufunga pampu hizo ikiwemo makukabiliano kutoka kwa wataalamu hao.

Alisema kwamba hata kama wataalamu wangekuja wasingefunga pumpu hizo bali wangetoa maelekezo kwa wataalamu wa hapa nchini ndio wangeweaza kufanya kazi hiyo.

Aidha alisema wanachotaka kwa wakandarasi hao watoe kibali na maelekezo watu wafanye na hata ridhiki ya kazi wachukue ili kuweza kunusuru miradi isiendelee kukwama kutokana na uwepo wa ugonjwa huo.

“Naamini tukifanya hivyo miradi yote ya maji itakwenda na wananchi watapata huduma ya maji safi na salama kwa wakati na kuondokana na kero za kuifuata mbali”Alisema

Hata hivyo alisema kwamba Corona ni ugonjwa umekuja lakini na dawa mojawapo ni maji hivyo ni wakati muafaka wizara ya maji wajitoe wafanye kazi kwa bidii kama walikuwa wanafanya kazi kwa spidi 80 sasa wanapaswa kwenda spidi 160 kutokana na hduuma yao kuhitajika kupita kiasi.

Hata hivyo Waziri Mbarawa alisema kwamba kwa wataalamu wa manunuzi nchini wizara ya maji imebaini kuwepo kwa changamoto kwao kutokana na kuzembea kufanya jambo kwa haraka.

“Utakuta jambo ni la kufanya miezi miwili anachukia miezio sita mfano mzuri ni hapa fedha ilikuja Novemba mpaka leo Aprili mabomba hayajafika wakati kuna baadhi ya mikoa Mbeya, Iringa na meeneo mengine kazi zipo asilimia 70 matenki yapo nusu”Alisema Waziri huyo.

Alisema lakini mkoani Tanga mpaka leo hawajafanya chochote sasa hao watu wa namna hiyo ataendelea kuwahamisha na kupelekea mwengine na wakishindwa kujirekebisha wataondoilewa kabisa.

Awali akizungumza wakati akitoa taarifa ya mradi wa maji Kijiji cha Ubangaa na Mkwajuni Kaimu Meneja wa Wakala wa Maji Vijijini wilaya ya Pangani (Ruwasa) Mhandisi Sande Batakanwa alimueleza Waziri Mbarawa kwamba changamoto kubwa kwa kuanzia ilikuwa ni uhitaji wa pampu,moto na Transfoma iliyoondolewa na Tanesco baada ya mradi kusimama.

Alisema kwamba kwa uhitaji huo kama pampu,mota na transfoma iliyoondolewa na Tanesco vingepatikana na wananchi wangeanza kupata huduma kama awali .

Read More →

VYAKULA UNAVYOPASWA KULA ILI KUIMARISHA KINGA YA MWILI WAKO

Virusi vya corona Covid-19 vimefanya uharibifu katika kila sekta ya maisha yetu duniani kuanzia China, Marekani bara Asia hadi Afrika.

Huku tukikabiliana na changamoto hii mpya, ni muhimu kutathmini na kutumia kila kifaa tulichonacho ili kupumguza maambukizi, vifo na mateso ya mlipuko huu.

Kutokaribiana, kuosha mikono na kujitenga kunaweza kupunguza maambukizi. Lakini je chakula na lishe bora kinaweza kuwa na jukumu gani katika mlipuko huu?

Tunaamini kwamba kuna njia tatu muhimu za utaratibu maalumu wa chakula ambazo zinaweza kukabiliana na tatizo hilo la kiafya.

Virutubishi

Kwanza, ulaji wa kiwango cha juu cha virutubishi fulani huimarisha mfumo wa kinga, huku ulaji wa kiwango cha chini ukidhoofisha kinga na kuvutia maradhi ya maambukizi.

Kinga imara mwilini inaweza kusaidia kukabiliana na virusi , na pia inaweza kuwasaidia baadhi ya wagonjwa kupona kwa haraka.

