Saturday, 4 April 2020
Download App Yetu Kwenye Simu Yako Ili Uweze Kupata Habari Zetu Kwa Haraka Zaidi
Pata kurasa za mbele Magazetini, habari za kitaifa, matukio yote ya kisiasa, burudani na udaku kupitia simu yako ya mkononi.
Huhitaji tena kuwa na Computer. Ingia Play Store, pakua App yetu tukuhabarishe masaa 24.
Ni rahisi tu << BOFYA HAPA KUPAKUA APP YETU>>
Friday, 3 April 2020
Profesa Anne Tibaijuka Aaga Bunge Kwamba Hatagombea Tena
Aidha Profesa Tibaijuka akizungumzia suala la Virusi vya Corona, ameiomba Serikali kuangalia njia mbadala ikiwemo kutumia tiba za asili ili kuweza kukabiliana na ugonjwa huo kwa sababu hao wazungu wanaotuletea tiba zao sasa, hapo kabla walitukuta na tiba zetu za asili.
"Sisi lazima tuwe na mpango mbadala ambao unajikita kwenye jamii yetu, inabidi tuseme tiba zetu mbadala ziko wapi, hakuna jamii itakayokaa kusubiri kifo lazima itajihami, tayari nimemuandikia barua Dkt Ndugulile ya kwamba lazima tuangalie Plan B, nashukuru sana wananchi wa Muleba kwa kunipa nafasi kwa miaka 10 nimejifunza mengi, naenda kuandika kitabu" amesema Profesa Tibaijuka.
DC Katambi Ampa Siku 3 Masanja Mkandamizaji Kuripoti Ofisini Kwake Jijini Dodoma Baada Ya Kufanya Mzaha Juu Ya Corona
Mkuu wa Wilaya Dodoma Mjini Mhe.Patrobas Katambi amempa siku 3 Mwigizaji wa vichekesho Emanuel Mgaya[Masanja Mkandamizaji ]kuripoti Ofisi ya Mkuu wa Wilaya Dodoma baada ya kuleta Mzaha juu ya suala la Corona.
Akizungumza jijini Dodoma mbele ya Mkuu wa Mkoa wa Dodoma,Mkuu huyo wa wilaya mhe.Patrobas Katambi amesema Mwigizaji huyo, Emmanuel Mgaya [Masanja Mkandamizaji ]ambaye pia anafanya vipindi kupitia Shirika la Utangazaji Ujerumani [DW]akiwa Jijini Dodoma amefanya Mzaha juu ya ugonjwa wa Corona hivyo anatakiwa kuripoti ofisini kwa mkuu wa wilaya Dodoma kujibu tuhuma kwanini analeta mzaha .
“Mhe.Mkuu wa Mkoa kuna jambo muhimu nimeliona ,ninakumbuka kwenye mkoa wako huu,pia Wilaya ya Dodoma viongozi wametuagiza tusifanye mzaha juu ya Ugonjwa huu wa Corona lakini cha kushangaza kuna mwigizaji pia anafanya kazi na shirika la Utangazaji Ujeruman [DW]anaitwa Masanja Mkandamizaji amefanya mzaha juu ya ugonjwa huu akiwa Dodoma akithibitisha kuwa watu wa Dodoma hawajui maana ya ugonjwa huo akitumia neon la kiingereza [COVID-19]kwa hiyo tunamwomba mtu huyu kufIkia Jumatatu afike hapa Dodoma atuambie malengo yake yalikuwa ni nini hasa “amesema Katambi.
Hivi Karibuni Emmanuel Mgaya[Masanja Mkandamizaji] akiwa makao makao makuu ya nchi ya nchi wakati akifanya mahojiano na baadhi ya wananchi wakati akifanya kipindi chake kutoka DW aliwahoji wakazi wa Dodoma kuwa wanataka kuletewa COVID -19 ngapi ambapo bila ya kujua maana ya COVID 19 baadhi ya wananchi walisema wanahitaji waletewe COVID 19 elfu tano[5,000].
Ikumbukwe kuwa COVID -19 ni ufupisho wa maneno ya Kiingereza “Corona Viruse Disease ambapo virusi hivyo viligunduliwa mwaka 2019 .
Serikali Yaongeza Tija NIC Kwa Kukomesha Ubadhirifu
Naibu Waziri wa Fedha na Mipango Dkt. Ashatu Kijaji, amesema hakuna ubadhirifu unaoendelea katika Shirika la Bima la Taifa (NIC) baada ya Serikali kuchukua hatua kadhaa ikiwemo kubadili uongozi wa Shirika hilo pamoja na kuimarisha mifumo yake ya ukusanyaji mapato.
Hayo yameelezwa Bungeni Jijini Dodoma na Dkt. Kijaji, wakati akijibu swali la msingi la Mbunge wa Ubungo. Mhe. Saed Kubenea, aliyetaka kujua ukweli kuhusu kuendelea kwa ubadhirifu katika Shirika la NIC na mpango wa Serikali wa kulisaidia shirika hilo kukabiliana na ushindani wa kibiashara.
