11 WAKAMATWA KWA KUWATAPELI WATU KWA KUTUMIA AKAUNTI FEKI ZA FACEBOOK ZA JOKATE MWEGELO, WEMA SEPETU, WOLPER, KAJALA MASANJA

Jeshi la Polisi Mkoa wa Mbeya limeendelea kukabiliana na vitendo vya uhalifu na ajali za barabarani ili kuhakikisha kuwa wageni na wakazi wa Mkoa huu wanaendelea kuwa salama na mali zao.

Aidha Jeshi la Polisi Mkoa wa Mbeya linaendelea kushirikiana na wananchi na wadau wengine wa usalama hali inayopelekea kupata mafanikio makubwa ikiwa ni pamoja na kupungua kwa matukio makubwa ya uhalifu pamoja na ajali za barabarani.

KUKAMATWA KWA WATUHUMIWA WA WIZI KWA NJIA YA MTANDAO KWA KUTUMIA AKAUNTI BATILI ZA MITANDAO YA KIJAMII [FACEBOOK].

Jeshi la Polisi Mkoani Mbeya linawashikilia watuhumiwa kumi na moja [11] ;

1. ALFRED EDIVAI KIGUNGA [22] mkazi wa mtaa wa ZZK – Mbalizi 

2.GEORGE MATHIAS BEMBEJA [24] mkazi wa mtaa wa Kanama – Mbalizi 

3.ELIUD EMIL MAHENGE [24] Fundi rangi, Mkazi wa mtaa wa Kanama – Mbalizi

4. PHILIPO EMANUEL YAWALANGA [22] mkazi wa mtaa wa Ndola – Mbalizi,

5. GASTO GOODLUCK SANGA [21] mkazi wa mtaa wa Tunduma Road – Mbalizi

6. JOHN MICHAEL [21] Mkazi wa ZZK – Mbalizi 

7.EMMANUEL EDWINE @ KALELO [28] mkazi wa Tunduma Road 

8. DAUDI EXAVERY SANGA [23] mkazi wa ZZK Mbalizi 

9. JUNIOR ALLY KAWANGA [21] mkazi wa Songea mkoani Ruvuma 

10. KASTO NEBAT TWEVE [22] mkazi wa Chapakazi Mbalizi na 

11. ALPHA KAYOKA [23] mkazi wa Tarafani Mbalizi 

kwa tuhuma za wizi kwa njia ya mtandao kwa kutumia akaunti batili.

Watuhumiwa walikamatwa kati ya tarehe 21.02.2020 na 22.02.2020 baada ya Jeshi la Polisi Mkoani hapa kufanya msako mkali katika maeneo ya Mji mdogo wa Mbalizi na Jijini Mbeya na kufanikiwa kuwakamata watuhumiwa kumi na moja [11] wanajihusisha na wizi kwa njia ya mtandao kwa kutumia akaunti batili za mtandao wa Facebook zenye baadhi ya majina ya viongozi wa Serikali na wasanii maarufu wa hapa nchini.

Mbinu wanayoitumia wahalifu hao ni kufungua akaunti za “facebook” zenye majina ya baadhi ya viongozi wa serikali na wasanii maarufu na kuuaminisha umma kwa kuweka picha za viongozi na wasanii hao na taarifa zingine kwenye akaunti hizo kisha kuzitumia akaunti hizo kutangaza 

1. Utoaji wa mikopo nafuu

 2. Nafasi za kazi/ajira na 

3. Fursa ya kuendeleza vijana wenye vipaji vya usanii na kuwataka wananchi ambao wapo tayari kutumia fursa hizo kutuma fedha kati ya shilingi elfu ishirini hadi thelathini ikiwa ni bima kwa wanaohitaji mikopo nafuu au gharama ya fomu kwa wanaohitaji ajira. Pia wahalifu hao huweka namba za simu kwa ajili ya wananchi kutuma fedha hizo.

Aidha namba hizo wahalifu huzinunua kwa mawakala wa kusajili laini wasiowaaminifu ambao hutumia namba za NIDA za wateja kusajili laini bila wateja hao kujua na laini hizo kuwauzia wahalifu kati ya Tshs.elfu moja mpaka elfu tano.

Watuhumiwa wamehojiwa na kukiri kufungua akaunti mbalimbali batili za “facebook” za Mh. JOKETI MWEGELO – Mkuu wa Wilaya ya Kisarawe mkoani Pwani na akaunti kumi na tatu [13] za wasanii maarufu ambao ni WEMA SEPETU, AUNT EZEKIEL, JACQUELINE WOLPER na KAJALA MASANJA.

Aidha kati ya watuhumiwa kumi na moja [11] wawili ni Mawakala wa kusajili laini kwa kutumia vitambulisho vya NIDA ambao wamekiri kuuza laini hizo kwa wahalifu ambazo wamezisajili kinyume na utaratibu kwa kutumia namba za NIDA za wateja bila wateja hao kufahamu.

WITO WA KAMANDA.

