Sunday, 3 November 2019
Haji Manara: Simba ni Klabu Bingwa ya taifa hili
Nyie ni Klabu Bingwa ya taifa hili,nyie ni timu bora kupita zote Afrika Mashariki na ya kati kwa sasa! Nyie ni Wachezaji mnaoishi comfortable kuliko wachezaji wengine wowote ktk ukanda huu wa Afrika!!
Na nyie ndio Timu maarufu kupita zote ktk Zone hii, na mmetajwa na CAF ni klabu ya kumi na Sita bora Afrika nzima!!
Nadhan mtakuwa mmeelewa Wanasimba wanahitaji nn jioni ya leo hapa Uhuru Stadium,hususan baada ya kupoteza Kwenye last game!!
No Excuse today zaidi ya ushindi, hamtaeleweka na mm mtaninifanya niiasi insta kwa muda bila sababu!!! Nipo huku Cairo nikiamini Mtatenda kitakachotendwa hapa ilipoishi Mitume mingi.
Jafo Atoa ONYO Kwa Wanasiasa Uchaguzi Serikali Za Mitaa
“Niwaombe wana siasa kuacha kutoa kauli tata lengo ni moja kuhakikisha uchaguzi unafanyika kwa amani na utulivu. Pia nivisihi vyama visicheze rafu huko maana kuna malalamiko mengine yanakuja upinzani kwa upinzani wanahujumiana,”-Jafo
Akizungumza na waandishi wa habari leo Jumapili Novemba 3, 2019, Jafo amesema uchukuaji wa fomu umekwenda vizuri katika maeneo mengi na zilipotokea dosari aliagiza hatua zichukuliwe kwa haraka.
Kuhusu uwezekano wa kuongeza muda wa kuchukua na kurudisha fomu Jafo amesema hakuna mpango huo hivyo wagombea wote wakamilishe zoezi hilo ndani ya muda.
Wanawake wa jamii ya kibarbeig Babati kunufaika na utalii
Afisa Maendeleo ya jamii ya Taasisi ya Chemchem association, Walter Palangyo amesema,Taasisi hiyo iliyowekeza shughuli za Utalii,katika hifadhi ya jamii ya wanyamapori ya Burunge, kupitia hoteli za Kitalii za Chemchem imejipanga kuboresha maisha ya jamii hiyo ili inufaike zaidi na Utalii.
Ofisa Utamaduni wa wilaya ya Babati, Beatrice Maliseli akizungumza katika uzinduzi wa kituo hicho Leo Jumapili Novemba 3, 2019, aliwataka wanawake wa jamii hiyo kukitumia vizuri kujiongezea kipato.
Amesema sasa watalii wataweza kuwatembelea na kununua vifaa vyao , kuona ngoma na tamaduni zao na hivyo kujiongezea fedha kwa ajili ya maisha yao.
Maliseli aliwataka wanawake na vijana wa jamii hiyo,kuongeza ubunifu wa vifaa vyao na kuanza kujifunza lugha za kigeni ili waweze kuwasiliana vizuri na watalii.
Mtihani wa kidato cha nne kwa mwaka 2019 Kuanza Kesho
Dk Msonde ameeleza hayo leo Jumapili Novemba 3, 2019 wakati akizungumza kuhusu kuanza kwa mitihani hiyo kesho katika maeneo mbalimbali nchini.
Amesema kati ya watahiniwa 433,052 waliosajiliwa wanaume ni 206,420 sawa na asilimia 47.67 na wanawake 226,632 sawa na asilimia 52.33 huku wanafunzi wenye mahitaji maalumu wakiwa 842.
Dk Msonde amesema maandalizi kwa ajili ya mtihani huo yamekamilika ikiwa ni pamoja na kusambazwa kwa mitihani, vijitabu vya kujibia na nyaraka zote za muhimu zinazohusu mchakato huo katika mikoa ya yote ya Tanzania Bara na Visiwani.