Alisema kuwa hivi sasa Shirika hilo linatumia Mfumo wa Ukusanyaji Mapato ya Serikali (GePG) hatua iliyoimarisha mapato yake pamoja na kuanza kutumia mifumo ya Teknolojia ya Habari na Mawasiliano (TEHAMA) kufanya malipo yake yote badala ya kutumia Hundi.
Dkt. Kijaji alisema kuwa Shirika la NIC lilianza kutumia Mfumo wa Makusanyo ya Mapato ya Serikali kuanzia Novemba, 2019 na kuondoa ukusanyaji wa mapato kwa fedha taslimu pamoja na kuongeza udhibiti katika ulipaji wa madai ikiwemo kufanya ukaguzi maalum wa madai yote ya bima za maisha ili kujiridhisha kuhusu uhalali wake.
Alisema Matumizi ya Hundi (cheque) yamesitishwa kuanzia Desemba, 2019 katika malipo yake yote na kuanza kutumia mfumo wa malipo wa kielektroniki, ili kuongeza udhibiti wa uwezekano wa matumizi ya hundi za kughushi.
Dkt. Kijaji alisema pamoja na kufanya mabadiliko ya Uongozi wa Shirika hilo, pia imelipatia Shirika hilo wataalam katika nyanja za mifumo ya TEHAMA na mifumo ya utunzaji wa kumbukumbu (e-Office) ili kuongeza ufanisi wa kiutendaji
Alisema kuwa Serikali imechukua hatua ya kuliimarisha Shirika la NIC kitaalam kwa kuliondoa shirika hilo kutoka kwenye mashirika yaliyotakiwa kubinafsishwa na kuliwezesha kushiriki katika biashara ya bima kwa ushindani.
Katika kuongeza udhibiti wa matumizi ya fedha za Shirika, ufungaji wa Mfumo wa Usimamizi wa Shughuli za Kihasibu na Malipo katika Taasisi za Umma (MUSE) uko katika hatua za mwisho na kwamba mfumo huo utakapokamilika utaongeza udhibiti katika malipo yote yanayofanyika.
Alingeza kuwa Serikali inaendelea kupitia upya Mpango Mkakati wa NIC ili uendane na mahitaji halisi ya biashara ya ushindani, kuongeza uwekezaji katika mifumo ya TEHAMA ili kuwafikia wateja wengi zaidi, kuongeza ubora wa huduma na kulipa madai, kutoa gawio kubwa kwa Serikali na kushiriki katika shughuli za maendeleo ya Taifa.
Mwisho.
MBARAWA AMTUMBUA AFISA KITENGO CHA MANUNUZI TANGA UWASA
Mkurugenzi Mamlaka ya Maji Safi na Usafi wa Mazingira Jijini Tanga (Tanga Uwasa) Mhandisi Geofrey Hilly wakati akitoka kutembelea miradi wa maji eneo la Horohoro
WAZIRI wa Maji,Profesa Makame Mbarawa amemuondoa kwenye nafasi yake aliyekuwa Mkuu wa Kitengo cha Menejimenti ya Manunuzi wa Mamlaka ya Maji safi na Usafi wa Mazingira jijini Tanga(Tanga UWASA)Jamal Ngereja kwa kushindwa kufanya taratibu za manunuzi ya mabomba na vifaa katika miradi saba ya maji katika wilaya nne mkoani Tanga inayotekelezwa na Mamlaka hiyo.
Pia Profesa Mbarawa amefanya maamuzi hayo katika Mamlaka za Maji Safi na Usafi wa Mazingira za Moshi,Babati na Arusha nakuahidi kuendelea kufanya mabadiliko katika mamlaka nyingine za maji za Morogoro,Mwanza,
Tabora,Shinyanga na Kahama.
Profesa Mbarawa amefikia uamuzi huo baada ya Wizara ya Maji kutoa fedha takribani Sh.Milioni 700 katika miradi saba ya maji katika wilaya za Pangani,Mkinga,Muheza na Handeni kwa ajili ya ununuzi wa mabomba tangu mwezi Novemba mwaka jana lakini hakuna chochote kilichofanyika.
Pamoja na kufanya maamuzi hayo lakini pia aliwaonya wahasibu katika mamlaka za maji nchini nao wajiandae iwapo tu watafanya uzembe katika matumizi ya fedha za miradi ya maji .“Haiwezekani tumetoa fedha za utekelezaji wa miradi ya maji katika mikoa ya Mbeya,Iringa na Tanga kiasi hicho hicho cha fedha lakini wenzenu wamefikia asilimia 70 ya utekelezaji lakini Tanga hakuna kilichofanyika,”alisema.
Aliongeza, “ kutokana na hilo nakuambia kabisa wewe(Afisa Manunuzi) nakuondoa hapa na hili nitafanya pia kwenye mamlaka za Maji Safi na Usafi wa Mazingira za Morogoro,Mwanza,Kahama,Shinyanga na Tabora kama nilivyofanya Babati,Moshi na Arusha,”alisema.
