TBS YASHIRIKI VIWANGO SPORTS BONANZA

Watumishi wa Shirika la Viwango Tanzania (TBS) wakicheza drafti katika Bonanza la Michezo kwa wafanyakazi wa Shirika hilo lililofanyika leo Septemba 17,2022 katika viwanja vya Chuo cha Ardhi Jijini Dar es Salaam.Watumishi wa Shirika la Viwango Tanzania (TBS) wakicheza bao katika Bonanza la Michezo kwa wafanyakazi wa Shirika hilo lililofanyika leo Septemba 17,2022 katika viwanja vya Chuo cha Ardhi Jijini Dar es Salaam. Watumishi wa Shirika la Viwango Tanzania (TBS) wakicheza mpira wa miguu katika Bonanza la Michezo kwa wafanyakazi wa Shirika hilo lililofanyika leo Septemba 17,2022 katika viwanja vya Chuo cha Ardhi Jijini Dar es Salaam. Watumishi wa Shirika la Viwango Tanzania (TBS) wakicheza Volley ball katika Bonanza la Michezo kwa wafanyakazi wa Shirika hilo lililofanyika leo Septemba 17,2022 katika viwanja vya Chuo cha Ardhi Jijini Dar es Salaam. Watumishi wa Shirika la Viwango Tanzania (TBS) wakicheza mpira wa pete katika Bonanza la Michezo kwa wafanyakazi wa Shirika hilo lililofanyika leo Septemba 17,2022 katika viwanja vya Chuo cha Ardhi Jijini Dar es Salaam.

Watumishi wa Shirika la Viwango Tanzania (TBS) wakicheza mchezo wa kuvuta kamba katika Bonanza la Michezo kwa wafanyakazi wa Shirika hilo lililofanyika leo Septemba 17,2022 katika viwanja vya Chuo cha Ardhi Jijini Dar es Salaam.

********************

NA EMMANUEL MBATILO, DAR ES SALAAM

SHIRIKA la Viwango Tanzania (TBS), leo Septemba 17,2022 wameshiriki siku ya Bonanza la Michezo kwa wafanyakazi wa Shirika hilo dhumuni kuu likiwa nikuwakutanisha watumishi wa TBS katika michezo ili kuboresha afya na kujenga mahusiano mazuri miongoni mwa watumishi.

Akizungumza wakati wa Bonanza hilo lililofanyika Jijini Dar es Salaam, Mjumbe wa Bodi ya Wakurugenzi TBS, Bw.Twalib Mmbaga amesema katika Bonanza hilo ambalo wameliita kwajina la 'Viwango Sports Bonanza'ni tukio linaloshindanisha watumishi wa shirika la viwango Tanzania katika michezo mbalimbali kama vile mpira wa miguu, mpira wa pete, mpira wa wavu, kuvuta kamba na michezo ya jadi ambapo mashindano hayo yanashindanishwa kiidara.

"Kupitia michezo hii watumishi wanapata burudani na kupunguza msongo wa mawazo unaoweza kutokana na kukosa nafasi ya kufanya mazoezi au kushiriki michezo mbalimbali". Amesema

Aidha amewapongeza wanaviwango waliojitokeza siku hiyo na walioona umuhimu wa kushiriki katika michezo hiyo ili kuboresha afya zao na kujenga mahusiano mazuri kati ya watumishi kwani utekelezaji mzuri wa majukumu ya kila siku hutegemea afya ya mwili na akili.

Pamoja na hayo ameipongeza menejimenti ya TBS kwa jitihada ilizozifanya kuweza kufanikisha Viwango Sports Bonanza kwani haikuwa rahisi ikizingatiwa kuwa shughuli kama hii inahitaji uwepo wa bajeti ili kufanikisha.

Read More →

MAMIA WAMZIKA MAREHEMU ASANTINA SEBASTIAN JIJINI DAR ES SALAAM

Mwili wa Marehemu Asantina Sebastian ambaye alifariki juzi kwenye hospitali ya Aghakan jijini Dar es salaam alikokuwa akipokea matibabu ukiingizwa kaburini wakati wa mazishi yake yaliyofanyika nyumbani kwake Madale Mivumoni wilaya ya Kinondoni jijini Dar es Salaam Leo Septemba 17, 2022.