Mosi, natoa wito kwa mwananchi yeyote ambaye amewahi kutuma fedha kwa wahalifu kupitia akaunti hizo batili kufika Makao Makuu ya Polisi Kitengo cha Upelelezi wa Makosa kwa njia ya mtandao [Cyber Investigation], Kituo chochote cha Polisi kilicho karibu yake, Ofisi ya Kamanda wa Polisi Mkoa wa Mbeya kwa ajili ya kutoa taarifa hizo.

Pili, natoa wito kwa wananchi kuwa makini wanapokwenda kusajili laini zao, wasiruhusu namba za vitambulisho vyao vya NIDA kutumika kusajilia laini za watu wengine.

Aidha namna ya kuangalia namba za simu zilizosajiliwa kwa namba za NIDA kama ilivyotolewa na Mamlaka ya Mawasiliano Tanzania [TCRA] ni *106# itakupa maelekezo ambayo utachagua option namba mbili [02] ambayo itakupa maelekezo uingize namba ya kitambulisho chako cha NIDA, badae itakupa orodha ya namba za simu zilizosajiliwa kwa kutumia namba ya kitambulisho hicho.

Tatu, natoa wito kwa wananchi kuwa makini na taarifa zinazotolewa kwenye mitandao mbalimbali ya kijamii ambazo zinaelezea fursa mbalimbali, masomo, biashara na mikopo ambazo zinawataka kutuma kiasi kadhaa cha fedha ikiwa ni moja ya masharti ya kupata fursa hizo, ni vyema kujiridhisha kwenda mamlaka za serikali zilizo karibu kwa ajili ya kujiridhisha kabla ya kufikia hatua ya kutuma fedha.

Nne, nawataka vijana kujenga utamaduni wa kufanya kazi ili kujipatia kipato halali badala ya kujiingiza kwenye vitendo vya kihalifu ambavyo vitawasababishia kupata adhabu kali kwa mujibu wa sheria.

KUKAMATWA KWA WATUHUMIWA WA WIZI WA PIKIPIKI.

Jeshi la polisi mkoani mbeya linawashikiliae watuhumiwa wanne [04] 

1.MASIKITIKO PATSON @ MBUZI [34] Mkazi wa Mtakuja 

2. HURUMA MWASILE [36] 

3. AMANI MSWIMA [21] Mkazi wa Mlima reli na 

4. EZEKIA SINKALA [26] Mkazi wa Mtakuja kwa tuhuma za kuhusika kwenye matukio ya unyang’anyi, uporaji wa Pikipiki katika maeneo mbalimbali ya mkoa wa Mbeya.

Watuhumiwa wamekamatwa mnamo tarehe 12/02/2020 baada ya Jeshi la Polisi Mkoani hapa kufanyika msako maalum maeneo mbalimbali ya Mbalizi na kufanikiwa kuwakamata watuhumiwa hao. 

Watuhumiwa wote wamehojiwa na kukiri kutenda matukio mbalimbali kama ifuatavyo:-

1. Mnamo tarehe 20/12/2019 majira ya usiku huko Mtakuja mtu aitwaye ZACHARIA JACKSON [30] dereva bodaboda aliuawa kwa kuchomwa na kitu chenye ncha kali kisha kunyang’anywa pikipiki yake aina ya T- BETTER yenye namba za usajili MC 149 CFJ.

2. Mnamo tarehe 10/02/2020 huko MtakujaUtengule Usongwe mtu aitwaye SHUKURU JUMA [26] aliuawa kisha kunyang’anywa pikipiki yake aina King lion.

3. Mnamo tarehe 29/01/2020 huko ZZK Mbalizi majira ya usiku mtu aitwaye SADOCK NIMROD [21] dereva bodaboda alivamiwa na kisha kukatwa na kitu chenye ncha kali shingoni kisha kunyang’anywa Pikipiki.

Upelelezi wa mashauri haya unaendelea na mara baada ya kukamilika watuhumiwa watafikishwa mahakamani.

KUPATIKANA NA MALI ZA WIZI.

Jeshi la Polisi Mkoani Mbeya linawashikilia watuhumiwa watatu [03]

1. YOHANA MWAIFONGO [33] Mkazi wa Inyala

2. LEONARD SONGOLO [22] Mkazi wa Iyunga na

3. EMMANUEL HAMZA [21] Mkazi wa Iyunga Jijini Mbeya kwa tuhuma ya kupatikana na mali za wizi.

Tukio hilo limetokea mnamo tarehe 27.02.2020 majira ya saa 11:00 asubuhi baada ya Jeshi la Polisi mkoani hapa kufanya msako huko maeneo ya Inyala – Ikuti, Kata na Tarafa ya Iyunga, Jijini Mbeya na kufanikiwa kuwakamata watuhumiwa hao wakiwa na mali mbalimbali za wizi ambazo ni:-

1. Generator moja ndogo aina ya Tiger.

2. Computer moja aina ya HP

3. Deki moja aina ya Singsung.

4. Speaker ndogo za redio tano aina ya Sea Piano mbili, Aborder mbili na Sansan moja.

5. Sub-Woofer tatu aina ya Sea Piano, Rising na Aborder.

6. Earphone.

7. Printer aina ya Epson.

Watuhumiwa wamefikishwa mahakama ya Mwanzo Iyunga tarehe 27.02.2020 wakihusishwa na matukio mbalimbali CC.NO.70/2020 – Kupatikana na vifaa vya kuvunjia, CC.NO.68/2020 – Kuvunja ofisi usiku na kuiba, CC.NO.69/2020 – Kuvunja kibanda usiku na kuiba, CC.NO.72/2020 – Kuvunja Grocery usiku na kuiba,

CC.NO.106/2020 – Kuvunja nyumba usiku na kuiba.

