DC SAME ATANGAZA KIAMA NA MAJANGILI AWAFANANISHA NA WAUJUMU UCHUMI

 

MKUU wa wilaya ya Same Mkoani Kilimanjaro Kasilda Mgeni akizungumza na waandishi wa Habari baada ya kutembelea Hifadhi ya Taifa ya Mkomazi lengo likiwa ni kuhamasisha utalii wa ndani

MKUU wa wilaya ya Same Mkoani Kilimanjaro Kasilda Mgeni  kushoto akizungumza na Afisa Utalii wa Hifadhi ya Taifa ya Mkomazi Happiness Kiemi wakati alipofika kwenye hifadhi hiyo kuitembelea ikiwa ni  kuhamasisha utalii wa ndani

Afisa Utalii wa Hifadhi ya Taifa ya Mkomazi Happiness Kiemi akizungumza na waandishi wa Habari kuhusu maboresho makubwa yaliyofanywa kwenye Hifadhi hiyo na Serikali ya awamu ya Sita inayoongozwa na Rais Dkt Samia Suluhu 

Afisa Utalii wa Hifadhi wa Taifa ya Mkomazi Happiness Kiemi  kulia akimsikiliza Mkuu wa wilaya ya Same Kasilda Mgeni wakati wa ziara yake kwenye hifadhi hiyo

Mkuu wa wilaya ya Same Kasilda Mgeni katika akiwa ni Meneja wa Benki ya CRDB wilaya ya Same kulia  

Watalii wakifurahia utalii katika Hifadhi ya Taifa ya Mkomazi wilayani Same Mkoani Kilimanjaro

Faru katika Hifadhi ya Taifa ya Mkomazi

Faru katika Hifadhi ya Taifa ya Mkomazi

Faru katika Hifadhi ya Taifa ya Mkomazi

Tembo akiwa na mtoto wake katika Hifadhi ya Taifa ya Mkomazi

Twiga akiwa katika Hifadhi ya Taifa ya Mkomazi

Na Oscar Assenga aliyekuwa KILIMANJARO

MKUU wa wilaya ya Same Mkoani Kilimanjaro Kasilda Mgeni ametangaza vita mpya baada ya kuwatahadharisha majangaili ambao wanafikiria kupitia ujangili wanaweza wakanufaika kuachana na biashara hizo kutokana na kwamba wao wamejipanga kuhakikisha wanawashughulikia vilivyo.

Vita hiyo aliitangaza mwishoni mwa wiki wakati alipotembelea Hifadhi ya Taifa ya Mkomazi ikiwa ni kuhamasisha utalii wa ndani ambapo alisema watahakikisha wanashughuliwa ili kuhakikisha hawagusi hifadhi ikiwemo kuwataka wajiandae kutafuta kazi nyengine .

Mkuu huyo wa wilaya alisema kwamba kama walifikiria hiyo ndio ajira yao wajiandae kutafuta kazi nyengine kwa sababu yenye ni mhifadhi na anafahamu umuhimu wa hifadhi na ndio Mwenyekiti wa Kamati ya usalama wa wilaya hiyo.

“Hifadhi nyingi zimekuwa zikikabiliwa na vitendo vya ujangili hivyo sisi kama Kamati ya Ulinzi na Usalama wa wilaya tumejipanga kuhakikisha tunashirikiana na hifadhi kutokomeza ujangili mikakati hiyo ni pamoja na tunapokuwa kwenye mikutano yao ya vijiji vinavyozunguka hifadhi hiyo miongoi mwa mambo tunaowaeleza ni umuhimu wa hifadhi na athari za kuwa na ujangili”Alisema

Mkuu huyo wa wilaya wanapokuwa kwenye ziara katika vijiji hivyo wanawaelimisha wananchi umuhimu wa hifadhi na kuwaonya waache kufanya biashara za ujangili kwa sababu wanapoendelea kuifanya serikali kupitia vyombo vyake itaendelea kuchukua hatua kali za kisheria.

“Kwa sababu wanakuwa kama wahujumu uchumi kutokana na kwamba hifadhi hizo zinafanya uchumi wa nchi unaweza kuimarisha hivyo kunapokuwa na majangili wanaoua wanyama ambao watalii wanakuja kuangalia hiyo ni hujuma hivyo serikali ya wilaya tumejipanga vizuri kushirikiana na hifadhi kuhakikisha havijitokezi”Alisema Mkuu huyo wa wilaya

Alisema kwamba Hifadhi ya Taifa ya Mkomazi ndio Hifadhi muhimu kwa Kanda ya kaskasini na kuna wanyama wengi wanaopatikana kwenye hifadhi nyengine nchini lakini ukifika eneo hilo una uhakika kuweza kumuona mnyama Faru kiurahisi sana na imesaidia wilaya ya sama kuwa na watalii wengi wanaokwenda kumuona mnyama huyo.