Waombolezaji mbalimbali Ndugu, Jamaa na marafiki wameshiriki Katika mazishi ya mwili wa marehemu Asantina Sebastian Katika nyumba yake ya milele, “Bwana alitoa na Bwana ametwaa Jina lake lihimidiwe Amen”.

Familia ya Marehemu Asantina Sebastian ikiwa na huzuni kubwa Katika mazishi ya mpendwa wao aliyepumzishwa Leo.

Mwili wa Marehemu Asantina Sebastian ukiingizwa kwenye kaburi na waombolezaji.

Waombolezaji mbalimbali wakiwa katika mazishi hayo.

Wadau mbalimbali wa Madale wakishiriki Katika mazishi hayo katikati ni John Badi mmoja wa wanakundi la kijamii la Wadau Madale.

Ibada ya mazishi ikiendelea nyumbani.

Stephen Kazimoto Mwenyekiti wa Chama cha Mapinduzi Madale kwa Kawawa ambaye ni mmoja wa viongozi wa kundi la kijamii la Wadau Madale akitoa salam zake za rambirambi Katika msiba huo.

Read More →

SEPESHA RUSHWA MARATHON KUTIKISA DODOMA

 

Mwenyekiti wa Sauti ya wapinga Rushwa Mkoa wa Dodoma Haruna Kitenge akizungumza na Waandishi wa habari kuhusu Sepesha rushwa marathon inayo tarajiwa kufanyika Desemb 11,2022 Dodoma. 

Na Dotto Kwilasa,DODOMA

JUMLA ya washiriki 2000 wanatarajia kushiriki mashindano ya Sepesha Rushwa Marathon yanayotarajia  kufanyika Desemba 11 mwaka huu Jijini Dodoma.

Mwenyekiti wa Sauti ya wapinga Rushwa Mkoa wa Dodoma,ambaye ndio mratibu wa mbio hizo,Haruna Kitenge alisema washiriki hao ni wanafunzi wa shule za msingi,sekondari na vyuo,watumishi wa serikali na taasisi mbalimbali pamoja na wakimbiaji mbalimbali.

Kitenge alisema mbio watakazokimbia ni Km 21,10,5 na 3 lengo la mashindano hayo ni kuwaelewesha vijana kuhusu madhara ya rushwa pamoja na kutafuta fedha kwa ajili ya  kuendeleza kampeni ya Sepesha Rushwa katika Jiji la Arusha.

Hata hivyo Kitenge aziomba kampuni,taasisi binafsi na mashirika kujitokeza kudhamini mbio hizo.

Kwa upande wake Katibu wa Chama cha Riadha Mkoa wa Dodoma,Robert Mabonye aliwaomba wadau mbalimbali kujitokeza kushiriki mbio hizo.

Alisema hiyo ni fursa kwao kwani matukio kama hayo yamekuwa ni nadra kufanyika mkoani humo.

Read More →

TBS YAENDELEA NA ELIMU KWA UMMA ILEMELA

Mkaguzi (TBS), Bw. Nelson Mugema akitoa elimu kuhusu umuhimu wa kununua bidhaa zilizothibitishwa ubora na usalama wake na TBS sambamba na kuzingatia muda wa mwisho wa matumizi wa bidhaa kwa wananchi waliokuwepo katika gulio la kona ya bwiru wilayani Ilemela, wakati wa kampeni ya elimu kwa umma katika ngazi ya wilaya mkoani Mwanza. Mkaguzi (TBS), Bw. Nelson Mugema akitoa elimu kuhusu umuhimu wa kununua bidhaa zilizothibitishwa ubora na usalama wake na TBS sambamba na kuzingatia muda wa mwisho wa matumizi wa bidhaa kwa wananchi waliokuwepo katika gulio la kona ya bwiru wilayani Ilemela, wakati wa kampeni ya elimu kwa umma katika ngazi ya wilaya mkoani Mwanza.

Read More →

SINDI MZAMO: RAIS SAMIA NI CHAMPION WA UTALI AFRIKA, AUNGWE MKONO

**********************

Sindi Mzamo, Rais wa circle of global business women (CGBW), amesema Rais wa Tanzania Samia Suluhu ni Champion wa Utalii Afrika aungwe mkono. Aliyasema hayo jijini Johannesburg Afrika kusini wakati akihutubia Mkutano wa Wanawake katika Utalii Kusini mwa Afrika (WITSA).