Nafasi 200 za Kazi Zilizotangazwa , Tazama Hapa | Deadline Mwezi Huu
- Job Opportunity at CRDB Bank | Senior Specialist; Financial Literacy
- Job Vacancy at CRDB Bank | Manager; Strategic Partnership
- New Government Job | Senior Corporate Communications Officer II at UCSAF
- Job Vacancy at Precision Air | Reservation & Ticketing Sales Agent
- Job Vacancy at Precision Air | Sales Manager Northern & Lake Zone
- Job Vacancy at Standard Chartered Bank | Credit Analyst, Global Subsidiaries
- New Job Opportunity | Sales Capability Manager – Serengeti Breweries Limited
- New Job Opportunity | Marketing Manager, Spirits – Serengeti Breweries Limited
- Nafasi 61 za Kazi Shirika la Hifadhi ya Taifa TANAPA | Elimu ni Kuanzia Cheti/Diploma/Degree | Mwisho Tarehe 30 Mwezi Huu
- Jobs at UNICEF | Individual Consultant -Evaluation of the Zanzibar Social Protection Policy
- Project Finance Assistant Job at Sightsavers Singida, Tanzania
- Project Assistant Job at Sightsavers Singida, Tanzania
- Compliance Manager at IntraHealth International Mwanza, TZ
- Research and Innovation Hub Coordinator Job at International Rescue CommitteeDar es Salaam, TZ
- Electrical Manager Job at Radar Recruitment Tanzania
- Job Opportunity at VodacomTanzania, Network Director
- Monitoring, Evaluation, and Learning (MEL) Team Lead – Tanzania PS3+
- Job Opportunity at Abt Associates, Communications Team Lead
- Jobs in Tanzania 2019 : New Job Opportunities at Mom Easy Company Limited | Sales Officers (15 Post)
- Job Opportunity at Bariadi District Council | Mtendaji wa Kijiji Daraja la III
- Jobs in Tanzania 2019: New Job Vacancies at Oxfam Tanzania| Donor Contracts Coordinator (INT5881)
- Jobs in Tanzania 2019: New Job Vacancies at Oxfam Tanzania| Warehouse Officer (INT5995)
- Technical Manager Job at Mbeya Water Supply and sanitation Authority
- Job Opportunity at PCI Tanzania ,Documentation Specialist
- Job Opportunity at Pact Tanzania,Gender and Youth Officer
- Job Opportunity at Pact Tanzania, Technical Services Coordinator-Case Management
- Job Opportunity at Pact Tanzania, Technical Services Coordinator-Bi-Directional Referrals and Linkages
- Job Opportunity at Pact Tanzania, Logistic Assistant/Driver
- Field Assistant Grade Ii Job at Tropical Pesticides Research Institute TPRI
- Job Opportunity at UONGOZI Institute, Research And Policy Department (Intern)
- Job Opportunity at UONGOZI Institute, Finance And Administration Department (Intern)
==Kwa nafasi zingine za Kazi zaidi ya 5000, <<INGIA HAPA>.
Waziri Kigwangalla Kuogoza Kampeni Ya Kutangaza Vivutio Vya Utalii.
Waziri wa Malisili na Utalii, Dkt. Hamisi Kigwangalla amesema ataongoza kampeni ya kuvitangaza vivutio vya utalii vilivyopo katika ukanda wa kusini na ukanda wa Kaskazini magharibi kwenye hifadhi mpya za Taifa zilizotangazwa hivi karibuni.
Amesema kampeni hiyo itawahusisha wasanii na watu maarufu wenye ushawishi katika jamii na inalenga kuhamasisha utalii wa ndani na kutangaza vivutio vya utalii vilivyo katika hifadhi za Taifa za Ruaha,Mikumi, Nyerere na Burigi – Chato.
Dkt.Kigwangalla ameyasema hayo alipokuwa akizugumza na Menejimenti ya Shirika la hifadhi za Taifa nchini (TANAPA) na wakuu wa Kanda wa shirika hilo jijini Arusha.
Amesema hatua hiyo ya kuwatumia wasanii na watu maarufu wenye ushawishi katika jamii inalenga kuogeza hamasa kwa watanzania wavijue na kuvitembelea vivutio vya utalii vilivyopo katika hifadhi hizo hivyo kuogeza idadi ya watalii wa ndani.
Dkt.Kigwangalla amesema wasanii hao na watu maarufu wana wafuasi wengi wanaofuatilia kazi zao na matukio wanayofanya katika jamii kupitia vyombo vya habari na mitandao ya kijamii hivyo ni vyema wakatumika kutangaza utalii katika maeneo hayo.