Hata hivyo alisema kwamba wanamshukuru Rais Dkt Samia Suluhu amefanya mambo makubwa sana kupitia Royal Tour imewasaidia sana hifadhi kutokana na kwamba baada ya ziara hiyo wataalii wanaoingia kwa mwaka kwenye hifadhi hiyo kwa sasa ni zaidi ya 7000 hiyo ni faida kubwa walioipata kupitia ubunifu huo.

Mkuu huyo wa wilaya alisema kwamba Rais Dkt Samia Suluhu kupitia Fedha za Tozo na Fedha za Covid ameweza kuimarisha miundombinu ya hifadhi nchini ambapo miongoni mwa hifadhi ambazo zimenufaika ni mkomazi ambapo kuna majengo ya utawala na barabara nzuri ambao zinahamasisha watalii hivyo Rais amekuwa mfano nzuri wa uhifadhi nchini.

Aidha pia alisema wanapokuwa na hifadhi inayofikika kirahisi wanapata watalii wengi ambazo wanasaidia kukuza uchumi wa nchi yetu

Hata hivyo aliwahimiza watanzania kutembelea hifadhi za hapa nchini ili kuweza kujionea vivutio mbalimbali vya utalii ikiwemo kuwataka pia wananchi wa wilaya ya Same watumie wikiendi zao kuweza kufika mkomazi kuweza kuona vivutio vilivyopo na hivyo kusaidia serikali kuingiza mapato ambayo yatasaidia maendeleo kwenye wilaya yao.

Awali akizungumza wakati wa ziara hiyo, Afisa Utalii wa Hifadhi wa Taifa ya Mkomazi Happiness Kiemi alimshukuru Rais Dkt Samia Suluhu kutokana na kupelekea fedha za Uviko ambapo waliweza kuzitumia kujenga lango maalumu ambalo ni la kuingilia wageni wanaofika kutembelea hifadhi hiyo na kuweza kupata huduma nzuri za utalii.

Alisema kwamba kupitia fedha hizo wameweza kujenga barabara nzuri yenye utefiu wa zaidia ya kilomita 140 na pia kutengeneza viwanja vya ndege na hiyo imetoa fursa kwa wageni ambao hawana muda wa kutembea kwenye magari kwa muda mrefu wakati wa safari zao kutoka maeneo mbalimbali kwenda kuitembelea hifadhi hiyo

Happiness alisema kwa kujengwa uwanja huo kumesaidia wageni kusafiri kutumia ndege kufika hifadhi ya Taifa ya Mkomazi moja kwa moja kutoka kwenye viwanja vyengine

Read More →

SIMBA SC YAENDELEZA UBABE WA YANGA KWA IHEFU

Na Alex Sonna

SIMBA SC wameendelea kuitafuta Yanga SC katika mbio za Ubingwa baada ya kupata ushindi wa mabao 2-0 dhidi ya wenyeji Ihefu mchezo wa Ligi Kuu ya NBC katika uwanja wa Highland Estates jijini Mbeya .

Mabao ya Simba yamefungwa na Mshambuliaji hatari Jean Baleke dakika ya 83 na 87 na kuvunja mwiko wa Ihefu wa kuendelea kuzifunga timu kubwa katika uwanja wao ambapo Yanga na Azam zote zilipata kichapo huku Singida Big stars ikiambulia sare.

Kwa Matokeo hayo Simba SC imefikisha Pointi 60 ikiwa imecheza mechi 25 huku Yanga SC bado anaongoza Ligi akiwa na Pointi 65 akiwa amecheza mechi 24.

Ligi hiyo itaendelea kesho kwa mechi moja Mabingwa Watetezi wa Kombe hilo Yanga SC itakuwa kibaruani kucheza na Kagera Sugar kutoka Mkoani Kagera mchezo utakaopigwa uwanja wa Chamazi Complex Azam majira ya saa moja usiku.