Alisema Rais Samia ameonesha mfano kwa Wanawake. Pamoja na kuwa na kazi nyingi pamoja na changamoto za kurekodi maporini lakini alisimame kidete kuhakikisha hili swala linafanikiwa na linafanikiwa.

Naye Balozi wa Utalii Nchini Tanzania Nangasu Warema ambaye alitumia Wasaa huo kuwaonesha Filamu ya Royal Tour, amewataka Viongozi na Watanzania wote kwa ujumla wao, popote pale Wanapopata nafasi ya kuzungumza kwenye Mikutano ya kimataifa, Wasiache kuizungumzia Filamu ya Royal Tour kwa manufaa ya Nchi ili kuongeza Utalii Nchini.

Rais Samia Suluhu Hassan, alizindua filamu ya Tanzania, The Royal Tour katika jumba la makumbusbo la Guggenheim 89th Avenue jijini New York, nchini Marekani tarehe 18 Aprili 2022.

Dhumuni la Mkutano huu ilikuwa ni kupena fursa zilizopo katika Utalii wa Afrika pamoja na kuangalia njia bora ya kutatua changamoto zilizopo ili Wanawake washiriki ipaswavyo katika Utalii

Balozi wa Utalii Nchini Tanzania Nangasu Warema

Read More →

ZAIDI YA WATU 1000 KUHUDHURIA KONGAMANO LA UWEZESHAJI

  

Mkuu wa  Mkoa wa Dodoma Rosemary Senyamule.,

 

Na Dotto Kwilasa

 DODOMA.

WAZIRI Mkuu wa Jamhuri ya Muungano wa Tanzania,Kassim Majaliwa anatarajiwa kuwa mgeni rasmi katika Kongamano la sita la uwezeshaji Wananchi kiuchumi ambalo litafanyika Septemba 19 Mwaka huu Jijini Dodoma.

Mkuu wa Mkoa wa Dodoma,Rosemary Senyamule  ameyaeleza hayo jana Jijini Dodoma wakati akizungumza na Waandishi wa Habari kuhusiana na Kongamano hilo ambalo litahudhuriwa na Viongozi mbalimbali wa Serikali pamoja na wadau wa maendeleo.

Aidha Mkuu huyo wa Mkoa wa Dodoma ametoa Wito kwa wakazi wa Dodoma kuchangamkia fursa kupitia Kongamano hilo ikiwa ni pamoja na kuandaa miundombinu mbali mbali ya kiuchumi ikiwemo biashara ya chakula na malazi.

Kwa upande wake Katibu Mtendaji wa Baraza hilo,Beng' Issa akaeleza lengo la Kongamano hilo kuwa ni fursa 

katika kuwawezesha wananchi kiuchumi kwa ustawi wa taifa kwa ujumla.

Amesema  jukwaa hilo litahudhuriwa na zaidi ya watu1000 kwa kuhusisha jopo la majadiliano la wakuu wa Mikoa pamoja na Wataalam kuhusiana na masuala yakuwawezesha wananchi kiuchumi.

Naye Meneja wa Benki ya Stanbic Tawi la Dodoma Opi Ligolola ametumia nafasi hiyo kuipongeza Serikali kutokana na jitihada zake katika kuwawezesha wanachi kiuchumi na kueleza Mkataba walioingia na Baraza la uwezeshaji Wananchi kiuchumi,

Read More →

HII NDIO DAWA YA KASWENDE ILIYONIPONYA BAADA YA KUUMWA MUDA MREFU!

Read More →

HII NDIYO MIJI YENYE MATAJIRI WENGI ZAIDI DUNIANI 2022

Mwaka 2022, Marekani inatawala katika orodha ya miji 20 tajiri zaidi ulimwenguni ambapo na majiji sita ya Marekani yameingia katika orodha hiyo. Miji miwili ya Uswizi pia imeingia kwenye 20 bora, pamoja na miji nane ya ukanda wa Asia-Pacific kwa mujibu wa ripoti kutoka New World Wealth na Henley & Partners.

New York - jiji tajiri zaidi duniani

Times Square, New York

New York au Big Apple ni makazi ya mamilionea 345,600, wakiwemo mamilionea 737 (wenye utajiri wa dola milioni 100 au zaidi) na mabilionea 59 wa dola.