Amesema hatua kazi hii ya kuhamasisha utalii wa ndani ni vyema wadau na watumishi walio kweye sekta husika wakawa wa kwanza kuvijua vivutio vya utalii vilivyopo katika maeneo mbalimbali ili iwe rahisi kuvielezea na kuvitagaza.
“Tukitaka kutagaza soko la utalii wa ndani lazima sisi wenyewe tuanze kwanza kuyajua maeneo ya vivutio tuliyonayo ili iwe rahisi kuwafikia watu wengine, tuna marafiki zetu ndani na nje ya Tanzania inakua rahisi kwetu kuwaalika na kuwakaribisha kwenye vivutio hivyo kwa kuwa sisi wenyewe tunavijua” Amesisitiza Dkt.Kigwangalla.
Amesema mkakati wa sasa ni wa kusambaza uelewa kuhusu vivutio vilivyopo ndani ya nchi ili kuwahamasisha watanzania wengi zaidi kutembelea vivutio hivyo akibainisha kwamba mkakati huo utakuwa na matokeo ya haraka na gharama nafuu ya kuhamasisha utalii wa ndani katika maeneo mengine ya nchi tofauti na ilivyo sasa ambapo watu wengi wanayafahamu maeneo machache na hasa yaliyo mikoa ya Kaskazini.
“Nilipoamua kuutangaza mlima Kilimanjaro na mimi mwenyewe kushiriki kupanda mlima kila mtu alishuhudia nini kilichotokea, kila mtu alikua akiuzungumzia mlima na hii inaongeza umaarufu wa mlima ndani ya nchi huu ni mkakati tunaotakiwa kuutumia katika maeneo mengine” Amesema.
Dkt. Kigwangalla ameiagiza TANAPA iendelee kukusanya takwimu za makundi mbalimbali ya watalii wa ndani wanafanya utalii katika maeneo mbalimbali nchini ikiwemo watazania wanaoshiriki mbio za marathon.
Katika hatua nyingine Waziri wa Maliasili na Utalii ameiagiza TANAPA kuifanyia kazi na kuikamilisha miradi ya ujenzi wa magati na ununuzi wa vivuko na Boti zitakazokuwa zikitumika kusafirisha watalii katika ukanda wa Pwani wa Bahari ya Hindi kwenye eneo la Hifadhi ya Taifa ya Saadani.
Amesema gati hizo zitajengwa Dar es salaam, Saadani, Pangani, Pangani na Tanga ili kuwezesha boti hizo kusimama katika maeneo hayo yenye vivutio vya utalii na kushusha watalii wanaotaka kutembelea maeneo hayo.
“Hili ni eneo muhimu sana kwetu na rahisi kuuza huduma zetu za utalii wa ndani ya maji kutokana na uwepo wa visiwa na idadi ya watu wanaokwenda kuvitembelea, Ni lazima tujipange kuzitumia fursa hizi kwa kuwa na boti nzuri zitakazowawezesha watu kufanya utalii, mikutano, harusi na sherehe mbalimbali ndai ya maji na hii itakua ni Biashara kubwa kwetu na njia moja nzuri ya kulitumia vizuri eneo la bahari tulilo nalo” Amesisitiza Dkt. Kigwangalla.
Amesema ili kuitangaza hifadhi ya Taifa ya Saadani ni lazima kuiunganisha na utalii wa fukwe ili kuwavutia watalii wengi zaidi na kuongeza kuwa hifadhi hiyo kutokana na maeneo mazuri yaliyopo,sehemu za kulala na ukaribu wake na Bagamoyo na Dar es salaam.
Dkt. Kigwangalla amefafanua kuwa uanzishaji safari za boti za siku kutokea Dar es Salaam kwenda Bagamoyo na kurudi Dar es salaam utawawezesha watalii kwenda kati katika maeneo hayo kwa haraka na ni rahisi kuuza huduma hiyo kwa wageni watakaokuwa wanakwenda kufanya utalii mwisho wa wiki na kuiwezesha Serikali kupata faida ya kiuchumi kutokana na uwepo wa huduma hizo.
PROFESA ASSAD OUT!! RAIS MAGUFULI ATEUA CAG MWINGINE
Na Muyonga Jumanne, Mwananchi
Rais Magufuli leo Novemba 3, 2019 amemteua Charles Kichere kuwa Mdhibiti na Mkaguzi Mkuu wa Hesabu za Serikali (CAG).