Aidha, kwa upande wa miradi ya maji ambayo haiendi vizuri haswa ya mabwawa,Profesa Mbarawa aliahidi kuhakikisha anapeleka wataalamu kutoka wizarani kuchunguza miradi hiyo kila kitu ilikujua kama inakwenda na thamani ya fedha zilizotumika.
“Nitahakikisha kuwa ndani ya wiki kwenye miradi ya maji ambayo haiendi vizuri tunaleta wataalamu kuja kuchunguza kila item(kitu) kuanzia tofali,urefu wa kibanda,kina cha mabwawa kuona kama inakwenda na value for money (thamani ya fedha),kutokana tumegundua kuna watu kuanzia ngazi ya Halmashauri hadi Wizarani walihusika na hujuma za miradi ya maji kwa kupandisha gharama,”alisema.
Aliongeza, “Nataka nimiambie wakandarasi na watumishi wa Wizara ambao wamehusika na huo mchezo mchafu wajiandae safari hii hatuna mchezo”.
Katika hatua nyingine,Waziri Mbarawa amesema kuwa katika mwaka wa fedha 2020/21,Serikali kupitia Wizara ya Maji imetenga fedha kwa ajili ya kutoa maji katika chanzo cha mto Zigi hadi katika mjiwa Horohoro wilayani Mkinga wenye urefu wa kilometa 40.
Amesema kuwa,mradi huo utavinufaisha vijiji zaidi ya 30 vitakavyopitiwa na mradi huo na kuahidi pia kuleta wataalamu wa Wakala wa Uchimbaji Visima na Ujenzi(DDCA) kuja kuchunguza na kufanya tathminikatika bwawa la maji la Horohoro.
WARATIBU WA TARURA WA MIKOA WATAKIWA KUFANYA UKAGUZI WA MARA KWA MARA KATIKA MADARAJA NA BARABARA
Mtendaji Mkuu wa Wakala wa Barabara za Vijijini na Mijini (TARURA), Mhandisi Victor Seff akiwa kwenye kikao kazi na Waratibu wa TARURA wa Mikoa, kwenye kikao kilichofanyika katika ukumbi wa Mikutano wa TARURA Makao Makuu- Mtumba jijini Dodoma hivi karibuni.
Na Erick Mwanakulya
Mtendaji Mkuu wa Wakala wa Barabara za Vijijini na Mijini (TARURA), Mhandisi Victor Seff amewataka Waratibu wote wa TARURA nchini kufanya ukaguzi wa mara kwa mara katika barabara na madaraja ili kubaini maeneo yanayohitaji ukarabati na kuyafanyia kazi kabla ya kuleta madhara.
Mhandisi Seff ameyasema hayo, alipokutana na Waratibu wa TARURA wa Mikoa jijini Dodoma katika ukumbi wa Mikutano wa Ofisi za TARURA Makao Makuu zilizopo Mtumba, ikiwa ni sehemu ya kikao kazi kilicholenga kutoa maelekezo na miongozo mbalimbali ya ufanyaji kazi ili kuwapatia wananchi huduma ya usafiri na usafirishaji.
Aidha, Mtendaji Mkuu amesisitiza kuwa, ukaguzi wa mara kwa mara wa miundombinu unasaidia kupunguza gharama kwani uharibifu au uchakavu wa miundombinu ukibainika mapema ukarabati wake unaweza kufanyika katika hatua za awali kwa gharama nafuu na kwamba miundombinu inapoharibika moja kwa moja gharama inakuwa kubwa sana pale inapobidi kujengwa upya.
Pia, Mhandisi Seff amesisitiza juu ya uwekwaji wa alama za barabarani hasa katika maeneo maalumu kama madaraja na maeneo yaliyoharibika ili watumiaji wa barabara watambue vizuri maeneo hayo wakati wa kupita.
‘‘Natoa maelekezo juu ya uwekwaji wa alama za barabarani kwamba, hakikisheni mnaweka alama za kudumu maana sitamsikiliza yeyote atakayekuja na sababu kuwa kibao kimeibiwa wakati angeweza kuweka kibao cha kudumu hata kwa kutumia zege maana bila kuwa na alama hizo inaweza kuwa chanzo cha ajali”, amesisitiza Mhandisi Seff.
Ili kurahisisha usimamizi wa kazi kwa mikoa yote kiongozi huyo ameeleza kuwa, anaendelea kutoa magari kwa Waratibu wote wa TARURA na kisha atatoa magari kwa Mameneja wa TARURA wa Halmashauri ili kuhakikisha wanasimamia kazi na wananchi wanasafiri kwa urahisi.
Wakala wa Barabara za Vijijini na Mijini (TARURA) unaendelea kutekeleza majukumu yake katika Mji wa Serikali Mtumba baada ya kukamilisha ujenzi wa ofisi yake na kuhamia rasmi.
KUANZIA MEI 1 MARUFUKU KULA NYAMA YA PAKA NA MBWA
Shenzhen umekuwa mji wa kwanza wa Uchina kupiga marufuku ulaji wa kitoweo cha nyama za mbwa na paka.Hii inakuja baada ya mlipuko wa virusi vya corona kuhusishwa na ulaji wa wanyamapori, jambo lililowafanya maafisa wa Uchina kupiga marufuku biashara na ulaji wa wanyama hao.