Virutubisho vinavyoweza kuimarisha kinga ya mwilini ni kama vile madini ya zinc, Selenium, iron na vitamin A,C,D,E , B-6 mbali na vyakula kama vile kama goji berry, broccoli, chai ya kijani, na manjano.

Mboga na matunda kama vile maembe, mananasi na tufaa ni muhimu katika kuimarisha kinga dhidi ya magonjwa ya milipuko.

Baadhi ya madaktari wanasema kwamba matunda kama vile machungwa yana vitamin C nyingi ambayo ina uwezo wa kukabiliana na magonjwa.

Baadhi ya virutubishi hivi vinasaidia kuzuia uvimbe kupitia kiasi na uharibifu wa tishu unaosababishwa na virusi hivyo ambao unaweza kusababisha majeraha ya mapafu na hata kifo.

Ni mapema mno kujua ni mchanganyiko gani wa virutubisho ndio bora kukabiliana na covid-19.

Lakini tunajua kwamba baadhi ya virutubisho hivyo vimeonesha kukabiliana na homa ya kawaida na magonjwa mengine ya mapafu.

Huku mikahawa mingi ikiwa imefungwa, chukua fursa hii kula vyakula vyenye afya nyumbani kama vile machungwa, matunda, broccoli, mboga ya mchicha, uyoga, pilipili nyekundu, viazi vitamu, samaki, maharagwe, siagi, manjano na chai.

Vyakula hivi vinaweza kuwa muhimu kwa watu wazima ambao hula kiwango kidogo cha vyakula hivi na ambao wako hatarini zaidi kuambukizwa maradhi ya Covid-19.

Lishe duni

Pili uzoefu kutokana na milipuko mengine ya magonjwa ya maambukizi unaonesha wazi kwamba watu wanaokula lishe duni wako hatarini zaidi kuambukizwa virusi hivi.

Pia wanaweza kuwa wagonjwa kwa kipindi kirefu na hata kupoteza maisha yao. Katika mlipuko huu kuwalisha watu waliopo katika hatari kupata mambukizi haya ni muhimu zaidi.

Na hatimaye mbali na umri mkubwa, hatari ya maambukizi ya Covid-19 na vifo iko juu miongoni watu wanaougua magonjwa mengine kama vile yale ya moyo, na sukari.

Hali hii hudhoofisha uwezo wa moyo kukabiliana na shinikizo la mawazo huku kisukari kikidhoofisha mfumo wa kinga.

CHANZO - BBC

Read More →

Masauni: Wapeni Dhamana Mahabusu Kuepusha Corona

Na Mwandishi Wetu,Dodoma

Serikali imewaagiza Makamanda wa Polisi na Wakuu wa Magereza mikoa yote nchini kuhakikisha inawapa dhamana mahabusu wote wanaokidhi vigezo vya dhamana na kuharakisha upelekwaji haraka wa kesi kwa watuhumiwa waliopo katika magereza mbalimbali nchini ili kuweza kuepusha na kupambana na ugonjwa wa homa ya mapafu inayosababishwa na virusi vya corona(Covid 19) usiweze kuingia katika mahabusu za polisi na magereza.

Hayo yamesemwa na Naibu Waziri wa Mambo ya Ndani ya Nchi, Mhandisi Hamad Masauni wakati alipofanya ziara ya kushtukiza katika Vituo mbalimbali vya Polisi mkoani Dodoma ambapo alibaini kuwepo msongamano wa mahabusu katika vituo vya polisi huku akifanikiwa kuzungumza na baadhi ya mahabusu ambao ilionekana kesi zao zinadhaminika huku wengine  wakiruhusiwa katika ziara hiyo.

“Maagizo ya Serikali na wataalamu wa afya ni kuepusha misongamano sasa nimetembelea kituo hiki cha kati nimekuta mahabusu wengine wamekaa siku kumi na nne,na wengine wanaingia wakiwa wametoka nje huko hali iliyopelekea msongamano mkubwa katika kituo hiki, na kuna mahabusu mmoja nimekuta wamemuweka siku tatu hapa kosa lake wamemkamata tu anapita nje ya bunge hii sio sawa huku hana kosa lolote.