Uteuzi huo unaanza kesho, Kichere anachukua nafasi ya Profesa Mussa Assad ambaye kipindi chake cha uongozi cha miaka mitano kinaishia kesho.
Mteule huyo ambaye alikuwa Kamishna wa Mamlaka ya Mapato Tanzania (TRA), alitenguliwa uteuzi wake na Rais Magufuli ambaye alimteua tena kuwa Katibu Tawala wa Mkoa wa Njombe Juni 8, mwaka huu.
Akisoma taarifa ya uteuzi huo leo Jumapili Novemba 3, 2019, Balozi John Kijazi amesema nafasi ya Kichere itajazwa na Katarina Revocati ambaye alikuwa Msajili Mkuu wa Mahakama.
Pia, Rais Magufuli amewateua Aisha Amour kuwa Balozi wa Tanzania nchini Kuwait, Kanali Francis Mbindi kuwa kamishna wa kazi ofisi ya Waziri Mkuu na majaji 12 wa Mahakama Kuu.
Mwenyekiti wa NCCR-Mageuzi, James Mbatia Ashauri Muda wa Kuchukua Fomu Serikali za Mitaa Uongezwe
Wagombea wa vyama mbalimbali vya siasa walianza kuchukua na kurejesha fomu kuwania uwenyekiti wa kijiji, mtaa, kitongoji na ujumbe wa kamati ya mtaa kuanzia Oktoba 29, 2019. Shughuli hiyo inayofanyika kwa siku saba itakamilika Novemba 4, 2019.
Akizungumza mjini Dodoma jana Jumamosi Novemba 2, 2019 Mbatia alisema baadhi ya maeneo ofisi zilifunguliwa siku mbili tu, baada ya hapo zilifungwa jambo lililowakosesha nafasi wagombea wengine kuchukua fomu.
Amesema Serikali imetoa muda wa siku saba kwa ajili ya wagombea kuchukua na kurudisha fomu lakini baadhi ya vituo vinafungwa kabla ya muda.
Amesema malalamiko ni mengi kila kona, na kumtaka Jafo kuongeza muda ili wenye nia ya kugombea kujitokeza kwa wingi.
Viongozi wa vyama vya Ushirika watakiwa kutotumia fedha za wanachama bila idhini ya Mkutano mkuu wa Chama.
Viongozi wa Chama cha Ushirika wa akiba na mikopo SHIRIKISHO SACCOS LIMITED wilayani Kahama mkoani Shinyanga wametakiwa kutotumia fedha za wanachama kinyume na makisio yalioridhiwa na mkutano mkuu na badala yake ili kuondoa migogoro isiyokuwa na tija.
Hayo yamebainishwa na Daniel Kimatha na Prisca Agustino kwenye mkutano mkuu wa mwaka wa SHIRIKISHO SACOSS LIMITED uliofanyika Mjini kahama ambao ulikuwa na lengo la kutathimini hoja mbalimbali zinazokikabili chama hicho kwa mwaka 2019 na kuangalia namana bora ya kuzipatia ufumbuzi.
Wamesema kumekuwa na tabia ya baadhi ya viongzo katika shirikisho hilo kutumia fedha kinyume na makisio yaliyoridhiwa na mkutano mkuu wa mwaka na kusababisha kuibuka kwa malalamiko kutoka kwa wanachama wao na badala yake wanapaswa kuwashirikisha kabla ya kufanya matumizi.
“katika mwaka huu wa 2019 viongozi wetu wametumia shilingi laki mmoja kinyume na makisio yalioridhiwa na mkutano mkuu suala hili halikubaliki walipaswa kutushirikisha,alisema Kimatha.
Akijibu hoja hizo Mwenyekiti wa {SHIRIKISHO SACCOS LIMITED} Tito Greyson Okuku amekiri kujitokeza kwa suala hilo na kusema kuwa walitumia fedha za faida walizopata kutokana na rida walizokusanya na kuomba radhi wanachama hao na kuahidi kuwa suala hilo halitajitokeza tena.
Kwa upande Dronick Kamugisha ni afisa Ushirika wa Halamshauri ya Mji wa Kahama amesema kutokana na kasoro mbalilimbali zilizojitokwza katika chama hicho wao kama Halamshauri wamejipanga kutoa elimu ili wananchama waelewe dhima ya Ushirika na namna bora ya Uendeshaji.