Read More →

JK APONGEZA KASI YA UKUAJI NBC,AHAMASISHA UTOAJI WA MIKOPO ZAIDI

Rais Mstaafu wa Awamu ya Nne Dkt. Jakaya Kikwete (kushoto) akipokea zawadi maalum kutoka kwa Mkurugenzi Mtendaji wa Benki ya NBC Bw Theobald Sabi (Kulia) wakati wa hafla futari iliyoandaliwa na benki hiyo kwa ajili ya wateja wake wa jijini Dar es Salaam. Hafla hiyo ilifanyika jana jijini humo na kuhudhuriwa na wageni mbalimbali wakiwemo viongozi wa serikali, viongozi wa dini, viongozi wa vyama vya siasa, wateja, mawakala pamoja na wafanyakazi wa benki hiyo.

Rais Mstaafu wa Awamu ya Nne Dkt. Jakaya Kikwete (pichani) akizungumza na wageni waalikwa wakati wa hafla ya futari iliyoandaliwa na Benki ya NBC kwa ajili ya wateja wake jijini Dar es Salaam. Hafla hiyo ilifanyika jana jijini humo na kuhudhuriwa na wageni mbalimbali wakiwemo viongozi wa serikali, viongozi wa dini, viongozi wa vyama vya siasa, wateja, mawakala pamoja na wafanyakazi wa benki hiyo.

Mkurugenzi Mtendaji wa Benki ya NBC Bw Theobald Sabi (pichani) akizungumza na wageni waalikwa wakati wa hafla ya futari iliyoandaliwa na benki hiyo kwa ajili ya wateja wake jijini Dar es Salaam. Hafla hiyo ilifanyika jana jijini humo na kuhudhuriwa na wageni mbalimbali wakiwemo viongozi wa serikali, viongozi wa dini, viongozi wa vyama vya siasa, wateja, mawakala pamoja na wafanyakazi wa benki hiyo.

Mkuu wa Wilaya ya Ilala Bw Edward Mpogolo (pichani) akizungumza na wageni waalikwa wakati wa hafla ya futari iliyoandaliwa na Benki ya NBC kwa ajili ya wateja wake jijini Dar es Salaam. Hafla hiyo ilifanyika jana jijini humo na kuhudhuriwa na wageni mbalimbali wakiwemo viongozi wa serikali, viongozi wa dini, viongozi wa vyama vya siasa, wateja, mawakala pamoja na wafanyakazi wa benki hiyo.

Baadhi ya wageni waalikwa wakiwa kwenye hafla hiyo.

Rais Mstaafu wa Awamu ya Nne Dkt. Jakaya Kikwete (katikati walioketi) akiwa kwenye picha ya pamoja na viongozi waandamizi wa benki ya NBC pamoja na wateja wa benki hiyo jijini Dar es Salaam wakati wa hafla ya futari iliyoandaliwa na benki hiyo kwa ajili ya wateja wake jijini humo . Hafla hiyo ilifanyika jana jijini humo na kuhudhuriwa na wageni mbalimbali wakiwemo viongozi wa serikali, viongozi wa dini, viongozi wa vyama vya siasa, wateja, mawakala pamoja na wafanyakazi wa benki hiyo.

Baadhi ya wageni waalikwa wakipata chakula kwenye hafla hiyo.

Hafla hiyo iliambatana na Dua maalum kutoka kwa viongozi wa dini.

Na Mwandishi Wetu-Dar es Salaam

Rais Mstaafu wa Awamu ya Nne Dkt. Jakaya Kikwete amepongeza kasi ya ukuaji wa benki ya Taifa ya Biashara (NBC) huku akiihamasisha benki hiyo iendelee kutoa mikopo zaidi ili kuchochea ongezeko la uwekezaji na ukuaji wa uchumi wa nchi kupitia sekta mbalimbali ikiwemo biashara na kilimo.

Akizungumza kwenye hafla fupi ya futari iliyoandaliwa na benki ya NBC kwa ajili ya wateja wake jijini Dar es Salaam mwishoni mwa wiki, Dkt Kikwete pamoja na kuipongeza benki hiyo kuwa karibu na wateja wake, alionyesha kuridhishwa na uimara wa taasisi za fedha nchini kwasasa huku akitolea mfano benki hiyo ya NBC inayomiliki mali (Assets) zenye thamani ya TZS 1.52 trilioni na amana (Deposits) zenye thamani ya TZS 1.96 trilioni.