“Sasa natoa maagizo kwa Makamanda wa Polisi nchi nzima katika kukabiliana na ugonjwa wa corona wahakikishe mahabusu wote ambao kesi zao zinadhaminika watolewe, agizo hili pia liende kwa wakuu wa magereza yote nchini kuhakikisha watuhumiwa wote kesi zao zinaharakishwa kupelekwa mahakamani hii yote ikiwa ni mkakati wa kupambana na gonjwa la Corona sasa watu wamerundikwa tu hakuna kinachoendelea hii si sawa” alisema Masauni

Pia alipata fursa ya kuzungumza na wananchi waliokusanyika nje ya vituo vya polisi wakija kuwaona ndugu zao huku akisisitiza washughulikiwe haraka kwani wamekusanyana wengi huku serikali ikiwa imepiga marufuku mkusanyiko wa watu na wataalamu wakishauri umbali kati ya mtu na mtu uwe mita moja.

“Wananchi wamekuja kuona ndugu zao waliopo mahabusu tunajua ni haki yao pamoja na kuwaletea chakula lakini muwahudumie haraka waondoke hii mikusanyiko ishakatazwa ni hatari sana” alisema Masauni.

Read More →

Breaking : GARI YAUA WATU WANNE BAADA YA KUGONGA GEMA NA KUTUMBUKIA BWAWANI BARABARA YA OLD SHINYANGA

Gari yenye namba za usajili T.785 DBM Toyota IST ikitolewa bwawani na Trekta baada ya kugonga gema na kutumbukia katika bwawa hilo na kuua watu wanne  katika eneo la kitongoji cha Mwajinaganya kijiji cha Bubiki B, kata ya Bubiki, tarafa ya Mondo, wilaya ya Kishapu barabara ya Old Shinyanga kuelekea Bubiki - Mwanza . Picha zote na Malunde 1 blog

Sehemu ya bwawa hilo.
Kamanda wa Polisi Mkoa wa Shinyanga ACP Debora Magiligimba  akiwa katika eneo la kitongoji cha Mwajinaganya kijiji cha Bubiki B, kata ya Bubiki, tarafa ya Mondo, wilaya ya Kishapu barabara ya Old Shinyanga kuelekea Bubiki - Mwanza ambapo gari yenye namba za usajili T.785 DBM Toyota IST imegonga gema na kutumbukia bwawani.

Gari yenye namba za usajili T.785 DBM Toyota IST iliyokuwa ikiendeshwa na dereva aitwaye Gration Mlikozi iliyopoteza uelekeo na kugonga gema na kutumbukia katika bwawa la maji lilipo pembezoni mwa barabara ya vumbi ya Old Shinyanga na kuua watu wanne.

Na Kadama Malunde – Malunde 1 blog 

Watu wanne wamefariki dunia baada ya gari waliyokuwa wanasafiria kugonga gema kisha kutumbukia katika bwawa lililopo pembezoni mwa barabara ya vumbi ya kutoka Old Shinyanga kuelekea Bubiki hadi Mwanza kwenye kijiji cha Bubiki B kata ya Bubiki wilaya ya Kishapu.

Kamanda wa Polisi Mkoa wa Shinyanga ACP Debora Magiligimba amesema ajali hiyo ya gari kuacha njia na kugonga gema na kutumbukia katika bwawa la maji na kusababisha vifo imetokea leo Jumamosi Aprili 4,2020 majira ya saa saa tatu na dakika 20 katika eneo la kitongoji cha Mwajinaganya kijiji cha Bubiki B, kata ya Bubiki, tarafa ya Mondo, wilaya ya Kishapu. 