KUPATIKANA NA MALI ZA WIZI.

Jeshi la Polisi mkoani Mbeya linawashikilia watuhumiwa watatu 

1. CREVA STANLEY [32], 

2. STANLEY GAMASO [23] na

3. OSWARD WESTON [25]

wote wakazi wa Tukuyu kwa tuhuma za kupatikana na mali za wizi.

Tukio hilo limetokea mnamo 01.03.2020 baada ya Jeshi la Polisi kufanya msako Wilaya ya Rungwe na katika upekuzi watuhumiwa walikutwa na mali mbalimbali ambavyo wameiba sehemu mbalimbali hapa mkoani Mbeya. 

Mali walizokutwa nazo watuhumiwa ni:-

1. TV flat screen mbili aina ya Singsung inchi 32 na Samsung inchi 32.

2. Radio moja aina ya Multi Clor VFD Display

3. Mtungi mdogo wa gesi aina ya MIHAN rangi ya njano.

4. Kapeti moja rangi nyekundu.

Watuhumiwa wamekiri kufanya uhalifu maeneo ya Iwambi, Uyole, Forest ya Zamani na Forest Mpya. Watuhumiwa watafikishwa mahakamani mara baada ya upelelezi wa shauri hili kukamilika.

Read More →

Print Specialist at Point Group Marketing Services

Print Specialist Location: Tanzania About Point  Point is the industry leader in the procurement, management and delivery of end-to-end marketing solutions across Africa and the Middle East. As a strategic marketing services partner, Point uses strategic partnerships and extensive regional and local expertise to deliver value to clients. Key deliverables include best-in-class innovation, significant savings and process efficiencies.… Read More »

The post Print Specialist at Point Group Marketing Services appeared first on Udahiliportal.com.

Read More →

Meya wa Manispaa ya Iringa, Alex Kimbe Atuhumiwa Kwa Matumizi Mabaya ya Ofisi....Apewa Siku 5 za Kujitetea

Meya wa Manispaa ya Iringa, Alex Kimbe amepewa siku tano kujibu tuhuma zinazomkabili ikiwamo matumizi mabaya ya madaraka.

Hatua hiyo imefika baada ya wajumbe 19 wa Baraza la Madiwani la manispaa hiyo, kusaini maombi wakitaka kifanyike kikao maalum cha kujadili kumng’oa madarakani.

Kulingana na barua iliyosainiwa Jumatatu, Machi 2, 2020 na Mkurugenzi wa Halmashauri ya Manispaa ya Iringa, Hamid Njove meya huyo anatakiwa kuwasilisha utetezi wake kwenye ofisi za mkurugenzi huyo ndani ya siku tano kuanzia jana.
 

Makosa manne anayotuhumiwa nayo Meya huyo  wa Manispaa ya Iringa, Alex Kimbe (CHADEMA):
1. Matumizi mabaya ya madaraka.
2. Matumizi mabaya ya rasilimali za halmashauri.
3. Mwenendo mbaya au ukosefu wa adabu.
4. Kushiriki katika vitendo vya rushwa . 

Read More →

Habari Zilizopo Katika Magazeti ya Leo Jumanne March 3

Read More →

TUMIA FULL POWER KUTIBU TATIZO LA UPUNGUFU WA NGUVU ZA KIUME... ZATI 50 MAUMBILE MADOGO

Sababu za upungufu wa nguvu za kiume na maumbile madogo ya uume:

⇒Ngiri,

⇒Henia

⇒Kisukari

⇒Tumbo kujaa gesi

⇒Kutopata choo vizuri

⇒Utumiaji madawa kwa muda mrefu

⇒Unywaji wa pombe kupita kiasi

⇒Msongo wa mawazo 

⇮⇒Haya yote hupelekea mwili kutokuzalisha homoni ya gesrtogine au kuwa chache na kushindwa kupata mzunguko mzuri wa damu na vichocheo vingine kama madini ya zinki ambayo hukufanya kuwa na msisimko  na kufanya kuwa na muda  mrefu na nguvu za kutosha.

FULL POWER

⇨Ni dawa ya vidonge ya miti shamba inaongeza nguvu za kiume na kutibu kabisa tatizo hilo.

⇨Inaongeza hamu ya tendo la ndoa

⇨Inakufanya uchelewe kufika kileleni zaidi ya Dakika 30 na kurudia tendo zaidi ya mara nne na zaidi.

Zati 50

⇨ Inarutubisha maumbile ya uume  na kunenepesha urefu nchi 6,unene sentimita 4

⇨Dawa hii ni ya kutibu kabisa tatizo hilo.