“Mnapoandaa matukio kama haya mnaongeza imani kwa wateja wenu kwa kuwa mnathibitisha namna mlivyo nao pamoja. Hata hivyo nafarijika pia kuona mnaendelea kufanya vizuri kiutendaji kwa maana idadi ya matawi yenu inaongezeka sambamba na idadi ya mawakala wenu ambao kwasasa wamefika 9,430 nchini nzima. Mmeendelea kubuni huduma zinazowagusa wananchi wa makundi yote wakiwemo wafanyabiashara na wakulima hongereni sana,’’ alisema.

Kwa mujibu wa Dkt Kikwete uimara wa taasisi za fedha nchini kwasasa utasaidia zaidi ukuaji wa uchumi kwa kuwa wawekezaji kwenye sekta ya biashara na kilimo wanategemea zaidi taasisi hizo ili kufanikisha uendeshaji wa miradi yao.

“Hakuna uchumi bila uwekezaji kama ambavyo pia hakuna uwekezaji bila mikopo ya uhakika kutoka taasisi za kifedha. Nawasihi sana benki ya NBC na taasisi nyingine za kifedha muendelee kuwa karibu na wawekezaji kwa faida ya ukuaji wenu kama wakopeshaji, pia na kwa faida ya wawekezaji wenyewe, jamii pamoja na serikali kwa ujumla,’’ alisisitiza.

Awali akizungumzia hafla hiyo Mkurugenzi Mtendaji wa Benki ya NBC Bw Theobald Sabi, alisema ni muendelezo wa utaratibu wa benki hiyo kwa miaka 9 sasa ikilenga kujumuika na wateja wake kama hatua ya kuonyesha mshikamano na umoja katika kipindi cha mwezi mtukufu wa Ramadhani.

Alisema benki hiyo inaheshimu sana Mwezi Mtukufu wa Ramadhani kutokana na ukweli kwamba, ni kipindi ambacho mwanadamu anajiweka karibu na Muumba wake kupitia mfungo na kufanya maombi.

“Huu ni mwezi ambao pia unatukumbusha kufanya kilicho chema mbele za Mungu wetu. Kwa kuwa NBC siku zote tupo karibu imani za wateja wetu tumeamua kuandaa futari hii ili kujumuika na wenzetu kufanikisha hilo.” Alisema Sabi.

Zaidi alibainisha kuwa benki hiyo ina huduma maalum inayojikita katika kutoa huduma kwa wateja wake wa imani ya Kiislam, yaani Islamic Banking inayopatikana kwenye matawi yote ya benki hiyo ikiendeshwa katika misingi ya dini hiyo ikiwa na huduma mbalimbali ikiwemo akaunti ya La Riba.

Akizungumza kwa niaba ya Mkuu wa Mkoa wa Dar es Salaam Bw Amosi Makalla, Mkuu wa Wilaya ya Ilala Bw Edward Mpogolo aliipongeza benki hiyo kwa mchango wake katika kuinua uchumi wa mkoa huo kwa kuwa karibu zaidi na wadau mbalimbali wakiwemo wafanyabiashara pamoja na program zake mbalimbali za uwajibikaji kwa jamii (CSR).

“Kama mkoa tunafurahishwa zaidi kuona kwamba taasisi za fedha zinaheshimu imani za kidini za wateja wao sambamba na kuwa karibu zaidi na viongozi wa dini. Matunda na hatua hii ni pamoja na amani ambayo ndio msingi wa ustawi wa biashara na uchumi,’’ alisema Mpogolo.

Hafla hiyo ya futari ilihudhuriwa na wageni mbalimbali wakiwemo viongozi wa serikali, viongozi wa dini, viongozi wa vyama vya siasa, wateja, mawakala pamoja na wafanyakazi wa benki hiyo.

Read More →

KARIBU PEACEFUL K HOTEL SHINYANGA MJINI....HUDUMA BORA KABISA!

Karibu Peaceful K Hotel kwa huduma bora za Chakula & Vinywaji, Malazi,Ukumbi wa mikutano, vikao, sherehe n.k. Pia WiFi Bure!

Peaceful K Hotel ipo Mjini Shinyanga - Ndembezi ya Balina karibu na soko la Milunda

Wasiliana nasi 0699389570 au 0756730303

Read More →

MWENYEKITI AUAWA BAADA YA KUNASWA NA MKE WA MTU MADAI WAKIELEKEA GESTI KUPAKUA ASALI

 

Na Daniel Limbe,Chato

WAKATI waumini wa dini ya kikristo duniani kote wakiendelea kusherehekea Sikukuu ya Pasaka,  wilayani Chato mkoa wa Geita kumetokea mauaji ya Mwenyekiti wa kitongoji cha Mwabazengi, kata ya Muungano,Robert Msodock, baada ya kukutwa akiwa na mke wa mtu.