“Ajali hii imetokea katika barabara ya vumbi ya kutoka Old Shinyanga kuelekea Bubiki hadi Mwanza ambapo ,gari yenye namba za usajili T.785 DBM Toyota IST iliyokuwa ikiendeshwa na dereva aitwaye Gration Mlikozi, miaka haifahamiki, ilipoteza uelekeo na kugonga gema na kutumbukia katika bwawa la maji lililochimbwa kwa ajili ya kuchukulia udongo wa matengenezo ya barabara na kusababisha vifo kwa watu wanne”,ameeleza Kamanda Magiligimba. 

Amewataja waliofariki dunia katika ajali hiyo ni dereva wa gari hilo Gration Mlikozi pamoja na abiria watatu ambao ni Singu Isack Lazaro (57), Chrispin Ikate, miaka haijulikani, mwanaume, na Abdallah Mussa, mwanaume, miaka haifahamiki. 

“Chanzo cha ajali ni mwendokasi wa gari husika katika barabara ya vumbi kulikopelekea dereva gari kumshinda na kwenda kugonga gema na kutumbukia katika bwawa la maji na kusababisha vifo”,amesema. 

“Gari husika limeshatolewa katika maji na lipo katika kituo cha polisi Maganzo. Miili ya marehemu imehifadhiwa katika hospitali ya rufaa ya mkoa wa Shinyanga. Natoa wito kwa madereva wote kutii sheria za usalama barabara na kuacha kuendesha vyombo vya moto kwa mwendo kasi”,amesema Kamanda Magiligimba.

Read More →

TAHADHARI KWA WASAFIRI WOTE ILIYOTOLEWA NA WIZARA YA AFYA KUHUSU UGONJWA WA CORONA

Read More →

UJERUMANI YAITUHUMU MAREKANI KUPORA MASKI ZAKE ZA KUKABILIANA NA CORONA

Ujerumani imeituhumu Marekani kuwa imetumia mbinu za uharamia katika kupora maski zake za kukabiliana na ugonjwa wa corona.

Waziri wa Mambo ya Ndani wa Ujerumani Andreas Geisel amesema hatua ya Marekani kupora maski hizo za uso ni ‘uharamia wa kisasa’.

Vyombo vya habari vya Ujerumani vimeripoti kuwa maelfu ya maski ambazo zilikuwa zimenunuliwa kutoka shirika la 3M zimeelekezwa Marekani wakati zilipokuwa zikihamishwa baina ya ndege nchini Thailand zikitokea China.

Wakuu wa Ujerumani wamethibitisha kuwa maski 200,000 aina ya FFP2- ambazo zinashabihiana na zile za N95  zinazotumiwa Marekani, ziliibiwa katika uwanja wa ndege wa Bangkok na hivyo hazikufika Berlin. Ujerumani imesema tayari ilikuwa imeshalipia maski hizo ambazo zimeibiwa na maajenti wa Marekani nchini Thailand.

Akiwa ni mwenye hasiria, Waziri wa Mambo ya Nje wa Ujerumani alisema siku ya Ijumaa kuwa, ‘Hii sio njia ya kuamiliana baina ya washirika wa Atlantiki.” Ameongeza kuwa hata kama kuna mgogoro wa kimataifa hakupaswi kutumiwa mbinu za magenge ya zamani ya Kimarekani. Waziri huyo amesema serikali ya Ujerumani itawasilisha malalamiko rasmi na kuitaka Marekani iheshimu sheria za kimataifa.

Ubalozi wa Marekani mjini Berlin, Ujerumani bado haujatoa taarifa kuhusu tukio hilo la uhalifu wa kimataifa.

