MASWAYETU BLOG

Friday, 15 December 2023

TAASISI YA MAMA ONGEA NA MWANAO YATOA MKONO WA POLE KWA WAATHIRIKA MAFURIKO HANANG

Unknown 16:52:00 NEWS No comments

Na Mwandishi Wetu, Michuzi TV

TAASISI ya Mama Ongea na Mwanao ikiongozwa na Mwenyekiti wake Steve Mengele maarufu Steve Nyerere imewatembelea na kuwapa pole waathirika wa mafuriko ya matope yaliyotokea Hanang mkoani Manyara na kusababisha maafa, majeruhi na uharibifu wa mali.

Kwa mujibu wa taarifa iliyotolewa leo Desemba 15, 2023 na Steve Nyerere ameeleza taasisi hiyo imeanza rasmi ziara yake katika mkoa huo na wameanza kwa kuwatembelea waathirika hao na kuwapa mkono wa pole.

Taasisi ya Mama Ongea na Mwanao baada ya kufika Hanang wametembelea Hospitali ya Rufaa ya Mkoa wa Manyara ambapo baadhi ya waathirika hao wanaendelea kupatiwa huduma za afya hapo ambapo kuna waathirika katika wodi ya wanaume,wanawake na watoto.

Kwa mujibu wa taasisi hiyo imefafanua inatambua mazingira magumu ambayo wanapitia waathirika wa mafuriko hayo , hivyo wameona iko haja ya kuwatembelea, kuwapa pole na kuwashika mkono.

Baadhi ya waathirika wa mafuriko hayo wameishukuru Taasisi ya Mama Ongea na Mwanao kwa kuwatembelea na kuwapa pole wakiwa katika hospitali hiyo wakipatiwa huduma za matibabu.

Sambamba na hilo wameendelea kutoa shukrani zao kwa Rais Dkt. Samia Suluhu Hassan na Serikali yake kwa kuendelea kuwahudumia kuanzia mwanzo mpaka hivi sasa.

DKT. NDUMBARO: TUMIENI ELIMU ZENU KUSAIDIA JAMII

Unknown 15:52:00 NEWS No comments

Waziri wa Utamaduni Sanaa na Michezo, Dkt. Damas Ndumbaro, amewataka wahitimu wa mahafali ya 42 ya Chuo Kikuu Huria cha Tanzania kuitumia elimu waliyoipata kufanya tafiti zitakazosaidia kutatua changamoto za jamii zinazowazunguka kupitia maeneo yao ya kazi ama makaazi.

Dkt. Ndumbaro, ametoa rai hiyo Disemba 14, 2023 katika uwanja wa Majimaji uliopo manispaa ya Songea mkoani Ruvuma, alipohudhuria mahafali hiyo kama mgeni rasmi.

“Mlichopata hapa siyo cheti, bali ni elimu ambayo ili iwe na manufaa inabidi mkaitumie kutatua changamoto zilizopo katika jamii kwa kuisaidia na kufanya tafiti zenye tija. Wakati tunaelekea kupata dira mpya ya taifa ya mwaka 2025, katumieni elimu mliyopata kutoa maoni, uzoefu na maono yenu kupitia mijadala itakayowezesha kupata dira makini kwa taifa letu, Pia, mnapaswa kutumia ujuzi na maarifa mliyopata kuwa wabunifu wa kuziona fursa na kuzichangamkia ili kuzalisha ajira kwa vijana na jamii kwa jumla,” amesema Dkt. Ndumbaro.

Aidha, amekitaka Chuo Kikuu Huria cha Tanzania kuutumia upekee wake kueneza na kukuza Kiswahili ulimwenguni.Vile vile, ametoa rai kwa chuo kushirikiana na Baraza la Kiswahili la Taifa kuhakikisha ufundishaji wa Kiswahili kwa wageni ndani na nje ya nchi unafanikiwa ili kuendana na ajenda mahsusi ya taifa ya kukuza, kueneza na kubidhaisha Kiswahili katika Bara la Afrika na duniani kwa jumla.

Akizungumza katika mahafali hiyo, Naibu Waziri wa Elimu, Sayansi na Teknolojia, Mh. Omary Juma Kipanga, akimuwakilisha Waziri wa wizara hiyo Prof. Adolf Mkenda, amesema mifumo ya elimu imekuwa ikiimarishwa mara kwa mara ili kuendana na mabadiliko ya ulimwengu katika nyanja za kiuchumi, kisiasa, teknolojia na kijamii.

“Mabadiliko haya yanailazimu serikali kufanya mapitio ya sera ya elimu kuanzia ngazi ya msingi ili kuiwezesha nchi kupiga hatua. Tunajua kuwa hili pia ni kipaumbele kwa Chuo Kikuu Huria cha Tanzania na chuo hiki kina jukumu la kubeba dhamana ya haya mabadiliko yanayofanyika kwa kuwa ni wadau muhimu wa mabadiliko hayo. Lengo ni kuwa na aina ya elimu itayozalisha wahitimu wenye ujuzi, maarifa na uwezo wa kujitegemea katika kujiajiri na kuajiri wengine," amesema Mh. Kipanga.