Pia tunatibu Magonjwa mengine Kama

Matatizo ya pumu,Bawasiri, vidonga vya tumbo,Kisukari,Magonjwa sugu ya zinaaa,Kaswende,U.T.I , kiuno,miguu kuwaka moto, Fangasi sehemu za Siri, kupunguza unene wa mwili,tumbo kuunguruma,kujaa gesi, matatizo ya uzazi kwa wanawake, kurutubisha mbegu za uzazi kwa akina baba, matatizo ya meno tunatibu bila kungoa

Kliniki yetu inapatikana Zanzibar, Dar es salaam na Shinyanga.

Wasiliana nasi kwa simu namba 071770 22 27

Read More →

Mbunge wa jimbo la Wawi Pemba Ahmed Juma Ngwali Ahamia CCM

Mbunge wa Wawi Mkoa wa Kusini Pemba (CUF), Ahmed Juma Ngwali (mwenye t-shirt nyekundu) amejivua uanachama wa chama hicho na kuhamia Chama cha Mapinduzi (CCM).

Ngwali ametangaza uamuzi huo leo Jumatatu Machi 2, 2020 mbele ya Katibu wa Itikadi na Uenezi wa CCM, Humphrey Polepole ambaye yupo Zanzibar katika ziara ya kukagua utekelezaji wa Ilani ya CCM Wilaya za kisiwani Pemba.

Mbunge huyo amesema anajiunga CCM kwa sababu chama hicho tawala kinapeleka maendeleo kwa wananchi.

Ngwali anaungana na wabunge wengine wanne wa CUF waliojiunga CCM ambao ni Maulid Mtulia (Kinondoni), Ahmed Katani (Tandahimba), Abdallah Mtolea (Temeke) na Zuberi Kuchauka (Liwale).

Read More →

Nchi Wanachama Wa SADC Kuimarisha Sera Na Kujenga Mikakati Ya Pamoja Ya Kukuza Ajira Kwa Vijana

Na; Mwandishi Wetu

Nchi Wanachama wa Jumuiya ya Maendeleo Kusini mwa Afrika (SADC) zimejizatiti kuimarisha Sera na kujenga mipango ya pamoja itakayowezesha kukuza ajira kwa vijana katika Ukanda huo.

Akifungua Mkutano wa Makatibu Wakuu, Maafisa Waandamizi na Wadau wa Utatu wa Jumuiya hiyo wanaosimamia Sekta ya Kazi na Ajira hii leo Machi 2, 2020 Katibu Mkuu, Ofisi ya Waziri Mkuu anayeshughulikia Kazi, Vijana, Ajira na Wenye Ulemavu Bw. Andrew Massawe alisema kuwa Mkutano huo umewakutanisha Wataalamu wa sekta ya Kazi na Ajira kwa lengo la kuandaa nyaraka mbalimbali zitakazo jadiliwa katika Mkutano wa Mawaziri ambao utafunguliwa rasmi na Makamu wa Rais wa Jamhuri ya Muungano wa Tanzania Mhe. Samia Suluhu Hassan tarehe 5 hadi 6 Machi, 2020 katika Kituo cha Mikutano cha Kimataifa cha Julius Nyerere.

Alieleza kuwa ajenda zitakazo jadiliwa ni pamoja na masuala ya kisera kuhusu ukuzaji wa ajira kwa vijana, pia masuala yanayohusisha uhamaji wa nguvu kazi ndani ya jumuiya ya SADC ambapo itasaidia pia kutoa fursa ya kukuza ajira kwa nguvukazi ya nchi wanachama.

“Itambulike kuwa uimarishwaji wa sera katika sekta ya kazi na ajira utasaidia kwa kasi kikubwa kuwa chachu ya maendeleo ya nchi wanachama wa Jumuiya ya maendeleo kusini mwa afrika endapo itasimamiwa vizuri,” Alisema Massawe

Aliongeza kuwa kauli mbiu ya Mkutano huo isemayo “Kukuza Soko la Ajira na Mahusiano Mema Sehemu za Kazi kwa Maendeleo Endelevu” inaelezea umuhimu wa sekta ya kazi na ajira katika kuongeza tija ya ukuaji wa soko la ajira kwa nchi wanachama.

Naye Naibu Katibu Mtendaji mwenye dhamana ya Utangamano wa Kikanda, Dkt. Thembinkosi Mhlongo alieleza kuwa mapendekezo yaliyotolewa katika mkutano uliofanyika mwezi Novemba 20, 2019 ulioshirikisha wataalamu na wadau wa utatu umechangia katika kujenga miongozo sahihi na sera zitakazo wawezesha nchi wanachama wa SADC kukuza sekta ya kazi na ajira.

Kwa Upande wake Mkurugenzi wa Ajira na Ukuzaji Ujuzi, Bw. Ally Msaki alisema kuwa Mkutano wa Mawaziri utakao funguliwa rasmi tarehe 5 Machi, 2020 utawawezesha Mawaziri wa Nchi wanachama wa SADC kujadili kwa pamoja ajenda mbalimbali zitakazokuwa zimepitiwa kwenye kikao cha wataalam kwa lengo la kuimarisha sekta ya kazi na ajira nchini na jumuiya hiyo kwa ujumla.