Read More →

Nafasi Mbalimbali Za Kazi Zilizotangazwa Wiki Hii

1.TV Sales Supervisor at Startimes

2.Senior Manager; Trade Finance at CRDB Bank

3.Business Analyst at CRDB Bank

4. Financial Accountant at Tanga Cement 

5. Cashier at at TOL Gases Limited 
 

==>>Kwa Nafasi Nyingi zaidi za Kazi  <<BOFYA HAPA>>

Read More →

Wanaokunywa Pombe Kali Kwa Madai Ya Kujikinga Na Corona Wapewa Onyo

Mkuu wa Mkoa wa Mbeya, Albert Chalamila amewaonya wananchi wa mkoa huo wanaoaminisha vijana kuwa pombe kali inaweza kutibu virusi vya corona kuacha mara moja imani hizo potofu, na kuwataka kuendelea kujikinga kwa kutumia vitakasa mikono na kuepuka makundi mbalimbali.

Chalamila amezungumza mara baada ya kukabidhiwa vifaa maalum vya kunawia mikono vilivyobuniwa na Chuo Kikuu cha Sayansi na Teknolojia (MUST) ili kusaidia makundi mbalimbali kujikinga dhidi ya janga hilo.

Kiongozi huyo amesema baadhi ya watu wanafanya utani kwa kutumia pombe kali kusafisha mikono yao badala ya kutumia vitakasa mikono maalum vilivyoundwa kwa kazi hiyo.

“Na wengine wameanza kunywa pombe, wanasema kuwa wakilewa hawawezi kupata corona [virusi], mnajidanganya,” amesema Chalamila huku akiwataka wananchi kufuata utaratibu unaotolewa na wataalamu wa afya.

Vifaa vilivyotolewa na chuo hicho vitawasaidia wananchi lakini pia vitawaepusha kushika sehemu ambapo mtu mwingine ameshika mfano wakati wa kufungua koki au kuminya sauti.

Chuo Kikuu cha Sayansi na Teknolojia Mbeya ( MUST) leo kimemkabidhi Mkuu wa Mkoa wa Mbeya Mhe Albert Chalamila mashine ya kunawia mikono iliyotengenezwa na wanafunzi wa chuo hicho kwa ajili kusaidia juhudi za Mkoa katika kujikinga na virusi vya Corona (COVID-19) pic.twitter.com/WDLQaghct0

— Ofisi ya MKuu wa Mkoa Mbeya (@OfisiWa) April 1, 2020

Read More →

Waziri Wa Elimu Aagiza Walimu Wote Walioanzisha Vituo Vya Tution Baada ya Shule Kufungwa Kuepuka Corona Wakamatwe

Waziri wa Elimu, Sanyansi na Teknolojia, Prof. Joyce Ndalichako, amewaagiza wakurugenzi, wakuu wa wilaya na mikoa kuwachukulia hatua wale wote walioanzisha vituo vya mafunzo ya ziada (tuition) wakati ambao shule zote zimefungwa kwa ajili ya kujikinga na corona.

Profesa Ndalichako alitoa agizo hilo jana wakati akizungumza na waandishi wa habari jijini Dodoma na kuwataka wanafunzi walioko nyumbani kuacha kuzurura ili kujikinga na maambukizi ya ugonjwa huo.

“Wanafunzi watambue kuwa hiyo si likizo bali wamerudi nyumbani kwa sababu ya janga kubwa linaloitesa dunia la virusi vya corona. Kuna baadhi ya sehemu baada ya kusikia watoto wako nyumbani wameanzisha ‘tuition’. Nawataka wote walioanzisha ‘tuition’ waache mara moja,” alionya.

Ndalichako alitoa maelekezo kwa wakurugenzi, wakuu wa wilaya na mikoa, wasimamie kikamilifu maelekezo ya serikali na kutowafumbia macho watu walioanzisha vituo vya kufundishia kwa sababu wanapingana na maelekezo na wanakuwa tishio la usalama katika maeneo hayo.

Kadhalika, Wizara ya Afya, Maendeleo ya Jamii, Jinsia, Wazee na Watoto na Ofisi ya Rais Tawala za Mikoa na Serikali za Mitaa (Tamisemi) kwa kushirikiana na Shirika la Umoja wa Mataifa la Misaada kwa Watoto (Unicef), wametoa angalizo na tahadhari ambazo watoto, wazazi, walezi na walimu wanapaswa kuzichukua wakati wote wa likizo.