Shenzhen ilichukua hatua zaidi, kwa kuweka marufuku ya ulaji wa mbwa na paka. Sheria hiyo itaanza kutekelezwa kuanzia tarehe 1 Mei,2020.
Mbwa milioni thelathini huuawa kote katika bara la Asia kwa ajili ya nyama, linasema shirika la kutetea haki za wanyama, Humane Society International (HSI).
Hata hivyo, ulaji wa nyama ya mbwa nchini Uchina si wa kawaida sana-wengi wa Wachina hawajawahi kufanya hivyo na wanasema hawataki kufanya hivyo.
"Mbwa na paka kama wanyama wa nyumbani wameweza kuwa na uhusiano wa karibuu sana na binadamu kuliko wanyama wengine wote, na kupiga marufuku ulaji wa nyama za mbwa na paka na wanyama wengine wa nyumbani ni jambo la kawida katika mataifa yaliyoendelea na kama miji ya Hong Kong na Taiwan," ilisema serikali ya jiji la Shenzhen kwa mujibu wa taarifa ya shirika la habari la Reuters.
"Marufuku hii pia inaitika mahitaji na moyo wa kistaarabu wa ubinadamu.''
Shirika HSI limepongeza hatua hiyo.
"Haya kusema ukweli ni mafanikio makubwa katika juhudi za kumaliza ukatili huu ambao unakadiriwa kuwauwa mbwa milioni 10 na paka milioni 4 nchini Uchina kila mwaka," alisema Dkt. Peter Li, mtaalamu wa sera katika kampuni ya Uchina ya HSI.
Hata hivyo wakati huo huo wakati hukumu hii inatolewa, Uchina imeidhinisha matumizi ya nyongo ya dubu katika kuwatibu wagonjwa wa coronavirus.
Nyongo ya dubu - ambayo ni kimiminika kinachosaidia kusaga chakula huchukuliwa kutoka kwa dubu ambao ni hai - imekua ikitumika kwa muda mrefu nchini Uchina kama dawa ya kienyeji.
Nyongo hiyo ambayo ina tindikali ya ursodeoxycholic , hutumiwa kuyeyusha mawe yanayojitengeneza katika kibofu cha mkojo na kutibu ugonjwa wa maini . Lakini hakuna uthibitisho kuwa ina ufanisi dhidi coronavirus na mchakato wa kuitoa huwasababishia machungu sana wanyama hao.
Brian Daly, msemaji wa wakfu wa Animals Asia Foundation, aliliambia shirika la habari la AFP kuwa: "Hatupaswi kuwa tunategemea bidhaa za wanyama kama nyongo ya dubu kama suluhu ya kukabiliana na virusi vinavyoua ambavyo vinaonekana kuwa asili yake ni wanyamapori."
Soko la wanyamapori
Picha ya maktaba ya soko la nyama Uchina.
Picha ya maktaba ya soko la nyama Uchina.Mwezi Februari, mamlaka za Uchina zilipiga marufuku biashara na ulaji wa wanyama wa pori.
Hatua hiyo ilichukulia baada ya kubainika kuwa soko la Wuhan linalouza wanyama wa porini na nyama za wanyamapori huenda kilikua ndio kitovu cha mlipuko wa virusi vipya vya corona, na kutoa njia ya virusi kusafiri kutoka kwa wanyama hadi kwa binadamu.
Taarifa hizi ziliifanya serikali ya Uchina kufunga biashara hizo na masoko yanayouza bidhaa za aina hiyo.
Kwa sasa kunakaribu wagonjwa milioni moja walioothibitishwa kuwa na virusi vya corona kote duniani, na zaidi ya vifo 47,000, kwa mujibu wa hesabu za Chuo kikuu cha Johns Hopkins cha Marekani.
Nchini Uchina pekee, kuna wagonjwa 81,589 na vifo 3,318.
Wanasayansi na watafiti bado hawajaweza kutambua chanzo hasa cha mlipuko huo wa virusi na kwa namna gani viliwafikia wanadamu.
Chanzo - BBC
UPDATES: Mgonjwa Mwingine Wa Corona Apona Nchini Tanzania
"Mungu ni mwema. Na leo pia hatuna case mpya za COVID19. Mgonjwa wa Kagera (Ngara) amepona. Sasa jumla ya waliopona ni 3. Mgonjwa aliebaki wa Arusha vipimo vyake siku ya 9 leo ni Negative. Tutampima siku ya 14 ili kujiridhisha kama amepona. Wengine 15 waliobaki wanaendelea vzr"-UMMY MWALIMY
Mungu ni mwema. Na leo pia hatuna case mpya za COVID19. Mgonjwa wa Kagera (Ngara) amepona. Sasa jumla ya waliopona ni 3. Mgonjwa aliebaki wa Arusha vipimo vyake siku ya 9 leo ni Negative. Tutampima siku ya 14 ili kujiridhisha kama amepona. Wengine 15 waliobaki wanaendelea vzr pic.twitter.com/DcZVFTKrt1— Ummy Mwalimu, MP (@umwalimu) April 3, 2020
RAIS PUTIN WA URUSI AAAMURU WATU WA NCHI HIYO KUTOKWENDA KAZINI NA KUBAKI MAJUMBANI KUKABILIANA NA CORONA
Rais wa Urusi Vladimir Putin ameamuru raia wa nchi hiyo kutokwenda kazini na kusalia nyumbani hadi mwishoni mwa mwezi Aprili kama sehemu ya juhudi za kuzuia kusambaa kwa virusi hatari vya corona.