Hadi sasa Nchi Wanachama wa Jumuiya ya Maendeleo Kusini mwa Afrika (SADC) zilizoshiriki katika Mkutano huo ni Angola, Afrika Kusini, Botswana, Jamhuri ya Kidemokrasia ya Kongo, Msumbiji, Zambia, Zimbabwe, Malawi, Namibia, Eswatini, Lesotho, Jamhuri ya Shelisheli na Tanzania.

MWISHO

Read More →

Waisraeli wapiga kura tena Leo ... Hatma ya Waziri Mkuu Netanyahu kujulikana Usiku wa Manane

Wananchi wa Israeli wanapiga kura leo Jumatatu katika uchaguzi usio wa kawaida na wa tatu nchini humo katika kipindi cha mwaka mmoja. Uchaguzi huu ndio utaamua kujulikana hatma ya Waziri Mkuu wa Benjamin Netanyahu ambaye anakabiliwa na kesi ya mashitaka ya ufisadi.

Vituo vya kupigia kura vimefunguliwa saa moja asubuhi na vitafungwa saa nne kamili usiku. Matokeo rasmi yanatarajiwa usiku wa manane.

Benjamin Netanyahu anakabiliwa na ushindani mkali kwa mara nyingine kutoka kwa jenerali mstaafu wa jeshi Benny Gantz, ambaye chama chake cha Bluu na Nyeupe au Blue and White, kinapambana kwa nguvu sawa na cha Netanyahu Likud kikituma ujumbe kuwa waziri mkuu huyo wa muda mrefu wa Israel hastahili kuongoza kwa sababu ya mashitaka makubwa dhidi yake.

Israel imeweka vituo 15 kuruhusu upigaji kura wa mamia ya Waisrael walioamrishwa kubaki majumbani mwao baada ya kuwa katika kitisho cha kuambukizwa virusi vya corona.

Hata hivyo mwanasiasa mashuhuri Avigdor Lieberman ameahidi kuwa hakutakuwa na uchaguzi wa nne.

Lieberman hajatangaza anamuunga mkono mgombea yupi, ijapokuwa Netanyahu au Gantz hawatapata wingi wa viti bungeni bila msaada wake.

Netanyahu anatarajia kufikishwa mahakamani Machi 17 kwa mashitaka ya ufisadi, ulaghai na uvunjifu wa uaminifu kutokana na tuhuma kuwa alikubali zawadi za kifahari kutoka kwa marafiki wake mabilionea.

Read More →

Mkutano wa Baraza la Mawaziri wa SADC Kufanyika tarehe 16 - 17 Machi

Mkutano wa Baraza la Mawaziri wa Mambo ya Nje wa Nchi Wanachama wa Jumuiya ya Maendeleo Kusini mwa Afrika (SADC) unatarajiwa kufanyika hapa nchini kuanzia tarehe 11 hadi 17 Machi, 2020 katika Kituo cha Mikutano cha Kimataifa cha Julius Nyerere (JNICC) jijini Dar es Salaam.

 

Akiongea na waandishi wa habari jijini Dar es Salaam, Waziri wa Mambo ya Nje na Ushiriikiano wa Afrika Mashariki, Prof. Palamagamba John Kabudi (Mb) amesema kuwa mkutano huo utafanyika kuanzia tarehe 12 hadi 17 Machi 2020 ambapo utatanguliwa na mkutano wa wataalamu pamoja na Makatibu Wakuu na kufuatiwa na mkutano wa mawaziri tarehe 16 - 17 Machi, 2020. 

 

"Pamoja na mambo mengine, mkutano huu utahusisha Mawaziri wa Mambo ya Nje na Ushirikiano wa Kimataifa, Mawaziri wa Fedha, Uchumi na Mipango pamoja na Mawaziri wa Viwanda na Biashara," Amesema Prof. Kabudi

 

Waziri Kabudi amesema kuwa mkutano huo utahudhuriwa na Mawaziri 16 kutoka Nchi wanachama wa SADC za Angola, Namibia, Zambia, Zimbabwe, Comoro, Lesotho, Mauritius, Madagascar, Kongo DRC, Shelisheli, Msumbiji, Afrika Kusini, Tanzania, Malawi, Botswana pamoja na Eswatini)

 

Aidha, Kwa mujibu wa Mhe. Waziri Kabudi, Mkutano huo utakuwa mkutano wa kwanzawa SADC wa Baraza la Mawaziri kuendeshwa kwa lugha ya Kiswahili baada ya lugha hiyo kuwa miongoni mwa lugha rasmi za Jumuiya hiyo.

 

Prof. Kabudi aliongeza kuwa, mkutano huo utajadili masuala mbalimbali muhimu kwa mustakabali wa maendeleo na ustawi wa nchi wananchama wa SADC.

 

"Mktano huu utapokea taarifa na kutolea maelekezo taarifa za vikao mbalimbali vya kisekta vya kamati za mawaziri ambavyo vimefanyika nchini tangu Septemba 2019," Ameongeza Prof. Kabudi.