“Kutokana na mlipuko wa ugonjwa wa corona, walimu wakuu wasiwaruhusu wanafunzi kukusanyika katika maeneo shule kwa kipindi chote ambacho shule zimefungwa,” tangazo lilielekeza hivyo.

Tahadhari nyingine iliyotolewa, inaitaka jamii iwalinde wanafunzi na watoto wote katika maeneo yao kwa kuhakikisha hawaendi katika maeneo hatarishi yakiwamo yenye msongamano.

Kadhalika wametahadharisha wazazi na walezi wazungumze na watoto wao kuhusu njia za kujikinga na virusi vya corona na kuwasaidia kuendelea kujisomea wakiwa nyumbani.

Read More →

Mahakama yataifisha bilioni 16 za upatu kuwa mali ya serikali.

Mahakama Kuu Divisheni ya Makosa ya Uhujumu Uchumi na Rushwa maarufu kama Mahakama ya Ufisadi imetaifisha zaidi shilingi bilioni 16 za upatu kuwa mali ya serikali.

Hatua hiyo imekuja baada ya Mkurugenzi wa Mashitaka (DPP), Biswalo Mganga kuwasilisha maombi mahakamani hapo kuomba fedha hizo zitaifishwe kwa kuwa washtakiwa katika kesi hiyo hawajawahi kufika mahakamani.

Jaji wa mahakama hiyo, Elinaza Luvanda ametoa uamuzi huo baada ya kujiridhisha na vielelezo vilivyowasilishwa na DPP dhidi ya washtakiwa hao.

Washitakiwa katika kesi hiyo ni Huebenthal raia wa Ujerumani, na Frankricket raia wa Uingereza.

Februari 11, 2019, DPP aliwafungulia mashtaka matatu katika Mahakama ya Hakimu Mkazi Kisutu jijini Dar es Salaam lakini hawajawahi kuripoti.

Katika kesi ya msingi washtakiwa hao wanadaiwa kuja nchini na kuanzisha Kampuni ya IMS Marketing Tanzania Limited, Novemba 19, 2014 na kupewa usajili wa namba 113133, ambapo baadaye walianza kuendesha upatu kinyume na sheria.

Katika kipindi hicho, washtakiwa hao wanadaiwa kuanza kusaini nyaraka mbalimbali kwa mawakili kwa ajili ya hiyo kampuni, ambapo Aprili 23, 2015 walifungua akaunti mbili za dola za Marekani katika Benki ya Afrika (BOA), Tawi la NDC jijini Dar es Salaam kwa jina la Kampuni ya IMS.

Aidha, baada ya kutaifishwa kwa fedha hizo Jaji Luvanda aliyesikiliza shauri hilo, amekataa ombi la DPP la kutaka mahakama itoe amri ya kuamrisha Benki ya BOA kulipa riba ya kipindi chote walichohifadhi fedha hizo.

Read More →

Juhudi Za Wizara Ya Madini Kufungua Masoko Ya Madini Yasababisha Wachimbaji Wadogo Kuvamia Maeneo Ya Migodi Midogo[rush].

Na.Faustine Gimu Galafoni,Dodoma

Bunge limeelezwa kuwa ,Kutokana na juhudi kubwa zinazofanywa na Wizara  ya Madini katika kutenga maeneo kwa ajili ya wachimbaji wadogo na kufungua masoko ya madini nchi nzima, kumesababisha ongezeko la wachimbaji wadogo ambao wamekuwa wakivamia maeneo mbalimbali ya Migodi midogo (rush) .

Taarifa hiyo imetolewa  April 3,2020 Bungeni jijini Dodoma  kutoka wizara ya Madini kwa njia ya Maandishi  wakati  Wizara hiyo ikijibu swali la mbunge  wa viti Maalum Salome Wycliffe Makamba aliyehoji  Je, ni sifa zipi ambazo mzabuni anatakiwa kuwa nazo ili kupewa nafasi ya usimamizi mapato ya Serikali kwenye migodi midogo midogo (Rush) kama Mwabomba, namba Mbili, Segese.