Naye Mkaguzi wa vyamba vya Ushirika mkoa wa Shinyanga Rodrick Kilemile amesema ofisi yake imebaini vyama vingi vya ushirika hawana wataalamu wa mahesabu hali ambayo imekuwa ikiwapa shida katika uandaaji wa taarifa za mwaka na kusababisha kuwepo kwa migororo.
Milioni 600 Kujenga Upya Kituo Cha Afya Lukole Kilichoachwa na Wakimbizi Mkoani Kagera.
Zaidi ya sh milioni 600 Za kitanzania zimetengwa na Halmashauli ya wilaya ya Ngara ili kujenga upya kituo cha afya Lukole kilichokuwa kimejengwa kwa tope na kilichokuwa kikiwahudumia wakimbizi waliokuwa wakiishi katika kambi hiyo.
Hatua hiyo imefikiwa baada ya wakimbizi kutoka nchi jirani za Burundi na Rwanda waliokuwa wakiishi kambini hapo kuondoka na kituo cha afya kuendelea kuwahudumia wananchi wanaoishi jirani na kambi hiyo.
Mkurugenzi mtendaji wa halmashauli ya Ngara Aidan Bahama amesema kwa bahati mbaya kituo hicho kilijengwa kwa tope na kupelekea baadhi ya majengo Kuwa na hali mbaya na kuwa katika hatari ya kuanguka.
Kadhalika Aidan ambaye ni Mkurugenzi wa halmashauri hiyo na amemshukuru mh rais John Pombe Magufuli kwa kutoa pesa ambapo baada ya ujenzi huo kituo hicho kitakuwa ni moja ya vituo bora wilayani Ngara.
Nao baadhi ya wananchi na wafanyakazi katika kituo hicho cha Afya Ambao ni Bw Joseph Hezzron,bw James Charles,Bi Noral Charles Mihayo wameipongeza hatua hiyo ya serikali nakusema kuwa nijitihada za kujali huduma za wananchi.
Mkurugenzi huyo amebainisha kuwa Jumla ya majengo sita yatajengwa katika kituo hicho ikiwa ni pamoja na jengo la wagonjwa wa nje,jengo la upasuaji,maabara,jengo la kuhifadia maiti na nyumba moja ya mtumishi.
Yaliyojiri Katika Utatuzi Wa Mgogoro Wa Ardhi Kati Ya Kiwanda Cha Saruji Cha Mbeya Na Kijiji Cha Nanyala Mkoani Songwe Novemba 2, 2019
Waziri wa Ardhi Nyumba na Maendeleo ya Makazi William Lukuvi
Rais wa Jamhuri ya Muungano wa Tanzania Dkt John Pombe Magufuli aliagiza Wizara za Ardhi, Madini, Tamisemi na Viwanda zishughulikie mgogoro wa Ardhi baina ya Kijiji cha Nanyala na kiwanda cha Saruji cha Mbeya.
Mgogoro unahusisha ekari 2315 ambapo ekari 1475 zipo Wilaya ya Mbozi Mkoa wa Songwe na ekari 840 ziko wilaya ya Mbeya.
Leo tumekuja kama alivyoagizwa kujionea hali halisi ikiwa lengo letu ni kuumaliza mgogoro huo na tutafuata sheria taratibu na kanuni zote katika kutatua mgogoro huu.
Kufikia Jumatatu Kiwanda cha Saruji kiondoe kesi tatu zilizoko mahakamani baina ya kiwanda na wana kijiji cha Nanyala kama alivyo agiza Rais wa Jamhuri ya Muungano wa Tanzania Dkt John Pombe Magufuli, hii si hiyari, haiwezekani Mkuu wa Nchi anaagiza jambo halafu kuna mtu anajivuta kutekeleza.
Utoaji wa leseni za madini katika eneo lenye mgogoro usitishwe, Kijiji cha Nanyala, Wilaya za Mbozi na Mbeya zisitishe utoaji wa hati za kimila katika eneo lenye mgogoro.
Wakulima na wafugaji ambao wanalima na kufuga katika eneo hilo, mgogoro huu hauna maslahi nao hivyo wasizuiliwe kuendelea na shughuli za kilimo na ufugaji.