Akilihutubia taifa kwa njia ya televisheni, Putin amesema anarefusha sera ya kutofanya kazi kwa muda wa wiki tatu zaidi na wafanyakazi wote wanapaswa kulipwa mishahara ndani ya kipindi hicho.
Putin amesema baadhi ya viwanda vinavyozalisha bidhaa muhimu vitaendelea kufanya kazi na maduka ya vyakula na dawa yanaruhusiwa kufunguliwa.
Kiongozi huyo ameongeza kuwa mkakati wa Urusi wa kudhibiti kusambaa kwa virusi vya corona umefanikiwa lakini ameonya kuwa idadi ya watu walio na maambukizi ya virusi hivyo itaendelea kuongezeka.
Hadi kufikia Alhamisi Urusi imerikodi visa 3,548 vya wagonjwa wa COVID-19 pamoja na vifo vya watu 30
Watu 1,169 Wafariki Kwa Corona Nchini Marekani Ndani Ya Masaa 24.....Maambukizi Duniani Sasa Yafika Milioni 1
Wakati huo huo Marekani inaendelea kuripoti visa vingi vya maambukizi ya virusi vya Corona, ambapo vifo vya watu 1,169 vimeripotiwa ndani ya masaa 24.
Uchumi umeangamizwa na janga hilo, kama inavyoonyesha takwimu nyingine ambayo inatisha: katika wiki moja, Wamarekani milioni 6.6 wamepoteza kazi. Nusu ya watu duniani wamekwama kutokana na hatua ya kukaa nyumbani ambayo kwa baadhi ya nchi imekuwa kali.
Idadi ya visa vya maambukizi vilivyothibitishwa ulimwenguni inazidi milioni moja leo Ijumaa, huku watu 52,000 wamefariki dunia kwa ugonjwa wa Covid-19, kulingana na takwimu zilizotolewa na shirika la habari la AFP.
Ulaya ndio bara lililoathiriwa zaidi, lakini Marekani inaelekea kuwa kitovu kipya cha janga hilo, ikiripoti robo ya visa vya maambukizi. Idadi hii labda ni ndogo, kwa sababu ya ukosefu wa uchunguzi wa kutosha.
Nchini Marekani, idadi ya vifo katika masaa 24 imeiweka nchi hiyo kuwa na rekodi kubwa zaidi: vifo 1,169, kulingana na ripoti ya Chuo Kikuu cha Marekani cha Johns Hopkins.
-RFI
-RFI
Serikali Yatakiwa Kutowaonea Aibu Wanaoleta Mzaha Juu Ya Ugonjwa Wa Corona
VIONGOZI wa Dini Mkoani Tabora wameiomba Serikali kutowaone aibu wale wote wanaoleta mzaha na wanaotafuta umaarufu kupitia janga la ugonjwa wa homa kali ya mapafu unaoeneza na kirusi kipya aina ya Corona Covid-19.
Kauli hiyo imetolewa wakati wa maombi na dua maalumu Viongozi wa Dini na Serikali ya Mkoa wa Tabora kwa ajili ya kuuweka Mkoa wa Tabora ,Taifa na Dunia nzima mikononi mwa Mungu ili awakinge na janga la ugonjwa wa Corona.
Mchungaji wa Kanisa la Agape Miracle Centre Elias Mbagata alisema bado kuna kuna mizaa inaendelea juu ya janga hili hivyo ameiomba serikali isiwaonee haya wanoendekeza hayo hata kama ni viongozi wakubwa wakiwemo wa Dini.
Alisema kinachotakiwa kufanywa kwa sasa ni kuwajengea matumaini wananchi badala ya kuwajaza hofu ambayo itawasababisha wachanganyikiwe.
Askofu wa wa Kanisa la Anglikana Dayosisi ya Tabora, Dk Elias Chakupewa alisema wameshachukua hatua mbalimbali za kuwaelimisha waumini wao kufuata taratibu zote zinazotakiwa ikiwemo maelekezo ya wataalamu na viongozi wa Serikali namna sahihi ya kujikinga na janga la Covid -19.
Askofu Mkuu wa Jimbo kuu la Tabora Mhashamu Paul Ruzoka aliwaomba waumini kuungana na serikali katika kupigana vita hii iliyo mbele yao kwa kuhakikisha wanatekeleza maelekezo yanayotolewa na viongozi pamoja na wataalam wa afya.