New York ndio kitovu cha fedha kwa USA na jiji tajiri zaidi ulimwenguni kwa vipimo kadhaa.

Pia ni eneo lenye ubadilishanaji mkubwa zaidi wa hisa ulimwenguni kwa kiwango cha soko (Dow Jones na NASDAQ). Labda haswa zaidi, jumla ya utajiri binafsi unaoshikiliwa na wakaazi wa jiji hilo unazidi dola za Marekani trilioni 3 kiasi ambacho ni cha juu kuliko jumla ya utajiri binafsi unaoshikiliwa katika nchi nyingi kuu za G20.

Jiji hilo linajumuisha halmashauri tano za Bronx, Brooklyn, Manhattan, Queens, na Staten Island na inashirikisha baadhi ya mitaa ya tajiri zaidi ulimwenguni, ikiwemo 5th Avenue huko Manhattan ambapo bei za nyumba za kupanga zinaweza kuzidi dola ya Marekani 28,000 kwa kila mita ya mraba.

Ikumbukwe kwamba kuna miji kadhaa ya watu matajiri iliyo nje kidogo ya Jiji la New York ambayo pia ina kiasi kikubwa cha utajiri wa ngazi ya juu. Maarufu ni pamoja na: Greenwich, Great Neck, Sands Point na Old Westbury.

Ikiwa miji hii ingejumuishwa katika takwimu za Jiji la New York, basi idadi ya mabilionea katika jiji iliyojumuishwa ingezidi 120.

Tokyo - mji mkuu wa Japan katika nafasi ya 2

Tokyo ina wakazi mamilionea 304,900, wakiwemo mamilionea 263 na mabilionea 12.

Idadi yake ya chini ya mabilionea ikilinganishwa na miji mingine mingi kwenye orodha ya 20 bora inaonyesha kuwa utajiri unagawanywa kwa usawa huko Tokyo, huku watu wa tabaka la kati na mamilionea wa chini wakidhibiti utajiri mwingi wa jiji.

Kampuni kuu zilizoko Tokyo ni pamoja na Honda, Hitachi, Mitsubishi, Softbank, na Sony.

Eneo la San Francisco Bay - linakuja kwa kasi

Eneo la San Francisco Bay - linalojumuisha jiji la San Francisco na Silicon Valley ni makazi ya mamilionea 276,400, wakiwemo mamilionea 623 na mabilionea 62.

Makazi yenye idadi kubwa ya mabilionea wa teknolojia, Silicon Valley inajumuisha miji tajiri kama vile Atherton na Los Altos Hills.

Eneo hili limekuwa likipanda kwa kasi katika orodha ya vitovu vya mamilionea katika muongo mmoja uliopita na linatarajia kufikia kileleni ifikapo 2040.

London - bado ni kivutio cha milionea wa juu

Mji tajiri zaidi duniani kwa miaka mingi, leo hii mamilionea 272,400 wanaita London nyumbani kwao, idadi ambayo inajumuisha mamilionea 406 na mabilionea 38.

Nyumba na vyumba vya kupanga ambapo bustani za kuvutia London kama vile Hyde Park na Regents Park, na maeneo ya kijani kibichi kama vile Hampstead Heath ni tajiri sana. Vitongoji tajiri zaidi vya London vinaonyeshwa katika ramani inayotolewa na wataalamu wa uchanganuzi wa eneo Webster Pacific.

Ikumbukwe kwamba London imekuwa na mtiririko wa kutosha wa mamilionea katika muongo mmoja uliopita huku wengi wakiondoka jiji hilo kwenda katika miji ya pembeni kama vile Ascot, Beaconsfield, Bourne End, Bray, Cookham, Henley, Leatherhead, Maidenhead, Marlow, Taplow, Virginia Water, Weybridge, na Windsor.

Kuna sababu kadhaa zinazosababisha kuhama ikiwa ni pamoja na kuongezeka kwa viwango vya uhalifu katika jiji.

Singapore - Jiji la kibiashara

Linashika nafasi ya 5 duniani, Singapore ni eneo la pili kwa ukubwa la mamilionea barani Asia baada ya Tokyo.

Ni makazi kwa mamilionea 249,800, wakiwemo mamilionea 336 na mabilionea 26, jiji hilo linachukuliwa kuwa jiji linalofaa zaidi kibiashara na ni mojawapo ya eneo lenye mamilionea wahamiaji wengi.