Imedaiwa kuwa chanzo Marehemu kuuawa ni wivu wa mapenzi, baada ya John Mbonge kumfumania akiwa na mke wake jana kwa kile kilichoelezwa kuwa walikuwa wakielekea nyumba ya kulala wageni kwenye kijiji cha Itale Branchi (Kahumo).

Habari zinasema kuwa marehemu amekuwa akifanya uzinifu na mke wa mtu tangu mwaka 2018 na kwamba kabla ya umauti huo tayari alikuwa ameshafumaniwa mara mbili.

Imedaiwa kuwa pamoja na fumanizi hizo,alikuwa akilipa faini ya fedha ikiwa ni adhabu ya kushiriki tendo la ndoa na mke wa mtu.

Katibu wa ulinzi wa Jadi, (Sungusungu) kijiji cha Itale Stoo, Enos Joseph,anakiri kuwa marehemu amekuwa akifumaniwa mara kwa mara na kwamba fumanizi lililosababisha kifo chake ni la awamu ya tatu.

"Ni kweli marehemu ameshafumaniwa mara mbili na hili tukio ni la tatu, baada ya kupewa taarifa za kuwa amefumaniwa jana, mimi na viongozi wenzangu wa sungusungu tulikwenda eneo la tukio kwaajili ya kumkamata, tulipofika pale tulimkuta amelala chini akiwa hai lakini hali yake ilikuwa mbaya sana,nilimuuliza kama ananijua akajibu ndiyo wewe ni Eno.

"Baada ya kunitaja jina nilimuuliza imekuwaje? akaniambia kutongoza wake za watu ndiyo imenifanya kuwa hivi, nikamuuliza tena simu yako iko wapi akasema John ndiyo kaichukua baada ya kunikatakata na mapanga, baada ya maneno hayo hakuongea tena tukamchukua na kumkimbiza hospitali ya wilaya ya Chato kwa matibabu"amesema Joseph.

Amesema wakiwa hospitalini hapo muuguzi aliyewapokea alimpima mgonjwa wao kisha kuwajulisha kuwa ameshafariki dunia baadae akapelekwa kwenye chumba cha kuhifadhia maiti.

Mwenyekiti wa kijiji cha Itale Stoo, Njingo Lubinza, amethibitisha kuwepo kwa tukio hilo huku akidai limetokea akiwa safarini.

Kamanda wa polisi mkoa wa Geita, ACP Safia Jongoamekiri kuwepo kwa tukio la mwenyekiti huyo kujeruhiwa sehemu mbalimbali za mwili wake baada ya kukutwa akiwa amesimama na mke wa mtu, huku akidai hajapewa taarifa za kifo cha majeruhi huyo.

"Nilipewa taarifa za mwenyekiti huyo kujeruhiwa vibaya upande wa paja la kulia,mkono na kichwani kutokana na wivu wa mapenzi na kwamba hali yake ilikuwa mbaya, taarifa za kuwa ameshafariki hizo nilikuwa bado sijatumiwa", amesema Jongo.

 Hata hivyo amesema kuwa mtuhumiwa wa mauaji hayo alikimbia baada ya kutenda kosa hilo na kwamba jeshi la polisi linaendelea kumtafuta.

CHANZO - DIMAONLINE

Read More →

RAIS SAMIA APONGEZWA KUCHUKUA HATUA RIPOTI YA CAG

Na Mwandishi Wetu

RAIS Samia Suluhu Hassan amemwagiwa sifa na wananchi na viongozi mbalimbali ndani na nje ya nchi kwa kuchukua hatua za haraka na madhubuti kushughulikia uzembe na ubadhirifu wa pesa za umma uliobainishwa kwenye ripoti ya Mdhibiti na Mkaguzi Mkuu wa Hesabu za Serikali (CAG).

Katika taarifa iliyotolewa na Ikulu Jumapili, Rais Samia alivunja Bodi ya Wakurugenzi ya Shirika la Reli la Tanzania (TRC) na kutengua uteuzi wa Mtendaji Mkuu wa Wakala wa Ndege za Serikali (TGFA), Mhandishi John Nzulule.