Alisema Kanisa hilo limesitisha kwa muda baadhi ya taratibu za uendesha wa Ibada ikiwa ni seehemu ya mikakati ya kuungana na Serikali katika mapambano dhidi ya Covid -19.
Kwa upande wa Sheikh Mkuu wa Mkoa wa Tabora Ibrahim Mavumbi aliwashauri viongozi wa Dini kuendelea kushirikiana na serikali na kufuata maelekezo ya wataalamu katika kuhakikisha wananchi na waumini wao wanapata maelekezo sahihi kwa ajili ya kudhibiti ugonjwa huo hatari.
Askofu wa Kanisa la Morovian Tanzania Magharibi Ezekiel Yona alisema wao kwa kutambua ukubwa wa tatizo wametoa jingo katika Hospitali yao ya Sikonge kwa ajili ya kutoa huduma kwa wagonjwa wa Covid -19 kama kwa bahati mbaya wataonekana.
Askofu wa Kanisa la Kiinjili la Kilutheri (KKKT) Dayosisi ya Magharibi Kati, Askofu Isaac Laizer alimpongeza Rais Dokta John Pombe Magufuli kwa kwa kuthubutu kuitangazia dunia kwamba janga la ugonjwa wa Corona litamalizika kwa wananchi watakapokubali kumuomba Mungu.
Alisema wao wanaungana na Serikali kwa kusimamisha baadhi ya huduma ikiwemo ya mafunzo kwa watoto wadogo (Sunday school) na kualika wataalamu kutoa elimu ya kujikinga na Corona.
Viongozi hao wamadhehebu ya dini wamesema kwamba pamoja na serikali kuchukua taadhali inabidi wananchi kumlilia Mungu ili awasamehe dhambi na kuwaepusha na janga hilo.
Kwa upande wa Mkuu wa Mkoa wa Tabora Aggrey Mwanri aliwashukuru viongozi hao wa kiroho kwa ushirikiano wanaotoa kwa Serikali na kuwaomba wasaidie kufikisha elimu kwa waumini wao ili isaidie kuuepusha Mkoa huo na janga la Covid 19.
Waratibu Wa Tarura Wa Mikoa Watakiwa Kufanya Ukaguzi Wa Mara Kwa Mara Katika Madaraja Na Barabara
Mtendaji Mkuu wa Wakala wa Barabara za Vijijini na Mijini (TARURA), Mhandisi Victor Seff amewataka Waratibu wote wa TARURA nchini kufanya ukaguzi wa mara kwa mara katika barabara na madaraja ili kubaini maeneo yanayohitaji ukarabati na kuyafanyia kazi kabla ya kuleta madhara.
Mhandisi Seff ameyasema hayo, alipokutana na Waratibu wa TARURA wa Mikoa jijini Dodoma katika ukumbi wa Mikutano wa Ofisi za TARURA Makao Makuu zilizopo Mtumba, ikiwa ni sehemu ya kikao kazi kilicholenga kutoa maelekezo na miongozo mbalimbali ya ufanyaji kazi ili kuwapatia wananchi huduma ya usafiri na usafirishaji.
Aidha, Mtendaji Mkuu amesisitiza kuwa, ukaguzi wa mara kwa mara wa miundombinu unasaidia kupunguza gharama kwani uharibifu au uchakavu wa miundombinu ukibainika mapema ukarabati wake unaweza kufanyika katika hatua za awali kwa gharama nafuu na kwamba miundombinu inapoharibika moja kwa moja gharama inakuwa kubwa sana pale inapobidi kujengwa upya.
Pia, Mhandisi Seff amesisitiza juu ya uwekwaji wa alama za barabarani hasa katika maeneo maalumu kama madaraja na maeneo yaliyoharibika ili watumiaji wa barabara watambue vizuri maeneo hayo wakati wa kupita.
‘‘Natoa maelekezo juu ya uwekwaji wa alama za barabarani kwamba, hakikisheni mnaweka alama za kudumu maana sitamsikiliza yeyote atakayekuja na sababu kuwa kibao kimeibiwa wakati angeweza kuweka kibao cha kudumu hata kwa kutumia zege maana bila kuwa na alama hizo inaweza kuwa chanzo cha ajali”, amesisitiza Mhandisi Seff.
Ili kurahisisha usimamizi wa kazi kwa mikoa yote kiongozi huyo ameeleza kuwa, anaendelea kutoa magari kwa Waratibu wote wa TARURA na kisha atatoa magari kwa Mameneja wa TARURA wa Halmashauri ili kuhakikisha wanasimamia kazi na wananchi wanasafiri kwa urahisi.
Wakala wa Barabara za Vijijini na Mijini (TARURA) unaendelea kutekeleza majukumu yake katika Mji wa Serikali Mtumba baada ya kukamilisha ujenzi wa ofisi yake na kuhamia rasmi.
Mwisho.
WABUNGE WAITAKA SERIKALI KUWEKA KIPAUMBELE ZAIDI KATIKA KUTOA ELIMU YA CORONA KWA WALEMAVU
Na.Faustine Gimu Galafoni,Dodoma.