Kwa upande wake mwenyekiti wa Baraza la Chuo, Prof. Joseph Kuzilwa, amesema kitendo cha serikali kukipatia chuo hiki fedha za ujenzi maabara saba za sayansi za kikanda nchini, ni ishara tosha kuwa serikali inathamini elimu ya juu hususani inayotolewa na Chuo Kikuu Huria cha Tanzania kupitia mifumo ya masafa, mtandao, ana kwa ana na huria.

“Chuo hiki kimekuwa mstari wa mbele katika kusambaza utamaduni wetu kupitia lugha ya Kiswahili, kimeanzisha programu za kufundisha Kiswahili katika nchi ya Malawi na sasa kinakamilisha mipango ya kufundisha Kiswahili nchini Namibia. Chuo kinakaribisha ushauri na ushirikiano wa namna yoyote ili kufanikisha kukipeleka Kiswahili sehemu mbalimbali duniani,” amesema Prof Kuzilwa.

Naye Makamu Mkuu wa chuo, Prof. Elifas Bisanda, amesema kitendo cha serikali kuendelea kuchangia maendeleo ya chuo ni kuthamini machango wake kwa jamii na hivyo kukifanya chuo kiendelee kutimiza wajibu wake wa kutoa elimu kwa wanachuo huku wakiwa wanaendelea na shughuli zao huko huko walipo.

“Siyo lazima uache kazi zako uende chuoni, tunatumia zaidi TEHAMA katika ufundishaji na hata ada unalipa kwa kiwango unachotaka wewe mwanafunzi. Pia, mwanafunzi anaweza kuomba kufanya mitihani wakati wowote, ni mifumo tofauti na vyuo vingine,” amesema Prof. Bisanda.

Katika Mahafali ya 42 yaliyofanyika mjini Songea, jumla ya wahitimu 3980 katika ngazi za cheti, astashahada, shahada za kwanza, shahada za umahiri na uzamivu wamehitimu, ambapo asilimia 44 ya wahitimu hao ni wanawake. Hii ni hatua kubwa katika kuinua uwiano wa kijinsia katika elimu ya juu ikilinganishwa na miaka 12 iliyopita ambapo wahitimu wanawake walikuwa hawazidi asilimia 25 ya wahitimu wote.

ASA WATEKELEZA KWA VITENDO AGIZO LA WAZIRI MKUU

Unknown 09:52:00 NEWS No comments

WAZIRI wa Kilimo Hussein Bashe kulia akimgaia mche wa Mbegu ya Mchikichi zinazozalishwa na Shamba la Wakala wa Mbegu Asa Mkinga Mkulima wakati wa halfa ya ugawaji miche hiyo shamba la Mwele lililopo wilaya ya Mkinga

WAZIRI wa Kilimo Husein Bashe katika akionyeshwa maeneo mbalimbali yeye miche ya Michikichi kwenye Shamba la Wakala wa Mbegu Asa lililopo wilayani Mkinga wakati wa ziara yake kulia ni Mtendaji Mkuu wa Asa Sophia Kashenge na kushoto ni mkulima aliyepewa miche shamba la Mwele lililopo wilaya ya Mkinga

Waziri wa Kilimo Husein Bashe katikati akitembelea Shamba la Wakala wa Mbegu ASA wilaya ya Mkinga wakati wa ziara yake shamba la Mwele lililopo wilaya ya Mkinga kulia ni Mtendaji Mkuu wa ASA Sophia Kashenge akisisitiza jambo

Mtendaji mkuu wa wakala wa Mbegu (ASA) Sophia Kashenge kushoto akimueleza jambo Waziri wa Kilimo Husein Bashe wakati alipotembelea wakati huo kugawa miche kwa wakulima

Mtendaji mkuu wa wakala wa Mbegu (ASA) Sophia Kashenge wa pili kutoka kulia akimuonyesha kitu Waziri wa Kilimo Husein Bashe wakati wa ziara yake kwenye Shamba hilo

Waziri wa Kilimo Husein Bashe akizungumza na wakulima wa wilaya ya Mkinga wakati wa ziara yake ya kutembelea Shamba la Mwele lililopo wilayani Mkinga

Mkurugenzi Mkuu Mkonge Tanzania (TSB) Saady Kambona akiwa na viongozi wengine wakifuatilia kwa umakini maelekezo ya Waziri wa Kilimo Hussein Bashe

Watumishi wa Wakala wa mbegu za kilimo nchini (ASA) katika shamba la Mwele lililopo wilaya ya Mkinga wakiwa na viongozi wengine wakimsikiliza kwa umakini Waziri wa Kilimo Husein Bashe

Na Oscar Assenga,MKINGA

WAKALA wa mbegu za kilimo nchini (ASA) katika shamba la Mwele lililopo wilaya ya Mkinga mkoani Tanga wamezindua zoezi la ugawaji wa mbegu za michikichi ikiwa ni utekelezaji wa agizo la Waziri Mkuu la kutaka zao hilo litumike ipasavyo kuongeza uzalishaji wa mafuta hapa nchini.