Watu binafsi takriban 2,800 wenye utajiri wa juu wanatarajiwa kuingia kwa mwaka wa 2022 pekee kwa mujibu wa taarifa ya Henley Private Wealth Migration.

Los Angeles - kitovu cha burudani duniani

Eneo hili ni nyumbani kwa mamilionea wakazi 192,400, ikiwa na mamilionea 393 na mabilionea 34. Takwimu za eneo hili zinajumuisha utajiri unaoshikiliwa katika jiji la Los Angeles, pamoja na Malibu iliyo karibu, Beverly Hills, Laguna Beach, Newport Beach, na Santa Monica.

Sekta kuu ni pamoja na burudani, IT na usafirishaji.

Chicago - uchumi wa aina mbalimbali

Jiji kubwa zaidi la bara nchini Marekani na nyumbani kwa mamilionea 160,100, ikiwa ni pamoja na mamilionea 340 na mabilionea 28, Chicago, ina uchumi wa aina mbalimbali ambao una nguvu katika sekta nyingi muhimu. Chicago ndio mji msingi kwa kampuni 35 katika orodha ya makampuni makubwa 500 ya jarida la Fortune kama vile kama vile McDonalds na Boeing.

Houston - moja ya miji inayokua kwa kasi zaidi ulimwenguni

Jiji la Houston lina mamilionea 132,600,likiwa na mamilionea 314 na mabilionea 25. Houston ni moja wapo ya miji inayokua kwa kasi zaidi ulimwenguni katika suala la ukuaji wa utajiri katika kipindi cha miaka 20 iliyopita.

Pia ndilo jiji linaloongoza nchini Marekani katika sekta kadhaa muhimu ikijumuisha sekta ya anga, mahitaji muhimu (mafuta na gesi), kibayoteki, na uhandisi.

Beijing - mji mkuu wa mabilionea wa China

Mji mkuu wa China Beijing una mamilionea wakazi 131,500, wakiwemo mamilionea 363 na idadi kubwa ya mabilionea -44

Ni Jiji la New York pekee na eneo la San Francisco Bay ndio yana idadi ya juu kulingana na kipimo hiki. Beijing pia ina makao makuu ya makampuni makubwa zaidi ya China.

Shanghai - kituo cha fedha cha China

Shanghai ni jiji lenye watu wengi zaidi nchini China

Shanghai ni mji mkubwa zaidi wa China, unaoonekana sana kama mji mkuu wake wa kifedha na ni nyumbani kwa mamilionea 130,100, ikiwa na mamilionea 350 na mabilionea 42.

Soko la Hisa la Shanghai ni la tatu kwa ukubwa duniani kwa ukubwa wa soko (baada ya Dow Jones na NASDAQ).

Chanzo - BBC SWAHILI

Read More →

ATUPWA JELA MIAKA 20 KWA KUJINUFAISHA KINGONO KWA MTOTO WA MIAKA MITATU

Jengo la Mahakama ya wilaya ya Lindi

**

Mahakama ya wilaya ya Lindi, imemhukumu mkazi wa Kijiji cha Navanga, Halmashauri ya Mtama kutumikia kifungo cha miaka 20 gerezani, baada ya kukutwa na hatia ya kujinufaisha kingono kwa mtoto mwenye umri wa miaka mitatu.

Hukumu hiyo imetolewa na Hakimu Mfawidhi wa Mahakama hiyo, Maria Batraine, baada ya kuridhishwa pasipo na shaka na ushahidi uliokuwa umetolewa na upande wa mashtaka.

Mshitakiwa alifanya tendo la kujinufaisha kingono na mtoto huyo Machi 20, 2022, katika eneo la Kijiji cha Navanga, Halmashauri ya Mtama,wilayani Lindi, ambapo mshtakiwa alipata mwanya huo, wakati mtoto huyo akicheza na wenzake nje ya nyumba ya jirani yake ambapo alimuita na alipoitikia wito wake akamuingiza ndani ya chumba chake kisha kujinufaisha kingono.

Kabla ya kutolewa kwa hukumu hiyo, Hakimu Batraine alimpa mshtakiwa nafasi ya kujitetea na kuiomba Mahakama impunguzia adhabu akidai ni mkosaji kwa mara ya kwanza na kwamba anayo familia inayomtegemea wakiwemo watoto wawili, mke na mama yake mkubwa ambaye ni mlemavu wa macho.