 Katika Majibu ya Wizara ya Madini imefafanua kuwa maeneo ambayo yanavamiwa zaidi na wachimbaji wadogo   ni yale yaliyotengwa, maeneo yenye leseni kubwa za utafiti, maeneo ya uchimbaji mkubwa, maeneo yasiokuwa na leseni, na maeneo ambayo leseni zake hazijaendelezwa kwa shughuli za uchimbaji.

Aidha Majibu ya wizara hiyo yameendelea kufafanua kuwa ,Serikali kupitia Tume ya Madini ilitoa Waraka wa Ndani Na. 3 ulioanza kutumika tarehe 15 Oktoba, 2019 wenye dhumuni la kutoa mwongozo kwa Maafisa Madini Wakazi na watumishi wengine katika kusimamia, kudhibiti shughuli za madini na mapato ya Serikali katika maeneo yenye  Migodi  midogo[rush.]

 Kwa mujibu wa Waraka huo, utaratibu unaotumika kuwapata wasimamizi wa rush ni kupitia Kamati ya Uongozi inayofuatilia na kuimarisha usimamizi katika eneo la rush.

 Majibu ya Wizara ya madini yameendelea kubainisha kuwa ,Kamati hiyo huteua Wasimamizi wa migodi midogomidogo[ rush], ambapo Mwenyekiti wa rush anapaswa kuwa na sifa zifuatazo:- Awe mchimbaji mzoefu hasa katika usimamizi wa maeneo ya aina hiyo; Asiwe na historia ya wizi wa fedha za Serikali; na Awe mwaminifu.

Aidha, wajumbe wengine kwenye usimamizi wa rush ni pamoja na Katibu, Mweka Hazina, M/kiti wa Kijiji, M/kiti wa Kitongoji, Mjumbe wa REMA, TAWOMA na Mwakilishi wa eneo/shamba.

Read More →

Serikali Yasema Uboreshaji Wa Elimu Hapa Nchini Ni Endelevu

Na.Faustine Gimu Galafoni,Dodoma.

Serikali imesema Suala la uboreshaji wa utoaji wa Elimu hapa nchini   ni endelevu, ambalo litaendelea kutokana na  mabadiliko yanayotokea .

Hayo yamesemwa  April 3,2020  Bungeni jijini Dodoma na Naibu Waziri wa Elimu,Sayansi na Teknolojia  Mhe.William Ole       Nasha wakati akijibu  swali la mbunge wa viti maalum  Mhe.Zainab Athuman Katimba aliyehoji Je, Serikali ina mkakati gani wa kufanyia maboresho Mfumo wa Elimu Tanzania?

Katika majibu yake kwa njia ya Maandishi Naibu Waziri wa Elimu Mhe.William Ole Nasha amesema maboresho ya Elimu ni endelevu katika utegemezi wa nyanja za kiuchumi na kijamii, pamoja na ulinganisho wa maendeleo ya sayansi na teknolojia.

Mhe.Nasha ameendelea kufafanua kuwa , suala  la uboreshaji wa mifumo ya elimu limekuwa likifanyika na hutegemea tathmini mbalimbali za kitaalamu zinazofanyika kwa nyakati tofauti ,Mfano elimu ya sekondari ya chini (O Level) kutambuliwa kuwa ni sehemu ya Elimumsingi  na inatolewa bila malipo ya ada.

 Aidha, katika elimu ya ualimu Mhe.Nasha amesema  serikali imeongeza miaka ya kumwandaa mwalimu wa elimu ya awali kutoka miaka 2 kuwa miaka 3.

Pamoja na mabadiliko hayo, Serikali imeendelea na uimarishaji wa elimu Tanzania  kuwa ya umahiri (Competence based) kutoka katika mfumo wa awali ambao ulimwandaa mhitimu kwa nadharia bila mafunzo kwa vitendo ya kutosha.