Read More →

Tumia Mwika Kujitibu Busha, Nguvu za Kiume

Mwika ni dawa  ya asili ya nguvu za kiume yenye kutibu matatizo kwa wakati mmoja ;

(1)Nguvu za kiume

(2) Kunenepesha Maumbile

(3)Kuchelewe kufika kileleni

Yajuwe matatizo yanayosababisha upungufu wa nguvu za kiume

(1) Ngiri ya kupanda na kushuka

2.Korondani moja kuvimba

3.Tumbo kuunguruma kujaa gesi

4.Kisukari

5.Presha

6.Kiuno kuuma

7.Kutopata choo vizuri 

Pia tunatibu kisukari siku (14) vidonda vya tumbo siku (30), Miguu kufa ngazi, kuwaka moto .

Pia tunayo dawa ya mvuto wa mpenzi hata yupo mbali amekuacha atarudi na kutimiza ahadi zote mvuto wa biashara.

Wasiliana nasi kwa namba 0747100745 (Whatsap/ Kupiga kawaida)

Read More →

Mweka Hazina wa Halmashauri ya wilaya ya Mkinga, Amchefua Waziri Mkuu...Aagiza Achunguzwe

WAZIRI MKUU Kassim Majaliwa amemuagiza Katibu Tawala wa Mkoa wa Tanga Bibi Judica Omari achunguze utendaji kazi wa Mweka Hazina wa Halmashauri ya wilaya ya Mkinga, Bibi  Juan Mening.

Amesema hajaridhishwa na utendaji wake kwa kuwa ameshindwa kusimamia ukusanyaji wa mapato na hata hicho kidogo kinachokusanywa hakifikishwi Serikali.

Waziri Mkuu ameyasema hayo leo  (Jumatatu, Machi 2, 2020) wakati akizungumza na watumishi wa Halmashauri ya wilaya ya Mkinga pamoja na wananchi baada ya kufungua jengo la Halmashauri ya Wilaya ya Mkinga akiwa katika ziara  ya kikazi mkoani Tanga.

Amesema Serikali inataka kila mtumishi wa umma nchini awajibike kwa kufanya kazi kwa bidii na kwamba Serikali ya Awamu ya Tano haitowavumilia watumishi ambao ni wezi, wabadhilifu, wavivu  na haitosita kuwachukulia hatua.

“Watumishi fanyeni kazi kwa bidii na msitarajie kuundiwa tume pale mnapofanya vibaya, ukiharibu kazi tunakushughulikia hapo hapo na huu ndio msimamo wa Serikali ya Awamu ya Tano inayoongozwa na Rais Dkt. John Magufuli.”

Waziri Mkuu aliwaeleza watumishi hao kuwa wanatakiwa wafanye kazi kwa kuzingatia sheria na kanuni za utumishi wa umma na pia watambue dhamana kubwa waliyonayo, ambayo ni kuwahudumia wananchi wote bila ya ubaguzi wa aina yoyote.

Pia, Waziri Mkuu amewataka Madiwani wa Halmashauri ya Wilaya ya Mkinga kuhakikisha wanakuwa wakali katika usimamizi wa makusanyo ya mapato pamoja na matumizi yake.

Wakati huo huo, Waziri Mkuu ametoa siku 18 kuaznia leo Jumatatu, Machi 2, 2020 kwa watumishi wa halmashauri hiyo wanaoishi jijini Tanga wawe wamehamia katika kituo chao cha kazi na watakaoshindwa wabaki huko huko waliko.

Amesema Serikali inataka watumishi wa umma wawajibike na waishi katika vituo vyao vya kazi. “Nawataka watumishi wote wa wilaya hii wanaoishi jijini Tanga wawe wamehamia hapa ifikapo Machi 20 mwaka huu na wasiohamia waendelee kubaki huko huko.”

(mwisho)

IMETOLEWA NA

OFISI YA WAZIRI MKUU

Read More →

Katibu Mkuu CCM: Tusifurahie Benard Membe Kufukuzwa, Milango Iko Wazi Kama Atakiri Makosa na Tutampokea

Katibu Mkuu wa Chama cha Mapinduzi CCM Dkt Bashiru Ally, amemuomba aliyewahi kuwa Waziri wa Mambo ya Nje Bernard Membe, aache kutapatapa na kwamba anahitaji kufanyiwa ushauri wa kisaikolojia ili aweze kuwa sawa.

Dr Bashiru Ameyasema hayo wakati akizungumza  katika mahojiano yake na Gazeti la Mwananchi leo tarehe 2 Machi 2020 jijini Dar es Salaam

Amesema CCM wamechukua hatua hiyo baada ya hatua za awali kushindwa kufanikiwa....

"Ndugu Membe alishawahi kupewa adhabu ya onyo kali ikiwa ni hatua ya kujaribu kumpa nafasi ya kujirekebisha, lakini ilishindikana,  huu ni uamuzi mgumu tuliochukua, na si kusherehekea na nisingependa WanaCCM kujitokeza hadharani kufurahia.

" Nadhani tumpe muda, ni binadamu ana haki zake,  anahitaji ushauri nasaha, maana siyo tatizo dogo hili na mimi sitaki kulizungumza kwa ushabiki hata lingenipata mimi ningehitaji marafiki zangu wa karibu niwashirikishe" amesema Dkt Bashiru.
 
Dk. Bashiru ameeleza kuwa, milango ya CCM  kupokea wanachama wanaokiri makosa yao na kuomba msamaha iko wazi, hivyo Membe anaweza kukata rufaa juu ya suala hilo.