Mshtakiwa alidai pia mke wake ni mgonjwa aliyefanyiwa operesheni ya tumbo hivi karibuni katika Hospitali ya Mission ya Nyangao, hivyo iwapo atapewa adhabu kali kutaiweka familia yake katika mazingira magumu kimaisha na kutakochangiwa na kukosa huduma kutoka kwake.

Aidha, Mahakama hiyo ya wilaya imemuongezea mshitakiwa adhabu ya kumlipa mhanga wa tukio fidia ya shilingi 200,000.

Chanzo - EATV

Read More →

ABBASI :TANZANIA MWENYEJI MKUTANO WA MUSIC IN AFRICA

*************************

Katibu Mkuu Wizara ya Utamaduni, Sanaa na Michezo Dkt. Hassan Abbasi leo Septemba 15, 2022 amekutana na kufanya mazungumzo na wawakilishi wa Taasisi ya Music in Africa ambao kwa kushirikiana na Wizara pamoja na Baraza la Sanaa la Taifa (BASATA) wanaandaa Mkutano mkubwa wa sekta ya muziki Afrika (Music in Africa Conference). 

 Kikao hicho kimefanyika katika ofisi za Bodi ya Filamu zilizopo Barabara ya Kivukoni, Utumishi jijini Dar es salaam, ambapo Dkt. Abbasi amesema, Tanzania imeteuliwa kuwa mwenyeji wa mkutano huo utakaofanyika Novemba 24-26, 2022. 

"Mkutano huo unatarajiwa kuleta fursa mbalimbali za kukutana na wadau mbalimbali wa muziki kutoka Afrika na duniani kwa ujumla ambapo wasanii mbalimbali watapata nafasi ya kutumbuiza" amesema Dkt. Abbasi.

 Amewataka Wasanii na wadau wa muziki nchini kuthibitisha ushiriki wao kupitia mtandao wa @musicinafricaofficial

Kikao na mwakilishi wa Music in Africa Eddie Hatitye kilihudhuriwa pia na mwakilishi wa Shirikisho la Muziki nchini Fareed Kubanda “Fid Q” na mwakilishi wa vyama vya muziki kutoka Chama cha Muziki wa Kizazi Kipya nchini (TUMA), Mike T.

Read More →

OJADACT YATOA MAPENDEKEZO KUKOMESHA MATUKIO YA MAUAJI YANAYOENDELEA NCHINI NA KULETA HOFU KWA JAMII

 

TAARIFA  KWA UMMA

 MATUKIO  YA MAUAJI  YANAYOENDELEA  NCHINI    NA  KULETA   HOFU  KWA JAMII 

 Septemba 15, 2022

Chama  Cha  Waandishi wa Habari  za Kupiga Vita  Matumizi ya  Dawa za Kulevya  na Uhalifu  Tanzania (OJADACT) kinalaani   mwenendo wa matukio  ya mauaji yanayoendelea kwenye jamii na kusababisha  hofu  kwa jamii  pamoja  na kupoteza nguvu  kazi  ya  Taifa.

OJADACT inasikitika  kuona  matukio  hayo yakiendelea kutokea  na kuchafua  taswira  ya  Taifa  kwenye kulinda  amani  na usalama wa raia wake pamoja na kutumia  rasilimali   nyingi  za Taifa  kwenye  kupambana  na  vitendo  vya  kihalifu.

Baadhi  ya matukio yaliyotokea ni tukio  la  Septemba 14, 2022,  la mauaji  ya Mwanafunzi wa Chuo  Kikuu,  Maria Bosco  lililotokea  eneo  la  Kawe Mzimuni, Jijini  Dar es salaam lililofanywa  na vijana  zaidi  ya thelathini ambao  walitekeleza mauaji , kujeruhi na kupora  vitu mbalimbali  vikiwemo  simu  na fedha.

Tukio  jingine,  tukio  la  mauaji   ya  watu  wanne lililotokea Jijini Mbeya  ambapo Mwalimu wa Shule  ya  Msingi  Bwana Saimon Mtambo (44) alimkata  mapanga   mke wake  na watoto wake wawili  na kisha yeye  kunywa  sumu  na kupoteza Maisha.