Aidha, Rais Samia amemuagiza Katibu Mkuu Kiongozi kuwaelekeza Makatibu Wakuu wote wa wizara pamoja na Watendaji Wakuu wa taasisi za serikali kusoma ripoti zote za CAG za mwaka wa fedha 2021/22 zilizotolewa hadharani Aprili 6 mwaka huu, kujibu na kuzifanyia kazi hoja zote zilizoibuliwa.

"Watendaji wote watakaobainika kuhusika na uzembe au ubadhirifu wachukuliwe hatua za kisheria," imeeleza sehemu ya taarifa ya Ikulu.

Hatua hizo za Rais Samia zimeibua shangwe za wananchi nchini Tanzania na hata kuwagusa wananchi wa nchi za jirani za Kenya na Uganda ambao wametoa maoni yao kupitia mitandao ya kijamii.

"Natamani huyu Mama (Rais Samia) angekuwa Rais wetu, Kenya tungekuwa sawa sana," alisema raia wa Kenya, Jibril Ndiema, kupitia Twitter.

Wananchi kadhaa wa Uganda na Kenya walitoa maoni yao kupitia mitandao ya kijamii wameweka bayana shauku yao ya kuwa na Rais kama Samia ambaye anachukua hatua za hadharaka na madhubuti dhidi ya tuhuma za ufisadi serikalini.

"Ikulu ya Kenya tunawaomba tafadhali mchukue hatua kama hizi za (Rais Samia) kwa Shirika la Ndege la Kenya," alisema Donald Omoro, raia wa Kenya, kupitia akaunti yake ya Twitter ya @DonaldKOmoro1.

Naye Farhiya Abass, mfanyabiashara anayeishi Mombassa, Kenya, alisema kupitia akaunti yake ya Twitter @farhiyaabass kuwa:"Mama Suluhu hana mchezo kabisa."

John Luke Tambiti, Mkurugenzi Mtendaji, wa taasisi isiyo ya kiserikali ya INUA Initiative Uganda, naye alitoa sifa kwa Rais Samia kuonesha uongozi mahiri kwa kuchukua hatua dhidi ya watumishi wa umma waliohusika na uzembe na ubadhirifu kwenye ripoti ya CAG.

"Kwa Uganda, kwetu hii ni ndoto tu (kupata Rais anayechukua hatua dhidi ya ufisadi). Huku kwetu wezi ndiyo kwanza wanazawadiwa nafasi kubwa zaidi," alisema kupitia akaunti yake ya Twitter ya @LukeTambiti.

Hapa nyumbani, wananchi wa sehemu mbalimbali nchini nao wameonesha hisia zao za kuvutiwa na hatua za Rais Samia kuagiza ripoti ya CAG ifanyiwe kazi kikamilifu na makatibu wakuu na watendaji wengine wa serikali.

"Kwa kweli Rais Samia amejibu kilio chetu wananchi cha kutaka kuona hatua kali zinachukuliwa dhidi ya watumishi wa umma wachache wanaofuja pesa za umma. Tungependa tuone wabadhirifu wote wanafukuzwa kazi na wafikishwe mbele ya vyombo vya sheria kujibu tuhuma dhidi yao," alisema Francis Mwenegoha, mwanafunzi wa chuo anayeishi Morogoro.

Naye Shomari Msabaha, fundi ujenzi wa Dar es Salaam, amemtaka Rais Samia kutorudi nyuma katika mapambano dhidi ya ufisadi.

"Sisi wananchi wa Dar es Salaam tunaunga mkono juhudi za Rais Samia kupambana na ufisadi na tunamtaka asonge mbele, tuko naye bega kwa bega kwenye vita hii," alisema.

Asha Bakari, Mama Lishe wa mkoa wa Mwanza, alimuomba Rais Samia awadhibiti maafisa wa Manispaa na Halmashauri za miji na wilaya ambao wanafanya ubadhirifu kwenye pesa za kuwakopesha vikundi vya kina mama.

"Serikali kila mwaka inatoa pesa kwa ajili ya kutukopesha sisi kina mama wa hali ya chini kupitia vikundi vyetu, lakini pesa hizi zimekuwa zinaliwa na maafisa wa umma wasio waaminifu na hazifiki kwetu. Tunamuomba Rais Samia akomeshe huu ubadhirifu," aliongeza.

Read More →

ABIRIA AFARIKI AKISUBIRI NDEGE UWANJANI

Polisi wanachunguza kifo cha abiria mmoja ambaye mwili wake ulipatikana eneo la kusubiri ndege katika uwanja wa kimataifa wa Jomo Kenyatta jijini Nairobi nchini Kenya.