Wabunge Wameendelea kutoa michango ya Maoni yao kuhusu hotuba ya mapitio na Mwelekeo wa kazi za Serikali na makadirio ya mapato na matumizi za Ofisi ya Waziri Mkuu na ofisi ya Bunge kwa mwaka 2020/2021 iliyowasilishwa hapo April 1,2020 na Waziri Mkuu Kassim Majaliwa huku wakiitaka serikaka kuweka kipaumbele zaidi katika kutoa elimu ya kujikinga na Corona kwa makundi ya watu wenye ulemavu wakiwemo wasioona.
Wakichangia maoni mbalimbali bungeni jijini Dodoma akiwemo Mbunge wa viti Maalum ,Amina Mollel amesema katika mapambano dhidi ya Virusi vinavyosababisha na homa kali ya mapafu ,Corona[COVID-19]elimu inahitajika kwa kina zaidi kwa watu wenye ulemavu hususan vipofu.
“Watu wasiokuwa na ulemavu elimu ni rahisi kutolewa ,mfano kumwonesha namna ya kunawa mikono,kwa kutumia sanitizer ,Kwa hawa wenzetu wenye ulemavu wanapata changamoto kubwa sana hivyo ninaomba serikali iweke kipaumbele zaidi katika kutoa elimu kwa watu wenye ulemavu ,mfano mlemavu wa macho [kipofu]haoni chochote kinachoendelea bila elimu kwa kina ni changamoto kwake”amesema.
Kwa upande wake mbunge wa Korogwe Mjini Mhe.Mary Chatanda ambaye pia ni Kamishna wa Huduma za Bunge amesema maelekezo yanahitajika zaidi kwa wananchi juu ya tahadhari ya Corona huku mbunge wa viti maalum Mhe.Hadija Nasiri Ali anayewakilisha kundi la vijana Bungeni akitoa ushauri kwa serikali kupunguza masharti kwa taasisi za kifedha ili vijana wengi zaidi waweze kujiajiri.
Mbunge wa Njombe Mjini Mhe.Edward Franz Mwalongo amesema serikali inatakiwa kuwaandaa zaidi wananchi kuhusiana hali ya corona ilivyo duniani na hali ikiendelea kuwa mbaya watu wajifungie ndani.
Kuhusu idara inayohusika na ujuzi Mhe.Mwalongo ameomba idara hiyo ipanue zaidi katika maeneo ya vijijini kwenye sekta za kilimo na ufugaji kwani imekuwa ikijikita katika sehemu za mjini pekee.
Bunge linatarajia kuhitimisha kujadili hoja ya hotuba ya mapitio na Mwelekeo wa kazi za Serikali na makadirio ya mapato na matumizi za Ofisi ya Waziri Mkuu na ofisi ya Bunge kwa mwaka 2020/2021 kuanzia wiki ijayo ambapo Ofisi ya Waziri mkuu na taasisi zilizo chini yake imeliomba Bunge kuidhinisha Jumla ya Tsh.Bilioni 312,Milioni 802,laki 5 na 20 elfu[312,802,520,000].
TAKUKURU MANYARA YAMFIKISHA MAHAKAMANI MTENDAJI WA KIJIJI KWA KUOMBA RUSHWA SH. 50,000
Na John Walter- BABATI
Taasisi ya kuzuia na kupambana na rushwa (Takukuru) mkoa wa Manyara imemfikisha mahakamani afisa mtendaji wa Kijiji cha Gichameda John Bura kwa kosa la kuomba na kupokea rushwa ya shilingi elfu hamsini (50,000).
Mwendesha mashtaka wa Takukuru Eveline Onditi alisema shauri hilo namba 94 limetajwa kwa mara ya kwanza mbele ya Hakimu mfawidhi wa mahakama ya mkoa wa Manyara Jumaa Mwambago.
Onditi alisema kuwa Machi 31,2020 katika stendi ya Matufa afisa mtendaji wa Gichameda akiwa mwajiriwa wa Halmashauri ya wilaya ya Babati alimuomba rushwa ya shilingi 50,000 Husein Darabu ili aweze kumpatia utambulisho wa kwenda kupata dhamana ya mdogo wake ambaye alikuwa kituo kidogo cha polisi Magugu.
Onditi ameeleza kuwa mshtakiwa huyo anadaiwa kugoma kumuandikia barua ya utambulisho Husein Darabu ambaye alikuwa anaenda kumdhamini mdogo wake aliyekuwa anashikiliwa na polisi kituoni hapo.
Amesema Darabu baada ya kuombwa rushwa alifika ofisi za Takukuru na kutoa taarifa ndipo mtuhumiwa aliwekewa mtego na kukamatwa.
Ameyataja makosa ya mtuhumiwa kuwa ni kuomba na kupokea rushwa kinyume na matakwa ya mwajiri wake na kosa jingine ni kuomba na kupokea rushwa.
Onditi amesema mshtakiwa alifanya kosa hilo kinyume cha sheria ya kuzuia na kupambana na rushwa ya mwaka 2007 kifungu cha 15.