Wachimbaji wadogo wadogo wa chokaa wanaofanya shughuli zao kwa msimu katika eneo lenye mgogoro wasizuiliwe waendelee kufanya kazi zao.
Naibu Waziri Madini Stanslaus Nyongo
Wataalamu waangalie namna ya kubalidisha Sheria ya Service Levy ili halmashauri za Mbeya na Mbozi waweze kufaidika kwa pamoja na sio halmashauri moja kufaidika huku nyingine ikipunjwa.
Kiwanda cha Saruji cha Mbeya kama wanataka kutunza eneo kwa ajili ya matumizi ya baadaye waangalie namna bora inayotambulika kisheria na sio kukwepa gharama kwa kutofuata taratibu na sheria.
Naibu Waziri OR TAMISEMI Josephat Kandenge
Halmashauri ambayo haikupata service levy na ilistahili kupata ilipwe kwakuwa tusirekebishe ya mbele bila kuangalia stahiki zilizopita za Halmashauri hizi.
Naibu Waziri Viwanda na Biashara Mhandisi Stella Manyanya
Wizara ya Viwanda na Biashara ingependa kuona mgogoro huu unaisha kwakuwa kiwanda cha Saruji na vingine vilivyopo katika eneo hilo vina mchango katika maendeleo ya taifa.
Mkuu wa Mkoa wa Mbeya Albert Chalamila
Migogoro inapoendelea sana lazima kuna upande unakuwa hauna uelewa hivyo wataalamu watusaidie katika hilo pia tusiingie sana katika mgogoro wa mapato kuwa yaende kwa nani isipokuwa tujielekeze kuumaliza mgogoro huo.
Mkuu wa Mkoa wa Songwe Brig. Jen. Nicodemus Mwangela
Mkoa wa Songwe tunaomba kesi zifutwe ili wananchi waendelee kufanya shughuli zao kwa uhuru.
Mkoa wa Songwe tunataka wawekezaji na tunawakaribisha waje kwakuwa sisi tuna mali ghafi za kutosha ila tu wajue kuwa lazima sheria na taratibu zifuatwe.
Saturday, 2 November 2019
MAMA SALMA KIKWETE AWEKA JIWE LA MSINGI JENGO LA UMOJA WA VIKUNDI VYA WAMA MAJOHE
Mwenyekiti wa Taasisi ya Wanawake na Maendeleo (WAMA) Mhe. Mama Salma Kikwete (Mb) leo Jumamosi ameweka Jiwe la Msingi Jengo la Taasisi ya Umoja Wa Vikundi Majohe(UVIMA) lililopo katika kata ya Majohe Manispaa ya Ilala jijini Dar es salaam.
Uzinduzi huo umehudhuriwa na Mstahiki Meya wa Manispaa ya Ilala Omari Said Kumbilamoto kwa naiba ya Mkuu wa Wilaya ya Ilala, Mwenyekiti wa UWT (W) Ilala Bi Amina Omary George.
Mhe. Mama Salma Kikwete ameahidi kuchangia Bati 100 ili kusaidia kukamilika kwa ujenzi wa Jengo hilo.
Mwenyekiti wa Taasisi ya Wanawake na Maendeleo (WAMA) Mhe. Mama Salma Kikwete (Mb) akizungumza wakati wa akiweka jiwe la msingi jengo la Taasisi ya Umoja wa Vikundi Majohe (UVIMA) lililopo katika kata ya Majohe Manispaa ya Ilala jijini Dar es salaam.
Heslb Third batch Loan allocation 2019/20 batch 3 PDF | Majina waliopata mkopo Awamu ya tatu 2019/20
Heslb Loan allocation 2019/20 batch 3 Download Pdf – Majina waliopata mkopo Awamu ya tatu 2019/20 Pdf HIGHER EDUCATION STUDENTS’ LOANS BOARD HESLB –LOAN ALLOCATION SECOND BATCH How to check Your HESLB Loan allocation – HESLB Bach 3 loan allocation status Good news to all HESLB loan applicants, HESLB loan allocation third batch status is now available online… Read More »
The post Heslb Third batch Loan allocation 2019/20 batch 3 PDF | Majina waliopata mkopo Awamu ya tatu 2019/20 appeared first on Udahiliportal.com.