Kwa mujibu wa polisi, mwanaume huyo mwenye umri wa miaka 43 alikuwa akielea Mombasa usiku wa Jumamosi - Aprili 8,2023 na alikuwa amemaliza taratibu zote yarau kuabiri lakini akakosa kuelekea kwa ndege inavyohitajika. 

Wahudumu wa shirika la ndege la Jambojet waliita jina lake mara kadhaa wakimuomba kuabiri lakini hilo halikufua dafu, maafisa hao wamesema. 

Mwanaume huyo alikuwa ameketi kwenye moja ya viti katika eneo la kusubiri na aliaga dunia akiwa ameshika begi lake mkononi, kwa mujibu wa ripoti ya polisi.

Baada ya kubainika kuwa alikuwa hasongi katika kiti hicho, wahudumu wa afya wa ndege hiyo waliitwa kumhudumia na kubaini kuwa alikuwa ameaga dunia. 

Polisi wangali kubaini chanzo cha kifo hicho lakini walitaariu familia ya mwendazake huku uchunguzi ukiendelea.

 Mwili wake ulipelekwa katika hifadhi ya maiti unakotarajiwa kufanyiwa upasuaji na kupiga jeki uchunguzi wa polisi.

Via Tuko News

Read More →

HAYA HAPA MAGAZETI YA LEO JUMATATU APRILI 10, 2023

Read More →

RAIS SAMIA AVUNJA BODI YA SHIRIKA LA RELI TANZANIA 'TRC', AMLA KICHWA MTENDAJI MKUU WA WAKALA WA NDEGE ZA SERIKALI

Read More →

CAG AFICHUA SERIKALI YA MAGUFULI ILIVYOLISABABISHIA TAIFA HASARA YA SH 1.7 TRILIONI MRADI WA SGR

👉Ripoti mpya ya CAG iliyotolewa Aprili 6, 2023, yasema Serikali ya Awamu ya 5 ilivunja sheria ya nchi kwenye utoaji wa kandarasi ya reli

 👉Ilikubali masharti mabovu ya Benki ya StanChart kuwapa kandarasi Waturuki kwa gharama ya juu bila tenda ya wazi ya ushindani

Na Waandishi Wetu

SERIKALI ya Awamu ya Tano ya Rais John Magufuli iliingizia taifa hasara ya Dola za Marekani milioni 742.4 (zaidi ya Shilingi trilioni 1.7) kwenye ujenzi wa reli ya kisasa ya SGR baada ya kukubali masharti mabovu ya mkopo wa benki ya Standard Chartered.

Ripoti Kuu ya Ukaguzi wa Miradi ya Maendeleo 2021/22 iliyotolewa juzi na Ofisi ya Mkaguzi Mkuu wa Hesabu za Serikali (CAG) ilisema kuwa hasara hiyo kwa taifa ilitokana na Serikali ya Magufuli kukubali masharti ya ajabu ya mkopo wa kibiashara wa Dola za Marekani Bilioni 1.46 kutoka kwa Benki ya Standard Chartered Tanzania kwa ajili ya ujenzi wa SGR uliotolewa mwaka 2020.

Moja ya masharti ya mkopo huo ni kuwa Serikali ivunje Sheria ya Manunuzi ya Umma kwa kutoa kandarasi mbili za ujenzi wa reli ya SGR kwa kampuni ya Kituruki ya Yapi Merkezi Insaat VE Sanayi As bila zabuni ya wazi ya kushindanisha kampuni nyingine.

Serikali ya Magufuli ilikubali masharti hayo ya ajabu kwa kutoa kandarasi kwa Waturuki kinyume na sheria za nchi.

CAG alibaini kuwa gharama za ujenzi wa kipande cha reli ya Makutupora-Tabora (Lot 3) iliongezeka kwa Dola za Marekani milioni 1.3 (zaidi ya Shilingi Bilioni 3) kwa kila kilomita wakati gharama ya ujenzi wa kipande cha reli ya Tabora-Isaka (Lot 4) iliongezeka kwa Dola milioni 1.6 (Shilingi Bilioni 3.74) kwa kila kilomita.

"Shirika la Reli Tanzania (TRC) halikutumia njia ya ununuzi ya ushindani katika ujenzi wa reli ya kisasa kwa kipande cha tatu na cha nne na kusababisha kuongezeka kwa Dola za Kimarekani milioni 1.3 na milioni 1.6 kwa kilomita mtawalia ikilinganishwa na mikataba ya awali,," alisema CAG.