Pia Nasha amesema Uboreshaji huo  umefanyika sambamba na uimarishaji wa mitaala katika ngazi zote.

Katika kuboresha mfumo wa elimu ya ufundi na mafunzo ya ufundi, Serikali imeunda mabaraza ya ujuzi ya Kisekta ambayo yanakuwa kiungo kati ya Vyuo vya Elimu ya Ufundi na wadau, vikiwemo viwanda na waajiri ambapo  Mabaraza hayo yatahakikisha kuwa mitaala inayotumika inakidhi mahitaji ya wadau na soko la ajira.

Read More →

Elimu Juu Ya Tahadhari Ya Corona Bado Haitoshelezi

Mpaka sasa hakuna dawa wala chanjo ya Ugonjwa wa Virusi vya Corona hivyo njia bora ya kupambana na ugonjwa huo ni utoaji wa elimu juu ya tahadhari za kujikinga ili mtu asipate ugonjwa huo ambapo kwa Mkoa wa Songwe Elimu hiyo bado haitoshelezi.

Mkuu wa Mkoa wa Songwe Brig. Jen. Nicodemus Mwangela ameyasema hayo wakati wa kikao cha Wadau wa Afya waliokutana mapema leo kujadili utayari wa kukabiliana na Ugonjwa wa Virusi vya Corona kwa Mkoa wa Songwe.

Brig. Jen. Mwangela amesema hadi sasa kuna maeneo bado wananchi hawajapata elimu ya tahadhari ya kujikinga na virusi vya Corona huku akiwaagiza Wakuu wa Wilaya, Wakurugenzi na Waganga Wakuu wa Wilaya zote kuhakikisha wanatoa elimu kwa wananchi wote.

Amesema elimu itolewe kwa kutumia vyombo vyote vya habari vilivyopo na kwa namna zote bora ambazo zitawezesha kuwafikia wananchi wote na kwa wataalamu wa afya ambao baadhi yao bado  hawana elimu hiyo.

Brig. Jen. Mwangela ameongeza kwa kulitaka Jeshi la Polisi Mkoani Songwe kuendelea kufanya ukaguzi katika mabasi yote endapo yanazingatia tahadhari za kujikinga na Ugonjwa wa Virusi vya Corona pia wananchi wote waepuke mikusanyiko isiyo ya lazima.

Amesema taasisi zote ziendelee kuchukua hatua za tahadhari zilizo elekezwa na wataalamu wa Afya huku akimtaka Mganga Mkuu wa Mkoa kuchukua hatua za haraka kutokana na kuwa maji ya kunawa katika geti la kuingilia Hospitali Teule ya Rufaa ya Mkoa yalikua hayana dawa hali ambayo sio sahihi.

Naye Mganga Mkuu wa Mkoa wa Songwe Dkt Hamad Nyembea amesema atahakikisha tahadhari za kujikinga na Ugonjwa wa Virusi vya Corona zinachukuliwa katika hospitali Teule ya Rufaa ya Mkoa wa Songwe huku akieleza kuwa tayari wameweka utaratibu wa kupima jotoridi watu wote wanaoingia hospitalini hapo.

Dkt Nyembea amesema hapo awali watu wengi walikua wakichukua tahadhari  juu ya ugonjwa wa Virusi vya Corona na Kufuata maelekezo ya wataalamu wa Afya lakini sasa baadhi wameanza kupuuzia hivyo anawasihi wasifanye hivyo kwani ugonjwa huo bado ni tishio.

Kwa upande wake Katibu Tawala Mkoa wa Songwe David Kafulila amesema Mkoa wa Songwe ni lango kuu la kuingilia na kutoka katika nchi za SADC hivyo hatua za tahadhari  juu ya Corona zinazo chukuliwa zinapaswa kuwa madhubuti Zaidi kuliko maeneo mengine.

Read More →