“Mchakato huu ni kama wa kimahakama kuna rufaa, nikianza mimi kusema wakati mimi ndio nitapokea rufaa kama nipo ni kama naingilia mchakato wa haki. Na matarajio yangu ni kwamba atarudi CCM, nikiwa hai au nimekufa.

“Sababu milango ya kuwapokea wanachama iko wazi na kuondoka iko wazi, mimi nimesaini barua za misamaha 14 na niko tayari kusaini ya 15 ambayo ni ya Membe kurudi kama akitaka,” amesema Dk. Bashiru.

Read More →

Wafungwa 150 kutoka katika Mikoa ya Mwanza, Shinyanga na Tabora Wapelekwa Gereza la Kwitanga Mkoani Kigoma Kulima Michikichi

Wafungwa 150 kutoka katika Mikoa ya Mwanza, Shinyanga na Tabora wamepelekwa katika Gereza la Kwitanga Mkoani Kigoma ikiwa ni mkakati maalumu wa Serikali kuliteua gereza hilo kuwa Kituo Kikuu cha Uzalishaji wa zao la  mchikichi nchini.

Hayo yamesemwa leo na Naibu Waziri wa Mambo ya Ndani ya Nchi, Mhandisi Hamad Masauni wakati wa ziara ya kukagua maendeleo ya mkakati huo uliotolewa maagizo na Waziri Mkuu Kassim Majaliwa katikati ya mwaka 2018 alipofanya ziara gerezani hapo  ukiwa na lengo la kulifanya Jeshi la Magereza kuingia katika mfumo wa uzalishaji mali.

“Katika kutekeleza agizo la Waziri Mkuu Kassim Majaliwa ambalo ni agizo la serikali, wizara tumeongeza nguvukazi hapa kwa kuleta wafungwa 150 na muda si mrefu tutaongeza wafungwa wengine 300 kutoka magereza mbalimbali nchini ili kuweza kuongeza uzalishaji huku eneo lenye ukubwa wa ekari 6000 linatarajiwa kulimwa zao hilo sambamba na kusambaza mbegu zinazozalishwa gerezani hapo kwenda Halmashauri za Mikoa, Taasisi za Umma, Asasi za Kiraia na Sekta Binafsi,” alisema Masauni

“Lakini pia ili kuliwezesha gereza hili tumeliagiza Shirika la Uzalishaji Mali la Jeshi la Magereza kulichukua Gereza la Kwitanga na kuliingiza katika kundi la magereza yanayowezeshwa na shirika ili kuweza kutatuliwa matatizo yao ya kifedha badala ya kusubiri bajeti kuu kutoka serikalini ambayo inakua haitoshi.

Akizungumza katika ziara hiyo, Mkuu wa Magereza mkoani Kigoma, Kamishna Msaidizi Leonard Bushiri aliunga mkono hoja ya Gereza Kwitanga kuchukuliwa na Shirika la Uzalishaji Mali huku akikiri baadhi ya masuala kukwama kutokana na changamoto za kibajeti.

“Nafikiri hili suala la gereza kuchukuliwa na Shirika la Uzalishaji Mali litatatua changamoto nyingi za kibajeti na kiuendeshaji maana gereza halina gari kubwa kwa ajili ya uvunajina usafirishaji wa mafuta kutoka gerezani kwenda kwa mtumiaji, hakuna bajeti ya uendeshaji kwa mfano kukamua lita 100 mpaka 120 za mafuta tunahitaji maji lita 1000 hivyo fedha kwa ajili ya kununulia umeme ili kusukuma maji ni changamoto, kwahiyo kuingizwa kwenye shirika itasaidia changamoto nyingi” alisema ACP Bushiri

Sambamba na kulima zao la mchikichi Gereza Kwitanga linalima pia mahindi, mpunga, mihogo, maharage na Bustani za mbogamboga.

Read More →

Waziri Mkuu Majaliwa Asema hajaridhishwa na ujenzi wa jengo la kituo cha pamoja cha huduma ya forodha kilichopo kwenye mpaka wa Tanzania na Kenya

WAZIRI MKUU Kassim Majaliwa amesema hajaridhishwa na ujenzi wa jengo la kituo cha pamoja cha huduma ya forodha kilichopo kwenye mpaka wa Tanzania na Kenya eneo la Horohoro, Tanga ambacho ujenzi wake umegharimu sh. bilioni 7.6.

“Jengo hili kuta tayari zimeshaanza kuvimba, kwa nini majengo ya TRA (Mamlaka ya Mapato Tanzania) yanajengwa kwa kiwango cha chini na kwa nini mmeruhusu majengo haya yatumike,” amehoji Waziri Mkuu.

Kufuatia hali hiyo Waziri Mkuu amemtaka Afisa Miliki wa TRA, Bw. Haruna Sumwa, mkandarasi aliyejenga jengo hilo pamoja na wote waliohusika na ujenzi huo wafike ofisi ya Waziri Mkuu mjini Dodoma Machi 11, 2020.

Waziri Mkuu ameyasema hayo leo  (Jumatatu, Machi 2, 2020) wakati akiwa katika ziara ya kikazi wilaya ya Mkinga mkoani Tanga. Amesema ni lazima majengo hayo yakidhi viwango.