Reli ya Makutupora-Tabora yenye urefu wa kilomita 368 inajengwa kwa gharama ya Dola za Marekani Bilioni 1.9, wakati kipande cha Tabora-Isaka chenye urefu wa kilomita 165, kinajengwa kwa gharama za Dola za Marekani milioni 900.

Maana yake ni kuwa taifa limeingia jumla ya hasara ya Dola za Marekani 742.4 (zaidi ya Shilingi trilioni 1.7) kwenye vipande hivyo viwili vya reli.

"Mapitio yangu ya njia za ununuzi zilizotumika katika ununuzi wa mkandarasi wa reli ya kisasa (SGR) kipande cha 3 na 4 yalibainisha kuwa Benki ya Standard Chartered ambako Serikali ilipata mkopo iliweka masharti kwamba ingekubali jukumu la kuwa Mratibu wa 

Kimataifa, na Wakala Kiongozi Aliye na Mamlaka kupanga ufadhili na mkopo kwa Wizara ya Fedha na Mipango (MoFP) tu kwa masharti kwamba kampuni ya Yapi Markezi iteuliwe kama Mkandarasi," alisema CAG kwenye ripoti hiyo.

"Wizara 

ya Fedha na Mipango (MOFP) ilikubali mkopo huo kwa masharti yasiyofaa kutoka Benki ya Standard Chartered kupitia barua yenye kumbukumbu namba PST/GEN/2021/01/55."

Wakati barua hiyo inaandikwa, Doto James ndiye aliyekua Katibu Mkuu wa Hazina (PST) kwenye Wizara ya Fedha na Mipango.

CAG amebaini zaidi kuwa TRC iliamua kuchagua njia ya kutoa zabuni kwa njia 

mzabuni mmoja licha ya ushauri uliotolewa na Mamlaka ya Udhibiti wa Ununuzi wa Umma (PPRA) na Bodi ya Zabuni, ambayo iliishia kuigharimu serikali fedha zaidi, ambayo ingeweza kuepukwa.

"Ni maoni yangu kwamba, hakuna mfadhili anayeweza kuitaka Serikali ya Tanzania kumpa mkataba mkandarasi pasipo kuwa na uwazi, ushindani, usawa na haki kwa wakandarasi wote wenye sifa na wanaostahili katika mchakato wa ununuzi," alisema CAG.

Ripoti ya CAG ilibaini kuwa baada ya Serikali ya Magufuli kukubali masharti yasiyofaa ya kuwapa kandarasi ya Lot 3 na Lot 4 kwa Yapi Merkezi bila tenda ya wazi ya ushindani, Waturuki hao wakaongeza gharama ya ujenzi kuliko kawaida na kuliingizia taifa hasara kubwa.

Wakati vipande vingine vya reli ya SGR ya Tanzania vinajengwa kwa gharama ya kati ya Dola za Marekani milioni 3.9 na Dola la Marekani milioni 4.6 kwa kila kilomita, kipande cha Lot 3 walichopewa Waturuki bila ya tenda ya wazi wanakijenga kwa gharama ya juu ya Dola milioni 5.2 kwa kila kilomita.

Vile vile, kipande cha Lot 4 walichopewa Waturuki hao hao bila ya tenda ya wazi (single source) wanakijenga kwa gharama kubwa mno ya Dola Marekani milioni 5.5 kwa kila kilomita.

"Kulingana na tofauti hiyo, hapakuwa na faida ya kiuchumi kwa TRC kwa kutoa kandarasi kupitia njia ya chanzo kimoja kwa M/S Yapi Merkezi. Hii ni kwa sababu gharama awali za miradi mingine zilikuwa chini ikilinganishwa na mkataba aliopewa mkandarasi wa kipande cha 3 na 4," alisema CAG.

"Zaidi ya hayo, niligundua kuwa mawanda ya kazi kwa kipande cha 3 na 4 ya mradi ulikuwa mdogo na ulikuwa na miundombinu michache kuliko ile ya kipande cha 1, 2, na 5, na miundo mikuu zaidi."

CAG amependekeza kuwa menejimenti ya TRC iweke kipaumbele katika matumizi ya mbinu shindani ya ununuzi katika shughuli za manunuzi za siku zijazo ili kuepuka upotevu wa fedha za walipa 

kodi.

Read More →

TANZANIA IS SAFE FOR TOURISTS

Read More →