Aidha mshtakiwa alisomewa mashtaka Aprili 2, 2020 na amekana makosa yote na amepewa sharti la dhamana kuwa ni lazima awe na mdhamini na kutoa shilingi laki tano (500,000) ambayo ameitoa yote na kuachiwa huru.
Hata Hivyo shauri hilo limeahirishwa mpaka litakapotajwa tena Aprili 30,2020 kwa ajili ya kusikilizwa.
WATUMISHI MADINI WAPATA ELIMU YA CORONA
 |
| Mtaalamu wa afya Dkt. Shamza Said akitoa elimu ya ugonjwa wa corona kwa watumishi wa Wizara ya Madini ili kuwapa uelewa wa ugonjwa huo na namna ya kujikinga |
Asteria Muhozya na Nuru Mwasampeta - Dodoma
Watumishi wa Wizara ya Madini wakiongozwa na Mkurugenzi wa Utawala na Rasilimali Watu, Issa Nchasi leo Aprili 2, wametembelewa na wataalamu wa afya kwa lengo la kutoa elimu juu ya ugonjwa wa corona unaosababishwa na virusi vya covid-19 na namna ya kujikinga na ugonjwa huo.
Wataalamu hao ni pamoja na Dkt. Shamza Said ambaye ni miongoni mwa wataalamu wa afya wanaojishughulisha na magonjwa yanayoambukiza kwa kasi aliyeambatana na Toyi Veronica mtaalamu wa mazingira katika masuala ya afya.
Akizungumzia virusi vinavyosababisha ugonjwa huo Dkt. Shamza alisema virusi vya covid-19 ni virusi vipya kuwepo duniani vya aina hiyo vinavyotoka kwa wanyama na kusababisha madhara kwa binadamu.
Amesema virusi hivi pindi vinapoingia mwilini mwa binadamu vinasababisha madhara mbalimbali ikiwa ni pamoja na kushambulia mfumo wa upumuaji, figo, ini na madhara mengine na kuwasihi watumishi na jamii pindi wanapohisi kuwa na dalili za ugonjwa huo, kuhakikisha wanawahi katika vituo vya afya ili kupatiwa huduma stahiki kabla ya ugonjwa kusababisha madhara makubwa mwilini.
Amesema, unapowahi kupata huduma za kitabibu kuna uwezekano mkubwa wa kupona tofauti na mtu anayekwenda kutibiwa awapo katika hali mbaya.
Aidha, Dkt Shamza amewashauri watumishi kupunguza mikusanyiko isiyokuwa ya lazima, kunawa kwa sabuni na vitakasa mikono kila wakati, kuacha kukusanyika katika masherehe, matumizi ya vifaa vya vyakula yasiwe shirikishi, kuzingatia uvaaji sahihi wa mask pamoja na kuwa wawazi wanapojihisi kuwa na maambukizi ya ugonjwa ili kuepusha kuambukiza watu wengine.
Kwa kuhitimisha, Dkt. Shamza amewataka watumishi kutoa elimu ya corona kwa watu wengine katika familia ndugu jamaa na marafiki ili elimu hii iwafikie wengi na waweze kujikinga na hivyo kupunguza maambukizi nchini. “Unapopata elimu, elimisha na wengine” amisisitiza Dkt. Shamza.
Kwa kuhitimisha, Dkt. Shamza amewataka watumishi kutoa elimu ya corona kwa watu wengine katika familia ndugu jamaa na marafiki ili elimu hii iwafikie wengi na waweze kujikinga na hivyo kupunguza maambukizi nchini. “Unapopata elimu, elimisha na wengine” alisisitiza.
Kwa upande wake, Mtaalamu wa mazingira katika masula ya Afya, Koyi Veronika ameushauri uongozi wa wizara kupunguza vikao kazi vya ana kwa ana na badala yake uongozi kwa kushirikiana na wataalamu wa TEHAMA kuratibu mfumo wa kutumia mtandao katika vikao vyao ili kuepusha maambukizo miongoni watumishi.
Kwa kuhitimisha, Dkt. Shamza amewataka watumishi kutoa elimu ya corona kwa watu wengine katika familia ndugu jamaa na marafiki ili elimu hii iwafikie wengi na waweze kujikinga na hivyo kupunguza maambukizi nchini. “Unapopata elimu, elimisha na wengine” alisisitiza.
Kwa upande wake Mkurugenzi wa Rasilimali watu na Utawala, Issa Nchasi amewashukuru Wizara ya Afya kwa mpango mzuri walioanzisha wa kupita na kutoa elimu kwa watumishi na kuahidi kuyasimamia yote waliyoelekeza ili kupambambana na gojwa hatarishi la corona.
Baada ya kutoa elimu hiyo zilipo ofisi zaWizara Makao Makuu, wataalamu hao wameelekea zilipo ofisi za Taasisi ya Jiolojia na Utafiti na Ofisi ndogo za Wizara ya Madini, Chuo cha Madini na kumalizia mafunzo hayo ofisi za Tume ya Madini.