Hatua ya utekelezaji huo imekuwa na mafanikio makubwa naa kwa sasa wana michikichi elfu 88 na lengo ni kutoa michikichi laki mbili kwa wakulima ambao wataipanda katika maeneo mbalimbali na hivyo kuwezesha kilimo cha zao kuwa na tija

Akizungumza wakati akikabidhi Miche ya Michikichi kwa Wakulima wwa zao hilo lengo likiwa ni kukabidhi michikichi laki mbili katika wilaya ya Mkinga mkoani Tanga,Waziri wa Kilimo Hussein Bashe alisema wananchi wanaopewa miche hiyo lazima wajaze fomu na kusaini ikiwemo kubaki na kumbukumbu ambazo zitapelekewa Halmashauri.

Alisema zitapelekwa huko ili maafisa kilimo wapewe taarifa kwenye vijiji vyao ambavyo wananchi wamepewa miche ili wawafuatilie kwa ukaribu wanapopata matatizo waone namna ya kuyapatia ufumbuzi huko huko vijijini.

Waziri Bashe alisema kwa sababu wamekuwa bahati mbaya wakigawa miche lakini mingi inaishia njiani haikui na wananchi wanapoteza muda na kuweka nguvu zao hivyo ni muhimu uwepo wa ufuatiliaji huo

“Leo tunagawa miche ya Michikichi wilaya ya Mkinga na wananchi ambao wamepewa watajaza fomu kusaini na kubaki na kumbukumbu ambazo baadae zitapelekwa Halmashauri pia maafisa Kilimo wapewa Taarufa kwenye Vijiji vyao kwa lengo la kuwa na ufuatiliaji wa karibu watakakukumbana na matatizo waweze kuyapatia ufumbuzi”Alisema

Hata hivyo Waziri huyo alisema wataanzisha mashamba makubwa ya pamoja ambao amesema miongoni mwa wafaidika watakuwa wananchi wa maeneo husika huku akisisitiza umuhimu wa maafisa kilimo wakae vijijini.

“Kama walimu wanakaa vijijini na maafisa kilimo nao wakate vijiji lakini pia mikutano ya Serikali za vijiji ifanye kazi ya kujadili maafisa Kilimo maeneo hayo kama hawatimizi wajibu wao kama hawafanyi hivyo serikali za vijiji ziandike taarifa kwenye mustasari zipelekewe kwenye WDC halafu ziende Halmshauri”Alisema

Waziri huyo alisema kwamba katikaa taarifa hiyo waeleze Afisa kilimo walionae hajawahi kuwatembelea wakulima hata siku moja kwani Serikali imegawa pikipiki na sasa wanawapa vishkambie na wamepekea vipima afya vya udongo ili wanapopima shamba wawaambie kama shamba linafaa kulima mashina au na huduma hiyo ni bure.

Katika hatua nyengine Waziri Bashe amemuagiza Mkurugenzi wa Asa Sophia Kashenge waanze shughuli za kuzalisha miche ya minazi kwenye kituo hichgo kama wanavyozalisha mice ya mazao mengine ili wananchi waweze kupata m iche ya minazi kutoka kwenye kituo hicho,

Awali akizungumza katika Mtendaji mkuu wa wakala wa Mbegu (ASA) Sophia Kashenge alisema kwa sasa wana michikichi elfu 88 na lengo ni kutoa michikichi laki mbili kwa wakulima.

Sophia alisema kwamba wamefarijika sana kuona Waziri kufika katika shamba hilo ambalo kipindi cha nyuma lilikuwa limetekelezwa lakini nguvu ya Serikali ya awamu ya Sita inayoongozwa na Rais Dkt Samia Suluhu imeonekana na wameweza kulifufua.

Alisema kwamba huwezi kufanya uzalishaji bila kuwa na miuondombinu ya umwagiliaji na hivyo lengo lao wataendelea kuongeza uzalishaji wa mbegu jambo ambalo ni kipaumbele cha nchi.

“Suala la Uzalishaji wa Mbegu za Michikichi ni Agizo la Waziri Mkuu tokea 2018 na sisi tumeitika vizuri tuna mashamba matatu ya ASA na la Mkinga ni la pili kwa uzalishaji wa michikichi na tunaamini kazi tunayoifanya ni kumuongezea mwananchi kipato”Alisema

Naye kwa upande wake Mkulima wa zao la Michikichi Mtarajiwa wilayani Mkinga Maaono Mkangwa alisema serikasli imechukua uamuzi mzuri kuwaletea kilimo hicho ambacho wanaamani kitawainua kiuchumi.

Mpango wa serikali ni kupunguza kiwango kikubwa cha kuingiza mafuta kutoka nje ya nchi wakati mafuta hayo yanaweza kuzalishwa na wakulima hapa nchini.