“Hapa ni sura ya nchi ni lazima majengo yawe katika hali nzuri, haiwezekani mgeni anaingia na kuhudumiwa katika jengo chakavu, tutachukua hatua kwa yeyote aliyehusika, hizi ni fedha za umma lazima zitumike vizuri.”

Awali, Mkuu wa wilaya ya Mkinga Bw Yona Maki alisema ujenzi wa jengo hilo ulianza Julai 2011 hadi Septemba 2014 na lilianza kutumika Agosti 2015 likiwa na taasisi 16 za Serikali zinazofanyakazi.

Mkuu huyo wa wilaya alisema kituo hicho kinakabiliwa na changamoto mbalimbali ikiwemo ukosefu wa nyumba 62 za watumishi, maji safi na salama pamoja na upungufu wa watumishi.

Majukumu ya kituo hicho ni pamoja na kusimamia, kudhibiti uingiaji na utokaji wa raia wa Tanzania na wageni, kufanya doria na misako hasa kwenye vipenyo ambako wale wasiopenda kufuata taratibu hupenda kutumia.

Wakati huo huo,Waziri Mkuu ameendelea kusisitiza watu wote wanaoingia nchini kupitia mipaka mbalimbali wapimwe afya zao ili kulikinga Taifa na maambuki ya magonjwa mbalimbali ikiwemo homa ya mapafu inayosababishwa na virusi vya corona.

Pia amewataka wananchi kutoa ushirikiano na Serikali kwa kutoa taarifa za watu wanaoingia nchini bila ya kufuata taratibu. “Lazima tulinde nchi yetu katika kupambana na kuzuia magonjwa mbalimbali kwa kuhakikisha watu wote wanaingia nchini wawe salama.”

Pia, Waziri Mkuu amewaagiza viongozi wa Jeshi la Polisi mkoani Tanga kuimarisha doria katika maeneo ya mpakani ikiwa ni pamoja na kukagua maroli kwa kuwa yanahusika na ubebaji wa wahamiaji haramu.

Hata hivyo, Waziri Mkuu amewataka wananchi kutojihusisha na biashara haramu ya dawa za kulevya kwa kuwa madhara yake ni makubwa kwa jamii na Taifa kwa ujumla.

Amesema wananchi wakatae kutumika katika kupitisha dawa za kulevya na atakayekamatwa hatua kali za kisheria zitachukuliwa dhidi yake. “Usikubali gari lako likatumika kubeba wahamiaji haramu wala dawa za kulevya kwani ukikamatwa linataifishwa.”

Waziri Mkuu amesema mwaka jana dawa za kulevya aina ya heroine gramu 746, bangi kilo 485, mirungi kilo 880 zilipitishwa katika wilaya hiyo kiawango ambacho ni kikubwa, hivyo amemuagiza Mkuu wa Wilaya aimarishe doria.

Kwa upande wake, Mbunge wa Jimbo la Mkinga, Bw. Dunstan Kitandula alitaja changamoto zinazoikabili wilaya hiyo ikiwemo ya ukosefu wa maji safi na salama, ambapo Naibu Waziri wa Maji, Jumaa Aweso amesema Serikali imeshaanza kushughulikia suala hilo.

 (mwisho)

IMETOLEWA NA

OFISI YA WAZIRI MKUU

Read More →

Mamlaka ya Hali ya Hewa nchini(TMA) Yatoa Angalizo la Mvua Kubwa Siku Tatu

Mamlaka ya Hali ya Hewa nchini(TMA), imetoa tahadhari ya mvua kubwa inayotarajiwa kunyesha Machi 2 - 3, 2020, katika Mikoa ya Mara, Simiyu, Arusha,Kilimanjaro, Manyara, Singida,Dodoma, Kaskazini mwa Mkoa wa Morogoro, Tanga, Dar es Salaam,Pwani pamoja na Visiwa vya Mafia,Unguja na Pemba.
 

Kwa mujibu wa taarifa iliyotolewa na mamlaka hiyo pia imeeleza kuwa mvua hizo pia zitanyesha Machi 4 kwa baadhi ya maeneo ya Mikoa ya Njombe, Iringa, Arusha, Kilimanjaro,Manyara, Dodoma, Tanga, Morogoro, Dares Salaam, Pwani pamoja na Visiwa vya Mafia, Unguja na Pemba.

Mvua hizo zinatarajiwa kunyesha kwa siku tatu mfululizo kuanzia leo Machi 2 hadi Jumatano ya Machi 4, 2020.
 

TMA pia imeeleza athari ambazo zinaweza kujitokeza kuwa ni pamoja na baadhi ya makazi kuzungukwa na maji, ucheleweshwaji wa usafiri,kusimama kwa muda kwa baadhi yashughuli za kiuchumi na kijamii na kuwataka wananchi kuzingatia na wajiandae.

Read More →

Video Mpya : MR DEVI NG'WANA OBEDI - DUNIA

Hii hapa ngoma mpya ya Msanii wa Nyimbo za Asili Mr Devi Ng'wana Obedi inaitwa Dunia..Itazame hapa chini mtu wangu

Read More →