Tukio  jingine,  tukio  lililotekea Mkoa wa Mtwara, ambapo Kijana  Kristatus  Victory (23) Mkazi wa Lukuledi Wilaya ya  Masasi anatuhumiwa kumuua  Baba  yake  Mzazi Victory  Milanzi (74)kwa madai ya kushindwa kumtafutia  mchumba wa kuoa.

Tukio jingine, tukio  la  Mkazi wa Kihesa Kilolo Mkoani Iringa Enea Mkimbo (55) aliyefariki  Dunia  baada  ya kujinyonga  kwa kutumia  kitenge  kwa madai  ya  kuzongwa na madeni ya  vikoba.

OJADACT imebainisha  matukio  haya  Machache  ikiwa ni sehemu  tu  ya  matukio  yanayoendelea  kwenye  jamii,  matukio   hayo yamekuwa yakisabishwa na sababu  mbalimbali ikiwemo, tamaa za kujipatia  fedha, wivu wa kimapenzi,  mmomonyoko  wa maadili , hali ngumu  ya maisha na  ushirikina  na mani  potofu  kwenye  jamii.

OJADACT inatoa  mapendekezo  yafuatayo.

1.      Kuundwa kwa mkakati  wa kitaifa wa  kuzuia  uhalifu   ili  kusaidia  kupunguza matukio haya  ya  mauaji  na  uhalifu mwingine kwa kuwaleta wadau pamoja na kuweka mikakati mahususi.

2.      Kuimarisha  maadili  ndani  ya  jamii  ili  kuwa na  jamii yenye  kuheshimu  utu na ubinadamu.

3.      Serikali  kupitia  taasisi zake za kupambana  na uhalifu  pamoja  na ustawi  wa jamii  kufanya  tafiti  za kutosha ili  kugundua chanzo  cha  mauaji  na uhalifu Nchini.

4.      Jeshi  la Polisi kuongeza  kasi  ya  kupambana na matukio  ya  kihalifu  hasa  vikundi  visivyo  rasmi  vinavyofanya  uhalifu.

5.      Vyombo  vya  habari na taasisi  za  kihabari kutengeneza maudhui yenye  kuhamasisha  watu  kutofanya  uhalifu  Zaidi  kuliko  kuripoti  matukio  ya  kihalifu Zaidi.

 *Edwin Soko* 

 *Mwenyekiti* 

 *OJADACT* 

 *15.09.2022*

Read More →

MIFUGO VAMIZI CHANGAMOTO YA UHIFADHI NCHINI

 

Na. Catherine Mbena/Iringa

Bodi ya Wadhamini ya Shirika la Hifadhi za Taifa Tanzania (TANAPA),tarehe 14 Septemba 2022 imefanya ziara ya kutembelea Hifadhi ya Taifa Ruaha mkoani Iringa kujionea athari za uvamizi wa mifugo katika eneo la Bonde la Ihefu . Katika ziara hiyo, Bodi ilishuhudia takribani mifugo zaidi ya laki Mbili ikiwa ndani ya hifadhi.

Awali, akiwasilisha taarifa ya Hifadhi kwa Bodi, Kamishna Msaidizi wa Uhifadhi Godwell Meing’ataki alibainisha kwamba operesheni iliyofanyika kwa siku mbili ilifanikiwa kukamata mifugo zaidi ya elfu moja na mia tisa katika eneo hilo la Ihefu na itaendelea kwa siku 10 zaidi kuanzia tarehe 13 septemba 2022 hadi tarehe 23 septemba 2022.

Akipokea taarifa hiyo, Mwenyekiti wa Bodi ya wadhamini ya TANAPA,
Jenerali (Mstaafu) George Waitara alisema “ leo tumejionea uvamizi mkubwa wa mifugo ndani ya Hifadhi ya Taifa Ruaha. Ikumbukwe hifadhi hizi ni mali yetu sote watanzania na ni sehemu ya uchumi wa Tanzania, wakati mifugo ni mali ya mtu mmoja mmoja. Hivyo ni jukumu letu kulinda hifadhi ambayo ni ya Watanzania wote kwa faida ya sasa na ya baadaye”

Aidha, Jenerali Waitara aliongeza kuwa mifugo itakuwa chanzo cha kufa kwa hifadhi zetu, kwani inaua mifumo ya Ikolojia na kuhatarisha kutoweka kwa wanyama na mimea. Hivyo ni muhimu hifadhi hizi zikalindwa kufa na kupona.

Naye Prof. Wineaster Anderson ambae ni mmoja wa wajumbe wa Bodi hiyo, alisema TANAPA ina wajibu mkubwa wa kulinda maliasili zilizomo hifadhini kwa faida ya Watanzania wote.


“Tuna wajibu mkubwa katika Taifa hili wa kulinda maliasili hizi pamoja na miradi ya kimkakati kama Bwawa la kuzalisha umeme la Mwalimu Nyerere ambalo linategemea maji kutoka vyanzo vilivyomo hifadhini Ruaha. Kiasi kikubwa cha fedha kimekwishatumika kujenga bwawa hilo na wananchi wana mategemeo makubwa ya kunufaika nalo.

Hivyo sisi tukishindwa kulinda hivi vyanzo vya maji tutadaiwa na Watanzania sio tu leo, bali hata baada ya maisha yetu hapa duniani” aliongeza Profesa Wineaster.

Kwa upande wake Mjumbe mwingine wa Bodi, Kamishna wa Polisi Nsato Marijani, alisisitiza kuongeza nguvu katika kufanya doria na kuendeleza operesheni ya kuwaondoa wavamizi wote katika eneo la hifadhi hiyo.

Naye Kamishna wa Uhifadhi wa TANAPA, William Mwakilema aliishukuru Bodi ya Wadhamini kwa kutembelea Hifadhi ya Taifa Ruaha kujionea changamoto kubwa ya uvamizi wa mifugo ambayo ni tishio kwa uhifadhi nchini.

Alibainisha kuwa endapo hapatakua na juhudi madhubuti na za dhati za kudhibiti mifugo, itapelekea kufa kwa hifadhi zetu ambazo ni tunu kwa Taifa, na zimekuwa zikituletea fedha, sifa na fahari ndani na nje ya nchi yetu.

Read More →

PESACO YAWATAKA WANAFUNZI KUJIEPUSHA NA MATUMIZI YASIYOSAHIHI YA KIMTANDAO

************************

SHIRIKA la PESACO katika utekelezaji wa mradi uitwao "the Impact of Cyberbullying on Adolescents" unaofadhiliwa na Womenfund leo Septemba 14,2022 wametembelea katika shule ya Sekondari Mugabe kutoa elimu ya masuala ya unyanyasaji wa kimtandao.

Akizungumza katika utekelezaji wa mradi huo, Afisa Mradi wa Cyberbullying on Adolescents chini ya Shirika la PESACO, Bi.Eva Mwambongo amesema wamewaeleza wanafunzi ni namna gani wanaweza kujiepusha na suala zima la unyanyaaji wa kimtandao.

Amesema unyanyasaji wa kimtandao unaweza ukasababisha kushuka kwa kiwango chao cha elimu shuleni pamoja na kuwafanya kuwa na matatizo ya kiakili na kihisia.

"Wanafunzi wanatakiwa kutunza taarifa zao binafsi na wasiweze kuwaamini watu ambao ni wageni na kutuma na kusambaza picha zao hovyo kunaweza kupelekea akakumbwa na unyanyasajiwa kimtandao". Amesema

Katika utekelezaji wa mradi huo katika shule ya Sekondari Mugabe walikuwa na wadau mbalimbali ambao wamewawezesha kufanikisha jambo hilo akiwemo Afisa Ustawi wa Jamii wa Wilaya ya Ubungo pamoja na mwakilishi kutoka jeshi la polisi.

Read More →

MAMA AJIUA KWA MADAI YA KUZIDIWA NA MADENI YA VIKOBA

Mkazi wa Kihesa Kilolo mkoani Iringa, Enea Mkimbo (55) amefariki dunia baada ya kujinyonga kwa kutumia kitenge kwa madai ya kuzongwa na madeni ya Vikoba.

Inadaiwa Septemba 13, 2022 wanakikundi wenzake walienda nyumbani kwake kudai madeni na ilipofika jioni akamuaga mumewe, Edward Sanga kuwa anakwenda nyumbani kwa mama yake mzazi na badala yake aliingia jikoni na kujitundika kitanzini hadi kufa.

ENDELEA KUSOMA <<HAPA>>

Via Mwananchi

Read More →